കുവൈറ്റ്‌സിറ്റി: കൊല്ലം ജില്ലാ പ്രവാസി സമാജം, കുവൈറ്റ് പതിനെഴാമത് വാര്‍ഷികാഘോഷം കൊല്ലം ഫെസ്റ്റ് ‘സ്‌നേഹനിലാവ് 23’ പോസ്റ്റര്‍ പ്രകാശനം ചെയ്തു. പ്രസിഡന്റ് അലക്‌സ് മാത്യൂവിന്റെ അദ്ധ്യക്ഷതയില്‍ ഗ്രാന്‍ഡ് ഹൈപ്പര്‍ റീജിയണല്‍ ഡയറക്ടര്‍ അയൂബ് കച്ചേരി പ്രോഗ്രാം ജനറല്‍ കണ്‍വീനര്‍ ശശികുമാര്‍ കര്‍ത്തക്ക് നല്‍കി പ്രകാശനം നിര്‍വഹിച്ചു. ജനറല്‍ സെക്രട്ടറി ബിനില്‍ റ്റി.ടി. രക്ഷാധികാരി സലിം രാജ്, വൈസ് പ്രസിഡന്റ് അനില്‍കുമാര്‍, സംഘടന സെക്രട്ടറി ലിവിന്‍ വര്‍ഗ്ഗീസ്, പ്രോഗ്രാം ജോ.കണ്‍വീനര്‍ സജിമോന്‍ തോമസ്, കേന്ദ്ര കമ്മറ്റി അംഗം നൈസാം റാവുത്തര്‍, ഗ്രാന്‍ഡ് ഡി.ആര്‍ ഓ തഹസീര്‍ അലി, സി.ഒ.ഒ. അസ്‌ലം ചേലാട്ട് എന്നിവര്‍ സന്നിഹിതരായിരുന്നു. ഒക്ടോബര്‍ പതിമൂന്നിന് അബ്ബാസിയ ഇന്ത്യന്‍ സെന്റെര്‍ സ്‌കൂളില്‍ നടക്കുന്ന കൊല്ലം ഫെസ്റ്റില്‍ പ്രഫ. ഗോപിനാഥ് മുതുകാട് മുഖ്യാതിഥിയായി പങ്കെടുക്കും. സുപ്രസിദ്ധ പിന്നണി ഗായകരായ അപര്‍ണ രാജീവ്, സജീവ് സ്റ്റാന്‍ലിന്‍, പ്രസിദ്ധ വയലിന്‍ ആര്‍ട്ടിസ്റ്റ് അപര്‍ണ ബാബൂ, ഫിലിം, ടീവി കോമഡി ആര്‍ട്ടിസ്റ്റ്കളായ മായ കൃഷ്ണയും മണിക്കുട്ടനും പങ്കെടുക്കുന്ന ഷോ പ്രസിദ്ധ സിനിമ സ്റ്റേജ് ഷോ സംവിധായകന്‍ പ്രസാദ് നൂറനാട് സംവിധാനം ചെയ്യും.
