Kerala
-
‘സാറെ മൂത്രമൊഴിക്കാനാ ഈ കൈവിലങ്ങ് ഒന്നഴിക്കുമോ’? വിലങ്ങ് മാറ്റിയത് മാത്രമേ ഓർമയുള്ളു… കൊല്ലത്തുനിന്ന് സ്കൂട്ടായ അപ്പനേയും മകനേയും പൊക്കിയത് വയനാട്ടിൽ നിന്ന്!! കുപ്രസിദ്ധ മോഷ്ടാക്കൾ മേപ്പാടിയിൽ പിടിയിൽ
കൽപ്പറ്റ: കൊല്ലം കടയ്ക്കലിൽ തെളിവെടുപ്പിനിടെ പോലീസുകാരെ കബളിപ്പിച്ച് കൈവിലങ്ങുമായി മുങ്ങിയ പ്രതികളായ അച്ഛനും മകനും വയനാട് മേപ്പാടിയിൽ പിടിയിൽ. കുപ്രസിദ്ധ മോഷ്ടാക്കളായ തിരുവനന്തപുരം ആലംകോട് റംസി മൻസിലിൽ അയൂബ് ഖാൻ(62) മകൻ നെടുമങ്ങാട് വാളിക്കോട് റംസി മൻസിലിൽ സെയ്തവി (22) എന്നിവരാണ് പിടിയിലായത്. കഴിഞ്ഞ ദിവസം തിരുവനന്തപുരം പാലോട് മേഖലയിലെ കവർച്ചയുമായി ബന്ധപ്പെട്ട് വയനാട് ബത്തേരിയിൽനിന്ന് കസ്റ്റഡിയിലെടുത്ത പ്രതികളെ കൊണ്ടുപോകുന്നതിനിടെ ഞായറാഴ്ച പുലർച്ചെ നാലിന് കടയ്ക്കൽ–അഞ്ചൽ റോഡിലെ ചുണ്ട ചെറുകുളത്തിനു സമീപം വച്ചാണ് ഇവർ രക്ഷപ്പെട്ടത്. ഇരുവരേയും കൈവിലങ്ങു വച്ചിരുന്നു. ചുണ്ട ചെറുകുളത്തിനു സമീപമെത്തിയപ്പോഴേക്കും മൂത്രമൊഴിക്കാൻ കൈവിലങ്ങ് അഴിച്ചുതരുമോയെന്ന് പോലീസിനോട് ചോദിക്കുകയായിരുന്നു. വിലങ്ങ് അഴിച്ച് കാര്യം സാധിക്കാനായി മാറിയ അപ്പനും മകനും അവിടെനിന്ന് മുങ്ങുകയായിരുന്നു. പാലോട് എസ്എച്ച്ഒയുടെ നേതൃത്വത്തിലുള്ള സംഘം ബത്തേരിയിൽനിന്ന് കസ്റ്റഡിയിലെടുത്തത്. അയൂബ് ഖാന്റെ കൈവിലങ്ങ് അഴിച്ചതിനു തൊട്ടുപിന്നാലെ ഇവർ ഓടി രക്ഷപ്പെടുകയായിരുന്നു. തുടർന്ന് കിളിമാനൂർ, ചിതറ, കടയ്ക്കൽ സ്റ്റേഷനുകളിലെ പോലീസും പ്രദേശത്തെ നാട്ടുകാരും മറ്റും തിരച്ചിൽ നടത്തിയെങ്കിലും ഇവരെ…
Read More » -
രാഹുൽ ഗാന്ധിക്കെതിരെയുള്ള കൊലവിളി അടിയന്തര സ്വഭാവമുള്ളതല്ല, അടിയന്തര പ്രമേയത്തിന്റെ നോട്ടീസ് തള്ളി മൈക്ക് ഓഫ് ചെയ്ത് സ്പീക്കർ!! കൊലവിളി നടത്തിയാളെ സർക്കാർ സംരക്ഷിക്കാൻ ശ്രമിക്കുന്നു- വിഡി സതീശൻ
തിരുവനന്തപുരം: രാഹുൽ ഗാന്ധിക്കെതിരായ കൊലവിളിയിൽ നിയമസഭയിൽ ചർച്ചവേണമെന്ന് പ്രതിപക്ഷം. പ്രാധാന്യമുള്ളതല്ലെന്ന് സ്പീക്കർ. പ്രതിപക്ഷത്തിന്റെ അടിയന്തര പ്രമേയത്തിന്റെ നോട്ടീസ് പരിഗണിക്കാത്തത് സഭയിൽ പ്രതിഷേധത്തിന് ഇടയാക്കി. ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെ രാഹുൽ ഗാന്ധിയുടെ നെഞ്ചത്തു വെടിയുണ്ട വീഴുമെന്ന് ബിജെപി വക്താവ് പ്രിന്റു മഹാദേവ് ചാനൽ ചർച്ചയ്ക്കിടെ നടത്തിയ പരാമർശവുമായി ബന്ധപ്പെട്ടായിരുന്നു അടിയന്തര പ്രമേയം. പക്ഷെ വിഷയത്തിന് പ്രാധാന്യവും അടിയന്തര സ്വഭാവവും ഇല്ലെന്ന് സ്പീക്കർ എ എൻ ഷംസീർ പറയുകയും അടിയന്തര പ്രമേയ നോട്ടീസ് തള്ളുകയുമായിരുന്നു. പിന്നാലെ സ്പീക്കർ മൈക്ക് ഓഫ് ചെയ്തു. തുടർന്ന് പ്രതിപക്ഷം സഭയിൽ ബഹളം വെക്കുകയായിരുന്നു. നടുത്തളത്തിലിറങ്ങി പ്രതിപക്ഷ എംഎൽഎമാർ പ്രതിഷേധിച്ചു. സ്പീക്കർക്കെതിരെ ബാനർ ഉയർത്തിയും പ്രതിപക്ഷം പ്രതിഷേധിച്ചു. സ്പീക്കർ നീതി പാലിക്കണമെന്നും പ്രതിപക്ഷം പറഞ്ഞു. അതേസമയം അടിയന്തര പ്രമേയ നോട്ടീസ് ഗൗരവമുള്ളതാണെന്ന് പ്രതിപക്ഷ നേതാവ് വി ഡി സതീശൻ പറഞ്ഞു. ‘ചാനൽ ചർച്ചയ്ക്കിടയിൽ ബിജെപി നേതാവ് രാഹുൽ ഗാന്ധിയുടെ നെഞ്ചിൽ വെടിയുണ്ട കയറ്റുമെന്ന് പറഞ്ഞു. അത് നിസാരമായ…
Read More » -
രാഹുൽ ഗാന്ധിയുടെ നെഞ്ചത്തു വെടിയുണ്ട വീഴും, സ്കൂൾ അധ്യാപകന്റെ കൊലവിളി!! പ്രിന്റു മഹാദേവനെതിരെ കേസ്, നാട്ടിൽ അരാജകത്വം സൃഷ്ടിച്ചു കലാപം നടത്താനുള്ള ശ്രമമെന്ന് പരാതി
തൃശൂർ: പ്രതിപക്ഷ നേതാവ് രാഹുൽ ഗാന്ധിയുടെ നെഞ്ചത്തു വെടിയുണ്ട വീഴുമെന്നു സ്വകാര്യ ചാനൽ ചർച്ചയ്ക്കിടെ കൊലവിളി നടത്തിയ എബിവിപി മുൻ സംസ്ഥാന പ്രസിഡന്റും ബിജെപി ടീച്ചേഴ്സ് സെൽ സംസ്ഥാന കൺവീനറുമായ പ്രിന്റു മഹാദേവനെതിരെ പോലീസ് കേസെടുത്തു. സ്കൂൾ അധ്യാപകനായ പ്രിന്റുവിനെതിരെ കലാപാഹ്വാനം അടക്കം ഭാരതീയ ന്യായ സംഹിതയിലെ 192, 352, 351 (2) വകുപ്പുകൾ ചുമത്തിയാണ് പേരാമംഗലം പോലീസ് കേസെടുത്തത്. ലഡാക്കിലെ പ്രക്ഷോഭത്തെക്കുറിച്ചു നടന്ന ചാനൽ ചർച്ചയിലാണു പ്രിന്റുവിന്റെ പ്രകോപന പരാമർശം. കെപിസിസി സെക്രട്ടറി സി.സി. ശ്രീകുമാർ പേരാമംഗലം പോലീസിനു നൽകിയ പരാതിയിലാണു നടപടി. നാട്ടിൽ അരാജകത്വം സൃഷ്ടിച്ചു കലാപം നടത്താനുള്ള ശ്രമമാണിതെന്നു പരാതിയിൽ പറയുന്നു.
Read More » -
ചെരിപ്പുധരിക്കാതെ കുനിഞ്ഞുമാത്രം നടക്കണം!! മോഷണത്തിന്റെ ബാലപാഠങ്ങൾ പകർന്നുതന്നത് യുട്യൂബ്, കക്കോടി മോഷണശ്രമത്തിനിടെ രക്ഷപ്പെട്ട യുവാവ് പിടിയിൽ, പിടിയിലായത് മോഷ്ടിച്ച മറ്റൊരു സ്കൂട്ടറുമായി കടന്നുകളയുന്നതിനിടെ
കോഴിക്കോട്: കക്കോടിയിൽ ഞായറാഴ്ചയുണ്ടായ മോഷണശ്രമത്തിനിടെ രക്ഷപ്പെട്ട യുവാവി ചേവായൂർ പോലീസിന്റെ പിടിയിൽ. ഞായറാഴ്ച രാത്രി പ്രിൻസ് ഓഡിറ്റോറിയത്തിനുസമീപം കുറ്റിവയലിൽ പത്മനാഭന്റെ വീട്ടിൽ മോഷണം നടത്താൻ ശ്രമിച്ച വെസ്റ്റ്ഹിൽ സ്വദേശി തേവർകണ്ടി അഖിൽ (32) ആണ് പിടിയിലായത്. മോഷണ ശ്രമത്തിനിടെ സമീപവാസികളെ കണ്ട് വാഹനമുപേക്ഷിച്ച് കടന്നുകളയുകയായിരുന്നു അഖിൽ. പിന്നീട് സിറ്റി ക്രൈം സ്ക്വാഡിന്റെയും ചേവായൂർ പോലീസിന്റെയും നിരന്തരനിരീക്ഷണത്തിനൊടുവിൽ എലത്തൂർ സ്റ്റേഷൻ പരിധിയിലെ മോരിക്കരയിൽനിന്ന് മോഷ്ടിച്ച സ്കൂട്ടറുമായി രക്ഷപ്പെടുന്നതിനിടെ പോലീസ് പിന്തുടർന്ന് പിടികൂടുകയായിരുന്നു. പറമ്പിൽബസാറിലെ അടച്ചിട്ടവീട്ടിൽനിന്ന് ഇരുപത്തിരണ്ട് പവൻ സ്വർണവും പണവും മോഷ്ടിച്ചതടക്കം ഒട്ടേറെ മോഷണക്കേസുകളിലെ പ്രതിയാണ് പിടിയിലായ അഖിലെന്ന് മെഡിക്കൽ കോളേജ് എസിപി എ. ഉമേഷ്, സിറ്റി പോലീസ് ഡിസിപി അരുൺ കെ. പവിത്രൻ എന്നിവർ പറഞ്ഞു. മോഷ്ടിക്കുന്ന പ്രതിയുടെ സിസിടിവി ദൃശ്യങ്ങൾ പറമ്പിൽബസാറിലെ വീട്ടിൽനിന്ന് ലഭിച്ചിരുന്നു. ഇതു പിന്തുടർന്നുനടത്തിയ അന്വേഷണമാണ് അഖിലിന്റെ അറസ്റ്റിലെത്തിച്ചത്. പ്രതി പിടിയിലായതോടെ കക്കോടിയിൽനടന്ന പതിനഞ്ചോളം മോഷണക്കേസുകൾക്കാണ് തുമ്പായത്. നിലവിൽ കക്കോടി ചെറുകുളത്തെ സ്വകാര്യബാങ്കിനുസമീപം ഒറ്റത്തെങ്ങ് പ്രദേശത്താണ് പ്രതി…
Read More » -
ഗണേശ്കുമാറിന്റെ ഉന്നം എന്എസ്എസിന്റെ അടുത്ത ജനറല് സെക്രട്ടറി പദം ; അതിനാണ് സുകുമാരന്നായരുടെ മൂട് താങ്ങുന്നതെന്ന് പത്തനംതിട്ട മയിലാടുപ്പാറയിലെ എന്എസ്എസ് കരയോഗം
പത്തനംതിട്ട: എന്എസ്എസിന്റെ അടുത്ത ജനറല് സെക്രട്ടറി ആകാനാണ് മന്ത്രി ഗണേശ് കുമാറിന്റെ നീക്കമെന്നും അതിനാണ് അദ്ദേഹം സുകുമാരന് നായരുടെ മൂടു താങ്ങുന്നതെന്നും ആക്ഷേപിച്ച് എന്എസ്എസ് കരയോഗം. മന്ത്രി കെ ബി ഗണേഷ് കുമാറിനെതിരെ പരസ്യ വിമര്ശനവുമായി രംഗത്ത് വന്നത് പത്തനംതിട്ട മയിലാടുപ്പാറയിലെ എന്എസ്എസ് കരയോഗമാണ്. കരയോഗം വൈസ് പ്രസിഡന്റ് ഹരീഷാണ് വിമര്ശനം നടത്തിയിരിക്കുന്നത്. കഴിഞ്ഞ ദിവസം എന്എസ്എസ് ജനറല് സെക്രട്ടറി സുകുമാരന് നായരെ പിന്തുണച്ചു മന്ത്രി കെ ബി ഗണേഷ് കുമാര് രംഗത്ത് വന്നതിന് പിന്നാലെയാണ് വിമര്ശനം. സുകുമാരന് നായര് എന്എസ്എസ് ജനറല് സെക്രട്ടറി സ്ഥാനം രാജിവെക്കണമെന്നും അദ്ദേഹം ആവശ്യപ്പെട്ടു. പരസ്യ പ്രതികരണത്തിന് പുറമേ എന്എസ്എസ് ജനറല് സെക്രട്ടറി സുകുമാരന് നായര്ക്കെതിരെയും മന്ത്രിക്കെതിരെയും പ്രദേശത്ത് ഫ്ലക്സുകളും ഉയര്ന്നിട്ടുണ്ട്. തിരുവല്ല കായ്ക്കലിലും സുകുമാരന് നായര്ക്കെതിരെ ഇന്നും ഫ്ലക്സുകള് പ്രത്യക്ഷപ്പെട്ടിരുന്നു. അയ്യപ്പഭക്തരെയും സമുദായത്തെയും ഒന്നടങ്കം അധിക്ഷേപിച്ച സുകുമാരന് നായര് രാജിവെക്കണമെന്നാണ് ആവശ്യം. സേവ് നായര് സൊസൈറ്റിയുടെ പേരിലായിരുന്നു പ്രതിഷേധ ഫ്ലക്സുകള്. ആഗോള അയ്യപ്പ സംഗമത്തിന്…
Read More » -
എസ് യുവി, ലക്ഷ്വറി വാഹനങ്ങള് അങ്ങനെ ഡി-രജിസ്റ്റര് ചെയ്തിട്ടില്ല ; കേരളത്തില് പിടികൂടിയ എസ് യു വികളും ആഡംബര കാറുകളും അനധികൃതമായി എത്തിച്ചതാണെന്ന് ഭൂട്ടാനും
കൊച്ചി: ഭൂട്ടാനില് നിന്നുള്ള വാഹനക്കടത്തുമായി ബന്ധപ്പെട്ട് കേരളത്തില് പിടികൂടിയ എസ് യുവി കളും ആഡംബര കാറുകളും ഇന്ത്യയില് എത്തിച്ചത് അനധികൃതമായി കൊണ്ടുവന്നതായിരിക്കാമെന്ന് ഭൂട്ടാന് ട്രാന്സ്പോര്ട് അതോറിറ്റിയും. വിവരങ്ങള് പങ്കുവെച്ചാല് ഭൂട്ടാനിലെ ഫസ്റ്റ് ഓണറെ കണ്ടെത്താന് ശ്രമിക്കുമെന്നും ഭൂട്ടാനീസ് ന്യൂസ്പേപ്പറിലെ റിപ്പോര്ട്ടില് പറയുന്നു. വാഹനങ്ങള് എങ്ങനെ കേരളത്തില് എത്തിയെന്ന് അന്വേഷിക്കുമെന്ന് ഭൂട്ടാന് റവന്യു കസ്റ്റംസും വ്യക്തമാക്കി. ഭൂട്ടാനില് ഡീ രജിസ്റ്റര് ചെയ്ത വാഹനങ്ങള് മാത്രമാണ് മറ്റ് രാജ്യങ്ങളിലേക്ക് കൊണ്ടുപോകാന് അനുമതിയുള്ളൂ. എസ് യുവി, ലക്ഷ്വറി വാഹനങ്ങള് അങ്ങനെ ഡി-രജിസ്റ്റര് ചെയ്തിട്ടില്ലെന്നും ട്രാന്സ്പോര്ട് അതോറിറ്റി വ്യക്തമാക്കി. ഭൂട്ടാന് വാഹന കടത്തിന് പിന്നില് വന് രാജ്യാന്തര വാഹന മോഷണ സംഘമാണെന്ന് കഴിഞ്ഞദിവസം അന്വേഷണ ഉദ്യോഗസ്ഥര് വ്യക്തമാക്കിയിരുന്നു. വിദേശ രാജ്യങ്ങളില് നിന്നും മോഷ്ടിച്ച വാഹനങ്ങള് ഭൂട്ടാന് വഴി കടത്തിയെന്നും സംശയിക്കുന്നുണ്ട്. ഭൂട്ടാന് പട്ടാളം ലേലം ചെയ്തതെന്ന പേരില് കേരളത്തില് മാത്രം കഴിഞ്ഞ അഞ്ച് വര്ഷത്തിനിടെ വിറ്റത് 200ഓളം വാഹനങ്ങളാണ്. വാഹനക്കടത്തുമായി ബന്ധപ്പെട്ട വിഷയം ഏഴ് കേന്ദ്ര ഏജന്സികള്…
Read More » -
‘സി എം വിത്ത് മി സിറ്റിസണ്’ കണക്ട് സെന്റര് ഉദ്ഘാടനം ചെയ്തു ; പരാതികള് റെക്കോര്ഡ് ചെയ്തശേഷം 48 മണിക്കൂറിനുള്ളില് പരാതിക്കാരനെ തിരിച്ചു വിളിക്കുന്ന പരിപാടി
മുഖ്യമന്ത്രിയുമായി പൊതുജനങ്ങള്ക്കു നേരിട്ടു സംസാരിക്കാന് അവസരമൊരുക്കുന്ന ‘സി എം വിത്ത് മി സിറ്റിസണ്’ കണക്ട് സെന്ററിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. അയക്കുന്ന പരാതികള് റെക്കോര്ഡ് ചെയ്തശേഷം 48 മണിക്കൂറിനുള്ളില് പരാതിക്കാരനെ തിരിച്ചു വിളിക്കുകയും സാധ്യമായ നടപടികള് പരാതിക്കാരനെ അറിയിക്കുകയും ചെയ്യുന്ന പരിപാടിയാണ്. ഇന്ഫര്മേഷന്- പബ്ലിക് റിലേഷന്സ് വകുപ്പിനാണ് നടത്തിപ്പ് ചുമതല. കിഫ്ബിയാണ് അടിസ്ഥാന-സാങ്കേതിക സൗകര്യങ്ങള് ഒരുക്കുന്നത്. തിരുവനന്തപുരം വെള്ളയമ്പലത്ത് പഴയ എയര് ഇന്ത്യ ഓഫീസ് ഏറ്റെടുത്ത സ്ഥലത്താണ് സെന്റര് പ്രവര്ത്തിക്കുന്നത്. ജനാധിപത്യത്തില് പരമമായ ഉത്തരവാദിത്വം ജനങ്ങളോടാണെന്നും ഓരോ വര്ഷവും എല്ഡിഎഫ് സര്ക്കാര് പ്രോഗ്രസ് റിപ്പോര്ട്ട് ഇറക്കി, മന്ത്രിസഭ ഒന്നടങ്കം ജനങ്ങളിലേക്ക് ഇറക്കി. ജനങ്ങളോടുള്ള ഉത്തരവാദിത്വത്തില് കവിഞ്ഞ് സര്ക്കാരിന് ഒന്നുമില്ല. ”സി എം വിത്ത് മീ” എന്നാല് സര്ക്കാര് അപ്പാടെ ഒപ്പം എന്നാണ് അര്ത്ഥം. പൊതുജനവും സര്ക്കാരും തമ്മിലുള്ള ആശയവിനിമയത്തില് വിടവുണ്ടാകാന് പാടില്ല’ എന്നും പരിപാടി ഉദ്ഘാടനം ചെയ്തുകൊണ്ട് മുഖ്യമന്ത്രി പറഞ്ഞു. തുടര്നടപടികളും അറിയിക്കുമെന്നും മുഖ്യമന്ത്രി പറഞ്ഞു. കൂടാതെ സദാ…
Read More » -
സദസ്സില് ആളില്ലാത്തതില് പ്രകോപിതനായി ഗതാഗത വകുപ്പ് മന്ത്രി ; സംഘാടനം മോശമെന്ന് പറഞ്ഞ് കെ ബി ഗണേഷ് കുമാര് പരിപാടിയില് നിന്നും ഇറങ്ങിപ്പോയി, നടപടിയെടുക്കുമെന്നും മുന്നറിയിപ്പ്
തിരുവനന്തപുരം: സദസ്സില് ആളില്ലാത്തതില് പ്രകോപിതനായി ഗതാഗത വകുപ്പ് മന്ത്രി കെ ബി ഗണേഷ് കുമാര് പരിപാടിയില് നിന്നും ഇറങ്ങിപ്പോയി. കനകക്കുന്ന് പാലസ് പരിസരത്തായിരുന്നു പരിപാടിക്കായി വേദിയൊരുക്കിയത്. ഉദ്യോഗസ്ഥര്ക്കെതിരെ നടപടിയുണ്ടാകുമെന്ന് മന്ത്രി പറഞ്ഞു. ‘ഗതാഗത വകുപ്പിന്റേയും മോട്ടോര് വാഹനവകുപ്പിന്റേയും പരിപാടിയായിരുന്നു. ‘എല്ലാവരും ക്ഷമിക്കണം. പരിപാടി റദ്ദാക്കുകയാണ് എന്ന് പറഞ്ഞായിരുന്നു മടക്കം. വാഹനങ്ങള് പാര്ക്ക് ചെയ്ത രീതിയും സദസ്സില് ആളില്ലാത്തതുമാണ് മന്ത്രിയെ പ്രകോപിപ്പിച്ചത്. ഖേദം പ്രകടിപ്പിക്കുന്നു. ഉദ്യോഗസ്ഥരുടെ വീഴ്ചയില് നടപടിയെടുക്കും’, എന്ന് മൈക്കിലൂടെ അറിയിച്ചാണ് മന്ത്രിയുടെ ഇറങ്ങിപ്പോക്ക്. ഔദ്യോഗിക വാഹനങ്ങളുടെ ഫ്ളാഗ് ഓഫ് ചടങ്ങും ഇ പോസ് മെഷീനുകളുടെ വിതരണ ഉദ്ഘാടനവുമാണ് മന്ത്രി നിര്വ്വഹിക്കേണ്ടിയിരുന്നത്. സംഘാടനം വളരെ മോശമാണെന്നും വകുപ്പില് നിന്നുപോലും ആരെയും ക്ഷണിച്ചില്ലെന്നും വേദിവിട്ട ശേഷം മന്ത്രി മാധ്യമങ്ങളോട് പറഞ്ഞു.ആകെ പങ്കെടുത്തത് പാര്ട്ടിയുടെ പ്രവര്ത്തകരും എന്റെ പേഴ്സണല് സ്റ്റാഫിലുള്ളവരും കെഎസ്ആര്ടിസിയിലെ ജീവനക്കാരും മാത്രമാണ്. 20 കസേര പോലും അവര് ഇട്ടില്ല. വന്ന ഉദ്യോഗസ്ഥര് പോലും എസി ഇട്ടിട്ട് വണ്ടിയുടെ അകത്ത് ഇരുന്നു. മന്ത്രിയും…
Read More » -
സര്ക്കാരിനോട് ശരിദൂരമുണ്ട്, അയ്യപ്പ സംഗമത്തില് മാത്രം; ‘പ്രതിഷേധിക്കുന്നവര് എന്എസ്എസുമായി ബന്ധമില്ലാത്തവരും ജോലി കിട്ടാത്തവരും; നിലപാടില് വ്യക്തത വരുത്തി സുകുമാരന് നായര്
ചങ്ങനാശേരി: സര്ക്കാറിനോടുള്ള ശരിദൂര നിലപാടില് വ്യക്ത വരുത്തി എന്.എസ്.എസ് ജനറല് സെക്രട്ടറി ജി. സുകുമാരന് നായര്. സര്ക്കാറിനോട് ശരിദൂരമുണ്ടെന്നും അത് അയ്യപ്പ സംഗമത്തില് മാത്രമാണെന്നും സുകുമാരന് നായര് പറഞ്ഞു. മറ്റുകാര്യങ്ങളില് സമദൂരം തന്നെയാണ് നിലപാടെന്നും പ്രതിഷേധിക്കുന്നവര് എന്.എസ്.എസുമായി ബന്ധമില്ലാത്തവരാണെന്നും ജി.സുകുമാരന് നായര് പറഞ്ഞു. അയ്യപ്പസംഗമത്തെക്കുറിച്ച് ആരുമായും ചര്ച്ച ചെയ്തിട്ടില്ല. പ്രതിഷേധിക്കുന്നവര് എന്.എസ്.എസുമായി ബന്ധമില്ലാത്തവരാണെന്നും അദ്ദേഹം കൂട്ടിച്ചേര്ത്തു. എന്.എസ്എസിനോട് വിരോധമുള്ള ആളുകളാണ് പ്രതിഷേധിക്കുന്നത്. ജോലിയും മറ്റും കിട്ടാത്തവരാണ്. ഇതിന് പിന്നില് കൂട്ടായ്മയൊന്നുമില്ലെന്നും സുകുമാരന് നായര് പറഞ്ഞു. അതേസമയം, സുകുമാരന് നായര്ക്കെതിരെ ബാനര്ക്കെതിരെ ബാനര് പ്രതിഷേധം തുടരുകയാണ്. മൈലാടുംപാറയിലും സുകുമാരന് നായര്ക്കെതിരെ ബാനര് പ്രത്യക്ഷപ്പെട്ടു. സുകുമാരന് നായര്ക്കൊപ്പം മന്ത്രി കെ.ബി ഗണേഷ്കുമാറിനെതിരെയും ബാനറില് വിമര്ശനമുണ്ട്. സുകുമാരന് നായര് നായര് സമുദായത്തേയും അയ്യപ്പഭക്തരേയും അപമാനിച്ചുവെന്നും രാജിവെച്ച് ഒഴിഞ്ഞുപോകണമെന്നുമാണ് ബാനറിലെ ആവശ്യം. ഗണേഷ്കുമാര് നായന്മാരുടെ മെക്കിട്ട് കേറാന് വരേണ്ടെന്നും ബാനറിലുണ്ട്. 5337 ാം ചടട കരയോഗത്തിന്റെ പേരിലാണ് ബാനര്. ബാനര് സ്ഥാപിക്കുന്നവരെ മന്ത്രി കെ.ബി. ഗണേഷ് കുമാര്…
Read More » -
ജനാധിപത്യ അവകാശങ്ങള് ഇസ്രായേല് നിഷേധിക്കുന്നു; യുഎസ് പിന്തുണയോടെ എല്ലാ അന്താരാഷ്ട്ര കണ്വെന്ഷനുകളും അട്ടിമറിക്കുന്നു ; കേരളം പലസ്തീന് ജനതയ്ക്കൊപ്പമാണെന്ന് മുഖ്യമന്ത്രി
തിരുവനന്തപുരം: കേരളം എക്കാലവും പലസ്തീന് ജനതയ്ക്കൊപ്പമാണെന്ന് മുഖ്യമന്ത്രി പിണറായി വിജയന്. ഗാന്ധി ജയന്തി ദിനമായ ഒക്ടോബര് രണ്ടിന് കോഴിക്കോട് മുതലക്കുളം മൈതാനിയില് പലസ്തീന് ഐക്യദാര്ഢ്യ വുമായി സമ്മേളനം നടത്തുന്നതിന് മുന്നോടിയായി ഇന്ത്യയിലെ പലസ്തീന് അംബാസഡര് അബ്ദുള്ള മുഹമ്മദ് അബു ഷവേഷുമായി കൂടിക്കാഴ്ച നടത്തിയ ശേഷമാണ് ഇക്കാര്യം പറഞ്ഞത്. പരിപാടിയുടെ മുഖ്യാതിഥി അബു ഷവേഷാണ്. നിയമസഭയിലെ മുഖ്യമന്ത്രിയുടെ ചേമ്പറില് വെച്ച് നടന്ന കൂടിക്കാഴ്ചയിലായിരുന്നു പിണറായി വിജയന് പലസ്തീന് പിന്തുണ പ്രഖ്യാപിച്ചത്. പശ്ചിമേഷ്യയില് സമാധാനം പുനഃസ്ഥാപിക്കാന് ഐക്യരാഷ്ട്രസഭയും അന്താരാഷ്ട്ര സമൂഹവും അടിയന്തരമായി പ്രവര്ത്തിക്കേണ്ടതുണ്ട്. ജറുസലേം തലസ്ഥാനമായിട്ടുള്ള പലസ്തീന് രാഷ്ട്രം സാധ്യമാക്കുക എന്ന യുഎന് കാഴ്ചപ്പാടിനൊപ്പമാണ് ഇടതുപക്ഷത്തിന്റെ നിലപാടെന്നും മുഖ്യമന്ത്രി പറഞ്ഞു. ഇസ്രായേലി അധിനിവേശവും പലസ്തീന് ജനത നേരിടുന്ന പ്രശ്നങ്ങളും അംബാസഡറും വിശദീകരിച്ചു. ഈ നിര്ണായ സന്ദര്ഭത്തില് കേരളം നല്കുന്ന പിന്തുണ മഹത്തരമാ ണെന്നും അദ്ദേഹം പറഞ്ഞു. കൂടുതല് പിന്തുണ പലസ്തീന് ആവശ്യമുണ്ട്. അത് ലോകത്തെ മ്പാടുനിന്നും ലഭിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. യുഎസ് പിന്തുണയോടെ…
Read More »