NEWS
-
മെസിയും മോദിയും രാഹുലും പിന്നെ നമ്മുടെ സന്ദീപ് വാര്യരും; മെസി-മോദി കൂടിക്കാഴ്ച മുടങ്ങിയതിന്റെ കാരണം കണ്ടുപിടിച്ച് വാര്യര്; മെസി ആദ്യം രാഹുലിനെ കണ്ടതുകൊണ്ടത്രെ മോദി പിണങ്ങി രാജ്യം വിട്ടത്
പാലക്കാട്; ചില നേരത്ത് സന്ദീപ് വാര്യര്ക്ക് നല്ല കോമഡി മൂഡാണ്. എന്താണ് എങ്ങിനെയാണ് പറയുന്നത് എന്നൊന്നും നോക്കില്ല. വെച്ചങ്കട് കാച്ചും. മെസിയും മോദിയും തമ്മിലുള്ള കൂടിക്കാഴ്ച മുടങ്ങിയതിന്റെ കാര്യകാരണങ്ങളും നൂറു തിരക്കിനിടയില് സന്ദീപ് വാര്യര് കണ്ടെത്തിയിരിക്കുന്നു. മുന്കൂര് ജാമ്യത്തിന്റെ തീരുമാനമൊക്കെ ഇന്ന് വരാനിരിക്കെയാണ് അന്താരാഷ്ട്ര വിഷയങ്ങളില് വാര്യര് ഇത്രമാത്രം ശ്രദ്ധ കേന്ദ്രീകരിച്ചിരിക്കുന്നത്. മെസി ആദ്യം രാഹുല്ഗാന്ധിയെ കണ്ടതു കൊണ്ടാണത്രെ മെസിയെ കാണാന് പ്രധാനമന്ത്രി നരേന്ദ്രമോദി കൂട്ടാക്കാതെ നാടുവിട്ടതെന്നാണ് സന്ദീപ് വാര്യര് കണ്ടുപിടിച്ചിരിക്കുന്നത്. മെസിയെ സ്നേഹിക്കുന്നവര് മോദിയോട് പൊറുക്കില്ലെന്നും സന്ദീപ് വാര്യര് ഓര്മിപ്പിക്കുന്നുണ്ട്. ഈ നാട്ടിലെ ഫുട്ബോളിനെ സ്നേഹിക്കുന്ന, മെസിയെ സ്നേഹിക്കുന്നവര് മോദിയോട് പൊറുക്കില്ലെന്ന് ബിജെപി വിട്ട് കോണ്ഗ്രസിലെത്തിയ സന്ദീപ് വാര്യര് പറഞ്ഞു. തന്നെ കാണുന്നതിനു മുന്നേ രാഹുല് ഗാന്ധിയെ കണ്ടതിന് മെസിയോട് പിണങ്ങി നിശ്ചയിച്ച കൂടിക്കാഴ്ച നടത്താതെ നരേന്ദ്ര മോദി നാടുവിട്ടു. ഈ നാടിന്റെ പ്രധാനമന്ത്രിയാണ് മെസിയെ പോലെ ലോക ജനത ആരാധിക്കുന്ന ഒരു ഫുട്ബോളറെ അവഹേളിച്ചിരിക്കുന്നതെന്നും സന്ദീപ് പറഞ്ഞു.…
Read More » -
മേയര് സ്ഥാനം; ആര്എസ്എസിന്റെ പച്ചക്കൊടി വി.വി. രാജേഷിന്; രാഷ്ട്രീയ പ്രവര്ത്തന പരിചയമുള്ളവര് നയിക്കണമെന്ന് നിര്ദേശം; 20നു ചേരുന്ന യോഗത്തില് തീരുമാനം; ശ്രീലേഖ ഡെപ്യൂട്ടി മേയറാകും
തിരുവനന്തപുരം: തിരുവനന്തപുരം കോര്പറേഷനില് മേയര് ആരാകണമെന്നതില് തീരുമാനം രണ്ടുദിവസത്തിനകം. വി.വി. രാജേഷിന് അനുകൂലമാണ് സംസ്ഥാന നേതൃത്വവും ആര്എസ്എസും. 20 ചേരുന്ന നിയുക്ത കൗണ്സിലര്മാരുടെ യോഗത്തില് പ്രഖ്യാപനമുണ്ടാകും. അത്ഭുതങ്ങളോ അട്ടിമറികളോ സംഭവിച്ചില്ലെങ്കില് ബിജെപി സംസ്ഥാന സെക്രട്ടറി വി.വി. രാജേഷ് തിരുവനന്തപുരം കോര്പറേഷന്റെ ആദ്യമേയറാകും. ആര്എസ്എസും രാജേഷിന് അനുകൂല നിലപാടാണ് സ്വീകരിച്ചതെന്ന് അറിയുന്നു. രാഷ്ട്രീയ പ്രവര്ത്തനാനുഭവമുള്ളയാള് തന്നെ മേയര് സ്ഥാനത്തെത്തണമെന്നാണ് ആര്എസ്എസിന്റെ അഭിപ്രായവും. ഇപ്പോള് ബംഗളൂരുവിലുള്ള ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് ഇന്നോ നാളെയോ ഡല്ഹിയിലെത്തി കേന്ദ്ര നേതൃത്വമായി കൂടിക്കാഴ്ച നടത്തുന്നതോടെ മേയര് ആരാകണമെന്നതില് ധാരണയാകും. മുന്ഡിജിപി ആര്. ശ്രീലേഖ ഡപ്യൂട്ടിമേയറാകാനാണ് സാധ്യത. ഏതുസ്ഥാനവും ഏറ്റെടുക്കാന് സന്നദ്ധയാണെന്ന് അവര് സംസ്ഥാന നേതൃത്വത്തെ അറിയിച്ചിട്ടുണ്ട്. ഈമാസം 20 ന് വിജയിച്ച കൗണ്സിലര്മാരുടെ യോഗം ചേരും. അന്നുതന്നെ നേതാവിനെ പ്രഖ്യാപിക്കും.
Read More » -
ദിലീപിനെതിരേ കെട്ടിച്ചമച്ച സാക്ഷി? ബാലചന്ദ്ര കുമാറിന്റെ തെളിവുകളിലും വൈരുധ്യമെന്ന് കോടതി വിധിയില്; ‘അന്വേഷണ ഉദ്യോഗസ്ഥന്റെ ഭാഗത്തുനിന്ന് വന് വീഴ്ചകള്; മൊഴികളില് പലതും ഒഴിവാക്കി; വിചാരണയിലും മറുപടിയില്ല; വോയ്സ് ക്ലിപ്പുകള് റെക്കോഡ് ചെയ്ത ഉപകരണങ്ങളും അപ്രത്യക്ഷമായി’
കൊച്ചി: ദിലീപിനെതിരായ ബാലചന്ദ്രകുമാറിന്റെ വെളിപ്പെടുത്തലുകള് തെളിയിക്കാന് അന്വേഷണ സംഘം സാക്ഷികളെ കെട്ടിച്ചമച്ചുവെന്നും ഗൂഢമായ ഇടപെടല് നടത്തിയെന്നും വിചാരണ കോടതി. ജയിലിലെ ദിലീപ്- ബാലചന്ദ്രകുമാര് കൂടിക്കാഴ്ചയിലെ നിര്ണായക സാക്ഷിയാക്കി ഉള്പ്പെടുത്തിയ ആള് ബധിരനും മൂകനുമാണെന്ന് കണ്ടെത്തിയതോടെ അന്വേഷണസംഘം തന്ത്രപരമായി ഒഴിവാക്കിയെന്നും കോടതി വിധിയില്. ദിലീപിനെതിരായ നിര്ണായക തെളിവുകളെന്ന് പ്രോസിക്യൂഷന് അവതരിപ്പിച്ച ശബ്ദസാംപിളുകള്ക്കു വിശ്വാസ്യതയില്ലെന്ന് കാര്യകാരണങ്ങള് സഹിതം വിധിയില് വ്യക്തമാക്കുന്നു. കേസില് അന്വേഷണ ഉദ്യോഗസ്ഥന്റെ ഭാഗത്തുനിന്നുണ്ടായ സമാനതകളില്ലാത്ത കൃത്യവിലോപവും വീഴ്ചകളുമാണ് വിധിയില് അക്കമിട്ട് നിരത്തുന്നത്. ഇതില് ഏറ്റവും പ്രധാനമാണ് ബാലചന്ദ്രകുമാര് എപ്പിസോഡിലെ സാക്ഷി ഫ്രാന്സിസ് സേവ്യര്. ബാലചന്ദ്രകുമാര് ദിലീപിനെ ജയിലില് പോയി കണ്ടതിന് സാക്ഷിയായിരുന്നു റിമാന്ഡ് തടവുകാരനായ ഫ്രാന്സിസ് സേവ്യര്. ദിലീപിനെ കാണാന് ചെന്നപ്പോള് ഫ്രാന്സിസ് സേവ്യറുമായി താന് സംസാരിച്ചുവെന്ന് മുഖ്യമന്ത്രിക്ക് ബാലചന്ദ്രകുമാര് അയച്ച പരാതിയില് വ്യക്തമാക്കിയിരുന്നു. തന്റെ സിനിമയെ കുറിച്ചടക്കം ദിലീപ് സംസാരിച്ചിരുന്നതായി ഇയാള് പറഞ്ഞതായും ബാലചന്ദ്രകുമാറിന്റെ മൊഴിയിലുണ്ട്. കുറ്റപത്രത്തില് ഈ ഭാഗം പൂര്ണമായും ഒഴിവാക്കി. ഇതിന്റെ കാരണം തേടിയപ്പോള് അന്വേഷണ ഉദ്യോഗസ്ഥന്…
Read More » -
ശബരിമല തീര്ഥാടകര് സഞ്ചരിച്ച ബസ് മറിഞ്ഞ് നാലുപേര്ക്കു പരിക്ക്; ഒരാളുടെ കാല് അറ്റുപോയി; ഇന്നലെ രണ്ടുപേര് അപകടത്തില് മരിച്ചതിനു പിന്നാലെ വീണ്ടും ദാരുണ സംഭവം
പത്തനംതിട്ട: വടശ്ശേരിക്കരയില് ശബരിമല തീര്ഥാടകര് സഞ്ചരിച്ച ബസ് മറിഞ്ഞു. ആന്ധ്രയില് നിന്നുള്ള നാല് തീര്ഥാടകര്ക്ക് പരുക്ക്. ഇവരെ റാന്നി താലൂക്ക് ആശുപത്രിയില് പ്രവേശിപ്പിച്ചു. ഇന്നലെ കൊല്ലം നിലമേലില് ശബരിമല തീര്ഥാടകര് സഞ്ചരിച്ച വാഹനം അപകടത്തില്പ്പെട്ട് രണ്ടുപേർക്ക് ദാരുണാന്ത്യം സംഭവിച്ചായിരുന്നു. തീര്ഥാടകര് സഞ്ചരിച്ച കാറും കെഎസ്ആര്ടിസി ബസും കൂട്ടിയിടിച്ചാണ് അപകടം ഉണ്ടായത്. കാറിലുണ്ടായിരുന്ന തിരുവനന്തപുരം പൂജപ്പുര പുന്നമുകള് സ്വദേശികളായ ബിച്ചു ചന്ദ്രന്, സതീഷ് എന്നിവരാണ് മരിച്ചത്. ശബരിമല ദര്ശനം കഴിഞ്ഞ് മടങ്ങുകയായിരുന്നവരാണ് അപകടത്തില്പെട്ടത്. കൊട്ടാരക്കര ഭാഗത്തേക്ക് പോകുകയായിരുന്ന കെഎസ്ആര്ടിസി ബസുമായാണ് കാര് കൂട്ടിയിടിച്ചത്. അപകടത്തില് കാറിന്റെ മുന്ഭാഗം പൂര്ണമായും തകര്ന്നു. അഗ്നിരക്ഷാസേന ഉദ്യോഗസ്ഥരെത്തി കാര് വെട്ടിപ്പൊളിച്ചാണ് ഒരാളെ പുറത്തെടുത്തത്. കാറിലുണ്ടായരുന്ന മൂന്നുപേരെയും വെഞ്ഞാറമൂട്ടിലെ സ്വകാര്യ ആശുപത്രിയില് എത്തിച്ചെങ്കിലും രണ്ടുപേരുടെ ജീവന് രക്ഷിക്കാനായില്ല. കുട്ടിയെ വിദഗ്ധ ചികിത്സയ്ക്കായി തിരുവനന്തപുരത്തെ മറ്റൊരു സ്വകാര്യ ആശുപത്രിയിലേക്ക് മാറ്റി.അപകടത്തെ തുടര്ന്ന് എംസി റോഡില് ഗതാഗതം ചെറിയ തോതില് തടസപ്പെട്ടിരുന്നു. ചടയമംഗലം പോലീസും അഗ്നിരക്ഷാസേനയും നാട്ടുകാരും ചേര്ന്നാണ്…
Read More » -
തൃശൂരിലെ തോല്വിക്കു പിന്നാലെ തിരുവനന്തപുരം കോര്പറേഷനിലും കെ. മുരളീധരന്റെ പദ്ധതികള് അമ്പേ പാളി; ബിജെപി ജയിച്ച 41 ഇടത്ത് കോണ്ഗ്രസ് മൂന്നാം സ്ഥാനത്ത്; ആകെ കിട്ടിയ വോട്ടുകളിലും വന് ഇടിവ്; അട്ടിമറി അണികളുടേതോ നേതാവിന്റെയോ? കണക്കുകള് ഇങ്ങനെ
തിരുവനന്തപുരം: തിരുവനന്തപുരം കോര്പറേഷനില് ബിജെപിയുടെ പടുകൂറ്റന് വിജയത്തിനു പിന്നാലെ വോട്ടിംഗ് കണക്കുകള് വിലയിരുത്തിയുള്ള നിരീക്ഷണങ്ങളും ചര്ച്ചയിലേക്ക്. കെ.എസ്. ശബരീനാഥനെ മുന്നില് നിര്ത്തി കോര്പറേഷന് പിടിക്കാനുള്ള ബുദ്ധി കെ. മുരളീധരന്റെയായിരുന്നു. തൃശൂര് പാര്ലമെന്റ് തെരഞ്ഞെടുപ്പില് സുരേഷ് ഗോപിക്കെതിരേ മത്സരിച്ചശേഷം സംഘടനാ ചുമതലകളുമായി മുന്നോട്ടുപോയ മുരളീധരന്റെ ആദ്യ സജീവ തെരഞ്ഞെടുപ്പ് അണിയറ പ്രവര്ത്തനവും ഇതായിരുന്നു. മുമ്പ് പാലക്കാട്, നിലമ്പൂര് തെരഞ്ഞെടുപ്പുകള് വന്നെങ്കിലും അവിടെയൊന്നും മുരളിയുടെ സജീവ സാന്നിധ്യമുണ്ടായില്ല. മാത്രമല്ല, പാലക്കാടേക്കു കാല് കുത്തരുതെന്നും ചില നേതാക്കള് മുന്നറിയിപ്പു നല്കിയിരുന്നു. തൃശൂരില് മൂന്നാം സ്ഥാനത്തേക്കു കൂപ്പുകുത്തിയ കോണ്ഗ്രസ് കോര്പറേഷന് അടക്കം പിടിച്ചു. പഞ്ചായത്തില് 19 എണ്ണം കൂടുതലായും പിടിച്ചു. എന്നാല്, മുരളി നേതൃത്വം നല്കിയ കോര്പറേഷനില് എന്തുകൊണ്ട് നിരവധി സീറ്റുകളില് കോണ്ഗ്രസ് മൂന്നാം സ്ഥാനത്തേക്കു പോയി എന്നതും ചര്ച്ചയാകുകയാണ്. തെരഞ്ഞെടുപ്പിലെ അന്തര്ധാരയെക്കുറിച്ച് സിപിഎം ആവര്ത്തിക്കുന്നത് ഈ കണക്കുകള് ചൂണ്ടിക്കാട്ടിയാണ്. കോര്പറേഷനിലെ മൂന്നു മുന്നണികള്ക്കും വീണ ആകെ വോട്ടിന്റെ കണക്കെടുത്താല് ഏറ്റവും കൂടുതല് എല്ഡിഎഫിനാണ്. 1,75,522. എന്നാല്…
Read More » -
മറ്റു കാറുകള് കടത്തിവിടാത്ത സാഹചര്യത്തില് 90 വയസുള്ള മനുഷ്യനെ എന്തു ചെയ്യണമായിരുന്നു? വെള്ളാപ്പള്ളിക്ക് എതിരേ വിമര്ശനം ഉന്നയിച്ച കോണ്ഗ്രസ് നേതാക്കള് ആരൊക്കെ? സത്യം പറയുന്ന നേതാവെന്ന് വിശേഷിപ്പിച്ചത് ചെന്നിത്തല; പിണറായി വിജയനെയും നടേശനെയും ചേര്ത്തുള്ള വിമര്ശനങ്ങള്ക്ക് മറുപടിയുമായി കുറിപ്പ് ചര്ച്ചയാകുന്നു
തിരുവനന്തപുരം: തദ്ദേശ തെരഞ്ഞെടുപ്പില് ഇടതുപക്ഷത്തിന്റെ തിരിച്ചടിക്കു പിന്നിലെ കാരണങ്ങള് വിലയിരുത്തുമ്പോള് ഏറ്റവും കൂടുതല് ഉന്നമിടുന്നത് വെള്ളാപ്പള്ളി നടേശനെയും അദ്ദേഹത്തിന്റെ മുസ്ലിംകളോടുള്ള വിമര്ശനവുമാണ്. ഇതിനെതിരേ ഒറ്റവാക്കുപോലും പിണറായി വിജയന് സംസാരിച്ചിട്ടില്ലെന്നും ഇതാണ് മുസ്ലിംകളുടെ വോട്ടു മറിയാന് കാരണമെന്നും ദൃശ്യമാധ്യമ പ്രവര്ത്തകര് അടക്കം വിലയിരുത്തുന്നു. വെള്ളാപ്പള്ളിയെ പിണറായി വിജയന് കാറില് കയറ്റിക്കൊണ്ടുപോയതടക്കം വിമര്ശന വിധേയമാക്കിയിരുന്നു. തദ്ദേശ തെരഞ്ഞെടുപ്പില് മലപ്പുറത്തടക്കം പാതിയോളം സീറ്റുകളാണ് എല്ഡിഎഫിന് സംസ്ഥാനത്താകെ നഷ്ടമായത്. എന്നാല്, പൊളിറ്റിക്കല് വോട്ടിംഗ് ജില്ലാ പഞ്ചായത്തുകളില് പിടിച്ചു നില്ക്കാന് കഴിഞ്ഞു. ന്യൂനപക്ഷങ്ങള് വ്യാപകമായി യുഡിഎഫിലേക്ക് ഇടവേളയ്ക്കുശേഷം എത്തിയതാണ് ഇതിന്റെ മറ്റൊരു കാരണമായി ചൂണ്ടിക്കാട്ടുന്നത്. ഈ സാഹചര്യത്തിലാണ് വെള്ളാപ്പള്ളിയുമായി ബന്ധിപ്പിച്ച് ജയപ്രകാശ് ഭാസ്കരന് എഴുതിയ കുറിപ്പും ചര്ച്ചയാകുന്നത്. വെള്ളാപ്പള്ളിക്കെതിരേ വിമര്ശനം ഉന്നയിച്ച കോണ്ഗ്രസ് നേതാക്കള് ആരൊക്കെയെന്ന് അദ്ദേഹം എടുത്തു ചോദിക്കുന്നു. ‘സത്യം പറയുന്ന നേതാവാണ് വെള്ളാപ്പള്ളി’ എന്നാണ് കോണ്ഗ്രസ് നേതാവ് രമേശ് ചെന്നിത്തല പറഞ്ഞതെന്നും അദ്ദേഹം ഓര്മിപ്പിക്കുന്നു. പിണറായി വിജയനെ രൂക്ഷമായി വിമര്ശിക്കുന്ന വി.ഡി. സതീശനും പേരിനുമാത്രമാണ് വെള്ളാപ്പള്ളിയുടെ…
Read More » -
‘ക്രിസ്ത്യാനിയെ മേയറാക്കണം’; സഭയുടെ നിര്ദേശത്തില് ഉടക്കി തൃശൂര് കോര്പറേഷന് മേയര് തെരഞ്ഞെടുപ്പ്; വന് ഭൂരിപക്ഷം ലഭിച്ചിട്ടും സാമുദായിക സമവാക്യത്തില് മുടന്തി കോണ്ഗ്രസ്; അഡ്വ. വില്ലി ജിജോയ്ക്കു മുന്ഗണന; ലാലി ജെയിംസിന് തിരിച്ചടി; നിയസഭ കുപ്പായം തുന്നിയവര്ക്കും തലവേദന
തൃശൂര്: തൃശൂര് കോര്പറേഷനിലെ വമ്പന് വിജയത്തിനു പിന്നാലെ മേയര് സ്ഥാനം നിശ്ചയിക്കല് കോണ്ഗ്രസിനു മുന്നില് പ്രതിസന്ധിയാകും. നിയമസഭാ തെരഞ്ഞെടുപ്പു മുന്നില്കണ്ട് സാമുദായിക സന്തുലനം പാലിക്കുകയെന്നതാണ് ഏറ്റവും വലിയ ബുദ്ധിമുട്ട്. ഇക്കുറി മേയര് സീറ്റ് വനിതാ സംവരണമാണ്. 19 വനിതകളാണ് കോണ്ഗ്രസില്നിന്നു വിജയിച്ചത്. നിയമസഭാ തെരഞ്ഞെടുപ്പു മുന്നില്കണ്ട് സാമുദായിക സമവാക്യംകൂടി നോക്കിയായിരിക്കും തീരുമാനമെന്ന് ഏറെക്കുറെ ഉറപ്പായി. കോര്പറേഷന് ഭരണ നേതൃത്വത്തില് ക്രിസ്ത്യന് സമുദായത്തില്നിന്നുള്ളവര് വേണമെന്നു കത്തോലിക്കാ സഭ അനൗദ്യോഗികമായി അറിയിച്ചിട്ടുണ്ടെന്നാണു വിവരം. ചേറൂരില്നിന്ന് ജനറല് സീറ്റില് വിജയിച്ച അഡ്വ. വില്ലി ജിയോയുടെ പേരുമാത്രമാണ് സഭ മുന്നോട്ടുവച്ചത്. ഡെപ്യൂട്ടി മേയര് പദവി ജനറല് വിഭാഗമായതിനാല് ഹിന്ദു/നായര് സമുദായത്തില്നിന്നുള്ളവരെ പരിഗണിക്കേണ്ടിവരും. നേരത്തേ തൃശൂര് അതിരൂപതയുടെ സമുദായ ജാഗ്രതാ സദസില് അടക്കം ഭരണത്തിന്റെ മുഖ്യധാരയിലേക്കു ചെറുപ്പക്കാരെ എത്തിക്കണമെന്ന പരസ്യമായ ആഹ്വാനം രാഷ്ട്രീയപ്പാര്ട്ടികള്ക്കു നല്കിയിരുന്നു. അധ്യാപക നിയമനങ്ങളിലെ അംഗീകാരം വൈകുന്നതു ചൂണ്ടിക്കാട്ടി, ഇക്കാര്യം വോട്ടെടുപ്പില് ഓര്മിക്കണമെന്ന സൂചനയും മാര് ആഡ്രൂസ് താഴത്ത് അടക്കമുള്ളവര് നല്കി. ഈ സാഹചര്യത്തിലാണ് മറ്റു…
Read More » -
ഇന്ത്യയെ ഞെട്ടിച്ച പഹല്ഗാം ഭീകരാക്രമണത്തിന്റെ സൂത്രധാരനെ എന്ഐഎ കണ്ടെത്തി ; പ്രധാന ഗൂഢാലോചനക്കാരന് പാകിസ്ഥാന് പൗരനായ സാജിദ് സൈഫുള്ള ജട്ട് ; ആയിരത്തിലധികം ആളുകളെ ചോദ്യം ചെയ്തു
ന്യൂഡല്ഹി: ഇന്ത്യയെ ഞെട്ടിച്ച പഹല്ഗാം ഭീകരാക്രമണത്തില് ഉള്പ്പെട്ട ലഷ്കര്-ഇ-തൊയ്ബ, ദി റെസിസ്റ്റന്സ് ഫ്രണ്ട് ശൃംഖലയെ ഏഴ് മാസം നീണ്ട അന്വേഷണത്തിലൂടെ ദേശീയ അന്വേഷണ ഏജന്സി കണ്ടെത്തി. പഹല്ഗാം ഭീകരാക്രമണത്തിന് പിന്നിലെ പ്രധാന ഗൂഢാലോചനക്കാരന് പാകിസ്ഥാന് പൗരനായ സാജിദ് സൈഫുള്ള ജട്ട് എ്ന്നയാളാണെന്നാണ് കണ്ടെത്തിയിരിക്കുന്നത്. എന്ഐഎയുടെ കുറ്റപത്രത്തിലാണ് ഈ വിവരമുള്ളത്. പാകിസ്ഥാനിലെ കസൂര് സ്വദേശിയായ ജട്ട്, ലഷ്കര്-ഇ-തൊയ്ബയുടെ ഉപസംഘടനയായ ദി റെസിസ്റ്റന്സ് ഫ്രണ്ടിന്റെ തലവനാണ്. ഇയാളെ പിടികൂടാന് സഹായിക്കുന്ന വിവരങ്ങള്ക്ക് എന്ഐഎ 10 ലക്ഷം രൂപ പാരിതോഷികം പ്രഖ്യാപിക്കുകയും, യുഎപിഎപ്രകാരം ഇയാളെ നിരോധിത ഭീകരനായി പ്രഖ്യാപിക്കുകയും ചെയ്തു. കൃത്യമായ എട്ട് മാസത്തെ അന്വേഷണത്തിന് ശേഷമാണ് കുറ്റപത്രം സമര്പ്പിച്ചത്. കുറ്റപത്രത്തിലെ മറ്റ് പേരുകള്, പഹല്ഗാമില് ആക്രമണം നടത്തിയ മൂന്ന് പാകിസ്ഥാന് ഭീകരരായ സുലൈമാനി ഷാ, ഹംസ അഫ്ഗാനി, ജിബ്രാന് എന്നിവരാണ്. ജൂലൈ 28 ന് ദച്ചിഗാം ഏരിയയില് നടന്ന ‘ഓപ്പറേഷന് മഹാദേവ്’ എന്ന സൈനിക നടപടിയില് ഇവര് കൊല്ലപ്പെട്ടിരുന്നു. ജമ്മു മേഖലയിലെ എന്ഐഎ കോടതിയില്…
Read More » -
ലിയോണേല് മെസ്സി ന്യൂഡല്ഹിയിലും എത്തി ആരാധകരെ കണ്ടു ; പക്ഷേ പ്രധാനമന്ത്രിയെ കാണാന് കഴിഞ്ഞില്ല ; മൂടല്മഞ്ഞ് കാഴ്ച മറയ്ക്കുന്ന പ്രശ്നത്തെ തുടര്ന്ന് വിമാനം വൈകി ; മോദി വിദേശത്തേക്ക് പോയി ; കൂടിക്കാഴ്ച റദ്ദാക്കി
ന്യൂഡല്ഹി: ഗോട്ട് ഇന്ത്യ ടൂറിന്റെ ഭാഗമായി ഡല്ഹിയില് നിശ്ചയിച്ചിരുന്ന പ്രധാനമന്ത്രി നരേന്ദ്ര മോദിയുമായുള്ള ഫുട്ബോള് ഇതിഹാസം ലിയോണേല് മെസ്സിയുടെ കൂടിക്കാഴ്ച റദ്ദാക്കി. മൂന്ന് രാജ്യങ്ങള് സന്ദര്ശിക്കുന്നതിനായി പ്രധാനമന്ത്രി ഇന്ന് വിദേശത്തേക്ക് യാത്ര തിരിച്ചതിനാലാണ് കൂടിക്കാഴ്ച റദ്ദാക്കിയത്. മെസ്സിയുടെ വിമാനം മൂടല്മഞ്ഞ് കാരണം സമയത്ത് എത്താത്തതും പ്രശ്നമായി. അര്ജന്റീന സൂപ്പര് താരം ഇന്നലെ അവസാന ദിവസത്തില് ഡല്ഹിയില് എത്തിയിരുനനു. മുംബൈയില് നിന്നും പുറപ്പെടേണ്ട വിമാനം വൈകിയതിനാല് നിശ്ചയിച്ച സമയത്തിന് മണിക്കൂറുകള്ക്ക് ശേഷമാണ് വിമാനം ഡല്ഹിയിലെത്തിയത്. കഴിഞ്ഞ രണ്ടുദിവസങ്ങളിലായി മൂന്നുനഗരങ്ങളില് താരം സന്ദര്ശനം നടത്തിയ ശേഷമാണ് മെസ്സി ന്യൂഡല്ഹിയില് എത്തിയത്. ആദ്യദിവസം കോല്ക്കത്ത, ഹൈദരാബാദ് എന്നിവിടങ്ങളിലും രണ്ടാം ദിനം മുംബൈയിലും മെസി എത്തി. മെസിക്കൊപ്പം സുവാരസും, റോഡ്രിഗോ ഡി പോളുമുണ്ട്. കഴിഞ്ഞ ദിവസം മുംബൈയിലെത്തിയ മെസിക്ക് സച്ചിന് ടെന്ഡുള്ക്കര് അദ്ദേഹത്തിന്റെ പത്താം നമ്പര് ജേഴ്സി സമ്മാനിച്ചിരുന്നു. ഡല്ഹിയിലെ പരിപാടിയില് പങ്കെടുത്ത ശേഷം മെസി നാട്ടിലേക്ക് തിരിക്കും. അതേസമയം, കോല്ക്കത്തയിലെ മെസിയുടെ സന്ദര്ശനം വലിയ പ്രതിഷേധത്തിനും…
Read More » -
ശ്രീലങ്കയ്ക്ക് ആദ്യ ഏകദിന ക്രിക്കറ്റ് ലോകകപ്പ് നേടിക്കൊടുത്ത ടീമിന്റെ നായകന് 23 കോടിയുടെ അഴിമതിക്കേസില് കുടുങ്ങി ; പെട്രോളിയം മന്ത്രിയയിരിക്കെ കാട്ടിയ സാമ്പത്തീക വെട്ടിപ്പിന് അറസ്റ്റ്് ചെയ്യാന് നീക്കം
കൊളംബോ: ശ്രീലങ്കയ്ക്ക് ആദ്യമായി ഏകദിന ക്രിക്കറ്റ് ലോകകപ്പ് നേടിക്കൊടുത്ത ക്യാപ്റ്റനെ പിടിച്ച് ജയിലിലിടാന് ഭരണകൂടം. ശ്രീലങ്കയുടെ മുന് നായകനും പെട്രോളിയം അഴിമതിക്കേസില് കുടുങ്ങിയിരിക്കുന്ന മുന് പെട്രോളിയം മന്ത്രിയുമായ അര്ജുന രണതുംഗയാണ് അറസ്റ്റിനെ മുഖാമുഖം കാണുന്നത്. 23.5 കോടിയുടെ അഴിമതിക്കേസിലാണ് താരം കുടുങ്ങിയിരിക്കുന്നത്. പെട്രോളിയം മന്ത്രിയായിരുന്ന കാലത്തെ അഴിമതിക്കേസില് ദീര്ഘകാല എണ്ണ സംഭരണ കരാറുകള് നല്കുന്നതിനുള്ള നടപടി ക്രമങ്ങള് മാറ്റുകയും ഉയര്ന്ന വിലയ്ക്ക് സ്പോട്ട് പര്ച്ചേസുകള് നടത്തുകയും ചെയ്തതായി രണതുംഗയ്ക്കും സഹോദരനുമെതിരെ അഴിമതി വിരുദ്ധ നിരീക്ഷണ കമ്മീഷന് ആരോപിച്ചു. നിലവില് വിദേശത്തായ രണതുംഗ തിരിച്ചെത്തുമ്പോള് അറസ്റ്റ് ചെയ്യുമെന്നും കമ്മീഷന് കൊളംബോ മജിസ്ട്രേറ്റ് അസംഗ ബോദരഗാമയെ അറിയിച്ചു. അര്ജുന രണതുംഗയുടെ ക്യാപ്റ്റന്സിയില് ശ്രീലങ്ക 1996-ലെ ക്രിക്കറ്റ് ലോകകപ്പ് നേടിയിരുന്നു. ഇടംകൈയ്യന് ബാറ്ററായ 62-കാരനായ അര്ജുന, ഓസ്ട്രേലിയയെ പരാജയപ്പെടുത്തിയായിരുന്നു കപ്പ് ഉയര്ത്തിയത്. ‘2017-ല് ഇടപാടുകള് നടത്തിയ സമയത്ത് 27 വാങ്ങലുകളിലായി സംസ്ഥാനത്തിന് മൊത്തം 800 ദശലക്ഷം ശ്രീലങ്കന് രൂപയുടെ (ഏകദേശം 23.5 കോടി രൂപ) നഷ്ടമുണ്ടായി,’…
Read More »