Movie
-
പൃഥ്വിരാജിന്റെ ഒപ്പം ഇനിയൊരു റൊമാന്റിക് മൂവി ഉണ്ടാകുമോ? തഗ്ഗ് മറുപടിയുമായി മീര ജാസ്മിന്
ദിലീപിനെ നായകനാക്കി ലോഹിതദാസ് സംവിധാനം ചെയ്ത സൂത്രധാരന് എന്ന മലയാള സിനിമയിലൂടെ അരങ്ങേറ്റം കുറിച്ച നടിയാണ് മീര ജാസ്മിന്. തമിഴിലും തെലുങ്കിലും കന്നടയിലും എല്ലാം ആരാധകരെ നേടിയെടുത്ത മീര അഭിയിച്ച സിനിമകള് എല്ലാം ശ്രദ്ധ നേടി. അഭിനയത്തിന്റെ കാര്യത്തില് തന്നെ വെല്ലാന് ആരുമില്ല എന്ന് തെളിയിക്കുന്നതായിരുന്നു മീരയുടെ പ്രകടനങ്ങള്. അതിന്റെ തെളിവാണ് നടിയ്ക്ക് കിട്ടിയ ദേശീയ – സംസ്ഥാന പുരസ്കാരങ്ങള്. നീണ്ട ഇടവേള അവസാനിപ്പിച്ചുകൊണ്ട് അഭിനയത്തിലേക്ക് തിരികെ എത്തിയിരിക്കുകയാണ് ഇപ്പോള് താരം. നരേന് നായകനായി എത്തുന്ന ക്വീന് എലിസബത്താണ് മീരയുടേതായി ഏറ്റവും പുതുതായി ഇറങ്ങാന് പോകുന്ന മലയാളചിത്രം. പ്രേക്ഷകര് ഇഷ്ടപ്പെടുന്ന കോംബോ ആയി നരേനും മീരയും എത്തുന്നു, പൃഥ്വിരാജിന്റെ ഒപ്പം ഇനിയൊരു റൊമാന്റിക് മൂവി ഉണ്ടാകുമോ എന്ന അവതാരകയുടെ ചോദ്യത്തിന് മറുപടി നല്കുകയാണ് ഇപ്പോള് മീര. ”നല്ലതായിരിക്കും വന്നാല്. ഇതേ ചോദ്യം പൃഥ്വിയോട് നിങ്ങള് ചോദിക്കൂ” -എന്നായിരുന്നു മീരയുടെ മറുപടി. 2022 ല് സത്യന് അന്തിക്കാട് സംവിധാനം ചെയ്ത മകള് എന്ന…
Read More » -
ബോക്സ് ഓഫീസില് നേരിന്റെ തേരോട്ടം തുടരുന്നു; മോഹന്ലാല് ചിത്രം കേരളത്തില്നിന്ന് ഒരാഴ്ച കൊണ്ട് നേടിയത്
ദൃശ്യം എന്ന ഒറ്റ ചിത്രത്തിലൂടെ ഭാഷാതീതമായി സ്വീകാര്യത നേടിയ കോമ്പിനേഷൻ ആണ് ജീത്തു ജോസഫ്- മോഹൻലാൽ. ആ വലിയ വിജയം പുതിയ ചിത്രങ്ങളുമായി എത്തുമ്പോൾ അവരെ സംബന്ധിച്ച് ഒരു പ്രതിസന്ധിയുമാണ്. പ്രേക്ഷകർ ദൃശ്യവുമായി നടത്താനിടയുള്ള താരതമ്യമാണ് അത്. അതേതായാലും അവരുടെ പുതിയ ചിത്രം നേര് തിയറ്ററുകളിൽ ആളെ കൂട്ടുകയാണ്. ക്രിസ്മസ് റിലീസ് ആയി ഡിസംബർ 21 ന് റിലീസ് ചെയ്യപ്പെട്ട ചിത്രം പ്രവർത്തിദിനങ്ങളിലും മികച്ച കളക്ഷനാണ് നേടുന്നത്. റിലീസ് ദിനമായ വ്യാഴാഴ്ച കേരളത്തിൽ നിന്ന് 3.04 കോടി നേടിയിരുന്ന ചിത്രത്തിൻറെ ഏറ്റവും മികച്ച കളക്ഷൻ ക്രിസ്മസ് ദിനത്തിൽ ആയിരുന്നു. 4.05 കോടിയാണ് ചിത്രം അന്ന് കേരളത്തിൽ നിന്ന് നേടിയത്. ഇപ്പോഴിതാ ഏഴാം ദിനമായ ബുധനാഴ്ചത്തെ കളക്ഷനും പുറത്തെത്തിയിരിക്കുകയാണ്. പ്രമുഖ ട്രാക്കർമാരുടെ കണക്കനുസരിച്ച് ചിത്രം ഇന്നലെ ഇവിടെനിന്ന് നേടിയിരിക്കുന്നത് 2.90 കോടിയാണ്. ഇതോടെ ചിത്രത്തിൻറെ ഒരാഴ്ചത്തെ കേരള ഗ്രോസും കണക്കാക്കാനാവും. 22.37 കോടിയാണ് കേരളത്തിൽ നിന്ന് ഏഴ് ദിവസം കൊണ്ട് നേര് സ്വന്തമാക്കിയിരിക്കുന്നത്.…
Read More » -
നടൻ ബാല കുമ്പസാരിക്കുന്നു: ‘അവൾ തങ്കമാണ്, ശുദ്ധമായ ക്യാരക്ടറാണ്. പക്ഷേ ഇപ്പോള് കൂടെയില്ല, എല്ലാം എന്റെ വിധി:’ അമൃത സുരേഷിനു പിന്നാലെ എലിസബത്തും ബാലയെ ഉപേക്ഷിച്ചോ …?
‘കളഭം‘ എന്ന ചിത്രത്തിലൂടെ 2006ലാണ് നടന് ബാല മലയാള സിനിമയില് അരങ്ങേറിയത്. പിന്നീട് നിരവധി മലയാള ചിത്രങ്ങളില് നായകനായും സഹ നടനായുമൊക്കെ താരം വേഷമിട്ടിട്ടുണ്ട്. ഉണ്ണി മുകുന്ദന് നായകനായെത്തിയ ചിത്രം ‘ഷെഫീഖിന്റ സന്തോഷ’മാണ് ബാല വേഷമിട്ടതില് ഒടുവില് പ്രദര്ശത്തിന് എത്തിയത്. ‘ഷെഫീഖിന്റെ സന്തോഷം’ ഹിറ്റാകുകയും ചിത്രത്തിലെ ബാലയുടെ കഥാപാത്രം പ്രേക്ഷകരുടെ ശ്രദ്ധയാകര്ഷിക്കുകയും ചെയ്തു. ഗായിക അമൃത സുരേഷുമായുള്ള വിവാഹം ബന്ധം പിരിഞ്ഞതിന് ശേഷം നടന് ബാല വാര്ത്തകളില് നിരന്തരം ചര്ച്ചയാകാറുണ്ട്. നടന് ബാല അമൃത സുരേഷുമായുള്ള തന്റെ വിവാഹ മോചനത്തിലേക്ക് നയിച്ച സംഭവങ്ങൾ ഈയിടെ വെളിപ്പെടുത്തിയത് വലിയ ചര്ച്ചയായിരുന്നു. പിന്നീട് വര്ഷങ്ങളോളം ബാല സിംഗിള് ലൈഫ് നയിക്കുകയായിരുന്നു. അതിനുശേഷം രണ്ട് വര്ഷം മുന്പാണ് ഡോക്ടര് എലിസബത്തിനെ ബാല ജീവിത പങ്കാളിയായി സ്വീകരിച്ചത്. ഇപ്പോഴിതാ, ഭാര്യ എലിസബത്തിനെ ബാലയ്ക്കൊപ്പം ഒരു വീഡിയോയിലും അടുത്തിടെ കാണാത്തതില് ആരാധകര് സംശയങ്ങൾ ഉന്നയിച്ചിരുന്നു. അതില് മൗനം വെടിഞ്ഞ്, മറുപടിയുമായി എത്തിയിരിക്കുകയാണ് ബാല. ഗായിക അമൃതാ…
Read More » -
‘കിംഗ് ഓഫ് കൊത്ത’യെ മലര്ത്തിയടിച്ച് മോഹന്ലാലിന്റെ നേര്, അതും വെറും ആറ് ദിവസംകൊണ്ട്! നേരിന് ഇനി മറികടക്കാനുള്ളത് 4 സിനിമകളെ
ഒരു മോഹൻലാൽ ചിത്രത്തിന് പോസിറ്റീവ് അഭിപ്രായം വന്നാൽ ബോക്സ് ഓഫീസിൽ അതുണ്ടാക്കാറുള്ള കളക്ഷനെക്കുറിച്ച് തിയറ്റർ വ്യവസായത്തിന് ബോധ്യമുള്ളതാണ്. ഒരിടവേളയ്ക്ക് ശേഷം തിയറ്ററുകളിൽ ഒരു മോഹൻലാൽ ചിത്രം പ്രേക്ഷകസ്വീകാര്യത നേടിയത് ജീത്തു ജോസഫ് ചിത്രം നേരിലൂടെയാണ്. ക്രിസ്മസ് റിലീസ് ആയി ഡിസംബര് 21, വ്യാഴാഴ്ച തിയറ്ററുകളിലെത്തിയ ചിത്രം പ്രതീക്ഷിച്ചതുപോലെ കളക്ഷനിൽ അത്ഭുതം കാട്ടുകയാണ്. വെറും 6 ദിനങ്ങൾ കൊണ്ടുതന്നെ മലയാളത്തിൽ ഈ വർഷത്തെ റിലീസുകളിൽ ഏറ്റവും മികച്ച അഞ്ച് വിജയങ്ങളുടെ ലിസ്റ്റിൽ ഇടംപിടിച്ചുകഴിഞ്ഞു ഈ സിനിമ. 2023 ലെ മലയാളം സിനിമകളുടെ കേരളത്തിലെ കളക്ഷനിലാണ് നേര് നിലവിൽ അഞ്ചാം സ്ഥാനത്ത് എത്തിയിരിക്കുന്നത്. ദുൽഖർ സൽമാൻ നായകനായ അഭിലാഷ് ജോഷി ചിത്രം കിംഗ് ഓഫ് കൊത്തയെ മറികടന്നാണ് ഈ നേട്ടം. ആറ് ദിവസം കൊണ്ട് കേരളത്തിൽ നിന്ന് മാത്രം ചിത്രം നേടിയത് 18.85 കോടിയാണെന്നാണ് പ്രമുഖ ട്രാക്കർമാർ അറിയിക്കുന്നത്. റിലീസ് ദിനമായിരുന്ന വ്യാഴാഴ്ച കേരളത്തിൽ നിന്ന് 2.75 കോടി നേടിയ ചിത്രത്തിൻറെ ഏറ്റവും…
Read More » -
ബോക്സ് ഓഫീസില് തകര്ന്നടിഞ്ഞ കങ്കണ റണൗട് നായികയായെത്തിയ ചിത്രം തേജസ് ഒടിടിയിലേക്ക്, റിലീസ് പ്രഖ്യാപിച്ചു
കങ്കണ റണൗട് നായികയായി ഒടുവിലെത്തിയ ചിത്രമാണ് തേജസ്. വമ്പൻ പരാജയമായിരുന്നു തേജസ്. ബോക്സ് ഓഫീസില് തകര്ന്നടിയാനായിരുന്നു കങ്കണയുടെ ചിത്രത്തിന്റെ വിധിയെന്നാണ് ബോക്സ് ഓഫീസ് റിപ്പോര്ട്ട്. കങ്കണ റണൗട്ടിന്റെ തേജസ് ഇനി ഒടിടിയില് കാണാം എന്നാണ് പ്രഖ്യാപിച്ചിരിക്കുന്നത്. കങ്കണയുടെ തേജസ് എത്തുക സി5ലായിരിക്കും. തേജസിന്റെ പ്രദര്ശനം ജനുവരിന് അഞ്ചിനാണ് തുടങ്ങുക എന്നും പ്രഖ്യാപിച്ചിട്ടുണ്ട്. സര്വേഷ് മേവരയാണ് തേജസിന്റെ സംവിധാനം. ശസ്വത് സച്ച്ദേവാണ് തേജസിന്റെ സംഗീതം. കങ്കണ നായികയാകുന്ന ‘എമര്ജൻസി’ എന്ന ചിത്രവും വൈകാതെ പ്രദര്ശനത്തിനെത്താനുണ്ട്. സംവിധാനവും കങ്കണയാണ് എന്ന പ്രത്യേകതയുണ്ട്. ടെറ്റ്സുവോ നഗാത്തയാണ് ഛായാഗ്രാഹണം. റിതേഷ് ഷാ കങ്കണയുടെ ചിത്രത്തിന്റെ തിരക്കഥ എഴുതുമ്പോള് തന്വി കേസരി പശുമാര്ഥിയാണ് ‘എമര്ജൻസി’യുടെ അഡിഷണല് ഡയലോഗ്സ് ഒരുക്കുന്നത്. ആദ്യമായി കങ്കണ റണൗട് സ്വതന്ത്ര സംവിധായികയാകുന്ന പ്രൊജക്റ്റ് എന്ന നിലയില് പ്രത്യേകതയുള്ള ‘എമര്ജൻസി’ മണികര്ണിക ഫിലിംസിന്റെ ബാനറില് നടിയും രേണു പിറ്റിയും ചേര്ന്നാണ് നിര്മിക്കുന്നത്. കങ്കണ റണൗടിന്റെ രണ്ടാമത് സംവിധാനമാണിത്’. നായികായ കങ്കണ റണൗട്ട് ടൈറ്റില് കഥാപാത്രത്തെ അവതരിപ്പിച്ച്…
Read More » -
ധ്യാൻ ശ്രീനിവാസൻ നായകനായെത്തുന്ന കുടുംബ ചിത്രം ‘സൂപ്പർ സിന്ദഗി’യുടെ ഫസ്റ്റ് ലുക്കും മോഷൻ പോസ്റ്ററും പുറത്ത്
കൊച്ചി: 666 പ്രൊഡക്ഷൻസിന്റെ ബാനറിൽ ഹസീബ് മേപ്പാട്ട്, സത്താർ പടനേലകത്ത് എന്നിവർ ചേർന്ന് നിർമ്മിക്കുന്ന ധ്യാൻ ശ്രീനിവാസൻ ചിത്രം ‘സൂപ്പർ സിന്ദഗി’യുടെ ഫസ്റ്റ് ലുക്കും മോഷൻ പോസ്റ്ററും പുറത്തിറങ്ങി. ചിത്രത്തിലെ മുൻനിര താരങ്ങളെ അണിനിരത്തി ഒരുക്കിയ കളർഫുൾ പോസ്റ്റർ പ്രേക്ഷകശ്രദ്ധ ആകർഷിക്കുന്നു. വിന്റേഷാണ് ചിത്രത്തിന്റെ സംവിധായകൻ. വിന്റേഷും പ്രജിത്ത് രാജ് ഈകെആർ ഉം ചേർന്ന് തിരക്കഥ രചിച്ച ചിത്രത്തിന് അഭിലാഷ് ശ്രീധരനാണ് സംഭാഷങ്ങൾ ഒരുക്കിയത്. കണ്ണൂർ, മൈസൂർ, ബാംഗ്ലൂർ എന്നിവിടങ്ങളിലായ് ചിത്രീകരിച്ച ചിത്രത്തിൽ പാർവതി നായർ, മുകേഷ്, ജോണി ആന്റണി, സുരേഷ് കൃഷ്ണ, കലേഷ്, ശ്രീവിദ്യ മുല്ലശ്ശേരി, ഡയാന ഹമീദ്, മാസ്റ്റർ മഹേന്ദ്രൻ തുടങ്ങി ഒട്ടനവധി താരങ്ങൾ അണിനിരക്കുന്നു. എൽദൊ ഐസകാണ് ഛായാഗ്രാഹകൻ. ചിത്രസംയോജനം ലിജോ പോൾ നിർവ്വഹിക്കും. സൂരജ് എസ് കുറുപ്പിന്റെതാണ് സംഗീതം. ‘ലാൽ ജോസ്’ എന്ന ചിത്രത്തിന് ശേഷം 666 പ്രൊഡക്ഷൻസ് നിർമ്മിക്കുന്ന രണ്ടാമത്തെ ചിത്രമാണ് ‘സൂപ്പർ സിന്ദഗി’. ക്രിയേറ്റീവ് പ്രൊഡ്യൂസർ: സങ്കീത് ജോയ്, ചീഫ് അസോസിയേറ്റ് ഡയറക്ടർ:…
Read More » -
പൃഥ്വിരാജിന് 4 കോടി, നായിക ശ്രുതി ഹാസന് 8 കോടി: പ്രശാന്ത് നീലിന് 100 കോടി, സലാറിലെ താരങ്ങളുടെ പ്രതിഫലം പുറത്ത്; അമ്പരന്ന് ആരാധകർ
പൃഥ്വിരാജ്- പ്രഭാസ് എന്നിവരെ കേന്ദ്ര കഥാപാത്രങ്ങളാക്കി പ്രശാന്ത് നീൽ സംവിധാനം ചെയ്ത ചിത്രമാണ് സലാർ. പ്രേക്ഷകരിൽ നിന്നും മികച്ച പ്രതികരണം നേടിയ ചിത്രം ബോക്സോഫീസ് കളക്ഷനിലും ഇപ്പോൾ മുൻപന്തിയിൽ എത്തിയിരിക്കുന്നു. 400 കോടിയിൽ അധികം രൂപയാണ് വേൾഡ് വൈഡായി സലാർ നേടിയത്. ഇപ്പോഴിതാ സലാറിലെ പൃഥ്വിരാജിന്റെയും മറ്റ് താരങ്ങളുടെയും പ്രതിഫലം പുറത്തുവിട്ടിരിക്കുകയാണ് ചില മാധ്യമങ്ങൾ. സലാറിന് വേണ്ടി സംവിധായകൻ പ്രശാന്ത് നീൽ വാങ്ങിയത് 100 കോടി രൂപയാണ്. പൃഥ്വിരാജ്-ജഗപതി ബാബു എന്നിവർ 4 കോടി രൂപയും നായികയായ ശ്രുതി ഹാസൻ 8 കോടി രൂപയുമാണ് ചിത്രത്തിന് വേണ്ടി വാങ്ങിയിരിക്കുന്നതെന്ന് പ്രമുഖ മാധ്യമങ്ങൾ വ്യക്തമാക്കുന്നു. പ്രശാന്ത് നീലിനോടൊപ്പം തന്നെ 100 കോടി രൂപയാണ് നടൻ പ്രഭാസിന്റെ ചിത്രത്തിലെ പ്രതിഫലം എന്നും ഈ മാധ്യമങ്ങൾ വെളിപ്പെടുത്തുന്നു. അതേസമയം, ചിത്രത്തിലെ പൃഥ്വിയുടെ കഥാപാത്രത്തിന് 4 കോടി മൂല്യം മാത്രമേ ഉള്ളോ എന്നാണ് ആരാധകർ ചോദിക്കുന്നത്. സിനിമയിലെ പ്രധാന കഥാപാത്രമായ പൃഥ്വിയ്ക്ക് ഇത്ര കുറവ്…
Read More » -
കുഞ്ചാക്കോ ബോബന്റെ ‘ഗർർർ…’ ഫസ്റ്റ്ലുക്ക് പോസ്റ്റർ പുറത്തിറങ്ങി
പ്രഥ്വിരാജ് നായകനായി അഭിനയിച്ച ‘എസ്ര’ എന്ന ചിത്രത്തിനു ശേഷം ജയ് കെ.സംവിധാനം ചെയ്യുന്ന ‘ഗർർർ….All RiseThe king is here’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. കുഞ്ചാക്കോ ബോബനും സുരാജ് വെഞ്ഞാറമൂടുമാണ് ഈ ചിത്രത്തിലെ കേന്ദ്ര കഥാപാതങ്ങളെ അവതരിപ്പിക്കുന്നത്. രാജേഷ് മാധവൻ, ഷോബി തിലകൻ, ധനേഷ് ആനന്ദ് എന്നിവരും ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. മദ്യപാനിയായ ഒരു യുവാവ് മൃഗശാലയിലെ കടുവയുടെ മുന്നിൽ വീഴുന്നതും അയാളെ രക്ഷിക്കാൻ സെക്യൂരിറ്റി ഗാർഡ് കൂടെ ചാടുന്നതും തുടർന്നുണ്ടാകുന്ന സംഭവവികാസങ്ങളുമാണ് ചിത്രം പറയുന്നത്. നർമ്മ രൂപത്തിൽ എത്തുന്ന ‘ഗർർർ’ ചിത്രത്തിന്റെ രചന നിർവ്വഹിച്ചിരിക്കുന്നതും ജയ് കെ ആണ്. ഷാജി നടേശനും ആര്യയും ചേർന്നാണ് ചിത്രം നിർമ്മിക്കുന്നത്. 2024 ഫെബ്രുവരിയിൽ ചിത്രം റിലീസിനെത്തും. കോ- പ്രൊഡക്ഷൻ: സിനിഹോളിക്സ്. കോ-റൈറ്റർ: പ്രവീൺ എസ്. ഛായാഗ്രഹണം: ജയേഷ് നായർ. എക്സിക്യൂട്ടീവ് പ്രൊഡ്യൂസർമാർ: മിഥുൻ എബ്രഹാം, ദിനേഷ് എസ് ദേവൻ, സനു കിളിമാനൂർ.…
Read More » -
മോഹൻലാലിന്റെ വമ്പൻ തിരിച്ചുവരവ്; ആദ്യ ഞായറാഴ്ച നേര് നേടിയത്…
അടുത്ത കാലത്ത് മോഹൻലാല് നായകനായ ചിത്രങ്ങള് പരാജയങ്ങള് നേരിട്ടിരുന്നു. എന്നാല് മോഹൻലാല് ഒരു വൻ തിരിച്ചുവരവ് നടത്തിക്കൊണ്ടിരിക്കുകയാണ് എന്നാണ് ബോക്സ് ഓഫീസ് റിപ്പോര്ട്ട്. മോഹൻലാലിന്റെ നേര് റിലീസായതിന്റെ ആദ്യ ഞായറാഴ്ച നേടിയതിന്റെ കണക്കുകള് ലഭ്യായിരിക്കുകയാണ്. ഞായറാഴ്ച നേര് ആകെ 3.62 കോടി രൂപ കേരളത്തില് നിന്ന് നേടി എന്നാണ് ബോക്സ് ഓഫീസ് റിപ്പോര്ട്ട്. ഇതുവരെ നേര് ആകെ 11.91 കോടി രൂപയാണ് കേരളത്തില് നിന്ന് മാത്രമായി നേടിയിരിക്കുന്നത്. ആഗോളതലത്തില് നേര് ആകെ 20.9 കോടി രൂപ നേടിയിട്ടുണ്ട്. തികച്ചും റിയലിസ്റ്റിക്കായിട്ടാണ് നേരിന്റെ കഥ പറയുന്നത് എന്നാണ് റിപ്പോര്ട്ട്. നടൻ എന്ന നിലയിലും മോഹൻലാലിന് ചിത്രം വലിയ ഒരു അവസരം ആയിരിക്കുകയാണ് എന്ന് നേര് കണ്ടവര് ഒന്നടങ്കം അഭിപ്രായപ്പെടുന്നു. അധികം ഹൈപ്പില്ലാതെ എത്ത വിജയ ചിത്രമായി മാറുന്നു എന്നിടത്താണ് നേരിന്റെ പ്രസക്തി വര്ദ്ധിക്കുന്നത്. സസ്പെൻസ് പ്രതീക്ഷിച്ച് നേര് കാണാൻ വരണ്ട എന്ന് നേരത്തെ ജീത്തു ജോസഫും മോഹൻലാലും അടക്കമുള്ളവര് വ്യക്തമാക്കിയിരുന്നു. സംവിധായകൻ ജീത്തു…
Read More » -
കമൽ സംവിധാനം ചെയ്ത ‘വിവേകാനന്ദൻ വൈറലാണ്’ സെക്കന്റ് ലുക്ക് പോസ്റ്റർ റിലീസ് ചെയ്തു
മലയാളി പ്രേക്ഷകർക്ക് എന്നും നെഞ്ചോടു ചേർത്തു വയ്ക്കാൻ നിരവധി മികച്ച ചിത്രങ്ങൾ സമ്മാനിച്ച കമലിൻ്റെ ‘വിവേകാനന്ദൻ വൈറലാണ്’ എന്ന പുതിയ ചിത്രത്തിൻ്റെ സെക്കൻ്റ് ലുക്ക് പോസ്റ്റർ പുറത്തുവിട്ടു. ഏറെ കൗതുകകരമായ ഒരു പോസ്റ്ററാണിത്. നായകനായ ഷൈൻ ടോം ചാക്കോയ്ക്കൊപ്പം അഞ്ചു സ്ത്രീ കഥാപാത്രങ്ങളുടെ ചിത്രങ്ങൾ സഹിതമാണ് പോസ്റ്റർ പ്രത്യക്ഷപ്പെട്ടിരിക്കുന്നത്. ഗ്രേസ് ആന്റെണി, സാസ്വിക, മെറീനാ മൈക്കിൾ, അനുഷാ രാജൻ, അഞ്ജലി രാജ് എന്നിവരാണ് പോസ്റ്ററിലെ നടിമാർ. ഒരു യുവാവിനൊപ്പം അഞ്ചു സുന്ദരിമാർ. ആരെയും ഏതു പ്രായക്കാരേയും ആകർഷിക്കുന്ന ഈ പോസ്റ്റർ ഇതിനകം തന്നെ ഏറെ വൈറലായിരിക്കുന്നു. പല സംശയങ്ങൾക്കും ആശങ്കകൾക്കും ഇടനൽകുന്നതാണ് ഈ പോസ്റ്റർ. നായകനായ ഷൈൻ ടോം ചാക്കോ അവതരിപ്പിക്കുന്ന വിവേകാനന്ദൻ എന്ന കഥാപാത്രത്തിന് ഇത്രയധികം സ്ത്രീകളുമായിട്ടുള്ള ബന്ധം എന്താണ്? സർക്കാർ ജീവനക്കാരനായ വിവേകാനന്ദന്റെ ജീവിതത്തിലേക്ക് വ്യത്യസ്ഥ സാഹചര്യങ്ങളിൽ അഞ്ചു സ്തീകൾ കടന്നുവരുന്നതും ഇത് അവന്റെ ജീവിതത്തെ ഏതെല്ലാം തരത്തിൽ സ്വാധീനിക്കുന്നു എന്നതുമാണ് ‘വിവേകാനന്ദൻ വൈറലാണ്’ എന്ന ചിത്രത്തിലൂടെ…
Read More »