ശബരിമല സ്വര്ണ്ണക്കവര്ച്ചയില് ഉണ്ണികൃഷ്ണന് പോറ്റിയെ അറസ്റ്റ് ചെയ്യാന് സാധ്യത; രഹസ്യ കേന്ദ്രത്തില് എത്തിച്ച് ചോദ്യം ചെയ്യല് നടത്തുന്നു ; സ്വര്ണപ്പാളി ഏറിയ ദിവസം സൂക്ഷിച്ചത് ഹൈദരാബാദില്
പത്തനംതിട്ട: ശബരിമല സ്വര്ണ്ണക്കവര്ച്ചയില് ഉണ്ണികൃഷ്ണന് പോറ്റിയെ അറസ്റ്റ് ചെയ്യാന് സാധ്യത. എസ്ഐടി സംഘം കസ്റ്റഡിയില് എടുത്ത് രഹസ്യ കേന്ദ്രത്തില് എത്തിച്ച് ചോദ്യം ചെയ്യല് നടത്തുകയാണ്. ശബരിമലയില് നിന്നും ബാംഗ്ലൂര് എത്തിച്ച സ്വര്ണപ്പാളി ഏറിയ ദിവസം സൂക്ഷിച്ചത് ഹൈദരാബാദിലാണ് എന്നാണ് അന്വേഷണ സംഘത്തിന്റെ കണ്ടെത്തല്.
ഉണ്ണികൃഷ്ണന് പോറ്റിയുടെ സുഹൃത്ത് അനന്ത സുബ്രമണ്യം സ്മാര്ട്ട് ക്രിയേഷന്സ് സിഇഒയുടെ ഉടമസ്ഥതയില് എന്ന് സംശയിക്കുന്ന ഹൈദരാബാദിലെ സ്ഥാപനത്തിലും അന്വേഷണം നടത്തും. സ്മാര്ട്ട് ക്രിയേഷന്സിന്റെ ഇടപാടുകളിലെ ദുരൂഹത സംശയിക്കുന്ന അന്വേഷണസംഘം തുടര് അന്വേഷണത്തില് സ്ഥാപന അധികാരികളെയും പ്രതിചേര്ത്തേക്കും.
സ്മാര്ട്ട് ക്രിയേഷന്സില് നിലവില് നടത്തിയ പരിശോധനയില് ഫയലുകള് കണ്ടെത്താന് ആയിട്ടില്ല. ദേവസ്വം വിജിലന്സിന്റെ റിപ്പോര്ട്ടിന്റെ അടിസ്ഥാനത്തില് സര്വ്വീസില് ഉള്ളവരും വിഉള്ളവരും വിരമിച്ചവരുമായ ഉദ്യോഗസ്ഥര്ക്കെതിരെ തിരുവിതാംകൂര് ദേവസ്വം ബോര്ഡ് ഇതിനകം ശക്തമായ നടപടി സ്വീകരിച്ചിട്ടുണ്ട്.
