അറിയാമോ, മൊബൈൽ ഫോൺ എന്ന വില്ലൻ നിങ്ങളുടെ മക്കളുടെ ജീവിതം കാർന്നു തിന്നുകയാണ് !

ഗ്ര​ഹാം​ബെ​ല്ലി​ന്‍റെ ടെ​ലി​ഫോ​ണി​ൽ​നി​ന്ന് മൊ​ബൈ​ൽ ഫോ​ണി​ലേ​ക്കെ​ത്തി​യ​പ്പോ​ൾ എ​വി​ടെ​നി​ന്നും ആ​ശ​യ​വി​നി​മ​യം ന​ട​ത്താ​മെ​ന്ന അ​വ​സ്ഥ സം​ജാ​ത​മാ​യി.സ​ന്ദേ​ശ​രം​ഗ​ത്ത് വ​ൻ പ​രി​വ​ർ​ത്ത​ന​മാ​ണ് മൊ​ബൈ​ൽ ഫോ​ണു​ക​ൾ കൊ​ണ്ടു​വ​ന്ന​ത്.ഏ​തൊ​രാ​ളെ​യും അ​യാ​ളെ​വി​ടെയാണെങ്കിലും ന​മു​ക്ക് ബ​ന്ധ​പ്പെ​ടാ​നു​ള്ള അ​വ​സ​രം അ​ത് ഒ​രു​ക്കി​ത്ത​രു​ന്നു.

 

ഇത് ഒരുതരത്തിൽ ചിന്തിച്ചാൽ നല്ലതാണെങ്കിലും നമ്മുടെ കൗമാരക്കാരായ പെൺകുട്ടികൾ വഴി തെറ്റുന്നതിനും ഒളിച്ചോടുന്നതിനും കാരണം മറ്റൊന്നല്ല.കൗമാരക്കാരായ പെണ്‍കുട്ടികള്‍ തെറ്റിലേക്ക് നീങ്ങുന്നുവെന്ന് ചൂണ്ടിക്കാട്ടി മൊബൈല്‍ ഉപയോഗത്തിന് വിലക്ക് ഏര്‍പ്പെടുത്തിയിട്ടുണ്ട് ഗുജറാത്തിലെ താക്കൂര്‍ വിഭാഗം.മൊബൈല്‍ ഫോണ്‍ ആണ്‍കുട്ടികള്‍ക്കും പെണ്‍കുട്ടികള്‍ക്കുമിടയില്‍ തെറ്റായ സൗഹൃദം വളര്‍ത്തുന്നു എന്ന് കണ്ടെത്തിയതിനെ തുടർന്നാണ് നിരോധനം ഏർപ്പെടുത്തിയത്.

കുട്ടികൾ മൊബൈൽ അല്ലെങ്കിൽ ഇന്റർനെറ്റ് സംവിധാനങ്ങൾ കൂടുതൽ ഉപയോഗിക്കുന്നതിന്റെ മറുവശം നമ്മൾ ചിന്തിക്കുന്നതിനും അപ്പുറത്തെ മാരക വേർഷനാണെന്നതാണ് ശരി.ഇൻര്‍നെറ്റില്‍ ലൈവായി ഇട്ടശേഷം പ്ലസ്ടു വിദ്യാര്‍ത്ഥി ജീവനൊടുക്കിയതിനു പിന്നാലെ സഹപാഠിയും ജീവനൊടുക്കിയത് കഴിഞ്ഞ ദിവസമായിരുന്നു.ഇടുക്കി വണ്ടൻമേട്ടിലായിരുന്നു സംഭവം.മരിച്ച പതിനേഴുകാരന്റെ സഹപാഠിയെ തൊട്ടടുത്ത ദിവസം തൂങ്ങി മരിച്ച നിലയിലാണ് കണ്ടെത്തിയത്. ഈ വിദ്യാര്‍ത്ഥിയും മരണരംഗങ്ങള്‍ ‘ലൈവ്’ ഇട്ടിരുന്നുവെന്നാണ് പോലീസ് പറയുന്നത്.

ഓണ്‍ലൈൻ ഗെയിമിലെ അജ്ഞാത സംഘത്തിന്റെ നിര്‍ദേശപ്രകാരമാണ്  വിദ്യാര്‍ത്ഥി ജീവനൊടുക്കിയതെന്നു പോലീസ് കണ്ടെത്തിയിരുന്നു. സംഭവത്തില്‍ വിദ്യാര്‍ത്ഥിയുടെ ലാപ്ടോപ് പരിശോധനയ്ക്ക് അയച്ചിട്ടുണ്ട്. അതിനിടെയായിരുന്നു പിറ്റേന്ന് രാത്രി ലാപ്ടോപ് ഓണാക്കി വച്ചശേഷം സഹപാഠിയായ മറ്റൊരു കുട്ടിയും തൂങ്ങിമരിച്ചത്. ഇരുവരുടെയും സമപ്രായക്കാരായ മുപ്പതോളം കുട്ടികള്‍ ഈ ഗെയിമിന്റെ പിടിയിയിലായതായിട്ടാണ് പോലീസ് നിഗമനം. സംഭവത്തില്‍ അന്വേഷണം ആരംഭിച്ചിട്ടുണ്ട്.

 

മൊബൈല്‍ ഫോണുകള്‍ക്ക് കുട്ടികളെ അടിമകളാക്കുന്നതിൽ മൊബൈല്‍ ഗെയിമുകള്‍ക്കും വലിയ പങ്കുണ്ട്.പലരും മണിക്കൂറുകളോളും ഭക്ഷണം പോലുമില്ലാതെ ഗെയിം കളിക്കാനായി ചെലവിടാറുണ്ട്.ഈ കളികള്‍ പലപ്പോഴും കൈവിട്ടുപോകാറുമുണ്ട്.അത്തരത്തിലൊരു വാര്‍ത്തയാണ് കഴിഞ്ഞ ദിവസം ചൈനയില്‍ നിന്ന് പുറത്തുവരുന്നത്. ഓണ്‍ലൈൻ ഗെയിം കളിച്ച 13 കാരി മാതാപിതാക്കളുടെ സമ്ബാദ്യം മുഴുവനാണ് നശിപ്പിച്ചത്.വെറും നാലുമാസം കൊണ്ടാണ് 449,500 യുവാൻ (ഏകദേശം 52,19,809 രൂപ) ആണ് ‍ ഓൺലൈൻ ഗെയിമിംഗിനായി 13 കാരി ചെലവഴിച്ചത് !

 

വർത്തമാനകാലത്ത് മൊബൈൽ ഫോണില്ലാതെ ദൈനംദിന ജീവിതം ദുസ്സഹമായ സാഹചര്യമാണുള്ളത്. മുതിർന്നവരെ പോലെത്തന്നെ കുട്ടികൾക്കും ഫോൺ ഇല്ലാതെ പറ്റില്ല എന്ന അവസ്ഥയായി. അതിനു വളം വെച്ച് കൊടുക്കുന്നതിൽ മുഖ്യപങ്കും മാതാപിതാക്കൾക്കാണ്. കുട്ടികൾ ഒരിടത്ത് അടങ്ങിയിരിക്കാൻ വേണ്ടി അവർക്ക് ഫോൺ നൽകുമ്പോൾ രക്ഷിതാക്കൾ ശ്രദ്ധിക്കാത്ത ഒരുപാട് പ്രശ്നങ്ങൾ അതിനെ തുടർന്നുണ്ടാകുന്നു. പതുക്കെ പതുക്കെ ഫോണില്ലാതെ ഭക്ഷണം കഴിക്കാൻ പോലും സാധിക്കില്ല എന്ന അവസ്ഥയിലേക്ക് കുട്ടികളെത്തും.

കുട്ടികളുടെ തലയോട്ടി മുതിർന്നവരെക്കാൾ 60% കട്ടി കുറഞ്ഞതാണ്.സ്വാഭാവികമായും ഫോണിലൂടെയുള്ള റേഡിയേഷൻ മുതിർന്നവരിൽ ഏൽപ്പിക്കുന്ന ആഘാതത്തെക്കാൾ കൂടുതൽ കുട്ടികളിൽ ഏൽപ്പിക്കും. കൂടുതൽ നേരം മൊബൈൽ ഫോൺ ഉപയോഗിക്കുന്ന കുട്ടികളിൽ ഹൈപ്പർ ആക്ടിവിറ്റി ഡിസോഡർ ഉണ്ടാകാനുള്ള സാധ്യത കൂടുതലാണ്. ഫോൺ ഉപയോഗിക്കുമ്പോൾ കുട്ടികൾ കൂടുതൽ സമയവും ചിലവഴിക്കുന്നത് വീടുകൾക്കുള്ളിലാണ്. സ്വാഭാവികമായും സാമൂഹികമായ ഇടപെടലുകൾ അതുകാരണം അവരിൽ ഉണ്ടാവുകയില്ല.

മൊബൈൽ ഫോൺ കൂടുതലായി ഉപയോഗിക്കുന്ന കുട്ടികളിൽ വളരെ ചെറിയ പ്രായത്തിൽ തന്നെ ഡിപ്രഷൻ വരാനുള്ള സാധ്യത ഏറെയാണ്. വിഷാദം, ഉത്കണ്ഠ, പഠനത്തിലുള്ള ശ്രദ്ധക്കുറവ് മുതലായവ കുട്ടികളിൽ മൊബൈൽ ഫോൺ കാരണം ഉണ്ടാകുന്നു. അനാവശ്യമായ മത്സരബുദ്ധിയും അക്രമവാസനയും മൊബൈൽഫോൺ ഗെയിമുകളിലൂടെയും സാമൂഹിക മാധ്യമങ്ങളിലൂടെയും കുട്ടികൾക്ക് ഉണ്ടാകാറുണ്ട്. ഇന്റർനെറ്റിന്റെ ലോകത്ത് കൂടുതൽ സമയം ചിലവഴിക്കുന്ന കുട്ടികൾ സ്വാഭാവികമായ ഒരു ജീവിത സന്ദർഭത്തിലുണ്ടാകുന്ന പ്രശ്നങ്ങൾ പരിഹരിക്കാൻ സാധിക്കാത്ത അവസ്ഥയിൽ എത്താറുണ്ട്.ഇത്തരത്തിലുള്ള പ്രശ്നങ്ങളിൽ നിന്ന് കുട്ടികളെ സംരക്ഷിക്കാൻ മൊബൈൽ ഫോൺ കഴിവതും അവരുടെ കയ്യിൽ കൊടുക്കാതിരിക്കുക എന്നതുതന്നെയാണ് ഉത്തമമായ മാർഗം.കുട്ടികൾക്ക് പക്വത കൈവന്നതിനുശേഷം മാത്രമേ മുഴുവനായി മൊബൈൽ ഫോൺ കൈകാര്യം ചെയ്യാൻ അവരെ അനുവദിക്കാവു.