”ഞാന്‍ മലയാളം സിനിമ ആക്ടര്‍ വിനായകന്‍, ഞാനും എന്റെ ഭാ?ര്യയുമായിട്ടുള്ള എല്ലാ ബന്ധങ്ങളും ഇല്ലാതാകുന്നു, നന്ദി”
ഭാര്യയുമായി വേര്‍പിരിയുന്നുവെന്ന് അറിയിച്ച് നടന്‍ വിനായകന്‍. ഫേസ്ബുക്കില്‍ പങ്കുവച്ച വീഡിയോയിലൂടെ വിനായകന്‍ ഇക്കാര്യം അറിയിച്ചത്. ഭാര്യയുമായുള്ള എല്ലാ ബന്ധങ്ങളും അവസാനിക്കുന്നുവെന്ന് സോഷ്യല്‍ മീഡിയയില്‍ പങ്കുവച്ച വീഡിയോയില്‍ വിനായകന്‍ പറഞ്ഞു.
”ഞാന്‍ മലയാളം സിനിമ ആക്ടര്‍ വിനായകന്‍. ഞാനും എന്റെ ഭാര്യയുമായിട്ടുള്ള, എല്ലാ ഭാര്യഭര്‍ത്തൃ ബന്ധങ്ങളും നിയമപരമായിട്ടുള്ള എല്ലാ ബന്ധങ്ങളും ഈ ഒരു നിമിഷം കൊണ്ട് ഇല്ലാതാകുന്നു. എല്ലാവര്‍ക്കും നന്ദി”, എന്നാണ് വിനായകന്‍ വീഡിയോയില്‍ പറഞ്ഞത്.
ഇതിനു മുമ്പും സോഷ്യല്‍ മീഡിയയില്‍ പലതരം അഭ്യാസങ്ങളും നടത്തിയിട്ടുള്ളയാളാണ് വിനായകന്‍.
തമ്പി കണ്ണന്താനത്തിന്റെ മോഹന്‍ലാല്‍ ചിത്രം മാന്ത്രികത്തിലൂടെ അഭിനയം ആരംഭിച്ച താരം എ.കെ സാജന്‍ സംവിധാനം ചെയ്ത സ്റ്റോപ് വയലന്‍സ് എന്ന ചിത്രത്തിലൂടെയാണ് പ്രശസ്തനാക്കുന്നത്. ചതിക്കാത്ത ചന്തു, വെള്ളിത്തിര, ബിഗ് ബി, സാഗര്‍ ഏലിയാസ് ജാക്കി, ഇയ്യോബിന്റെ പുസ്തകം, ബാച്ചിലര്‍ പാര്‍ട്ടി, കമ്മട്ടിപാടം എന്നിവ അഭിനയിച്ച ചിത്രങ്ങളില്‍ പ്രധാനപ്പെട്ടവയാണ്.
കമ്മട്ടിപാടം എന്ന ചിത്രത്തിലൂടെ 2016ലെ മികച്ച നടനുള്ള സംസ്ഥാന അവാര്‍ഡും വിനായകന്‍ സ്വന്തമാക്കിയിരുന്നു. രജനികാന്ത് നായകനായി എത്തുന്ന ജയിലറില്‍ ആണ് വിനായകന്‍ ഇപ്പോള്‍ അഭിനയിച്ചു കൊണ്ടിരിക്കുന്നത്.
