ആഡംബരപൂര്‍ണമായ വീടുകള്‍ മുതല്‍ സമൃദ്ധമായ ജീവിതശൈലി ആസ്വദിക്കുന്നതിന് പ്രശസ്തരാണ് സെലിബ്രിറ്റികള്‍. തെന്നിന്ത്യന്‍ താരങ്ങളും ഇതിന് അപവാദമല്ല. എന്നാല്‍ ദക്ഷിണേന്ത്യയില്‍ ഒരു നടിക്ക് മാത്രമേ ഒരു സ്വകാര്യ ജെറ്റ് സ്വന്തമായുള്ളുവെന്ന് നിങ്ങള്‍ക്കറിയാമോ?
ലേഡി സൂപ്പര്‍ സ്റ്റാര്‍ നയന്‍താരയാണ് ആ താരം. ഇന്ത്യയിലെ ഏറ്റവും കൂടുതല്‍ പ്രതിഫലം വാങ്ങുന്ന നടിമാരില്‍ ഒരാളായ നയന്‍താരക്ക് 200 കോടി രൂപയിലേറെ ആസ്തിയുണ്ടെന്നാണ് പറയപ്പെടുന്നത്. ഇപ്പോഴിതാ സ്വകാര്യ ജെറ്റ് സ്വന്തമാക്കിയ ഏക തെന്നിന്ത്യന്‍ നടിയായി താരം മാറിയെന്നാണ് റിപ്പോര്‍ട്ടുകള്‍. ഇതിന് 50 കോടിയോളം വിലമതിക്കുമെന്നാണ് റിപ്പോര്‍ട്ട്. ഇപ്പോള്‍ നയന്‍താര പുതുതായി വാങ്ങിയ പ്രൈവറ്റ് ജെറ്റിന്റെ ഇന്റീരിയര്‍ ചിത്രങ്ങള്‍ ഇന്റര്‍നെറ്റില്‍ വൈറലായിരിക്കുകയാണ്.
ഭര്‍ത്താവ് വിഘ്നേഷ് ശിവനും നയന്‍താരയും ഈ ജെറ്റില്‍ നിന്ന് പുറത്തുവരുന്ന ചിത്രങ്ങളും വീഡിയോകളും ഇന്റര്‍നെറ്റില്‍ പ്രചരിക്കുന്നുണ്ട്. ജെറ്റിന്റെ ഇന്റീരിയര്‍ തികച്ചും ആഡംബര പൂര്‍ണമാണ്. മസാജിംഗ് സൗകര്യമടക്കമുള്ള ചാരിയിരിക്കാവുന്ന ലക്ഷ്വറി സീറ്റുകളാണ് ജെറ്റ് വിമാനത്താവളത്തിന്റെ അകത്തളത്തില്‍ എന്നാണ് റിപ്പോര്‍ട്ടുകള്‍. നയന്‍താരയെയും വിഘ്നേശിനെയും കൂടാതെ മറ്റ് യാത്രക്കാര്‍ ഉണ്ടെങ്കില്‍ അവര്‍ക്കുള്ള സൗകര്യവും ഇതിനകത്തുണ്ട്. ശൗചാലയവും വാഷ് ബേസിനുകളുമൊക്കെ ഇതില്‍ പ്രത്യേകം സജ്ജീകരിച്ചിട്ടുണ്ട്. വിശ്രമിക്കാന്‍ കിടപ്പുമുറി പോലും ഇതിനകത്തുണ്ടെന്നാണ് റിപ്പോര്‍ട്ടുകള്‍.
സിനിമകളിലൂടെ മാത്രമല്ല പരസ്യചിത്രങ്ങളിലൂടെയും നയന്‍താര കോടികള്‍ സമ്പാദിക്കുന്നുണ്ട്. 50 സെക്കന്‍ഡ് ദൈര്‍ഘ്യമുള്ള പരസ്യങ്ങള്‍ക്ക് നയന്‍താര അഞ്ച് കോടി രൂപ വരെയാണ് ഈടാക്കുന്നതായാണ് റിപ്പോര്‍ട്ടുകള്‍. മുംബൈ, ഹൈദരാബാദ് എന്നീ നഗരങ്ങളില്‍ ഉള്‍പ്പെടെ നാല് അത്യാഡംബര വസതികളും നയന്‍താരക്കുണ്ട്. ഫ്‌ളാറ്റുകളില്‍ ഒരു സിനിമാ ഹാള്‍, നീന്തല്‍ക്കുളം, മള്‍ട്ടിഫങ്ഷണല്‍ ജിം എന്നിവയുണ്ട്. ഹൈദരാബാദിലെ ബഞ്ചാര ഹില്‍സില്‍ 30 കോടി രൂപ വിലമതിക്കുന്ന രണ്ട് അപ്പാര്‍ട്ടുമെന്റുകളും അവര്‍ക്കുണ്ട്. കുറച്ച് മാസങ്ങള്‍ക്ക് മുമ്പ് നടി മുംബൈയില്‍ ഒരു അപ്പാര്‍ട്ട്‌മെന്റ് വാങ്ങിയിരുന്നു.
നിരവധി ആഡംബര കാറുകളും നയന്‍താരയ്ക്ക് സ്വന്തമായുണ്ട്. 1.76 കോടി രൂപയുടേതാണ് ഇവരുടെ ഏറ്റവും വിലകൂടിയ കാര്‍. ബിഎംഡബ്ല്യുവിന്റെ 7 സീരീസ് കാറാണിത്. ഒരു കോടി രൂപ വിലമതിക്കുന്ന മെഴ്സിഡസ് ഏഘട350ഉ കാറും താരം സ്വന്തമാക്കിയിട്ടുണ്ട്. നയന്‍താരയ്ക്ക് ബിഎംഡബ്ല്യു 5 സീരീസ് കാറുമുണ്ട്.
