ട്രെന്‍ഡ് സെറ്ററായി മാറികൊണ്ടിരിക്കുന്ന ഗാനമാണ് തമന്നയുടെ ‘കാവാലായ’ ഗാനം. അതിമനോഹരമായ നൃത്തചുവടുകളിലൂടെ പ്രേക്ഷകരെ മുഴുവന്‍ തമന്ന കൈയിലെടുത്തെന്ന് തന്നെ പറയാം. തമന്നയും സൂപ്പര്‍ സ്റ്റാര്‍ രജനികാന്തും വേഷമിടുന്ന ജയിലര്‍ സിനിമയിലെ ഗാനമാണിത്. ഇന്‍സ്റ്റഗ്രാമില്‍ മുഴുവന്‍ ഈ ഗാനത്തിനൊപ്പം ചുവടുവയ്ക്കുന്നവരുടെ റീലുകള്‍ മാത്രമാണ് കാണാനുള്ളത്.
പ്രായഭേദമന്യേ എല്ലാവരും റീല്‍സിനൊപ്പം ചുവട് വയ്ക്കുന്നു എന്നതാണ് മറ്റൊരു പ്രത്യേകത. സെലിബ്രിറ്റികള്‍ മുതല്‍ സാധാരണക്കാര്‍ വരെ നൃത്തം ചെയ്യുന്ന ഇതുവരെ ദശലക്ഷകണക്കിന് ആളുകളാണ് കണ്ടത്. ഇപ്പോഴിതാ ഈ ഗാനത്തിന് ചുവടുവയ്ക്കുന്ന ഒരു കൊച്ചു മിടുക്കന്റെ വീഡിയോയാണ് സോഷ്യല്‍ മീഡിയയില്‍ വൈറലാകുന്നത്.
സ്‌കൂള്‍ യൂണിഫോമില്‍ ഒരു കൂട്ടം കുട്ടികളാണ് ഗാനത്തിനൊപ്പം ചുവടുവയ്ക്കുന്നത്. സ്‌കൂളിലെ ഏതോ പരിപാടിയ്ക്ക് ശേഷമാണ് ഈ ഗാനം വേദിയില്‍ നിന്ന് കേള്‍ക്കുന്നത്. പാട്ട് കേട്ട ഉടന്‍ തന്നെ ഒരു കൂട്ടം വിദ്യാര്‍ത്ഥികള്‍ ഗാനത്തില്‍ തമന്ന ചെയ്യുന്ന അതേ സ്റ്റെപ്പുകള്‍ അനുകരിക്കാനും തുടങ്ങി. എല്ലാവരും കളിക്കുന്നുണ്ടെങ്കിലും ക്യാമറ കണ്ണുകള്‍ പോയത് ഇവരുടെ മധ്യത്തില്‍ നിന്ന് കളിക്കുന്ന ഒരു മിടുക്കനിലേക്കാണ്.
View this post on Instagram
ഒരു പേടിയും മടിയുമില്ലാതെ ഏറെ രസകരമായാണ് ആ കുട്ടി നൃത്ത ചുവടുകള്‍ വയ്ക്കുന്നത്. പാട്ടിലുള്ളത് പോലെ അതേ ചുവടുകള്‍ തെറ്റാതെ കളിക്കുന്നുണ്ടെന്നതാണ് മറ്റൊരു പ്രത്യേകത. എന്തായാലും സംഗതി സോഷ്യല്‍ മീഡിയയില്‍ വമ്പന്‍ ഹിറ്റായി കഴിഞ്ഞു. ഏത് സ്ഥലത്ത് നിന്നുള്ള വീഡിയോ ആണെന്നോ ഏത് സ്‌കൂളാണെന്നോ വ്യക്തമല്ല. ബലറാം എന്ന വ്യക്തിയുടെ ഇന്‍സ്റ്റഗ്രാം പേജിലൂടെ ആണ് വീഡിയോ പുറത്ത് വന്നിരിക്കുന്നത്. ഒരു മില്യണില്‍ അധികം ആളുകള്‍ ഇതിനോടകം വീഡിയോ കണ്ട് കഴിഞ്ഞു.
