Month: February 2023
-
Feature
അംബാനിയുടെ റിലയൻസിനെ മുട്ടുകുത്തിച്ച് ചങ്ങാനാശേരിക്കാരൻ! റിലയൻസ് സ്മാർടിന്റെ കസ്റ്റമര്‍ കെയറില്‍ പരാതി പറഞ്ഞപ്പോ മറുപടി എന്നാ താന്‍ കേസു കൊട്; ഒടുവിൽ സംഭവിച്ചത്
കോട്ടയം: രാജ്യത്തെ ഏറ്റവും വലിയ റീട്ടെയ്ല്‍ വില്‍പന സ്ഥാപനത്തെ മുട്ടുകുത്തിച്ച് മലയാളിയായ സാധാരണക്കാരൻ. വെളിച്ചെണ്ണയ്ക്ക് അമിത വില ഈടാക്കിയ ചങ്ങനാശേരിയിലെ റിലയന്‍സ് സ്മാര്‍ട് സൂപ്പര്‍മാര്‍ക്കറ്റിനെതിരെയായിരുന്നു പോരാട്ടം. ഒന്നര വര്‍ഷത്തോളം സ്വയം കേസ് വാദിച്ച വിനോജ് ആന്റണി ജയിച്ചു. റിലയൻസിൽ നിന്ന് പതിനായിരം രൂപ നഷ്ടപരിഹാരം ഈടാക്കി വിനോജിന് നൽകാൻ കോടതി ഉത്തരവിട്ടു. ചങ്ങനാശേരി മാമ്മൂടുകാരന്‍ വിനോജ് ആന്‍റണിയും റിലയൻസ് സ്മാർട് കമ്പനിയും തമ്മിലെ നിയമ പോരാട്ടങ്ങളുടെ തുടക്കം 2021 സെപ്റ്റംബര്‍ 7നാണ്. ചങ്ങനാശേരി പാറേപ്പളളിക്കടുത്തുളള റിലയന്‍സ് സ്മാര്‍ട്ട് സൂപ്പര്‍മാര്‍ക്കറ്റില്‍ നിന്ന് വിനോജ് ഒരു ലിറ്റർ വെളിച്ചെണ്ണ വാങ്ങിയിരുന്നു. കവറില്‍ 235 രൂപ എംആര്‍പി വില രേഖപ്പെടുത്തിയിരുന്ന വെളിച്ചെണ്ണയ്ക്ക് വിനോജില്‍ നിന്ന് സൂപ്പർമാർക്കറ്റ് ജീവനക്കാർ ഈടാക്കിയത് 238 രൂപയായിരുന്നു. ചോദ്യം ചെയ്തപ്പോള്‍ ജീവനക്കാര്‍ വിനോജിനെ കടയില്‍ നിന്ന് ഇറക്കിവിടുകയാണ് ചെയ്തത്. ഇത് സംബന്ധിച്ച് റിലയൻസ് സ്മാർടിന്റെ കസ്റ്റമര്‍ കെയറില്‍ പരാതി പറഞ്ഞപ്പോ എന്നാ താന്‍ കേസു കൊട് എന്ന ലൈനിലായിരുന്നു മറുപടി. കോട്ടയത്തെ…
Read More » -
Crime
ഒട്ടുപാൽ മോഷണം: പള്ളിക്കത്തോട്ടിൽ രണ്ടുപേർ അറസ്റ്റിൽ
പള്ളിക്കത്തോട്: ഒട്ടുപാൽ മോഷണ കേസിൽ രണ്ട് യുവാക്കളെ പോലീസ് അറസ്റ്റ് ചെയ്തു. മൂന്നിലവ് മേച്ചാൽ ഭാഗത്ത് കിഴക്കേപ്പറമ്പിൽ വീട്ടിൽ ജോൺ മകൻ ഗോഡ്‌വിന്‍ കെ.ജോൺ (28), ആനിക്കാട് മുക്കാലി ഭാഗത്ത് പൊട്ടൻപ്ലാക്കൽ വീട്ടിൽ രാജു മകൻ മോബിൻ രാജു (28) എന്നിവരെയാണ് പള്ളിക്കത്തോട് പോലീസ് അറസ്റ്റ് ചെയ്തത്. ഇന്നലെ രാവിലെ ജില്ലാ പോലീസ് മേധാവി കെ.കാര്‍ത്തിക്കിന്റെ നേതൃത്വത്തിലുള്ള പോലീസ് സംഘം നെടുമാവ് ഭാഗത്ത് വാഹന പരിശോധന നടത്തുന്നതിനിടെ ഇരുവരെയും സ്കൂട്ടറിൽ മോഷ്ടിച്ച ഒട്ടുപാലുമായി പിടികൂടുകയായിരുന്നു. വിദേശത്തുള്ള പള്ളിക്കത്തോട് സ്വദേശിയുടെ പണിപൂർത്തിയാകാത്ത പുരയിടത്തിൽ സൂക്ഷിച്ചിരുന്ന ഒട്ടുപാലാണ് ഇവർ മോഷ്ടിച്ചു കൊണ്ടുപോയത്. ഇതിനു മുൻപും ഇവിടെ നിന്ന് ഒട്ടുപാൽ മോഷ്ടിച്ചുകൊണ്ട് പോയതായി ഇവർ പോലീസിനോട് പറഞ്ഞു. ഇവരുടെ സ്കൂട്ടറിൽ നിന്നും പ്ലാസ്റ്റിക് ചാക്കിൽ നിറച്ച നിലയിലാണ് 20 കിലോ തൂക്കമുള്ള ഒട്ടുപാൽ കണ്ടെടുത്തത്. പള്ളിക്കത്തോട് സ്റ്റേഷൻ എസ്.എച്ച്. ഓ. അജീബ് ഇ, എ.എസ്.ഐ ജയചന്ദ്രൻ, സി.പി.ഓ മാരായ സക്കീർ, രഞ്ജിത്ത്, പ്രദോഷ് എന്നിവർ ചേർന്നാണ്…
Read More » -
Crime
മെഡിക്കൽ കോളജ് ആശുപത്രിയിൽ അറ്റൻഡർ ജോലി വാഗ്ദാനം ചെയ്ത് വീട്ടമ്മയുടെ സ്വർണമാല കവർന്ന കേസിൽ യുവാവ് പിടിയിൽ
കോട്ടയം: മെഡിക്കൽ കോളേജ് ആശുപത്രിയിൽ അറ്റൻഡർ ജോലി വാഗ്ദാനം ചെയ്ത് വീട്ടമ്മയുടെ സ്വർണമാല തട്ടിയെടുത്ത കേസിൽ ഒരാളെ പോലീസ് അറസ്റ്റ് ചെയ്തു. വൈക്കം ടോൾ ജംഗ്ഷൻ ഭാഗത്ത് കുറ്റിക്കാട്ടിൽ വീട്ടിൽ കെ.എസ് രാജൻ മകൻ അനൂപ് കെ.ആർ (38) എന്നയാളെയാണ് ഗാന്ധിധാർ പോലീസ് അറസ്റ്റ് ചെയ്തത്. ഇയാൾ കഴിഞ്ഞ വര്‍ഷം കോതനെല്ലൂർ സ്വദേശിയായ വീട്ടമ്മയ്ക്ക് കോട്ടയം മെഡിക്കൽ കോളേജ് ആശുപത്രിയിൽ അറ്റൻഡർ ജോലി വാങ്ങിക്കൊടുക്കാമെന്നു പറഞ്ഞു വിശ്വസിപ്പിച്ച ശേഷം, ആശുപത്രിയിലേക്ക് വിളിച്ചു വരുത്തുകയും അറ്റൻഡർ ജോലിക്ക് മെഡിക്കൽ പരിശോധന ആവശ്യമാണെന്നും പരിശോധന സമയം ആഭരണം ധരിക്കാൻ പാടില്ല എന്നും പറഞ്ഞു വീട്ടമ്മയുടെ കഴുത്തിൽ ധരിച്ചിരുന്ന ഒന്നര പവൻ മാല ഊരി വാങ്ങിയതിനു ശേഷം ഗസറ്റഡ് റാങ്കിലുള്ള ഡോക്ടർ വന്നിട്ടുണ്ടോയെന്ന് അന്വേഷിച്ചുവരാം എന്നുപറഞ്ഞ് മാലയുമായി കടന്നുകളയുകയായിരുന്നു. ജില്ലാ പോലീസ് മേധാവി കെ.കാർത്തിക്കിന്റെ നേതൃത്വത്തിൽ വിവിധ കേസുകളിൽ പെട്ട് ഒളിവിൽ കഴിഞ്ഞുവരുന്ന പ്രതികളെ പിടികൂടുന്നതിന് വേണ്ടി പ്രത്യേക അന്വേഷണസംഘം രൂപീകരിച്ച് തിരച്ചിൽ ശക്തമാക്കിയിരുന്നു. ഇതിനെ…
Read More » -
Crime
കാറിൽ കറങ്ങി നടന്ന് കടകൾ കേന്ദ്രീകരിച്ച് മോഷണം; മധ്യവയസ്കൻ പിടിയിൽ
വെള്ളൂർ: കടകൾ കേന്ദ്രീകരിച്ച് മോഷണം നടത്തിവന്നിരുന്നയാളെ പോലീസ് അറസ്റ്റ് ചെയ്തു. കണ്ണൂർ എടക്കാട് തോട്ടട ഭാഗത്ത് റാഷി വീട്ടിൽ മുഹമ്മദ് സാജിദ് (51) എന്നയാളെയാണ് വെള്ളൂർ പോലീസ് അറസ്റ്റ് ചെയ്തത്. ഇയാൾ ഇരുപത്തിയൊന്നാം തീയതി മൂന്നുമണിയോടുകൂടി വെള്ളൂർ അവർമ്മ എന്ന സ്ഥലത്ത് പ്രവർത്തിക്കുന്ന പലചരക്ക് കടയിൽ നിന്നും മുപ്പതിനായിരം രൂപ മോഷ്ടിച്ച് കടന്നു കളയുകയായിരുന്നു. ഉടമ കടയിൽ നിന്നും പുറത്തിറങ്ങിയ സമയം നോക്കി ഇയാൾ കടയിൽ കയറി മോഷണം നടത്തുകയായിരുന്നു. ഉടമയുടെ പരാതിയെ തുടർന്ന് വെള്ളൂർ പോലീസ് കേസ് രജിസ്റ്റർ ചെയ്യുകയും ജില്ലാ പോലീസ് മേധാവി കെ.കാർത്തിക്കിന്റെ നേതൃത്വത്തിലുള്ള അന്വേഷണസംഘം ശാസ്ത്രീയമായ പരിശോധനയിലൂടെ ഇയാളാണ് മോഷ്ടവെന്ന്‍ കണ്ടെത്തുകയും ,തുടര്‍ന്ന് ഇയാളെ എറണാകുളം മുളന്തുരുത്തിയിൽ നിന്നും പിടികൂടുകയായിരുന്നു. ഇയാൾക്ക് പയ്യോളി, പിണറായി, കായംകുളം, മാള, കളമശ്ശേരി, ഊന്നുകൽ എന്നീ സ്റ്റേഷനുകളിലായി സമാന രീതിയിലുള്ള നിരവധി മോഷണ കേസുകൾ നിലവിലുണ്ട്. ഇയാൾ പകൽ സമയം കാറിൽ കറങ്ങി നടന്ന് കടകൾ കേന്ദ്രീകരിച്ചായിരുന്നു മോഷണം നടത്തിയിരുന്നത്.…
Read More » -
Crime
ചെങ്ങളത്ത് വീട് കയറി ആക്രമണം: രണ്ടുപേർ അറസ്റ്റിൽ, മറ്റു പ്രതികൾക്ക് വേണ്ടി തിരച്ചിൽ ശക്തമാക്കി
കുമരകം: ചെങ്ങളത്ത് ഗൃഹനാഥന്റെ വീട് കയറി ആക്രമിച്ച കേസിൽ രണ്ടുപേരെ പോലീസ് അറസ്റ്റ് ചെയ്തു. ചെങ്ങളം മറീന തിയറ്റർ ഭാഗത്ത് സ്നേഹഭവൻ വീട്ടിൽ തമ്പി മകൻ ബിനു തമ്പി (52), ചെങ്ങളം മറീന തിയറ്റർ ഭാഗത്ത് കളരിക്കൽ വീട്ടിൽ സുരേഷ് കുമാർ മകൻ കണ്ണൻ എന്ന് വിളിക്കുന്ന അനന്തു കെ സുരേഷ് (22) എന്നിവരെയാണ് കുമരകം പോലീസ് അറസ്റ്റ് ചെയ്തത്. ഇവരും സുഹൃത്തുക്കളും ചേർന്ന് കഴിഞ്ഞദിവസം രാത്രി ചെങ്ങളം എൻ.എസ്.എസ് കരയോഗം ഭാഗത്തുള്ള വീട്ടിൽ കയറി ഗൃഹനാഥനെയും ഭാര്യയെയു, മകനെയും ചീത്ത വിളിക്കുകയും ആക്രമിക്കുകയുമായിരുന്നു. ഇവർ തമ്മിൽ മുൻ വൈരാഗ്യം നിലനിന്നിരുന്നു. ഇതിന്റെ തുടർച്ചയെന്നോണമാണ് ഇവർ വീട്ടിൽ കയറി ഗൃഹനാഥനെയും കുടുംബത്തെയും ആക്രമിച്ചത്. പരാതിയെ തുടർന്ന് കുമരകം പോലീസ് കേസ് രജിസ്റ്റർ ചെയ്യുകയും ജില്ലാ പോലീസ് മേധാവി കെ.കാർത്തിക്കിന്റെ നേതൃത്വത്തിലുള്ള അന്വേഷണസംഘം ഇവരെ പിടികൂടുകയുമായിരുന്നു. കുമരകം സ്റ്റേഷൻ എസ്.എച്ച്.ഓ ബിൻസ് ജോസഫ്, എസ്.ഐ. സുരേഷ്, എ.എസ്.ഐ സുനിൽ,സി.പി.ഓമാരായ രാജു, അഭിലാഷ് എന്നിവരും…
Read More » -
Business
ഒറ്റത്തവണ നിക്ഷേപത്തിലൂടെ, മാസത്തിൽ പെൻഷൻ ഉറപ്പാക്കുന്ന എൽഐസിയുടെ കിടിലൻ നിക്ഷേപ പദ്ധതിയെ കുറിച്ചറിയാം
നിക്ഷേപം തുടങ്ങിയാൽ നേട്ടം എപ്പോൾ തിരിച്ചുകിട്ടുമന്ന ആശങ്ക മിക്കവർക്കുമുള്ളതാണ്. എന്നാൽ എൽഐസി സരൾ പെൻഷൻ പ്ലാനിൽ നിക്ഷേപം തുടങ്ങിയാൽ നിശ്ചിത തുക തിരികെ ലഭിക്കുന്നതിന് അധികം കാത്തിരിക്കേണ്ടിവരില്ല. കാരണം ഒറ്റത്തവണ നിക്ഷേപത്തിലൂടെ, മാസത്തിൽ പെൻഷൻ ഉറപ്പാക്കുന്ന നിക്ഷേപപദ്ധതിയാണ് എൽഐസി സരൾ പെൻഷൻ പ്ലാൻ. അതായത് ഒരു നിശ്ചിതതുകയുടെ പോളിസി എടുത്താൽ സ്ഥിരവരുമാനം ലഭിക്കും. നിക്ഷേപകന് പദ്ധതിതുകയുടെ 100 ശതമാനം തിരികെ ലഭിക്കുകയും ചെയ്യും. 40 വയസ്സാണ് പോളിസിയിൽ ചേരാനുള്ള കുറഞ്ഞ പ്രായപരിധി. 80 വയസ്സുവരെ പദ്ധതിയിൽ അംഗമാകാം. പ്ലാൻ വാങ്ങി ആറ് മാസം പൂർത്തിയായാൽ പോളിസി ഉടമയ്ക്ക് വായ്പയെടുക്കാനുള്ള സൗകര്യവും ലഭിക്കുന്നതാണ്. ജോയിന്റ് ലൈഫ് ആന്വുറ്റിയാണെങ്കിൽ ഒരാൾക്ക് മാത്രമേ വായ്പ ലഭിക്കുകയുള്ളു. ഓഹരി വിപണിയുമായി ബന്ധമില്ലാത്ത നോൺലിങ്ക്ഡ് പ്ലാനാണിത്. നിങ്ങൾക്ക് പരിചയമുള്ള എൽഐഎസി ഏജന്റ് വഴിയോ, അടുത്തുള്ള എൽഐസിഓഫീസ് സന്ദർശിച്ചോ പദ്ധതിയിൽ അംഗമാകാം. അല്ലെങ്കിൽ www.lic.in എന്ന വെബ്സൈറ്റ് വഴി ഓൺലൈനായും സരൾ പെൻഷൻ പദ്ധതിയിൽ ചേരാം. എൽഐസി സരൾ പെൻഷൻ…
Read More » -
India
നാട്ടിലിറങ്ങിയ പുള്ളിപ്പുലിയെ പിടികൂടാൻ കൂട് സ്ഥാപിച്ചു; പക്ഷേ കൂട്ടിൽ കുടുങ്ങിയത് യുവാവ്
ലഖ്നൗ: പുള്ളിപ്പുലിയെ പിടികൂടാൻ സ്ഥാപിച്ച കൂട്ടിൽ യുവാവ് അകപ്പെട്ടു. ഉത്തർപ്രദേശിലെ ബുലന്ദ്ഷഹറിലെ ഗ്രാമത്തിലാണ് സംഭവമുണ്ടായത്. പുള്ളിപ്പുലിയെ പിടിയ്ക്കാൻ സ്ഥാപിച്ച കെണിയിൽ ഇയാൾ അകപ്പെടുകയായിരുന്നു. പുലിക്കെണിയിലെ പൂവൻകോഴിയെ പിടികൂടാൻ ഇയാൾ കൂട്ടിൽ കയറിയപ്പോൾ അകപ്പെടുകയായിരുന്നുവെന്ന് വനംവകുപ്പ് ഉദ്യോഗസ്ഥർ വാർത്താ ഏജൻസിയായ എഎൻഐയോട് പറഞ്ഞു. കോഴിയെ എടുക്കാൻ ശ്രമിച്ചപ്പോൾ കൂട് അടയുകയായിരുന്നു. ഗ്രാമത്തിൽ പുലി അലഞ്ഞിതിരിയുന്നുണ്ടെന്ന് വ്യക്തമായതോടെ പുലിയെ കുടുക്കാൻ കൂട് സ്ഥാപിക്കുകയായിരുന്നെന്ന് വനം വകുപ്പ് ഓഫീസർ രാധേഷ്യം എഎൻഐയോട് പറഞ്ഞു. #WATCH | Uttar Pradesh: A man got stuck in a cage, installed to nab a leopard, in Basendua village of Bulandshahr dist. Forest Dept says that the man had entered the cage to get a rooster that was kept there as bait for the leopard. (Video: viral video confirmed by Forest…
Read More » -
India
രാജ്യത്ത് സമസ്ത മേഖലകളിലും അഴിമതി കാരണം സാധാരണക്കാർ പൊറുതിമുട്ടുന്നു, അഴിമതി തടയാൻ ആരെയെങ്കിലും ഉത്തരവാദികൾ ആക്കേണ്ട സമയം അതിക്രമിച്ചെന്ന് സുപ്രീംകോടതി
ദില്ലി: രാജ്യത്ത് സാധാരണക്കാർ അഴിമതി കാരണം പൊറുതിമുട്ടിയ അവസ്ഥയിലെന്ന് സുപ്രീംകോടതി. സമസ്ത മേഖലകളിലും അഴിമതി തടയാൻ ആരെയെങ്കിലും ഉത്തരവാദികൾ ആക്കേണ്ട സമയം അതിക്രമിച്ചതായും കോടതി അഭിപ്രായപ്പെട്ടു. ക്രിമിനൽ കേസുകളിൽ കുറ്റം ചുമത്തപ്പെട്ടവരെ തെരഞ്ഞെടുപ്പുകളിൽ മത്സരിക്കുന്നതിൽ നിന്നും വിലക്കണമെന്ന് ആവശ്യപ്പെട്ടുള്ള ഹർജി പരിഗണിക്കുക ആയിരുന്നു സുപ്രീംകോടതി. രാജ്യത്തെ സാധാരണക്കാർ അഴിമതി കാരണം ബുദ്ധിമുട്ടുകയാണ്. ഏതെങ്കിലും സർക്കാർ ഓഫീസിൽ പോയിട്ടുള്ള ആർക്കും ഈ ദുരനുഭവം ഉണ്ടാകും. രാജ്യം പഴയ മൂല്യങ്ങളിലേക്കും സംസ്കാരത്തിലേക്കും മടങ്ങിയാൽ മാത്രമേ മാറ്റങ്ങൾ ഉണ്ടാവുകയുള്ളുവെന്ന് ജസ്റ്റിസ്‌ കെ എം ജോസഫ് അദ്ധ്യക്ഷനായ ബെഞ്ച് നിരീക്ഷിച്ചു. കുറ്റങ്ങൾ ചുമത്തപ്പെട്ടാൽ ഒരാൾക്ക് ചെറിയ സർക്കാർ ജോലി പോലും കിട്ടാൻ സാധ്യത ഇല്ലെന്നിരിക്കേ, തെരെഞ്ഞെടുപ്പുകളിൽ മത്സരിക്കാൻ സാധിക്കുമെന്നത് പരിശോധിക്കണമെന്ന് ഹർജിക്കാരനായ അശ്വിനി ഉപാധ്യായ ആവശ്യപ്പെട്ടു. രാജ്യത്ത് ജനാധിപത്യത്തിന്റെ പേരിൽ നടക്കുന്ന കാര്യങ്ങളെ കുറിച്ച് ഒന്നും പറയാതിരിക്കുന്നതാണ് നല്ലതെന്ന് ജസ്റ്റിസ്‌ ജോസഫ് പ്രതികരിച്ചു. ഹർജി വിശദവാദത്തിന് ഏപ്രിൽ 10 ലേക്ക് മാറ്റി.
Read More » -
LIFE
അക്ഷയ് കുമാര്‍ എന്തിന് കനേഡിയന്‍ പൗരത്വം എടുത്തു ? ആ രഹസ്യം താരം വെളിപ്പെടുത്തി
ദില്ലി: കനേഡിയന്‍ പൗരന്‍ എന്ന വിമര്‍ശനം എപ്പോഴും കേള്‍ക്കുന്നയാളാണ് ബോളിവുഡ് സൂപ്പര്‍താരം അക്ഷയ് കുമാര്‍. ഇത്തരത്തില്‍ തനിക്കെതിരെ ഉയരുന്ന വിമര്‍ശനത്തില്‍ മറുപടി നല്‍കുകയാണ് താരം. താന്‍ ഉടന്‍ കനേഡിയന്‍ പാസ്പോര്‍ട്ട് ഉപേക്ഷിക്കുമെന്ന് പറഞ്ഞ താരം. അതിനുള്ള നടപടികള്‍ ആരംഭിച്ചിട്ടുണ്ടെന്നും അക്ഷയ് കുമാര്‍ പറഞ്ഞു. ഇന്ത്യയാണ് എനിക്ക് എല്ലാം. ഞാന്‍ സമ്പാദിച്ചതെല്ലാം ഇവിടെ നിന്നാണ്. തിരികെ നല്‍കാനുള്ള അവസരം ലഭിച്ചതാണ് ഇതെന്നാണ് താരം ഇതിനെ വിശേഷിപ്പിക്കുന്നത്. താന്‍ എന്തുകൊണ്ട് കനേഡിയന്‍ പൗരത്വം എടുത്തുവെന്നും ആജ് തക്കിന് നല്‍കിയ അഭിമുഖത്തില്‍ അക്ഷയ് കുമാര്‍ പറയുന്നുണ്ട്. തൊണ്ണൂറുകളില്‍ എന്‍റെ 15 പടത്തോളം പരാജയപ്പെട്ടു. നമ്മുടെ നാട്ടിലെ പലരും വിദേശത്ത് ജോലിക്ക് പോകാറുണ്ട്. ചിലര്‍ ദുബായി, ഓസ്ട്രേലിയ, ന്യൂസിലാന്‍റ് ഇങ്ങനെ. അത്തരത്തില്‍ എന്‍റെ ഒരു സുഹൃത്ത് കാനഡയില്‍ ഉണ്ടായിരുന്നു. അയാളാണ് എന്നെ അവിടേക്ക് എത്തിച്ചത്. സിനിമ നന്നായി പോകുന്നില്ലെങ്കിലും എന്തെങ്കിലും ജോലി ചെയ്യണമല്ലോ. അത്തരത്തില്‍ അവിടെ അപേക്ഷിച്ചു അത് ലഭിച്ചു. അവിടെ ഞാന്‍ ജോലിയും കണ്ടെത്തി. അതേ…
Read More » -
Crime
അടിമാലിയിൽ ആദിവാസി യുവാവിനെ മർദ്ദിച്ച കേസിൽ സിപിഎം ബ്രാഞ്ച് സെക്രട്ടറി ഉൾപ്പെടെ രണ്ടു പേർ അറസ്റ്റിൽ
ഇടുക്കി : അടിമാലിയിൽ ആദിവാസി യുവാവിനെ മർദ്ദിച്ച കേസിൽ സിപിഐഎം ബ്രാഞ്ച് സെക്രട്ടറി ഉൾപ്പെടെ രണ്ടു പേർ അറസ്റ്റിൽ. സിപിഐഎം അടിമാലി ലോക്കൽ കമ്മിറ്റിക്ക്‌ കീഴിലുള്ള സൽക്കാര ബ്രാഞ്ച് സെക്രട്ടറി കോച്ചേരിൽ സഞ്ജു, മന്നാംകാല സ്വദേശി ജസ്റ്റിൻ എന്നവരാണ് പിടിയിലായത്. എസ് സി- എസ് ടി കമ്മീഷൻ റിപ്പോർട്ട് തേടിയതിന് പിന്നാലെ പൊലീസ് ഇന്നലെയാണ് കേസെടുത്തത്. സംഭവത്തിനു ശേഷം പൂപ്പാറയിലെ ഒരു തോട്ടത്തിൽ പണിക്കായി പോയ മർദ്ദനമേറ്റ വിനീതിനെ അടിമാലി സിഐയുടെ നേതൃത്വത്തിലുള്ള സംഘം കണ്ടെത്തി മൊഴി രേഖപ്പെടുത്തി. അടിമാലി സ്വദേശികളായ ജസ്റ്റിനും, സഞ്ജുവും ഉത്സവപ്പറമ്പിൽ വച്ച് ക്രൂരമായി മർദ്ദിച്ചുവെന്നാണ് മൊഴി. ഇതിനു പിന്നാലെയാണ് എസ് സി -എസ് ടി പീഡന നിരോധന നിയമം അടക്കമുള്ള വകുപ്പുകൾ ചുമത്തി അടിമാലി പൊലീസ് കേസെടുത്തത്. പ്രതികളിൽ ഒരാളായ ജസ്റ്റിനെ ഇന്ന് രാവിലെ ഇയാളുടെ വീട്ടിൽ നിന്ന് പൊലിസ് പിടികൂടി. ഒളിവിൽ ആയിരുന്ന സഞ്ജു വൈകിട്ട് അടിമാലി പൊലീസ് സ്റ്റേഷനിൽ കീഴടങ്ങുകയായിരുന്നു. . പ്രതികളെ കോടതിയിൽ…
Read More »