Month: August 2025
-
Breaking News
ലീവെടുത്തു, മുറിക്കുള്ളില്നിന്നു പുറത്തിറങ്ങിയില്ല; സ്വകാര്യ ആശുപത്രിയിലെ നഴ്സ് മരിച്ച നിലയില്
തിരുവനന്തപുരം: സ്വകാര്യ ആശുപത്രിയിലെ നഴ്സിനെ മരിച്ച നിലയില് കണ്ടെത്തി. ആറ്റിങ്ങല് സ്വദേശി അഞ്ജലി (28) ആണ് മരിച്ചത്. നെയ്യാറ്റിന്കരയില് പേയിങ് ഗസ്റ്റായി താമസിക്കുന്ന വീട്ടിലാണ് തൂങ്ങി മരിച്ചത്. ആശുപത്രിയില് ജോലി ചെയ്യുന്ന മറ്റു മൂന്നു പേരും അഞ്ജലിയോടൊപ്പം താമസിച്ചിരുന്നു. ശനിയാഴ്ച അഞ്ജലി അവധിയെടുക്കുകയും മറ്റുള്ളവര് ജോലിക്കു പോകുകയും ചെയ്തിരുന്നു. ഏറെ സമയമായിട്ടും അഞ്ജലിയെ പുറത്തു കാണാത്തതോടെ അന്വേഷിച്ചപ്പോഴാണ് മുറിയില് തൂങ്ങിയ നിലയില് കണ്ടെത്തിയത്. ആത്മഹത്യക്കുറിപ്പ് കണ്ടെത്തിയിട്ടുണ്ട്.
Read More » -
Breaking News
ഗ്ലാസില് മൂത്രമൊഴിച്ചു, പാത്രങ്ങളില് തളിച്ചു; ദൃശ്യങ്ങള് പുറത്തായതോടെ വീട്ടുജോലിക്കാരി അറസ്റ്റില്
ലഖ്നൗ: വീട്ടുജോലിക്കിടെ പാത്രങ്ങളില് മൂത്രമൊഴിച്ച ജോലിക്കാരി അറസ്റ്റില്. ഉത്തര്പ്രദേശിലെ ബിജ്നോര് ജില്ലയിലെ ഒരു ബിസിനസുകാരന്റെ വീട്ടുജോലിക്കാരിയായ സമന്ത്രയാണ് അറസ്റ്റിലായത്. സംഭവത്തിന്റെ ദൃശ്യങ്ങള് സമൂഹ മാധ്യമങ്ങളില് വൈറലായിരിക്കുകയാണ്. കഴിഞ്ഞ പത്ത് വര്ഷമായി നാഗിന പ്രദേശത്തെ വീട്ടില് ജോലി ചെയ്തു വരികയായിരുന്നു സമന്ത്ര. വീട്ടില് വിശ്വസ്തതയോടെ ജോലി ചെയ്യുന്നതിനാല് ഇവരെ വീട്ടുകാര്ക്ക് വലിയ വിശ്വാസമായിരുന്നു. എന്നാല് അടുത്തിടെ, ഒരു കുടുംബാംഗം അവരുടെ അസാധാരണമായ പെരുമാറ്റത്തില് സംശയം തോന്നുകയും രഹസ്യമായി നിരീക്ഷിക്കാന് തീരുമാനിക്കുകയുമായിരുന്നു. തുടര്ന്ന് വീട്ടുകാര് അടുക്കളയില് ഒളിക്യാമറ വെച്ചപ്പോഴാണ് ഞെട്ടിക്കന്ന ദൃശ്യങ്ങള് പുറത്തുവന്നത്. കുടുംബം കഴിക്കാന് ഉപയോഗിക്കുന്ന പാത്രങ്ങളിലാണ് സമന്ത്ര മൂത്രമൊഴിച്ചത്. ഇവര് ഒരു ഗ്ലാസില് മൂത്രമൊഴിക്കുകയും അത് കുടുംബം ഭക്ഷണം കഴിക്കാനായി ഉപയോഗിക്കുന്ന പാത്രങ്ങളില് തളിക്കുകയും ചെയ്തതായി നാ?ഗിന പൊലീസ് പറഞ്ഞു. വീഡിയോ ദൃശ്യങ്ങള് കുടുംബത്തിന്റെ സംശയം ശരിവെച്ചു. കുടുംബം ഉടന് തന്നെ പൊലീസില് പരാതി നല്കി. പരാതിയുടെ അടിസ്ഥാനത്തില് നാഗിന പൊലീസ് സമന്ത്രയെ കസ്റ്റഡിയിലെടുത്തു. പൊതുസമാധാനത്തിന് ഭംഗം വരുത്തിയതുമായി ബന്ധപ്പെട്ട വകുപ്പുകള്…
Read More » -
Breaking News
കൊല്ലാന് എത്ര സമയം വേണം? തെറിവിളിയും വധഭീഷണിയുമായി മാങ്കൂട്ടത്തില്; യുവതിയെ ഗര്ഭച്ഛിദ്രത്തിന് നിര്ബന്ധിക്കുന്ന ശബ്ദരേഖ
തിരുവനന്തപുരം: പാലക്കാട് എംഎല്എ രാഹുല് മാങ്കൂട്ടത്തിലിനെ വെട്ടിലാക്കി കൂടുതല് ശബ്ദരേഖകള്. ഗര്ഭിണിയായ യുവതിയെ ഗര്ഭച്ഛിദ്രത്തിന് സമ്മര്ദം ചെലുത്തുന്ന ഫോണ് കോള് സംഭാഷണമാണ് രാഹുല് മാങ്കൂട്ടിത്തിന്റേതെന്ന പേരില് മാധ്യമങ്ങള് പുറത്തുവിട്ടത്. യുവതിയെ അസഭ്യം പറയുകയും വധഭീഷണി മുഴക്കുകയും ചെയ്യുന്ന വിധത്തിലാണ് പുതിയ ശബ്ദസന്ദേശം. ഗര്ഭച്ഛിദ്രം നടത്തിയില്ലെങ്കില് തന്റെ ജീവിതം തകരുമെന്ന് ആവര്ത്തിക്കുമ്പോഴും യുവതി സമ്മതിക്കാതെ വരുമ്പോഴാണ് സംഭാഷണത്തില് വധഭീഷണി ഉയര്ത്തുന്നത്. ഗര്ഭച്ഛിദ്രം നടത്താതിരുന്നാല് ഉണ്ടാകാനിടയുള്ള പ്രത്യാഘാതങ്ങളെ കുറിച്ച് ബോധമില്ലാത്തതിനാലാണ് ഇത്തരത്തില് സംസാരിക്കുന്നത് എന്നാണ് രാഹുല് യുവതിയോട് പറയുന്നത്. യുവതിയെക്കൊണ്ട് തനിച്ച് അഭിമുഖീകരിക്കാന് പറ്റുന്നതല്ല വിഷയമെന്നും രാഹുല് യുവതിയോട് പറയുന്നുണ്ട്. എന്നാല്, രാഹുല് മാങ്കൂട്ടത്തിലിന്റെ പേര് താന് സുഹൃത്തുക്കളോട് പോലും പറഞ്ഞിട്ടില്ലെന്ന് യുവതി വ്യക്തമാക്കുന്നു. സമാധാനപരമായാണ് സംസാരിച്ചത്. ഞാനൊരു പെണ്ണാണ്, ഇതോണോ തന്റെ ആദര്ശം എന്നും ശബ്ദ സന്ദേശത്തില് യുവതി ചോദിക്കുന്നു. ആദര്ശം ജീവിതത്തില് കൊണ്ടുവരണം. നാട്ടില് നില്ക്കാന് പറ്റാത്തത് കൊണ്ട് മറ്റൊരു സ്ഥലത്താണ് നില്ക്കുന്നത്. എന്നെക്കാള് പ്രാധാന്യം എന്റെ ജീവിതത്തില് വരുന്ന കുഞ്ഞിന്…
Read More » -
Breaking News
രാഹുലിനെതിരേ ടി.എൻ പ്രതാപൻ; പൊതുപ്രവർത്തകർ കളങ്കരഹിതരാകണം, പരാതി ഗൗരവമുള്ളത്
തൃശൂര്: പാലക്കാട് എംഎല്എ രാഹുല് മാങ്കൂട്ടത്തിലിനെതിരേ കോണ്ഗ്രസ് നേതാവ് ടി.എന് പ്രതാപന്. രാഹുലിനെതിരെ ഉയര്ന്ന ആരോപണങ്ങള് ഗൗരവമുള്ളതാണെന്നും പൊതുജീവിതത്തിലും വ്യക്തി ജീവിതത്തിലും പൊതുപ്രവര്ത്തകര് കളങ്കരഹിതരായിരിക്കണമെന്നും പ്രതാപന് പറഞ്ഞു. ഗൗരവമുള്ള ആരോപണമാണ് രാഹുല് മാങ്കൂട്ടത്തിലിനെതിരെ ഉയര്ന്നതെന്ന് എഐസിസി തന്നെ വ്യക്തമാക്കിയിട്ടുണ്ട്. എഐസിസിയും കെപിസിസിയും കോണ്ഗ്രസിന്റെ പ്രധാനപ്പെട്ട നേതാക്കളുമെല്ലാം ഈ ഗൗരവം ഉള്ക്കൊണ്ട് തന്നെയാണ് കാര്യങ്ങളോട് പ്രതികരിച്ചത്. അക്കാര്യത്തില് തങ്ങള്ക്ക് ഒരു നിലപാടുണ്ട്. ഏത് പ്രസ്ഥാനങ്ങളിലുള്ളവരായാലും പൊതുപ്രവര്ത്തകര് മാതൃകയാകേണ്ടവരാണെന്നും പ്രതാപന് തൃശൂര് പ്രസ് ക്ലബ്ബില് വിളിച്ചുചേര്ത്ത വാര്ത്താസമ്മേളനത്തില് വ്യക്തമാക്കി. എഐസിസി ജനറല് സെക്രട്ടറി കെ.സി വേണുഗോപാലും കെപിസിസി പ്രസിഡന്റ് സണ്ണി ജോസഫും പ്രതിപക്ഷ നേതാവ് വി.ഡി സതീശനും രാഹുലിനെതിരേ ഉയര്ന്നു വന്ന ആരോപണങ്ങള് വളരെ ഗൗരവമുള്ളതാണെന്ന് വ്യക്തമാക്കിയിട്ടുണ്ട്. രാഹുലിനെതിരെ സംഘടനാപരമായ നടപടി സ്വീകരിച്ചിട്ടുണ്ട്. അനന്തര നടപടികള് പാര്ട്ടി തന്നെ തീരുമാനിക്കുമെന്ന് എഐസിസി തന്നെ വ്യക്തമാക്കിയിട്ടുണ്ട്. തന്റെ കൂടി നിലപാടാണ് കെ.സി വേണുഗോപാലും വി.ഡി സതീശനും സണ്ണി ജോസഫും പറഞ്ഞിട്ടുള്ളതെന്നും ടി.എന് പ്രതാപന് കൂട്ടിച്ചേര്ത്തു.
Read More » -
Breaking News
ട്രംപ് താരിഫിന് മറുപടി; യുഎസിലേക്കുള്ള പോസ്റ്റല് സര്വീസുകള് താല്കാലികമായി അവസാനിപ്പിക്കുന്നെന്ന് ഇന്ത്യ
ന്യൂഡല്ഹി: യുഎസിലേക്കുള്ള പോസ്റ്റല് സര്വീസുകള് താല്കാലികമായി അവസാനിപ്പിക്കുമെന്ന് ഇന്ത്യ. യുഎസിന്റെ പുതിയ കസ്റ്റംസ് നയങ്ങളെത്തുടര്ന്നാണ് നടപടി. 800 ഡോളര് വരെ വില മതിക്കുന്ന കുറഞ്ഞ വിലയുള്ള വസ്തുക്കള് യുഎസിലേക്ക് അയയ്ക്കുന്നതിന് അനുവദിച്ചിരുന്ന തീരുവ ഇളവ് ജൂലൈ 30ന് യുഎസ് റദ്ദാക്കിയിരുന്നു. ഈ തീരുവ പിന്വലിക്കല് ഓഗസ്റ്റ് 29നാണ് നിലവില് വരുന്നത്. ഈ സാഹചര്യത്തില് ഏതു മൂല്യത്തിലുള്ള വസ്തുവും യുഎസിലേക്ക് അയയ്ക്കുന്നതിന് ഇന്റര്നാഷനല് എമര്ജന്സി ഇക്കണോമിക് പവര് ആക്ട് പ്രകാരമുള്ള തീരുവ നല്കേണ്ടി വരുമെന്ന് പോസ്റ്റല് വിഭാഗം ഇന്നു പുറത്തിറക്കിയ ഉത്തരവില് പറഞ്ഞു. അതേസമയം 100 ഡോളര് വരെയുള്ള ഗിഫ്റ്റ് വസ്തുക്കള്ക്കുള്ള ഇളവ് തുടരും. പുതിയ ഉത്തരവു പ്രകാരം ഓഗസ്റ്റ് 25 മുതല് യുഎസിലേക്ക് തപാല് മുഖാന്തിരം അയയ്ക്കുന്ന എല്ലാ വസ്തുക്കളുടെയും ബുക്കിങ് റദ്ദാക്കുമെന്ന് പോസ്റ്റല് വിഭാഗം അറിയിച്ചു. എന്നാല് കത്തുകള്, രേഖകള് തുടങ്ങിയവ പതിവുപോലെ തന്നെ തപാലിലൂടെ അയയ്ക്കാനാകുമെന്നും ഉത്തരവില് പറയുന്നു.
Read More » -
Breaking News
കോതമംഗലത്ത് വീടിന്റെ മാലിന്യ ടാങ്കിലേക്കുള്ള ഓടയില് സ്ത്രീയുടെ മൃതദേഹം; മാന്ഹോള് വഴി തിരുകിക്കയറ്റി? വേങ്ങൂര് സ്വദേശിനിയെ കാണാതായതായി പരാതി
എറണാകുളം: കോതമംഗലം ഊന്നുകല്ലില് ആള്ത്താമസമില്ലാത്ത വീടിന്റെ മാലിന്യ ടാങ്കിലേക്കുള്ള ഓടയില് സ്ത്രീയെ കൊലപ്പെടുത്തി ഒളിപ്പിച്ച നിലയില് കണ്ടെത്തി. ദേശീയപാതയുടെ അരികില് മൃഗാശുപത്രിക്കു സമീപമുള്ള വീടിന്റെ വര്ക്ക് ഏരിയയോടു ചേര്ന്നുള്ള ഓടയുടെ മാന്ഹോള് വഴിയാണു മൃതദേഹം തിരുകിക്കയറ്റിയത്. കുറുപ്പംപടി സ്വദേശി വൈദികന്റെ ഉടമസ്ഥതയിലുള്ളതാണ് ഇരുനില വീടും മുന്പിലുള്ള ഹോട്ടലും. ഹോട്ടല് ഇപ്പോള് പ്രവര്ത്തിക്കുന്നില്ല. വൈദികന് വെള്ളിയാഴ്ച വീട്ടിലെത്തിയപ്പോഴാണ് കൊലപാതക വിവരം പുറത്തറിഞ്ഞത്. പരിസരത്ത് ദുര്ഗന്ധം വമിക്കുന്ന കാര്യം അദ്ദേഹം പൊലീസിനെ അറിയിച്ചതിനെ തുടര്ന്നു നടത്തിയ പരിശോധനയിലാണു മൃതദേഹം കണ്ടെത്തിയത്. ബുധനാഴ്ച വൈദികന് എത്തിയപ്പോള് വര്ക്ക് ഏരിയയുടെ ഗ്രില്ല് തകര്ന്നതും തറയില് രക്തക്കറയും കണ്ടു. മോഷണശ്രമമെന്നു കരുതി പൊലീസില് അറിയിച്ചിരുന്നു. അന്നു പൊലീസും ഫൊറന്സിക് സംഘവും പരിശോധന നടത്തിയതാണ്. ഉച്ചയോടെ കണ്ടെത്തിയ മൃതദേഹം നടപടികള്ക്കു ശേഷം വൈകിട്ട് ആറോടെയാണ് ഓടയുടെ സ്ലാബ് നീക്കി പുറത്തെടുത്തത്. 60 വയസ്സ് തോന്നിക്കുന്ന സ്ത്രീയുടെ അഴുകിയ നിലയിലുള്ള മൃതദേഹത്തില് വസ്ത്രവും ആഭരണങ്ങളും ഉണ്ടായിരുന്നില്ല. ഇന്ക്വസ്റ്റിനു ശേഷം പോസ്റ്റ്മോര്ട്ടത്തിനായി രാത്രി…
Read More » -
Breaking News
ഇടതിന് ഇരുട്ടടി! രാഹുല് എംഎല്എ സ്ഥാനം രാജിവെക്കും? കോണ്ഗ്രസ് വേറിട്ട പാര്ട്ടിയാണെന്ന്പറയിപ്പിക്കുമെന്ന് സതീശന്
തിരുവനന്തപുരം: രാഹുല് മാങ്കൂട്ടത്തിലിനെതിരെ പ്രതിപക്ഷ നേതാവ് കടുത്ത നിലപാടില്. എംഎല്എ സ്ഥാനം രാജിവെച്ചേക്കുമെന്ന് വി.ഡി സതീശന് സൂചന നല്കി. രാഹുല് അധ്യക്ഷ സ്ഥാനം ഒഴിഞ്ഞത് ആദ്യ നടപടി മാത്രമെന്ന് സതീശന് പറഞ്ഞു. രാഹുലിനെതിരെ കൂടുതല് നടപടിയിലേക്ക് പാര്ട്ടി കടക്കുമെന്ന സൂചനയാണ് പ്രതിപക്ഷ നേതാവ് നല്കിയത്. മാധ്യമങ്ങളോടായിരുന്നു വി.ഡി സതീശന്റെ പ്രതികരണം. പ്രതിപക്ഷ നേതാവിന്റേതിന് സമാന നിലപാട് തന്നെയാണ് രമേശ് ചെന്നിത്തല അടക്കമുള്ള മുതിര്ന്ന നേതാക്കള്ക്കുമെന്നാണ് സൂചന. ‘രാഹുല് വിഷയം അടഞ്ഞ അധ്യായം; ഒരു പരാതിയും ഇല്ല, എംഎല്എ സ്ഥാനം രാജി വയ്ക്കേണ്ടതില്ല’ അതേസമയം, രാഹുല് മാങ്കൂട്ടത്തില് എംഎല്എ സ്ഥാനം രാജിവെക്കേണ്ടതില്ലെന്നാണ് എഐസിസി ജനറല് സെക്രട്ടറി ദീപാ ദാസ് മുന്ഷി പറഞ്ഞത്. രാഹുല് രാജിവെച്ചതാണ്, സ്ഥാനത്തുനിന്ന് നീക്കിയതല്ലെന്നും രാഹുലിനെതിരെ ഒരു പരാതിയും പാര്ട്ടിക്ക് ലഭിച്ചിട്ടില്ലെന്നും ദിപാ ദാസ് മുന്ഷി പറഞ്ഞു. രാഹുല് വിഷയം അടഞ്ഞ അധ്യായമാണെന്നും പരാതി ഇല്ലാത്തതിനാല് പാര്ട്ടി അന്വേഷണം നടത്തേണ്ട കാര്യമില്ലെന്നും ദിപാ ദാസ് മുന്ഷി പറഞ്ഞു. കീറാമുട്ടിയായി രാഹുല്;…
Read More » -
Breaking News
പോലീസിനെ വെട്ടിച്ച് കിണറ്റില് ചാടി പ്രതി; ഫയര് ഫോഴ്സിനെ എത്തിച്ച് ‘പൊക്കി’ പോലീസ്
കൊല്ലം: പോലീസിനെ വെട്ടിച്ച് കിണറ്റില് ചാടിയ പ്രതിയെ ഫയര് ഫോഴ്സ് എത്തി രക്ഷിച്ചു. എഴുകോണ് ഇരുമ്പനങ്ങാട് വികെഎം ക്ലബ്ബിനു സമീപം വെള്ളിയാഴ്ച രാത്രി 11.45-നാണ് സംഭവം. ഓണ്ലൈന് തട്ടിപ്പുമായി ബന്ധപ്പെട്ട് കൊടുങ്ങല്ലൂര് പോലീസ് രജിസ്റ്റര് ചെയ്ത കേസിലെ പ്രതി ശ്രീകുമാറാണ് കിണറ്റില് ചാടിയത്. ശ്രീകുമാറിനെ പോലീസ് ചോദ്യംചെയ്തപ്പോള് കൂട്ടുപ്രതി എഴുകോണ് ഇരുമ്പനങ്ങാട് ഭാഗത്തുണ്ടെന്നറിഞ്ഞു. തുടര്ന്നാണ് കൊടുങ്ങല്ലൂര് പോലീസ് ശ്രീകുമാറുമായി കൂട്ടുപ്രതിയുടെ വീട് കണ്ടെത്താന് ഇരുമ്പനങ്ങാട്ട് എത്തിയത്. രാത്രി ഊടുവഴികളിലൂടെ പോലീസിനെ കൊണ്ടുപോയ ഇയാള് പോലീസിനെ വെട്ടിച്ച് ഓടി. തുടര്ന്ന് രക്ഷപ്പെടാന്വേണ്ടി ചരുവിള പുത്തന്വീട്ടില് സജീവിന്റെ കിണറ്റില് ചാടി. ശബ്ദംകേട്ട് സജീവിന്റെ ഭാര്യയും മകനും നോക്കുമ്പോഴാണ് കിണറ്റില് ആളിനെ കണ്ടത്. വീട്ടുകാരുടെ ബഹളംകേട്ട് സമീപത്തുണ്ടായിരുന്ന പോലീസ് ഓടിയെത്തുകയായിരുന്നു. തുടര്ന്ന് കുണ്ടറയില്നിന്ന് ഫയര് ഫോഴ്സ് എത്തി പ്രതിയെ കരയ്ക്കെത്തിച്ചു. സാരമായി പരിക്കേറ്റ പ്രതിയെ പോലീസ് കൊട്ടാരക്കര താലൂക്ക് ആശുപത്രിയില് പ്രവേശിപ്പിച്ചു.
Read More » -
Breaking News
റിലയൻസ് സ്കോളർഷിപ്പിന് ഇപ്പോൾ അപേക്ഷിക്കാം; 5100 യുജി, പിജി വിദ്യാർത്ഥികൾക്ക് അവസരം, അപേക്ഷ സമർപ്പിക്കേണ്ട അവസാന തീയതി ഒക്റ്റോബർ 4
കൊച്ചി: ഉന്നതവിദ്യാഭ്യാസത്തിനായുള്ള ഇന്ത്യയിലെ ഏറ്റവും വലുതും വൈവിധ്യപൂർണ്ണവുമായ സ്കോളർഷിപ്പ് പദ്ധതികളിലൊന്നിലേക്ക് ഇപ്പോൾ അപേക്ഷിക്കാം. റിലയൻസ് ഫൗണ്ടേഷന്റെ പ്രശസ്തമായ സ്കോളർഷിപ്പ് പദ്ധതി 2025-26 അക്കാഡമിക് വർഷത്തേക്കുള്ള അപേക്ഷ ക്ഷണിച്ചിരിക്കുകയാണ്. വികസിത ഭാരതമെന്ന ആശയം യാഥാർത്ഥ്യമാക്കുന്നതിലേക്ക് സംഭാവന ചെയ്യുന്നതിന്റെ ഭാഗമായി ഈ വർഷവും രാജ്യത്തെ 5100 മികച്ച ബിരുദ, ബിരുദാനന്തര വിദ്യാർത്ഥികൾക്കാണ് സ്കോളർഷിപ്പ് നൽകുന്നത്. രാജ്യത്തെ ഏറ്റവും വലിയ സ്വകാര്യ സ്കോളർഷിപ്പ് പദ്ധതിയാണിത്. 2024ൽ കേരളത്തിൽ നിന്നുള്ള 226 വിദ്യാർത്ഥികൾ സ്കോളർഷിപ്പിന് അർഹരായിരുന്നു. റിലയൻസ് ഫണ്ടേഷൻ അണ്ടർ ഗ്രാജുവേറ്റ് സ്കോളർഷിപ്പ് പദ്ധതി പ്രകാരം 5,000 ബിരുദ വിദ്യാർത്ഥികൾക്ക് 2 ലക്ഷം രൂപ വരെയാണ് ഗ്രാന്റ് ലഭിക്കുക. പൂർണമായും മെറിറ്റ് അടിസ്ഥാനത്തിലാകും തെരഞ്ഞെടുപ്പ്. ബിരുദ (യുജി) കോഴ്സിന് ചേർന്ന ആദ്യവർഷ വിദ്യാർത്ഥികളാണ് സ്കോളർഷിപ്പിന് അപേക്ഷിക്കേണ്ടത്. എൻജിനീയറിംഗ്, ടെക്നോളജി, എനർജി, ലൈഫ് സയൻസസ് തുടങ്ങിയ തെരഞ്ഞെടുത്ത മേഖലകളിലെ 100 ബിരുദാനന്തര ബിരുദ വിദ്യാർത്ഥികൾക്കാണ് റിലയൻസ് ഫൗണ്ടേഷൻ പോസ്റ്റ് ഗ്രാജുവേറ്റ് സ്കോളർഷിപ്പ് ലഭിക്കുക. വിദ്യാർത്ഥികൾക്ക് പൂർണമായ പിന്തുണയും ഫണ്ടേഷൻ…
Read More » -
Breaking News
‘രാഹുല് വിഷയം അടഞ്ഞ അധ്യായം; ഒരു പരാതിയും ഇല്ല, എംഎല്എ സ്ഥാനം രാജി വയ്ക്കേണ്ടതില്ല’
തൃശൂര്: രാഹുല് മാങ്കൂട്ടത്തില് എംഎല്എ സ്ഥാനം രാജിവെക്കേണ്ടതില്ലെന്ന് എഐസിസി ജനറല് സെക്രട്ടറി ദീപാ ദാസ് മുന്ഷി. യൂത്ത് കോണ്ഗ്രസ് അധ്യക്ഷ സ്ഥാനം രാഹുല് രാജിവെച്ചതാണ്, സ്ഥാനത്തുനിന്ന് നീക്കിയതല്ലെന്നും രാഹുലിനെതിരെ ഒരു പരാതിയും പാര്ട്ടിക്ക് ലഭിച്ചിട്ടില്ലെന്നും ദിപാ ദാസ് മുന്ഷി പറഞ്ഞു. ഇടതിന് ഇരുട്ടടി! രാഹുല് എംഎല്എ സ്ഥാനം രാജിവെക്കും? കോണ്ഗ്രസ് വേറിട്ട പാര്ട്ടിയാണെന്ന്പറയിപ്പിക്കുമെന്ന് സതീശന് എംഎല്എ സ്ഥാനത്തുനിന്ന് രാഹുല് മാറേണ്ട കാര്യമില്ല. അദ്ദേഹം തിരഞ്ഞെടുക്കപ്പെട്ട നേതാവാണ്. പ്രതിപക്ഷം രാജി ആവശ്യപ്പെടുമ്പോള് സ്വന്തം പാര്ട്ടിയിലെ കാര്യങ്ങള് കൂടി കാണണമെന്നും ദീപാ ദാസ് മുന്ഷി. പാര്ട്ടി അന്വേഷണം ഇല്ല. രാഹുല് വിഷയം അടഞ്ഞ അധ്യായമാണെന്നും പരാതി ഇല്ലാത്തതിനാല് പാര്ട്ടി അന്വേഷണം നടത്തേണ്ട കാര്യമില്ലെന്നും ദിപാ ദാസ് മുന്ഷി പറഞ്ഞു. അതേസമയം, രാഹുല് മാങ്കൂട്ടത്തിലിന്റെ എംഎല്എ സ്ഥാനത്തിന്റെ കാര്യത്തില് കോണ്ഗ്രസ് നേതാക്കള്ക്കിടയില് രണ്ടഭിപ്രായം. സാങ്കേതികത്വം പറഞ്ഞുള്ള സംരക്ഷണം പാര്ട്ടിക്ക് ഗുണം ചെയ്യില്ലെന്നാണ് ഒരു വിഭാഗം നേതാക്കളുടെ നിലപാട്. പരാതിയും കേസുമില്ലാതെ എംഎല്എ സ്ഥാനം രാജിവെക്കേണ്ടതില്ലെന്ന് മറുവിഭാഗവും…
Read More »