KeralaNEWS

കപ്പ കർഷകർക്ക് സുവർണകാലം, കിലോയ്ക്ക് 50 രൂപ വരെ വില: പക്ഷേ കൃഷി ചെയ്യാന്‍ വരട്ടെ, തമിഴ്‌നാട് ചെയ്തതും കേരളം ചെയ്യാത്തതും അറിയുക

കപ്പകർഷർക്ക് ദുരിതകാലമായിരുന്നു അടുത്ത നാൾ വരെ. കോ​വി​ഡും അ​തി​നോ​ട​നു​ബ​ന്ധി​ച്ചു​ള്ള നി​യ​ന്ത്ര​ണ​വും കാ​ര​ണം വി​ദേ​ശ​രാ​ജ്യ​ങ്ങ​ളി​ലേയ്ക്ക് മ​ര​ച്ചീ​നി ക​യ​റ്റി അ​യ​യ്ക്കു​ന്ന​തി​ൽ പ്ര​തി​സ​ന്ധി നേ​രി​ട്ട​തോ​ടെ ക​ർ​ഷ​ക​ർ ദു​രി​ത​ത്തി​ലാ​യി.
ദു​ബാ​യ്, ഖ​ത്ത​ർ, സൗ​ദി അ​റേ​ബ്യ, ബ​ഹ്‌​റി​ൻ, കു​വൈ​റ്റ് തു​ട​ങ്ങി​യ അ​റ​ബ് രാ​ജ്യ​ങ്ങ​ളി​ലാ​ണ് കേ​ര​ള​ത്തി​ൽ നി​ന്നു​ള്ള ക​പ്പയ്ക്ക് ഡിമാൻ്റ്.

ക‍​യ​റ്റു​മ​തി കു​റ​ഞ്ഞ​തോ​ടെ നാ​ട്ടി​ൽ തു​ച്ഛ​മാ​യ വി​ല​യ്ക്ക് ക​പ്പ വി​ൽ​ക്കേ​ണ്ടി വ​ന്നു. കൃ​ഷി ചെ​യ്ത് നേ​ട്ട​മു​ണ്ടാ​ക്കാ​മെ​ന്ന ക​ർ​ഷ​ക​രു​ടെ സ്വ​പ്നം അ​തോടെ കൊഴിഞ്ഞു വീണു. ക​പ്പ​യ്ക്ക് തു​ട​ർ​ച്ച​യാ​യി വി​ല ഇ​ല്ലാ​താ​യതോടെ പ​ല​രും ഈ ​കൃ​ഷി​യി​ൽ​നി​ന്ന് പി​ന്തി​രി​ഞ്ഞു​. ക​പ്പ കർഷകർ​ക്ക് മു​ട​ക്കു​മു​ത​ൽ പോ​ലും തി​രി​ച്ചു​കി​ട്ടാ​ത്ത അ​വ​സ്ഥ​യാ​യിരുന്നു അടുത്ത കാലം വരെ.

പക്ഷേ കപ്പയുടെ തലവര മാറിയത് പെട്ടെന്നാണ്. കപ്പ കേരളത്തിൽ ഇന്ന് ഒരു സ്റ്റാര്‍ വിഭവം ആയി മാറി.

കേരളത്തില്‍ അരിവില കൂടുന്നു. എന്നാല്‍ കേരളത്തിലെ ‘ദരിദ്രന്റെ ഭക്ഷണം’ എന്നറിയപ്പെടുന്ന കപ്പ കഴിക്കാം എന്നു വച്ചാലോ അതിന്റെ വില 45/50 രൂപ വരെ എത്തി. മുന്‍ കാലങ്ങളില്‍ കപ്പയ്ക്ക് വിലയില്ല, കിലോയ്ക്ക് 5 രൂപ പോലും ലഭിക്കുന്നില്ല എന്നു പറഞ്ഞു വിലപിച്ചിരുന്നു. അടുത്ത കാലത്ത് എന്തുകൊണ്ട് വില കുതിച്ചുയര്‍ന്നു? ഇനി ഈ വില കുറയുമോ?

വില കുറയില്ല. കാരണം പലതാണ്.

ഇന്ത്യയിലെ മരച്ചീനി ഉല്‍പാദനത്തിന്റെ 83 ശതമാനവും തമിഴ്‌നാട് വകയാണ്. ഏതാണ്ട് 40 ലക്ഷം ടണ്‍. അവിടെ കപ്പക്കൃഷിക്ക് കരിമ്പ്, നെല്ല് തുടങ്ങിയ കൃഷികളെ അപേക്ഷിച്ചു കുറച്ചു ജലം മതി എന്നതും  പണിച്ചെലവ് കുറവ് എന്നതുമൊക്കെ ഈ വിള വ്യാപിപ്പിക്കാന്‍ കാരണമായി.

വില കുറയും എന്നു കണ്ടപ്പോള്‍ തമിഴ്നാട് സര്‍ക്കാര്‍ കപ്പയില്‍നിന്നും സ്റ്റാര്‍ച്ചും അനുബന്ധ ഉല്‍പ്പന്നങ്ങളും (ചൗവ്വരി, സാഗൊ, സാബൂദാന തുടങ്ങി പലതും) ഉണ്ടാക്കുന്ന സംരംഭങ്ങളെ പ്രോത്സാഹിപ്പിച്ചു .

ഫലം കമ്പനികള്‍ക്ക് വന്‍തോതില്‍ കപ്പ ആവശ്യമായി വന്നു. നിശ്ചിത വിലയും കിട്ടി. സ്റ്റാര്‍ച്ച് കയറ്റുമതി വിഭവം ആയതിനാല്‍ അതിനനുസരിച്ച് കര്‍ഷകനു വില കിട്ടി. ലോറിയില്‍ കയറ്റി മലയാളികള്‍ കുറഞ്ഞ വിലയ്ക്ക് കൊടുത്തു. ‘മണ്ടന്‍ പാണ്ടി’ അതിൽ നിന്ന് വൻ ലാഭം കൊയ്തു.

കേരളത്തില്‍ ഉല്‍പാദനം വെറും 4 ലക്ഷം ടണ്‍ മാത്രമാണ്. കൂടാതെ കസാവ മില്ലറ്റ് എന്ന രോഗ ബാധയും വ്യാപകം. നല്ല വില കിട്ടുമല്ലോ എന്നു കരുതി കേരളത്തില്‍ കൃഷി ചെയ്താലും കസാവ മില്ലറ്റ് വന്നു പണി തരും.

ലോകത്തിലെ അഞ്ചാമത്തെ വലിയ മരച്ചീനി കിഴങ്ങുവര്‍ഗ്ഗങ്ങള്‍ ഉല്‍പ്പാദിപ്പിക്കുന്ന രാജ്യമാണ് ഇന്ത്യ, രാജ്യത്തുടനീളം മൊത്തം 1.73 ലക്ഷം ഹെക്ടറില്‍ കൃഷി ചെയ്യുന്നു. തമിഴ്നാട്ടിലും കേരളത്തിലുമാണ് ഇത് പ്രധാനമായും കൃഷി ചെയ്യുന്നത്.

ക​പ്പ സം​സ്ക​രി​ക്കാം

പാ​കം ചെ​യ്ത ക​പ്പ ദി​വ​സ​ങ്ങ​ളോ​ളം ​ സൂക്ഷി​ക്കാ​നു​ള്ള സാ​ങ്കേ​തി​ക​വി​ദ്യ വെ​ള്ളാ​നി​ക്ക​ര കാ​ർ​ഷി​ക സ​ർ​വ​ക​ലാ​ശാ​ല​യി​ൽ വി​ക​സി​പ്പി​ച്ചെ​ടു​ത്തി​ട്ടു​ണ്ട്. തൊ​ലി ക​ള​ഞ്ഞ് വൃ​ത്തി​യാ​ക്കി മു​റി​ച്ച് പാ​ക്ക് ചെ​യ്ത് ഫ്രീ​സ​റി​ൽ സൂ​ക്ഷി​ച്ചാ​ൽ 20 ദി​വ​സം കേ​ടു​കൂ​ടാ​തെ​ ഇരി​ക്കും. റെ​ഡി ടു ​കു​ക്കാ​യി ക​യ​റ്റു​മ​തി​ക്ക് സാ​ധ്യ​ത​യു​ണ്ട്. ക​പ്പ വാ​ട്ടി​യെ​ടു​ത്ത് ഉ​ണ​ക്കി​പ്പൊ​ടി​ച്ച് ത​രിരൂ​പ​ത്തി​ലു​ള്ള​താ​ക്കി ഉ​പ്പു​മാ​വ്, കേ​സ​രി, പു​ട്ട് എ​ന്നി​വ ഉ​ണ്ടാ​ക്കാം. ന​ന്നാ​യി ഉ​ണ​ക്കി​യാ​ൽ ര​ണ്ടു വ​ർ​ഷം വ​രെ സൂ​ക്ഷി​ക്കാ​മെ​ന്ന് ക​ർ​ഷ​ക​ർ പ​റ​യു​ന്നു. പ​ല രൂ​പ​ത്തി​ലും ക​പ്പ മു​റി​ച്ച് ഉ​പ​യോ​ഗി​ക്കാം. ചി​പ്സ്, മി​ക്സ്ച​ർ, ഉ​പ്പേ​രി, പാ​സ്ത, പ​ക്കു​വ​ട, പ​പ്പ​ടം, ബി​സ്ക​റ്റ്, കേ​ക്ക്, ബ്ര​ഡ്, അ​വ​ൽ ക​പ്പ തു​ട​ങ്ങി​യ വി​ഭ​വ​ങ്ങ​ൾ മ​ര​ച്ചീ​നി​യി​ൽ​നി​ന്നു ഉ​ണ്ടാ​ക്കാം.

ഭ​ക്ഷ്യ​യോ​ഗ്യ​മ​ല്ലാ​ത്ത മ​ര​ച്ചീ​നി ക​ന്നു​കാ​ലി​ക​ളു​ടെ ഭ​ക്ഷ​ണ​മാ​ണ്. പാ​ലു​ത്പാ​ദ​നം കൂ​ട്ടാ​നും സ​ഹാ​യി​ക്കും.

Back to top button
error: