Kerala
-
വേടൻ ഇടതുപക്ഷ ആഭിമുഖ്യമുള്ള ചെറുപ്പക്കാരൻ… വേട്ടയാടാനുള്ള ഒരു ശ്രമവും അംഗീകരിക്കില്ലെന്ന് എംവി ഗോവിന്ദൻ
കൊച്ചി: വേടൻ കേരളത്തിൽ ഉയർന്നു വരുന്ന ഏറ്റവും പ്രധാനപ്പെട്ട കലാകാരൻ. വേട്ടയാടാനുള്ള ഒരു ശ്രമവും കേരള സമൂഹം അംഗീകരിക്കില്ലെന്നും സിപിഎം സംസ്ഥാന സെക്രട്ടറി എംവി ഗോവിന്ദൻ. വേടൻ്റെ കാര്യത്തിൽ നേരത്തെ തന്നെ നിലപാട് പറഞ്ഞതാണെന്നും എംവി ഗോവിന്ദൻ മാധ്യമങ്ങളോട് പറഞ്ഞു. സ്വന്തമായി എഴുതി കംപോസ് ചെയ്യുന്ന വേടൻ യുവാക്കൾക്കിടയിൽ അംഗീകാരം നേടിയ കലാകാരനാണ്. ഇടതുപക്ഷ ആഭിമുഖ്യമുള്ള ചെറുപ്പക്കാരനാണ് വേടൻ. ദലിത് വിഭാഗത്തിൻ്റേയും അരികുവൽക്കരിക്കപ്പെട്ട സമൂഹത്തിൻ്റേയും താൽപ്പര്യങ്ങൾ ഉയർത്തിപ്പിടിക്കുന്ന ചെറുപ്പക്കാരനാണ്. വേടൻ്റെ പ്രത്യേകതയെ കൃത്യമായി മനസ്സിലാക്കണം. എന്നാൽ വേടൻ തെറ്റായ പ്രവണത സ്വീകരിച്ചിട്ടുണ്ടെന്ന് വേടൻ തന്നെ സമ്മതിച്ചിട്ടുണ്ട്. അത് തിരുത്തുകയാണെന്നും പറഞ്ഞിട്ടുണ്ട്. തിരുത്താനുള്ള ഒരു ഇടപെടലെന്ന രീതിയിൽ സർക്കാരിൻ്റെ നീക്കത്തെ കണ്ടാൽ മതി. അതിനപ്പുറത്തേക്ക് വേട്ടയാടാനുള്ള ശ്രമം കേരളീയ സമൂഹം അംഗീകരിക്കില്ല. വേടന് കേരളത്തിൻ്റെ പരിരക്ഷയുണ്ടെന്നും എംവി ഗോവിന്ദൻ പറഞ്ഞു.
Read More » -
പരിമിതികളെ മറികടന്ന പെണ്കരുത്ത്; സാക്ഷരതാ പ്രവര്ത്തക കെ.വി റാബിയ അന്തരിച്ചു
മലപ്പുറം: സാമൂഹിക പ്രവര്ത്തകയുമായ പത്മശ്രീ ജേതാവും സാക്ഷരതാ പ്രവര്ത്തകയുമായ കെ.വി റാബിയ (59) അന്തരിച്ചു. മലപ്പുറം കോട്ടക്കലില് സ്വകാര്യ ആശുപത്രിയില് ചികില്സയിലിരിക്കെയാണ് മരണം. കാന്സര് ബാധിതയായിരുന്നു. മലപ്പുറം തിരൂരങ്ങാടി വെള്ളിലക്കാട് സ്വദേശിയാണ്. 2022-ലാണ് രാജ്യം പത്മശ്രീ നല്കി ആദരിച്ചത്. സാക്ഷരതാ രംഗത്തെ പ്രവര്ത്തനങ്ങള് പരിഗണിച്ച് ആയിരുന്നു രാജ്യത്തിന്റെ ആദരം. 2014-ല് സംസ്ഥാന സര്ക്കാറിന്റെ ‘വനിതാരത്നം’ പുരസ്കാരം ലഭിച്ചിട്ടുണ്ട്. ‘സ്വപ്നങ്ങള്ക്ക് ചിറകുകളുണ്ട് റാബിയയുടെ ആത്മകഥയാണ്.1966 ല് തിരൂരങ്ങാടി വെള്ളിലക്കാടിലാണ് റാബിയ ജനിക്കുന്നത്.പിഎസ്എംഒ കോളജില് പഠിക്കുമ്പോഴാണ് പോളിയോ ബാധിച്ച് ചലന ശേഷി നഷ്ടമാകുന്നത്. തുടര്ന്നുള്ള ജീവിതം വീല്ചെയറിലായിരുന്നു റാബിയ. ഇതിന് പുറമെ കാന്സറും ബാധിച്ചു. ഇതിനെയെല്ലാം അതിജീവിച്ചാണ് വിദ്യാഭ്യാസ,സാമൂഹിക രംഗത്ത് തന്റേതായ വ്യക്തിമുദ്ര റാബിയ പതിപ്പിച്ചത്. വീല്ചെയറിലിരുന്ന് റാബിയ നടത്തിയ വിപ്ലവകരമായ പോരാട്ടം ഒരുപാട് പേരുടെ ജീവിതത്തിനാണ് വെളിച്ചം നല്കിയത്. പരിമിതികളൊന്നും സ്വപ്നം കാണാന് തടസമല്ലെന്ന് റാബിയ സ്വന്തം ജീവിതം കൊണ്ട് ലോകത്തോട് വിളിച്ചുപറയുകയായിരുന്നു.
Read More » -
കാഴ്ച കാണാന് പെരിയാറ്റിലെ തുരുത്തില് കയറി; കാല് വഴുതിവീണ യുവതിക്ക് ദാരുണാന്ത്യം
എറണാകുളം: പെരിയാറില് പാണംകുഴി പമ്പ് ഹൗസിനു സമീപം പുഴ മധ്യത്തിലെ തുരുത്തില് നിന്നു കാല്വഴുതി വീണു യുവതി മുങ്ങി മരിച്ചു. ചേര്ത്തല നഗരസഭ പെരുമ്പാറ വൃന്ദാവനികയില് സുഭാഷിന്റെയും ഉഷാകുമാരിയുടെയും മകള് നന്ദന (27) ആണ് മരിച്ചത്. സുഹൃത്തായ ആലപ്പുഴ കുതിരപ്പന്തി സ്വദേശി അമിത്തിന് (27) ഒപ്പം എത്തിയതാണ് യുവതി. ശനിയാഴ്ച വൈകിട്ട് 4.30നായിരുന്നു അപകടം. കാഴ്ച കാണാന് പുഴയുടെ നടുവിലെ തുരുത്തില് കയറിയപ്പോള് നന്ദന കാല് വഴുതി വീഴുകയായിരുന്നു. യുവതിയെ അമിത് കരയ്ക്കെത്തിച്ച് നാട്ടുകാരുടെ സഹായത്തോടെ പെരുമ്പാവൂരിലെ ആശുപത്രിയില് എത്തിച്ചെങ്കിലും മരിച്ചു. ഇരുവരും ഒന്നിച്ചു പഠിച്ചവരാണ്. മൃതദേഹം പെരുമ്പാവൂര് താലൂക്ക് ആശുപത്രിയില്. സഹോദരി: വൃന്ദ.
Read More » -
പുതിയ കെപിസിസി അധ്യക്ഷനെ നിര്ദേശിച്ച് കത്തോലിക്കാ സഭ; രണ്ട് പേരുകള്ക്ക് മുന്ഗണന
തിരുവനന്തപുരം: കെപിസിസി അധ്യക്ഷ പദവിയിലേക്ക് പേരുകള് നിര്ദേശിച്ച് കത്തോലിക്കാ സഭ നേതൃത്വം. പത്തനംതിട്ടയില് നിന്നുള്ള എംപി ആന്റോ ആന്റണി, പേരാവൂര് എംഎല്എ സണ്ണി ജോസഫ് എന്നിവരുടെ പേരുകള്ക്കാണ് മുന്ഗണന. സഭാ താല്പര്യം ഹൈക്കമാന്ഡിനെ അറിയിച്ചു. എഐസിസി ജനറല് സെക്രട്ടറി കെ സി വേണുഗോപാല്, കോണ്ഗ്രസില് നിന്നുള്ള മറ്റു മുതിര്ന്ന നേതാക്കള് എന്നിവരെ കണ്ടാണ് ബിഷപ്പുമാര് നിലപാട് അറിയിച്ചത്. കെപിസിസി വൈസ് പ്രസിഡന്റ് ജോസഫ് വാഴക്കന്റെ പേര് ഉയര്ന്നെങ്കിലും പരിഗണിക്കപ്പെട്ടില്ല. ക്രൈസ്തവ സഭാ വിശ്വാസികളെ വിശ്വാസത്തിലെടുക്കണമെന്ന അഭിപ്രായം കോണ്ഗ്രസില് ഉയരുന്നതിനിടെയാണ് സഭാ നേതൃത്വവുമായി ആശയവിനിമയം നടന്നത്. ചങ്ങനാശ്ശേരി അതിരൂപത ആര്ച്ച് ബിഷപ്പ് തോമസ് തറയില്, തലശ്ശേരി ആര്ച്ച് ബിഷപ്പ് ജോസഫ് പാംപ്ലാനി അടക്കമുള്ളവരാണ് കെ സി വേണുഗോപാലിന്റെ പേര് നിര്ദേശിച്ചത്. കെപിസിസി അധ്യക്ഷ സ്ഥാനത്തേക്ക് പരിഗണിക്കുന്ന പേരുകളില് സുധാകരന്റെ താല്പര്യം കൂടി പരിഗണിച്ചേക്കും. ആന്റോ ആന്റണിക്കാണ് പ്രഥമ പരിഗണനയെന്നാണ് വിവരം. ക്രൈസ്തവ വിഭാഗത്തില് നിന്നുള്ള നേതാവ് കോണ്ഗ്രസ് അധ്യക്ഷ സ്ഥാനത്തേക്ക് വരണമെന്ന് കേരളത്തിലെ…
Read More » -
തിരുവനന്തപുരത്ത് 19 കാരന് ഓടിച്ച കാര് നിയന്ത്രണംവിട്ട് ഇടിച്ചു; ഓട്ടോ കത്തി ഒരാള്ക്ക് ദാരുണാന്ത്യം
തിരുവനന്തപുരം: പട്ടത്ത് നിയന്ത്രണം വിട്ട കാര് ഇടിച്ചതിനെ തുടര്ന്ന് ഓട്ടോയ്ക്ക് തീപിടിച്ച് ഒരാള് മരിച്ചു. ഓട്ടോയിലുണ്ടായിരുന്ന സുനി (40) ആണ് മരിച്ചത്. ഞായറാഴ്ച പുലര്ച്ചെ 3.30ന് പട്ടം സെന്റ് മേരീസ് ഹയര് സെക്കന്ഡറി സ്കൂളിനു മുന്നിലായിരുന്നു അപകടം. നിയന്ത്രണം വിട്ട കാര് ഓട്ടോയ്ക്ക് പിന്നില് ഇടിക്കുകയായിരുന്നു. ഇടിയുടെ ആഘാതത്തില് മുന്നില് ഉണ്ടായിരുന്ന ബൈക്കില് ഓട്ടോ ഇടിക്കുകയും ചെയ്തു. ഓട്ടോറിക്ഷയില് നിര്മ്മാണ തൊഴിലാളികള് ആണ് ഉണ്ടായിരുന്നതെന്നാണ് റിപ്പോര്ട്ടുകള് വ്യക്തമാക്കുന്നത്. അപകടത്തില് പരിക്കേറ്റ നാലു പേരെ മെഡിക്കല് കോളജ് ആശുപത്രിയിലേക്ക് മാറ്റി. ശ്രീകാര്യം സ്വദേശി അയാന് (19) ആണ് കാര് ഓടിച്ചിരുന്നത്. തീപൊള്ളലേറ്റ് ആണ് സുനി മരിച്ചതെന്ന് ഡോക്ടര്മാര് പറഞ്ഞു. മൃതദേഹം മെഡിക്കല് കോളജ് മോര്ച്ചറിയില്.
Read More » -
പൂരം കലക്കല്: എഡിജിപി അജിത് കുമാറിനെ കുരുക്കിലാക്കി മന്ത്രി കെ. രാജന്റെ മൊഴി; ‘പ്രശ്ന സാധ്യതയെന്ന് മുന്നറിയിപ്പ് നല്കിയിട്ടും നടപടിയെടുത്തില്ല, തൃശൂരിലുണ്ടായിട്ടും ഫോണ് എടുത്തില്ല’
തൃശൂര്: പൂരം കലക്കലില് എഡിജിപി എം.ആര്.അജിത്കുമാറിനെ കുരുക്കി മന്ത്രി കെ.രാജന്റെ മൊഴി. പൂരം മുടങ്ങിയ സമയത്ത് ഫോണ് വിളിച്ചപ്പോള് കിട്ടിയില്ല. പ്രശ്നസാധ്യതയെന്ന് മുന്നറിയിപ്പ് നല്കിയിട്ടും നടപടി സ്വീകരിച്ചില്ലെന്നും മൊഴി.ഡി.ജി.പിയുടെ സംഘം അടുത്ത ആഴ്ച എം.ആര്. അജിത്കുമാറിന്റെ മൊഴിയെടുക്കും. പൂരം കലക്കല് തടയുന്നതില് എഡിജിപി എം.ആര്.അജിത്കുമാറിന് വീഴ്ചയുണ്ടായോ? വീഴ്ചയുണ്ടായെന്ന് സൂചിപ്പിക്കുന്ന മൊഴിയാണ് ഇക്കാര്യം അന്വേഷിക്കുന്ന ഡിജിപി ദര്വേഷ് സാഹിബിന്റെ സംഘത്തിന് പൂരം നടത്തിപ്പിന്റെ മുഖ്യചുമതലയുണ്ടായിരുന്ന മന്ത്രി കെ.രാജന് നല്കിയത്. പൂര ദിവസം രാവിലെ മുതല് അജിത്കുമാര് തൃശൂരിലുണ്ടായിരുന്നു. പലതവണ ഫോണിലും നേരിട്ടും സംസാരിച്ചു. തെക്കോട്ടിറക്ക സമയത്ത് പൊലീസിന്റെ ഭാഗത്ത് നിന്ന് മോശം ഇടപെടലുണ്ടായി. പിന്നീട് അജിത്കുമാറിനെ കണ്ടപ്പോള് രാത്രി എഴുന്നെള്ളിപ്പ് സമയത്ത് പ്രശ്ന സാധ്യതയുണ്ടെന്ന മുന്നറിയിപ്പും അത് പരിഹരിക്കാനുള്ള ഇടപെടല് നടത്തണമെന്ന നിര്ദേശവും നല്കി. എന്നാല് ചുമതലയുണ്ടായിരുന്ന എ.ഡി.ജി.പിയായിട്ടും ചെയ്തില്ല. പൂരം തടസപ്പെട്ട സമയത്ത് പല തവണ തുടരെ വിളിച്ചിട്ടും കിട്ടിയില്ല. ഔദ്യോഗിക നമ്പറിന് പുറമെ പേഴ്സണല് നമ്പരില് വിളിച്ചപ്പോളും എടുത്തില്ലെന്നും മന്ത്രിയുടെ…
Read More » -
വേളാങ്കണ്ണി വാഹനം തിരുവാരൂരില് അപകടത്തില്പ്പെട്ടു; നാല് മലയാളികള്ക്ക് ദാരുണാന്ത്യം
ചെന്നൈ: തിരുവാരൂരില് വാനും ബസും കൂട്ടിയിടിച്ച് മലയാളികളായ നാലു പേര് മരിച്ചു. വാനില് യാത്ര ചെയ്തിരുന്ന തിരുവനന്തപുരം സ്വദേശികളായ രജിനാഥ്, രാജേഷ്, സജിത്ത്, രാഹുല് എന്നിവരാണ് മരിച്ചത്. കാഞ്ഞിരംകുളം സ്വദേശി റജീനാഥ്, തിരുവനന്തപുരം നെല്ലിമൂട് സ്വദേശികളായ സാബു, സുനില് എന്നിവരെ സാരമായ പരുക്കുകളോടെ സമീപത്തെ സര്ക്കാര് ആശുപത്രിയില് പ്രവേശിപ്പിച്ചു. വേളാങ്കണ്ണിയിലേക്ക് തീര്ഥാടന യാത്ര പോയ സംഘത്തിന്റെ വാനാണ് അപകടത്തില്പെട്ടത്. രാമനാഥപുരത്തേക്ക് പോവുകയായിരുന്നു ബസ്. തിരുവാരൂരിലെ തിരുതുരൈപൂണ്ടിക്കടുത്തുള്ള കരുവേപ്പന്ചേരിയിലാണ് അപകടം. അന്വേഷണം ആരംഭിച്ചതായി വീരയൂര് പൊലീസ് അറിയിച്ചു.
Read More » -
കാണികള് തിയേറ്റര് വിടുന്നോ? ഒന്നിച്ചു കാണാനുള്ള ചെലവുകൂടി; അവധിക്കാലത്തും ആളിടിക്കുന്നില്ല; നാലുമാസത്തിനിടെ ഇറങ്ങിയത് 69 സിനിമകള്; അറുപതും പൊട്ടി! വരുമാനം പങ്കിടാന് താരങ്ങള്ക്കും വിമുഖത; ഒടിടിക്കു പിന്നാലെ ജനം; സിനിമയില് സമാനതകളില്ലാത്ത പ്രതിസന്ധി
കൊച്ചി: സൂപ്പര് താരങ്ങളുടെ പ്രതിഫലത്തെ തുടര്ന്നു ബജറ്റ് കുത്തനെ ഉയര്ന്നുതും ഒടിടി ‘ശീല’വും മലയാള സിനിമയുടെ നടുവൊടിക്കുന്നെന്നു റിപ്പോര്ട്ട്. ഈവര്ഷം എഴുപതിലേറെ സിനിമകളാണു റിലീസ് ചെയ്തതെങ്കിലും എംപുരാന് പോലുള്ള അപൂര്വം ചിത്രങ്ങളാണു വിജയം കൊയ്തത്. അതും വമ്പിച്ച പ്രൊമോഷനും വിവാദങ്ങളും സഹായിച്ചതുകൊണ്ടുമാത്രം. ആദ്യ പത്തു ദിവസങ്ങളൊഴിച്ചാല് എംപുരാനുപോലും തിയേറ്ററില് കാര്യമായി ആളുണ്ടായില്ലെന്നാണു റിപ്പോര്ട്ട്. ആദ്യകാലത്ത് വന് തുക കൊടുത്ത് ഒടിടി പ്ലാറ്റ്ഫോമുകള് സിനിമകള് വാങ്ങിയിരുന്നു. ഇതു മുന്നില്കണ്ട് നിരവധിപ്പേര് സിനിമയെടുക്കാന് മുന്നോട്ടുവന്നു. തിയേറ്ററില് വിജയിച്ചില്ലെങ്കിലും ഒടിടി റൈറ്റുകൊണ്ടു കൈപൊള്ളാതെ നില്ക്കാം എന്നതായിരുന്നു ഗുണം. എന്നാല്, വരുമാനം പങ്കിടുന്ന നിലയിലേക്കു വന്നതോടെ നിര്മാതാക്കള്ക്കും നില്ക്കക്കള്ളിയില്ലാതായി. ഒടിടിയില് വിജയിച്ചാല് ഒരു പങ്കു നല്കും. ഇല്ലെങ്കില് ഉള്ളതിന്റെ പാതി! മുമ്പ് 35 കോടിക്കുവരെ വമ്പന് താരങ്ങളുടെ സിനിമകള് വിറ്റുപോയിരുന്നെങ്കില് ഹോട്ട് സ്റ്റാര് പോലുള്ള കമ്പനികള് സൂക്ഷിച്ചാണു സിനിമയെടുക്കുന്ന്. 170 കോടി ബജറ്റില് പുറത്തിറങ്ങിയ എംപുരാനുപോലും ഒടിടിയില്നിന്നു ലഭിച്ചത് 30 കോടിയില് താഴെ. ഒടിടി മോഡലിനോട് താത്പര്യമില്ല…
Read More » -
‘ഇടുക്കിയില് നിന്നല്ലേ? അപ്പോള് ‘ഇടുക്കി ഗോള്ഡും കിട്ടുമല്ലോ’; കഥ കേള്ക്കാന് മൂഡ് വരണേല് നാട്ടില് പോയി കുറച്ച് ഇടുക്കി ഗോള്ഡുമായി വാ; അപ്പോള് ഇരിക്കാം! വൈറലായി സംവിധായകന്റെ ചോദ്യം
ചെറുതോണി: സാംസ്കാരിക വകുപ്പ് ഇടുക്കി ജില്ലാ കോര്ഡിനേറ്ററും സംഗീത നാടക അക്കാദമി കേന്ദ്ര കലാസമിതി സെക്രട്ടറിയുമായ സൂര്യലാല് സിനിമ കഥ പറയാന് പോയപ്പോള് താന് അനുഭവിച്ച ദുരാവസ്ഥയെ പറ്റി എഴുതിയ കുറിപ്പ് സൈബറിടത്ത് വൈറല്. കൊച്ചിയില് ഒരു സംവിധായകന്റെ അടുത്ത് കഥ പറയാന് പോയപ്പോള് ഇടുക്കിയില് നിന്നാണെങ്കില് ഇടുക്കി ഗോള്ഡ് കിട്ടുമോ എന്ന് ചോദിച്ചെന്നും, ഇല്ലെന്ന് പറഞ്ഞപ്പോള് നിങ്ങള് നാട്ടില് പോയി കുറച്ച് ഇടുക്കി ഗോള്ഡുമായി വാ നമ്മുക്ക് വിശദമായി ഇരിക്കാം എന്ന് സംവിധായകന് പറഞ്ഞെന്നും കുറിപ്പിലുണ്ട്. കുറിപ്പ് ഒരു കഞ്ചാവ് കഥ.. (ഇത് ഞങ്ങളുടെ അനുഭവ കഥ) കുറേ വര്ഷങ്ങള്ക്ക് മുമ്പാണ്…ഞാനും ബിബിന് ജോയിയും സിനിമ ഭ്രാന്ത് തലയ്ക്ക് പിടിച്ച് കൊച്ചിയിലും തിരുവനന്തപുരത്തുമായി തെണ്ടി തിരിയുന്ന സമയം..ഞങ്ങളുടെ കയ്യില് രണ്ട് മൂന്ന് സിനിമാക്കഥകളുമുണ്ട്. ഏതെങ്കിലും ഡയറക്ടറെ കണ്ട് കഥ പറഞ്ഞ് സിനിമയില് കയറി കൂടുകയാണ് ലക്ഷ്യം..ഒരു പ്രശസ്ത ക്യാമറാമാന്റെ നമ്പര് തപ്പിയെടുത്ത് ബിബിന് ജോയി അദ്ദേഹവുമായി സൗഹൃദം…
Read More » -
തൃശൂർ പൂരം: പഹൽഗാം ആക്രമണത്തിൻ്റെ പശ്ചാത്തലത്തിൽ കടുത്ത നിയന്ത്രണം; ഡ്രോണുകൾ നിരോധിച്ചു; ഗതാഗത ക്രമീകരണങ്ങൾ ഇങ്ങനെ; രേഖകളും കരുതണം
തൃശൂർ: പൂരം സാമ്പിൾ വെടിക്കെട്ട് ദിനമായ 04 ന് ഉച്ചതിരിഞ്ഞ് 03. 30 മണി മുതൽ നഗരത്തിൽ ഗതാഗത നിയന്ത്രണം. സാമ്പിൾ വെടിക്കെട്ട് ദിവസമായ 04-05-2025 തിയ്യതി സ്വരാജ് റൌണ്ടിൽ യാതൊരുവിധ വാഹനങ്ങളും പാർക്ക് ചെയ്യാൻ അനുവദിക്കുന്നതല്ല. കൂടാതെ ഇന്നേ ദിവസം റോഡരികിൽ പാർക്ക് ചെയ്ത് മറ്റ് വാഹനങ്ങൾക്ക് പോകുവാൻ തടസ്സം സൃഷ്ടിക്കുന്ന വാഹനങ്ങൾക്കെതിരെ കർശന നിയമനടപടികൾ സ്വീകരിക്കുന്നതാണെന്ന് ട്രാഫിക്ക് SHO അറിയിച്ചു. ഈ സമയങ്ങളിൽ സ്വകാര്യവാഹനങ്ങൾക്ക് നഗരത്തിൻെറ ഔട്ടർ റിങ്ങ് വരെ മാത്രമേ പ്രവേശനാനുമതിയുള്ളൂ നഗരത്തിനുള്ളിലെ തദ്ദേശവാസികളുടെ വാഹനങ്ങൾക്ക് അനുമതിലഭിക്കുന്നതിനായി വാഹനത്തിൻെറ നമ്പരും തിരിച്ചറിയൽ രേഖയും കരുതേണ്ടതാണ്. സാമ്പിൾ വെടിക്കെട്ട് ദിവസമായ 04-05-2025 തിയ്യതി ഉച്ചയ്ക്കു ശേഷം 3.30 മുതൽ സ്വകാര്യ വാഹനങ്ങളുടേയും സർവ്വീസ് നടത്തുന്ന സ്വകാര്യ ബസ്സുകളുടേയും ഗതാഗത നിയന്ത്രണം താഴെ പറയുന്നു. ഒറ്റപ്പാലം, ഷൊർണൂർ, മെഡിക്കൽ കോളേജ്, ചേലക്കര, പഴയന്നൂർ, ചേറൂർ, വരടിയം, മുണ്ടൂർ ഭാഗത്തുനിന്ന് വരുന്ന ബസ്സുകൾ പെരിങ്ങാവ്, അശ്വിനി വഴി വടക്കേ സ്റ്റാൻറിൽ സർവ്വീസ്…
Read More »