Tech
-
ഐ -ഫോണ് സര്വീസിന് കൊടുത്തപ്പോള് പാര്ട്സ് ഊരി മാറ്റിയെന്ന് പരാതി
തൃശൂര്: മൂന്നു മാസം മുന്പ് വാങ്ങിയ ഐ -ഫോണ് സര്വീസിന് കൊടുത്തപ്പോള് പാര്ട്സ് ഊരി മാറ്റിയെന്ന് പരാതി. ഫോണ് വേണമെങ്കില് എണ്പതിനായിരം രൂപ കൂടി നല്കണമെന്നാണ് ഇപ്പോള് സര്വീസ് സെന്റര് പറയുന്നത്. കഴിഞ്ഞ നവംബറില് റിപ്പയറിങ്ങിനായി കൊടുത്ത ഫോണ് തിരികെ കിട്ടാന് കണ്സ്യൂമര് കോടതിയില് കേസ് നല്കിയിരിക്കുകയാണ് തൃശൂര് സ്വദേശി മുഹമ്മദ് ഹാഷിക്. കഴിഞ്ഞ ജൂലൈയിലാണ് ഒരു ലക്ഷത്തി എണ്പതിനായിരം രൂപ മുടക്കി ഹാഷിക് ഐ ഫോണ് 13 പ്രൊ വാങ്ങിയത്. മൂന്ന് മാസം കഴിഞ്ഞപ്പോഴേക്കും ഡിസ്പ്ലേ കംപ്ലയിന്റ് ആയി. ചാര്ജ് നില്ക്കാതായി.ഇതോടെ സര്വീസ് സെന്ററില് കൊണ്ടുപോയി. 14 ദിവസം കഴിഞ്ഞു ചോദിച്ചപ്പോഴാണ് ഫോണിന് ഗുരുതര കേട്പാടുള്ളതിനാല് സര്വീസ് ചെയ്യാന് പറ്റില്ലെന്ന് സര്വീസ് സെന്ററില് നിന്ന് പറയുന്നത്. ഐ ഫോണിന് ഇന്ത്യയില് നിര്മാണ യൂണിറ്റ് ഇല്ലാത്തതിനാലാണ് ഇത്തരം പ്രതിസന്ധി ഉണ്ടാകുന്നതെന്ന് ഉപഭോക്താക്കള് പറയുന്നു.
Read More » -
വനിതാ മേധാവിയുടെ ഇംഗിതങ്ങൾക്ക് വഴങ്ങാത്തതിന്റെ പ്രതികാരം; ജോലിയിൽനിന്ന് പിരിച്ചുവിട്ടെന്ന പരാതിയുമായി ഗൂഗിൾ മുൻ ഉദ്യോഗസ്ഥൻ കോടതിയിൽ
വനിതാ മേധാവിയുടെ ലൈംഗിക ഇഷ്ടങ്ങൾക്ക് വഴങ്ങാത്തതിനാൽ തന്റെ ജോലി പോയെന്ന വെളിപ്പെടുത്തലുമായി ഗൂഗിളിലെ മുന് ജീവനക്കാരന്. ഇക്കാര്യം ചൂണ്ടിക്കാട്ടി ഗൂഗിളിലെ മുന് ഉദ്യോഗസ്ഥന് റയാന് ഓളോഹൻ തന്റെ ടീമിന്റെ മേധാവിയായിരുന്ന ടിഫനി മില്ലര്ക്കെതിരെ കോടതിയില് പരാതി നൽകി. 2019 ഡിസംബറിലാണ് പരാതിക്കാധാരമായ സംഭവം നടക്കുന്നത്. അത്താഴവിരുന്നിനിടെ ടിഫനി മില്ലര് തന്നെ ലൈംഗികമായ രീതിയില് സ്പര്ശിച്ചു. ഏഷ്യന് സ്ത്രീകളോടാണ് തനിക്ക് താല്പര്യമെന്ന് അവര്ക്കറിയാമെന്ന് പറഞ്ഞുവെന്നും റയാന് നല്കിയ പരാതിയില് പറയുന്നു. അവരുടെ വിവാഹ ജീവിതം അത്ര രസകരമല്ലെന്ന് പറഞ്ഞ് തന്റെ വയറില് കൈകൊണ്ട് തടവി. ഈ സംഭവങ്ങളെല്ലാം നടന്നത് ചിക്കാഗോയിലെ ഫിഗ് ആന്റ് ഒലിവില് നടന്ന കമ്പനി യോഗത്തിന്റെ ഭാഗമായി നടന്ന മദ്യ സല്ക്കാരത്തിനിടെയാണ്. തൊട്ടുപിന്നാലെ തന്നെ റയാന് ഫുഡ്, ബിവറേജസ് ആന്റ് റസ്റ്റോറന്റ്സിന്റെ മാനേജിങ് ഡയറക്ടറായി സ്ഥാനക്കയറ്റം ലഭിച്ചു. ടിഫനിയായിരുന്നു ഈ ടീമിലെ സൂപ്പര്വൈസര്. താന് വിവാഹിതനും ഏഴ് കുട്ടികളുടെ അച്ഛനുമാണ്. ടിഫനിയുടെ പെരുമാറ്റം സഹിക്കാവുന്നതിന് അപ്പുറമായിരുന്നു. ഇക്കാര്യം തന്റെ സഹപ്രവര്ത്തകര്ക്ക്…
Read More » -
ഇങ്ങനെ ആരെയും പിരിച്ചു വിടരുത്; ജോലിക്കായി ഉദ്യോഗാർഥിയെ ഇന്റർവ്യൂ ചെയ്യുന്നതിനിടെ എച്ച്.ആര്. മാനേജരെ പുറത്താക്കി ഗൂഗിള്
ലണ്ടന്: ജോലിക്കായി അഭിമുഖം നടത്തുന്നതിനിടെ എച്ച്.ആര്. മാനേജരെ പുറത്താക്കി ഗൂഗിള്. എച്ച്.ആര്. മാനേജര് ഡാന് ലാനിഗന് റയാനെയാണ് ഗൂഗിള് മുന്നറിയിപ്പില്ലാതെ പുറത്താക്കിയത്. കമ്പനിയിലേക്ക് ഉദ്യോഗാര്ഥികളെ ഓണ്ലൈനായി ഇന്റര്വ്യൂ ചെയ്യുന്നതിനിടെ ഡാന് ലാനിഗന്റെ കോള് കട്ടാവുകയായിരുന്നു. തൊട്ടുപിന്നാലെ കമ്പനി കമ്പ്യൂട്ടറില്നിന്ന് ലോഗൗട്ടാവുകയും ചെയ്തു. കമ്പനിയിലേക്കുള്ള ഉദ്യോഗാര്ഥികളുടെ ഇന്റര്വ്യു നടക്കുന്നതിനിടെയാണ് തന്നെ പുറത്താക്കിയുള്ള അറിയിപ്പ് ലഭിച്ചതെന്ന് ഡാന് പറഞ്ഞു. ‘വെള്ളിയാഴ്ച ഗൂഗിളില്നിന്നു പുറത്താക്കപ്പെട്ട അനേകര്ക്കൊപ്പം എന്നെയും പിരിച്ചുവിട്ടു. വീഡിയോ കോള് ഇന്റര്വ്യൂവിനിടയില് അതു തടസപ്പെടുത്തി, ഇത് ഇത്ര പെട്ടെന്ന് അവസാനിക്കുമെന്നു പ്രതീക്ഷിച്ചില്ല”- ഡാന് ലാനിഗന് പ്രതികരിച്ചു. കമ്പനിയിലെ ആറു ശതമാനം ജീവനക്കാരെ കുറയ്ക്കുന്നതിന്റെ ഭാഗമായാണ് ഗൂഗിളിലെ കൂട്ടപ്പിരിച്ചുവിടല് നടപടി. കരാര് അടിസ്ഥാനത്തില് 2021-ലാണ് ഡാന് ഗൂഗിളില് ചേര്ന്നത്. സ്വപ്നതുല്യമായ ജോലിയില്നിന്നും ഇങ്ങനെയൊരു പടിയിറക്കം പ്രതീക്ഷിച്ചിരുന്നില്ലെന്ന് ഡാന് ലിങ്ക്ഡ്ഇന് പോസ്റ്റില് കുറിച്ചു. ഒരു വര്ഷത്തേക്കു കൂടി കരാര് ദീര്ഘിപ്പിച്ചിരുന്നു. അതോടൊപ്പം ക്ലൗഡ് സെയില്സിലെ റിക്രൂട്ട്മെന്റ് ടീമിലേക്ക് സ്ഥലംമാറ്റുകയും ചെയ്തിരുന്നു. കഴിഞ്ഞയാഴ്ച ശമ്പള വര്ധനയെക്കുറിച്ച് സംസാരിച്ചിരുന്നു. ഇത്…
Read More » -
ആറ് വടക്കു കിഴക്കൻ സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ച് ജിയോ
മുംബൈ: വടക്കുകിഴക്കൻ സർക്കിളിലെ ആറ് സംസ്ഥാനങ്ങളിൽ 5ജി സേവനങ്ങൾ ആരംഭിക്കുന്നതായി അറിയിച്ച് റിലയൻസ് ജിയോ. ഷില്ലോങ്, ഇംഫാൽ, ഐസ്വാൾ, അഗർത്തല, ഇറ്റാനഗർ, കൊഹിമ, ദിമാപൂർ എന്നീ ഏഴ് നഗരങ്ങളെ ട്രൂ 5ജി നെറ്റ്വർക്കുമായി ബന്ധിപ്പിച്ചാണ് സേവനങ്ങൾ ആരംഭിക്കുന്നത്. ട്രൂ 5ജി ഇപ്പോൾ രാജ്യത്തുടനീളമുള്ള 191 നഗരങ്ങളിൽ ലഭ്യമാണ്. 2023 ഡിസംബറോടെ, വടക്കുകിഴക്കൻ സംസ്ഥാനങ്ങളിലെ എല്ലാ നഗരങ്ങളിലും താലൂക്കുകളിലും ജിയോ ട്രൂ 5ജി സേവനങ്ങൾ ലഭ്യമാക്കുമെന്ന് ജിയോ വ്യക്തമാക്കി. ഇന്ന് മുതൽ, അരുണാചൽ പ്രദേശ് (ഇറ്റാനഗർ), മണിപ്പൂർ (ഇംഫാൽ), മേഘാലയ (ഷില്ലോംഗ്), മിസോറാം (ഐസ്വാൾ), നാഗാലാൻഡ് (കൊഹിമ, ദിമാപൂർ), ത്രിപുര (അഗർത്തല) എന്നീ ആറ് സംസ്ഥാനങ്ങളിലെ ഏഴ് നഗരങ്ങളിലെ ജിയോ ഉപഭോക്താക്കൾക്ക് 5ജി എത്തുമെന്ന് കമ്പനി അറിയിച്ചു. ഈ മേഖലകളിലെ ജിയോ വെൽക്കം ഓഫറിലേക്ക് ക്ഷണിച്ചിട്ടുമുണ്ട്. അതിലൂടെ അവർക്ക് 1 ജിബിപിഎസ് വേഗതയിൽ പരിധിയില്ലാത്ത ഡാറ്റ ലഭിക്കും. അധിക ചിലവുകളൊന്നുമില്ലാതെയാണ് ഇവ ലഭിക്കുന്നത്. ജിയോ കമ്മ്യൂണിറ്റി ക്ലിനിക് മെഡിക്കൽ കിറ്റ്, ഓഗ്മെന്റഡ് റിയാലിറ്റി-വെർച്വൽ…
Read More » -
ഒളിയും മറയുമുണ്ടെന്ന് കരുതി ഈ മതിലിൽ മൂത്രമൊഴിച്ചാല് പണികിട്ടും, ഇത് പ്രതികരണശേഷിയുള്ള മതിലുകള്! തിരിച്ചൊഴിച്ചിരിക്കും… ശാസ്ത്രത്തിന്റെ ഒരു പുരോഗതിയെ !
പൊതു ഇടങ്ങളില് മൂത്രമൊഴിക്കരുതെന്ന് എല്ലാവര്ക്കും അറിയാം. എന്നിരുന്നാലും പലര്ക്കും അതൊന്നും ബാധകമല്ലെന്ന മട്ടാണ്. പൊതു ഇടങ്ങളില് മൂത്രമൊഴിക്കരുതെന്ന് എഴുതിവച്ചിരിക്കുന്നതിന്റെ താഴെയാകും പലരും മൂത്രമൊഴിക്കുന്നത്. ഇത്തരത്തില് പൊതു ഇടങ്ങളില് മൂത്രമൊഴിക്കുന്ന സ്ഥിതി ലണ്ടണിലും ഉണ്ട്. ഇത്തരത്തില് പൊതു ഇടങ്ങളിലെ മതിലില് മൂത്രമൊഴിക്കുന്നവരെ വരുതിയിലാക്കാന് തീരുമാനിച്ചിരിക്കുകയാണ് അവിടെ. പൊതുസ്ഥലങ്ങളില് മൂത്രമൊഴിക്കുന്നത് നിരുത്സാഹപ്പെടുത്താന് ലണ്ടണ് വെസ്റ്റ്മിനിസ്റ്റര് സിറ്റി കൌണ്സില് പുതിയ ഒരു നൂതനവിദ്യ വികസിപ്പിച്ചിരിക്കുകയാണ്. മൂത്രമൊഴിച്ചാല് തിരിച്ചൊഴിക്കുന്ന മതിലുകളാണ് ഇവിടത്തെ പ്രത്യേകത. പ്രത്യേക തരം പെയിന്റ് ഉപയോഗിച്ച് തയ്യാറാക്കിയ ഇത്തരത്തില് പ്രതികരണ ശേഷിയുള്ള മതിലുകള് സെന്ട്രല് ലണ്ടനിലെ വെസ്റ്റ്മിനിസ്റ്ററിലുള്ള സോഹോയിലാണ് ഉള്ളത്. മതിലുകളില് സുതാര്യമായ ഒരു പ്രതലമുള്ളതാണ് ഇങ്ങനെ മൂത്രം തിരിച്ചു വരാന് കാരണം. ഇത്തരത്തിലുള്ള ജലപ്രതിരോധ പ്രതലത്തിലേയ്ക്ക് ഏത് തരത്തിലുള്ള വെള്ളം ഒഴിച്ചാലും തിരികെവരും എന്ന ശാസ്ത്രമാണ് ഇതിന് പിന്നില്. എന്തായാലും സംഭവം സോഷ്യല് മീഡിയയില് വലിയ വാര്ത്തയായിരിക്കുകയാണ്. ബാറുകളും റസ്റ്റോറെന്റുകളും തീയറ്ററുകളുമൊക്കെയുള്ള ഒരു വിനോദ സഞ്ചാര കേന്ദ്രമാണ് സോഹോ. ഇവിടത്തെ മതിലുകളിലാണ് പ്രത്യേക…
Read More » -
കൂട്ടുകാർക്കും വീട്ടുകാർക്കുമായി ഒറ്റ അക്കൗണ്ട് ഇനി നടക്കില്ല; പാസ്വേർഡ് പങ്കുവയ്ക്കുന്നത് ഈ വർഷം തന്നെ അവസാനിപ്പിക്കാൻ നെറ്റ്ഫ്ളിക്സ്
ന്യൂഡൽഹി: കൂട്ടുകാർക്കും വീട്ടുകാർക്കുമായി ഒറ്റ അക്കൗണ്ടിൽ സിനിമ കാണുന്ന പരിപാടി ഇനി നെറ്റ്ഫ്ളിക്സിൽ നടക്കില്ല. പാസ്വേർഡ് പങ്കുവെയ്ക്കുന്നത് അവസാനിപ്പിക്കാനാണ് വീഡിയോ സ്ട്രീമിങ് പ്ലാറ്റ്ഫോമായ നെറ്റ്ഫ്ളിക്സിന്റെ തീരുമാനം. ഈ വർഷം തന്നെ ഈ സേവനം അവസാനിപ്പിക്കുമെന്ന് നെറ്റ്ഫ്ളിക്സ് സ്ഥിരീകരിച്ചു. ഒറ്റ അക്കൗണ്ട് ചാർജ് ചെയ്ത് കൂട്ടുകാർക്കും ബന്ധുക്കൾക്കും പാസ്വേർഡ് പങ്കുവെച്ച് നൽകി ഒന്നിലധികം പേർ സൗജന്യമായി സിനിമ കാണുന്ന സൗകര്യമാണ് ഇതോടെ ഇല്ലാതാവുന്നത്. സമീപഭാവിയിൽ തന്നെ ഇത്തരത്തിൽ പങ്കുവെച്ച പാസ്വേർഡ് ഉപയോഗിച്ച് ഒടിടി പ്ലാറ്റ്ഫോമിൽ സിനിമ കാണുന്നവർ പണം മുടക്കേണ്ടതായി വരും. അതായത് പാസ് വേർഡ് പങ്കുവെയ്ക്കുന്നതിന് നിയന്ത്രണം വരും. ഘട്ടം ഘട്ടമായി ഇത് നടപ്പാക്കാനാണ് ലക്ഷ്യമിടുന്നത്. നിലവിൽ പാസ് വേർഡ് ഒന്നിലധികം പേർക്ക് പങ്കുവെയ്ക്കാനുള്ള ഓപ്ഷൻ ഉണ്ട്. പകരം ഇത്തരത്തിൽ പാസ് വേർഡ് ലഭിക്കുന്നവരും പണം മുടക്കിയാൽ മാത്രമേ വീഡിയോ കാണാൻ സാധിക്കൂ. നടപ്പുവർഷത്തിന്റെ ആദ്യ പാദം അവസാനിക്കുന്നതിന് മുൻപ് തന്നെ ഇത് നടപ്പാക്കാനാണ് നെറ്റ്ഫ്ളിക്സ് പദ്ധതിയിടുന്നത്. പരസ്യത്തെ പിന്തുണച്ച് കൊണ്ടുള്ള…
Read More » -
ട്വിറ്റര് ലാഭത്തിലാക്കണം, പണമുണ്ടാക്കാൻ പുതിയ പദ്ധതിയുമായി മസ്ക്; പണമടച്ചുള്ള സബ്സ്ക്രിപ്ഷൻ സേവനം ഉടന് ആരംഭിക്കും
ന്യൂയോര്ക്ക്: ഉപയോക്താക്കൾക്ക് പരസ്യരഹിത സബ്സ്ക്രിപ്ഷൻ സേവനം ലഭ്യമാക്കാനുള്ള പുതിയ പദ്ധതിയുമായി ഇലോൺ മസ്ക്. ഒക്ടോബറിലാണ് മസ്ക് ട്വിറ്റർ ഏറ്റെടുത്തത്. നിലവിൽ ട്വിറ്റർ പരസ്യങ്ങൾ വളരെയധികം കൂടുതലാണ്. വരുന്ന ആഴ്ചകളിൽ ഇത് പരിഹരിക്കാനുളള നടപടികൾ സ്വികരിക്കുമെന്ന് മസ്ക് നേരത്തെ അറിയിച്ചിട്ടുണ്ട്. ശനിയാഴ്ചയാണ് മസ്ക് ഇക്കാര്യം ട്വിറ്റ് ചെയ്തത്. പണമടച്ചുള്ള സബ്സ്ക്രിപ്ഷൻ സേവനം ഉടന് ആരംഭിക്കും. വരുമാനത്തിനായി പരസ്യങ്ങളെ ആശ്രയിച്ചിരുന്ന കമ്പനി ഇതോടു കൂടി വലിയ മാറ്റത്തിന് കൂടിയാണ് തുടക്കമിടുന്നത്. കഴിഞ്ഞ വർഷം അവസാനത്തോടെയാണ് കമ്പനിയുടെ 7,500 തൊഴിലാളികളിൽ പകുതിയോളം പേരെ മസ്ക് പിരിച്ചുവിട്ടത്. ഇതോടെ പരസ്യം നൽകാൻ ബുദ്ധിമുട്ട് നേരിട്ടിരുന്നു. കമ്പനിക്ക് വേണ്ടത്ര സ്റ്റാഫുകൾ ഇല്ലാത്തത് പരസ്യങ്ങൾ നൽകുന്നതിനെ ബാധിക്കുമെന്ന ആശങ്ക പരസ്യദാതാക്കളെയും പിടികൂടിയിട്ടുണ്ട്. എന്നാൽ വരുമാനം വർധിപ്പിക്കുമ്പോൾ ചെലവ് കുറക്കുക എന്നതാണ് തന്റെ രീതിയെന്ന് മസ്കും വാദിച്ചു. ആപ്പിളിന്റെ ഐ.ഒ.എസിലും, ഗൂഗിളിൻറെ ആൻഡ്രോയിഡ് മൊബൈൽ ഓപ്പറേറ്റിംഗ് സിസ്റ്റങ്ങളിലും ട്വിറ്റർ ബ്ലൂ എന്ന പുതിയ സബ്സ്ക്രിപ്ഷൻ സേവനം ഉപയോക്താക്കൾക്ക് ലഭിച്ചു തുടങ്ങിയിട്ടുണ്ട്. ഈ…
Read More » -
വാട്സ് ആപ്പിൽ അയക്കുന്ന ചിത്രങ്ങൾക്ക് ക്വാളിറ്റി കുറഞ്ഞോ ? പുതിയ ഓപ്ഷൻ എത്തുന്നു… ഉയർന്ന ക്വാളിറ്റിയിൽ ചിത്രങ്ങൾ അയക്കാം
വാട്സ് ആപ്പിൽ അയക്കുന്ന ചിത്രങ്ങൾക്ക് ക്വാളിറ്റിയില്ല, ഡോക്യുമെന്റായി അയച്ചില്ലേ എന്നൊക്കെ പരിഭവം പറയുന്നവർക്ക് ഒരു സന്തോഷവാർത്ത. ഇനി വാട്സ് ആപ്പിൽ അയക്കുന്ന ചിത്രങ്ങൾക്ക് നല്ല ക്വാളിറ്റിയുണ്ടാകും. കംപ്രസ് ചെയ്ത് ക്വാളിറ്റി കുറച്ച് അയക്കുന്നതിന്റെ വിഷമം ഇതോടെ മാറിക്കിട്ടുമെന്നാണ് റിപ്പോർട്ടുകൾ. ഉയർന്ന ക്വാളിറ്റിയിൽ ചിത്രങ്ങൾ അയക്കാനുള്ള ഓപ്ഷനാണ് ആപ്പിലെത്തുന്നത്. വാബെറ്റ് ഇൻഫോയാണ് ഇത് സംബന്ധിച്ച വിവരങ്ങൾ പുറത്ത് വിട്ടിട്ടുള്ളത്. വാട്സ് ആപ്പിന്റെ ആൻഡ്രോയിഡ് ബീറ്റ 2.23.2.11പതിപ്പിലാണ് ഫീച്ചർ കണ്ടെത്തിയിരിക്കുന്നത്. സെൻഡ് ചെയ്യുന്ന ചിത്രങ്ങളുടെ ക്വാളിറ്റി തെരഞ്ഞെടുക്കാനുള്ള ഓപ്ഷനാണ് ഇതിലുള്ളത്. വാബെറ്റ്ഇൻഫോ പറയുന്നതനുസരിച്ച് ഒരു ഫോട്ടോയോ വീഡിയോയോ അയക്കുമ്പോൾ വരുന്ന എഡിറ്റിങ്/ഡ്രോയിങ് വിഭാഗത്തിൽ ഇനി മുതൽ പുതിയൊരു ഓപ്ഷൻ കൂടി ഉണ്ടായിരിക്കും. ഇതിലൂടെ ഫോട്ടോകൾ കംപ്രസ്സ് ചെയ്യാതെ അവയുടെ ഒറിജിനൽ ക്വാളിറ്റിയിൽ അയയ്ക്കാൻ സഹായിക്കും. സ്വകാര്യത്യ്ക്ക് പ്രധാന്യം കൊടുക്കുന്ന തരത്തിലുള്ള നിരവധി അപ്ഡേറ്റുകളുമായി വാട്സ് ആപ്പ് എത്താറുണ്ട്. നേരത്തെ ആൻഡ്രോയിഡ് ഫോണുകളിൽ ചാറ്റ് ട്രാൻസ്ഫർ എളുപ്പമാക്കുന്ന പുതിയ ഫീച്ചർ ഏറെ ശ്രദ്ധ നേടിയിരുന്നു. ക്ലൗഡ്…
Read More » -
ഗൂഗിളിലെ പിഴവ് കണ്ടുപിടിച്ചു; പാരിതോഷികമായി ലഭിച്ചത് 18 ലക്ഷം രൂപ!
ഗൂഗിളിലെ പിഴവ് കണ്ട് പിടിച്ച ഇന്ത്യന് ഹാക്കര്മാരെ തേടിയെത്തിയത് 18 ലക്ഷം രൂപയുടെ പാരിതോഷികം! ഗൂഗിള് ക്ലൗഡ് പ്രോഗ്രാം പ്രൊജക്ടിലെ ഗുരുതര സുരക്ഷാ പിഴവ് കണ്ടെത്തിയ ശ്രീരാം കെഎല്, ശിവനേഷ് അശോക് എന്നീ ഹാക്കര്മാര്ക്കാണ് 22,000 ഡോളര് പാരിതോഷികമായി ഗൂഗിള് നല്കിയത്. ഒരു വെബ് ബ്രൗസറിലൂടെ കമ്പ്യൂട്ടര് ഇന്സ്റ്റന്സ് ആക്സസ് ചെയ്യുന്ന ഫീച്ചറിലായിരുന്നു പിഴവ് കണ്ടെത്തിയത്. ഈ ഗുരുതര പിഴവ് വഴി ആര്ക്കും മറ്റൊരാളുടെ സിസ്റ്റം കണ്ട്രോള് ചെയ്യാന് സാധിക്കുമായിരുന്നു. ഇക്കാര്യം ഗൂഗിള് അധികൃതരെ അറിയിച്ചതോടെ ഗൂഗിള് സി.എസ്.ആര്.എഫ് എന്ന ഫീച്ചര് അവതരിപ്പിച്ച് സുരക്ഷാ പഴുത് അടയ്ക്കുകയായിരുന്നു. ഇതാദ്യമായല്ല ശ്രീരാമും ശിവനേഷും ഗൂഗിളിലെ പിഴവ് കണ്ടെത്തുന്നത്. ഗൂഗിള് ക്ലൗഡ് പ്ലാറ്റ്ഫോമായ ‘തിയ’യിലായിരുന്നു അന്ന് ബഗ് കണ്ടെത്തിയത്. അതിനിടെ, ഗൂഗിളിന്റെ മാതൃകമ്പനിയായ ആല്ഫബെറ്റില് കഴിഞ്ഞ ദിവസം കൂട്ടപിരിച്ചുവിടല് പ്രഖ്യാപിച്ചിരുന്നു. ആഗോളതലത്തില് 12,000 ജീവനക്കാരെ പിരിച്ചുവിടാനാണ് തീരുമാനം. കമ്പനിയിലെ ആകെ ജീവനക്കാരുടെ ആറ് ശതമാനം പേരെയാണ് പിരിച്ചുവിടുന്നത്. 10,000 ജീവനക്കാരെ പിരിച്ചുവിടുമെന്ന് മൈക്രോസോഫ്റ്റ് അറിയിച്ചതിന്…
Read More » -
പണം വാങ്ങിയിട്ടാണ് പ്രൊമോഷനെങ്കിൽ കൃത്യമായി പറയണം; താരങ്ങളുടെ സോഷ്യൽ മീഡിയ പ്രമോഷന് മാർഗരേഖയുമായി കേന്ദ്രസർക്കാർ; ലംഘിച്ചാൽ 50 ലക്ഷം വരെ പിഴ
ന്യൂഡൽഹി: സിനിമാ താരങ്ങളുടെയും സെലിബ്രിറ്റികളുടെയും സോഷ്യൽ മീഡിയ പ്രൊമോഷനു മാർഗനിർദേശങ്ങളുമായി കേന്ദ്രസർക്കാർ. മാർഗനിർദേശം ലംഘിച്ചാൽ 50 ലക്ഷം വരെ പിഴയീടാക്കാന്നും വ്യവസ്ഥ ചെയ്യുന്നു. ഇൻസ്റ്റാഗ്രാം, ഫേസ്ബുക്ക്, യുട്യൂബ് തുടങ്ങിയ ഡിജിറ്റൽ പ്ലാറ്റ്ഫോമുകളിൽ പരസ്യം ചെയ്യുന്നത് പണം വാങ്ങിയിട്ടാണെങ്കിൽ അത് കൃത്യമായി വെളിപ്പെടുത്തണമെന്നാണ് സെലിബ്രിറ്റികൾക്കും സമൂഹമാധ്യമ താരങ്ങൾക്കുമുള്ള കേന്ദ്ര സർക്കാരിന്റെ മാർഗരേഖയിൽ പറയുന്നത്. ബ്രാൻഡ് പ്രമോഷന്റെ പേരിൽ പല വ്യാജ വാഗ്ദാനങ്ങളും താരങ്ങൾ മീഡിയ വഴി സമൂഹത്തിലേക്ക് എത്തിക്കുന്നത് ശ്രദ്ധയിൽപെട്ടുവെന്ന് ചൂണ്ടിക്കാട്ടിയാണ് നടപടി. ഒറ്റനോട്ടത്തിൽ പരസ്യമെന്ന് തോന്നാത്ത തരത്തിലാണ് പല ഉള്ളടക്കങ്ങളും ചെയ്യുന്നത്. ഇതിൽ പറയുന്ന വാദങ്ങളിൽ സാധാരണക്കാർ വഞ്ചിതരാകാതിരിക്കാനാണ് നടപടിയെന്നും മാർഗരേഖയിൽ പറയുന്നു. ബ്രാൻഡ് പ്രമോഷൻ നടത്തുന്നതിന് മുൻപ് പരസ്യത്തിൽ പറയുന്ന ഉൽപന്നമോ സേവനമോ ഉപയോഗിച്ചു നോക്കണം. പരസ്യത്തിൽ പറയുന്ന വാദങ്ങൾ സാധൂകരിക്കാൻ ആ ഉൽപ്പന്നത്തിന് സാധിക്കുന്നുണ്ടോയെന്ന് ഉറപ്പാക്കണം. വീഡിയോയുടെ തുടക്കത്തിൽ തന്നെ പേയ്ഡ് പ്രമോഷനാണോയെന്ന കാര്യം വ്യക്തമായി എഴുതിയോ ഓഡിയോ രൂപത്തിലോ ചിത്രമായോ കാണിക്കണം. ഉള്ളടക്കം ഏത് ഭാഷയിലാണോ അതേ…
Read More »