Newsthen Special
-
കര്ഷകര്ക്കു വളം നല്കുന്നില്ലെന്ന്; കളക്ടറെ കൈയേറ്റം ചെയ്യാനൊരുങ്ങി എംഎല്എ; പിടിച്ചുമാറ്റിയത് ഗണ്മാന്; വീഡിയോ പുറത്ത്
ന്യൂഡല്ഹി: കര്ഷകര്ക്ക് ആവശ്യത്തിന് വളം നല്കുന്നത് തടയുന്നുവെന്ന് ആരോപിച്ച് കലക്ടറെ കയ്യേറ്റം ചെയ്ത് ബിജെപി എംഎല്എ. മധ്യപ്രദേശിലെ ഭിന്ദിലാണ് സംഭവം. ജില്ലാ കലക്ടര് സഞ്ജീവ് ശ്രീവാസ്തവയ്ക്ക് നേരെയാണ് അസഭ്യവര്ഷവും കയ്യേറ്റശ്രമവും ഉണ്ടായത്. കലക്ടറുടെ വസതിയിലേക്ക് എത്തിയ എംഎല്എ നരേന്ദ്ര സിങ് കുശ്വാഹ കുപിതനായി സംസാരിക്കുന്നതിന്റെ വിഡിയോ ദൃശ്യങ്ങളും പുറത്തുവന്നു. ഒരു സംഘം കര്ഷകരുമായാണ് കുശ്വാഹ കലക്ടറെ കാണാനെത്തിയത്. കര്ഷകര്ക്ക് ആളൊന്നിന് രണ്ടുബാഗ് വളം വീതം മാത്രം നല്കിയാല് മതിയെന്ന കലക്ടറുടെ നിര്ദേശമാണ് എംഎല്എയെ ചൊടിപ്പിച്ചത്. ഗേറ്റിലെത്തി ബഹളം വച്ച എംഎല്എയെ കാണാന് കലക്ടര് കൂട്ടാക്കിയില്ല. ഇതോടെ അതിക്രമിച്ച് അകത്തേക്ക് കടക്കുകയായിരുന്നു. കലക്ടര് അഹംഭാവം തുടര്ന്നാല് പൊതുജനങ്ങളെ ബംഗ്ലാവില് കയറ്റുമെന്നും എംഎല്എ പറഞ്ഞു. കലക്ടര് പുറത്തേക്ക് വന്നതോടെ വാക്കേറ്റമായി. അനാവശ്യം സംസാരിക്കരുതെന്നായി കലക്ടര്. ഇതോടെ കലക്ടര് കള്ളനാണെന്നും പുറത്തിറങ്ങിയാല് തല്ലുമെന്നും എംഎല്എ ഭീഷണി മുഴക്കി. ഒപ്പമുണ്ടായിരുന്ന കര്ഷകര് എംഎല്എയ്ക്ക് അനുകൂലമായി മുദ്രാവാക്യം വിളികളും ആരംഭിച്ചു. മുഷ്ടി ചുരുട്ടി കലക്ടറെ ഇടിക്കാന് എംഎല്എ അടുത്തതും…
Read More » -
ഇതുവരെ ലഭിച്ചത് ആറു പരാതികള്; രാഹുല് മാങ്കൂട്ടത്തിന് എതിരേ ക്രൈംബ്രാഞ്ച് അന്വേഷണം തുടങ്ങി; പെണ്കുട്ടികളുടെ മൊഴിയെടുക്കുക രഹസ്യമായി; സ്വാധീനിക്കാന് ശ്രമം മുന്നില് കണ്ട് രാഹുലിന്റെ അടുപ്പക്കാര് നിരീക്ഷണത്തില്; സംരക്ഷിക്കില്ലെന്ന് കോണ്ഗ്രസ്
തിരുവനന്തപുരം: രാഹുല് മാങ്കൂട്ടത്തിലിനെതിരായ കേസില് നടി റിനി ആന് ജോര്ജ്, ട്രാന്സ് വുമണ് അവന്തിക എന്നിവരുടെ മൊഴിയെടുക്കാന് ക്രൈംബ്രാഞ്ച്. ഇരുവരും മാധ്യമങ്ങളിലൂടെ രാഹുലിനെതിരെ ആരോപണം ഉന്നയിച്ചിരുന്നു. ഈ ആരോപണത്തില് ഉറച്ചുനില്ക്കുന്നുണ്ടോ എന്ന് ക്രൈംബ്രാഞ്ച് ചോദിക്കും. ആരോപണം ആവര്ത്തിച്ചാല് രാഹുലിനെതിരായ മുഖ്യ തെളിവായി മാറ്റാനാണ് ക്രൈം ബ്രാഞ്ചിന്റെ ആലോചന. ഗര്ഭഛിദ്രത്തിന് പ്രേരിപ്പിക്കുന്നതായ ശബ്ദരേഖയിലെ പെണ്കുട്ടിയെ കണ്ടെത്താനും ക്രൈംബ്രാഞ്ച് അന്വേഷണം തുടങ്ങിയിട്ടുണ്ട്. അന്വേഷണം തുടങ്ങിയതോടെ കൂടുതല് പരാതികള് എത്തും എന്നാണ് ക്രൈം ബ്രാഞ്ചിന്റെ വിലയിരുത്തല്. പരാതിക്കാരികള് ആരെന്നു തിരിച്ചറിയാതിരിക്കാനും മാധ്യമങ്ങളുടെ കണ്ണുവെട്ടിക്കാനും ക്രൈംബ്രാഞ്ച് രഹസ്യമായിട്ടായിരിക്കും മൊഴിയെടുക്കല് അടക്കമുള്ളവയുമായി മുന്നോട്ടു പോകുന്നത്. പരാതിക്കാരുടെ കുടുംബങ്ങളെ സ്വാധീനിക്കാന് സാധ്യതയുണ്ടെന്നു വിലയിരുത്തി ആരോപണ വിധേയനുമായി അടുപ്പമുള്ളവരും പോലീസിന്റെ നിരീക്ഷണത്തിലാണ്. ക്രൈംബ്രാഞ്ച് സ്വമേധയാ എടുത്ത കേസില് കോണ്ഗ്രസ് ഇടപെടില്ലെന്നു വ്യക്തമാക്കിയിട്ടുണ്ട്. കേസ് രാഹുല് സ്വയം നേരിടണം. പരാതിക്കാരില്ലാത്ത കേസ് നിലനില്ക്കില്ലെന്നാണ് നേതൃത്വം വിശദീകരിക്കുന്നുണ്ടെങ്കിലും പാര്ട്ടി പരിരക്ഷ നല്കില്ല. വ്യാജ തിരിച്ചറിയല് കാര്ഡ് കേസില് നിരപരാധിത്വം തെളിയിക്കേണ്ടതും രാഹുലിന്റെ ബാധ്യതയാണെന്നാണ് പാര്ട്ടിയുടെ…
Read More » -
ജാതീയഅഹന്തയ്ക്കു മുകളിലൂടെ പാഞ്ഞ വില്ലുവണ്ടി; ഇന്ന് മഹാത്മാ അയ്യങ്കാളി ജയന്തി
പൊതു ഇടങ്ങള് എല്ലാവരുടേതുമാണ് എന്ന സ്വാതന്ത്ര്യബോധം ഒരു അവകാശപ്രഖ്യാപനമായി കേരളം തിരിച്ചറിഞ്ഞിട്ട് ഏകദേശം ഒരു നൂറ്റാണ്ടിന് അടുത്തായി എന്ന് വേണമെങ്കില് കണക്കാക്കാം. താഴ്ന്ന ജാതിക്കാര്ക്ക് വഴിനടക്കാനുള്ള സ്വാതന്ത്ര്യം പോലും നിഷേധിക്കപ്പെട്ടിരുന്ന കെട്ടകാലത്ത് നിന്നും ഒരുപാട് ദൂരം സഞ്ചരിച്ചാണ് നമ്മള് ഇവിടെ എത്തിനില്ക്കുന്നത്. പലപ്പോഴും നൂറ്റാണ്ടുകള്ക്ക് മുമ്പുണ്ടായിരുന്ന ജാതീയത പൊതുഇടങ്ങളില് ഇപ്പോഴും പുളിച്ച് തികട്ടിയെത്താറുണ്ട്. എന്നാല് കേരളം അതിന്റെ നവോത്ഥാന മൂല്യങ്ങളുടെ ശക്തമായ അടിത്തറയില് നിന്നു കൊണ്ട് അത്തരം പിന്തിരിഞ്ഞ് നടക്കലുകളെ പ്രതിരോധിക്കാനുള്ള പ്രതലം രൂപപ്പെടുത്തിയിട്ടുണ്ട്. ജാതീയതയുടെയും സവര്ണ്ണ ബോധത്തിന്റെയും പാരമ്പര്യശീലങ്ങള് പൊതുഇടങ്ങളില് അടക്കം വേര്തിരിവിന്റെ മതില് തീര്ക്കുവാനുള്ള ശ്രമം ഒളിഞ്ഞും തെളിഞ്ഞും കേരളത്തില് പലപ്പോഴും തലപൊക്കാറുണ്ട്. എവിടെയൊക്കൊയോ ഇത്തരം പിന്തിരിപ്പന് ബോധ്യങ്ങളുടെ തിരിച്ചുവരവിനായി ഒരുകൂട്ടര് ബോധപൂര്വ്വം അജണ്ടകള് നിശ്ചയിക്കാറുമുണ്ട്. തീവ്ര പിന്തിരിപ്പന് ആശയങ്ങളെ ഭൂരിപക്ഷ വിശ്വാസത്തിന്റെ ഏകശിലയെന്ന നിലയില് അവതരിപ്പിക്കാനുള്ള ശ്രമങ്ങളും നടക്കുന്നുണ്ട്. എന്നാല് അവിടെയെല്ലാം പുരോഗമനപരമായ ആശയങ്ങളുടെ ദൃഢമായ പ്രതിരോധം നമുക്ക് കാണാന് കഴിയാറുണ്ട്. നവോത്ഥാന മൂല്യങ്ങളെ ഏറ്റവും പുരോഗമനപരമായി…
Read More » -
വിഷാദത്തെ മറികടക്കാന് സഹായിക്കാമോയെന്ന് കൗമാരക്കാരന് ചാറ്റ് ജിപിറ്റിയോട് ചോദിച്ചു ; ആത്മഹത്യ ചെയ്യാനുള്ള വഴികള് പറഞ്ഞുകൊടുത്തു ; 16 കാരന് തൂങ്ങിമരിച്ചു, മാതാപിതാക്കള് കേസുകൊടുത്തു
കൗമാരക്കാരന്റെ ആത്മഹത്യയിയില് ആര്ട്ടഫീഷ്യല് ഇന്റലിജന്റ്സിനെതിരേ കാലിഫോര്ണിയയില് നിന്നുള്ള ഒരു കുടുംബം കേസ് ഫയല് ചെയ്തു. അവരുടെ 16 വയസ്സുള്ള മകന്റെ ആത്മഹത്യക്ക് കാരണം ചാറ്റ് ജിപിറ്റി ആണെന്ന് ആരോപിച്ചാണ് കേസ് നല്കിയിരിക്കുന്നത്. ഈ ചാറ്റ്ബോട്ട് അവരുടെ മകന് ആത്മഹത്യാ ചെയ്യാന് നിര്ദേശം നല്കിയെന്നാണ് ആക്ഷേപം. എങ്ങനെ ആത്മഹത്യ ചെയ്യണമെന്നതിനെക്കുറിച്ചുള്ള പടിപടിയായുള്ള നിര്ദ്ദേശങ്ങള് ചാറ്റ് ജിപിറ്റി മകന് നല്കിയെന്നാണ് കേസില് ആരോപിച്ചിരിക്കുന്നത്. 2025 ഏപ്രിലില് 16 വയസ്സുള്ള ആദം റെയ്ന് ആത്മഹത്യ ചെയ്തപ്പോള്, ഉത്കണ്ഠയും ഒറ്റപ്പെടലും കാരണമാണ് തങ്ങളുടെ മകനെ നഷ്ടപ്പെട്ടതെന്നാണ് മാതാപിതാക്കള് കരുതിയത്. എന്നാല് ഏതാനും ആഴ്ചകള്ക്ക് ശേഷം അവര് ഞെട്ടിപ്പിക്കുന്ന ഒരു സത്യം കണ്ടെത്തി: ആദമിന്റെ അവസാന ദിവസങ്ങളില് അവന്റെ ഏറ്റവും അടുത്ത സുഹൃത്ത് ഒരു കൂട്ടുകാരനോ, അധ്യാപകനോ, കൗണ്സിലറോ ആയിരുന്നില്ല, മറിച്ച് ചാറ്റ് ജിപിറ്റി ആയിരുന്നെന്നായിരുന്നു. ആദമിന്റെ മാതാപിതാക്കള് ഈ ആഴ്ച ഫയല് ചെയ്ത കേസില് പറയുന്നത്, ഉത്കണ്ഠയുമായി മല്ലിടുമ്പോള് കുടുംബത്തോട് തുറന്നു സംസാരിക്കാന് കഴിയാതിരുന്ന ആദം ആശ്വാസത്തിനും…
Read More » -
അനധികൃത സ്വത്ത് സമ്പാദന കേസ്: എഡിജിപി എം.ആര്. അജിത് കുമാറിന് ആശ്വാസം; വിജിലന്സ് കോടതി നടപടികള് ഹൈക്കോടതി റദ്ദാക്കി
തിരുവനന്തപുരം: അനധികൃത സ്വത്ത് സമ്പാദന കേസിൽ എക്സൈസ് കമ്മിഷണറും എഡിജിപിയുമായ എം.ആര്. അജിത്കുമാറിന് ആശ്വാസം. അന്വേഷണം വേണമെന്ന തിരുവനന്തപുരം വിജിലന്സ് കോടതി തുടര്നടപടിക്ക് ഉത്തരവിട്ടത് ഹൈക്കോടതി റദ്ദാക്കി. അന്വേഷണവുമായി ബന്ധപ്പെട്ട് വിജിലന്സിന്റെ ചില നടപടിക്രമങ്ങളുടെ കാര്യത്തിലുണ്ടായ വീഴ്ച ചൂണ്ടിക്കാട്ടിയാണ് ഹൈക്കോടതിയുടെ നടപടി. തുടര്നടപടിക്ക് ഉത്തരവിട്ടത് സര്ക്കാരിന്റെ മുന്കൂര് അനുമതി തേടിയ ശേഷമാണോ എന്ന് ജസ്റ്റിസ് എ. ബദറുദ്ദീന് കഴിഞ്ഞദിവസം ചോദിച്ചിരുന്നു. അനധികൃത സ്വത്തുസമ്പാദനക്കേസില് ക്ലീന് ചിറ്റ് നല്കിയ റിപ്പോര്ട്ട് തള്ളി തിരുവനന്തപുരം വിജിലന്സ് കോടതി തുടര്നടപടിക്ക് ഉത്തരവിട്ടത് റദ്ദാക്കണമെന്നാവശ്യപ്പെടുന്ന എം.ആര്. അജിത്കുമാറിന്റെ ഹര്ജിയാണ് കോടതി പരിഗണിച്ചത്. സര്ക്കാര് ഉദ്യോഗസ്ഥര്ക്കെതിരായ അഴിമതിയാരോപണ പരാതിയില് തുടര്നടപടി സ്വീകരിക്കുന്നതിനുമുന്പ് സര്ക്കാരിന്റെ മുന്കൂര് അനുമതിതേടണമെന്ന് അഴിമതിനിരോധന നിയമത്തില് വ്യക്തമാക്കുന്നുണ്ടെന്ന് കോടതി കഴിഞ്ഞദിവസം പറഞ്ഞിരുന്നു. വിജിലന്സ് കോടതി പരാതിക്കാരനോട് സര്ക്കാര് അനുമതി തേടാനായിരുന്നു ഉത്തരവിടേണ്ടതെന്നും ചൂണ്ടിക്കാട്ടി. നെയ്യാറ്റിന്കര പി. നാഗരാജിന്റെ പരാതിയില് വിജിലന്സ് കോടതി തുടര്നടപടിക്ക് ഉത്തരവിട്ടത് തെറ്റാണെന്ന് ഹര്ജിക്കാരനുവേണ്ടി ഹാജരായ സീനിയര് അഭിഭാഷകന് ബി. രാമന്പിള്ള വാദിച്ചിരുന്നു.…
Read More » -
എഐ കാമറ; വി.ഡി. സതീശന്റെയും രമേശ് ചെന്നിത്തലയുടെയും ഹര്ജി ഹൈക്കോടതി തള്ളി; കരാറില് ദുരുദ്ദേശ്യമോ നിയമവിരുദ്ധതയോ അഴിമതിയോ ഉള്ളതായി തെളിവില്ല; തെളിവു ഹാജരാക്കാന് ഹര്ജിക്കാര്ക്കും കഴിഞ്ഞില്ലെന്ന് കോടതി
കൊച്ചി: സംസ്ഥാനത്ത് എഐ ക്യാമറകള് സ്ഥാപിച്ചതില് ക്രമക്കേട് ആരോപിച്ച് കോണ്ഗ്രസ് നേതാക്കള് നല്കിയ ഹര്ജി ഹൈക്കോടതി തള്ളി. എഐ ക്യാമറ അഴിമതിയില് ഹൈക്കോടതി മേല്നോട്ടത്തില് അന്വേഷണം ആവശ്യപ്പെട്ട് പ്രതിപക്ഷ നേതാവ് വി ഡി സതീശനും രമേശ് ചെന്നിത്തലയും നല്കിയ പൊതുതാല്പ്പര്യ ഹര്ജിയാണ് ഹൈക്കോടതി തള്ളിയത്. ചീഫ് ജസ്റ്റിസ് നിതിന് ജാംദാര്, ജസ്റ്റിസ് ബസന്ത് ബാലാജി എന്നിവരടങ്ങിയ ഡിവിഷന് ബെഞ്ചാണ് വാദം കേട്ട ശേഷം ഹര്ജി തള്ളിയത്. കരാറില് അഴിമതി നേരിട്ട് വ്യക്തമാക്കുന്ന ഒരു തെളിവും ഹര്ജിക്കാര് നല്കിയിട്ടില്ലെന്ന നിരീക്ഷണത്തോടെയാണ് കോടതി കോണ്ഗ്രസ് നേതാക്കളുടെ ആവശ്യം തള്ളിയത്. ആരോപണങ്ങളില് വസ്തുതാപരമായ തെളിവുകളില്ലെന്ന് വ്യക്തമാക്കിയാണ് കോടതി നടപടി. കരാര് ഏറ്റെടുത്ത കമ്പനികള് ഉപകരാര് നല്കിയതും ഈ കമ്പനികളുടെ സാങ്കേതിക മികവിലടക്കം ചോദ്യങ്ങള് ഉയര്ത്തിയുമായിരുന്നു ഹര്ജി. ‘റിട്ട് ഹര്ജിയിലെ അവകാശവാദങ്ങളും എതിര്വാദങ്ങളും ഇരുഭാഗത്തെയും അഭിഭാഷകരുടെ വാദങ്ങളും വിശദമായി പരിശോധിച്ചതില്നിന്നും ക്യാമറ സ്ഥാപിക്കാന് നല്കിയ കോണ്ട്രാക്ടില് ഏതെങ്കിലും ദുരുദ്ദേശമോ നിയമവിരുദ്ധതയോ അഴിമതിയോ നടപടിചട്ടങ്ങളുടെ ലംഘനമോ ഉള്ളതിന്റെ എന്തെങ്കിലും…
Read More » -
വെളിപ്പെടുത്തലുകള്ക്ക് പിന്നിലുള്ള ഗൂഢാലോചന സിദ്ധാന്തങ്ങള് തള്ളിക്കളയുന്നു; ‘ഏറ്റവും ബഹുമാനത്തോടെ കാണുന്ന നേതാവിനെ വിവാദങ്ങളിലേക്ക് വലിച്ചിഴച്ചു; എന്റെ വാക്കുകള് എന്റേതുമാത്രം’; പ്രതികരിച്ച് റിനി
കൊച്ചി: രാഹുല് മാങ്കൂട്ടത്തില് എംഎല്എയുടെ സസ്പെന്ഷനിലേക്കും യൂത്ത് കോണ്ഗ്രസ് അധ്യക്ഷ സ്ഥാനത്തുനിന്നുള്ള രാജിയിലേക്കും വഴിതെളിച്ച വിവാദങ്ങളില് പ്രതികരണവുമായി നടി റിനി ആന് ജോര്ജ്. വെളിപ്പെടുത്തലുകള്ക്ക് പിന്നിലെ ഗൂഢാലോചനാ സിദ്ധാന്തങ്ങളെ തള്ളിക്കളയുന്നതായി നടി സാമൂഹികമാധ്യമങ്ങളില് പങ്കുവെച്ച കുറിപ്പില് പറയുന്നു. ചില സംഭവങ്ങള് കൈപ്പിടിയില് നില്ക്കാതെ വലിയ മാനങ്ങള് സൃഷ്ടിച്ച് പരിണമിക്കാറുണ്ടെന്നും നടി കുറിച്ചു റിനി ആന് ജോര്ജിന്റെ കുറിപ്പിന്റെ പൂര്ണരൂപം ചില സംഭവങ്ങള് നമ്മുടെ കൈപ്പിടിയില് നില്ക്കാതെ വല്ലാത്ത മാനങ്ങള് സൃഷ്ടിച്ച് പരിണമിക്കാറുണ്ട്. ഈയിടെ എനിക്കും അത്തരം ഒരു അനുഭവമുണ്ടായി. സാമൂഹ്യജീവി എന്ന നിലയില് പൊതുഇടങ്ങളില് ഇടപെടുമ്പോള് സ്ത്രീകള്ക്ക് ഉണ്ടാകുന്ന ഗുരുതരമായ പ്രശ്നങ്ങള് ചൂണ്ടിക്കാണിക്കാനാണ് അഭിമുഖത്തില് ശ്രമിച്ചത്. അതിന്റെ പൂര്ണ ഉത്തരവാദിത്വം എനിക്ക് മാത്രമാണ്. എന്നാല് അതിന് പിന്നില് പതിവ് ഗൂഡാലോചന സിദ്ധാന്തം ഉന്നയിക്കുകയും അതിലേക്ക് ഏറ്റവും ബഹുമാനത്തോടെ കാണുകയും ചെയ്യുന്ന നേതാവിനെ ചില കേന്ദ്രങ്ങള് വലിച്ചിടുകയും ചെയ്യുന്നത് വലിയ വേദനയാണ് സൃഷ്ടിക്കുന്നത്. ആരെങ്കിലും ഇരിക്കുന്ന കൊമ്പ് തന്നെ മുറിക്കുമെന്ന് കരുതുന്നുണ്ടോ?…
Read More » -
തമിഴില് സജീവം, ദിലീപ് ചിത്രത്തിലും നായിക; തട്ടിക്കൊണ്ടുപോകല് കേസില് കുരുക്ക്, നടി ലക്ഷ്മി മേനോനെ തേടി പോലീസ്
കൊച്ചി: നഗരത്തില് ഐടി ജീവനക്കാരനെ തട്ടിക്കൊണ്ടുപോയി മര്ദിച്ച കേസില് നടി ലക്ഷ്മി മേനോനെ തിരഞ്ഞ് പോലീസ്. ബാറില്വെച്ചുണ്ടായ തര്ക്കത്തെത്തുതുടര്ന്ന് യുവാവിനെ തട്ടിക്കൊണ്ടുപോയി മര്ദിച്ചതെന്നാണ് കേസ്. നടിക്കൊപ്പമുണ്ടായിരുന്ന മിഥുന്, അനീഷ്, സോനമോള് എന്നിവരെ എറണാകുളം ടൗണ് നോര്ത്ത് പോലീസ് അറസ്റ്റ് ചെയ്തിട്ടുണ്ട്. നടിയെ മൂന്നാം പ്രതിയാക്കിയാണ് പോലീസ് കേസെടുത്തിരിക്കുന്നത്. തട്ടിക്കൊണ്ടുപോയ യുവാവിനൊപ്പമുള്ളവരുമായി ലക്ഷ്മിക്കൊപ്പമുള്ള യുവതി വാക്കുതര്ക്കത്തില് ഏര്പ്പെടുന്നതിന്റെ വീഡിയോ ദൃശ്യം പുറത്തുവന്നിട്ടുണ്ട്. കാറിലിരിക്കുന്ന യുവാവിനോട് ലക്ഷ്മിക്കൊപ്പമുണ്ടായിരുന്ന യുവതി തര്ക്കിക്കുന്നതായി വീഡിയോയില് കാണാം. പിടിയിലായവര് ആലുവ, പറവൂര് സ്വദേശികളാണ്. ആലുവ സ്വദേശി അലിയാര് ഷാ സലീമാണു തന്നെ കടത്തിക്കൊണ്ടുപോയി മര്ദിച്ചെന്ന് പരാതി നല്കിയിരിക്കുന്നത്. തട്ടിക്കൊണ്ടു പോയ സംഘത്തില് ലക്ഷ്മിയും ഉണ്ടായിരുന്നുവെന്ന മൊഴിയുടെ അടിസ്ഥാനത്തിലാണ് ചോദ്യം ചെയ്യല്. അതേസമയം, നടി ഒളിവിലാണെന്നും സൂചനകളുണ്ട്. ഞായറാഴ്ച കൊച്ചിയിലെ ബാനര്ജി റോഡിലുള്ള ബാറില് വച്ചായിരുന്നു തര്ക്കവും കയ്യാങ്കളിയുമുണ്ടായത്. ലക്ഷ്മി മേനോനും സുഹൃത്തുക്കളും ഒരു ഭാഗത്തും മറ്റൊരു സംഘം മറുഭാഗത്തുമായുണ്ടായ തര്ക്കം പിന്നീട് റോഡിലേക്കു നീങ്ങി. പരാതിക്കാരനും സുഹൃത്തുക്കളും ബാറില്നിന്നു…
Read More » -
ചാരപ്പണിയുടെ ആഴമേറുന്നു; സിആര്പിഎഫ് ജവാനു പിന്നാലെ 14 സൈനിക, അര്ധ സൈനിക ഉദ്യോഗസ്ഥരും പാകിസ്താന്റെ വലയില് വീണു; വിവരങ്ങള് കൈമാറിയത് തുച്ഛമായ തുകയ്ക്ക്; തുമ്പായി സാങ്കേതിക വിദഗ്ധര് നല്കിയ വിവരങ്ങള്
ന്യൂഡല്ഹി: സിആര്പിഎഫ് അസിസ്റ്റന്റ് സബ് ഇന്സ്പെക്ടര് മോത്തിറാം ജാട്ടിനു പുറമേ പതിനഞ്ചോളം സൈനിക ഉദ്യോഗസ്ഥര് പാകിസ്താനുവേണ്ടി ചാരപ്പണിയെടുത്തെന്നു കണ്ടെത്തല്. ഇന്ത്യന് ആര്മി, പാരാമിലിട്ടറി, സര്ക്കാര് ഉദ്യോഗസ്ഥര് എന്നിവരെ പാക് ഇന്റലിജന്സ് ഉദേ്യാഗസ്ഥര് സ്വാധീനിച്ചെന്നാണു കണ്ടെത്തല്. കഴിഞ്ഞ മേയ് 27ന് ആണ ജാട്ട് അറസ്റ്റിലായത്. 2023 മുതല് ഇയാള് പാകിസ്താന് ഇന്റലിജന്സിനു വിവരങ്ങള് ചോര്ത്തി നല്കി. സാങ്കേതിക വിദഗ്ധരുടെ സഹായത്തോടെ നടത്തിയ അന്വേഷണത്തില് കൂടുതല് ഉദ്യോഗസ്ഥര് കണ്ണികളാണെന്നു കണ്ടെത്തിയെന്നു ഉയര്ന്ന ഉദ്യോഗസ്ഥര് പറഞ്ഞു. സലിം അഹമ്മദ് എന്നു പേരുള്ള പാക് ഉദ്യോഗസ്ഥരുമായാണ് ഇവര് ആശയവിനിമയം നടത്തിയതെന്നും പറയുന്നു. കോള് വിവരങ്ങള്, കമ്പ്യൂട്ടറുകളുടെ ഐപി വിലാസങ്ങള് എന്നിവ പരിശോധിച്ചാണ് കൂടുതല് പേരിലേക്ക് അന്വേഷണം എത്തിയത്. നാലുപേര് പാരാമിലിട്ടറി ഉദ്യോഗസ്ഥരാണ്. മറ്റുള്ളവര് സൈന്യമടക്കം വിവിധ മേഖലകളിലുള്ളവരാണ്. കൊല്ക്കത്ത സ്വദേശിയായ വ്യക്തിയാണ് പാകിസ്താന് ഇന്റലിജന്സ് ഉദ്യോഗസ്ഥനുമായി സംസാരിക്കാനുള്ള സിം ആക്ടിവേറ്റ് ചെയ്തുകൊടുത്തത്. ഈ സിം കാര്ഡ് ഉപയോഗിച്ചാണ് ജാട്ട് ആശയവിനിമയം നടത്തിയത്. പാക് വനിതയെ വിവാഹം കഴിച്ച…
Read More » -
ആ ബോംബ് ഇതായിരുന്നോ? ബിജെപി നേതാവ് സി. കൃഷ്ണകുമാറിനെതിരേ യുവതി പരാതി നല്കി; സ്വത്തു തര്ക്കത്തിന്റെ ഭാഗമായി ഉയര്ന്ന കേസ്, കോടതി നേരത്തേ തള്ളി; പിന്നില് സന്ദീപ് വാര്യരെന്ന് ബിജെപി ഓഫീസ്
തിരുവനന്തപുരം: വിഡി സതീശന്റെ ആദ്യം ബോംബ് ബിജെപി കോര് കമ്മറ്റി അംഗം സി കൃഷ്ണകുമാറിനെതിരെയെന്ന് സൂചന. കൃഷ്ണകുമാറിനെതിരായ പരാതി ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിനു ലഭിച്ചെന്നും ഇര നേരിട്ടാണ് ഇ-മെയില് അയച്ചതെന്നുമാണു വിവരം. പരാതി ലഭിച്ചെന്ന വിവരം രാജീവ് ചന്ദ്രശേഖറിന്റെ ഓഫീസും അറിയിച്ചു. പാലക്കാട്ടെ യുവതിയാണ് പരാതിക്കാരിയെന്നാണു സൂചന. ഈ പരാതി മുമ്പ് ആര് എസ് എസ് നേതാവിന് ഇര നല്കിയിരുന്നു. എന്നാല് അതില് നടപടികളൊന്നും ഉണ്ടായിരുന്നില്ല. ഈ പരാതിയാണ് വീണ്ടും ബിജെപി അധ്യക്ഷന് മുന്നിലെത്തുന്നത്. ഇതു കുടുംബ പ്രശ്നമാണെന്നും നേരത്തേ അവസാനിപ്പിച്ച വിഷയമാണെന്നുമാണ് ബിജെപി നിലപാട്. അത്ര നിസാരമുള്ള കുടുംബ പ്രശ്നമല്ലിതെന്ന സൂചനകളാണ് മറുനാടന് ലഭിക്കുന്നത്. പീഡന പരാതിയാണ് ഇതെന്ന സൂചനകളാണ് പുറത്തേക്ക് വരുന്നത്. ഇരയുടെ പരാതി ബിജെപി അധ്യക്ഷന് കിട്ടിയെന്നു കോണ്ഗ്രസ് ഉറപ്പിച്ചിട്ടുമുണ്ട്. അതിനിടെ പ്രശ്നം ഒത്തുതീര്പ്പാക്കാനും അണിയറ നീക്കം സജീവമാണ്. പാലക്കാട് എംഎല്എ രാഹുല് മാങ്കൂട്ടത്തിലിനെതിരെ സി കൃഷ്ണകുമാറിന്റെ നേതൃത്വത്തില് വലിയ പ്രതിഷേധം ഉണ്ടായിരുന്നു. ഈ…
Read More »