Sports
-
അഡ്രിയാൻ ലൂണ അടുത്ത മാസം ടീമിനൊപ്പം ചേരുമെന്ന് കോച്ച് ഇവാൻ വുകമനോവിച്ച്
കൊച്ചി: ബ്ലാസ്റ്റേഴ്സിന്റെ ക്യാപ്റ്റൻ അഡ്രിയാൻ ലൂണ അടുത്ത മാസം ടീമിനൊപ്പം ചേരുമെന്ന് കോച്ച് ഇവാൻ വുകമനോവിച്ച്. താരത്തിന്റെ പരിക്ക് ഭേദമായെന്നും നിലവിൽ മുംബൈയിൽ ഫിസിയോ ചികിത്സയിലാണ് അദ്ദേഹം ഉള്ളതെന്നും ഇവാൻ പറഞ്ഞു. ലൂണയ്ക്ക് പിന്നാലെ പെപ്രയും പരിക്കേറ്റ് പുറത്തായത് ടീമിന്റെ കെട്ടുറപ്പിനെ ബാധിച്ചെന്നും ലൂണ തിരിച്ചെത്തുന്നതോടെ ഇത് ഏറെക്കുറെ പരിഹരിക്കാൻ സാധിക്കുമെന്നും ഇവാൻ വുകമനോവിച്ച് കൂട്ടിച്ചേർത്തു.
Read More » -
അക്കളി ഇവിടെ വേണ്ട; ചൈനയിലെ അര്ജന്റീന -നൈജീരിയ മത്സരം റദ്ദാക്കി
ഹാങ്ചോ: ഹോങ്കോങ് ഇലവനെതിരായ കളിയില് ഇന്റർ മയാമി നിരയില് ലയണല് മെസ്സി ഇറങ്ങാത്തതിനെതിരെ ആരാധകരോഷം തുടരവെ മാർച്ചില് ചൈനയിലെ ഹാങ്ചോയില് നടക്കാനിരുന്ന അർജന്റീന-നൈജീരിയ സൗഹൃദ മത്സരം റദ്ദാക്കി. കഴിഞ്ഞയാഴ്ച ഹോങ്കോങ് സ്റ്റേഡിയം വേദിയായ പ്രദർശനമത്സരത്തില് മെസ്സിയെ പ്രതീക്ഷിച്ച് ആയിരക്കണക്കിനു പേരാണ് ഗാലറിയിലെത്തിയത്. എന്നാല്, സൂപ്പർ താരം മയാമി ഇലവനിലില്ലായിരുന്നു. ഇതോടെ ആരാധകരും പ്രാദേശിക ഭരണകൂടവും പ്രതിഷേധമുയർത്തി. ടിക്കറ്റ് നിരക്കിന്റെ പകുതി തിരിച്ചുനല്കാമെന്ന് പ്രഖ്യാപിച്ചിരിക്കുകയാണ് സംഘാടകർ. മാർച്ച് 18 മുതല് 26 വരെയാണ് ലോക ചാമ്ബ്യന്മാർ ചൈനയില് പര്യടനം നടത്താനിരുന്നത്. എന്നാല്, അയല്രാജ്യമായ ഹോങ്കോങ്ങിലുണ്ടായ സംഭവവികാസങ്ങള് ആശങ്കയുയർത്തിയിട്ടുണ്ട്. നിലവിലെ സാഹചര്യത്തില് മത്സരവുമായി മുന്നോട്ടുപോവുന്നത് അപക്വമായിരിക്കുമെന്ന് ഹാങ്ചോ സ്പോർട്സ് ബ്യൂറോ അറിയിച്ചു. ഹാങ്ചോയിലേതിനു പിന്നാലെ ബെയ്ജിങ്ങില് നടത്താനിരുന്ന അർജന്റീന-ഐവറി കോസ്റ്റ് മത്സരവും ഉപേക്ഷിക്കാനാണ് സാധ്യത. ഹോങ്കോങ് ഇലവനെതിരെ മെസ്സി കളിക്കാതിരുന്നത് പരിക്കുമൂലമാണെന്നായിരുന്നു വിശദീകരണം. എന്നാല്, രണ്ടു ദിവസത്തിനുശേഷം ജപ്പാനില് വിസ്സെല് കോബിനെതിരെ ക്ലബ് സൗഹൃദമത്സരത്തില് മയാമിക്കായി അരമണിക്കൂറോളം മെസ്സി പന്തുതട്ടുകയും ചെയ്തു. ഇതാണ് ഹോങ്കോങ്ങിലെ…
Read More » -
ഏഷ്യൻ ഫുട്ബോൾ കിരീടം വീണ്ടും ഖത്തറിന്
ദോഹ: ഏഷ്യൻ ഫുട്ബോൾ കിരീടം വീണ്ടും ഖത്തറിന്.ഇന്നലെ നടന്ന ഫൈനലിൽ ആതിഥേയരായ ഖത്തർ 3–1നു ജോർദാനെയാണ് പരാജയപ്പെടുത്തിയത്. ലുസെയ്ൽ സ്റ്റേഡിയത്തിൽ നടന്ന മത്സരത്തിൽ, അക്രം അഫിഫാണ് ഖത്തറിന്റെ 3 ഗോളുകളും നേടിയത്. 22, 73, 90+5 മിനിറ്റുകളിൽ പെനൽറ്റിയിൽനിന്നായിരുന്നു 3 ഗോളുകളും. ഖത്തർ ക്ലബ് അൽ സാദിന്റെ താരമാണ് ഹാട്രിക് നേടിയ ഇരുപത്തേഴുകാരൻ അഫിഫ്. 67–ാം മിനിറ്റിൽ യാസൻ അൽ നയ്മത്ത് ജോർദാന്റെ ഏകഗോൾ നേടി. ഖത്തറിന്റെ 2–ാം ഏഷ്യൻ കപ്പ് കിരീട വിജയമാണിത്.ടൂർണമെന്റിലെ ടോപ് ഗോൾ സ്കോററും അഫിഫാണ് (8). 2019ൽ യു.എ.ഇയിൽ നടന്ന ഏഷ്യൻ കപ്പിലൂടെ കന്നിക്കിരീടമണിഞ്ഞ ഖത്തർ ഇത്തവണ സ്വന്തം മണ്ണിൽ ഒരു കളിപോലും തോൽക്കാതെയാണ് കിരീടത്തിലെത്തിയത്. അതേസമയം ജോർഡന്റെ ആദ്യ ഫൈനൽ പ്രവേശനമായിരുന്നു ഇത്.
Read More » -
സച്ചിൻ ബേബിക്കും അക്ഷയ് ചന്ദ്രനും സെഞ്ച്വറി;ജലജ് സക്സേനയ്ക്ക് 7 വിക്കറ്റ്, ബംഗാളിനെ വിറപ്പിച്ച് കേരളം
തിരുവനന്തപുരം: രഞ്ജി ട്രോഫിയില് ബംഗാളിനെ വിറപ്പിച്ച് കേരളം. ജലജ് സക്സേനയുടെ തകർപ്പൻ ബൗളിംഗിന്റെ മികവില് കേരളം ആദ്യ ഇന്നിംഗ്സ് ലീഡിലേക്ക് അടുക്കുകയാണ്. രണ്ടാം ദിനം കളി അവസാനിക്കുമ്ബോള് ബംഗാള് 172/8 എന്ന നിലയിലാണ്. കേരളത്തിന്റെ ആദ്യ ഇന്നിങ്സ് സ്കോറായ 363ന് 191 റണ്സ് അകലെയാണ് ബംഗാള് നില്ക്കുന്നത്. ജലജ് സക്സേനയാണ് കേരളം എടുത്ത എട്ടു വിക്കറ്റില് ഏഴും നേടിയത്. 20 ഓവർ എറിഞ്ഞ ജലജ് സക്സേന 67 റണ്സ് വഴങ്ങിയാണ് 7 വിക്കറ്റ് എടുത്തത്. നിധീഷ് ഒരു വിക്കറ്റും വീഴ്ത്തി. നേരത്തെ ആദ്യ ഇന്നിംഗ്സില് സച്ചിൻ ബേബിയും അക്ഷയ് ചന്ദ്രനും നേടിയ സെഞ്ച്വറികളുടെ ബലത്തില് ആയിരുന്നു കേരളം 363 റണ്സ് എടുത്തത്. സച്ചിൻ ബേബി 124 റണ്സും അക്ഷയ് 106 റണ്സും നേടി.
Read More » -
വീണ്ടും കൊച്ചിയിലേക്ക് ഫുട്ബോൾ ആരവം; നാളെ കേരള ബ്ലാസ്റ്റേഴ്സ് പഞ്ചാബ് എഫ്സിയുമായി ഏറ്റുമുട്ടും
കൊച്ചി: ഐഎസ്എല്ലിൽ നാളെ കേരള ബ്ലാസ്റ്റേഴ്സ് പഞ്ചാബ് എഫ്സിയുമായി ഏറ്റുമുട്ടും.കൊച്ചി ജവഹർലാൽ നെഹ്റു സ്റ്റേഡിയത്തിൽ രാത്രി 8 മണിക്കാണ് മത്സരം. നിലവിൽ 13 മത്സരങ്ങളില് നിന്ന് 26 പോയിന്റുമായി കേരള ബ്ലാസ്റ്റേഴ്സ് മൂന്നാം സ്ഥാനത്താണുള്ളത്.15 മത്സരങ്ങളില് നിന്ന് 31 പോയിന്റുമായി ഒഡീഷയാണ് ഒന്നാം സ്ഥാനത്ത്.12 മത്സരങ്ങളില് നിന്ന് 28 പോയിന്റോടെ ഗോവ രണ്ടാം സ്ഥാനത്തും നിൽക്കുന്നു.13 മത്സരങ്ങളിൽ നിന്ന് 11 പോയിന്റോടെ പഞ്ചാബ് 11-ാം സ്ഥാനത്താണുള്ളത്. അതേസമയം കഴിഞ്ഞ ദിവസം നടന്ന മത്സരത്തില് മുൻ ചാമ്പ്യൻമാരായ ബംഗളൂരു എഫ്സിയെ ഒന്നിനെതിരെ 3 ഗോളുകള്ക്ക് തകർത്ത് ടീമാണ് പഞ്ചാബ്എഫ് സി.പഞ്ചാബിന്റെ ഈ സീസണിലെ രണ്ടാം വിജയമായിരുന്നു ഇത്.ബംഗളൂരു എഫ് സിയും 2 മത്സരങ്ങള് മാത്രമേ ഈ സീസണില് വിജയിച്ചിട്ടുള്ളൂ.അതേസമയം മുൻ ചാമ്ബ്യൻമാരായ ഹൈദരാബാദ് ഈ സീസണില് ഒരു വിജയം പോലും നേടാനാകാതെ ഏറ്റവും അവസാന സ്ഥാനത്താണുള്ളത്. കേരള ബ്ലാസ്റ്റേഴ്സിന്റെ ഇനിയുള്ള മത്സരങ്ങള് ഇങ്ങനെയാണ് : Feb 12 പഞ്ചാബ് എഫ്സി (കൊച്ചി), Feb…
Read More » -
ഖത്തറോ ജോർദാനോ; ഏഷ്യൻ രാജാവിനെ ഇന്നറിയാം
ദോഹ: എഎഫ്സി ഏഷ്യൻ കപ്പിന്റെ ഫൈനലിൽ ആതിഥേയരായ ഖത്തർ ഇന്ന് ജോർദാനെ നേരിടും.ലൂസൈല് സ്റ്റേഡിയത്തില് ഇന്ത്യൻ സമയം രാത്രി 8.30നാണ് ഫൈനൽ. നിലവിലെ ചാമ്പ്യന്മാരായ ഖത്തർ കിരീടം നിലനിർത്താനുള്ള തയാറെടുപ്പിലാണ്. അതേസമയം, ചരിത്രത്തില് ആദ്യമായാണ് ജോർദാൻ ഫൈനലില് പ്രവേശിക്കുന്നത്. 2004, 2011 എഡിഷനുകളില് ക്വാർട്ടറില് പ്രവേശിച്ചതായിരുന്നു ജോർദാന്റെ ഇതുവരെയുള്ള മികച്ച പ്രകടനം. ഗ്രൂപ്പ് ഇയില് ബെഹറിനും ദക്ഷിണകൊറിയയ്ക്കും പിന്നിലായി മൂന്നാം സ്ഥാനക്കാരായ ജോർദാൻ, മികച്ച മൂന്നാം സ്ഥാനക്കാരുടെ സ്ലോട്ടിലൂടെയായിരുന്നു പ്രീക്വാർട്ടറില് പ്രവേശിച്ചത്. പ്രീക്വാർട്ടറില് ഇറാക്കിനെയും (3-2) ക്വാർട്ടറില് തജിക്കിസ്ഥാനെയും (1-0) സെമിയില് ദക്ഷിണകൊറിയയെയും (2-0) മറികടന്നാണ് ജോർദാൻ ഫൈനലിൽ പ്രവേശിച്ചത്. അതേസമയം ഗ്രൂപ്പ് എയിലെ മൂന്ന് മത്സരങ്ങളും ജയിച്ച് ഒന്നാം സ്ഥാനത്തോടെയാണ് ഖത്തർ പ്രീക്വാർട്ടറില് പ്രവേശിച്ചത്. പ്രീക്വാർട്ടറില് പലസ്തീനെയും (2-1) ക്വാർട്ടറില് ഉസ്ബക്കിസ്ഥാനെയും (ഷൂട്ടൗട്ടില് 3-2) തോല്പ്പിച്ചു. തുടർന്ന് സെമിയില് ഇറാനെ ഇഞ്ചോടിഞ്ച് പോരാട്ടത്തില് 3-2നു കീഴടക്കിയായിരുന്നു ഖത്തറിന്റെ ഫൈനല് പ്രവേശം.
Read More » -
ഹ്യൂഗോ ബൗമസിനെ മോഹൻ ബഗാൻ പുറത്താക്കി
കൊൽക്കത്ത:മോഹൻ ബഗാന്റെ പ്രധാന താരങ്ങളില് ഒരാളായ ഹ്യൂഗോ ബൗമസിനെ ക്ലബ് പുറത്താക്കിയതായി റിപ്പോർട്ടുകള്.ഹ്യൂഗോ ബൗമസും പരിശീലകൻ ഹബാസും തമ്മിലുള്ള പ്രശ്നങ്ങള് ആണ് കാരണമെന്നാണ് വിവരം. മുംബൈ സിറ്റിയില് നിന്ന് രണ്ട് സീസണ് മുമ്ബാണ് ബൗമസ് മോഹൻ ബഗാനില് എത്തിയത്. മുംബൈ സിറ്റിയുടെ ഇരട്ട കിരീടത്തില് നിർണായക പങ്കുവഹിച്ച ഹ്യൂഗോ ബൗമസ് മോഹൻ ബഗാനൊപ്പം ഐ എസ് എല് കിരീടവും ഡ്യൂറണ്ട് കപ്പും നേടിയിരുന്നു. 2019-20 സീസണില് എഫ് സി ഗോവയ്ക്ക് ഒപ്പം ലീഗ് ഷീല്ഡ് നേടാനും ബൗമസിനായിരുന്നു. ബൗമസിന് പകരം ജോണി കൗകോയെ മോഹൻ ബഗാൻ സ്ക്വാഡില് ഉള്പ്പെടുത്തി. നേരത്തെ മോഹൻ ബഗാനായി വലിയ പ്രകടനങ്ങള് നടത്തിയിട്ടുള്ള കൗകോ പരിക്ക് കാരണം ദീർഘകാലമായി പുറത്തായിരുന്നു.
Read More » -
ബംഗാളിനെതിരെ സച്ചിൻ ബേബിക്ക് സെഞ്ച്വറി, കേരളം 265/4
തിരുവനന്തപുരം: രഞ്ജി ട്രോഫി എലൈറ്റ് ഗ്രൂപ്പ് ബിയില് കരുത്തരായ ബംഗാളിനെതിരെ സച്ചിൻ ബേബിയുടെ സെഞ്ച്വറി പിൻബലത്തില് കേരളം മികച്ച ്സകോറിലേക്ക്. തുമ്ബ സെന്റ് സേവ്യേഴ്സ് കോളേജ് ഗ്രൗണ്ടില് ടോസ് നേടി ബാറ്റിംഗിനിറങ്ങിയ കേരളം ഒന്നാം ദിനം സ്റ്റമ്ബെടുക്കുമ്ബോള് 4 വിക്കറ്റ് നഷ്ടത്തില് 265 റണ്സെടുത്തിട്ടുണ്ട്. 220 പന്ത് നേരിട്ട് 10 ഫോറും 1 സിക്സും ഉള്പ്പെടെ 110 റണ്സുമായി സച്ചിനും അർദ്ധ സെഞ്ച്വറി കുറിച്ച് 76 റണ്സുമായി അക്ഷയ് ചന്ദ്രനുമാണ് ക്രീസിലുള്ളത്. രോഹൻ പ്രേം (3), ക്യാപ്ടൻ സഞ്ജു സാംസണ് (8) എന്നിവർക്ക് തിളങ്ങാനായില്ല. വൻ പ്രതിസന്ധി മുന്നില് കണ്ട കേരളത്തിന് അഞ്ചാം വിക്കറ്റില് സച്ചിനും അക്ഷയ് ചന്ദ്രനും രക്ഷകരാവുകയായിരുന്നു. ബംഗാള് ബൗളിംഗിനെ സമർത്ഥമായി നേരിട്ട ഇരുവരും ടീമിനെ സുരക്ഷിതമായി 250ഉം കടത്തി ബാറ്റിംഗ് തുടരുകയാണ്. തകർക്കപ്പെടാത്ത അഞ്ചാം വിക്കറ്റില് ഇരുവരും ഇതുവരെ 153 റണ്സിന്റെ കൂട്ടുകെട്ട് ഉണ്ടാക്കി കഴിഞ്ഞു. 150 പന്ത് നേരിട്ട അക്ഷയ് 7 ഫോർ നേടിയിട്ടുണ്ട്. സച്ചിന്റെ…
Read More » -
4-2 ന് ഇന്റര് കാശിയെ മുക്കി ഗോകുലം കേരള
കൊൽക്കത്ത: ഐ ലീഗ് ഫുട്ബോളില് തകര്പ്പന് ജയം കുറിച്ച് ഗോകുലം കേരള. കൊൽക്കത്ത കല്യാണി സ്റ്റേഡിയത്തില് നടന്ന മത്സരത്തില് 4-2 നാണ് ഗോകുലം ഇന്റര് കാശിയെ തകർത്തത്. ഗോകുലത്തിനായി നികോളവാ സ്റ്റോയാനികോവ് ഇരട്ട ഗോളുകളടിച്ചു. കെ. അഭിജിതും അലക്സ് സാഞ്ചസും ഒരു ഗോള് വീതമടിച്ചു. ജയത്തോടെ ഗോകുലം 12 മത്സരങ്ങളില്നിന്ന് 20 പോയിന്റുമായി നാലാമതായി. ഇന്റര് കാശി ഏഴാം സ്ഥാനത്താണ്.
Read More » -
ഐഎസ്എല്; ഒഡീഷയെ സമനിലയില് തളച്ച് എഫ്സി ഗോവ
ഭുവനേശ്വർ: ഇന്ത്യന് സൂപ്പര് ലീഗില് സമനിലയില് പിരിഞ്ഞ് ഒഡീഷ എഫ്സി-എഫ്സി ഗോവ മത്സരം. പോയിന്റ് പട്ടികയിലെ ആദ്യ രണ്ട് സ്ഥാനക്കാര് തമ്മില് ഏറ്റുമുട്ടിയ മത്സരത്തില് ഇരുവരും ഓരോ ഗോളുകളടിച്ച് പിരിഞ്ഞു. സ്വന്തം തട്ടകമായ ഭുവനേശ്വറിലെ കലിംഗ സ്റ്റേഡിയത്തില് നടന്ന മത്സരത്തിന്റെ തുടക്കത്തിലേ ലീഡെടുക്കാന് ഒഡീഷയ്ക്ക് കഴിഞ്ഞു. മത്സരത്തിന്റെ നാലാം മിനിറ്റില് സ്റ്റാര് സ്ട്രൈക്കര് റോയ് കൃഷ്ണയാണ് ഒഡീഷയെ മുന്നിലെത്തിച്ചത്. എന്നാല് ആദ്യ പകുതി അവസാനിക്കുന്നതിന് മുന്നേ ഗോവ മറുപടി നല്കി. രണ്ടാം പകുതിയില് വിജയഗോളിനായി ഇരുടീമുകളും പരിശ്രമിച്ചെങ്കിലും ഫലമുണ്ടായില്ല. 15 മത്സരങ്ങളില് നിന്ന് 31 പോയിന്റുമായി ഒന്നാമതാണ് ഒഡീഷ. 12 മത്സരങ്ങളില് നിന്ന് 28 പോയിന്റോടെ ഗോവയാണ് രണ്ടാം സ്ഥാനത്ത്.13 മത്സരങ്ങളിൽ നിന്ന് 26 പോയിന്റുമായി കേരള ബ്ലാസ്റ്റേഴ്സ് മൂന്നാം സ്ഥാനത്തും നിൽക്കുന്നു.
Read More »