NEWS
-
വെള്ളിത്തിരയിലെ ശുദ്ധഹാസ്യത്തിന്റെ ശ്രീത്വം മറഞ്ഞു; നടന് ശ്രീനിവാസന് അന്തരിച്ചു; വേര്പാടിന്റെ വേദനയില് സിനിമാലോകം; ചിരിയും ചിന്തയും കോര്ത്തിണക്കിയ അരനൂറ്റാണ്ട്
കൊച്ചി: മലയാള സിനിമയിലെ ശുദ്ധഹാസ്യത്തിന്റെ ശ്രീത്വം മറഞ്ഞു – ചിരിയും ചിന്തയും കൊണ്ട് മലയാളി പ്രേക്ഷകരെ അരനൂറ്റാണ്ട് രസിപ്പിച്ച നടനും തിരക്കഥാകൃത്തും സംവിധായകനുമായ ശ്രീനിവാസന് അന്തരിച്ചു. ഇന്നുരാവിലെ കൊച്ചിയിലായിരുന്നു അന്ത്യം. രാവിലെ ശ്വാസം മുട്ടല് അനുഭവപ്പെട്ടത്തിനെ തുടര്ന്ന് ആശുപത്രിയില് എത്തിക്കുകയായിരുന്നു. 69 വയസ്സായിരുന്നു. ഏറെ നാളായി രോഗബാധിതനായി ചികിത്സയിലായിരുന്നു. ഡയാലിസിസ് ചെയ്യാന് ഇന്ന് രാവിലെ വീട്ടില് നിന്ന് ഇറങ്ങിയതാണ്. തൃപ്പൂണിത്തുറ എത്തിയപ്പോള് ആരോഗ്യ നില മോശമാവുകയായിരുന്നു. ഭാര്യ വിമല ഒപ്പമുണ്ടായിരുന്നു. നീണ്ട 48 വര്ഷത്തെ സിനിമാ ജീവിതത്തില് സിനിമയിലെ സമസ്ത മേഖലകളിലും വ്യക്തിമുദ്ര പതിപ്പിച്ച വ്യക്തി കൂടിയായിരുന്നു ശ്രീനിവാസന്. സ്വന്തം സിനിമകളിലുടെ സാധാരണക്കാരന്റെ പ്രശ്നങ്ങള് നര്മത്തിന്റെ സഹായത്തോടേ വെള്ളിത്തിരയിലെത്തിച്ചവരില് മുന്നിലാണ് ശ്രീനിവാസന്. 1976 ല് പി. എ. ബക്കര് സംവിധാനം ചെയ്ത മണിമുഴക്കം എന്ന ചിത്രത്തിലൂടെയാണ് അഭിനയരംഗത്തെത്തുന്നത്. 1984-ല് ഓടരുതമ്മാവാ ആളറിയും എന്ന സിനിമക്ക് കഥ എഴുതി തിരക്കഥാ രംഗത്തേക്ക് കടന്നു. സന്മസുളളവര്ക്ക് സമാധാനം, ടി പി ബാലഗോപാലന് എം…
Read More » -
ആദ്യദിനം ഏഴുകോടി; ‘ഭഭബ’ കളക്ഷന് റിപ്പോര്ട്ട്; ദിലീപ് ചിത്രത്തിന് ആദ്യ ദിനം കിട്ടുന്ന ഏറ്റവും വലിയ തുക; കെജിഎഫിന്റെയും എമ്പുരാന്റെയും പട്ടികയിലേക്ക്
ആദ്യ ദിനം റെക്കോർഡ് കലക്ഷനുമായി ദിലീപ് ചിത്രം ‘ഭഭബ’. 7.2 കോടിയാണ് ആദ്യദിനം കേരളത്തിൽ നിന്നും ചിത്രം വാരിക്കൂട്ടിയത്. ഒരു ദിലീപ് ചിത്രത്തിനു ലഭിക്കുന്ന ഏറ്റവും ഉയർന്ന കലക്ഷൻ കൂടിയാണിത്. ഒടിയൻ, കെജിഎഫ്2, ലിയോ, എമ്പുരാൻ, കൂലി എന്നീ സിനിമകളാണ് ഇതിനു മുമ്പ് കേരള ബോക്സ്ഓഫിസിൽ നിന്നും ആദ്യദിനം 7 കോടിക്കു മുകളിൽ കലക്ഷൻ നേടിയത്. അഡ്വാൻസ് ബുക്കിങിലും ‘ഭഭബ’യ്ക്കു മികച്ച പ്രതികരണം ലഭിച്ചിരുന്നു. മണിക്കൂറില് പതിനായിരത്തിനു മുകളിൽ ടിക്കറ്റുകളാണ് ബുക്ക്മൈ ഷോ പ്ലാറ്റ്ഫോമിലൂടെ വിറ്റുപോയത്. ഏകദേശം ഒരു കോടിക്കു മുകളിലാണ് ആദ്യ ദിനം മാത്രം പ്രി സെയ്ൽ ബിസിനസ്സിലൂടെ ചിത്രം നേടിയത്. ക്രിസ്മസ് റിലീസുകളിൽ ആദ്യം എത്തുന്ന സിനിമ കൂടിയാണിത്. ‘വേൾഡ് ഓഫ് മാഡ്നെസ്സ്’ എന്ന ടാഗ് ലൈനോടെയാണ് ചിത്രം അവതരിപ്പിക്കുന്നത്. “ഭയം ഭക്തി ബഹുമാനം” എന്നതിന്റെ ചുരുക്ക രൂപമായിട്ടാണ് “ഭ.ഭ.ബ” എന്ന ടൈറ്റിലോടെ ചിത്രമെത്തുന്നത്. ആക്ഷൻ, കോമഡി, ഗാനങ്ങൾ, ത്രിൽ എന്നിവ കോർത്തിണക്കി ഒരുക്കിയ ഈ ആഘോഷ ചിത്രം…
Read More » -
ഇതാ ചൈനയുടെ മാന്ഹാട്ടന് പ്രോജക്ട്! അമേരിക്കന് വിലക്കുകള് തകര്ത്ത് എഐ ചിപ്പുകളുടെ നിര്മാണത്തിനുള്ള മെഷീന് രൂപകല്പനയുടെ നിര്ണായക ഘട്ടം പൂര്ത്തിയാക്കി; രഹസ്യ കേന്ദ്രത്തില് പ്രവര്ത്തനം; ആയിരക്കണക്കിന് എന്ജിനീയര്മാര്; റിവേഴ്സ് എന്ജിനീയറിംഗ് മുതല് ചാരപ്രവര്ത്തനം വരെ; കുത്തകകള് തകര്ന്നടിയും
സിംഗപ്പുര്: അമേരിക്ക ആറ്റംബോബ് ആദ്യമായുണ്ടാക്കിയ മാന്ഹാട്ടന് പ്രോജക്ടുപോലെ ആര്ട്ടിഫിഷ്യല് ഇന്റലിജന്സ് രംഗത്ത് അപ്രമാദിത്യം ഉറപ്പിക്കുന്ന നിര്ണായക കണ്ടുപിടിത്തം നടത്തിയെന്ന വെളിപ്പെടുത്തലുമായി റോയിട്ടേഴ്സ്. അമേരിക്ക വര്ഷങ്ങളായി ശ്രമിച്ചുകൊണ്ടിരിക്കുന്ന, എഐ ചിപ്പുകളുടെ നിര്മാണത്തില് അതീവ നിര്ണായകമാകുന്ന അതീവ സങ്കീര്ണമായ മെഷീന് നിര്മിച്ചെന്ന വെളിപ്പെടുത്തലാണ് പുറത്തുവന്നത്. ഷെന്ഷെനിലെ വമ്പന് സുരക്ഷയുള്ള ലബോറട്ടറിയില് നിര്മിത ബുദ്ധി, സ്മാര്ട്ട്ഫോണുകള്, അത്യാധുനിക ആയുധങ്ങള് എന്നിവയ്ക്കു ശക്തിപകരുന്ന സെമി കണ്ടക്ടര് ചിപ്പുകള് നിര്മിക്കാന് കഴിയുന്ന യന്ത്രത്തിന്റെ പ്രോട്ടോ ടൈപ്പാണ് ചൈന വികസിപ്പിച്ചത്. ഒരു ഫാക്ടറി മുഴുവന് നിറയുന്ന വലുപ്പമുള്ള യന്ത്രത്തിന്റെ നിര്മാണം ഈ വര്ഷം ആദ്യം പൂര്ത്തിയായെന്നും ഇപ്പോള് പരീക്ഷണ ഘട്ടത്തലാണെന്നുമാണു പറയുന്നത്. ഡച്ച് സെമികണ്ടക്ടര് നിര്മാണ കമ്പനിയായ എഎസ്എംഎല്ലിന്റെ മുന് എന്ജിനീയര്മാര് ചേര്ന്നാണ് ഈ നേട്ടമുണ്ടാക്കിയത്. നിലവില് എഎസ്എംഎല്-നു മാത്രമുള്ള എക്ട്രീം അള്ട്രാവയലറ്റ് ലിത്തോഗ്രാഫി മഷീന് (ഇയുവി) ആണ് റിവേഴ്സ് എന്ജീനീയറിംഗി (അഴിച്ചുപണി)യിലൂടെ നിര്മിച്ചത്. സാങ്കേതിക ശീതയുദ്ധം നടക്കുന്ന കാലത്ത് ഇയുവി മെഷീനുകള് നിര്ണായകമാണ്. അള്ട്രാ വയലറ്റ് കിരണങ്ങള് ഉപയോഗിച്ചു…
Read More » -
‘കണ്ടിട്ട്ണ്ട്.. ഒരുപാട് കണ്ടിട്ട്ണ്ട്. ഒരുപാടു കണ്ടിട്ടുണ്ട് എന്ന ഇന്നസെന്റ് ഡയലോഗ് ആണു മനസില് വന്നത്; പക്ഷേ പിന്നീട് അവിടെ നടന്നത് ഞെട്ടിച്ചു’; മുഖ്യമന്ത്രിക്കൊപ്പമുള്ള കൂടിക്കാഴ്ചയും സംവാദവും വിവരിച്ച് കുറിപ്പ് വൈറല്; സഹായികളെ ഒഴിവാക്കി നിര്ദേശങ്ങള് കുറിച്ചെടുത്ത് മുഖ്യമന്ത്രി
തിരുവനന്തപുരം: എഴുത്തുകാരുമായി മുഖ്യമന്ത്രി പിണറായി വിജയന് നടത്തിയ കൂടിക്കാഴ്ചയെക്കുറിച്ചുള്ള കുറിപ്പ് സോഷ്യല് മീഡിയയില് ചര്ച്ച. സഹായികളെ ഒഴിവാക്കി നോട്ട് ബുക്കും പേനയുമെടുത്ത് എഴുത്തുകാര് പറഞ്ഞ നിര്ദേശങ്ങള് കുറിച്ചെടുക്കുന്നതും പിന്നീട് അതിനെക്കുറിച്ചുള്ള ദീര്ഘമായ മറുപടിയുമാണ് കവി ശൈലന് ഫേസ്ബുക്കില് കുറിച്ചത്. ഒരുമാസം മുമ്പ് ലഭിച്ച ക്ഷണം അനുസരിച്ച് തിരുവനന്തപുരത്ത് സമ്മേളനത്തിന് എത്തിയതെന്നും അവിടെ നടന്ന രീതികള് ഞെട്ടിച്ചെന്നുമാണ് ശൈലന്റെ കുറിപ്പ്. കുറിപ്പിന്റെ പൂര്ണരൂപം മുഖ്യമന്ത്രി എഴുത്തുകാരുമൊത്തൊരു കൂടിക്കാഴ്ചയും സംവാദവും നടത്തുന്നു പങ്കെടുക്കണം എന്നുള്ള ക്ഷണം (ഏറക്കുറെ ഒരു മാസം മുന്പ്) കിട്ടിയപ്പോള് അത് മെക്കാനിക്കല് ആയൊരു പ്രോഗ്രാം എന്നാണ് കരുതിയിരുന്നത്. ച്ചാല് പ്രഹസനം. ആ ഒരു മൂഡില് തന്നെ അതിന് പോയതും. നല്ലൊരു ഡ്രസിടാന് പോലും മെനക്കെട്ടില്ല. രാത്രിയാത്രക്ക് കംഫര്ട്ട് ആയ ലൂസായഒരു ഷേര്ട്ട് ഇട്ട് കയ്യില് വേറൊന്ന് കരുതാതെ ചെന്നിറങ്ങുകയായിരുന്നു. സ്റ്റേജില് മുഖ്യമന്ത്രി എന്തൊക്കെയോ പറയും. നമ്മളത് താഴെ കേട്ടിരിക്കും. മൈക്കിനോട് അത്ര പ്രതിപത്തി ഉള്ള ആരെങ്കിലുമൊക്കെ പിന്നെ…
Read More » -
‘ഇത്തരം വൈകൃതങ്ങള് പ്രചരിപ്പിക്കുന്നവരോട് പറയാനുള്ളത്’: വീണ്ടും കുറിപ്പുമായി അതിജീവിത; ‘അതിക്രമം നടന്നപ്പോള് പരാതിപ്പെട്ടത് തെറ്റ്, ഇരയോ അതിജീവിതയോ അല്ല, മനുഷ്യ ജീവി മാത്രം, ഞാന് ജീവിച്ചോട്ടെ’
നടിയെ ആക്രമിച്ച കേസില് ശിക്ഷിക്കപ്പെട്ട രണ്ടാം പ്രതി മാര്ട്ടിന് സമൂഹ മാധ്യമത്തില് പങ്കുവെച്ച വീഡിയോയ്ക്ക് പിന്നാലെ സൈബര് ആക്രമണത്തില് പോലീസിനെ സമീപിച്ച അതിജീവിതയുടെ വൈകാരി കുറിപ്പ്. ഇന്സ്റ്റഗ്രാമിലൂടെയാണ് കുറിപ്പ് പങ്കുവച്ചിരിക്കുന്നത്. അതിജീവിതയുടെ കുറിപ്പ് ഞാന് ചെയ്ത തെറ്റ്. എനിക്കെതിരെ ഒരു അക്രമം നടന്നപ്പോള് അത് അപ്പോള്ത്തന്നെ പൊലീസില് പരാതിപ്പെട്ടത്, നിയമ നടപടി വേണമെന്ന് ആവശ്യപ്പെട്ട് മുന്നോട്ട് പോയത് അന്നേ സംഭവിച്ചതെല്ലാം വിധിയാണെന്ന് സമാധാനിച്ച് ആരോടും ഒന്നും പറയാതെ മിണ്ടാതെ ഇരിക്കണമായിരുന്നു, പിന്നീട് എപ്പോഴെങ്കിലും ആ വീഡിയോ പുറത്ത് വരുമ്പോള് ഇത് എന്തുകൊണ്ട് അന്നേ പൊലീസില് പരാതിപ്പെട്ടില്ല എന്ന് കുറ്റപ്പെടുത്തുന്നവരോട് എന്ത് പറയണം എന്നറിയാതെ ആത്മഹത്യ ചെയ്യണമായിരുന്നു. 20 വര്ഷം ശിക്ഷയ്ക്ക് വിധിച്ച് ജയിലില് പോയ രണ്ടാം പ്രതി പോകുന്നതിന് മുന്പേ ഒരു വീഡിയോ എടുത്തത് കണ്ടു. അതില് ഞാന് ആണ് നിങ്ങളുടെ നഗ്ന വീഡിയോ എടുത്തത് എന്നുകൂടെ പറയാമായിരുന്നു ഇത്തരം വൈകൃതങ്ങള് പറയുന്നവരോടും പ്രചരിപ്പിക്കുന്നവരോടും, നിങ്ങള്ക്കോ നിങ്ങളുടെ വീട്ടിലുള്ളവര്ക്കോ ഈ അവസ്ഥ…
Read More » -
അനുഭവിച്ച കൊടിയ അതിക്രമങ്ങളെക്കുറിച്ചാണ് ആ കുട്ടി ഷൂട്ടിംഗിനിടെ പറഞ്ഞുകൊണ്ടിരുന്നത്; അവള് ഗുരുതരമായ ട്രോമയിലായിരുന്നു; ആക്രമിക്കപ്പെട്ട നടിയെക്കുറിച്ച് നടനും അഭിഭാഷകനുമായ സി.ഷുക്കൂറിന്റെ വൈകാരികമായ ഫെയ്സ്ബുക്ക് കുറിപ്പ്; ആ പെണ്കുട്ടി നല്കിയ പരാതി നമ്മുടെ സ്ത്രീ പോരാട്ട ചരിത്രങ്ങളിലെ ഏറ്റവും ശ്രദ്ധേയവും ധീരവുമായ ചുവടുവെയ്പ്പാണെന്നും ഷുക്കൂര്
കൊച്ചി; നടി ആക്രമിക്കപ്പെട്ട സംഭവത്തിനു ശേഷം അവരുടെ മാനസികാവസ്ഥ എന്തായിരുന്നുവെന്ന് വളരെ ഹൃദയസ്പര്ശിയായി പറഞ്ഞുകൊണ്ട് ന്നാ താന് കേസ് കൊട് എന്ന് സിനിമയിലൂടെ ശ്രദ്ധേയനായ നടനും അഭിഭാഷകനുമായ സി.ഷുക്കൂറിന്റെ ഫെയ്സ്ബുക്ക് കുറിപ്പ് നൊമ്പരക്കുറിപ്പാകുന്നു. അതിജീവിതയ്ക്ക് എല്ലാ പിന്തുണയുമേകിയാണ് ഷുക്കൂര് പോസ്റ്റിട്ടിരിക്കുന്നത്. അതിജീവിതയ്ക്കൊപ്പം അഭിനയിക്കാന് കഴിഞ്ഞത് തന്റെ ഭാഗ്യമായെന്നും ഷുക്കൂര് പറയുന്നു. കൂടെ അഭിനയിക്കുമ്പോഴെല്ലാം അവര് അനുഭവിച്ച കൊടിയ അതിക്രമങ്ങളെ കുറിച്ചും കേസിനെ കുറിച്ചുമായിരുന്നു അവര്ക്ക് പറയാനുണ്ടായിരുന്നതെന്നും ഷുക്കൂര് ഫേയ്സ്ബുക്കില് കുറിച്ചു. അതിഗുരുതരമായ ട്രോമയില് കൂടി കടന്നാണ് അതിജീവിത പോലീസില് പരാതി നല്കാന് തയ്യാറായതെന്നും ഷുക്കൂര് പറഞ്ഞു. ഷുക്കൂറിന്റെ വാക്കുകള് ഇങ്ങനെ…. അവര്ക്ക് രണ്ട് ഓപ്ഷനുകള് ആയിരുന്നു ഉണ്ടായിരുന്നത്. ഒന്ന് പോലീസില് പരാതി നല്കുക, രണ്ടാമത്തേത് മിണ്ടാതിരിക്കുക. ഈ രണ്ട് കാര്യങ്ങളില് ഏത് സ്വീകരിച്ചാലും അക്രമികള് റെക്കോര്ഡ് ചെയ്ത വീഡിയോ അവരുടെ കൈയ്യില് ഉണ്ട്. അത് ഏത് സമയത്തും പുറത്തുവരാം. അത്തരം ഒരു അതിഗുരുതരമായ ട്രോമയില് കൂടി കടന്നാണ് അവര്…
Read More » -
ശബരിമല സ്വര്ണക്കൊള്ളക്കേസ്; പ്രത്യേക അന്വേഷണസംഘത്തെ ഉഴപ്പാന് അനുവദിക്കാതെ ഹൈക്കോടതി: അന്വേഷണത്തിന് ഇ.ഡിയുമെത്തുന്നു; രണ്ടുപേര് കൂടി അറസ്റ്റില്
പത്തനംതിട്ട: ശബരിമല സ്വര്ണക്കൊള്ളക്കേസ് അന്വേഷണത്തിന് എന്ഫോഴ്സ്മെന്റ് ഡയറക്ടറേറ്റ് കൂടി എത്തുന്നതോടെ അന്വേഷണം മുറുകും. ഇപ്പോള് കേസന്വേഷിക്കുന്ന പ്രത്യേക അന്വേഷണ സംഘത്തെ (എസ്ഐടി) ഉഴപ്പാന് അനുവദിക്കാതെ ഹൈക്കോടതിയുടെ ശക്തമായ ഇടപെടല്. കേസില് രണ്ടുപേരെ കൂടി എസ്ഐടി അറസ്റ്റു ചെയ്തു. സ്മാര്ട്ട് ക്രിയേഷന് സിഇഒ പങ്കജ് ഭണ്ഡാരിയെയും ബെല്ലാരിയിലെ ജ്വല്ലറി ഉടമ ഗോവര്ധനെയുമാണ് എസ്ഐടി അറസ്റ്റ് ചെയ്തത്. ഇരുവരുടെയും പങ്ക് തെളിഞ്ഞതോടെയാണ് അറസ്റ്റ്. ശബരിമലയിലെ സ്വര്ണം ഉണ്ണികൃഷ്ണന് പോറ്റി കൈമാറിയത് സ്മാര്ട്ട് ക്രിയേഷന്സിനായിരുന്നു. ശില്പത്തില് നിന്ന് സ്വര്ണം വേര്തിരിച്ചത് പങ്കജ് ഭണ്ഡാരിയുടെ കമ്പനിയാണ്. സ്വര്ണക്കൊള്ളയില് ഇരുവര്ക്കും കൃത്യമായ പങ്കുണ്ടെന്ന് തെളിവുകളോടെ എസ്ഐടിക്ക് ബോധ്യമായതിന് പിന്നാലെയാണ് അറസ്റ്റ്. സ്വര്ണപ്പാളികള് വേര്തിരിച്ചെടുക്കുന്നതിന് പങ്കജ് ഭണ്ഡാരി എല്ലാ വിധ പിന്തുണ നല്കിയതിനും തെളിവുകള് ലഭിച്ചിട്ടുണ്ട്. ഗോവര്ധനാണ് ഈ സ്വര്ണം സൂക്ഷിച്ചത്. ശബരിമലയിലെ സ്വര്ണമാണ് ഇതെന്ന ബോധ്യത്തോടെയാണ് ഗോവര്ധന് സ്വര്ണം സൂക്ഷിച്ചതെന്ന തെളിവുകളും എസ്ഐടിക്ക് ലഭിക്കുകയായിരുന്നു. മാത്രവുമല്ല, പങ്കജ് ഭണ്ഡാരി ഉണ്ണികൃഷ്ണന് പോറ്റിയുമായി ഒന്നിലധികം തവണ ഇടപെടല്…
Read More » -
ഇനി ഭീഷണി നേരിട്ട്; ഭാഗ്യലക്ഷ്മിക്ക് ഫോണിലൂടെ ഭീഷണിയെത്തി; ഇനിയും നീ ദിലീപിനെതിരെ സംസാരിച്ചാല് മുഖത്ത് ആസിഡ് ഒഴിക്കും; പരാതി നല്കാന് ഭാഗ്യലക്ഷ്മി
കൊച്ചി: ഭാഗ്യലക്ഷ്മിയുടെ ശബ്ദം ഇനിയുയര്ന്നാല് മുഖത്ത് ആസിഡ് ഒഴിക്കുമെന്ന് ഫോണിലൂടെ ഭീഷണി. ദിലീപിനെതിരെ ഇനി സംസാരിച്ചാല് മുഖത്ത് ആസിഡൊഴിക്കുമെന്ന് തനിക്ക് ഭീഷണി ഫോണ് കോള് വന്നതായി ഭാഗ്യലക്ഷ്മി വെളിപ്പെടുത്തി. കേട്ടലറയ്ക്കുന്ന അസഭ്യമാണ് ഫോണിലൂടെ പറഞ്ഞതെന്നും അവര് കൂട്ടിച്ചേര്ത്തു. ദിലിപീനെതിരെ ഫെയ്സ്ബുക്കില് കുറിപ്പിട്ടതിന് പിന്നാലെയാണ് ഫോണ് കോള് വന്നതെന്നാണ് വിവരം. ഫെയ്സ്ബുക്ക് പോസ്റ്റില് എത്ര പണമിറക്കിയിട്ടും ഏട്ടന്റെ പടങ്ങളെ രക്ഷപ്പെടുത്താന് പറ്റിയില്ലല്ലോ എന്നാണ് ഭാഗ്യലക്ഷ്മിയുടെ പരിഹാസത്തോടെ ചോദിച്ചിരിക്കുന്നത്. നടി ആക്രമിക്കപ്പെട്ട കേസില് വിധി വന്നതു മുതല് ഭാഗ്യലക്ഷ്മി അതിജീവിതയ്ക്കൊപ്പം നിന്നു കൊണ്ട് ശക്തമായ നിലപാടെടുത്തിട്ടുണ്ട്. ദിലീപിനെ സിനിമ സംഘടനകളിലേക്ക് തിരിച്ചെടുക്കാനുള്ള നീക്കത്തില് പ്രതിഷേധിച്ച് സംഘടനയില് നിന്ന് രാജി വെക്കുകയും ചെയ്തിരുന്നു. ഇതിനു ശേഷമാണ് ദിലീപിന്റെ പുതിയ സിനിമയായ ഭഭബയുടെ റിലീസിനു ശേഷം അവര് എഫ് ബി പോസ്റ്റിട്ടത്. നടി ആക്രമിക്കപ്പെട്ട കേസിലെ വിധി വന്ന ശേഷമുള്ള ശക്തമായ നിലപാടുകളുടെ പേരിലാണ് ഭീഷണിയെന്നാണ് ഭാഗ്യലക്ഷ്മി പറയുന്നത്. ഫോണ് വിളിച്ച നമ്പര് സഹിതം ഉടന്…
Read More » -
തോറ്റ ക്ഷീണം മാറ്റാന് ഒരു ടൂറു പോയി ബിഎംഡബ്ല്യു ബൈക്കോടിച്ചതിനാണ് ഈ പൊല്ലാപ്പ്; രാഹുല്ഗാന്ധിയുടെ അനവസര ടൂറില് പ്രതിപക്ഷത്തിനും പ്രതിഷേധം; പ്രധാനപ്പെട്ട ബില്ല് ചര്ച്ച ചെയ്യുമ്പോള് ബൈക്കോടിച്ച് രസിച്ചതിനെതിരെ ജോണ് ബ്രിട്ടാസ്
ന്യൂഡല്ഹി: ബീഹാര് തോല്വിയുടെ ക്ഷീണം മാറ്റാന് ഒന്നു കറങ്ങാന് പോയതായിരുന്നു പാര്ലമെന്റിലെ പ്രതിപക്ഷനേതാവ് രാഹുല്ഗാന്ധി. അതാണിപ്പോള് വലിയ പ്രശ്നമായിരിക്കുന്നത്. പ്രശ്നമാക്കിയത് പ്രതിപക്ഷത്തുള്ളവര് തന്നെയാണെന്നത് മറ്റൊരു കൗതുകം!! രാജ്യത്തിന് ഒരു ഫുള് ടൈം പ്രതിപക്ഷ നേതാവ് വേണമെന്ന മുഖവുരയോടെ ജോണ് ബ്രിട്ടാസ് എംപിയാണ് ചന്ദ്രേട്ടനെവിട്യാ എന്ന് ചോദിക്കും പോലെ രാഹുല്ഗാന്ധി എവിട്യാ എന്ന് ചോദിച്ചത്.ജനവിരുദ്ധ ബില്ല് പാര്ലമെന്റില് പരിഗണിക്കുമ്പോള് രാഹുല്ഗാന്ധി ബിഎംഡബ്ല്യു ബൈക്ക് ഓടിച്ച് രസിച്ചതാണ് ബ്രിട്ടാസിന് പിടിക്കാഞ്ഞത്. ഒരാഴ്ച കഴിഞ്ഞ് ബൈക്ക് ഓടിച്ചാല് പോരേ? ബിഎംഡബ്ല്യു കമ്പനി അവിടെതന്നെ ഉണ്ടാകുമല്ലോ എന്നാണ് ജോണ് ബ്രിട്ടാസിന്റെ ചോദ്യം. പാര്ലമെന്റില് തൊഴിലുറപ്പ് ഭേദഗതി ബില് ചര്ച്ച ചെയ്യുമ്പോള് പ്രതിഷേധങ്ങള്ക്ക് ചുക്കാന് പിടിക്കേണ്ട പ്രതിപക്ഷ നേതാവ് വിദേശ പര്യടനത്തിന് പോയത് ശരിയായില്ലെന്നാണ് ബ്രിട്ടാസും കൂട്ടരും പറയുന്നത്. അത് ശരിയാണെന്ന് പ്രതിപക്ഷത്തെ മിക്കവരും സമ്മതിക്കുന്നു. ജനവിരുദ്ധ ബില്ല് പാര്ലമെന്റില് വരുമ്പോള് പ്രതിപക്ഷനേതാവ് എവിടെയായിരുന്നുവെന്ന് ആദ്യം ചോദിച്ചത് ഡിഎംകെയിലെ ടി.ആര്.ബാലുവാണ്. ശൈത്യകാല സമ്മേളനത്തിന്റെ കലണ്ടര് നേരത്തേ അറിയാവുന്നതല്ലേ.…
Read More » -
ഭാഗ്യലക്ഷ്മിയുടെ ശബ്ദം ഉയര്ന്നു തന്നെ; ദിലീപിനെതിരെ പരിഹാസ എഫ്ബി പോസ്റ്റുമായി ഭാഗ്യലക്ഷ്മി; എത്ര പണമിറക്കിയിട്ടും ഏട്ടന്റെ പടങ്ങളെ രക്ഷപ്പെടുത്താന് പറ്റിയില്ലല്ലോ എന്ന ഫെയ്സ്ബുക്ക് കുറിപ്പ്
കൊച്ചി: ഡബ്ബിംഗ് ആര്ട്ടിസ്റ്റും നടിയുമായ ഭാഗ്യലക്ഷ്മിയുടെ ശബ്ദം വീണ്ടുമുയര്ന്നു. ഇത്തവണ ഫെയ്സ്ബുക്ക് പോസ്റ്റിലൂടെയാണെന്ന് മാത്രം. ആക്രമിക്കപ്പെട്ട നടിക്ക് പിന്തുണയുമായി ഉറച്ചുനില്ക്കുന്ന ഭാഗ്യലക്ഷ്മി ദിലീപിനെതിരെയാണ് പുതിയ എഫ്ബി കുറിപ്പിലൂടെ ആഞ്ഞടിച്ചിരിക്കുന്നത്. എത്ര പണമിറക്കിയിട്ടും ഏട്ടന്റെ പടങ്ങളെ രക്ഷപ്പെടുത്താന് പറ്റിയില്ലല്ലോ എന്നാണ ഭാഗ്യലക്ഷ്മിയുടെ ചോദ്യം. അവളെയും അവളോടൊപ്പം നില്ക്കുന്നവരെയും തെറി വിളിക്കുന്നവരുടെ ഒക്കെ ഉള്ളില് ഒരു ക്വട്ടേഷന് മനുഷ്യന് ഉണ്ട്, പള്സര് സുനിയും കൂട്ടാളികളും ഉണ്ട് എന്ന് സ്വയം തിരിച്ചറിയുക എന്നു പറഞ്ഞാണ് ഭാഗ്യലക്ഷ്മി കുറിപ്പ് അവസാനിപ്പിക്കുന്നത്. കഴിഞ്ഞ എട്ട് വര്ഷത്തില് യാതൊരു പിആര് വര്ക്കും ഫാന്സിന്റെ ആദരവുമില്ലാതെ ആ നടിയുടെ സിനിമകള് റിലീസ് ചെയ്തിട്ടുണ്ടെന്ന് പറഞ്ഞ ഭാഗ്യലക്ഷ്മി ഇതെല്ലാം ഉണ്ടായിട്ടും പണമിറക്കിയിട്ടും ഏട്ടന്റെ പടങ്ങളെ രക്ഷപ്പെടുത്താന് പറ്റിയില്ലല്ലോ എന്നാണ് പരിഹസിക്കുന്നത്. അവള് പോരാടുന്നത് നിങ്ങളുടെ കൂടി പെങ്ങള്ക്ക് വേണ്ടിയാണെന്നും അവളുടെ പോരാട്ടം ഒരു കരുത്താണെന്നും ഭാഗ്യലക്ഷ്മി കൂട്ടിച്ചേര്ത്തു. ഭാഗ്യലക്ഷ്മിയുടെ കുറിപ്പിന്റെ പ്രസക്തഭാഗം അവളുടെ പുതിയ സിനിമയുടെ പോസ്റ്റര് ഇട്ടിട്ട് അവളുടെ…
Read More »