Crime
-
പെരിന്തല്മണ്ണയില് യുവാവിനെ കുത്തിക്കൊന്നു; അയല്വാസി പിടിയില്
മലപ്പുറം: പെരിന്തല്മണ്ണ ആലിപ്പറമ്പില് യുവാവ് കുത്തേറ്റ് മരിച്ചു. ആലിപ്പറമ്പ് പുത്തന്വീട്ടില് സുരേഷ് ബാബുവാണ് മരിച്ചത്. ബന്ധുവും അയല്വാസിയുമായ സത്യനാരായണനെ പൊലീസ് കസ്റ്റഡിയിലെടുത്തു. ഇന്നലെ രാത്രി 11 മണിയോടെയാണ് സംഭവം. മുന് വൈരാഗ്യമാണ് കൊലപാതകത്തിന് കാരണമെന്നാണ് പൊലീസിന്റെ പ്രാഥമിക നിഗമനം. നേരത്തേയും ഇവര് തമ്മില് തര്ക്കങ്ങള് നിലനിന്നിരുന്നതായി പൊലീസ് പറഞ്ഞു.
Read More » -
ട്രംപിനെ വധിക്കാന് പണം വേണം; അമ്മയെയും രണ്ടാനച്ഛനെയും കൊലപ്പെടുത്തി പതിനേഴുകാരന്
വാഷിങ്ടണ്: അമേരിക്കന് പ്രസിഡന്റ് ഡൊണാള്ഡ് ട്രംപിനെ വധിക്കാനും സര്ക്കാരിനെ അട്ടിമറിക്കാനും പണം കണ്ടെത്തുന്നതിനായി അമ്മയെയും രണ്ടാനച്ഛനെയും കൊലപ്പെടുത്തിയ പതിനേഴുകാരനെ പോലീസ് അറസ്റ്റ് ചെയ്തു. നികിത കാസപ്പ് ആണ് പിടിയിലായത്. ടാറ്റിയാന കാസപ്പ്(35), ഡൊണാള്ഡ് മേയര്(51) എന്നിവരാണ് കൊല്ലപ്പെട്ടത്. വിസ്കോണ്സിനില് കഴിഞ്ഞ ഫെബ്രുവരിയിലായിരുന്നു സംഭവം. പ്രതി മാതാപിതാക്കളെ വെടിവെച്ചുകൊലപ്പെടുത്തിയതിന് ശേഷം ആഴ്ചകളോളം അവിടെ താമസിക്കുകയും പിന്നീട് 14,000 ഡോളര് പണവും പാസ്പോര്ട്ടും നായയുമായി രക്ഷപ്പെടുകയായിരുന്നുവെന്നും പോലീസ് വൃത്തങ്ങളെ ഉദ്ധരിച്ച് അന്തര്ദേശീയ മാധ്യമങ്ങള് റിപ്പോര്ട്ട് ചെയ്യുന്നു. മൃതദേഹങ്ങള് അഴുകിയ നിലയിലായിരുന്നു കണ്ടെത്തിയത്. രണ്ടാഴ്ചയോളം ഇരുവരെയും പുറത്തേക്കോ ജോലിക്കോ കാണാതിരുന്നതിനെ തുടര്ന്ന് അടുപ്പക്കാര് നല്കിയ പരാതിയില് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്. തുടര്ന്ന് നടത്തിയ അന്വേഷണത്തില് കഴിഞ്ഞ മാസം കാന്സാസില് വെച്ചാണ് പ്രതി പിടിയിലായത്. ആസൂത്രിത കൊലപാതകമാണ് നടന്നതെന്നും പ്രതി ഡ്രോണും സ്ഫോടകവസ്തുക്കളും വാങ്ങിയതായും ആരോപണമുണ്ട്. കാസപ്പിന് ഒരു റഷ്യക്കാരനുമായി അടുത്തബന്ധമുണ്ടെന്നും ഇയാളുമായി തന്റെ പദ്ധതികള് പങ്കുവെച്ചതായും അധികൃതര് പറയുന്നു. കോടതിയില് ഫയല് ചെയ്ത വാറണ്ടില്…
Read More » -
ബംഗളൂരുവില് നടുറോഡില് യുവതികളെ പീഡിപ്പിച്ചു; യുവാവിനെ കോഴിക്കോട്ടുനിന്നു പിടികൂടി
ബംഗളൂരു: ലൈംഗികാതിക്രമക്കേസിലെ പ്രതിയെ കേരളത്തിലെത്തി അറസ്റ്റ് ചെയ്ത് ബംഗളൂരു പൊലീസ്. ബംഗളൂരുവിലെ കാര് ഷോറൂമില് ഡ്രൈവറായ സന്തോഷിനെ (26) ആണ് പൊലീസ് അറസ്റ്റ് ചെയ്തത്. ബംഗളൂരുവിലെ ബിടിഎം ലേഔട്ടിന് സമീപം രണ്ടു യുവതികളെ ലൈംഗികമായി പീഡിപ്പിച്ച കേസിലെ പ്രതിയാണ് സന്തോഷ്. യുവതികളെ ഒരാള് പിന്തുടരുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചിരുന്നു. ദൃശ്യങ്ങളില് വ്യക്തതയില്ലാത്തതിനാല് കേസന്വേഷണത്തില് വലിയ പ്രതിസന്ധി നേരിട്ടിരുന്നു. തുടര്ന്ന് അന്വേഷണസംഘത്തിന്റെ നേതൃത്വത്തില് 700 സിസിടിവി ദൃശ്യങ്ങളാണ് പൊലീസ് പരിശോധിച്ചത്. മൂന്നു സംസ്ഥാനങ്ങളിലായി നടത്തിയ അന്വേഷണത്തിനൊടുവിലാണ് പൊലീസ് സന്തോഷിലേക്ക് എത്തിയത്. യുവതികളെ ആക്രമിച്ച ശേഷം പ്രതി സംഭവസ്ഥലത്തുനിന്നു മുങ്ങിയിരുന്നു. ബംഗളൂരുവില്നിന്ന് തമിഴ്നാട്ടിലെ ഹൊസൂരിലേക്കാണ് പ്രതി സന്തോഷ് ആദ്യം കടന്നത്. തുടര്ന്ന് സേലത്തേക്കും പിന്നീട് കോഴിക്കോട്ടേക്കും രക്ഷപ്പെടുകയായിരുന്നു. മൂന്ന് സംസ്ഥാനങ്ങളിലായി ഒരാഴ്ചയോളം നീണ്ടുനിന്ന അന്വേഷണമാണ് ബംഗളൂരു പൊലീസ് സന്തോഷിനായി നടത്തിയത്.
Read More » -
കൊച്ചിയിൽ പിതാവിനെയും രണ്ടാം ഭാര്യയെയും വീട്ടിൽ നിന്നും അടിച്ചിറക്കി മകളും മരുമകനും, പരാതിയുമായി പ്രവാസി
കൊച്ചി: മകളും മരുമകനും ചേർന്ന് പിതാവിനേയും രണ്ടാം ഭാര്യയേയും തല്ലി പുറത്താക്കി. ആലുവ മാറമ്പള്ളി സ്വദേശി അബുബക്കറും ഭാര്യയുമാണ് പരാതിയുമായി പൊലീസിനെ സമീപിച്ചത്. മാറമ്പള്ളി മഞ്ഞയിൽ വീട്ടിൽ അബുബക്കറും ഭാര്യ സൗജത്തുമാണ് തടിയിറ്റപറമ്പ് പൊലീസിൽ പരാതി നൽകിയത്. 18 വർഷത്തോളമായി വിദേശത്തായിരുന്ന അബൂബക്കർ ഭാര്യ മരിച്ചതിന് ശേഷം കഴിഞ്ഞ വർഷം ഫെബ്രുവരിയിൽ രണ്ടാമത് വിവാഹിതനായി. എന്നാൽ ഇതിൽ താൽപര്യമില്ലാതിരുന്ന മകളും മരുമകനും വീട്ടിലെത്തി ഭീഷണിപ്പെടുത്തിയെന്നും തല്ലി പുറത്താക്കിയെന്നുമാണ് പരാതി. വിദേശത്തെ ജോലി കൊണ്ട് താൻ സമ്പാദിച്ച വീട്ടിൽ നിന്നാണ് മകളും മരുമകനും ഇറക്കിവിട്ടതെന്നാണ് ഇരുവരും പറയുന്നത്. അബൂബക്കറും ഭാര്യയും നിലവിൽ ആശുപത്രിയിലാണ്. ഇരുവരുടെയും പരാതി കിട്ടിയതായി തടിയിറ്റപറമ്പ് പൊലീസ് അറിയിച്ചു. പരാതിയുടെ അടിസ്ഥാനത്തിൽ മകളോടും മരുമകനോടും പൊലീസ് സ്റ്റേഷനിൽ ഹാജരാകാൻ ആവശ്യപ്പെട്ടിട്ടുണ്ട്.
Read More » -
പ്രായപൂർത്തിയാകാത്ത മകളെ മദ്യം വാങ്ങാൻ ബെവ്കോ ഔട്ട്ലെറ്റിൽ ക്യൂ നിർത്തി, പിതാവിനോട് പോലീസ് സ്റ്റേഷനിൽ ഹാജരാകാൻ നിർദ്ദേശം
പാലക്കാട്: മദ്യം വാങ്ങാൻ ബെവ്കോ ഔട്ട്ലെറ്റിൽ പ്രായപൂർത്തിയാകാത്ത പെൺകുട്ടിയെ മദ്യം വാങ്ങാൻ ക്യൂ നിർത്തിയ സംഭവത്തിൽ പിതാവിനോട് സ്റ്റേഷനിൽ ഹാജരാകാൻ നിർദേശം. പാലക്കാട് പട്ടാമ്പിയിലെ ബെവ്കോ ഔട്ട്ലെറ്റിലായിരുന്നു സംഭവം. സംഭവത്തിൽ തൃത്താല പെോലീസാണ് പിതാവിനെ സ്റ്റേഷനിലേക്ക് വിളിപ്പിച്ചത്. കുട്ടിയുടെ പിതാവാണ് ക്യൂ നിർത്തിയതെന്നും ഇന്ന് ഇയാളോട് സ്റ്റേഷനിൽ ഹാജരാകാൻ അറിയിച്ചിട്ടുണ്ടെന്നും പോലീസ് വ്യക്തമാക്കി. ഞായറാഴ്ച രാത്രി എട്ടുമണിയോടെയാണ് കുട്ടിയെ ക്യൂ നിർത്തിയത്. ഇതിന്റെ ദൃശ്യങ്ങൾ പുറത്തുവന്നതിന് പിന്നാലെ പോലീസ് അന്വേഷണം ആരംഭിച്ചിരുന്നു. പട്ടാമ്പി കരിമ്പനക്കടവിലെ ബെവ്കോ ഔട്ട്ലെറ്റിൽ നിന്നുള്ള ദൃശ്യങ്ങളാണ് പുറത്തുവന്നത്. ക്യൂവിലുണ്ടായിരുന്നവർ ചോദ്യം ചെയ്തിട്ടും പെൺകുട്ടിയെ മാറ്റാൻ തയ്യാറായില്ലെന്നാണ് വിവരം. പത്തുവയസ് തോന്നിക്കുന്ന കുട്ടിയെയാണ് ക്യൂവിൽ നിറുത്തിയത്.
Read More » -
കോട്ടയത്ത് സോഫ്റ്റ്വെയർ എൻജിനീയറെ ഹണി ട്രാപ്പിൽ കുടുക്കി 60 ലക്ഷവും 61 പവനും കവർന്നു, ദമ്പതികൾക്കെതിരെ കേസ്
കോട്ടയം: കോട്ടയം ഗാന്ധിനഗറിൽ യുവാവിനെ ഹണിട്രാപ്പിൽ കുടുക്കി 60 ലക്ഷവും 61 പവനും തട്ടിയ സംഭവത്തിൽ ദമ്പതികൾക്കെതിരെ കേസ്. ലൈംഗികബന്ധവും മദ്യവും കൈക്കൂലിയായി ആവശ്യപ്പെട്ടതായി ആരോപിച്ച് കോട്ടയം ഗാന്ധിനഗർ പൊലീസ് സ്റ്റേഷനിലെ പിആർഒയെ വിജിലൻസ് കേസിൽ കുടുക്കിയ യുവതിയും ഭർത്താവുമാണ് ഇപ്പോൾ ഹണി ട്രാപ്പ് കേസിൽ കുടുങ്ങിയത്. ആലപ്പുഴ സ്വദേശിയും എൻജിനീയറുമായ യുവാവിനെ ഹണി ട്രാപ്പിൽ കുടുക്കി 60 ലക്ഷവും 61 പവൻ സ്വർണവും തട്ടിയെടുത്തു എന്ന പരാതിയിൽ അതിരമ്പുഴ അമ്മഞ്ചേരി സ്വദേശി ധന്യ, ഭർത്താവ് അർജുൻ, സുഹൃത്ത് തിരുവഞ്ചൂർ സ്വദേശി അലൻ തോമസ് എന്നിവർക്കെതിരേ കോട്ടയം ഗാന്ധിനഗർ പൊലീസ് കേസെടുത്ത് അന്വേഷണം ആരംഭിച്ചു. അമെരിക്ക ആസ്ഥാനമായ കമ്പനിയിൽ സോഫ്റ്റ്വെയർ എൻജിനീയറാണ് പരാതിക്കാരൻ. 2021 കാലത്ത് പരാതിക്കാരനും കുടുംബവും അമ്മഞ്ചേരിയിലാണ് വാടകയ്ക്ക് താമസിച്ചിരുന്നത്. ഇയാളുടെ ഭാര്യ എംജി യൂണിവേഴ്സിറ്റിയിൽ പഠിച്ചിരുന്ന സമയം. ഈ സമയത്ത് അയൽവാസിയായിരുന്ന ധന്യ പരാതിക്കാരനോട് അടുപ്പം സ്ഥാപിക്കുകയും അടുത്ത് ഇടപഴകിയ ശേഷം പരാതിക്കാരന്റെ സ്വകാര്യ ചിത്രങ്ങൾ പകർത്തുകയും…
Read More » -
അഞ്ചുവയസ്സുകാരിയെ തട്ടിക്കൊണ്ടുപോയി കൊന്നു; പ്രതിയെ ഏറ്റുമുട്ടലില് വധിച്ചു
ബംഗളൂരു: കര്ണാടകയിലെ ഹുബ്ബള്ളിയില് അഞ്ചുവയസുകാരിയെ തട്ടിക്കൊണ്ടുപോയി കൊലപ്പെടുത്തിയ കേസിലെ പ്രതിയെ ഏറ്റുമുട്ടലില് വധിച്ചതായി പോലീസ്. ഞായറാഴ്ച അശോക് നഗര് പോലീസ് സ്റ്റേഷന് പരിധിയിലായിരുന്നു സംഭവം. ബിഹാര് സ്വദേശിയായ നിതേഷ് കുമാര് (35) ആണ് കൊല്ലപ്പെട്ടത്. ഞായറാഴ്ച വൈകുന്നേരത്തോടെയാണ് കുട്ടിയെ മരിച്ചനിലയില് കണ്ടെത്തിയത്. പ്രദേശത്ത് കടുത്ത പ്രതിഷേധം അരങ്ങേറുന്നതിനിടെയാണ് പ്രതിയെ ഏറ്റുമുട്ടലില് വധിച്ചത്. പോലീസ് പിടിയിലായതിന് പിന്നാലെ ഇയാള് പോലീസുകാരെ ആക്രമിക്കുകയായിരുന്നെന്നും ആക്രമണത്തില് ഒരു പോലീസുകാരന് പരിക്കേറ്റതായും പോലീസ് അറിയിച്ചു. മുന്നറിയിപ്പ് നല്കിയെങ്കിലും ഇയാള് പോലീസിനെ അക്രമിച്ച് രക്ഷപ്പെടാന് ശ്രമിക്കുകയായിരുന്നു. രക്ഷപ്പെട്ട് ഓടാന് ശ്രമിക്കുന്നതിനിടെ വെടിയുതിര്ക്കുകയായിരുന്നുവെന്ന് പോലീസ് ഉദ്യോഗസ്ഥര് പറയുന്നു. ബിഹാറിലെ പട്നയില് നിന്നുള്ളയാളാണ് പ്രതി. പ്രതിയുടെ താമസസ്ഥലത്ത് തിരിച്ചറിലിനായി കൊണ്ടുപോകുന്നതിനിടെയാണ് ഇയാള് പോലീസുകാരെ ആക്രമിച്ചതെന്ന് ഹുബ്ബള്ളി പോലീസ് മേധാവി ശശി കുമാര് മാധ്യമങ്ങളോട് പറഞ്ഞു. കൊപ്പല് ജില്ലയില്നിന്നുള്ളവരാണ് കൊല്ലപ്പെട്ട കുട്ടിയുടെ കുടുംബം. കുട്ടിയുടെ അമ്മ വീട്ടു ജോലി ചെയ്തുവരികയായിരുന്നു. ജോലിക്കു പോകുമ്പോള് മകളേയും അമ്മ കൂടെക്കൊണ്ടുപോയിരുന്നു. ഞായറാഴ്ച ജോലിസ്ഥലത്ത് നിന്നാണ് കുട്ടിയെ…
Read More » -
പാലിയേക്കര ടോള് പ്ലാസയില് കാര് ട്രാക്കില് കുറുകെയിട്ട് ജീവനക്കാര്ക്ക് നേരെ അസഭ്യ വര്ഷം, കൈയേറ്റം; യാത്രക്കാരുടെ പേരില് കേസ്
തൃശൂര്: പാലിയേക്കര ടോള് പ്ലാസയില് കാര് നിര്ത്തിയിട്ട് സംഘര്ഷമുണ്ടാക്കിയ യാത്രക്കാരുടെ പേരില് കേസെടുത്തു. ടോള് പ്ലാസയിലെത്തിയ കാര്, ടോള് ബൂത്ത് കടന്നതിനു ശേഷം ട്രാക്കില് നിര്ത്തിയിട്ട് ജീവനക്കാരെ അസഭ്യം പറയുകയും കൈയേറ്റം ചെയ്യാന് ശ്രമിക്കുകയുമായിരുന്നു. ഇന്ന് പുലര്ച്ചെ 1.30 യോടെയായിരുന്നു സംഭവം. കാര് യാത്രക്കാര് മദ്യ ലഹരിയിലായിരുന്നു എന്ന് പൊലീസ് പറയുന്നു. ട്രാക്കുകളില് കാര് മാറ്റിമാറ്റിയിട്ട് ഇവര് പ്രശ്നമുണ്ടാക്കുന്നതിന്റെ വിഡിയോ ദൃശ്യങ്ങള് പുറത്തുവന്നു. ചോദ്യം ചെയ്യാന് ശ്രമിച്ച ജീവനക്കാരെ കാറിന്റെ ജാക്കി ലിവര് ഉപയോഗിച്ച് ആക്രമിക്കാനും ശ്രമിച്ചു. അതിനിടെ ടോള് അധികൃതര് അറിയിച്ചതിനെ തുടര്ന്ന് പൊലീസ് സ്ഥലത്തെത്തിയതോടെ ഇവര് കാറുമായി കടന്നു. സംഭവത്തിന്റെ സിസിടിവി ദൃശ്യങ്ങള് സഹിതം ടോള്പ്ലാസ അധികൃതര് പുതുക്കാട് പൊലീസില് പരാതി നല്കി.
Read More » -
വയനാട്ടില് ഭാര്യയെ ശ്വാസം മുട്ടിച്ച് കൊലപ്പെടുത്തി; ഭര്ത്താവ് ആത്മഹത്യക്ക് ശ്രമിച്ചു
കല്പ്പറ്റ: പനമരം കേണിച്ചിറ കേളമംഗലത്ത് ഭര്ത്താവ് ഭാര്യയെ ശ്വാസം മുട്ടിച്ചു കൊലപ്പെടുത്തി. കേണിച്ചിറ കേളമംഗലം മാഞ്ചിറ ലിഷ (35) ആണ് കൊല്ലപ്പെട്ടത്. ഭാര്യയെ കൊലപ്പെടുത്തിയശേഷം ഭര്ത്താവ് ജില്സന് (42) ആത്മഹത്യക്കു ശ്രമിച്ചു. പരുക്കേറ്റ ഇയാളെ കോഴിക്കോട് മെഡിക്കല് കോളജിലേക്ക് മാറ്റിയിട്ടുണ്ട്. ഇന്നു പുലര്ച്ചെയാണ് സംഭവം. രണ്ട് മക്കളെയും മുറിയില് അടച്ചിട്ട ശേഷമാണ് ജില്സന് ലിഷയെ കൊലപ്പെടുത്തിയത്. പിന്നാലെ ആത്മഹത്യ ചെയ്യാനായി കൈഞരമ്പ് മുറിക്കുകയായിരുന്നു. ഫോണിന്റെ ചാര്ജിങ് കേബിള് കൊണ്ടാണ് ഭാര്യയെ കൊലപ്പെടുത്തിയത്. പിന്നാലെ തൂങ്ങിമരിക്കാനായി മരത്തില് കുരുക്കിട്ട് കയറിയെങ്കിലും താഴെവീണു. പിന്നാലെ വിഷം കുടിച്ചു. കൈ ഞരമ്പ് ബ്ലേഡ് കൊണ്ട് മുറിച്ചു. ഇതിനുശേഷം മരത്തടി മുറിക്കുന്ന യന്ത്രം ഉപയോഗിച്ച് കൈമുറിച്ചു. കടബാധ്യതയാണ് കാരണമെന്നാണ് വിവരം. ആത്മഹത്യാശ്രമത്തിനു മുന്പ് അര്ധരാത്രിയോടെ ഇയാള് സുഹൃത്തുക്കള്ക്കു സന്ദേശം അയച്ചിരുന്നു. പുലര്ച്ചെ ഇതു കണ്ട സുഹൃത്ത് സമീപവാസികളെ വിവരം അറിയിച്ചു. ഇവരെത്തിയപ്പോഴാണ് സംഭവം പുറത്തറിയുന്നത്.
Read More » -
കോഴിക്കോട് ഒബ്സര്വേഷന് ഹോമില് 17കാരന് മരിച്ചനിലയില്
കോഴിക്കോട്: വെള്ളിമാടുകുന്ന് ജുവനൈല് ജസ്റ്റിസ് ബോര്ഡിന്റെ നിരീക്ഷണത്തിലിരുന്ന 17കാരന് മരിച്ച നിലയില്. ഒബ്സര്വേഷന് റൂമില് താമസിപ്പിച്ചിരുന്ന കണ്ണൂര് സ്വദേശിയായ പതിനേഴുകാരനെയാണ് മരിച്ചനിലയില് കണ്ടെത്തിയത്. റൂമില് പതിനേഴുകാരന് ഒറ്റയ്ക്കായിരുന്നെന്നാണ് അധികൃതര് പറയുന്നത്. ഇന്നലെ വൈകീട്ടോടെയാണ് മുറിക്കകത്ത് തൂങ്ങിമരിച്ച നിലയില് കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനം. പതിനേഴുകാരന് മൂന്ന് കേസുകളില് പ്രതിയാണ്. മൃതദേഹം കോഴിക്കോട് മെഡിക്കല് കോളജ് മോര്ച്ചറിയിലേക്ക് മാറ്റി. പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കുമെന്ന് വെള്ളിമാടുകുന്ന് പൊലീസ് അറിയിച്ചു.
Read More »