Newsthen Special
-
ഹിജാബ് ധരിക്കാത്ത സ്ത്രീകളെയും പ്രതിഷേധക്കാരെയും കണ്ടെത്താന് ഇറാന് വമ്പന് ക്യാമറ ശൃംഖലകള് സ്ഥാപിച്ചു; ഇസ്രയേല് ഹാക്ക് ചെയ്തു! ഇന്റര്നെറ്റുമായി ബന്ധിപ്പിച്ചതെല്ലാം ഇസ്രയേലിന്റെ നിയന്ത്രണത്തില്; ജയിലിലെ പീഡന ദൃശ്യങ്ങള് അടക്കം പുറത്ത്; ഞെട്ടിക്കുന്ന റിപ്പോര്ട്ടുമായി വാര്ത്താ ഏജന്സി
ടെല് അവീവ്: ഇറാന്റെ പരമോന്നത നേതാവിന്റെ വധത്തില് അവിടുത്തെ തെരുവുകളിലെ ക്യാമറകള് ഇസ്രായേല് ഹൈജാക്ക് ചെയ്തെന്ന ഗുരുതര റിപ്പോര്ട്ടുമായി വാര്ത്താ ഏജന്സിയായ അസോസിയേറ്റഡ് പ്രസ്. യുദ്ധകാലത്ത് നിരീക്ഷണ സംവിധാനങ്ങള് ശത്രുക്കള് എങ്ങനെ ലക്ഷ്യമിടുന്നു എന്നത് ഇതു വ്യക്തമാക്കുന്നു. ലോകമെമ്പാടുമുള്ള കടകളിലും വീടുകളിലും തെരുവോരങ്ങളിലും ദശലക്ഷക്കണക്കിന് ക്യാമറകളാണ് സ്ഥാപിച്ചിരിക്കുന്നത്. ഇവയില് പലതും ഇന്റര്നെറ്റുമായി ബന്ധിപ്പിക്കപ്പെട്ടതും സുരക്ഷാ സംവിധാനങ്ങള് കുറഞ്ഞവയുമാണ്. ആര്ട്ടിഫിഷ്യല് ഇന്റലിജന്സിലെ പുതിയ മുന്നേറ്റങ്ങള്, നിരീക്ഷണ ദൃശ്യങ്ങളുടെ വന്ശേഖരം വേഗത്തില് പരിശോധിക്കാനും ലക്ഷ്യങ്ങളെ തിരിച്ചറിയാനും സൈന്യങ്ങളെയും രഹസ്യാന്വേഷണ ഏജന്സികളെയും സഹായിക്കുന്നു. ഫെബ്രുവരി 28-ന്, ഇത്തരം സംവിധാനങ്ങള് ഹാക്ക് ചെയ്ത് ശത്രുക്കള്ക്കെതിരെ എങ്ങനെ ഉപയോഗിക്കാമെന്ന് ഇസ്രായേല് വ്യക്തമായി തെളിയിച്ചു. ഇറാന്റെ നിരീക്ഷണ സംവിധാനങ്ങള് തകരാറിലാണെന്ന ആവര്ത്തിച്ചുള്ള മുന്നറിയിപ്പുകള് അവഗണിച്ചുകൊണ്ട്, ടെഹ്റാനിലെ സ്വന്തം തെരുവ് ക്യാമറകളുടെ സഹായത്തോടെ ഇസ്രായേല് ഇറാനിയന് നേതാവ് അയത്തുള്ള അലി ഖമേനിയെ കണ്ടെത്തി. ചോര്ന്ന ഡാറ്റകള്, പരസ്യ പ്രസ്താവനകള്, വാര്ത്താ റിപ്പോര്ട്ടുകള് എന്നിവ അടിസ്ഥാനമാക്കിയാണു റിപ്പോര്ട്ട് തയാറാക്കിയത്. ഖമേനിയെ വധിക്കാനുള്ള ഓപ്പറേഷനില്…
Read More » -
‘ഇറാനുമായി ചര്ച്ച നടത്തി, പല കാര്യങ്ങളിലും ധാരണയിലെത്തി, അത് പരമോന്നത നേതാവ് അല്ലെന്നും ട്രംപ്’; നിഷേധിച്ച് ഇറാന് വിദേശകാര്യ മന്ത്രാലയം; ‘കാര്യങ്ങള് ഇത്ര വേഗം നീങ്ങുമെന്ന് അറിഞ്ഞില്ലെ’ന്ന് ഇസ്രയേല്; ആണവ ശേഖരം കൈമാറുന്നത് അടക്കം സമ്മതിച്ചെന്നു സൂചന
ന്യൂയോര്ക്ക്: ഇറാനിയന് നേതൃത്വത്തിലെ ഒരു മുതിര്ന്ന ഉദ്യോഗസ്ഥനുമായി തന്റെ പ്രതിനിധികള് ചര്ച്ചകള് നടത്തിയെന്നും പല കാര്യങ്ങളിലും ഇരുപക്ഷവും ധാരണയിലെത്തിയെന്നും പ്രസിഡന്റ് ട്രംപ്. ഊര്ജ നിലയങ്ങള്ക്കുനേരെയുള്ള ആക്രമണങ്ങളില്നിന്നു പിന്മാറിയതിനു പിന്നിലും ചര്ച്ചകളാണെന്നു ട്രംപ് വ്യക്തമാക്കി. എന്നാല്, ചര്ച്ചകള് നടന്നിട്ടില്ലെന്നും വിപണിയെ ശാന്തമാക്കാനാണു ട്രംപിന്റെ ശ്രമമെന്നും ഇറാന് പറഞ്ഞു. അമേരിക്കന് പ്രതിനിധികളായ സ്റ്റീവ് വിറ്റ്കോഫും ജാരെഡ് കുഷ്നറും ഇറാനിയന് പാര്ലമെന്റ് സ്പീക്കര് മുഹമ്മദ് ബാഗര് ഘാലിബാഫുമായി സംസാരിച്ചിരുന്നതായി ഒരു ഇസ്രായേലി ഉദ്യോഗസ്ഥന് പറഞ്ഞു. ഇറാനിയന് പ്രതിനിധിയുടെ പേര് ട്രംപ് വെളിപ്പെടുത്തിയില്ല. അയാളെ വധിക്കുന്നത് തനിക്ക് താല്പ്പര്യമില്ലെന്ന് പറഞ്ഞ ട്രംപ്, പ്രധാന വിഷയങ്ങളില് അമേരിക്കയും ഇറാനും ഒരേ നിലപാടിലാണെന്ന് അവകാശപ്പെട്ടു. ‘ഏറ്റവും ആദരിക്കപ്പെടുന്ന ഒരാളുമായാണ് ഞങ്ങള് ഇടപഴകുന്നതെന്നും അതു പരമോന്നത നേതാവല്ലെന്നും’ ട്രംപ് പറഞ്ഞു. ചര്ച്ചകള് ഫോണിലൂടെ തുടരുമെന്നും പിന്നീട് നേരിട്ടുള്ള കൂടിക്കാഴ്ചയ്ക്ക് സാധ്യതയുണ്ടെന്നും ട്രംപ് കൂട്ടിച്ചേര്ത്തു. മധ്യസ്ഥത വഹിക്കുന്ന രാജ്യങ്ങള് ഇസ്ലാമാബാദില് കൂടിക്കാഴ്ച സംഘടിപ്പിക്കാന് ശ്രമിക്കുന്നതായി ഇസ്രായേലി ഉദ്യോഗസ്ഥന് പറഞ്ഞു. ഘാലിബാഫും ടെഹ്റാനെ പ്രതിനിധീകരിക്കുന്ന…
Read More » -
തെരഞ്ഞെടുപ്പു കമ്മീഷന്റെ കത്തില് ബിജെപിയുടെ സീല് വന്നത് ക്ലറിക്കല് പിഴവ്; ബിജെപിക്കും കമ്മീഷനും രണ്ട് ഓഫീസ് വേണമെന്ന് പറയുന്നത് അതുകൊണ്ടാണ് എന്ന് സിപിഎം പരിഹാസം
തിരുവനന്തപുരം: രാഷ്ട്രീയ പാര്ട്ടികള്ക്ക് അയച്ച കത്തില് കേരള ബിജെപിയുടെ സീല് ഉണ്ടെന്ന സിപിഎം ആരോപണത്തില് വിശദീകരണവുമായി തെരഞ്ഞെടുപ്പ് കമ്മിഷന്. കത്തില് രാഷ്ട്രീയ പാര്ട്ടിയുടെ സീല് വന്നത് ക്ലറിക്കല് പിഴവാണെന്നും പിശക് തിരിച്ചറിഞ്ഞു നേരത്തെ തന്നെ തിരുത്തല് നടത്തിയതാണെന്നും മുഖ്യ തെരഞ്ഞെടുപ്പ് ഓഫീസര് ഡോ രത്തന് യു. ഖേല്ക്കര് അറിയിച്ചു. എന്നാല്, തെരഞ്ഞെടുപ്പു കമ്മീഷനും ബിജെപിക്കും രണ്ട് ഓഫീസ് വേണമെന്ന പറഞ്ഞത് അതുകൊണ്ടാണെന്ന പരിഹാസവുമായി സിപിഎം രംഗത്തുവന്നു. സംഭവം പുറത്തുവന്നതിനു പിന്നാലെ രൂക്ഷമായ വിമര്ശനമാണ് തെരഞ്ഞെടുപ്പു കമ്മീഷനെതിരേ ഉയരുന്നത്. നേരത്തേ, എസ്ഐആര് മുതല് സിപിഎം അടക്കമുള്ള പാര്ട്ടികള് തെര. കമ്മീഷനെതിരേ രംഗത്തു വന്നിരുന്നു. ബിജെപിയുടെ ഇംഗിതത്തിന് അനുസരിച്ചാണ് പ്രവര്ത്തിക്കുന്നു എന്നായിരുന്നു പ്രധാന ആരോപണം. ഇതിലേക്കു വഴിവയ്ക്കുന്നതാണ് പുതിയ സംഭവം. ‘തെരഞ്ഞെടുപ്പ് കമ്മീഷന് കത്തില് ഭാരതീയ ജനത പാര്ട്ടി സീല് വന്നത് തികച്ചും ക്ലെറിക്കല് പിഴവാണ്. ബി ജെ പി കേരള ഘടകം, ക്രിമിനല് ആന്റിസെഡന്റ്റ്സ് സംബന്ധിച്ച 2019 ല് തിരഞ്ഞെടുപ്പ് കമ്മീഷന് പുറത്തിറക്കിയ…
Read More » -
‘പോടാ ചെറ്റേ എന്നും പ്രയോഗമുണ്ട്, അതു ഞാന് വിളിക്കുന്നില്ല’; മുഖ്യമന്ത്രിക്കെതിരേ ആഞ്ഞടിച്ച് ജി. സുധാകരന്; ‘മുഖ്യമന്ത്രി സ്ഥാനത്ത് ഇരിക്കാന് പിണറായിക്കു യോഗ്യതയില്ല, എത്ര പേരെയാണ് അയാള് പാര്ട്ടിക്ക് എതിരാക്കുന്നത്’
ആലപ്പുഴ: മുഖ്യമന്ത്രി പിണറായി വിജയനെതിരെ ആഞ്ഞടിച്ച് അമ്പലപ്പുഴ സ്വതന്ത്ര സ്ഥാനാര്ഥി ജി. സുധാകരന്. അച്ഛനും അമ്മയും ഇട്ട പേരാണ് സുധാകരന്. അത് മാറ്റി സുധാകുരന് എന്ന് വരെ വിളിച്ചു. ബഹുമാന്യനായ മുഖ്യമന്ത്രി എനിക്ക് പുതിയൊരു പേരിട്ടു, ചെറ്റ. ഏറ്റവും പാവപ്പെട്ടവര് താമസിക്കുന്ന ചെറ്റപ്പുരയില് താമസിക്കുന്നവരെയാണ് അപമാനിച്ചത്. പോടാ ചെറ്റേ എന്ന് മറ്റൊരു പ്രയോഗമുണ്ട്. നാനാര്ഥങ്ങള് ഉള്ളതാണ് ഭാഷ. ഭാഷയുടെ അര്ഥാന്തരങ്ങള് മനസിലാക്കാതെയാണ് മുഖ്യമന്ത്രി ഈ പദം ഉപയോഗിച്ചത്. സംസാരിക്കുമ്പോള് സൂക്ഷിക്കണം. എല്ലാവിഭാഗം ജനങ്ങളും താമസിക്കുന്ന കേരളത്തില് ഇങ്ങനെയൊരു പ്രയോഗം നടത്താന് പാടില്ല. താന് മുഖ്യമന്ത്രിയെ ഒന്നും വിളിക്കുന്നില്ല. മുഖ്യമന്ത്രി സ്ഥാനത്തിരിക്കാന് അദ്ദേഹത്തിന് യോഗ്യതയില്ല. ഇത്തരം പ്രയോഗങ്ങള് ഭരണഘടനാ വിരുദ്ധമാണ്. കേസിനുപോയാല് പ്രശ്നമാണ്. കോണ്ഗ്രസിന് സന്തോഷിക്കാം. പിണറായി ആളെക്കൂട്ടിത്തരും. അദ്ദേഹം നിങ്ങള്ക്ക് വോട്ടു പിടിച്ചു തരും. ബിഷപ്പിനെ നികൃഷ്ട ജീവി എന്ന് വിളിച്ചു. വെളുത്തു സുമുഖനും നല്ല പാര്ലമെന്റേറിനുമായ പ്രേമചന്ദ്രനെ പരനാറി എന്നു വിളിച്ചു. അയാള്ക്ക് വല്ല നാറ്റമുണ്ടോ. മാന്യമായി കുളിച്ച് വസ്ത്രധാരണം…
Read More » -
കോലീബി സഖ്യത്തിന് വഴിവച്ചത് രണ്ട് പത്രപ്രവര്ത്തകര്; കോണ്ഗ്രസിനും ലീഗിനും വേണ്ടി ചര്ച്ച നടത്തിയവര് ആരൊക്കെ? ഡീല് ആരോപണം കടുക്കുമ്പോള് ബിജെപി നേതാവ് കെ.ജി. മാരാരുടെ ആത്മകഥ ചര്ച്ചയാകുന്നു; രാഷ്ട്രീയ കോളിളക്കം സൃഷ്ടിച്ച ‘പാഴായ പരീക്ഷണം’ എന്ന അധ്യായം
തിരുവനന്തപുരം: തെരഞ്ഞെടുപ്പു പോരാട്ടം മുറുകിയതോടെ ജാതി-മത വോട്ടുകള് സ്വന്തം പാളയത്തിലെത്തിക്കാന് മുന്നണികള് ‘ഡീല്’ ആരോപണങ്ങളുമായി രംഗത്തുവന്നിട്ടുണ്ട്. സ്ഥാനാര്ഥി നിര്ണയത്തിലെ പ്രശ്നങ്ങള് അവസാനിച്ചതോടെ ആദ്യമായി ആരോപണം ഉന്നയിച്ചത് യുഡിഎഫ് ആണ്. വി.ഡി. സതീശന്റെ ആരോപണം മുസ്ലിം ലീഗ് അടക്കമുള്ള പാര്ട്ടികള് ഏറ്റെടുത്തു. നേമത്താണ് യഥാര്ഥ ഡീല് എന്ന് മുഖ്യമന്ത്രിയും ആരോപിച്ചു. നേരത്തേ, പഞ്ചായത്ത് തെരഞ്ഞെടുപ്പില് ബിജെപിയുമായി ഡീല് ഉണ്ടാക്കിയ കഥ പുറത്തുവിട്ട് യൂത്ത് കോണ്ഗ്രസ് നേതാവും രംഗത്തുവന്നു. നേമത്തും വട്ടിയൂര്ക്കാവിലും ഡീല് ഉണ്ടായെന്ന് യൂത്ത്കോണ്ഗ്രസ് മുന് സംസ്ഥാന വൈസ്പ്രസിഡന്റ് എന്.എസ്. നുസൂറാണ് രംഗത്തുവന്നത്. നേമത്ത് രാജീവ് ചന്ദ്രശേഖറെ വിജയിപ്പിച്ചാല് അരുവിക്കരയില് വി.എസ്. ശിവകുമാറിനെയും വട്ടിയൂര്ക്കാവില് കെ. മുരളീധരനെയും ജയിപ്പിക്കാമെന്നാണു ധാരണയെന്നും അദ്ദേഹം പറഞ്ഞു. ഏറ്റവുമൊടുവില് കോ-ലീ-ബീ ആരോപണവുമായി മുഖ്യമന്ത്രിയുമെത്തി. കോണ്ഗ്രസും ലീഗും ബിജെപിയും ഇടതുമുന്നണിക്കെതിരേ സഖ്യമുണ്ടാക്കിയെന്നതാണ് ഇത്. കോലീബി സഖ്യം വീണ്ടും ചര്ച്ചയാകുമ്പോള് ബിജെപി നേതാവായിരുന്ന കെ.ജി. മാരാരുടെ ജീവചരിത്രത്തലൂടെയാണ് ഇക്കാര്യം പുറത്തറിഞ്ഞത്. പുസ്തകം ഇറങ്ങുന്നതിനുമുമ്പേ ഇക്കാര്യം ഇടതുമുന്നണി ഉന്നയിച്ചിരുന്നു എന്നതാണ് ശ്രദ്ധേയം.…
Read More » -
തുടര്ഭരണമോ തൂക്കുസഭയോ? ചര്ച്ചയാകുക വികസനമോ വിവാദങ്ങളോ? ഇതുവരെയുള്ള മാധ്യമ സര്വേകളുടെ ഫലം എന്ത്? പ്രചാരണ കോലാഹലങ്ങള്ക്കിടെ അടിയൊഴുക്ക് എങ്ങോട്ട്? കേരള രാഷ്ട്രീയം വഴിത്തിരിവില്
കൊച്ചി: സംസ്ഥാനത്തു തെരഞ്ഞെടുപ്പു പ്രഖ്യാപിച്ചതിനു പിന്നാലെ ആരു ഭരണത്തിലെത്തുമെന്ന ചര്ച്ചകളും സജീവം. വികസന നേട്ടങ്ങള്മുതല് വിവാദങ്ങള്വരെ എടുത്തു പയറ്റിയാണു മുന്നണികളുടെ വോട്ടു പിടിത്തം. സര്വേകളിലെ സൂചകളുമായി മാധ്യമങ്ങളും രംഗത്തുവന്നു. ഏപ്രില് ഒമ്പതിനു വിധിയെഴുതുമ്പോള് വിവാദങ്ങളാണോ വികസനങ്ങളാണോ ജനത്തെ സ്വാധീനിച്ചതെന്ന് അറിയാം. സര്വേകള് കേരളത്തിന്റെ തെരഞ്ഞെടുപ്പു രീതികളെ അട്ടിമറിച്ചാണ് 2021ല് ഇടതുമുന്നണി തുടര് ഭരണം നേടിയത്. മൂന്നാമതും ജനവിധി തേടാന് ഒരുങ്ങുമ്പോള് കുറച്ചു വിവാദങ്ങള്ക്കപ്പുറം കാര്യമാത്ര ഭരണവിരുദ്ധ വികാരമില്ല എന്നതാണു ശ്രദ്ധേയം. ഓരോ അഞ്ചുവര്ഷത്തിനിടയിലും മുന്നണികളെ മാറിമാറി തുണച്ച കേരളം, പത്തു വര്ഷത്തെ തുടര്ച്ചയായ ഭരണത്തിനുശേഷവും ഇടതു മുന്നണിയോടു താത്പര്യക്കുറവു കാട്ടുന്നില്ല എന്നു ചുരുക്കം. സര്വേകള് ഇഴകീറി പരിശോധിച്ചാല് എല്ഡിഎഫിന്റെ തുടര്ഭരണത്തിനാണു മുന്തൂക്കം. ‘ഓണ്മനോരമ’യുടെ പോള് പ്രകാരം പിണറായി വിജയന് മൂന്നാമതും മുഖ്യമന്ത്രിയാകണമെന്ന് 49.81 % ആളുകള് ആഗ്രഹിക്കുന്നു. ഭരണവിരുദ്ധ വികാരമില്ലെന്നും വികസന പ്രതിച്ഛായ ഗുണം ചെയ്യുമെന്നും റിപ്പോര്ട്ടുകള് സൂചിപ്പിക്കുന്നു. നിഷ്പക്ഷമെന്നു കരുതാവുന്ന സര്വേകളെല്ലാം എല്ഡിഎഫിനു മേല്ക്കൈ പ്രവചിക്കുന്നു. 2021ല് ഒഴികെ കേരളത്തിലെ…
Read More » -
അബുദാബിയിലേക്ക് ഇറാന്റെ ബാലിസ്റ്റിക് മിസൈല്; ഇന്ത്യക്കാരന് പരിക്ക്; ഊര്ജ പ്ലാന്റുകളെ തൊട്ടാല് ഹോര്മൂസ് പൂര്ണമായും അടയ്ക്കും; ട്രംപിന്റെ ഭീഷണി തള്ളി; ഇസ്രയേലിലേക്ക് അയച്ചത് 400 മിസൈലുകള്
കീഴടങ്ങിയില്ലെങ്കില് ഇറാന്റെ ഊര്ജ പ്ലാന്റുകളെ തകര്ത്ത് കളയുമെന്ന ട്രംപിന്റെ ഭീഷണി തള്ളി ഇറാന്. ഊര്ജ പ്ലാന്റുകള്ക്ക് നേരെ ആക്രമണം ഉണ്ടായാല് ഹോര്മുസ് പൂര്ണമായും അടയ്ക്കുമെന്നും യുഎസിന്റെയും ഇസ്രയേലിന്റെയും പ്രവര്ത്തിക്ക് ലോകം മുഴുവന് വില കൊടുക്കേണ്ടി വരുമെന്നും ഇറാന് സൈന്യത്തിന്റെ മുന്നറിയിപ്പ്. ‘ഈ യുദ്ധം ഇറാന് തുടങ്ങിയതല്ല, അതിജീവനത്തിനായി മാത്രമല്ല ഇറാനിപ്പോള് പോരാടുന്നത് അതുകൊണ്ട് തന്നെ അമേരിക്കന് പ്രസിഡന്റിന്റെ ഭീഷണി ഞങ്ങള് വകവയ്ക്കുന്നില്ല’ എന്നാണ് ഇറാന് സൈന്യത്തിന്റെ നിലപാട്. ഹോര്മുസ് ഇറാന്റെ ശത്രുക്കള്ക്കൊഴികെ എല്ലാവര്ക്കുമായി തുറന്നിരിക്കുകയാണെന്നായിരുന്നു ഇറാന് പ്രസിഡന്റ് മസൂദ് പെസഷ്കിയന് പ്രതികരിച്ചത്. തങ്ങളുടെ ഭൂമി നശിപ്പിക്കുന്നവര്ക്ക് വേണ്ടി ഹോര്മുസ് തുറന്നുനല്കില്ലെന്നും ശത്രുപക്ഷത്തില്ലാത്തവര്ക്കെല്ലാം ഹോര്മുസിലൂടെ പോകാമെന്നും ഇറാന് വ്യക്തമാക്കി. 48 മണിക്കൂറിനകം ഹോര്മുസ് പൂര്ണായും തുറക്കണമെന്നും ഇല്ലെങ്കില് ഇറാനെ ഭൂമിയില് നിന്ന് തുടച്ച് നീക്കുമെന്നുമായിരുന്നു യുഎസ് പ്രസിഡന്റ് ഡോണള്ഡ് ട്രംപിന്റെ അന്ത്യശാസനം. സംഘര്ഷം രൂക്ഷമാകുന്നതിനിടെ ട്രംപും ബ്രിട്ടീഷ് പ്രധാനമന്ത്രി കെയര് സ്റ്റാമറും ഹോര്മുസ് കടലിടുക്ക് തുറക്കുന്നതിനെ കുറിച്ച് ഫോണില് സംസാരിച്ചു. ആഗോള വ്യാപാരത്തിലെ…
Read More » -
കൊച്ചിയില് ലത്തീന് അതൃപ്തി; ബിഷപ്പുമായി വി.ഡി. സതീശന്റെ രഹസ്യ കൂടിക്കാഴ്ച; ഷിയാസിനെ നിര്ത്തിയതില് പ്രതിഷേധം പുകയുന്നു
കൊച്ചി മണ്ഡലത്തിലെ സ്ഥാനാര്ത്ഥി പ്രഖ്യാപനത്തിന് പിന്നാലെ ലത്തീന് സഭയിലുണ്ടായ പ്രതിഷേധം തണുപ്പിക്കാന് പ്രതിപക്ഷ നേതാവ് വി.ഡി. സതീശന് നേരിട്ടെത്തി. കൊച്ചി ബിഷപ്പ് ആന്റണി കാട്ടിപ്പറമ്പിലുമായി നടത്തിയ കൂടിക്കാഴ്ചയുടെ വിവരങ്ങള് പുറത്ത്. ഡി.സി.സി പ്രസിഡന്റ് മുഹമ്മദ് ഷിയാസിനെ കൊച്ചിയില് സ്ഥാനാര്ത്ഥിയായി നിശ്ചയിച്ചതിലാണ് സഭാനേതൃത്വത്തിന് അതൃപ്തിയുള്ളത്. തീരദേശ മേഖലകളില് നിര്ണ്ണായക സ്വാധീനമുള്ള ലത്തീന് സമുദായത്തിന് അര്ഹമായ പ്രാതിനിധ്യം നല്കണമെന്ന ആവശ്യം സഭ നേരത്തെ മുന്നോട്ടുവെച്ചിരുന്നു. പ്രത്യേകിച്ച് അരൂരില് ഷാനിമോള് ഉസ്മാന് മത്സരിക്കുമ്പോള്, കൊച്ചിയില് സമുദായത്തില് നിന്നുള്ള ഒരാള് വേണമെന്നതായിരുന്നു താല്പര്യം. എല്.ഡി.എഫ് സ്ഥാനാര്ത്ഥിയും സിറ്റിംഗ് എം.എല്.എയുമായ കെ.ജെ. മാക്സി ലത്തീന് സമുദായംഗമാണെന്നത് യു.ഡി.എഫിന് വെല്ലുവിളിയാകുന്നുണ്ട്. ഈ സാഹചര്യത്തില് വോട്ട് ഭിന്നിച്ചു പോകാതിരിക്കാനാണ് സതീശന്റെ അടിയന്തര നീക്കം. തിരഞ്ഞെടുപ്പുമായി ബന്ധപ്പെട്ട് സാമുദായിക നേതാക്കളെ നേരിട്ട് കാണില്ലെന്ന തന്റെ മുന് നിലപാട് മാറ്റിയാണ് വി.ഡി. സതീശന് ബിഷപ്പിനെ കാണാനെത്തിയത്. ഹൈബി ഈഡന് എംപിയും കൂടിക്കാഴ്ചയില് പങ്കെടുത്തു. കൊച്ചി, അരൂര് തുടങ്ങിയ മണ്ഡലങ്ങളില് ലത്തീന് സമുദായത്തിന്റെ വോട്ടുകള് വിജയപരാജയങ്ങള്…
Read More » -
കോണ്ഗ്രസ് നേതാക്കള് എത്തിയപ്പോള് പഴയ ബിജെപി നേതാക്കള് പുറത്ത്! ഒഴിവാക്കിയവരില് ഹിമന്തയെ പാര്ട്ടിയിലെത്തിച്ച മുന് സംസ്ഥാന അധ്യക്ഷനും; കടുത്ത അതൃപ്തി; അസം ബിജെപിയില് പോരു തുടങ്ങി; അനുനയിപ്പിക്കാന് നെട്ടോട്ടം
ഗവാഹത്തി: 2015 ഓഗസ്റ്റ് 23. ബിജെപിക്ക് അസമില് വലിയ സ്വാധീനമില്ലാതിരുന്ന കാലം. ബിജെപി അസം മുന് അധ്യക്ഷന് സിദ്ധാര്ത്ഥ ഭട്ടാചാര്യ, അന്നത്തെ കോണ്ഗ്രസിലെ കരുത്തനായിരുന്ന ഹിമന്ത ബിശ്വ ശര്മയെ ഡല്ഹിയിലെ അമിത് ഷായുടെ വസതിയിലേക്ക് കാറില് കൊണ്ടുപോയി. അമിത് ഷായുടെ വസതിയിലെത്തിയ ശര്മയുടെ ആശങ്കകള് ഷാ പരിഹരിച്ചു. അസമില് തരുണ് ഗോഗോയ് നയിക്കുന്ന കോണ്ഗ്രസിനെ അധികാരത്തില് നിന്ന് പുറത്താക്കുന്നതില് അദ്ദേഹം ഒരു വിലപ്പെട്ട സ്വത്തായിരിക്കുമെന്ന് ഉറപ്പുനല്കുകയും ചെയ്തു. 2016 ആദ്യം നടക്കാനിരിക്കുന്ന തിരഞ്ഞെടുപ്പില് ശര്മ ബിജെപിയുടെ മുഖ്യമന്ത്രി സ്ഥാനാര്ഥിയാകില്ലെന്ന് ഷാ വ്യക്തമാക്കുകയും ചെയ്തു. കൂടിക്കാഴ്ചയ്ക്ക് ശേഷം, ഒരു സംഘടനയിലെ പഴയ തലമുറയ്ക്ക് ചേരുന്ന രീതിയില് ഭട്ടാചാര്യ ഇക്കാര്യം മാധ്യമപ്രവര്ത്തകരോട് വെളിപ്പെടുത്തി. ശര്മയുടെ പാര്ട്ടി പ്രവേശനം ഏതാണ്ട് മുടങ്ങുന്ന ഘട്ടത്തിലെത്തിയപ്പോഴാണ് ഭട്ടാചാര്യ നിര്ണായക പങ്ക് വഹിച്ചത്. രണ്ട് ദിവസത്തിന് ശേഷം, 2015 ഓഗസ്റ്റ് 25-ന് ശര്മ ഔദ്യോഗികമായി ബിജെപിയില് ചേര്ന്നു. വാര്ത്താ സമ്മേളനത്തില് ഭാട്ടാചാര്യ, ശര്മയുടെ കൈകള് ഉയര്ത്തിപ്പിടിച്ചാണു തീരുമാനം പ്രഖ്യാപിച്ചത്. പ്രമുഖ…
Read More » -
ഇന്ത്യന് റിഫൈനറികള് വറ്റിത്തുടങ്ങി; ഇളവു മുതലാക്കി എണ്ണ വാങ്ങിക്കൂട്ടാന് ഇന്ത്യയും ഏഷ്യന് രാജ്യങ്ങളും; പണം എങ്ങനെ അടയ്ക്കുമെന്നതില് അനിശ്ചിതത്വം; കടലിലുള്ള കപ്പലുകളില് 170 ദശലക്ഷം ബാരല് ഇറാനിയന് എണ്ണ
ന്യൂഡല്ഹി/സിംഗപ്പൂര്: ഇറാനുമായുള്ള യുഎസ്-ഇസ്രായേല് യുദ്ധം മൂലം ഉണ്ടായ ഊര്ജ്ജ പ്രതിസന്ധി ലഘൂകരിക്കുന്നതിനായി വാഷിംഗ്ടണ് താല്ക്കാലികമായി ഉപരോധം നീക്കിയതോടെ, ഇന്ത്യന് റിഫൈനറികള് ഇറാനിയന് എണ്ണ വാങ്ങുന്നത് പുനരാരംഭിക്കാന് പദ്ധതിയിടുന്നു. ഏഷ്യയിലെ മറ്റ് റിഫൈനറികളും വളരെപ്പെട്ടെന്നുതന്നെ ഇത്തരമൊരു നീക്കത്തിലേക്കു കടക്കുമെന്ന് വ്യാപാരികള് പറഞ്ഞു. മൂന്ന് ഇന്ത്യന് റിഫൈനിംഗ് കമ്പനികള് തങ്ങള് ഇറാനിയന് എണ്ണ വാങ്ങുമെന്ന് അറിയിച്ചു. പേയ്മെന്റ് നിബന്ധനകള് പോലുള്ള വിശദാംശങ്ങളില് വാഷിംഗ്ടണില് നിന്നുള്ള വ്യക്തതയ്ക്കും സര്ക്കാര് നിര്ദേശങ്ങള്ക്കുമായി കാത്തിരിക്കുകയാണ്. മറ്റ് വലിയ ഏഷ്യന് എണ്ണ ഇറക്കുമതിക്കാരേക്കാള് വളരെ കുറഞ്ഞ അസംസ്കൃത എണ്ണ ശേഖരം ഇന്ത്യന് റിഫൈനറികളിലാണുള്ളത്. യുഎസ് അടുത്തിടെ താല്ക്കാലികമായി ഉപരോധം നീക്കിയതിനെത്തുടര്ന്ന് റഷ്യന് എണ്ണ ഇറക്കുമതി ചെയ്യാനും ഇവര് തിടുക്കം കൂട്ടിയിരുന്നു. എണ്ണ വാങ്ങാന് കഴിയുമോ എന്ന് മറ്റ് ഏഷ്യന് റിഫൈനറികള് പരിശോധിച്ചുവരികയാണെന്ന് ഇതുമായി ബന്ധപ്പെട്ട അറിവുള്ള പലരും പറഞ്ഞു. നിലവില് കടലിലുള്ള ഇറാനിയന് എണ്ണ വാങ്ങുന്നതിന് ട്രംപ് ഭരണകൂടം വെള്ളിയാഴ്ച 30 ദിവസത്തെ ഉപരോധ ഇളവ് അനുവദിച്ചതായി യുഎസ് ട്രഷറി…
Read More »