India
-
‘ഇറാന് ഇന്റലിജന്സ് വിവരങ്ങള് നല്കുന്നത് റഷ്യ, ശക്തമായ തെളിവുകളുണ്ട്’; വെളിപ്പെടുത്തലുമായി സെലന്സ്കി; അമേരിക്കയെ ബ്ലാക്ക്മെയില് ചെയ്യുന്നെന്നും ആരോപണം
കീവ്: ഇറാന് രഹസ്യാന്വേഷണ വിവരങ്ങള് കൈമാറുന്നത് റഷ്യയെന്ന് ആവര്ത്തിച്ച് യുക്രൈന് പ്രസിഡന്റ് വ്ളോഡമിര് സെലെന്സ്കി. ഉക്രെയ്നിലേക്കുള്ള രഹസ്യാന്വേഷണ വിവരങ്ങള് കൈമാറുന്നത് വാഷിംഗ്ടണ് നിര്ത്തിയാല്, പകരമായി ഇറാന് സൈനിക രഹസ്യാന്വേഷണ വിവരങ്ങള് നല്കുന്നത് തങ്ങളും നിര്ത്താമെന്ന് പറഞ്ഞ് റഷ്യ അമേരിക്കയെ ബ്ലാക്ക്മെയില് ചെയ്യാന് ശ്രമിച്ചെന്നാണു സെലന്സ്കിയുടെ വെളിപ്പെടുത്തല്. ഇറാന് റഷ്യ രഹസ്യാന്വേഷണ വിവരങ്ങള് നല്കുന്നത് തുടരുന്നതിനെക്കുറിച്ച് ഉക്രെയ്നിന്റെ മിലിട്ടറി ഇന്റലിജന്സിന്റെ കൈയില് തെളിവുകളുണ്ടെന്നും കൂടുതല് വിശദാംശങ്ങള് പറയാനാകില്ലെന്നും സെലന്സ്കി പറഞ്ഞു. കൈവിലെ തന്റെ പ്രസിഡന്ഷ്യല് കോമ്പൗണ്ടില് വെച്ച് സംസാരിക്കവെ, മിഡില് ഈസ്റ്റിലെ യുദ്ധകാലത്ത് യുഎസ് സൈനിക ആസ്തികള്ക്കും സഖ്യകക്ഷികള്ക്കും നേരെ ആക്രമണം നടത്താന് ഉപയോഗിച്ച ചില ഇറാനിയന് ഡ്രോണുകളില് റഷ്യന് ഘടകങ്ങള് അടങ്ങിയിട്ടുണ്ടെന്ന് സെലെന്സ്കി പറഞ്ഞു. ‘റഷ്യ ഇത് ചെയ്യുന്നുണ്ടെന്ന് കാണിക്കുന്ന റിപ്പോര്ട്ടുകള് എന്റെ രഹസ്യാന്വേഷണ വിഭാഗത്തില് നിന്ന് എനിക്ക് ലഭിച്ചിട്ടുണ്ട്. അമേരിക്ക ഉക്രെയ്നിലേക്ക് രഹസ്യാന്വേഷണ വിവരങ്ങള് കൈമാറുന്നത് നിര്ത്തിയാല് ഞാന് ഇറാന് വിവരങ്ങള് നല്കുന്നത് നിര്ത്താം എന്നാണ് അവര് പറയുന്നത്. ഇതൊരു…
Read More » -
വീണ്ടും ലോക്ഡൗണ്? അഭ്യൂഹം മാത്രമെന്ന് കേന്ദ്രം; നിയന്ത്രണത്തിനും നീക്കമില്ല; തെറ്റിദ്ധരിച്ചത് പ്രധാനമന്ത്രിയുടെ പ്രസംഗം
രാജ്യത്ത് വീണ്ടും ലോക്ക്ഡൗൺ ഏർപ്പെടുത്തുമെന്ന് സമൂഹമാധ്യമങ്ങളില് വ്യാപക പ്രചരണം. എന്നാല് ഇത് അടിസ്ഥാന രഹിതമാണെന്ന് കേന്ദ്ര സർക്കാർ. പൊതുഗതാഗതത്തിലും സാമ്പത്തിക പ്രവർത്തനങ്ങളിലും നിയന്ത്രണങ്ങൾ ഏർപ്പെടുത്താൻ ഒരുദ്ദേശ്യവും ഇല്ലെന്ന് സര്ക്കാര് വ്യക്തമാക്കി. പശ്ചിമേഷ്യയിലെ സംഘർഷത്തിന്റെ പശ്ചാത്തലത്തിൽ പ്രധാനമന്ത്രി പാര്ലമെന്റില് നടത്തിയ പ്രസംഗത്തിനു പിന്നാലെയാണ് അഭ്യൂഹം പ്രചരിച്ചത്. ‘കോവിഡ് കാലത്ത് നാം ഐക്യത്തോടെനിന്ന് വെല്ലുവിളിയെ നേരിട്ടു. അതുപോലെ ഇത്തവണയും നാം തയ്യാറായിരിക്കണം’ എന്നായിരുന്നു പ്രധാനമന്ത്രിയുടെ വാക്കുകൾ. ഇത് ലോക്ക്ഡൗൺ സൂചനയായി ദുർവ്യാഖ്യാനം ചെയ്തതാണ് ആശയക്കുഴപ്പത്തിന് ഇടയാക്കിയത്. ഒപ്പം 2020ലെ കോവിഡ് ലോക്ക്ഡൗണിന്റെ ആറാം വാർഷികവും അഭ്യൂഹങ്ങൾ വ്യാപിക്കാൻ കാരണമായി. പശ്ചിമേഷ്യയിലെ സംഘര്ഷത്തെ തുടര്ന്നുള്ള ഏതു സാഹചര്യവും നേരിടാന് രാജ്യം തയാറെന്ന് സര്വകക്ഷി യോഗത്തില് കേന്ദ്രസര്ക്കാര് ഉറപ്പുനല്കി. നിലവില് ഊര്ജപ്രതിസന്ധിയില്ല. പെട്രോള്, ഡീസല് വില കൂട്ടില്ല. പ്രവാസികളുടെ സുരക്ഷയ്ക്കാണ് മുന്ഗണനയെന്നും കേന്ദ്രം അറിയിച്ചു. യോഗം തൃപ്തികരമല്ലെന്ന് കോണ്ഗ്രസ് പ്രതികരിച്ചു. തൃണമൂല് കോണ്ഗ്രസ് വിട്ടുനിന്നു. പശ്ചിമേഷ്യയിലെ സാഹചര്യത്തില് ആശങ്കപ്പെടേണ്ടതില്ല എന്നാണ് കേന്ദ്രസര്ക്കാര് സര്വകക്ഷി യോഗത്തെ അറിയിച്ചത്. ഗാര്ഹിക എല്.പി.ജിക്ക്…
Read More » -
വന്ദേ ഭാരതിൽ മോശം ഭക്ഷണം, ഐആർസിടിസിക്ക് 10 ലക്ഷം രൂപ പിഴ, ഭക്ഷണം വിതരണം ചെയ്ത സ്വകാര്യ ഏജൻസിക്ക് 50 ലക്ഷം രൂപ പിഴ, കരാർ റദ്ദാക്കി
ന്യൂഡൽഹി: വന്ദേ ഭാരത് എക്സ്പ്രസ്സിലെ ഭക്ഷണത്തിന്റെ ഗുണനിലവാരത്തെക്കുറിച്ച് യാത്രക്കാരൻ നൽകിയ പരാതിയിൽ കടുത്ത നടപടിയെടുത്ത് ഇന്ത്യൻ റെയിൽവേ. പരാതിയുടെ അടിസ്ഥാനത്തിൽ റെയിൽവേയുടെ തന്നെ കീഴിലുള്ള ഐആർസിടിസിക്ക് 10 ലക്ഷം രൂപ പിഴ ചുമത്തി. ഐആർസിടിസിക്ക് പുറമെ, ഭക്ഷണവിതരണം നടത്തിയ സ്വകാര്യ ഏജൻസിക്ക് 50 ലക്ഷം രൂപ പിഴ ചുമത്തുകയും കരാർ റദ്ദാക്കാൻ ഉത്തരവിടുകയും ചെയ്തു. മാർച്ച് 15-ന് പട്ന-ടാറ്റാനഗർ വന്ദേ ഭാരത് എക്സ്പ്രസ്സിൽ (ട്രെയിൻ നമ്പർ 21896) വിളമ്പിയ ഭക്ഷണത്തെക്കുറിച്ചായിരുന്നു പരാതി. റെയിൽവേ മന്ത്രാലയത്തിന്റെ കണക്കുകൾ ഇങ്ങനെ: പ്രതിവർഷം ട്രെയിനുകളിൽ ഏകദേശം 58 കോടി മീലുകളാണ് റെയിൽവേ വിതരണം ചെയ്യുന്നത്. ഇതിൽ പരാതികൾ വരുന്നത് വെറും 0.0008% മാത്രമാണ് (അമിതവില ഈടാക്കുന്നതുൾപ്പെടെ). കഴിഞ്ഞ മൂന്ന് വർഷത്തിനിടെ ഇത്തരം പരാതികളിൽ അന്വേഷണം നടത്തി 2.6 കോടി രൂപ പിഴയായി ഈടാക്കിയിട്ടുണ്ട്. 2025-ൽ പാന്ററി ജീവനക്കാർ യാത്രക്കാരെ മർദ്ദിച്ച മൂന്ന് സംഭവങ്ങളിൽ പോലീസ് നിയമനടപടി സ്വീകരിച്ചിട്ടുണ്ട്. അതേസമയം റെയിൽവേയിൽ സമഗ്രമായ മാറ്റങ്ങൾ ലക്ഷ്യമിട്ടുള്ള ‘റിഫോം…
Read More » -
കപ്പലുകള് ഒഴിവാക്കുന്ന ചെങ്കടല്; ഹൂതികള്ക്കു മുന്നില് തോറ്റ യുദ്ധം; ഹോര്മൂസ് അതിലും കഠിനം: ഇറാന് ഹൂതികളെക്കാള് പ്രഫഷണല് സൈന്യം; ഭൂപ്രകൃതിയും അനുകൂലം; കപ്പലുകള്ക്കു വേണ്ടിവരിക കടലിലും ആകാശത്തും അകമ്പടി; പാശ്ചാത്യ രാജ്യങ്ങള് വലിഞ്ഞു നില്ക്കാന് കാരണമുണ്ട്
ലോസ് ആഞ്ചലസ്/ലണ്ടന്: ഹോര്മൂസ് കടലിടുക്ക് തുറക്കാനുള്ള നീക്കത്തില്നിന്ന പാശ്ചാത്യ രാജ്യങ്ങള് പിന്വലിഞ്ഞു നില്ക്കാനുള്ള കാരണത്തിനു പിന്നില് ചെങ്കടലിലെ പരാജയം. വര്ഷങ്ങള്ക്ക് മുമ്പ് ചെങ്കടലില് ആരംഭിച്ച സമാനമായ ശ്രമം കോടിക്കണക്കിന് ഡോളര് ചിലവാക്കിയിട്ടും യെമനിലെ ഹൂതികള്ക്കെതിരെ പരാജയപ്പെടുകയാണുണ്ടായത്. നാല് കപ്പലുകള് മുങ്ങി. 100 കോടി ഡോളറിലധികം വിലമതിക്കുന്ന ആയുധങ്ങള് ചിലവഴിച്ചു. എന്നിട്ടും ഷിപ്പിംഗ് വ്യവസായം വലിയതോതില് ഒഴിവാക്കുന്ന പാതയായി ഇതു മാറി. ഹോര്മുസ് കടലിടുക്കിന് മേല് നിഴല് വീഴ്ത്തുന്നതും ഈ പരാജയത്തിന്റെ പാഠങ്ങള്. ലോകത്തിലെ എണ്ണയുടെയും ദ്രാവക പ്രകൃതിവാതകത്തിന്റെയും വിതരണത്തിന്റെ അഞ്ചിലൊന്ന് കടന്നുപോകുന്ന ഈ സുപ്രധാന പാതയാണ് ഇറാന് തടയുന്നത്. ഹൂതികളേക്കാള് കരുത്തരായ എതിരാളിയാണ് ഇറാന്. ഹോര്മുസ് കടലിടുക്കിന് നേരെയുള്ള ഇറാന്റെ ഭീഷണികളും അയല്രാജ്യങ്ങളിലെ ഊര്ജ്ജ നിര്മിതികള്ക്കു നേരെയുള്ള ആക്രമണങ്ങളും ചരിത്രത്തിലെതന്നെ ഏറ്റവും വലിയ ഊര്ജ്ജ വിതരണ തടസത്തിന് കാരണമാവുകയും എണ്ണവില കുതിച്ചുയരാന് ഇടയാക്കുകയും ചെയ്തു. കടലിടുക്ക് തുറന്നില്ലെങ്കില്, ഇന്ധനക്ഷാമം രൂക്ഷമാവുകയും ലോകമെമ്പാടും ഊര്ജ്ജം, ഭക്ഷണം, മറ്റ് ഉല്പ്പന്നങ്ങള് എന്നിവയ്ക്ക് അമിതവില നല്കേണ്ടി…
Read More » -
ഖമേനി വധത്തിനു പിന്നാലെ പുടിന് ആശങ്കയില്; സിസിടിവി ഹാക്കിംഗ് ഭയന്ന് കടുത്ത ഇന്റര്നെറ്റ് വിലക്ക്; ടെലിഗ്രാമിനും വാട്സ് ആപ്പിനും നിയന്ത്രണം; ഉക്രൈന് ഡ്രോണുകള് നാവിഗേഷന് ഉപയോഗിക്കുന്നെന്ന് ഭയം; മോജ്തബയെ ട്രാക്ക് ചെയ്യതിരിക്കാനെന്നും സൂചന
മോസ്കോ: ഇറാന്റെ പരമോന്നത നേതാവ് അയൊത്തൊള്ള ഖമേനിയെ വധിക്കാന് സിസിടിവി ക്യാമറകള് ഇസ്രയേല് ഹാക്ക് ചെയ്തെന്ന റിപ്പോര്ട്ടുകള്ക്കു പിന്നാലെ ഡിജിറ്റല് നിരീക്ഷണ സംവിധാനങ്ങള് ഭരണകൂടത്തിനെതിരെ ഉപയോഗിക്കപ്പെടുമെന്ന ഭീതി റഷ്യയില് വര്ധിച്ചെന്നും പുടിന് ഇന്റര്നെറ്റിനുമേല് പിടിമുറുക്കിയെന്നും റിപ്പോര്ട്ട്. ചില ഭാഗങ്ങളില് ഇന്റര്നെറ്റ് സേവനങ്ങള് തടസപ്പെടുത്തിയെന്നും റിപ്പോര്ട്ട്. മോസ്കോയിലും മറ്റ് പ്രധാന നഗരങ്ങളിലുമാണ് ഇന്റര്നെറ്റ് മുടക്കിയത്. ഓഫീസുകളില് ജോലി ചെയ്യുന്നവര് കണക്ഷന് ലഭിക്കാതെ ബുദ്ധിമുട്ടുന്നു. കൗമാരക്കാര് നിരന്തരം വിപിഎന് (VPN) മാറാന് നിര്ബന്ധിതരാകുന്നു, ടാക്സി ഡ്രൈവര്മാര്ക്ക് ഓണ്ലൈന് മാപ്പുകള് ഇല്ലാതെ വഴി കണ്ടെത്താന് കഴിയാത്ത അവസ്ഥയാണെന്നും ഡയ്ലി മെയില് റിപ്പോര്ട്ട് ചെയ്തു. കഴിഞ്ഞ ഒരാഴ്ചയായി സെന്ട്രല് മോസ്കോയുടെ ഭാഗങ്ങളിലും സെന്റ് പീറ്റേഴ്സ്ബര്ഗിലും അതിനപ്പുറവും എല്ലാ ദിവസവും മൊബൈല് ഇന്റര്നെറ്റ് പൂര്ണ്ണമായും നിലച്ചു. ‘പല വിദേശ കമ്പനികളും റഷ്യന് നിയമങ്ങള് പാലിക്കാന് വിസമ്മതിക്കുന്നു എന്നതും, ഉക്രേനിയന് ഡ്രോണുകളുടെ ഭീഷണിയില് നിന്നുള്ള സുരക്ഷാ നടപടികളുടെ ഭാഗവുമായാണ് ഇത് ചെയ്യുന്നതെ’ന്ന് ക്രെംലിന് വക്താവ് ദിമിത്രി പെസ്കോവ് പറഞ്ഞു. ആക്രമണ…
Read More » -
ഇന്ധന ലഭ്യതയുടെ കാര്യത്തിൽ യാതൊരു ആശങ്കയുടെയും ആവശ്യമില്ലെന്ന് കേന്ദ്രസർക്കാർ; ‘ഊർജ്ജ സുരക്ഷിതത്വം ഉറപ്പാക്കിയിട്ടുണ്ട്; കൂടുതൽ ഇന്ധന കപ്പലുകൾ ഉടനെത്തും‘
ന്യൂഡൽഹി: പശ്ചിമേഷ്യൻ യുദ്ധ പശ്ചാത്തലത്തിൽ ഇന്ധന ലഭ്യത സംബന്ധിച്ച് യാതൊരു വിധ ആശങ്കയും ഉദിക്കുന്നില്ലെന്ന് കേന്ദ്ര സർക്കാർ. രാജ്യത്ത് ഊർജ്ജസുരക്ഷിതത്വം ഉറപ്പാക്കിയിട്ടുണ്ട്. നിലവിൽ ഇന്ത്യ ഏതെങ്കിലും തരത്തിലുള്ള പ്രതിസന്ധി നേരിടുന്നില്ലെന്നും കൂടുതൽ ഇന്ധനകപ്പലുകൾ ഇന്ത്യയിലേക്ക് വരുന്നുണ്ടെന്നും കേന്ദ്രസർക്കാർ ബുധനാഴ്ച അറിയിച്ചു. പ്രതിരോധ മന്ത്രി രാജ്നാഥ് സിങ്ങിന്റെ അധ്യക്ഷതയിൽ ചേർന്ന സർവ്വകക്ഷി യോഗത്തിൽ രാഷ്ട്രീയപാർട്ടികൾക്ക് കേന്ദ്രസർക്കാർ ഇതുസംബന്ധിച്ച ഉറപ്പും നൽകി. സംഘർഷത്തിന്റെ പശ്ചാത്തലത്തിൽ ഉണ്ടാകാനിടയുള്ള നയതന്ത്രവും സാമ്പത്തികവുമായ പ്രത്യാഘാതങ്ങളെക്കുറിച്ച് രാഷ്ട്രീയ പാർട്ടി നേതാക്കൾക്ക് കേന്ദ്ര സർക്കാർ വിശദീകരണം നൽകി. ഇന്ധന ലഭ്യതയുമായി ബന്ധപ്പെട്ട് ആശങ്കപ്പെടേണ്ട സാഹചര്യമില്ല. മേഖലകളിൽ അസ്ഥിരതകളുണ്ടെങ്കിലും പെട്രോളിയം ഉത്പന്നങ്ങളുടെയും എൽപിജിയുടെയും ആവശ്യാനുസരണമുള്ള വിതരണം തുടരുന്നതായും സർക്കാർ അറിയിച്ചു. മാത്രമല്ല, ഇന്ധനം വഹിച്ചുകൊണ്ട് കൂടുതൽ കപ്പലുകൾ ഇന്ത്യയിലേക്ക് വന്നുകൊണ്ടിരിക്കുകയാണെന്നും ഉദ്യോഗസ്ഥർ യോഗത്തിൽ അറിയിച്ചു. ഹോർമുസ് കടലിടുക്കിലൂടെയുള്ള ഗതാഗതം സംബന്ധിച്ച് ആശങ്കകൾ നിലനിൽക്കുന്ന പശ്ചാത്തലത്തിലാണ് ആവശ്യമായ നടപടികൾ പുരോഗമിക്കുന്നതായി സർക്കാർ അറിയിച്ചത്. അതേസമയം, ഈ വിഷയത്തെക്കുറിച്ച് വിശദീകരണം നൽകുന്നതിന് പകരം ലോക്സഭയിലും രാജ്യസഭയിലും…
Read More » -
സോണിയാ ഗാന്ധിയുടെ ആരോഗ്യനില വഷളായതിനെ തുടർന്ന് കേരള സന്ദർശനം റദ്ദാക്കി രാഹുൽ ഗാന്ധി
ന്യൂഡൽഹി: രാഹുൽ ഗാന്ധിയുടെ ഇന്നത്തെ കേരള സന്ദർശനം റദ്ദാക്കി. സോണിയാ ഗാന്ധിയുടെ ആരോഗ്യനില വഷളായതിനെത്തുടർന്നാണ് രാഹുൽ കേരള സന്ദർശനം മാറ്റിവച്ചതെന്ന് എഐസിസി വൃത്തങ്ങൾ അറിയിച്ചു. യുഡിഎഫ് തിരഞ്ഞെടുപ്പ് കൺവെൻഷനുകളിൽ പങ്കെടുക്കാനായിരുന്നു രാഹുൽ കേരളത്തിൽ എത്തേണ്ടിയിരുന്നത്. കോഴിക്കോട് ബീച്ചിൽ ഇന്ന് വൈകുന്നേരം വൻ പരിപാടികളും യുഡിഎഫ് നേതൃത്വം ആസൂത്രണം ചെയ്തിരുന്നു. രാഹുൽ ഗാന്ധിക്ക് പകരം എഐസിസി അധ്യക്ഷൻ മല്ലികാർജുൻ ഖാർഗെ ആയിരിക്കും പങ്കെടുകയെന്ന് എഐസിസി വൃത്തങ്ങൾ അറിയിച്ചു. ശാരീരിക ബുദ്ധിമുട്ടുകൾ അനുഭവപ്പെട്ടതിനെത്തുടർന്ന് സോണിയാ ഗാന്ധിയെ കഴിഞ്ഞ ദിവസം രാത്രിയിൽ ഡൽഹിയിലെ സർ ഗംഗാറാം ആശുപത്രിയിൽ പ്രവേശിപ്പിച്ചിരുന്നു. നിലവിൽ നിരീക്ഷണത്തിലാണെന്നും ആരോഗ്യനില തൃപ്തികരമാണെന്നുമാണ് റിപ്പോർട്ട്. രാഹുൽ ഗാന്ധിയും പ്രിയങ്കാ ഗാന്ധിയും ആശുപത്രിയിലുണ്ട്.
Read More » -
ഇന്ത്യന് സിനിമയില് പുതു ചരിത്രം സൃഷ്ടിച്ച് ‘ധുരന്ധർ പ്രതികാരം’, എക്കാലത്തെയും വലിയ ഇന്ത്യൻ ബ്ലോക്ക്ബസ്റ്റർ ഹിറ്റ്, ആദ്യ വീക്കെൻഡിൽ നേടിയത് 761 കോടി ആഗോള ഗ്രോസ് കളക്ഷൻ
ജിയോ സ്റ്റുഡിയോസും ബി 62 സ്റ്റുഡിയോസും ചേർന്ന് നിർമ്മിച്ച, ആദിത്യ ധർ – രൺവീർ സിങ് ചിത്രം ‘ധുരന്ധർ പ്രതികാരം’ ആദ്യ വീക്കെൻഡ് കൊണ്ട് തന്നെ എക്കാലത്തെയും വലിയ ഇന്ത്യൻ ബ്ലോക്ക്ബസ്റ്റർ ചിത്രങ്ങളുടെ പട്ടികയിൽ. ആദ്യ വീക്കെൻഡ് പിന്നിടുമ്പോൾ ചിത്രം നേടിയ ആഗോള ഗ്രോസ് കളക്ഷൻ 761 കോടി രൂപ. ഇന്ത്യൻ സിനിമയിലെ ബോക്സ് ഓഫീസ് ചരിത്രം മാറ്റിയെഴുതുന്ന ചിത്രം, ആഗോള തലത്തിൽ അഭൂതപൂർവമായ വിജയമാണ് നേടുന്നത്. ഇന്ത്യക്ക് അകത്തും പുറത്തും ഒരു ഇന്ത്യൻ ചിത്രം നേടുന്ന ഏറ്റവും ഉയർന്ന ആദ്യ വീക്കെൻഡ് കളക്ഷൻ ആണ് ചിത്രം സ്വന്തമാക്കിയത്. അമ്പരപ്പിക്കുന്ന അഡ്വാൻസ് ബുക്കിങ്ങും പ്രീമിയർ ഷോ മുതൽ ലഭിച്ച ഗംഭീര പ്രേക്ഷക പ്രതികരണവും ചിത്രത്തെ ഇതിഹാസ സമാനമായ വിജയമാക്കിയാണ് മാറ്റുന്നത്. ഏറ്റവും കൂടുതൽ പ്രീമിയർ കളക്ഷൻ ലഭിച്ച ഇന്ത്യൻ ചിത്രമായി മാറിയ ‘ധുരന്ധർ പ്രതികാരം’ , ഏറ്റവും വലിയ ഓപ്പണിംഗ് ഡേ, ആദ്യ ശനിയാഴ്ച ഏറ്റവും കൂടുതൽ കളക്ഷൻ നേടിയ ഇന്ത്യൻ…
Read More » -
യുദ്ധത്തില് ‘വെള്ളംകുടി’യും മുട്ടും; ബ്രൂവറികളുടെ പ്രവര്ത്തനം പ്രതിസന്ധിയിലാക്കി ഗ്യാസ് ക്ഷാമം; ക്യാന് നിര്മാണത്തിനുള്ള അലൂമിനിയം ഇറക്കുമതി മുടങ്ങി; കുപ്പി നിര്മാതാക്കള് വിലകൂട്ടി; മദ്യത്തിന്റെ വില കൂട്ടാതെ നിവൃത്തിയില്ലെന്ന് കമ്പനികള്
ന്യൂഡല്ഹി: ഇറാന് യുദ്ധം മൂലമുണ്ടായ ഗ്യാസ് ക്ഷാമത്തില് വലഞ്ഞ് മദ്യനിര്മാണ കമ്പനികളും. ഗ്യാസ് കിട്ടാനില്ലാത്തതും ഷിപ്പിംഗ് നിയന്ത്രണങ്ങളെ തുടര്ന്ന് ക്യാന് നിര്മാതാക്കള്ക്ക് ആവശ്യത്തിന് അലൂമിനിയം ഇറക്കുമതി ചെയ്യാന് കഴിയുന്നില്ല എന്നതുമാണ് ചൂണ്ടിക്കാട്ടുന്നത്. ഇന്ത്യയില് പ്രവര്ത്തിക്കുന്ന ആഗോള മദ്യ നിര്മ്മാണ കമ്പനികള് വില വര്ധനവിനെക്കുറിച്ചും വിതരണ തടസത്തെക്കുറിച്ചും മുന്നറിയിപ്പ് പുറത്തിറക്കി. ലോകത്തിലെ നാലാമത്തെ വലിയ പ്രകൃതിവാതക ഇറക്കുമതി രാജ്യമായ ഇന്ത്യ, ഇന്ധന ലഭ്യതയുടെ കാര്യത്തില് വളരെയധികം പ്രതിസന്ധിയിലാണ്. തങ്ങളുടെ വിതരണത്തിന്റെ ഏകദേശം 40% ഖത്തറില് നിന്ന് സമാഹരിക്കുന്ന ഇന്ത്യ, ഇറക്കുമതിക്കായി മിഡില് ഈസ്റ്റിനെയാണ് പ്രധാനമായും ആശ്രയിക്കുന്നത്. ഇറാന് നടത്തിയ ആക്രമണങ്ങള് ഖത്തറിന്റെ കയറ്റുമതി ശേഷിയെ ഭാഗികമായി തടസ്സപ്പെടുത്തിയിട്ടുണ്ട്. ഇത് ഇന്ത്യന് നിര്മ്മാതാക്കള്ക്ക് ഗ്യാസ് ലഭ്യത കുറയാന് കാരണമായി. ആഗോള ബ്രൂവര്മാരായ ഹൈനെകെന് (Heineken), ആന്ഹ്യൂസര്-ബുഷ് ഇന്ബെവ് (AB InBev), കാള്സ്ബെര്ഗ് (Carlsberg) എന്നിവരെ പ്രതിനിധീകരിക്കുന്ന ബ്രൂവേഴ്സ് അസോസിയേഷന് ഓഫ് ഇന്ത്യ റോയിട്ടേഴ്സിനോട് പറഞ്ഞത്, ഗ്ലാസ് കുപ്പികളുടെ വില ഏകദേശം 20% വര്ധിച്ചുവെന്നും പേപ്പര്…
Read More » -
കുവൈത്ത് വിമാനത്താവളത്തില് ഇറാന്റെ ഡ്രോണ് ആക്രമണം? വന് തീപിടിത്തം; വെടിവെച്ചിട്ടെന്ന് നാഷണല് ഗാര്ഡ്; പുറത്തിറങ്ങരുത്, സുരക്ഷാ നിര്ദേശങ്ങള് പാലിക്കണമെന്ന് മുന്നറിയിപ്പ്
കുവൈത്ത് വിമാനത്താവളത്തിനകത്ത് ഡ്രോണ് പതിച്ച് വന് തീപിടിത്തം. ആകാശത്തേക്ക് തീയും കറുത്ത പുകയും ഉയരുന്നതിന്റെ വിഡിയോ ദൃശ്യങ്ങള് പുറത്തുവന്നു. ഇന്ധനടാങ്കില് ഡ്രോണ് പതിച്ചതാണ് തീപിടിത്തത്തിന് ഇടയാക്കിയതെന്നാണ് റിപ്പോര്ട്ടുകള്. ഇതിന് പുറമെ അഞ്ച് ഡ്രോണുകള് കൂടി കുവൈത്ത് ലക്ഷ്യമിട്ട് എത്തിയെന്നും ഇവയെ ഫലപ്രദമായി പ്രതിരോധിച്ചുവെന്നും കുവൈത്തി നാഷനല് ഗാര്ഡ് അറിയിച്ചു. ഇന്റര്സെപ്ഷന് നടക്കുന്നതിനാലാണ് സ്ഫോടന ശബ്ദങ്ങള് കേള്ക്കുന്നതെന്നും ജനങ്ങള് പരിഭ്രാന്തരാകേണ്ടതില്ലെന്നും അധികൃതര് വ്യക്തമാക്കി. അതേസമയം, പുറത്തിറങ്ങരുതെന്നും സുരക്ഷാനിര്ദേശങ്ങള് കര്ശനമായി പാലിക്കണമെന്നും ജനങ്ങള്ക്ക് മുന്നറിയിപ്പുണ്ട്. എക്സിലാണ് ആക്രമണം കുവൈത്ത് അധികൃതര് സ്ഥിരീകരിച്ചത്. ആക്രമണത്തില് നാശനഷ്ടങ്ങളില്ലെന്നാണ് കുവൈത്ത് സിവില് ഏവിയേഷന് അതോറിറ്റി വ്യക്തമാക്കുന്നത്. നിസാരമായ നഷ്ടമേയുണ്ടായിട്ടുള്ളൂവെന്നും ആര്ക്കും പരുക്കേറ്റിട്ടില്ലെന്നും സിവില് ഏവിയേഷന് വക്താവ് അബ്ദുല്ല അല് രാജ്ഹി വ്യക്തമാക്കി. തീപിടിത്തം ഉണ്ടായ ഉടന് തന്നെ അഗ്നിരക്ഷാസേന കാര്യമായി ഇടപെട്ടുവെന്നും നിലവില് സ്ഥിതിഗതികള് നിയന്ത്രണത്തിലാണെന്നും അദ്ദേഹം കൂട്ടിച്ചേര്ത്തു. ഫെബ്രുവരി 28ന് യുദ്ധം ആരംഭിച്ചത് മുതല് കുവൈത്ത് വിമാനത്താവളം ഇറാന് ലക്ഷ്യമിടുന്നുണ്ട്. നിരവധി ഡ്രോണുകളെ ഫലപ്രദമായി പ്രതിരോധിക്കാന് കഴിഞ്ഞുവെന്നും…
Read More »