Local
-
കങ്ങഴ സാംസ്കാരിക സമുച്ചയം; സ്ഥലമേറ്റെടുപ്പ് പൂർത്തിയായി
കോട്ടയം: പ്രശസ്ത സാഹിത്യകാരി ലളിതാംബിക അന്തർജ്ജനത്തിന്റെ പേരിൽ കങ്ങഴയിൽ നിർമിക്കുന്ന സാംസ്കാരിക സമുച്ചയത്തിന്റെ സ്ഥമേറ്റെടുപ്പ് നടപടി പൂർത്തിയായി. കങ്ങഴ മൂലേപീടികയിൽ അഞ്ചേക്കർ സ്ഥലമാണ് സാംസ്കാരികവകുപ്പിന് കൈമാറിയത്. എല്ലാ ജില്ലകളിലും സാംസ്കാരിക സമുച്ചയങ്ങൾ സ്ഥാപിക്കുന്നതിന്റെ ഭാഗമായാണ് കങ്ങഴയിൽ സമുച്ചയം ഒരുക്കുക. കിഫ്ബി ധനസഹായത്തോടെ 50 കോടി രൂപ ചെലവിലാണ് നിർമാണം. സംസ്ഥാനത്ത് ഇതുവരെ അനുവദിച്ച അഞ്ച് സാംസ്കാരിക സമുച്ചയങ്ങളിലൊന്നാണ് കങ്ങഴയിൽ വരുന്നത്. നാടകശാല, ആധുനിക നിലവാരത്തിലുള്ള സിനിമ തീയറ്റർ, സംഗീതശാല, ഓപ്പറ ഹൗസ്, ആർട്ട് ഗാലറി, പുസ്തക കടകൾ, ചെറുതും വലുതുമായ സെമിനാർ ഹാളുകൾ, ശിൽപികൾക്കും കരകൗശലവിദഗ്ദ്ധർക്കും പരിശീലനസൗകര്യം, അവർക്കുള്ള പണിശാല, നാടക റിഹേഴ്സൽ സൗകര്യം, കലാകാരൻമാർക്കും സാഹിത്യകാരൻമാർക്കും ഹ്രസ്വകാല താമസ സൗകര്യങ്ങൾ എന്നിവയെല്ലാമാണ് സാംസ്കാരിക സമുച്ചയത്തിൽ ഉണ്ടാവുക. സമുച്ചയം പൂർത്തിയാകുന്നതോടെ വിദേശികളും സ്വദേശികളുമടക്കം നിരവധി ടൂറിസ്റ്റുകൾ എത്തുന്ന കേന്ദ്രമായി കങ്ങഴ മാറുമെന്നാണ് പ്രതീക്ഷ. വെള്ളാവൂരിലെ ഫോക് വില്ലേജ് ഇതിന്റെ സാറ്റലൈറ്റ് കേന്ദ്രമാകും.
Read More » -
മാലിന്യമുക്ത നവകേരളം: വാഴൂരിൽ ജനകീയ ഹരിത ഓഡിറ്റ് നടത്തി
കോട്ടയം: സംസ്ഥാന സർക്കാരിന്റെ നവകേരളം വൃത്തിയുള്ള കേരളം, വലിച്ചെറിയൽ മുക്ത കേരളം കാമ്പയിനുകളുടെ ഭാഗമായി വാഴൂർ ഗ്രാമപഞ്ചായത്ത് ജനകീയ ഹരിത ഓഡിറ്റ് സംഘടിപ്പിച്ചു. പ്ലാസ്റ്റിക് മാലിന്യം കുറയ്ക്കേണ്ടതിന്റെ പ്രാധാന്യം, നിരോധിത പ്ലാസ്റ്റിക് ഉത്പന്നങ്ങൾ, അവ ഉപയോഗിക്കുമ്പോൾ ഉണ്ടാകുന്ന പ്രശ്നങ്ങൾ, നിയമനടപടിക്രമങ്ങൾ എന്നിവ ചർച്ച ചെയ്തു. മാലിന്യമുക്തം നവകേരളം കാമ്പയിന്റെ ഭാഗമായി 2023 മാർച്ചിൽ ഉണ്ടായിരുന്ന അവസ്ഥയിൽ നിന്ന് നിലവിലെ പുരോഗതി, മാറ്റങ്ങൾ, ഇതിനായി നടത്തിയ പ്രത്യേക പ്രവർത്തനങ്ങൾ, നൂതന പരിപാടികൾ, പ്രവർത്തനങ്ങളിൽ നേരിട്ട് പ്രതിസന്ധികളും തടസങ്ങളും, അവ പരിഹരിക്കുന്നതിന് സ്വീകരിച്ച നടപടികൾ തുടങ്ങിയവ ജനകീയ പരിശോധനക്ക് വിധേയമാക്കി. പഞ്ചായത്ത് ഹാളിൽ നടന്ന പരിപാടിയിൽ പഞ്ചായത്ത് പ്രസിഡന്റ് വി.പി റെജി, വൈസ് പ്രസിഡന്റ് സിന്ധു ചന്ദ്രൻ, പഞ്ചായത്ത് സ്ഥിരംസമിതി അധ്യക്ഷർ, പഞ്ചായത്ത് അംഗങ്ങൾ, ആസൂത്രണ സമിതി ഉപാധ്യക്ഷൻ രഞ്ജിത്ത് ചേന്നക്കുളം, റസിഡൻസ് അസോസിയേഷൻ ഭാരവാഹികൾ, ഹരിത കർമ്മ സേന- കുടുംബശ്രീ പ്രവർത്തകർ സന്നദ്ധ സംഘടന പ്രവർത്തകർ എന്നിവർ പങ്കെടുത്തു.
Read More » -
വ്യാപാരികൾ ഗോതമ്പ് സ്റ്റോക്ക് വിവരങ്ങൾ പോർട്ടലിൽ നൽകണം
കോട്ടയം: വ്യാപാരികൾ ഗോതമ്പ് ശേഖരം സംബന്ധിച്ച വിവരങ്ങൾ ഇനിമുതൽ ഭക്ഷ്യ-പൊതുവിതരണ വകുപ്പിന്റെ ഗോതമ്പ് സ്റ്റോക്ക് മോണിറ്ററിംഗ് പോർട്ടലിൽ രജിസ്റ്റർ ചെയ്ത് പതിവായി പുതുക്കണം. കേന്ദ്ര ഭക്ഷ്യ-പൊതുവിതരണ മന്ത്രാലയത്തിന്റെ ഉത്തരവ് പ്രകാരം പുതുതായി രൂപീകരിച്ച പോർട്ടലിൽ ജില്ലയിലെ വ്യാപാരികൾ, മൊത്തകച്ചവടക്കാർ, ചില്ലറ വ്യാപാരികൾ, ബിഗ് ചെയിൻ റീട്ടെയിലർമാർ/പ്രോസസർമാർ എന്നിവർ രജിസ്റ്റർ ചെയ്ത് സ്റ്റോക്ക് പരിധി അപ് ലോഡ് ചെയ്യണമെന്ന് ജില്ലാ സപ്ലൈ ഓഫീസർ സ്മിത ജോർജ് അറിയിച്ചു. ഭക്ഷ്യ-പൊതുവിതരണ വകുപ്പിന്റെ https://evegoils.nic.in/wsp/login എന്ന പോർട്ടലിലാണ് സ്റ്റോക്ക് വിവരം നൽകേണ്ടത്. 2024 മാർച്ച് 31 വരെ എല്ലാ വെള്ളിയാഴ്ചകളിലും പ്രതിവാര ഗോതമ്പ് സ്റ്റോക്ക് നിലവാരം നൽകണം. വ്യാപാരികൾ/ മൊത്തക്കച്ചവടക്കാർ എന്നിവർക്ക് 3000 മെട്രിക് ടണ്ണും ചില്ലറ വ്യാപാരികൾക്ക് ഓരോ ഔട്ട്ലെറ്റിനും 10 മെട്രിക് ടണും അവരുടെ എല്ലാ ഡിപ്പോകളിലും 3000 മെട്രിക് ടണ്ണുമാണ് നിലനിർത്തേണ്ട ഗോതമ്പ് സ്റ്റോക്ക് പരിധി. പ്രൊസസ്സർമാർക്ക് വാർഷിക സ്ഥാപിതശേഷിയുടെ 75 ശതമാനമോ അല്ലെങ്കിൽ പ്രതിമാസം ഇൻസ്റ്റാൾ ചെയ്യുന്ന ശേഷിക്ക് തുല്യമായ…
Read More » -
തീക്കോയി-തലനാട് റോഡ് ആധുനികനിലവാരത്തിൽ; 6.90 കോടി രൂപ ചെലവിൽ, ബി.എം. ആൻഡ് ബി.സി. നിലവാരത്തിൽ നവീകരണം
കോട്ടയം: തീക്കോയി മുതൽ തലനാട് വടക്കുംഭാഗം വരെയുള്ള അഞ്ചു കിലോമീറ്റർ റോഡ് രാജ്യാന്തര നിലവാരത്തിൽ നവീകരിച്ചു. സംസ്ഥാന സർക്കാർ 6.90 കോടി രൂപ ചെലവഴിച്ച് ബി.എം. ആൻഡ് ബി.സി. നിലവാരത്തിൽ ടാറിംഗും മറ്റു പ്രവർത്തികളും പൂർത്തിയാക്കി. തലനാട് നിവാസികളുടെ ചിരകാല സ്വപ്നമായിരുന്നു പദ്ധതി. തലനാട് നിന്ന് ഈരാറ്റുപേട്ട, തൊടുപുഴ ഭാഗങ്ങളിലേക്കുള്ള പ്രധാന ഗതാഗത മാർഗമാണിത്. റോഡ് പുനർനിർമാണത്തിനായി ആദ്യഘട്ടത്തിൽ എട്ടു കോടി രൂപ അനുവദിച്ചെങ്കിലും തീക്കോയി പാലം വീതി കൂട്ടുന്നത് പ്രയോഗികമല്ലെന്ന പൊതുമരാമത്ത് വകുപ്പിന്റെ നിർദ്ദേശം അനുസരിച്ച് റീടെൻഡർ ചെയ്ത് 6.90 കോടി രൂപയുടെ പദ്ധതി നടപ്പാക്കുകയായിരുന്നു. ജനുവരി 31ന് നിർമാണ ഉദ്ഘാടനം നിർവഹിച്ച റോഡിന്റെ നവീകരണ പ്രവർത്തനങ്ങൾ ദ്രുതഗതിയിലാണ് പൂർത്തിയാക്കിയത്. 5.5 മീറ്റർ വീതിയിൽ നിർമിച്ചിരിക്കുന്ന റോഡിന്റെ ആവശ്യമായ സ്ഥലങ്ങളിൽ സംരക്ഷണ ഭിത്തികൾ, കലുങ്കുകൾ, ഓടകൾ, ഉപരിതല ഓടകൾ എന്നിവയുടെ നിർമിച്ചിട്ടുണ്ട്. റോഡ് സുരക്ഷ ഉറപ്പാക്കാൻ സീബ്ര ലൈനുകൾ, സിഗ്നൽ പോസ്റ്റുകൾ എന്നിവയും സ്ഥാപിച്ചിട്ടുണ്ട്. റോഡ് നിർമാണം പൂർത്തീകരിച്ചതോടെ ഇല്ലിയ്ക്കൽകല്ല്,…
Read More » -
തിരുവാർപ്പ് ഗവൺമെന്റ് യു.പി. സ്കൂളിന് 1.15 കോടി രൂപ ചെലവിൽ പുതിയ കെട്ടിടം; നിർമാണോദ്ഘാടനം 27ന്
കോട്ടയം: പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി തിരുവാർപ്പ് ഗവൺമെന്റ് യു.പി. സ്കൂളിൽ 1.15 രൂപ ചെലവിൽ നിർമിക്കുന്ന കെട്ടിടത്തിന്റെ നിർമാണോദ്ഘാടനം ജൂലൈ 27ന് വൈകിട്ട് നാലിന് സഹകരണ-രജിസ്ട്രേഷൻ വകുപ്പ് മന്ത്രി വി.എൻ. വാസവൻ നിർവഹിക്കും. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു ആധ്യക്ഷ്യം വഹിക്കും. തോമസ് ചാഴികാടൻ എം.പി. മുഖ്യപ്രഭാഷണം നടത്തും. ഏറ്റുമാനൂർ ബ്ലോക്ക് പഞ്ചായത്ത് പ്രസിഡന്റ് ആര്യ രാജൻ, തിരുവാർപ്പ് ഗ്രാമപഞ്ചായത്ത് പ്രസിഡന്റ് അജയൻ കെ. മേനോൻ, ഏറ്റുമാനൂർ ബ്ലോക്ക് പഞ്ചായത്ത് വികസനകാര്യ സ്ഥിരംസമിതി അധ്യക്ഷ ജെസി നൈനാൻ, ബ്ലോക്ക് പഞ്ചായത്തംഗം എ.എം. ബിന്നു, തിരുവാർപ്പ് ഗ്രാമപഞ്ചായത്ത് വൈസ് പ്രസിഡന്റ് രശ്മി പ്രസാദ്, ആരോഗ്യ-വിദ്യാഭ്യാസ സ്ഥിരംസമിതി അധ്യക്ഷൻ കെ.ആർ. അജയ്, വികസനകാര്യ സ്ഥിരംസമിതി അധ്യക്ഷൻ സി.ടി രാജേഷ്, ക്ഷേമകാര്യ സ്ഥിരംസമിതി അധ്യക്ഷ പി.എസ്. ഷീനാമോൾ, ഗ്രാമപഞ്ചായത്തംഗങ്ങളായ റൂബി ചാക്കോ, ജയറാണി പുഷ്പാകരൻ, കെ.ബി. ശിവദാസ്, അധ്യാപക രക്ഷാകർതൃസമിതി പ്രസിഡന്റ് കെ.എൻ. അനിൽ കുമാർ, സ്കൂൾ പ്രഥമാധ്യാപിക എം.കെ. തുളസീഭായി എന്നിവർ പ്രസംഗിക്കും.
Read More » -
പട്ടികജാതി-വർഗ വിദ്യാർഥികൾക്ക് പരീക്ഷ പരിശീലനം; അപേക്ഷ ജൂലൈ 31 വരെ
കോട്ടയം: ആലുവ സബ് ജയിൽ റോഡിൽ സ്ഥിതി ചെയ്യുന്ന ഗവൺമെന്റ് പ്രീ എക്സാമിനേഷൻ ട്രെയിനിംഗ് സെന്ററിൽ എറണാകുളം, കോട്ടയം, ഇടുക്കി, ആലപ്പുഴ ജില്ലകളിലുള്ള പട്ടികജാതി/പട്ടികവർഗ വിദ്യാർഥികൾക്ക് ഡിഗ്രിതല മത്സരപരീക്ഷകൾക്ക് സൗജന്യ പരിശീലനം നൽകുന്നു. അപേക്ഷ സ്വീകരിക്കുന്ന അവസാന തീയതി ജൂലൈ 31 വരെ നീട്ടി്. ഏതെങ്കിലും വിഷയത്തിൽ ബിരുദം/ തത്തുല്യ യോഗ്യതയുളളവർക്ക് അപേക്ഷിക്കാം. ഒരു ലക്ഷത്തിൽ താഴെ വരുമാനമുള്ള പിന്നാക്ക സമുദായക്കാർക്ക് 30 ശതമാനം സീറ്റ് സംവരണമുണ്ട്. അപേക്ഷകർ ഫോട്ടോ, ജാതി, വരുമാനം, എന്നിവയുടെ സർട്ടിഫിക്കറ്റ് സഹിതം ഓഫീസിൽ നേരിട്ടെത്തി അപേക്ഷ നൽകണം. അപേക്ഷ ഫോമിന്റെ മാതൃക ബന്ധപ്പെട്ട ജില്ലാ പട്ടികജാതി വികസന ഓഫീസുകളിലും, ബ്ലോക്ക് പട്ടികജാതി വികസന ഓഫീസുകളിലും ലഭിക്കും.
Read More » -
വെളിയന്നൂർ സർക്കാർ ആയുർവേദ ആശുപത്രി നിർമാണം അവസാനഘട്ടത്തിൽ
കോട്ടയം: വെളിയന്നൂർ ഗ്രാമപഞ്ചായത്തിലെ സർക്കാർ ആയുർവേദ ആശുപത്രിയുടെ നിർമാണം പൂർത്തിയായി. വെളിയന്നൂർ ജംഗ്ഷനിൽ സർക്കാർ ഉടമസ്ഥതയിലുളള 50 സെന്റ് സ്ഥലത്താണ് കെട്ടിടം നിർമ്മിച്ചിരിക്കുന്നത്. ബിനോയ് വിശ്വം എം.പിയുടെ ഫണ്ടിൽ നിന്ന് അനുവദിച്ച തുക ഉപയോഗിച്ചാണ് കെട്ടിടത്തിന്റെ പണി പൂർത്തിയാക്കിയത്. ആദ്യഘട്ടം 50 ലക്ഷം രൂപയും രണ്ടാം ഘട്ടം 18 ലക്ഷം രൂപയുമാണ് ചെലവഴിച്ചിരിക്കുന്നത്. ആശുപത്രിയിലേക്കുളള വഴി ഉൾപ്പെടെ അടിസ്ഥാന സൗകര്യങ്ങളുടെ വികസനത്തിനായി പഞ്ചായത്ത് ഫണ്ടിൽ നിന്ന് 15 ലക്ഷം രൂപയുമാണ് അനുവദിച്ചിരിക്കുന്നത്. 3225 ചതുരശ്ര അടിയിൽ നിർമ്മിക്കുന്ന ആശുപത്രി കെട്ടിടത്തിൽ പുരുഷൻമാർക്കും സ്ത്രീകൾക്കുമായി പ്രത്യേക വാർഡുകൾ, ഡോക്ടേഴ്സ് റൂം, ചികിത്സ റൂം, നേഴ്സസ് റൂം, ശുചിമുറികൾ എന്നിവയും സജ്ജമാക്കിയിട്ടുണ്ട്. 30 ഓളം കിടക്കകൾ ഉൾപ്പെടെ മെച്ചപ്പെട്ട സൗകര്യങ്ങളാണ് ആശുപത്രിയിൽ ഒരുക്കിയിരിക്കുന്നത്. കെട്ടിടത്തിലെ വൈദ്യൂതീകരണം, ജലവിതരണ സംവിധാനം എന്നിവയുടെ പണി പുരോഗമിക്കുകയാണ്. നിലവിൽ ഇവിടെ പ്രവർത്തിക്കുന്ന ആശുപത്രി കെട്ടിടം സംരക്ഷിച്ചാണ് പുതിയ മന്ദിരം നിർമിച്ചിരിക്കുന്നത്.
Read More » -
പനച്ചിക്കാട് മുട്ടുചിറ കോളനി വികസനത്തിന് 37.5 ലക്ഷം രൂപയുടെ പദ്ധതികൾ
കോട്ടയം: പനച്ചിക്കാട് ഗ്രാമപഞ്ചായത്ത് 13-ാം വാർഡിലെ മുട്ടുചിറ എസ്.സി. കോളനിയുടെ അടിസ്ഥാന സൗകര്യ വികസനത്തിനായി 37.5 ലക്ഷം രൂപയുടെ പദ്ധതികൾ പുരോഗമിക്കുന്നു. 2022-23, 2023-24 വാർഷിക പദ്ധതികളിൽ ഉൾപ്പെടുത്തിയാണ് പദ്ധതി പൂർത്തിയാക്കുന്നത്. എസ്.സി, ജനറൽ ഫണ്ടുകൾ സംയോജിപ്പിച്ചാണ് വികസന പ്രവർത്തനങ്ങൾ സാധ്യമാക്കുന്നത്. കുടിവെള്ളം, റോഡ്, വെളിച്ചം, എന്നിവയുടെ വികസനത്തിനാണ് മുഖ്യപ്രാധാന്യം. പദ്ധതിയുടെ ഭാഗമായി മുട്ടുചിറ എസ്.സി കോളനിയിലെ 45 കുടുംബങ്ങൾക്കും കുടിവെള്ളം ലഭ്യമാക്കി. പള്ളം ബ്ലോക്ക് പഞ്ചായത്ത് അനുവദിച്ച 10 ലക്ഷം രൂപ ചെലവിട്ടാണ് കുടിവെള്ള കണക്ഷനുകൾ ലഭ്യമാക്കിയത്. ഇതിനായി കോളനിയിലെ പഞ്ചായത്ത് കിണർ ശുചീകരിച്ച് മോട്ടർ സ്ഥാപിച്ചു. കോളനിയിലെ 45 കുടുംബങ്ങളിലേക്കും ഹൗസ് കണക്ഷനുകൾ വഴി പൈപ്പ് ലൈൻ സ്ഥാപിച്ച് കുടിവെള്ളം എത്തിച്ചു. കോളനിയിലെ റോഡ് വികസനത്തിനായി 22 ലക്ഷം രൂപയാണ് ചെലവഴിക്കുന്നത്. ഇതിനായി ബ്ലോക്ക് പഞ്ചായത്ത് ഫണ്ടിൽ നിന്നും 15 ലക്ഷം രൂപയും പനച്ചിക്കാട് ഗ്രാമപഞ്ചായത്ത് ഏഴു ലക്ഷം രൂപയും റോഡ് വികസനത്തിനായി അനുവദിച്ചു. റോഡ് വികസനത്തിന്റെ ഭാഗമായി…
Read More » -
ചങ്ങനാശേരിയിൽ പട്ടയ അസംബ്ലി സംഘടിപ്പിച്ചു
കോട്ടയം: ചങ്ങനാശ്ശേരി നിയോജക മണ്ഡലത്തിലെ പട്ടയ വിതരണ പ്രവർത്തനങ്ങൾ ഏകോപിപ്പിക്കുന്നതിന് അഡ്വ. ജോബ് മൈക്കിൾ എം.എൽ.എയുടെ അധ്യക്ഷതയിൽ മുനിസിപ്പൽ ടൗൺഹാളിൽ പട്ടയ അസംബ്ലി സംഘടിപ്പിച്ചു. ഭൂരഹിതർക്ക് ഭൂമി ഉറപ്പാക്കുക എന്ന ലക്ഷ്യത്തോടെ സംസ്ഥാന സർക്കാർ ആരംഭിച്ച പട്ടയ മിഷന്റെ ഭാഗമായാണ് മണ്ഡലത്തിൽ പട്ടയ അസംബ്ലി ചേർന്നത്. വിവിധ തദ്ദേശസ്ഥാപനങ്ങളിലെ ജനപ്രതിനിധികൾ പട്ടയവിതരണവുമായി ബന്ധപ്പെട്ട പ്രശ്നങ്ങൾ യോഗത്തിൽ അറിയിച്ചു. പട്ടയം നൽകുന്നതിൽ വരുന്ന പ്രശ്നങ്ങൾ കണ്ടെത്തി അർഹരായവർക്ക് അതിവേഗം പട്ടയം ലഭിക്കുന്നതിന് ആവശ്യമായ എല്ലാ സൗകര്യങ്ങളും ചെയ്യുമെന്ന് എം.എൽ.എ പറഞ്ഞു. ഓരോ വാർഡുകളിലും ഡിവിഷനുകളിലും പട്ടയം ലഭിക്കാൻ അവശേഷിക്കുന്നവരുടെ വിവരങ്ങൾ, പട്ടയം നൽകാൻ അനുയോജ്യമായ ഭൂമിയുടെ വിവരങ്ങൾ തുടങ്ങിയവ യോഗത്തിൽ ചർച്ചയായി. ചങ്ങനാശ്ശേരി നഗരസഭ അധ്യക്ഷ സന്ധ്യ മനോജ്, മാടപ്പള്ളി ബ്ലോക്ക് പഞ്ചായത്ത് പ്രസിഡന്റ് എൻ. രാജു, പള്ളം ബ്ലോക്ക് പഞ്ചായത്ത് പ്രസിഡന്റ് പ്രൊഫ. ടോമിച്ചൻ ജോസഫ്, വാഴപ്പള്ളി ഗ്രാമപഞ്ചായത്ത് പ്രസിഡന്റ് ലാലിമ്മ ടോമി, കുറിച്ചി ഗ്രാമപഞ്ചായത്ത് പ്രസിഡന്റ് സുജാത സുശീലൻ, മാടപ്പള്ളി…
Read More » -
സ്ത്രീ സ്വയം തൊഴിൽ സംരഭങ്ങൾക്ക് താങ്ങായി വനിതാ വികസന കോർപറേഷൻ; കോട്ടയം ജില്ലയിൽ വായ്പയായി നൽകിയത് 1.09 കോടി രൂപ
കോട്ടയം : സ്വയം തൊഴിൽ സംരംഭങ്ങൾ തുടങ്ങുന്നതിന് 2022-23 സാമ്പത്തിക വർഷത്തിൽ ജില്ലയിലെ വനിതകൾക്കു വനിതാ വികസന കോർപറേഷൻ വായ്പയായി നൽകിയത് 1,09,60,450 രൂപ. വിവിധ ഗ്രാമപഞ്ചായത്തുകളിലെ കുടുംബശ്രീ സി.ഡി.എസുകൾക്കാണ് വായ്പ നൽകിയത്. സി.ഡി.എസിൽനിന്നു വിവിധ കുടുംബശ്രീ ഗ്രൂപ്പുകൾക്ക് ഈ തുക വായ്പ ഇനത്തിൽ നൽകും. നാലു മുതൽ അഞ്ചുശതമാനം വരെയാണ് പലിശയായി ഈടാക്കുന്നത്. പലിശയുടെ ഒന്ന് മുതൽ ഒന്നര ശതമാനം വരെ തുക സി.ഡി.എസുകൾക്ക് പ്രവർത്തന ഫണ്ടായും ലഭിക്കും. പള്ളിക്കത്തോട്, കൊഴുവനാൽ, മീനച്ചിൽ ഗ്രാമപഞ്ചായത്തുകളിലെ സി.ഡി.എസുകൾക്കാണ് 2022-23 സാമ്പത്തിക വർഷത്തിൽ വായ്പ നൽകിയിരിക്കുന്നത്. പള്ളിക്കത്തോട് ഗ്രാമപഞ്ചായത്തിലെ 12-ാം വാർഡിലെ ഐശ്വര്യ കുടുംബശ്രീയ്ക്കാണ് 12 ലക്ഷം രൂപ വായ്പയിനത്തിൽ നൽകി. ഫർണിച്ചറുകളും തുണികളും മൊത്തമായി എടുത്ത് വീടുകൾ വഴി വിതരണം ചെയ്യുകയാണ് ഇവർ. കൊഴുവനാൽ ഗ്രാമപഞ്ചായത്തിൽ സി.ഡി.എസിന് കീഴിലെ ആറ് കുടുംബശ്രീ ഗ്രൂപ്പുകൾക്കു കാർഷിക സംരഭങ്ങൾ, തയ്യൽ യൂണിറ്റുകൾ എന്നിവ തുടങ്ങാനായി 32,42,450 രൂപ വായ്പ നൽകി. മീനച്ചിൽ ഗ്രാമപഞ്ചായത്ത് സി.ഡി.എസുകൾക്കു…
Read More »