കോടതി വെറുതേ വിട്ടതോടെ ദിലീപിനെ ‘അമ്മ’യില് തിരിച്ചെടുക്കാന് നടന്മാരുടെ സംഘടന ; ഇക്കാര്യം എക്സിക്യുട്ടീവ് യോഗത്തില് ചര്ച്ച ചെയ്തതായി സൂചന ; നിയമം നീതിയുടെ വഴിക്ക് നീങ്ങട്ടെയെന്നും പ്രതികരണം
കൊച്ചി: നടിയെ ആക്രമിച്ച കേസിലെ വിധിയ്ക്ക് പിന്നാലെ നടനെ എഎംഎംഎ യില് തിരിച്ചെടുക്കുന്നതുമായി ബന്ധപ്പെട്ട കാര്യം എക്സിക്യുട്ടീവ് യോഗത്തില് ചര്ച്ചയായെന്ന് സൂചന. നിയമം നീതിയുടെ വഴിക്ക് നീങ്ങട്ടെയെന്നായിരുന്നു ദിലീപിനെ എറണാകുളം പ്രിന്സിപ്പല് സെഷന്സ് കോടതി കുറ്റവിമുക്തനാക്കിയതിന് പിന്നാലെ അമ്മ സോഷ്യല് മീഡിയയില് പ്രതികരിച്ചത്.
അമ്മ കോടതിയെ ബഹുമാനിക്കുന്നുവെന്നും പ്രതികരണത്തില് വ്യക്തമാക്കിയിരുന്നു. അതേസമയം അമ്മ പ്രസിഡന്റ് ശ്വേത മേനോനോ ജനറല് സെക്രട്ടറി കുക്കു പരമേശ്വരനോ വിധിയില് ഇതുവരെയും പ്രതികരിച്ചിട്ടില്ല. കോടതി വിധിയില് വ്യക്തിപരമായി സന്തോഷ മെന്നാണ് അമ്മ വൈസ് പ്രസിഡന്റ് ലക്ഷ്മി പ്രിയ പ്രതികരിച്ചത്. വിധി അമ്മയില് ചര്ച്ച ചെയ്തിട്ടുണ്ടെന്നുമാണ് ലക്ഷ്മി പ്രിയ പ്രതികരിച്ചത്. ദിലീപ് കുറ്റക്കാരന് അല്ല എന്ന് തന്നെയാണ് അന്നും ഇന്നും വിശ്വാസമെന്നും പറഞ്ഞു.
കേസില് കുറ്റവിമുക്തനായ ദിലീപിനെ അമ്മ സംഘടനയില് തിരിച്ചെടുക്കുന്ന കാര്യം ഇന്നത്തെ എക്സിക്യൂട്ടീവ് യോഗത്തില് ചര്ച്ചചെയ്തുവെന്നാണ് വിവരം. നടി ആക്രമിക്കപ്പെടുന്ന സമയത്ത് താരസംഘടനയിലെ ട്രഷറര് ആയിരുന്നു ദിലീപ്. അതിജീവിതയ്ക്ക് ഐക്യദാ ര്ഢ്യം പ്രഖ്യാപിച്ചുകൊണ്ട് സംഘടന എറണാകുളം ദര്ബാര് ഹാള് മൈതാനത്ത് നടത്തിയ സംഗമത്തില് ദിലീപും സംസാരിച്ചിരുന്നു. പിന്നീടാണ് ദിലീപ് സംശയ നിഴലിലേക്ക് വരുന്നതും കേസില് പ്രതിചേര്ക്കപ്പെട്ട് അറസ്റ്റിലാകുന്നതും.
തുടക്കം മുതല് ദിലീപിനെ പിന്തുണയ്ക്കുന്ന നിലപാടായിരുന്നു സംഘടനയുടെ നേതൃനിര യിലുള്ളവര് സ്വീകരിച്ചത്. പൃഥ്വിരാജ് അടക്കമുള്ള ഒരുവിഭാഗം യുവതാരങ്ങള് ദിലീപിനെ തിരെ കര്ശന നടപടി സ്വീകരിക്കണമെന്ന നിലപാട് സംഘടനയ്ക്കുള്ളില് ഉയര്ത്തി. ദിലീപ് അറസ്റ്റിലായതോടെയാണ് സംഘടനയില് നിന്നും പുറത്താക്കാന് തീരുമാനിച്ചത്.
