Kerala
-
ഇരിക്കൂര് സഹകരണ ബാങ്ക് തിരിമറി; രാത്രി 12 വരെ കുത്തിയിരുന്ന് നിക്ഷേപകരുടെ പ്രതിഷേധം
കണ്ണൂര്: ഇരിക്കൂര് സര്വീസ് സഹകരണ ബാങ്കിലെ തിരിമറിയുമായി ബന്ധപ്പെട്ട് പ്രതിഷേധം ശക്തമാക്കി നിക്ഷേപകര്. പണം തിരികെ നല്കണമെന്നാവശ്യപ്പെട്ട് ഇന്നലെ രാത്രി വൈകിയും സ്ത്രീകള് ഉള്പ്പെടെ നിക്ഷേപകര് ബാങ്കിനുള്ളില് കുത്തിയിരുന്ന് പ്രതിഷേധിച്ചു. തിങ്കളാഴ്ച രാവിലെ ബാങ്കിലെത്തിയ നിക്ഷേപകര് രാത്രി 12 മണി വരെ ബാങ്കില് കുത്തിയിരുന്നു. നിക്ഷേപിച്ച തുകയുടെ കാര്യത്തില് തീരുമാനം ഉടന് ഉണ്ടാക്കണമെന്ന് നിക്ഷേപകര് ആവശ്യപ്പെട്ടു. ഇരിക്കൂര് സര്വീസ് സഹകരണ ബാങ്കില് നിലവിലുള്ളത് കെആര് അബ്ദുല് ഖാദര് കണ്വീനറായുള്ള അഡ്മിസ്ട്രേറ്റീവ് ഭരണ സമിതിയാണ്. ബാങ്കിലെ മുന് ഭരണ സമിതിയുടെ നിയമങ്ങള് ലംഘിച്ചുള്ള വായ്പാ തിരിമറികളാണ് ബാങ്കിനെ കടക്കെണിയില് എത്തിച്ചിരിക്കുന്നത്. കൃത്യമായ വിദ്യഭ്യാസ യോഗ്യത പോലും ഇല്ലാത്തവരയൊണ് ബാങ്കിലെ ഉദ്യോഗസ്ഥരായി പഴയ ഭരണ സമിതി തിരഞ്ഞെടുത്ത് ജോലി നല്കിയത്. ഇവരെ മറയാക്കിയാണ് മുന് സെക്രട്ടറി കോടിക്കണക്കിന് രൂപ ജനിക്കാത്ത ആളുകളുടെ പേരില് ഉള്പ്പെടെ വിവിധ ബാങ്ക് അക്കൗണ്ടുകള് വഴി തട്ടിച്ചിരിക്കുന്നതെന്നും നിലവിലെ ബാങ്ക് ഭരണസമിതി കണ്വീനര് വ്യക്തമാക്കി. നിലവിലെ സാഹചര്യത്തില് ആറ് മാസക്കാലം…
Read More » -
അമ്മയറിയാന്!!! പത്താംക്ലാസുകാരന് സ്കൂട്ടറുമായി റോഡിലിറങ്ങി; മാതാവിന്റെപേരില് കേസ്
കോഴിക്കോട്: പത്താംക്ലാസുകാരന് വണ്ടിയോടിച്ചതിനെത്തുടര്ന്ന് മാതാവിന്റെപേരില് പോലീസ് കേസെടുത്തു. വളയം ഷാപ്പ്മുക്ക് സ്വദേശിയായ വിദ്യാര്ഥിയാണ് തിങ്കളാഴ്ച വൈകീട്ട് സ്കൂട്ടറുമെടുത്ത് റോഡിലിറങ്ങിയത്. വളയം അങ്ങാടിയിലെത്തിയപ്പോള് പതിവ് വാഹനപരിശോധന നടത്തുകയായിരുന്ന വളയം പോലീസ് വാഹനം കൈകാണിച്ച് നിര്ത്തി പരിശോധിച്ചപ്പോഴാണ് പത്താംക്ലാസില് പഠിക്കുന്ന വിദ്യാര്ഥിയാണെന്ന് മനസ്സിലായത്. അഡീഷണല് എസ്.ഐ. പ്രദീപന്റെ നേതൃത്വത്തിലുള്ള പോലീസ് സംഘം വാഹനം കസ്റ്റഡിയിലെടുക്കുകയും പ്രായപൂര്ത്തിയാകാത്തയാള്ക്ക് വാഹനം നല്കിയതിന് മാതാവിന്റെപേരില് കേസെടുക്കുകയുമായിരുന്നു. മേഖലയില് ലൈസന്സില്ലാത്ത വിദ്യാര്ഥികള് വാഹനങ്ങളുമായി റോഡിലിറങ്ങുന്നതായി വ്യാപകപരാതിയുണ്ട്. ഇതേത്തുടര്ന്ന് വാഹനപരിശോധന കര്ശനമാക്കാനാണ് പോലീസ് തീരുമാനം. വിദ്യാര്ഥികള്ക്ക് വാഹനംനല്കിയാല് ഉടമയുടെപേരില് കേസെടുക്കാനാണ് തീരുമാനമെന്ന് വളയം പോലീസ് അറിയിച്ചു.
Read More » -
വാര്ത്ത പിന്വലിച്ച് കാന്തപുരം!!! ‘നിമിഷപ്രിയയുടെ വധശിക്ഷ ഒഴിവാക്കി’ എന്ന് ‘എക്സി’ല് ഷെയര് ചെയ്ത വാര്ത്ത ഡിലീറ്റ് ചെയ്തു
കോഴിക്കോട്: മലയാളി നഴ്സ് നിമിഷ പ്രിയയുടെ വധശിക്ഷ ഒഴിവാക്കി എന്ന വാര്ത്ത പിന്വലിച്ചു കാന്തപുരം എ പി അബൂബക്കര് മുസ്ലിയാര്. സോഷ്യല് മീഡിയ പ്ലാറ്റ്ഫോമായ എക്സില് ഷെയര് ചെയ്ത വാര്ത്തയാണ് ഡിലീറ്റ് ചെയ്തത്. വധശിക്ഷ ഒഴിവാക്കി എന്ന വാര്ത്തയാണ് കാന്തപുരം എക്സില് പങ്കുവെച്ചിരുന്നത്. കാന്തപുരം ഓഫീസിനെ കോട്ട് ചെയ്തുള്ള വാര്ത്ത ഏജന്സിയുടെ വാര്ത്ത ആണ് ഷെയര് ചെയ്തിരുന്നത്. ഈ വാര്ത്തയാണ് ഡിലീറ്റ് ചെയ്തിട്ടുള്ളത്. നിമിഷ പ്രിയയുടെ വധശിക്ഷ നീട്ടിവെച്ചതടക്കമുള്ള വാര്ത്ത പുറത്ത് വന്നതിന് പിന്നാലെ കാന്തപുരത്തിന്റെ ഇടപെടലിനെ ചൊല്ലി വലിയ അവകാശവാദങ്ങളും തര്ക്കങ്ങളും നടന്നിരുന്നു. അതേസമയം, വധശിക്ഷ റദ്ദാക്കാന് ധാരണയായെന്ന വാര്ത്ത കേന്ദ്ര സര്ക്കാര് സ്ഥിരീകരിച്ചിട്ടില്ല. കൂടുതല് വിവരങ്ങള് കിട്ടിയ ശേഷം പ്രതികരിക്കാം എന്നാണ് സര്ക്കാര് വൃത്തങ്ങള് വ്യക്തമാക്കുന്നത്. വധശിക്ഷ റദ്ദാക്കിയെന്ന വാര്ത്ത തെറ്റാണെന്ന് യമനിലെ സാമൂഹ്യ പ്രവര്ത്തകന് സാമുവല് ജെറോം വ്യക്തമാക്കി. എന്നാല് നിമിഷ പ്രിയയുടെ വധശിക്ഷ റദ്ദാക്കാന് ധാരണയായെന്നും ഇക്കാര്യത്തില് യെമനില് നിന്ന് സ്ഥിരീകരണം ലഭിച്ചെന്നുമാണ് യെമനിലെ സൂഫി…
Read More » -
കുടിച്ചില്ലെങ്കില് തങ്കപ്പന് ‘പൊന്നപ്പന്’! മുടിക്കുത്തിനു പിടിക്കും, നിലത്തുകൂടി വലിച്ചിഴയ്ക്കും… അമ്മായിയച്ഛനെ തല്ലിയത് ശല്യം സഹിക്കാന് കഴിയാതെ വന്നപ്പോള്
പത്തനംതിട്ട: ഭര്തൃപിതാവിനെ മര്ദിച്ചതു ശല്യം സഹിക്കാന് കഴിയാതെ വന്നതോടെയാണെന്ന വിശദീകരണവുമായി മരുമകള് സൗമ്യ. പത്തനംതിട്ട അടൂര് സ്വദേശി തങ്കപ്പനെയാണു മകന് സിജുവും മരുമകള് സൗമ്യയും ചേര്ന്നു മര്ദിച്ചത്. പിതാവിനെ മര്ദിക്കുന്ന വീഡിയോ സമൂഹ മാധ്യമങ്ങളില് വ്യാപകമായി പ്രചരിച്ചതോടെ വീടിനു പുറത്തിറങ്ങാന് കഴിയാത്ത സാഹചര്യമാണെന്നും സൗമ്യ പറഞ്ഞു. മദ്യപിച്ചെത്തുന്ന തങ്കപ്പന് മര്ദിക്കാറുണ്ടായിരുന്നെന്നും തന്റെ അമ്മയുടെ മുന്നില്വച്ചു മുടിക്കുത്തിനു പിടിക്കുകയും നിലത്തുകൂടി വലിച്ചിഴച്ചിട്ടുണ്ടെന്നും സൗമ്യ പറഞ്ഞു. വിവാഹം കഴിഞ്ഞ് ഒന്നരമാസം കഴിഞ്ഞപ്പോള് മുതല് മര്ദിക്കാന് തുടങ്ങിയെന്നും സൗമ്യ വെളിപ്പെടുത്തി. മദ്യപിച്ചില്ലെങ്കില് അച്ഛന് സ്നേഹമുള്ളയാളാണ്. എന്നാല്, മദ്യപിച്ചു കഴിഞ്ഞാല് സ്ഥിരമായി പ്രശ്നങ്ങള് ഉണ്ടാക്കാറുണ്ട്. ഇത്രയും കാലം അച്ഛന്റെ ഉപദ്രവം സഹിക്കുക മാത്രമാണു ചെയ്തത്. എന്നാല് അന്ന് അച്ഛന് ചെയ്തതു തന്നെ പ്രകോപിപ്പിച്ചതിനാലാണു പ്രതികരിച്ചതെന്നും സൗമ്യ പറഞ്ഞു. കഴിഞ്ഞ ഇരുപതാം തീയതിയാണു മകന് സിജുവും മരുമകള് സൗമ്യയും തങ്കപ്പനെ മര്ദിച്ചത്. മകന് പൈപ്പ് കൊണ്ടും മരുമകള് വടികൊണ്ടും അടിച്ചുവീഴ്ത്തുന്ന ദൃശ്യങ്ങള് പ്രചരിച്ചിരുന്നു. തുടര്ന്ന് ലഭിച്ച പരാതിയില് അടൂര്…
Read More » -
‘തങ്ങള് തങ്ങളുടെ വഴിക്കാണ് ചര്ച്ചകള് നടത്തുന്നത്, കേന്ദ്ര സര്ക്കാര് ഈ ചര്ച്ചകളിലൊന്നും പങ്കാളിയായിട്ടില്ല’; വധശിക്ഷ റദ്ദാക്കാന് തലാലിന്റെ കുടുംബം ധാരണയായെന്ന് സേവ് നിമിഷപ്രിയ ആക്ഷന് കൗണ്സില്
കോട്ടയം: യമനിലെ ജയിലില് കഴിയുന്ന മലയാളി നഴ്സ് നിമിഷപ്രിയയുടെ വധശിക്ഷ റദ്ദാക്കാന് തത്വത്തില് ധാരണ ആയതായി സേവ് നിമിഷപ്രിയ ആക്ഷന് കൗണ്സില് നിയമോപദേശകനും സുപ്രീംകോടതി അഭിഭാഷകനുമായ സുഭാഷ് ചന്ദ്രന് അറിയിച്ചു. യമന് പൗരനായ തലാലിന്റെ കുടുംബം നിമിഷപ്രിയക്ക് വധശിക്ഷ നല്കേണ്ട എന്ന തീരുമാനത്തില് എത്തിച്ചേര്ന്നതായും അദ്ദേഹം പറഞ്ഞു. ഇനിയും ചര്ച്ചകള് നടക്കേണ്ടതുണ്ട്. ദയാധനത്തെ സംബന്ധിച്ച് അടക്കം ചര്ച്ചകള് തുടരുമെന്നും സുഭാഷ് ചന്ദ്രന് പറഞ്ഞു. അബ്ദുല് റഹീമിന്റെ കേസില് 36 കോടി കൊടുത്തിട്ടും അദ്ദേഹത്തെ ജയിലില് നിന്നും മോചിപ്പിക്കാന് കഴിഞ്ഞിട്ടില്ല. ആ രാജ്യത്തെ നിയമ സംവിധാനം അനുസരിച്ച് മറ്റ് കാര്യങ്ങള് എങ്ങനെ ആയിരിക്കും എന്നൊക്കെ ചര്ച്ച നടക്കേണ്ടതുണ്ടെന്നും അഭിഭാഷകന് പറഞ്ഞു. വധശിക്ഷ വേണ്ടെന്ന് മാത്രമാണ് തത്വത്തില് ധാരണയായത്. വധശിക്ഷ എന്ന ആവശ്യത്തില് നിന്നും പിന്മാറാന് തലാലിന്റെ കുടുംബത്തില് ധാരണയായിട്ടുണ്ട്. തലാലിന്റെ മാതാപിതാക്കള് ജീവിച്ചിരിപ്പുണ്ട്, അദ്ദേഹത്തിന്റെ മക്കളുമുണ്ട്. യമനിലെ നിയമപ്രകാരം മരണപ്പെട്ടവരുടെ സ്വത്തിന്റെ അവകാശികളാണ് തീരുമാനമെടുക്കേണ്ടത്. സ്വാഭാവികമായും മക്കളും മാതാപിതാക്കളുമാണ് തീരുമാനമെടുക്കേണ്ടത്. അവര് ജീവിച്ചിരിപ്പില്ലെങ്കില്…
Read More » -
യമനില് നിന്ന് അറിയിപ്പ് ലഭിച്ചു; നിമിഷപ്രിയയുടെ വധശിക്ഷ റദ്ദാക്കിയതായി കാന്തപുരം; തീരുമാനം തിങ്കളാഴ്ച നടന്ന ചര്ച്ചകള്ക്ക് പിന്നാലെ; ഉടന് മോചിതയാകില്ല
കോഴിക്കോട്: നിമിഷ പ്രിയയുടെ വധശിക്ഷ റദ്ദാക്കിയതായി കാന്തപുരം എ.പി അബൂബക്കര് മുസ്ലിയാര്. യമന് അധികൃതരില് നിന്ന് അറിയിപ്പ് ലഭിച്ചെന്നും മോചനത്തെ സംബന്ധിച്ച ചര്ച്ചകള് തുടരുമെന്നും കാന്തപുരത്തിന്റെ ഓഫീസ് അറിയിച്ചു. തിങ്കളാഴ്ച നടന്ന അന്തിമ ചര്ച്ചകള്ക്ക് പിന്നാലെയാണ് തീരുമാനം. അതേസമയം നിമിഷപ്രിയ ഉടന് മോചിതയാകില്ലെന്നാണ് വിവരം. വധ ശിക്ഷ റദ്ദാക്കാനും മറ്റ് കാര്യങ്ങള് തുടര് ചര്ച്ചകളുടെ അടിസ്ഥാനത്തില് തീരുമാനിക്കാനും ധാരണയായിട്ടുണ്ട്. ഇന്ത്യന് ഗ്രാന്ഡ് മുഫ്തിയുടെ ആവശ്യ പ്രകാരം ശൈഖ് ഉമര് ഹഫീള് തങ്ങള് നിയോഗിച്ച യമന് പണ്ഡിത സംഘത്തിന് പുറമെ നോര്ത്തേണ് യമനിലെ ഭരണാധികാരികളും അന്താരാഷ്ട്ര നയതന്ത്ര ഉദ്യോഗസ്ഥരും പങ്കെടുത്ത മധ്യസ്ഥ ചര്ച്ചകളിലാണ് തീരുമാനം എന്നും കാന്തപുരത്തിന്റെ ഓഫീസ് അറിയിച്ചു. കൊല്ലപ്പെട്ട തലാലിന്റെ കുടുംബവുമായുള്ള തുടര് ചര്ച്ചകള്ക്ക് ശേഷമായിരിക്കും മറ്റ് കാര്യങ്ങള് തീരുമാനിക്കുക. നേരത്തെ ജൂലൈ 16 ന് നിശ്ചയിച്ച വധശിക്ഷ കാന്തപുരത്തിന്റെ ഇടപെടലിനെ തുടര്ന്ന് താല്കാലികമായി നീട്ടിവെച്ചിരുന്നു. 2017 ജൂലൈ 25 നാണ് യമന് പൗരന് തലാല് അബ്ദുമഹദിയെയാണ് നിമിഷ പ്രിയ…
Read More » -
‘പരിഹാരം വേണം, എന്ത് ദ്രോഹമാണ് കന്യാസ്ത്രീകള് ഈ സമൂഹത്തോട് ചെയ്തത്’; കന്യാസ്ത്രീകളെ അറസ്റ്റ് ചെയ്ത നടപടി മനുഷ്യത്വ വിരുദ്ധമെന്ന് സിബിസിഐ
തിരുവനന്തപുരം: മതപരിവര്ത്തനം, മനുഷ്യക്കടത്ത് എന്നിവ ആരോപിച്ച് ഛത്തീസ്ഗഢില് രണ്ട് മലയാളി കന്യാസ്ത്രീകളെ അറസ്റ്റ് ചെയ്ത നടപടി മനുഷ്യത്വവിരുദ്ധമാണെന്ന് കാതലിക് ബിഷപ്സ് കോണ്ഫറന്സ് ഓഫ് ഇന്ത്യ (സിബിസിഐ). കന്യാസ്ത്രീകളെ അപമാനിച്ച സംഭവം രാജ്യത്തിന് തന്നെ കളങ്കമാണ്. അത് തിരുത്തണം. എല്ലാവര്ക്കും ഉള്ള സ്വാതന്ത്ര്യം മതന്യൂനപക്ഷങ്ങള്ക്കും കന്യാസ്ത്രീകള്ക്കും ലഭിക്കണമെന്ന് പ്രധാനമന്ത്രി നേതൃത്വം നല്കുന്ന രാജ്യത്തെ ഭരണ സംവിധാനത്തോട് തങ്ങള് ആവശ്യപ്പെടുകയാണെന്ന് കര്ദിനാള് മാര് ബസേലിയോസ് ക്ലിമ്മിസ് ബാവ പറഞ്ഞു. എന്ത് ദ്രോഹമാണ് കന്യാസ്ത്രീകള് ഈ സമൂഹത്തോട് ചെയ്തിട്ടുള്ളത്. രണ്ട് കന്യാസ്ത്രീകളെ അവരുടെ വേഷത്തില് കണ്ടതിന് ഇത്രയും അപമാനിക്കേണ്ട കാര്യമെന്താണ്. ശക്തമായ നടപടി ഇതുവരെ ഉണ്ടായിട്ടില്ല. ബിജെപിയാണ് ഇത് ചെയ്തതെന്ന് തങ്ങള് പറഞ്ഞിട്ടില്ല. എന്നാല് ഒരു അനിഷ്ട സംഭവം നടന്നാല് നടപടിയെടുക്കേണ്ടത് സര്ക്കാരാണ്. ഇത് ആവര്ത്തിക്കപ്പെടുന്ന ഒരു സാഹചര്യമുണ്ടെന്നും അദ്ദേഹം ചൂണ്ടിക്കാട്ടി. നടന്നത് ഭരണഘടനാ ലംഘനവും മനുഷ്യാവകാശത്തിന്മേലുള്ള കടന്നു കയറ്റവുമാണ്. വിഷയത്തിന്റെ ഗൗരവം ബന്ധപ്പെട്ട ഭരണാധികാരികളെ വിവിധ രീതികളില് അറിയിക്കും. ബന്ധപ്പെട്ടവര് ഇതേ കുറിച്ച് സംസാരിക്കുകയും…
Read More » -
പുത്തുമലയിലെ ശ്മശാന ഭൂമി ഇനി മുതല് ‘ജൂലൈ 30 ഹൃദയഭൂമി’; തീരുമാനം പഞ്ചായത്തില് നടന്ന സര്വ്വകക്ഷി യോഗത്തില്
മേപ്പാടി: മുണ്ടക്കൈ-ചൂരല്മല ഉരുള്പൊട്ടല് ദുരന്തത്തില് മരിച്ചവരെ സംസ്കരിച്ച പുത്തുമലയിലെ ശ്മശാനഭൂമി ഇനി മുതല് ‘ജൂലൈ 30 ഹൃദയഭൂമി’ എന്ന പേരില് അറിയപ്പെടും. മേപ്പാടി ഗ്രാമ പഞ്ചായത്തിന്റേതാണ് തീരുമാനം. പേര് നിര്ദേശിക്കുന്നതിന് പഞ്ചായത്തില് നടന്ന സര്വ്വകക്ഷി യോഗം തീരുമാനം എടുത്തിരുന്നു. ഇതുപ്രകാരം പഞ്ചായത്ത് അംഗമായ അജ്മല് സാജിദ് നിര്ദേശിച്ച പേരാണ് ‘ജൂലൈ 30 ഹൃദയഭൂമി’ എന്നത്. ദുരന്തത്തിന് ഒരു വര്ഷം തികയുന്ന ജൂലായ് 30 ന് പുത്തുമലയില് സര്വമത പ്രാര്ഥനയും പുഷ്പാര്ച്ചനയും അനുസ്മരണവും നടത്തും. കഴിഞ്ഞ ദിവസം കളക്ടറേറ്റില് നടന്ന യോഗത്തിലാണ് ഇത് സംബന്ധിച്ച് തീരുമാനം എടുത്തത്.
Read More » -
ന്യൂനപക്ഷങ്ങള്ക്ക് സംരക്ഷണം ഉറപ്പാക്കണം; മതസ്വാതന്ത്ര്യത്തിന്റെ നഗ്നമായ ലംഘനം: മാര് ആന്ഡ്രൂസ് താഴത്ത്
തൃശൂര്: ഛത്തീസ്ഗഡിലെ ദുര്ഗ് റെയില്വേ സ്റ്റേഷനില് മനുഷ്യക്കടത്ത് ആരോപിച്ച് രണ്ട് കന്യാസ്ത്രീകളെ അറസ്റ്റ് ചെയ്ത് ജയിലിടച്ച് സംഭവം അത്യന്തം പ്രതിഷേധാര്ഹവും വേദനാജനകവും ആണെന്ന് സിബിസിഐ പ്രസിഡണ്ടും തൃശൂര് അതിരൂപത അധ്യക്ഷനുമായ മാര് ആന്ഡ്രൂസ് താഴത്ത്. ഈ സംഭവം രാജ്യത്തെ മതേതര ഭരണഘടന ഉറപ്പു നല്കുന്ന ന്യൂനപക്ഷ അവകാശങ്ങളുടെയും മതസ്വാതന്ത്ര്യത്തിന്റെയും നഗ്നമായ ലംഘനമാണ് എന്നതില് സംശയമില്ല. ദുര്ഗ് സംഭവം രാജ്യത്ത് ക്രൈസ്തവ മതന്യൂനപക്ഷ ങ്ങള്ക്കിടയില് ഭീതി സൃഷ്ടിച്ചിരിക്കുകയാണ്. സന്യസ്തര്ക്ക് സഭാ വസ്ത്രം ധരിച്ച് രാജ്യത്ത് സ്വതന്ത്രമായി സഞ്ചരിക്കാനുള്ള സ്വാതന്ത്ര്യം പോലും നിഷേധിക്കുന്ന തുടര് സംഭവങ്ങളില് ഒന്നു മാത്രമാണ് ദുര്ഗ് സംഭവം. രാജ്യത്ത് മതന്യൂനപക്ഷങ്ങള്ക്ക് ഭയമില്ലാതെ പ്രവര്ത്തിക്കുന്നതിന് ആവശ്യമായ സംരക്ഷണം നല്കാന് പ്രധാനമന്ത്രിയും കേന്ദ്രസര്ക്കാരും അടിയന്തര നടപടികള് സ്വീകരിക്കണമെന്നും മാര് താഴത്ത് ആവശ്യപ്പെട്ടു.
Read More » -
‘എന്തിനാ പ്രതിഷേധിക്കുന്നേ? ഡല്ഹിയില് വിളിച്ച് ആദരിച്ചാല് പോരേ?’ കത്തോലിക്ക സഭയെ പരിഹസിച്ച് ഓര്ത്തഡോക്സ് സഭ തൃശൂര് ഭദ്രാസനാധിപന്; തിരുമേനിക്ക് ഇഡിയെ പേടിയില്ലേ എന്നു കമന്റ്; കാസയ്ക്കും കണക്കിനു പരിഹാസം
തൃശൂര്: ഛത്തീസ്ഗഢില് രണ്ട് മലയാളി കന്യാസ്ത്രീകള് അറസ്റ്റിലായ സംഭവത്തില് പ്രതികരിച്ച് ഓര്ത്തഡോക്സ് സഭാ തൃശ്ശൂര് ഭദ്രാസനാധിപന് യൂഹാനോന് മാര് മിലിത്തിയോസ് മെത്രാപ്പോലീത്ത. ‘എന്തിനാ പ്രതിഷേധിക്കുന്നെ, അടുത്ത പെരുന്നാളിനു ഡെല്ഹിയില് ഒന്നുകൂടെ വിളിച്ച് ആദരിച്ചാല് പോരേ?’ എന്ന് അദ്ദേഹം ഫെയ്സ്ബുക്കില് കുറിച്ചു. പ്രതിഷേധവുമായി ബന്ധപ്പെട്ട പത്രവാര്ത്തകള് ഷെയര് ചെയ്തുകൊണ്ടായിരുന്നു മെത്രാപ്പൊലീത്തയുടെ പരിഹാസം. മാസങ്ങള്ക്കുമുമ്പ് തൃശൂര് അതിരൂപത മെത്രാപ്പൊലീത്തയും സിബിസിഐ പ്രസിഡന്റുമായ മാര് ആന്ഡ്രൂസ് താഴത്തിന്റെ നേതൃത്വത്തില് ഡല്ഹിയില് നടത്തിയ വിരുന്നില് പ്രധാനമന്ത്രി മോദിയടക്കമുള്ള ബിജെപി നേതാക്കളെ ക്ഷണിച്ചിരുന്നു. ക്രിസ്മസ് സമയത്തായിരുന്നു പരിപാടി. ഇതിനെതിരേ വലിയ പ്രതിഷേധം ഉയര്ന്നപ്പോള് ബിജെപി നേതാവായിട്ടല്ല, പ്രധാനമന്ത്രിയെന്ന നിലയ്ക്കാണു വിളിച്ചതെന്നായിരുന്നു മാര് താഴത്തിന്റെ പ്രതികരണം. നിലവധില് ബിജെപി ലോക്സഭാ എംപിയായി വിജയിച്ചത് തൃശൂരില്നിന്നാണ്. കത്തോലിക്കാ വിഭാഗത്തില്നിന്നുള്ള വോട്ടുകള് ബിജെപിയിലേക്ക് ചോര്ന്നെന്ന ആരോപണവും ഉയര്ന്നിരുന്നു. ഈ സാഹചര്യത്തിലാണ് മെത്രാപ്പൊലീത്തയുടെ പരിഹാസമെന്നതും ശ്രദ്ധേയമാണ്. കാസയ്ക്ക് ഇക്കാര്യത്തില് എന്തു പറയാനുണ്ടെന്നും തിരുമേനിക്ക് ഇഡിയെ പേടിയില്ലേ എന്നിങ്ങനെയുള്ള മറുപടികളുമായി കമന്റ് ബോക്സുകളും നിറയുകയാണ്. മതപരിവര്ത്തനം,…
Read More »