ട്രാക്ടറില്‍ അഭ്യാസപ്രകടനം നടത്തിയ യൂട്യൂബറിന് ദാരുണാന്ത്യം.ട്രാക്ടറില്‍ അഭ്യാസ പ്രകടനങ്ങള്‍ ചിത്രീകരിച്ച്‌ സോഷ്യല്‍ മീഡിയയില്‍ പങ്കുവയക്കുന്ന പ്രശ്സ്ത യൂട്യൂബർ നിഷു ദേശ്വാളാണ് മരിച്ചത്.
ഹരിയാനയിലെ പാനിപ്പത്ത് സ്വദേശിയാണ് നിഷു. ട്രാക്ടറില്‍ അഭ്യാസപ്രകടനം നടത്തുന്നതിനിടെയാണ് മരണം സംഭവിച്ചത്. ട്രാക്ടറിന്റെ മുൻ ചക്രങ്ങള്‍ വായുവിലേക്ക് ഉയർത്തി പിൻ ചക്രങ്ങളില്‍ വാഹനം ബാലൻസുചെയ്യുന്ന നിരവധി വീഡിയോകള്‍ യുവാവ് പങ്കുവച്ചിട്ടുണ്ട്.
സമാന രീതിയില്‍ ഫെബ്രുവരി 28ന് നടത്തിയ അഭ്യാസപ്രകടനമാണ് ദുരന്തത്തില്‍ കലാശിച്ചത്. വായുവിലേക്ക് ഉയർന്ന ട്രാക്ടർ നിയന്ത്രണം നഷ്ടപ്പെട്ട് പുറകോട്ട് മറിഞ്ഞതാണ് മരണത്തിന് കാരണം.
