Month: September 2020
-
NEWS
മാധ്യമങ്ങള്ക്കെതിരായ നീക്കം ഫാസിസം:മുല്ലപ്പള്ളി
സ്വതന്ത്ര മാധ്യമപ്രവര്ത്തനത്തിന്റെ വായ മൂടിക്കെട്ടാനുമുള്ള നടപടിയുടെ ഭാഗമാണ് മാധ്യമങ്ങള്ക്കെതിരായ സര്ക്കാര് നീക്കത്തിന് പിന്നിലെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്.ഇത് തികഞ്ഞ ഫാസിസമാണ്. സര്ക്കാരിന്റെ ഈ നീക്കത്തെ സര്വ്വശക്തിയും ഉപയോഗിച്ച് കോണ്ഗ്രസ് പരാജയപ്പെടുത്തും.സ്വതന്ത്രവും നിര്ഭയവുമായ മാധ്യമപ്രവര്ത്തനമാണ് ജനാധിപത്യത്തിന്റെ അടിത്തറ.അത് തകര്ക്കുന്ന ഒരു നടപടിയും അംഗീകരിക്കാന് സാധ്യമല്ല. മാധ്യമപ്രവര്ത്തകരോട് ഇതുപോലെ അസഹിഷ്ണുതയും വിദ്വേഷവും കാണിച്ച ഒരു മുഖ്യമന്ത്രി കേരളം ഭരിച്ചിട്ടില്ല.മാധ്യമങ്ങളെ ശത്രുവായി കാണുന്ന ഭരണകൂടമാണ് കേരളം ഭരിക്കുന്നത്. ജനാധിപത്യത്തിന്റെ നാലാം തൂണെന്ന് വിശേഷിപ്പിക്കുന്ന മാധ്യമങ്ങളെ തകര്ക്കാനുള്ള ശ്രമം രാജ്യത്തെ അസ്ഥിരപ്പെടുത്താനുള്ള നീക്കമായേ കാണാന് കഴിയൂയെന്നും മുല്ലപ്പള്ളി പറഞ്ഞു.
Read More » -
NEWS
ഇന്ത്യയിൽ കോവിഡ് പെരുകുന്നു ,ഇന്ത്യയിലേക്കും തിരിച്ചുമുള്ള വ്യോമഗതാഗതം സൗദി നിർത്തിവച്ചു
ഇന്ത്യയിൽ കോവിഡ് രോഗികൾ വര്ധിക്കുന്നതിനിടെ നടപടികളുമായി മറ്റു രാജ്യങ്ങൾ .സൗദി അറേബ്യ ഇന്ത്യയിലേക്കും തിരിച്ചുമുള്ള വ്യോമഗതാഗതം പൂർണമായും നിർത്തിവച്ചു . സൗദി ജനറൽ അതോറിറ്റി ഓഫ് സിവിൽ ഏവിയേഷൻ ഇത് സംബന്ധിച്ച ഉത്തരവ് പുറത്തിറക്കി .ഇന്ത്യയിൽ കോവിഡ് വർധിക്കുന്നത് കൊണ്ടാണ് നടപടി എന്ന് സൗദി അറേബ്യ വ്യക്തമാക്കിയിട്ടുണ്ട് . സൗദി ഉത്തരവ് വന്ദേ ഭാരത് വിമാനങ്ങളെയും ബാധിക്കും .മറ്റു രാജ്യങ്ങളിൽ നിന്ന് സൗദിയിൽ പോകുന്നവരും ഇന്ത്യ സന്ദർശിച്ചിട്ടുണ്ടോ എന്ന് സൗദി പരിശോധിക്കും .രണ്ടാഴ്ചക്കുള്ളിൽ ആണ് യാത്രികൻ ഇന്ത്യ സന്ദർശിച്ചതെങ്കിൽ സൗദിയിൽ ഇറങ്ങാൻ അനുമതി നൽകില്ല . നിരവധി പ്രവാസികളെ ഈ ഉത്തരവ് വലയ്ക്കും .പലരും വിസാ കാലാവധി കഴിയുന്നതിനു മുൻപ് സൗദിയിലെത്താൻ ആഗ്രഹിക്കുന്നവർ ആണ് .അർജന്റീന, ബ്രസീൽ എന്നീ രാജ്യങ്ങളെയും സൗദി ഇത്തരത്തിൽ വിലക്കിയിട്ടുണ്ട് .
Read More » -
LIFE
റംസിയ്ക്ക് നീതിക്കായി എത്തുക കൂടത്തായി ജോളിയെ അഴിക്കുള്ളിൽ ആക്കിയ എസ് പി കെ ജി സൈമൺ
റംസി കേസ് അന്വേഷിക്കുക എസ് പി കെ ജി സൈമൺ നേതൃത്വം നൽകുന്ന സംഘം .ബന്ധുക്കളുടെയും ആക്ഷൻ കൗൺസിലിന്റെയും ആവശ്യപ്രകാരമാണ് കേസ് ക്രൈം ബ്രാഞ്ചിന് കൈമാറിയത് . കേസിലെ പ്രതിയായ ഹാരിസിന്റെ മാതാപിതാക്കളെ ചോദ്യം ചെയ്യണമെന്നും സീരിയൽ നടി ലക്ഷ്മി പ്രമോദിനെ കണ്ടെത്തണമെന്നും ബന്ധുക്കളും ആക്ഷൻ കൗൺസിലും ആവശ്യപ്പെടുന്നു .ലക്ഷ്മിയെ രക്ഷപ്പെടുത്താൻ ഉന്നതതല ഇടപെടലുകൾ നടക്കുന്നുണ്ടെന്നും ആരോപണം ഉണ്ട് . സെപ്റ്റംബർ 3 നാണ് കൊട്ടിയം സ്വദേശി റംസി എന്ന 24 കാരി തൂങ്ങിമരിച്ചത് .10 വർഷം പ്രണയിച്ച ഹാരിസ് വേറെ വിവാഹത്തിന് മുതിർന്നതോടെയാണ് റംസി ആത്മഹത്യ ചെയ്തത് .തന്നെ ഉപേക്ഷിക്കരുതെന്നും ഉപേക്ഷിച്ചാൽ ജീവൻ വെടിയുമെന്നും ലക്ഷ്മി പറയുന്ന ശബ്ദരേഖ പുറത്ത് വന്നിരുന്നു . റംസിയെ വിവാഹം കഴിക്കാം എന്ന് വാഗ്ദാനം ചെയ്ത് ഹാരിസ് പണവും സ്വർണവും വാങ്ങിയിരുന്നെന്നു റംസിയുടെ മാതാപിതാക്കൾ പറയുന്നു .വളയിടൽ ചടങ്ങും നടത്തിയതിനു ശേഷമാണ് ഹാരിസ് മറ്റൊരു വിവാഹത്തിന് തയ്യാറെടുത്ത് . സീരിയൽ താരം ലക്ഷ്മി പ്രമോദിന്റെ…
Read More » -
LIFE
കെകെആർ 5500 കോടി രൂപ റിലയൻസ് റീറ്റെയ്ലിൽ നിക്ഷേപിക്കും
മുംബൈ/കൊച്ചി, സെപ്റ്റംബർ 23, 2020 – പ്രമുഖ ആഗോള നിക്ഷേപ സ്ഥാപനമായ കെകെആർ റിലയൻസ് റീറ്റെയ്ലിൽ 5500 കോടി രൂപ നിക്ഷേപിക്കും. ഇത് റിലയൻസ് റീറ്റെയ്ലിൽ 1.28 ശതമാനം ഓഹരിയിലേക്ക് വിവർത്തനം ചെയ്യും. ഒരു റിലയൻസ് ഇൻഡസ്ട്രീസ് കമ്പനിയിൽ കെകെആർ നടത്തിയ രണ്ടാമത്തെ വലിയ നിക്ഷേപമാണിത്. ഈ വർഷം ആദ്യം ജിയോ പ്ലാറ്റ്ഫോമിൽ 11,367 കോടി രൂപ നിക്ഷേപിച്ചിരുന്നു. ഇന്ത്യൻ റീട്ടെയിൽ മേഖലയിൽ സാങ്കേതികവിദ്യ നയിക്കുന്ന പരിവർത്തനത്തിന് നേതൃത്വം നൽകാനുള്ള റിലയൻസ് റീട്ടെയിൽ യാത്രയിലുള്ള ആത്മവിശ്വാസമാണ് കെകെആറിന്റെ സൂചിപ്പിക്കുന്നത്. 1976-ൽ സ്ഥാപിതമായ കെകെആറിന് പ്രമുഖ ആഗോള സംരംഭങ്ങൾ കെട്ടിപ്പടുക്കുന്നതിനും സാങ്കേതിക മേഖലയിലെ ബിസിനസുകളിൽ വിജയകരമായി നിക്ഷേപിക്കുന്നതിനും ഒരു നീണ്ട ചരിത്രമുണ്ട്. കമ്പനി 30 ബില്യൺ ഡോളറിലധികം ടെക് കമ്പനികളിൽ നിക്ഷേപിച്ചിട്ടുണ്ട്, ഇന്ന് കമ്പനിയുടെ ടെക്നോളജി പോർട്ട്ഫോളിയോയിൽ ടെക്നോളജി, മീഡിയ, ടെലികോം മേഖലകളിലുടനീളം 20 ലധികം കമ്പനികളുണ്ട്. ഇന്ത്യയിൽ 2006 മുതൽ പ്രധാന വിപണി കേന്ദ്രമാണ്, ഇവിടെ പല നിക്ഷേപങ്ങൾ നടത്തിയിട്ടുള്ളതാണ്. ഈ നിക്ഷേപം ആർഐഎല്ലിന്റെ സാങ്കേതിക, ഉപഭോക്തൃ ബിസിനസ്സ് കഴിവുകൾ, വിനാശകരമായ ബിസിനസ്സ് മോഡലുകൾ, മതേതര ദീർഘകാല വളർച്ചാ സാധ്യതകൾ എന്നിവയുടെ ശക്തമായ അംഗീകാരമാണ് എന്ന് റിലയൻസ് ചെയർമാൻ മുകേഷ് അംബാനി…
Read More » -
NEWS
ശരിക്കും പ്രധാനമന്ത്രി നരേന്ദ്രമോദിയുടെ വിദേശ യാത്രകൾക്ക് ചെലവായ പണമെത്ര ?വികെ സിങ് പറഞ്ഞതോ വി മുരളീധരൻ പറഞ്ഞതോ സത്യം ?അടിമുടി ആശയക്കുഴപ്പം
പ്രധാനമന്ത്രി നരേന്ദ്രമോദിയുടെ വിദേശ യാത്രകൾ അദ്ദേഹം അധികാരത്തിൽ ഏറിയത് മുതൽ ചർച്ചാ വിഷയമാണ് .രാജ്യാന്തര തലത്തിൽ ഇന്ത്യയുടെ അഭിമാനം മോദി വാനോളം ഉയർത്തി എന്ന് ബിജെപി വാദിക്കുമ്പോൾ ചെലവെന്തെന്ന ചോദ്യമാണ് പ്രതിപക്ഷം പലപ്പോഴും ഉയർത്തിയത് .ഇപ്പോഴിതാ പ്രതിപക്ഷത്തെ പോലും ആശയക്കുഴപ്പത്തിലാക്കി മൂന്ന് കണക്കുകൾ സർക്കാർ തന്നെ പറയുന്നു . നടപ്പു സമ്മേളനത്തിൽ എൻസിപി എംപി ഫൗസിയ ഖാൻ പാർലമെന്റിൽ ഈ ചോദ്യം വീണ്ടും ഉയർത്തി .2015 മുതൽ പ്രധാനമന്ത്രി നരേന്ദ്ര മോഡി സന്ദർശനം നടത്തിയ വിദേശ രാജ്യങ്ങളുടെ എണ്ണവും ചെലവും വ്യക്തമാക്കാമോ എന്നായിരുന്നു ഫൗസിയയുടെ ചോദ്യം . രാജ്യസഭയിൽ വിദേശകാര്യ സഹമന്ത്രി വി മുരളീധരൻ ഉത്തരം എഴുതി നൽകി .പ്രധാനമന്ത്രി സന്ദർശിച്ചത് 58 രാജ്യങ്ങൾ ആണെന്നും ചെലവ് 517 .82 കോടിയാണെന്നുമാണ് മുരളീധരൻ എഴുതി നൽകിയത് . എന്നാൽ മാർച്ചിൽ നടന്ന പാര്ലമെന്റിന്റെ ബജറ്റ് സമ്മേളനത്തിൽ വിശദമായ ഒരു കണക്ക് മുരളീധരൻ സഭയിൽ നൽകുക ഉണ്ടായി .പ്രധാനമന്ത്രിയുടെ വിദേശ യാത്രയുടെ മൊത്തം…
Read More » -
NEWS
കാമുകിയെ ചൊല്ലിയുള്ള തർക്കം; വൈപ്പിനിൽ യുവാവ് കൊല്ലപ്പെട്ടു, മൂന്നുപേർ അറസ്റ്റിൽ
ചെറായി, പാപ്പരയ്ക്കൽ ക്ഷേത്രത്തിനു സമീപം താമസിക്കുന്ന പ്രണവിനെ കൊലപ്പെടുത്തിയ കേസിൽ മൂന്നു പേർ അറസ്റ്റിലായി. സമീപവാസികളായ ശരത്, ജിബിൻ, അമ്പാടി എന്നിവരാണ് പോലീസ് പിടിയിലായത്. കല്ലുമഠത്തിൽ പരേതനായ പ്രസാദിൻ്റെ മകനാണ് 23 കാരനായ പ്രണവ്. കാമുകിയെച്ചൊല്ലിയുള്ള തർക്കമാണ് കൊലപാതക കാരണമെന്നാണു സൂചന. തിങ്കളാഴ് രാത്രി ശരത്തും അമ്പാടിയും മറ്റു രണ്ടു പേരും ചേർന്ന് പ്രണവിനെ ഫോൺ ചെയ്തു വിളിച്ചു വരുത്തുകയായിരുന്നു. പള്ളത്താംകുളങ്ങര ബീച്ചിനു സമീപത്തുള്ള ട്രാൻസ്ഫോമറിനു മുന്നിലെ നടുറോഡിൽ ചൊവ്വാഴ്ച പുലർച്ചെയാണ് മൃതദേഹം കണ്ടത്. തലയ്ക്കും കൈയ്ക്കും അടിയേറ്റിരുന്നു. ശീമക്കൊന്നക്കമ്പുകളും ട്യൂബ് ലൈറ്റ് കഷ്ണങ്ങളും മൃതദേഹത്തിനു സമീപത്തു കാണപ്പെട്ടു. കേസിൽ ചെറായി സ്വദേശി രാംദേവു കൂടി പിടിയിലാകാനുണ്ട്. പ്രതികളെ ഇന്ന് കോടതിയിൽ ഹാജരാക്കും. റൂറൽ എസ്.പി കെ. കാർത്തിക്കിൻ്റെ നേതൃത്വത്തിൽ പ്രതികളെ ചോദ്യം ചെയ്യും. കോവിഡ് പരിശോധനയ്ക്കുശേഷം പ്രണവിന്റെ മൃതദേഹം ഇന്ന് പോസ്റ്റുമോർട്ടം നടത്തും. ഷെറീനയാണ് പ്രണവിൻ്റ അമ്മ. പ്ലസ് ടു വിദ്യാർത്ഥി സൗരവ്ഏകസഹോദരൻ.
Read More » -
NEWS
ലഹരിമരുന്ന് കേസിൽ ദീപികയ്ക്കും ശ്രദ്ധയ്ക്കും കുരുക്കായി വാട്സാപ്പ് ചാറ്റുകൾ
ലഹരിമരുന്ന് കേസിൽ ബോളിവുഡ് താരം ദീപിക പദുക്കോണിനും ശ്രദ്ധാ കപൂറിനും കുരുക്ക് മുറുകുന്നു . ഇരുവരെയും എൻസിബി ചോദ്യം ചെയ്യാനാണ് സാധ്യത . 2017 ലെ വാട്സാപ്പ് ചാറ്റുകൾ ആണ് ദീപികയ്ക്ക് കുരുക്കാകുന്നത് .ടാലന്റ് മാനേജരോട് ലഹരി മരുന്ന് ആവശ്യപ്പെട്ടായിരുന്നു വാട്സപ് സന്ദേശം .ചോദ്യം ചെയ്യലിന് ഹാജരാകാൻ ദീപികയ്ക്ക് ഉടൻ സമൻസ് നൽകിയേക്കും . 2017 ഒക്ടോബർ 28 ന് നടി ദീപിക പദുക്കോൺ മാനേജർ കരിഷ്മ പ്രകാശിനോട് ലഹരി മരുന്ന് ആവശ്യപ്പെട്ട് മെസേജ് അയച്ചിരുന്നു .ചാറ്റിൽ മുംബൈ പരേലിലെ കോകോ എന്ന റെസ്റ്റോറന്റിനെ കുറിച്ച് പരാമർശിക്കുന്നുണ്ട് ,ഇതോടെ അതേദിവസം ദീപിക പങ്കെടുത്ത നിശാ പാർട്ടിയിലെ എല്ലാവരും സംശയ നിഴലിൽ ആയി .സോനാക്ഷി സിൻഹ ,സിദ്ധാർഥ് മൽഹോത്ര ,ആദിത്യ റോയ് കപൂർ എന്നിവരും പാർട്ടിയിൽ പങ്കെടുത്തിരുന്നു . ക്വാൻ എന്ന ടാലന്റ് മാനേജ്മെൻറ് കമ്പനിയെ കേന്ദ്രീകരിച്ചാണ് അന്വേഷണം .ദീപികയുടെ മാനേജർ കരിഷ്മ പ്രകാശ് ഈ കമ്പനിയിലെ ജീവനക്കാരി ആണ് .ഇതേ കമ്പനി…
Read More » -
NEWS
കൃഷിമന്ത്രി വി.എസ്. സുനില് കുമാറിന് കോവിഡ്
തിരുവനന്തപുരം: രാഷ്ട്രീയമേഖലയേയും കോവിഡ് പിടിവിടാതെ പിന്തുടരുകയാണ്. കൃഷിമന്ത്രി വി.എസ്. സുനില് കുമാറിന് കോവിഡ് സ്ഥിരീകരിച്ചു. അദ്ദേഹവുമായി ബന്ധപ്പെട്ടവരോടും സ്റ്റാഫുകളോടും നിരീക്ഷണത്തില് പോകാന് അധികൃതര് നിര്ദേശിച്ചു. സംസ്ഥാനത്ത് കോവിഡ് സ്ഥിരീകരിക്കുന്ന മൂന്നാമത്തെ മന്ത്രിയാണ് സുനില് കുമാര്. നേരത്തെ ധനമന്ത്രി തോമസ് ഐസക്കിനും, കായിക മന്ത്രി ഇ.പി. ജയരാജനും കോവിഡ് സ്ഥിരീകരിച്ചിരുന്നു.
Read More » -
TRENDING
‘എന്റെ ചേട്ടാ, കുറച്ചൊക്കെ അന്വേഷിച്ച് വാര്ത്ത കൊടുത്തു കൂടെ’: ഭര്ത്താവിനെതിരെ വ്യാജവാര്ത്ത കൊടുത്തതില് പ്രതികരിച്ച് നടി
ചുരുക്കം സിനിമകള് കൊണ്ട് മലയാളിപ്രേക്ഷകരുടെ മനസ്സില് ഇടം പിടിച്ച നടിയാണ് ജ്യോതികൃഷ്ണ. നടി രാധികയുടെ സഹോദരന് അരുണാണ് ജ്യോതിയെ വിവാഹം കഴിച്ചിരിക്കുന്നത്. വിവാഹ ശേഷം ഭര്ത്താവും കുഞ്ഞുമായി ദുബായിലാണ് ഇവര്. ഇപ്പോള് സിനിമയില് നിന്ന് വിട്ട് നില്ക്കുകയാണെങ്കിലും സോഷ്യല് മീഡിയയില് സജീവമാണ് താരം. ഇപ്പോഴിതാ ജ്യോതിയുടെ ഭര്ത്താവിന് സ്വര്ണക്കടത്ത് കേസില് ബന്ധമുണ്ടെന്ന് വ്യാജവാര്ത്ത പ്രചരിച്ചതിനെതിരെ രംഗത്തെത്തിയിരിക്കുകയാണ് നടി. താരത്തിന്റെ ഇന്സ്റ്റഗ്രാം അക്കൗണ്ടില് ലൈവില് എത്തിയാണ് ജ്യോതികൃഷ്ണ വ്യാജവാര്ത്തക്കെതിരെ പ്രതികരിച്ചത്. ലൈവിനിടെ ഭര്ത്താവ് അരുണ് രാജയെ ക്യാമറയ്ക്ക് മുന്നില് കൊണ്ടുവരികയും ചെയ്തു. വ്യാജപ്രചരണത്തിനെതിരെ ദുബായ് പൊലീസിലും കേരളത്തിലും പരാതി നല്കിയിട്ടുണ്ടെന്നും ജോതി കൃഷ്ണ പറഞ്ഞു. ഇന്ന് രാവിലെ മുതല് ഫോണ് വിളിയും മെസേജുമായിരുന്നു. ഒരു സുഹൃത്താണ് എനിക്ക് യൂട്യൂബ് ലിങ്ക് അയച്ചു തന്ന് എന്താണ് സംഭവം എന്ന് ചോദിച്ചത്. പത്ത് മിനിറ്റ് മുമ്പ് വരെ എന്റെയടുത്ത് കിടന്നയാളെ ഇത്രയും പെട്ടെന്ന് പൊലീസ് അറസ്റ്റ് ചെയ്തോ. നോക്കിയപ്പോല് അദ്ദേഹം ലിവിങ് റൂമിലുണ്ട്. ‘എന്റെ ചേട്ടാ,…
Read More » -
24 മണിക്കൂറിനിടെ 83,347 കോവിഡ് രോഗികള്
രാജ്യത്ത് ദിനംപ്രതി കോവിഡ് രോഗികളുടെ എണ്ണം വര്ധിക്കുകയാണ്. രോഗമുക്തി നിരക്കിന് സമാനമായി തന്നെ രോഗികളുടെ എണ്ണവും വര്ധിക്കുന്നു. കഴിഞ്ഞ 24 മണിക്കൂറിനിടെ 83,347 പേര്ക്കാണ് രോഗം സ്ഥിരീകരിച്ചത്.1085 പേര് മരിക്കുകയും ചെയ്തു. ഇതോടെ ആകെ മരണം 90,020 ആയി. രാജ്യത്ത് ആകെ സ്ഥിരീകരിച്ച 56.46 ലക്ഷം കോവിഡ് ബാധിതരില് 9.63 ലക്ഷം പേരാണ് നിലവില് ചികിത്സയിലുള്ളത്. 45.87 ലക്ഷം പേര് രോഗമുക്തി നേടിയിട്ടുണ്ട്. രോഗമുക്തി നേടുന്നവരുടെ ദിനംപ്രതിയുള്ള നിരക്ക് പുതിയ കേസുകളേക്കാള് കൂടുതലാണ്. ഇതുവരെ 6.5 കോടി സാമ്പിളുകളാണ് പരിശോധനയ്ക്കായി ശേഖരിച്ചത്. അതേ സമയം രാജ്യത്ത് സെപ്തംബറില് കോവിഡ് കേസുകളുടെ എണ്ണത്തില് വന്കുതിച്ചു ചാട്ടം ഉണ്ടായിട്ടുണ്ട്. ദിനംപ്രതിയുള്ള പുതിയ രോഗികളുടെ എണ്ണം ശരാശരി 90,000 ആണ്.
Read More »