Crime
-
ബലാത്സംഗക്കേസില് അറസ്റ്റിലായി, പോലീസ് കസ്റ്റഡിയില് നിന്നും ഒരു പോലീസുകാരനെ വാഹനമിടുപ്പിച്ച് കൊലപ്പെടുത്തിയ ശേഷം രക്ഷപ്പെട്ടു ; ആംആദ്മിപാര്ട്ടി എംഎല്എ ഇപ്പോള് ഒളിവില്
ന്യൂഡല്ഹി: ബലാത്സംഗക്കേസില് അറസ്റ്റിലായ പഞ്ചാബ് എംഎല്എ പോലീസിന് നേരെ വെടിയുതിര്ത്ത ശേഷം ഒരു പോലീസുകാരനെ വാഹനമിടിച്ച് കൊലപ്പെടുത്തി കസ്റ്റഡിയില് നിന്ന് രക്ഷപ്പെട്ടു. രണ്ട് വാഹനങ്ങളിലായി രക്ഷപ്പെട്ട എംഎല്എയ്ക്കും കൂട്ടാളികള്ക്കുമായി പോലീസ് തിരച്ചില് ആരംഭിച്ചു. സനൂര് മണ്ഡലത്തിലെ എഎപി എംഎല്എയായ ഹര്മീത് പഠാന്മാജ്രയെ ഇന്ന് രാവിലെ കര്ണാലില് വെച്ചാണ് പോലീസ് അറസ്റ്റ് ചെയ്തത്. ഇയാളെ ലോക്കല് പോലീസ് സ്റ്റേഷനിലേക്ക് കൊണ്ടുപോകുന്നതിനിടെ, പഠാന്മാജ്രയും കൂട്ടാളികളും പോലീസ് സംഘത്തിന് നേരെ വെടിയുതിര്ക്കുകയായിരുന്നു. ഒരു പോലീസുകാരന് തടയാന് ശ്രമിച്ചപ്പോള്, ഇവര് വാഹനമിടിച്ച് കൊലപ്പെടുത്തിയ ശേഷം രണ്ട് എസ്യുവികളിലായി രക്ഷപ്പെട്ടു. പിന്നീട്, പോലീസ് ഫോര്ച്യൂണര് വാഹനം തടഞ്ഞു. എന്നാല് എംഎല്എ മറ്റൊരു വാഹനത്തിലായിരുന്നതിനാല് ഇപ്പോഴും ഒളിവിലാണ്. എംഎല്എയെ പിടികൂടാനായി പോലീസ് സംഘങ്ങള് തിരച്ചില് തുടരുകയാണ്. ഹരിയാന സിഖ് ഗുരുദ്വാര മാനേജ്മെന്റ് കമ്മിറ്റിയിലെ തിരഞ്ഞെടുക്കപ്പെട്ട അംഗമായ ഗുര്നാം സിംഗ് ലാഡിയുടെ ദബ്രി ഗ്രാമത്തിലുള്ള വീട്ടില് പഠാന്മാജ്ര അഭയം തേടിയതായി സൂചനയുണ്ടായിരുന്നെന്ന് പോലീസ് പറഞ്ഞു. എന്നാല്, പോലീസ് വീട്ടിലെത്തിയപ്പോഴേക്കും ഇയാള് മതില്…
Read More » -
ഇന്സ്റ്റ പൊളിയല്ലേ! ഏഴ് വര്ഷം മുമ്പ് കാണാതായ ഭര്ത്താവിനെ മറ്റൊരു സ്ത്രീക്കൊപ്പം റീല്സില്; ഭാര്യയുടെ പരാതിയില് അറസ്റ്റ്
ലഖ്നൗ: ഏഴ് വര്ഷത്തോളമായി കാണാതായ ഭര്ത്താവിനെ ഭാര്യ മറ്റൊരു സ്ത്രീയുമൊത്തുള്ള ഇന്സ്റ്റാഗ്രാം റീലില് കണ്ടതിനെ തുടര്ന്ന് അറസ്റ്റ് ചെയ്തു. ഉത്തര്പ്രദേശിലെ ഹര്ദോയിലാണ് സംഭവം. ബബ്ലു എന്നറിയപ്പെടുന്ന ജിതേന്ദ്ര കുമാറിനെ 2018-ലാണ് കാണാതായത്. 2017-ല് ഷീലു എന്ന യുവതിയുമായി ജിതേന്ദ്ര വര്മയുടെ വിവാഹം നടന്നിരുന്നു. വിവാഹംകഴിഞ്ഞ് ഒരു വര്ഷത്തിനുള്ളില് ഇരുവരും തമ്മിലുള്ള ബന്ധം വഷളായി. സ്ത്രീധനവുമായി ബന്ധപ്പെട്ട് ഭര്തൃഗൃഹത്തില് പീഡനമേല്ക്കേണ്ടി വന്നതായി ഷീലു പരാതി നല്കിയിരുന്നു. സ്വര്ണം നല്കാത്തതിന് ഭര്തൃഗൃഹത്തില്നിന്ന് തന്നെ പുറത്താക്കിയതായും യുവതിയുടെ പരാതിയിലുണ്ടായിരുന്നു. ഇതുമായി ബന്ധപ്പെട്ട് അന്വേഷണം പുരോഗമിക്കുന്നതിനിടയിലാണ് ജിതേന്ദ്ര കുമാറിനെ കാണാതായത്. 2018 ഏപ്രില് 20-ന് ജിതേന്ദ്രയുടെ അച്ഛന് മകനെ കാണാനില്ലെന്ന് പരാതി നല്കുകയും ചെയ്തിരുന്നു. തുടര്ന്ന് പോലീസ് വിപുലമായ തിരച്ചില് നടത്തിയെങ്കിലും ഫലമുണ്ടായില്ല. ഇയാളെ കുറിച്ച് കാര്യമായ സൂചനകളൊന്നും ലഭിച്ചിരുന്നില്ല. ജിതേന്ദ്രയുടെ കുടുംബം ഷീലുവിനും ബന്ധുക്കള്ക്കുമെതിരെ ആരോപണങ്ങള് ഉന്നയിച്ചിരുന്നു. ഷീലുവും ബന്ധുക്കളും ജിതേന്ദ്രയെ കൊലപ്പെടുത്തി മൃതദേഹം നശിപ്പിച്ചെന്നടക്കമുള്ള ആരോപണങ്ങളാണ് ഉന്നയിച്ചിരുന്നത്. ഇതുമായി ബന്ധപ്പെട്ട മാനസിക സംഘര്ഷങ്ങളില് കഴിയവെയാണ്…
Read More » -
ലൈംഗിക പരാതി പിന്വലിക്കാന് അഭിഭാഷകയ്ക്കുമേല് സമ്മര്ദ്ദം, ഭീഷണി; ജഡ്ജിക്ക് സസ്പെന്ഷന്, മറ്റൊരു ജഡ്ജിക്കെതിരെ അച്ചടക്ക നടപടി
ന്യൂഡല്ഹി: അഭിഭാഷകയെ ഭീഷണിപ്പെടുത്തിയെന്ന പരാതിയില് രണ്ട് ജില്ലാ ജഡ്ജിമാര്ക്കെതിരെ നടപടി. ഡല്ഹി സാകേത് ജില്ലാ പ്രിന്സിപ്പല് സെഷന്സ് ജഡ്ജ് സഞ്ജീവ് കുമാറിനെ സസ്പെന്ഡ് ചെയ്തു. വനിതാ അഭിഭാഷകയുടെ പരാതിയില് ഡല്ഹി ഹൈക്കോടതി ഫുള് കോര്ട്ട് ചേര്ന്നാണ് തീരുമാനമെടുത്തത്. മറ്റൊരു ജില്ലാ ജഡ്ജിയായ അനില് കുമാറിനെതിരെ അച്ചടക്ക നടപടിയെടുക്കാനും കോടതി നിര്ദ്ദേശം നല്കി. ജഡ്ജി സഞ്ജീവ് കുമാറിനെ ഉടനടി സസ്പെന്ഡ് ചെയ്യാന് നിര്ദേശം നല്കിയ കോടതി, മുന്കൂര് അനുമതിയില്ലാതെ ഡല്ഹി വിട്ടുപോകുന്നത് വിലക്കിയിട്ടുമുണ്ട്. ഡല്ഹി ഹൈക്കോടതിയില് ജൂലൈ മാസത്തിലാണ് 27 കാരിയായ അഭിഭാഷക, ഹൈക്കോടതി ചീഫ് ജസ്റ്റിസിനും രജിസ്ട്രാര്ക്കും പരാതി നല്കിയത്. ഒരു അഭിഭാഷകനെതിരെ ബലാത്സംഗക്കേസ് നല്കിയ യുവതിയായ അഭിഭാഷകയെ ഭീഷണിപ്പെടുത്തുകയും പരാതി പിന്വലിക്കാന് സമ്മര്ദ്ദം ചെലുത്തുകയും ചെയ്തുവെന്ന് ആരോപിച്ചാണ് പരാതി. കേസ് ഒത്തുതീര്പ്പാക്കാന് 30 ലക്ഷം രൂപ വാഗ്ദാനം ചെയ്തു. പരാതി പിന്വലിച്ചില്ലെങ്കില് അഭിഭാഷകയുടെ സഹോദരനെ മയക്കുമരുന്ന് കേസില് കുടുക്കുമെന്ന് ഭീഷണിപ്പെടുത്തിയെന്നും പരാതിയില് പറയുന്നു. കേസുമായി ബന്ധപ്പെട്ട് നിരവധി ഓഡിയോ, ഡിജിറ്റല്…
Read More » -
കോളജ് അധ്യാപികയുടെ മരണം അജ്ഞാത വാഹനം ഇടിച്ചല്ല, സ്കൂട്ടറിനു പിന്നാലെ മറ്റു വാഹനങ്ങളില്ല; അപകടം ഓണാഘോഷത്തിനായി പോകുമ്പോള്
പാലക്കാട്: ഓണാഘോഷത്തിനായി കോളജിലേക്കു പോകുമ്പോള് സ്കൂട്ടര് അപകടത്തില് കോളജ് അധ്യാപിക ഡോ.എന്.എ.ആന്സി (36) മരിച്ചത് അജ്ഞാത വാഹനം ഇടിച്ചല്ലെന്നു പൊലീസ്. സ്കൂട്ടര് നിയന്ത്രണം തെറ്റി ഡിവൈഡറിലും സുരക്ഷാകവചമായി സ്ഥാപിച്ചിട്ടുള്ള ഇരുമ്പു കമ്പികളിലും ഇടിച്ചുകയറി സര്വീസ് റോഡിലേക്കു തെറിച്ചുവീണെന്നുമാണ് പ്രാഥമിക പരിശോധനയില് കണ്ടെത്തിയതെന്നു പൊലീസ് പറഞ്ഞു. സ്കൂട്ടറില് പോവുകയായിരുന്ന ആന്സിയെ അജ്ഞാതവാഹനം ഇടിച്ചുവീഴ്ത്തിയെന്നായിരുന്നു ആദ്യവിവരം. ബന്ധുക്കളുടെ നിര്ദേശപ്രകാരം മറ്റിടങ്ങളിലെ സിസിടിവി ദൃശ്യങ്ങള് പരിശോധിക്കുകയാണെന്നും ഇതു പൂര്ത്തിയാകുമ്പോഴേ അപകടകാരണം സംബന്ധിച്ചു വ്യക്തത വരികയുള്ളുവെന്നും വാളയാര് ഇന്സ്പെക്ടര് എന്.എസ്.രാജീവ് അറിയിച്ചു. കോയമ്പത്തൂരിലെ സ്വകാര്യ കോളജിലെ കൊമേഴ്സ് വിഭാഗം അസിസ്റ്റന്റ് പ്രഫസറായ ആന്സി സഞ്ചരിച്ച സ്കൂട്ടര് ഇന്നലെ രാവിലെ 10.50നു കഞ്ചിക്കോട് റെയില്വേ സ്റ്റേഷന് ജംക്ഷനു സമീപമാണ് അപകടത്തില്പ്പെട്ടത്. സ്കൂട്ടറില് പോവുകയായിരുന്ന ആന്സിയെ വാഹനം ഇടിച്ചുവീഴ്ത്തിയെന്നായിരുന്നു ആദ്യനിഗമനം. സിസിടിവി ദൃശ്യങ്ങള് പരിശോധിച്ചപ്പോള് സ്കൂട്ടറിനു പിന്നാലെ മറ്റു വാഹനങ്ങള് ഉണ്ടായിരുന്നില്ലെന്നു വ്യക്തമായി. സ്കൂട്ടര് നിയന്ത്രണം തെറ്റി ഡിവൈഡറിലും ഇരുമ്പു കമ്പികളിലും ഇടിച്ചുകയറിയെന്നാണ് പൊലീസ് പരിശോധനയില് കണ്ടെത്തിയത്. റോഡിലേക്കു തെറിച്ചുവീണ…
Read More » -
പതിനേഴുകാരനുമായി നാടുവിട്ട വീട്ടമ്മ അറസ്റ്റില്; യാത്ര ഫോണ് ഉപയോഗിക്കാതെ, കുരുക്കായത് വാട്സാപ് സന്ദേശം
ആലപ്പുഴ: പതിനേഴുകാരനൊപ്പം നാടുവിട്ട രണ്ടു കുട്ടികളുടെ അമ്മയായ ഇരുപത്തേഴുകാരി അറസ്റ്റില്. പള്ളിപ്പുറം സ്വദേശിനി സനൂഷയെയാണ് കര്ണാടകയിലെ കൊല്ലൂരില്നിന്ന് ചേര്ത്തല പൊലീസ് പിടികൂടിയത്. പോക്സോ പ്രകാരം യുവതിക്കെതിരേ കേസെടുത്തു. കുട്ടിയുടെ വീട്ടുകാര് നല്കിയ പരാതിയിലാണു നടപടി. 2 ദിവസം മുന്പാണ് സനൂഷ തന്റെ മക്കളുമായി വിദ്യാര്ഥിക്കൊപ്പം നാടുവിട്ടത്. വിദ്യാര്ഥിയെ കാണാനില്ലെന്നു കാട്ടി ബന്ധുക്കള് കുത്തിയതോട് പൊലീസിലും ചേര്ത്തല പൊലീസില് യുവതിയുടെ ബന്ധുക്കളും പരാതി നല്കി. യുവതി ബന്ധുവിന് വാട്സാപ്പ് സന്ദേശം അയച്ചിരുന്നു. ഫോണ് ഉപയോഗിക്കാതെയായിരുന്നു യാത്രയെന്നതിനാല് ഇവരെക്കുറിച്ചുള്ള വിവരങ്ങള് പൊലീസിനു ലഭിച്ചിരുന്നില്ല. തുടര്ന്ന് ചേര്ത്തല പൊലീസ് കൊല്ലൂരിലെത്തി അറസ്റ്റുചെയ്യുകയായിരുന്നു. കുട്ടികള്ക്കൊപ്പം ഇരുവരെയും നാട്ടിലെത്തിച്ച പൊലീസ് വിദ്യാര്ഥിയെ ബന്ധുക്കള്ക്കൊപ്പം വിട്ടു. മക്കളെ യുവതിയുടെ ഭര്ത്താവിനെ ഏല്പ്പിച്ചു. ഒന്നിച്ചു ജീവിക്കാന് ആഗ്രഹിച്ചാണ് ഒളിച്ചോടിയതെന്ന് യുവതി പൊലീസിനോടു പറഞ്ഞു. ചേര്ത്തല ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് (ഒന്ന്) ഹാജരാക്കിയ പ്രതിയെ റിമാന്ഡു ചെയ്ത് കൊട്ടാരക്കര ജയിലിലാക്കി.
Read More » -
കോപ്പിയടി പിടികൂടിയതിന്റെ പക; വ്യാജ പീഡന പരാതിയില് 3 വര്ഷം ജയിലില്; ഒടുവില് കുറ്റവിമുക്തന്
ഇടുക്കി: കോപ്പിയടിച്ചത് പിടികൂടിയതിനു വ്യാജ പീഡന പരാതി ഉന്നയിച്ച് വിദ്യാര്ഥിനികള് കുടുക്കിയ കോളജ് അധ്യാപകന് 11 വര്ഷങ്ങള്ക്കു ശേഷം നീതി. മൂന്നാര് ഗവ. കോളജിലെ എക്കണോമിക്സ് വിഭാഗം മേധാവിയായിരുന്ന പ്രഫ. ആനന്ദ് വിശ്വനാഥനെ തൊടുപുഴ അഡീഷണല് സെഷന്സ് ജഡ്ജിയാണ് കഴിഞ്ഞ ദിവസം കുറ്റവിമുക്തനാക്കിയത്. 2014 ഓഗസ്റ്റ് മുതല് സെപ്റ്റംബര് 5 വരെയുള്ള കാലത്ത് പീഡിപ്പിച്ചതായി ആരോപിച്ച് 5 വിദ്യാര്ഥിനികളാണ് ആനന്ദിനെതിരെ വിദ്യാഭ്യാസ മന്ത്രിക്കും വനിത കമ്മീഷനും പരാതി നല്കിയത്. പിന്നാലെ കേസ് വന്നു. ആനന്ദിനെ ജോലിയില് നിന്നു സസ്പെന്ഡ് ചെയ്തു. 3 വര്ഷം ജയിലിലും കിടക്കേണ്ടി വന്നു. അഡീഷണല് ചീഫ് എക്സാമിനറായിരിക്കെയാണ് കോപ്പിയടിച്ചതിന് വിദ്യാര്ഥിനികളെ പിടികൂടിയത്. ഇതിന്റെ പകയാണ് പരാതിക്കു പിന്നിലെന്നായിരുന്നു ആനന്ദിന്റെ വാദം. തെറ്റ് ചെയ്തിട്ടില്ലെന്ന ഉത്തമ ബോധ്യത്തിലാണ് ആനന്ദ് നീതിക്കായി പോരാടിയത്. ആനന്ദിനെ കുടുക്കാന് അധ്യാപകരുള്പ്പെടെയുള്ള കോളജ് അധികൃതരും വിദ്യാര്ഥികള്ക്കൊപ്പം ചേര്ന്നതായി ആരോപണമുണ്ടായിരുന്നു.
Read More » -
അനാഥമായി കാര്, ക്ഷേത്രത്തിലും അസ്വാഭാവികമായ പെരുമാറ്റം; പൊന്തക്കാട്ടില് മരിച്ചത് വൈല്ഡ് ലൈഫ് ഫൊട്ടോഗ്രഫര്; കോര്പറേറ്റ് ജീവിതത്തോട് വിടപറഞ്ഞ് സ്വപ്നങ്ങളെ പിന്തുടര്ന്ന വസുധ
മംഗളൂരു: കൊല്ലൂര് മൂകാംബയിലെ സൗപര്ണികാ നദിയില് കഴിഞ്ഞ ദിവസം മരിച്ച നിലയില് കണ്ടെത്തിയത് പ്രശസ്ത വൈല്ഡ് ലൈഫ് ഫോട്ടോഗ്രാഫറെ. ബെംഗളൂരു ആസ്ഥാനമായുള്ള വൈല്ഡ് ലൈഫ് ഫോട്ടോഗ്രാഫര് വസുധ ചക്രവര്ത്തിയെയാണ് കഴിഞ്ഞ ദിവസം മരിച്ച നിലയില് കണ്ടെത്തിയത്. 45 വയസായിരുന്നു. ഇക്കഴിഞ്ഞ ഞായറാഴ്ചയായിരുന്നു വസുധയെ സൗപര്ണികാ നദിയില് മരിച്ച നിലയില് കണ്ടെത്തിയത്. ഓഗസ്റ്റ് 27നായിരുന്നു വസുധ ബെംഗളൂരുവില് നിന്ന് കൊല്ലൂര് എത്തിയത്. കാറില് യാത്ര ചെയ്ത് എത്തിയ ഇവര് ഗസ്റ്റ് ഹൗസിന് മുന്നില് വാഹനം പാര്ക്ക് ചെയ്ത ശേഷം ക്ഷേത്രത്തില് പ്രവേശിക്കുകയായിരുന്നു. ക്ഷേത്രത്തിലും അസ്വാഭാവികമായി പെരുമാറിയിരുന്നതിനാല് ഇവരെ എല്ലാവരും ശ്രദ്ധിച്ചിരുന്നു. പിന്നാലെ യുവതി ക്ഷേത്രത്തില് നിന്നും പുറത്തേക്ക് ഓടി പോയി. ഇതിനിടെ വസുധയെ വിളിച്ചിട്ട് കിട്ടാത്തതിനാല് അമ്മ വിമലയും പിറ്റേദിവസം തന്നെ കൊല്ലൂരില് എത്തിയിരുന്നു. തുടര്ന്ന് വസുധയ്ക്കായി തിരച്ചില് നടത്തിയെങ്കിലും മകളെക്കുറിച്ച് വിവരം ലഭിച്ചില്ല. ഇതോടെ പൊലീസില് വിവരമറിയിക്കുകയായിരുന്നു. പൊലീസിന്റെ അന്വേഷണത്തില് യുവതി പുഴയിലേക്ക് ചാടുന്നതായി കണ്ടു എന്ന് ചിലര് മൊഴി നല്കിയിരുന്നു.…
Read More » -
എറണാകുളത്ത് ‘ധൂം’ സിനിമാ സ്റ്റെലില് മോഷണം നടത്തി ബാര് ജീവനക്കാരന് ; സിസിടിവി വരെ കറുപ്പിച്ച് നടത്തി സംഭവത്തില് ചതിച്ചത്് ടീഷര്ട്ട് ; അഞ്ചുലക്ഷം രൂപയുമായി മോഷ്ടാവിനെ പോലീസ് കയ്യോടെ പൊക്കി
കൊച്ചി: നഗരത്തിലെ പ്രശസ്തമായ ബാറില് സിനിമാ സ്റ്റൈലില് നടത്തിയ മോഷണം അതിനേക്കാള് അപസര്പ്പകമായി പോലീസ് പിടികൂടി. എറണാകുളം നഗരമധ്യത്തിലെ സെലിബ്രിറ്റികള് അടക്കം സ്ഥിരം വന്നുപോകുന്ന വെലോസിറ്റി ബാറിലാണ് മോഷണം നടന്നത്. സിസിടിവി ക്യാമറകള് വരെ കറുപ്പിച്ച് നടത്തിയ മോഷണം പക്ഷേ ഒരു ടീ ഷര്ട്ട് വെച്ച് പോലീസ് പൊക്കി. പത്തുലക്ഷം രൂപ മോഷ്ടിക്കപ്പെട്ട സംഭവത്തില് ബാറിലെ മുന് ജീവനക്കാരനായ വൈശാഖിനെ പോലീസ് പിടികൂടി. ആലപ്പുഴയിലെ വീട്ടില് നിന്നും പിടികൂടിയ ഇയാളുടെ പക്കല് നിന്നും അഞ്ച് ലക്ഷം രൂപ കണ്ടെടുക്കുകയും ചെയ്തു. ബോളിവുഡില് വന്ഹിറ്റായ ‘ധൂം’ സിനിമായിരുന്നു മോഷ്ടാക്കള്ക്ക് പ്രചോദനം. ബാറില് എവിടെയെല്ലാമാണ് കാമറയുള്ളത് എന്ന് വൈശാഖിന് അറിയാമായിരുന്നു. ക്യാമറയില് പതിയാതെ മറ്റൊരു വശത്തുകൂടി വൈശാഖ് അകത്തുകയറി. തുടര്ന്ന് ദൃശ്യങ്ങള് പതിയാതെയിരിക്കാന് എല്ലാ സിസിടിവി കാമറകളിലും സ്പ്രേ പെയിന്റടിച്ചു. അതിന് ശേഷം പണവുമായി കടക്കുകയും ചെയ്തു. എന്നാല് മോഷണസമയത്ത് ധരിച്ചിരുന്ന ടീ ഷര്ട്ട് മോഷ്ടാവിനെ ചതിക്കുകയും കൃത്യമായി കാണിച്ചുകൊടുക്കുകയും ചെയ്തു. ഇത് കേന്ദ്രീകരിച്ച്…
Read More » -
നാട്ടിലെത്തിയത് 3 ദിവസം മുന്പ്; വിദ്യാര്ഥി കാമുകന്റെ വീട്ടില് തൂങ്ങിമരിച്ച നിലയില്, യുവാവ് കസ്റ്റഡിയില്
കോഴിക്കോട്: എരഞ്ഞിപ്പാലത്ത് ബി.ഫാം വിദ്യാര്ഥിനിയെ ആണ്സുഹൃത്തിന്റെ വാടകവീട്ടില് തൂങ്ങിമരിച്ച നിലയില് കണ്ടെത്തി. അത്തോളി തോരായി സ്വദേശിനിയായ ആയിഷ റഷ (21) ആണ് മരിച്ചത്. മംഗലാപുരത്ത് പഠിക്കുകയായിരുന്ന ആയിഷ മൂന്നു ദിവസം മുന്പാണ് ആണ്സുഹൃത്ത് ബഷീറുദ്ദീന്റെ വീട്ടിലെത്തിയതെന്നാണ് വിവരം. കോഴിക്കോട്ടെ ജിമ്മില് ട്രെയിനറാണ് ബഷീറുദ്ദീന്. ഇയാള് യുവതിയെ ബ്ലാക്ക് മെയില് ചെയ്തതായും മര്ദിച്ചതായും ബന്ധുക്കള് ആരോപിച്ചു. ആയിഷ കോഴിക്കോട്ടെത്തിയെങ്കിലും അത്തോളിയിലെ വീട്ടിലേക്ക് പോയിരുന്നില്ലെന്നും ബന്ധുക്കള് പറഞ്ഞു. ആയിഷയുടെ മരണം ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. ബഷീറുദീനെ പൊലീസ് കസ്റ്റഡിയിലെടുത്തിട്ടുണ്ട്. ഇയാളെ ഉദ്യോഗസ്ഥര് ചോദ്യം ചെയ്യുകയാണ്. ഇന്നലെ രാത്രിയാണ് ആയിഷ മരിച്ചത്. ബഷീറുദ്ദീന് ആണ് ആയിഷയെ ആശുപത്രിയില് എത്തിച്ചത്. ആദ്യം ഭാര്യയെന്നാണ് ഇയാള് ആശുപത്രി അധികൃതരോട് പറഞ്ഞതെന്നും പിന്നീട് സുഹൃത്തെന്ന് പറഞ്ഞതായും ബന്ധുക്കള് ആരോപിക്കുന്നു. ആശുപത്രിയില്നിന്ന് അധികൃതര് നടക്കാവ് പൊലീസിനെ വിവരം അറിയിക്കുകയായിരുന്നു. പോസ്റ്റ്മോര്ട്ടത്തിന് ശേഷം മാത്രമേ യഥാര്ഥ മരണകാരണം വ്യക്തമാവുകയുള്ളൂ.
Read More » -
‘രതീഷിനെ വീട്ടിലേക്ക് വിളിച്ചുവരുത്തി നഗ്നനാക്കി, ബലംപ്രയോഗിച്ച് യുവതിക്കൊപ്പം നിര്ത്തി ഫോട്ടോ, ഭാര്യയ്ക്ക് അയച്ചു; ഹണിട്രാപ്പില് കുടുക്കി രണ്ടു ലക്ഷം ആവശ്യപ്പെട്ടു’
മലപ്പുറം: നിലമ്പൂരില് യുവാവ് ജീവനൊടുക്കിയതിന് പിന്നില് അയല്വാസിയായ യുവതി ഉള്പ്പടെ നാലംഗ സംഘം ആണെന്ന ആരോപണവുമായി കുടുംബം രംഗത്ത്. നിലമ്പൂര് പളളിക്കുളം സ്വദേശി രതീഷിനെ വീട്ടിലേക്ക് വിളിച്ചുവരുത്തി ഹണിട്രാപ്പില് പെടുത്തിയെന്നും ആ മനോവിഷമത്തിലാണ് മകന് ജീവനൊടുക്കിയതെന്നും അമ്മ തങ്കമണിയും സഹോദരന് രാജേഷും ആരോപിച്ചു. ജൂണ് പതിനൊന്നിനാണ് സംഭവം. രതീഷിനെ വീട്ടില് തൂങ്ങി മരിച്ച നിലയില് കണ്ടെത്തുകയായിരുന്നു. കടം വാങ്ങിയ പണം തിരിച്ചു കൊടുക്കാനെന്ന വ്യാജേന അയല്വാസിയായ യുവതി തന്ത്രപൂര്വം രതീഷിനെ വീട്ടിനുള്ളിലേക്ക് എത്തിക്കുകയായിരുന്നുവെന്നും കുടുംബം ആരോപിക്കുന്നു. വീട്ടില് വച്ച് ബലം പ്രയോഗിച്ച് രതീഷിനെ യുവതിയും കൂട്ടാളികളും ചേര്ന്ന് നഗ്നനാക്കി. വിവസ്ത്രനായി നില്ക്കുന്ന രതീഷിനൊപ്പം യുവതി കൂടെ നിന്ന് ഫോട്ടോ എടുത്തു. രണ്ടു ലക്ഷം രൂപയാണ് ഫോട്ടോ പുറത്തു വിടാതിരിക്കാനായി സംഘം ആവശ്യപ്പെട്ടതെന്നും കുടുംബം ആരോപിച്ചു. പണം കിട്ടില്ലെന്ന് ബോധ്യമായതോടെ ആ ഫോട്ടോ രതീഷിന്റെ സ്കൂള് ഗ്രൂപ്പിലേക്കും ഭാര്യയ്ക്കും കൂട്ടുകാര്ക്കും അയച്ചുനല്കി. ഇതോടെ നാണക്കേട് താങ്ങാനാവാതെയാണ് മകന് ജീവനൊടുക്കിയതെന്നും രതീഷിന്റെ അമ്മ പറയുന്നു.…
Read More »