politics
-
പി.എം. ശ്രീയില് അനുനയ നീക്കവുമായി ശിവന്കുട്ടി; വഴങ്ങാതെ സിപിഐ; എംഎന് സ്മാരകത്തില് നേരിട്ടെത്തി ബിനോയ് വിശ്വത്തെ കണ്ടു; നിലപാട് ആവര്ത്തിച്ച് ഇരുവിഭാഗവും
തിരുവനന്തപുരം: പി.എം.ശ്രീയെ ചൊല്ലി എല്ഡിഎഫില് ഉണ്ടായ അസാധാരണ പൊട്ടിത്തെറിക്കിടെ അനുനയ നീക്കവുമായി വിദ്യാഭ്യാസ മന്ത്രി വി.ശിവന്കുട്ടി സിപിഐ ആസ്ഥാനമായ എം.എന്. സ്മാരകത്തിലെത്തി. സിപിഐ സംസ്ഥാന സെക്രട്ടറി ബിനോയ് വിശ്വവുമായും മന്ത്രി ജി.ആര്. അനിലുമായും നടത്തിയ ചര്ച്ചയില് കാര്യമായ പുരോഗതി ഉണ്ടായില്ല. പിഎം ശ്രീയില് നിന്നും പിന്മാറണമെന്ന ആവശ്യം ബിനോയ് വിശ്വം ഉന്നയിച്ചു. മന്ത്രിസഭ അറിയാതെ കരാര് ഒപ്പിട്ടതിനെ പറ്റി അറിയണമെന്ന് ചര്ച്ചയില് സിപിഐ ആവശ്യപ്പെട്ടു. ഫണ്ട് കിട്ടാനാണ് കരാറില് ഒപ്പിട്ടതെന്ന നിലപാടാണ് ചര്ച്ചയില് വിദ്യാഭ്യാസ മന്ത്രി സ്വീകരിച്ചത്. എല്ലാ പ്രശ്നങ്ങളും പരിഹരിക്കുമെന്ന് വി ശിവന്കുട്ടി പ്രതികരിച്ചു. സിപിഐയുമായി നടത്തിയ ചര്ച്ചയിലെ എല്ലാകാര്യങ്ങളും വെളിപ്പെടുത്താന് ആഗ്രഹിക്കുന്നില്ല എന്ന് ശിവന്കുട്ടി പറഞ്ഞു. പിഎംശ്രീയില് ഒപ്പിട്ടത് എം.എ.ബേബി അറിഞ്ഞെന്ന് സിപിഎം നേതാവ് എ.കെ.ബാലന് പറഞ്ഞു. ബിനോയ് വിശ്വം പറഞ്ഞതിന് അടിസ്ഥാനമില്ലെന്നും തിരുത്തുമെന്ന് പ്രതീക്ഷിക്കുന്നതായും എ.കെ.ബാലന് പറഞ്ഞു. പിഎംശ്രീ പദ്ധതിയില് ഒപ്പിട്ടത് എന്തിനെന്ന് വിദ്യാഭ്യാസ മന്ത്രി പറയണമെന്ന് ഭക്ഷ്യമന്ത്രി ജി.ആര്.അനില് ആവശ്യപ്പെട്ടു. വിഷയം മന്ത്രിസഭയോട് ഒളിച്ചുവച്ചതെന്തിനെന്നും മന്ത്രി…
Read More » -
നാലര വര്ഷത്തെ ക്ഷേമ പ്രവര്ത്തനത്തിന്റെ ഫലം; അതിദാരിദ്ര്യ നിര്മ്മാര്ജനത്തില് ചരിത്ര നേട്ടവുമായി തൃശൂര്; ഭക്ഷണം, ആരോഗ്യം, അഭയം; എല്ലാ മേഖലയിലും നൂറു ശതമാനം നേട്ടം
തൃശൂര്: നാലര വർഷത്തെ സംസ്ഥാന സർക്കാരിന്റെ ക്ഷേമപ്രവർത്തനങ്ങളുടെ ഫലമായാണ് അതിദാരിദ്ര്യ മുക്ത തൃശ്ശൂരിനെ യാഥാർത്ഥ്യമാക്കിയതെന്ന് റവന്യൂ, ഭവന നിർമ്മാണ വകുപ്പ് മന്ത്രി കെ. രാജൻ പറഞ്ഞു. തൃശ്ശൂർ ജില്ലയിലെ അതിദാരിദ്ര്യമുക്ത പ്രഖ്യാപനം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. രാജ്യത്തെ അതിദരിദ്രരില്ലാത്ത ആദ്യത്തെ സംസ്ഥാനമാവുകയാണ് കേരളം. രാജ്യത്ത് ആദ്യമായി ഒരു നിയമസഭയുടെ സമ്പൂർണ്ണ യോഗം ചേർന്ന് അതിദാരിദ്ര്യമുക്ത പ്രഖ്യാപനം നടത്തുന്നതും നമ്മുടെ സംസ്ഥാനമാണ്. കുടുംബശ്രീ വഴി സംസ്ഥാനത്ത് 64,006 അതിദരിദ്രരെ കണ്ടെത്തി, ആ കുടുംബങ്ങളെയെല്ലാം അതിദാരിദ്ര്യമുക്തമാക്കിയെന്നും, ഒരു ലക്ഷ്യമുണ്ടെങ്കിൽ സ്ഥായിയായ പരിശ്രമത്തിലൂടെ അത് നേടാൻ സാധിക്കുമെന്നതിന് ഉദാഹരണമാണ് സംസ്ഥാനം കൈവരിച്ച അതിദാരിദ്ര്യ നിർമ്മാർജ്ജനമെന്നും മന്ത്രി കൂട്ടിച്ചേർത്തു. അതിദരിദ്രരെ കണ്ടെത്തുന്നത് മുതൽ പ്രഖ്യാപനം വരെയുള്ള ഓരോ ഘട്ടത്തിലും മികച്ച പ്രവർത്തനം നടത്തിയ കുടുംബശ്രീ പ്രവർത്തകരെയും ഉദ്യോഗസ്ഥരെയും മന്ത്രി അഭിനന്ദിച്ചു. ഉന്നത വിദ്യാഭ്യാസ, സാമൂഹികനീതി വകുപ്പ് മന്ത്രി ഡോ. ആർ. ബിന്ദു അധ്യക്ഷത വഹിച്ചു. ലോകത്തിനു മുന്നിൽ അവതരിപ്പിക്കുന്ന മറ്റൊരു കേരള വികസന മാതൃകയായി അതിദാരിദ്ര്യമുക്ത…
Read More » -
പാകിസ്താന്റെ ആണവശേഖരം ലക്ഷക്കണക്കിനു ഡോളറിന് അമേരിക്കയ്ക്കു വിറ്റു; ഞെട്ടിക്കുന്ന വെളിപ്പെടുത്തലുമായി മുന് അമേരിക്കന് ചാര ഉദ്യോഗസ്ഥന്; ‘മുഷാറഫിന്റെ അക്കൗണ്ടിലേക്ക് ഒഴുകിയത് കോടികള്; തീവ്രവാദികളുടെ പക്കല് ആയുധമെത്തുമെന്ന ഭയവും നീക്കത്തിനു കാരണം’
ന്യൂയോര്ക്ക്: പാക്കിസ്ഥാന്റെ ആണവശേഖരം ലക്ഷക്കണക്കിന് ഡോളറിന് അമേരിക്കയ്ക്ക് വിറ്റെന്ന് വെളിപ്പെടുത്തല്. സിഐഎ മുന് ഓഫിസറായ ജോണ് കിരിയാകോവിന്റേതാണ് വെളിപ്പെടുത്തല്. ജനറല് പര്വേസ് മുഷാറഫ് പ്രസിഡന്റായിരിക്കെയാണ് ആണവായുധ ശേഖരത്തിന്റെ നിയന്ത്രണം അമേരിക്ക വിലയ്ക്കെടുത്തതെന്നും അദ്ദേഹം കൂട്ടിച്ചേര്ത്തു. അടുത്തിടെ ഓപ്പറേഷന് സിന്ദൂറിനുശേഷം ആണവച്ചോര്ച്ച കണ്ടെത്തുന്നതിനുള്ള അമേരിക്കന് വിമാനം പാകിസ്താനു മുകളിലൂടെ പറന്നതു വലിയ ചര്ച്ചയായിരുന്നു. ഇന്ത്യയുടെ മിസൈലുകള് പാക് ആണവകേന്ദ്രങ്ങള്ക്കു സമീപംവരെ എത്തിയതിനു പിന്നാലെയായിരുന്നു ഇത്. എന്തിനാണ് അമേരിക്കന് വിമാനം പറന്നതെന്ന ചര്ച്ചകളും ആ സമയത്തു സജീവമായിരുന്നു. ഇതിനു മാസങ്ങള്ക്കുശേഷമാണ് വെളിപ്പെടുത്തല് എന്നതും ശ്രദ്ധേയമാണ്. 15 വര്ഷത്തോളം സിഐഎയില് അനലിസ്റ്റായും പിന്നീട് ഭീകരവിരുദ്ധ സംഘത്തിലുമാണ് ജോണ് പ്രവര്ത്തിച്ചത്. അഴിമതിയില് അടിമുടി മുങ്ങിയ ഭരണസംവിധാനവും നേതാക്കളുമാണ് പാക്കിസ്ഥാന്റേതെന്നും രാജ്യത്തെ സാധാരണക്കാര് നട്ടംതിരിഞ്ഞപ്പോഴും പാക് മുന് പ്രധാനമന്ത്രി ബേനസീര് ഭൂട്ടോ ഉള്പ്പടെയുള്ളവര് വിദേശത്ത് ആഡംബര ജീവിതം നയിക്കുകയായിരുന്നുവെന്നും അദ്ദേഹം പറഞ്ഞു. മുഷാറഫ് സര്ക്കാരും യുഎസുമായി അടുത്തബന്ധമാണ് പുലര്ത്തിയിരുന്നതെന്ന് ജോണ് അവകാശപ്പെടുന്നു. ‘പാക്കിസ്ഥാനി സര്ക്കാരുമായുള്ള ഞങ്ങളുടെ ബന്ധം വളരെ…
Read More » -
റഷ്യയില്നിന്നുള്ള എണ്ണ ഇറക്കുമതി വെട്ടിക്കുറയ്ക്കാന് ഇന്ത്യ; യുഎസ് കരിമ്പട്ടികയില് പെടുത്തിയതോടെ പുതിയ നീക്കം; എണ്ണ വാങ്ങിയാല് വന് തുക പിഴയടയ്ക്കണം; ഇന്ത്യയില് എണ്ണവില കുതിച്ചുയരുമെന്ന് ആശങ്ക
ന്യൂഡല്ഹി: റഷ്യയില്നിന്നുള്ള എണ്ണ ഇറക്കുമതി നവംബര് പകുതിയോടെ കുത്തനെ കുറയ്ക്കാന് ഇന്ത്യന് കമ്പനികള്. മറ്റ് എണ്ണ ഉല്പ്പാദക രാജ്യങ്ങളുമായി കരാറില് ഏര്പ്പെടാന് സാധ്യത തേടി. റഷ്യൻ എണ്ണ ഭീമന്മാരായ കമ്പനികളെ യുഎസ് കരിമ്പട്ടികയില് പെടുത്തിയതോടെയാണ് പുതിയ നീക്കം. റഷ്യന് എണ്ണ വാങ്ങല് കുറയുമ്പോള് ഗള്ഫ് രാജ്യങ്ങള്, ലാറ്റിന് അമേരിക്ക, യുഎസ്, കാനഡ, പടിഞ്ഞാറന് അഫ്രിക്ക എന്നിവിടങ്ങളില്നിന്ന് കൂടുതല് എണ്ണ ഇന്ത്യ വാങ്ങും. യുഎസ് കരിമ്പട്ടികയില്പ്പെടുത്തിയ കമ്പിനികളുമായി ഇടപാട് നടത്തുന്നവര് വലിയ പിഴയൊടുക്കണം. യുഎസിന്റെ ഈ ഭീഷണിയാണ് റിലയന്സും കേന്ദ്ര പൊതുമേഖലാ എണ്ണ കമ്പനികളെയും റഷ്യന് എണ്ണ വാങ്ങുന്നതില്നിന്ന് പിന്തിരിപ്പിക്കുന്നത്. ഒറ്റയടിക്ക് റഷ്യന് എണ്ണ നിര്ത്തുക പ്രായോഗികമല്ല. എങ്കിലും വര്ഷാവസാനത്തോടെ റഷ്യന് എണ്ണ ഇറക്കുമതിയില് ഗണ്യമായ കുറവ് വരുത്തും. നിലവില് ഇന്ത്യയുടെ ആകെ എണ്ണ ഉപയോഗത്തിന്റെ മൂന്നിലൊന്നും റഷ്യയില്നിന്നാണ്. പ്രതിദിനം 1.7 മില്യണ് ബാരല്. ഇതില് 1.2 മില്യണ് ബാരലും യുഎസ് കരിമ്പട്ടികയില്പ്പെടുത്തിയ റോസ്നെഫ്റ്റ്, ലുക്കോയില് എന്നീ റഷ്യന് കമ്പിനികളില്നിന്നാണ് വാങ്ങുന്നത്. റിലയന്സ്…
Read More » -
ശബരിമലയില്നിന്ന് കടത്തിയ സ്വര്ണം കണ്ടെത്തി; പോറ്റി ഗോവര്ധനനു വിറ്റ സ്വര്ണം കണ്ടെത്തിയത് ബെല്ലരിയിലെ റോദ്ദം ജ്വല്ലറിയില്; ദേവസ്വം ബോര്ഡിന്റെ നിര്ണായക യോഗം ഇന്ന്
ബെല്ലാരി: ശബരിമലയില്നിന്ന് കടത്തിയ സ്വര്ണം കണ്ടെത്തി. ഉണ്ണികൃഷ്ണന് പോറ്റി വിറ്റ സ്വര്ണം ബെള്ളാരിയിലെ ജ്വല്ലറിയില് നിന്നാണ് എസ്ഐടി കണ്ടെത്തിയത്. പോറ്റി ഗോവര്ധന് വിറ്റ സ്വര്ണമാണ് കണ്ടെത്തിയത്. സ്വര്ണം കണ്ടെത്തിയത് നാണയങ്ങളുടെ രൂപത്തിലെന്ന് സൂചന. ഗോവര്ധന്റെ ജ്വല്ലറിയില് എസ്ഐടി പരിശോധന നടന്നത് ഇന്നലെയാണ്. പോറ്റിയില് നിന്ന് സ്വര്ണം വാങ്ങിയ ബെല്ലാരിയില റൊദ്ദം ജ്വല്ലറി പൂട്ടിയ നിലയിലായിരുന്നു. ഉപഭോക്താക്കള്ക്കായി ഫോണ് നമ്പര് മാത്രമുള്ള നോട്ടിസ് ഒട്ടിച്ചിരുന്നു. 476 ഗ്രാം സ്വര്ണം ഇവിടെ വിറ്റെന്നായിരുന്നു പോറ്റിയുടെ മൊഴി. അതേസമയം, ശബരിമല സ്വര്ണക്കൊള്ള വിവാദങ്ങള്ക്കിടെ തിരുവിതാംകൂര് ദേവസ്വം ബോര്ഡ് യോഗം ഇന്ന് രാവിലെ ചേരും. ബോര്ഡ് ആസ്ഥാനത്തെ യോഗത്തില് ശബരിമല സ്വര്ണക്കൊള്ളയില് ഹൈക്കോടതി ബോര്ഡിനെതിരെ നടത്തിയ പരാമര്ശങ്ങള് ചര്ച്ചയാവും. അഭിഭാഷകന് മുഖേന 2025 കാലയളവില് സംഭവിച്ച കാര്യങ്ങള് ബോര്ഡ് ഹൈക്കോടതിയെ രേഖാമൂലം അറിയിച്ചിട്ടുണ്ട്. 2019 ലെ കവര്ച്ച മറയ്ക്കാനാണ് 2025 ല് വീണ്ടും ഉണ്ണികൃഷ്ണന് പോറ്റിക്ക് ശബരിമലയിലെ സ്വര്ണപ്പാളികള് കൊടുത്തയച്ചതെന്നും സ്പെഷല് കമ്മിഷണറെ രേഖാമൂലം അറിയിക്കാത്തത് ഗുരുതര…
Read More » -
തൊഴിലാളിവർഗ്ഗ സമഗ്രാധിപത്യം’ പേരിൽ മാത്രം, വാസ്തവത്തിൽ ആശാവർക്കർമാരോടുള്ള സർക്കാരിന്റെ കടുംപിടുത്തം എന്തിന്?
‘തൊഴിലാളിവർഗ്ഗ സമഗ്രാധിപത്യം’ എന്ന വാചകം മലയാളിക്ക് ഏറെ കേട്ടു പരിചയമുള്ളതാണ്. കേരളത്തിൽ ഇടതുപക്ഷം പ്രവർത്തനം തുടങ്ങിയതു മുതൽ ഇടതുപക്ഷ നേതാക്കൾ നിരന്തരം മന്ത്രം പോലെ ഉരുവിടുന്ന വാക്കാണ് തൊഴിലാളിവർഗ്ഗ സമഗ്രാധിപത്യം എന്നത്. സമൂഹത്തിൽ തൊഴിലാളി വർഗ്ഗത്തിന്റെ സമ്പൂർണ്ണമായ ആധിപത്യം എന്നതാണ് മാർക്സിസ്റ്റ് ചിന്താഗതി മുന്നോട്ടുവയ്ക്കുന്ന ആശയം. ഈ മാർക്സിസ്റ്റ് ആശയം പേറുന്ന ഒരു സംസ്ഥാന സർക്കാർ കേരളം ഭരിക്കുമ്പോഴാണ് ആശ വക്കർമാർക്ക് അനീതിയും അവഗണനയും നേരിടേണ്ടി വരുന്നത്. ജീവിക്കാൻ വേണ്ടി ആശാവർക്കർമാർ സമരം ചെയ്യുമ്പോൾ ആ സമരത്തിന് നേരെ മുഖം തിരിക്കുക മാത്രമല്ല, പോലീസിനെ ഉപയോഗിച്ച് സമരത്തെ അടിച്ചമർത്തുക കൂടിയാണ് സർക്കാർ. നമ്മുടെ സമൂഹത്തിനു വേണ്ടി അഹോരാത്രം പ്രവർത്തിക്കുന്ന ആശമാരെ ഈ വിധം നേരിടുന്നത് ഒരിക്കലും കേരളം പോലൊരു സംസ്ഥാനത്തിന് ചേരുന്നതല്ല. സർക്കാരിന്റെ മുന്നിൽ ആശയാദർശങ്ങൾ പണയം വെച്ച സാംസ്കാരിക നായകർ ഈ വിഷയം കണ്ട ഭാവം പോലും നടിക്കുന്നില്ല. നിലവിലെ കേരളത്തിന്റെ രാഷ്ട്രീയ അന്തരീക്ഷം എന്നത് വലിയ വിരോധാഭാസമാണ്. ഒരു…
Read More » -
പി.വി അന്വറിന് മുന്നില് യുഡിഎഫ് വാതില് തുറക്കുന്നു ; കൂടെ കൊണ്ടുപോകാന് തയ്യാറെന്ന് മുസ്ലിം ലീഗ് ; തദ്ദേശ തിരഞ്ഞെടുപ്പില് സഹകരിക്കാന് തയാറെന്ന് പി.എം.എ സലാം
മലപ്പുറം: നീണ്ട കാത്തിരിപ്പിനൊടുവില് പിവി അന്വറിന് മുന്നില് യുഡിഎഫ് വാതില് തുറക്കുന്നു. തദ്ദേശ തെരഞ്ഞെടുപ്പില് പി.വി അന്വറുമായി സഹകരിക്കാന് മുസ്ളീംലീഗ് തയ്യാറെടുക്കുകയാണ്. പ്രാദേശിക സാഹചര്യം നോക്കിയാണ് തീരുമാനം. തദ്ദേശ തെരഞ്ഞെടുപ്പില് വെല്ഫെയര് പാര്ട്ടിയുമായി യുഡിഎഫ് സഹകരിക്കുമെന്ന് മുസ്ലിം ലീഗ് കഴിഞ്ഞ ദിവസം വ്യക്തമാക്കിയിരുന്നു. നേരത്തെയും പിന്തുണ ലഭിച്ചിട്ടുണ്ടെന്നും പി.എം.എ. സലാം പറഞ്ഞു. യുഡിഎഫിനുള്ള വെല്ഫെയര് പാര്ട്ടി പിന്തുണ പരസ്യമാക്കി കൊണ്ട് തന്നെ തദ്ദേശ തെരഞ്ഞെടുപ്പിനെ നേരിടാനാണ് യുഡിഎഫിന്റെ നീക്കം. വര്ഷങ്ങളോളം എല്ഡിഎഫുമായി വെല്ഫെയര് പാര്ട്ടി സഹകരിച്ചിട്ടുണ്ടെന്ന പി.എം.എ. സലാമിന്റെ പ്രതികരണം വരാനിരിക്കുന്ന വിമര്ശനങ്ങളെ തടയാനുള്ള ശ്രമമായാണ് കാണുന്നത്. അതിനിടെ മൂന്ന് ടേം വ്യവസ്ഥ നടപ്പാക്കുന്നതില് ഇളവിനെതിരെ യൂത്ത് ലീഗ് നേതൃത്വത്തെ സമീപിക്കും. തദ്ദേശ തെരഞ്ഞെടുപ്പില് മൂന്ന് ടേം വ്യവസ്ഥ ഇത്തവണയും ലീഗ് നടപ്പിലാക്കും.വ്യവസ്ഥയുടെ പേരില് കഴിഞ്ഞ തവണ സീറ്റ് നിഷേധിക്കപ്പെട്ടവര്ക്ക് വിജയത്തിന് അനിവാര്യമെങ്കില് ഇളവ് ഉണ്ടാകുമെന്നും പിഎംഎ സലാം വ്യക്തമാക്കിയിരുന്നു. മൂന്ന് ടേം വ്യവസ്ഥയില് ഇളവ് വരുത്തിയത് നിയമസഭാ തിരഞ്ഞെടുപ്പിലും ഇളവ്…
Read More » -
പിഎം ശ്രീ പദ്ധതിയോട് എന്നും എതിര് ; കേന്ദ്രത്തിന് വഴങ്ങി എന്ന് പറയുന്നതില് അടിസ്ഥാനമില്ല ; നരേന്ദ്രമോദിയുടെയോ ബിജെപിയുടെയോ അല്ല ജനങ്ങളുടെ പണമാണെന്ന് എം.വി.ഗോവിന്ദന്
തിരുവനന്തപുരം: സിപിഐ മുന്നണിയിലെ പ്രബലമായ പാര്ട്ടിയാണെന്നും അവരുമായി പ്രശ്നങ്ങള് ചര്ച്ച ചെയ്ത് പരിഹരിക്കുമെന്നും സിപിഐഎം സംസ്ഥാന സെക്രട്ടറി എം വി ഗോവിന്ദന്. പിഎം ശ്രീ പദ്ധതിയുടെ നിബന്ധനകള്ക്ക് സിപിഐഎം എന്നും എതിരാണെന്നും പലനിബന്ധനകളും വെച്ച് ഫണ്ട് തടയുകയാണെന്നും എണ്ണായിരത്തോളം കോടി രൂപയാണ് കേരളത്തിന് ലഭിക്കാനുള്ളതെന്നും തിരുവനന്തപുരത്ത് നടത്തിയ വാര്ത്താസമ്മേളനത്തില് എം വി ഗോവിന്ദന് പറഞ്ഞു. നരേന്ദ്രമോദിയുടെയോ ബിജെപിയുടെയോ പണമല്ല.കേന്ദ്രത്തിന് വഴങ്ങി എന്ന് പറയുന്നതില് അടിസ്ഥാനമില്ല. രാജ്യത്തെ ജനങ്ങളുടെ പണമാണ്. വിദ്യാഭ്യാസ മേഖലയില് 1.502 കോടി രൂപയുടെ കുടിശ്ശികയുണ്ട്. കേരള സര്ക്കാരാണ് ഇതിന് പണം നല്കുന്നത്. കുട്ടികളുടെ യൂണിഫോം, അധ്യാപകരുടെ ശമ്പളം അടക്കം നല്കേണ്ടതുണ്ടെന്നും എം വി ഗോവിന്ദന് വ്യക്തമാക്കി. എല്ലാ വശങ്ങളിലും ആവശ്യമായ ചര്ച്ച നടത്തി പ്രശ്നം പരിഹരിക്കും. കൃത്യമായ ഇടപെടല് നടത്തി മുന്നോട്ടുപോകും. നിബന്ധനകള് ഉള്ളപ്പോള് തന്നെ ഫണ്ട് വാങ്ങിയിട്ടുള്ളതാണ്. പിഎം ശ്രീ ആദ്യമായി നടക്കുന്ന പ്രശ്നമായി കാണരുത്. എല്ഡിഎഫ് മുന്നണി ഒറ്റക്കെട്ടായി പൊരുതി മുന്നോട്ട് പോകും. കേന്ദ്ര-സംസ്ഥാന ബന്ധം…
Read More » -
പൊതുവിദ്യാഭ്യാസ രംഗത്തെ തകര്ക്കാന് നിന്നുകൊടുക്കില്ല ; അതിന്റെ പേരില് കുട്ടികള്ക്ക് അവകാശപ്പെട്ട ഒരു രൂപ പോലും നഷ്ടപ്പെടാനും അനുവദിക്കില്ലെന്ന് വിദ്യാഭ്യാസമന്ത്രി
തിരുവനന്തപുരം: കേരളത്തിന്റെ പൊതുവിദ്യാഭ്യാസ രംഗത്തെ തകര്ക്കാനുളള ഒരു നീക്കവും സര്ക്കാര് അനുവദിക്കില്ലെന്നും കുട്ടികള്ക്ക് അവകാശപ്പെട്ട ഒരു രൂപ പോലും നഷ്ടപ്പെടാനും അനുവദിക്കില്ലെന്നും വിദ്യാഭ്യാസ മന്ത്രി വി ശിവന്കുട്ടി. പിഎം ശ്രീ പദ്ധതിയുമായി ബന്ധപ്പെട്ട് ഉയരുന്ന വിമര്ശനങ്ങള്ക്ക് മറുപടി പറയുകയായിരുന്നു അദ്ദേഹം. കേരളത്തിലെ കുട്ടികള്ക്ക് അവകാശപ്പെട്ട കോടിക്കണക്കിന് രൂപയുടെ കേന്ദ്രഫണ്ട് തടഞ്ഞുവെച്ചുകൊണ്ട് കേരളത്തെ സാമ്പത്തികമായി ഞെരുക്കാനുളള കേന്ദ്രസര്ക്കാരിന്റെ നീക്കത്തെ മറികടക്കാനുളള തന്ത്രപരമായ നീക്കമാണിതെന്ന് അദ്ദേഹം പറഞ്ഞു. ഈ ഫണ്ട് ഏതെങ്കിലും പാര്ട്ടിയുടെ ഔദാര്യവുമല്ല. മറിച്ച് കേരളത്തിലെ ജനങ്ങളുടെ നികുതിയില് നിന്നുളള നമ്മുടെ കുട്ടികളുടെ അവകാശമാണ്. അത് നേടിയെടുക്കുക എന്നതാണ് ജനകീയ സര്ക്കാരിന്റെ ഉത്തരവാദിത്തമെന്നും മന്ത്രി പറഞ്ഞു. പിഎം ശ്രീയില് ഒപ്പിട്ടതോടെ കേരളം ദേശീയ വിദ്യാഭ്യാസ നയം 2020 പൂര്ണമായും അംഗീകരിച്ചു എന്ന വാദം സാങ്കേതികം മാത്രമാണെന്നും മന്ത്രി പറഞ്ഞു. 2022 ഒക്ടോബര് മുതല് സമഗ്ര ശിക്ഷാ പദ്ധതിയെ എന്ഇപി നടപ്പാക്കാനുളള ഉപാധിയായി കേന്ദ്രം പ്രഖ്യാപിച്ചിരുന്നു എന്നാല്, 2023 വരെ ഫണ്ട് വാങ്ങുമ്പോഴും കേരളം…
Read More » -
മന്ത്രിമാരോട് പോലും പറയാതെ വിദ്യാഭ്യാസ സെക്രട്ടറിയെ വിട്ട് ഒപ്പിടുവിച്ചു ; സര്ക്കാരിന് ഘടകകക്ഷികളേക്കാള് പ്രധാനം ബിജെപി ; നാണംകെട്ട് മുന്നണിയില് തുടരണോ എന്ന് സിപിഐ തീരുമാനിക്കട്ടെ
കൊച്ചി: നാണം കെട്ട് ഇടത് മുന്നണിയില് തുടരനോ എന്ന കാര്യം സിപിഐ തീരുമാനിക്കട്ടെയെന്ന് പ്രതിപക്ഷനേതാവ് വി.ഡി. സതീശന്. സിപിഐ യെ മുന്നണിയിലേക്ക് ക്ഷണിക്കുന്നില്ലെങ്കിലും അവര്ക്ക് അങ്ങിനെയൊരു തീരുമാനം ഉണ്ടായാല് ആലോചിക്കുമെന്നും പറഞ്ഞു. ഘടകകക്ഷി മന്ത്രിമാരോട് പോലും പറയാതെ നേരെ വിദ്യാഭ്യാസ സെക്രട്ടറി ചെന്ന് പിഎംശ്രീ പദ്ധതിയില് ഒപ്പിടുകയായിരുന്നു. ഈ നാണക്കേട് സഹിച്ച് മുന്നണിയില് തുടരണമോ എന്ന് സിപിഐ തീരുമാനിക്കട്ടെയെന്നും പറഞ്ഞു. കേന്ദ്ര സര്ക്കാര് പദ്ധതിയുടെ ഭാഗമാകുന്നതല്ല പ്രശ്നം. തങ്ങളുടെ അജണ്ടകള് അംഗീകരിച്ചാലേ പണം തരൂവെന്ന കേന്ദ്ര ഭീഷണിക്ക് സംസ്ഥാനം വഴങ്ങുന്നതും നിരുപാധികം ഒപ്പുവെക്കുന്നതുമാണെന്നും പറഞ്ഞു. ആരും അറിയാതെ വിദ്യാഭ്യാസ സെക്രട്ടറിയെ ഡല്ഹിയില് അയച്ചാണ് സിപിഐഎം പിഎം ശ്രീയില് ഒപ്പുവെപ്പിച്ചത്. പിഎം ശ്രീ പദ്ധതിയില് ആര്എസ്എസ് അജണ്ട നടപ്പാക്കുകയാണ്. സിപിഐയെക്കാള് വലുത് സര്ക്കാരിന് ബിജെപിയാണെന്നും വി ഡി സതീശന് പറഞ്ഞു. മുഖ്യമന്ത്രി പ്രധാനമന്ത്രിയെ പോയി കണ്ടതിന് ശേഷമാണ് സിപിഐഎം നയത്തില് വെള്ളം ചേര്ത്തതും അഭിപ്രായത്തില് മലക്കം മറിഞ്ഞതും. പിഎം ശ്രീ പദ്ധതിയില് ഒപ്പുവെക്കാന്…
Read More »