തിരുവനന്തപുരം: വർക്കലയില്‍ ഇരുചക്ര വാഹനത്തില്‍ ബസിടിച്ച്‌ സ്ത്രീ മരിച്ചു.വർക്കല റെയില്‍വേ സ്റ്റേഷന് സമീപമാണ് അപകടം.
അഞ്ചുതെങ്ങ് കോവില്‍തോട്ടം സ്വദേശി പ്രതിഭയാണ് (44) മരിച്ചത്. എതിർദിശയില്‍ നിന്ന് വന്ന സ്വകാര്യബസാണ് ബൈക്കില്‍ ഇടിച്ചത്.
മകളെ റെയില്‍വേ സ്റ്റേഷനില്‍ ആക്കാൻ ബൈക്കില്‍ എത്തിയ മൂന്നംഗ കുടുംബമാണ് അപകടത്തില്‍പ്പെട്ടത്. പ്രതിഭയുടെ ഭർത്താവ് വിജയകുമാർ, മകള്‍ വിഷ്ണുപ്രിയ എന്നിവർക്ക് ഗുരുതരമായി പരിക്കേറ്റു.
