Month: June 2025
-
India
പുരി രഥയാത്രയ്ക്കിടെ തിക്കും തിരക്കും; മൂന്നു മരണം, പത്തുപേര്ക്ക് പരിക്ക്
ഭുവനേശ്വര്: ഒഡീഷയിലെ പുരിയില് ജഗന്നാഥ ക്ഷേത്രത്തിലെ രഥയാത്രയ്ക്കിടെയുണ്ടായ തിക്കിലും തിരക്കിലുംപെട്ട് മൂന്നുപേര് മരിച്ചു. ഇതില് രണ്ടുപേര് സ്ത്രീകളാണ്. പത്തുപേര്ക്ക് പരിക്കേറ്റിട്ടുമുണ്ട്. ശ്രീ ഗുംഡിച ക്ഷേത്രത്തിന് സമീപമായിരുന്നു അപകടം. വിഗ്രഹങ്ങളുമായെത്തിയ രഥങ്ങള് ശ്രീ ഗുംഡിച ക്ഷേത്രത്തിന് സമീപത്തെത്തിയ സമയത്തായിരുന്നു അപകടമുണ്ടായത് എന്നാണ് വിവരം. ഒഡീഷയിലെ ഖുര്ദ ജില്ല സ്വദേശികളായ പ്രഭതി ദാസ്, ബസന്തി സാഹു, പ്രേംകാന്ത് മൊഹന്തി എന്നിവരാണ് മരിച്ചതെന്ന് ദേശീയമാധ്യമങ്ങള് റിപ്പോര്ട്ട് ചെയ്തു. രഥയാത്രയില് പങ്കെടുക്കാനാണ് ഇവര് പുരിയിലേക്ക് വന്നത്. തിക്കിലും തിരക്കിലുംപെട്ട മൂവരും തല്ക്ഷണം മരിച്ചുവെന്നാണ് വിവരം. പരിക്കേറ്റവരില് ചിലരുടെ നില ഗുരുതരമാണ്. രഥങ്ങള് യാത്ര പുറപ്പെട്ട ജഗന്നാഥ ക്ഷേത്രത്തില്നിന്ന് മൂന്ന് കിലോമീറ്റര് അകലെയാണ് ശ്രീ ഗുംഡിച ക്ഷേത്രം. ഞായറാഴ്ച രാവിലെ നാലരയോടെയാണ് രഥങ്ങള് ഇവിടേക്ക് എത്തിയത്. ദര്ശനത്തിന് വേണ്ടി വലിയ ആള്ക്കൂട്ടമായിരുന്നു ഇവിടെയുണ്ടായിരുന്നത്. രഥങ്ങള് എത്തിയതോടെ ആള്ക്കൂട്ടവും വലുതായി. ചിലര് വീഴുകയും പിന്നീട് തിക്കും തിരക്കും രൂപപ്പെടുകയുമായിരുന്നു. അതേസമയം, ജനക്കൂട്ടത്തെ നിയന്ത്രിക്കാനുള്ള പോലീസ് നടപടികള് അപര്യാപ്തമായിരുന്നെന്ന് പ്രാദേശികമാധ്യമങ്ങള് റിപ്പോര്ട്ട്…
Read More » -
India
ക്യാബിനില് പുക മണം, ചെന്നൈയിലേക്ക് പുറപ്പെട്ട എയര്ഇന്ത്യ വിമാനം അടിയന്തരമായി നിലത്തിറക്കി
ചെന്നൈ: ക്യാബിനില് പുക മണം അനുഭവപ്പെട്ടതോടെ എയര്ഇന്ത്യ വിമാനം നിലത്തിറക്കി. മുംബയില് നിന്ന് ചെന്നൈയിലേക്ക് പുറപ്പെട്ട എയര്ഇന്ത്യയുട എഐ 639 വിമാനമാണ് അടിയന്തരമായി നിലത്തിറക്കിയത്. വിമാനം സുരക്ഷിതമായി മുംബയില് തിരിച്ചിറക്കിയതായും യാത്രക്കാര്ക്ക് മറ്റൊരു വിമാനം ഏര്പ്പെടുത്തിയതായും എയര്ഇന്ത്യ വക്താവ് അറിയിച്ചു. അപ്രതീക്ഷിത തടസം കാരണം യാത്രക്കാര്ക്കുണ്ടായ ബുദ്ധിമുട്ട് കുറയ്ക്കാന് ഗ്രൗണ്ട് സ്റ്റാഫ് എല്ലാ പിന്തുണയും നല്കിയെന്നും അധികൃതര് ഇന്നലെ രാത്രി വ്യക്തമാക്കി. വെളളിയാഴ്ച രാത്രി 11. 50നാണ് വിമാനം പറന്നുയര്ന്നത്. ഏകദേശം 45 മിനിറ്റ് പറന്നതിനുശേഷം സാങ്കേതിക തകരാര് കാരണം വിമാനം മുംബയിലേക്ക് തിരികെ പോകുമെന്ന് പൈലറ്റ് അറിയിച്ചതായി യാത്രക്കാരിലൊരാള് സോഷ്യല് മീഡിയയില് കുറിച്ചു. രാത്രി 12.47ന് വിമാനം അടിയന്തരമായി ലാന്ഡ് ചെയ്യുകയായിരുന്നു.
Read More » -
Kerala
ദളിത് ചിന്തകനും എഴുത്തുകാരനുമായ കെ.എം സലീം കുമാര് അന്തരിച്ചു
കൊച്ചി: പ്രശസ്ത ദളിത് ചിന്തകനും എഴുത്തുകാരനും സാംസ്കാരിക പ്രവര്ത്തകനുമായ കെ എം സലീം കുമാര് അന്തരിച്ചു. 76 വയസായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. അസുഖ ബാധിതനായി അദ്ദേഹം ഏറെ നാളുകളായി ചികിത്സയിലായിരുന്നു. 1975ല് അടിയന്തരാവസ്ഥ കാലത്ത് 17 മാസം ജയില് വാസം അനുഭവിച്ചിട്ടുണ്ട്. ഇടുക്കിയില് തൊടുപുഴ താലൂക്കില് വെള്ളിയാമറ്റം പഞ്ചായത്തില് കുന്നത്തു മാണിക്കന്റെയും കോതയുടെയും മകനായി 1949 മാര്ച്ച് പത്തിനാണ് ജനനം. കൊലുമ്പന് പുത്തന്പുരയ്ക്കല് വളര്ത്തച്ഛനായിരുന്നു. നാളിയാനി ട്രൈബല് എല് പി സ്കൂള്, പൂച്ചപ്ര, അറക്കുളം യുപി സ്കൂള്, മൂലമറ്റം സര്ക്കാര് ഹൈസ്കൂള്, എറണാകുളം മഹാരാജാസ് കോളേജ് എന്നിവിടങ്ങളിലായിരുന്നു വിദ്യാഭ്യാസം. 1969ല് എറണാകുളം മഹാരാജാസ് കോളേജില് ഡിഗ്രിക്ക് പഠിക്കുമ്പോള് നക്സലൈറ്റ് പ്രസ്ഥാനവുമായി ബന്ധം. തുടര്ന്ന് രണ്ടു പതിറ്റാണ്ട് കാലം സിആര്സി, സിപിഐ(എം.എല്) പ്രസ്ഥാനത്തിന്റെ സംഘാടകരില് ഒരാളായിരുന്നു. അധഃസ്ഥിത നവോത്ഥാന മുന്നണിയുടെ ആഭിമുഖ്യത്തില് 1989ല് വൈക്കത്ത് മനുസ്മൃതി ചുട്ടെരിച്ചുകൊണ്ട് ദളിത് സംഘടന പ്രവര്ത്തനത്തില് കേന്ദ്രീകരിച്ചു. അധഃസ്ഥിത നവോത്ഥാന മുന്നണിയുടെ സംസ്ഥാന കണ്വീനര്,…
Read More » -
Crime
കൊച്ചിയിലെ ബാറില് ഡിജെ പാര്ട്ടിക്കിടെ സംഘര്ഷം, ഒരാള്ക്ക് കുത്തേറ്റു; ആക്രമിച്ചത് യുവതിയെന്ന് വിവരം
കൊച്ചി: നഗരത്തിലെ ബാറില് ഡിജെ പാര്ട്ടിക്കിടെ സംഘര്ഷം. കതൃക്കടവ് റോഡിലെ ബാറിലാണ് സംഘര്ഷമുണ്ടായത്. സംഘര്ഷത്തില് ഒരാള്ക്ക് കുത്തേറ്റതായാണ് വിവരം. സിനിമാരംഗത്തെ പ്രമുഖരടക്കം പങ്കെടുത്ത ഡിജെ പാര്ട്ടിക്കിടെയായിരുന്നു സംഭവം. ശനിയാഴ്ച രാത്രിയാണ് ഡിജെ പാര്ട്ടിക്കിടെ സംഘര്ഷമുണ്ടായത്. തൊടുപുഴ സ്വദേശിയായ യുവാവിനെ ഒരു യുവതിയാണ് കുത്തിപ്പരിക്കേല്പ്പിച്ചതെന്നാണ് സംഭവസ്ഥലത്തുണ്ടായിരുന്നവര് പറയുന്നത്. മദ്യക്കുപ്പി കൊണ്ട് യുവാവിന്റെ കഴുത്തിലാണ് കുത്തിയതെന്നും പറയുന്നു. സംഭവത്തില് യുവതിയെ പോലീസെത്തി കസ്റ്റഡിയിലെടുത്തെന്നും സ്ഥലത്തുണ്ടായിരുന്നവര് പറഞ്ഞു. അതേസമയം, സംഭവത്തില് പോലീസ് ഇതുവരെ ഔദ്യോഗികവിശദീകരണം നല്കിയിട്ടില്ല. സംഭവത്തെത്തുടര്ന്ന് ഒട്ടേറെപേരാണ് ബാറിന് മുന്നില് തടിച്ചുകൂടിയിരുന്നത്. വിവരമറിഞ്ഞ് സ്ഥലത്തെത്തിയ പോലീസ് ഇവിടെയുണ്ടായിരുന്നവരെയെല്ലാം പിരിച്ചുവിട്ടു.
Read More » -
Crime
ജഡ്ജിയുടെ മകള് ചമഞ്ഞ് തട്ടിപ്പ്; ഹോട്ടല് ബില് അടയ്ക്കാന് പോലീസുകാര്ക്ക് ഭീഷണി, പൊലീസുകാരി അറസ്റ്റില്
ചെന്നൈ: ഹൈക്കോടതി ജഡ്ജിയുടെ മകളായി ചമഞ്ഞ് പൊലീസുകാരെ ഭീഷണിപ്പെടുത്തുകയും പണം തട്ടുകയും ചെയ്ത വനിതാ പൊലീസ് കോണ്സ്റ്റബിളിനെ അറസ്റ്റ് ചെയ്തു. എസ്പ്ലനേഡ് സ്റ്റേഷനിലെ പൊലീസ് കോണ്സ്റ്റബിള് രേഖയാണ് പിടിയിലായത്. ഇവര് 5 മാസത്തോളം ജോലിക്ക് ഹാജരായിരുന്നില്ലെന്ന് പൊലീസ് പറഞ്ഞു. ഏതാനും ദിവസങ്ങള്ക്കു മുന്പ് സെമ്പിയം സ്റ്റേഷനിലേക്കു വിളിച്ച യുവതി താന് ഹൈക്കോടതി ജഡ്ജിയുടെ മകളാണെന്നും സമീപത്തെ ഹോട്ടലില് താമസിച്ചതിന്റെയും ഭക്ഷണത്തിന്റെയും ബില് അടയ്ക്കണമെന്നും പൊലീസുകാരോട് ആവശ്യപ്പെട്ടു. പണം അടച്ചില്ലെങ്കില് ഭവിഷ്യത്തുകള് അനുഭവിക്കേണ്ടി വരുമെന്നും ഭീഷണിപ്പെടുത്തി. പണമടച്ച പൊലീസുകാര് അറിയിച്ചതിനെ തുടര്ന്ന് സംശയം തോന്നിയ ഉന്നത ഉദ്യോഗസ്ഥര് ഹോട്ടലിലെത്തി അന്വേഷണം നടത്തിയതോടെയാണ് തട്ടിപ്പ് പുറത്തായത്.
Read More » -
Kerala
യാത്രക്കാരുടെ ശ്രദ്ധയ്ക്ക്; ട്രെയിനുകള് വൈകിയോടുന്നു
തൃശൂര്: വള്ളത്തോള് നഗറിലെ മണ്ണിടിച്ചിലിനെ തുടര്ന്ന് നാലു ട്രെയിനുകള് വൈകിയോടുന്നു. തിരുനെല്വേലി, പരശുറാം, നേത്രാവതി, കൊച്ചുവേളി സൂപ്പര്ഫാസ്റ്റ് എന്നിവയാണ് വൈകിയോടുന്നത്. തിരുനെല്വേലി, നേത്രാവതി എക്സ്പ്രസുകള് ഒന്നര മണിക്കൂറാണ് വൈകിയോടുന്നത്. പരശുറാം എക്സ്പ്രസ് 7 മിനിറ്റ് വൈകിയോടുന്നു. വന്ദേഭാരത് എക്സ്പ്രസ് എട്ട് മിനിറ്റ് വൈകും. സമ്പര്ക് ക്രാന്തി എക്സ്പ്രസ് 2 മണിക്കൂര് വൈകിയോടുകയാണ്. വടക്കാഞ്ചേരി റെയില്വേ സ്റ്റേഷനും മുള്ളൂര്ക്കര റെയില്വേ സ്റ്റേഷനും ഇടയില് അകമല റെയില്വേ ഓവര്ബ്രിഡ്ജിന് സമീപമാണ് ഇന്നലെ മണ്ണിടിഞ്ഞത്. കഴിഞ്ഞ പ്രളയത്തില് വലിയ രീതിയില് മണ്ണിടിച്ചില് ഉണ്ടായതിനെ തുടര്ന്ന് മേഖലയില് കോണ്ക്രീറ്റ് സംരക്ഷണഭിത്തി സ്ഥാപിച്ച് മണ്ണിടിച്ചില് തടയുന്നതിനുള്ള നടപടികള് പുരോഗമിച്ചു വരികയായിരുന്നു. ഈ ഭാഗത്താണ് വീണ്ടും ട്രാക്കിലേക്ക് മണ്ണ് വീണ് ട്രെയിന് ഗതാഗതം തടസപ്പെട്ടത്. ഇന്നലെ വൈകീട്ട് അഞ്ച് മണിയോടെയാണ് മണ്ണിടിഞ്ഞത്.
Read More » -
Breaking News
ഖമേനി എവിടെ? ഇസ്രയേല് വധിച്ച സൈനികരുടെ സംസ്കാര ചടങ്ങിലെ മുഖ്യ പുരോഹിതനാകേണ്ടയാള്; അസാന്നിധ്യത്തിന് കൃത്യമായ മറുപടിയില്ലാതെ ഉന്നത ഉദ്യോഗസ്ഥര്; പുറത്തുവരുന്നതെല്ലാം റെക്കോഡ് ചെയ്ത സന്ദേശങ്ങള്; സൈന്യവും രാഷ്ട്രീയക്കാരും മുന്നണി ഉണ്ടാക്കുന്ന തിരക്കില്; അശൂറയില് പുറത്തു വന്നില്ലെങ്കില് അത് ദുസൂചന?
ടെഹറാന്: ഇസ്രായേലിന്റെ ആക്രമണത്തില് കൊല്ലപ്പെട്ട സൈനിക ജനറല്മാരുടെ സംസ്കാരച്ചടങ്ങുകളില്നിന്ന് വിട്ടുനിന്ന് ഇറാനിയന് പരമോന്നത നേതാവ്. ഇറാനിയന് മിലിട്ടറി കമാന്ഡര്മാര് അടക്കം 60 പേരുടെ സംസ്കാരച്ചടങ്ങുകളില് ആയിരക്കണക്കിന് ആളുകള് പങ്കെടുത്തപ്പോഴാണ് ഖമേനി വിട്ടുനിന്നത്. യുദ്ധങ്ങളില് കൊല്ലപ്പെട്ട സൈനികരുടെയും ഇസ്ലാമിക് റിപ്പബ്ലിക്കിന്റെ കമാന്ഡര്മാരുടെയും സംസ്കാര ചടങ്ങുകളില് അടുത്തകാലംവരെ പങ്കെടുത്തപ്പോഴാണ് ഖമേനിയുടെ അസാന്നിധ്യമെന്നതും ശ്രദ്ധേയമാണ്. യുദ്ധം ആരംഭിച്ചതിനു പിന്നാലെ ഇറാനിലെ ഏറ്റവും ആഴത്തിലുള്ള സുരക്ഷിത ബങ്കറിലേക്കു മാറിയ ഖമേനി, വെടിനിര്ത്തലിനു ശേഷമാണ് ടിവിയില് പ്രത്യക്ഷപ്പെട്ടത്. മൂന്നു പ്രീ-റെക്കോഡഡ് വീഡിയോകളാണ് പുറത്തുവന്നത്. അദ്ദേഹത്തിന്റെ പൊതുവേദിയില് പ്രത്യക്ഷപ്പെടുന്നതിന്റെ ചിത്രങ്ങളും ലഭ്യമല്ല. ഇസ്രയേലിന്റെ ഭാഗത്തുനിന്ന് വധഭീഷണി നിലനില്ക്കുന്ന സാഹചര്യത്തിലാണ് അദ്ദേഹം പൊതുവേദിയില് പ്രത്യക്ഷപ്പെടാത്തതെന്നും വിദഗ്ധര് പറഞ്ഞു. ചടങ്ങുകള് റിപ്പോര്ട്ട് ചെയ്ത ഇറാനിയന് ടെലിവിഷന് ചാനലുകളിലേക്കും ഖമേനി എവിടെയെന്നു ചൂണ്ടിക്കാട്ടി നിരവധി അന്വേഷണങ്ങള് എത്തിയെന്നാണു ന്യൂയോര്ട്ട് ടൈംസ് റിപ്പോര്ട്ട് ചെയ്തത്. ഖമേനിയുടെ ആര്കൈവ്സ് ഓഫീസിലേക്കും നിരവധിപ്പേര് ഈ ആവശ്യവുമായി സന്ദേശങ്ങള് അയച്ചെങ്കിലും സ്ഥാപനത്തിന്റെ മേധാവി മെഹ്ദി ഫസേലി വ്യക്തമായ മറുപടി നല്കിയിരുന്നില്ല.…
Read More » -
Breaking News
‘ആണ്കുട്ടികള് ബാറ്റുമായി ക്രിക്കറ്റിനു പോകുമ്പോള് ക്ലാസ് മുറിയില് അടച്ചിട്ടവരുടെ കൂട്ടത്തിലായിരുന്നു ഞാന്; എന്റെ അവസ്ഥ പെണ്കുട്ടികള്ക്ക് വരരുത്’; സൂംബയ്ക്കെതിരേ മതവാദികള് അഴിഞ്ഞാടുമ്പോള് താലിബാന് വെടിവച്ച മലാല സ്ത്രീകള്ക്കു സ്പോര്ട്സില് കൂടുതല് നിക്ഷേപം നടത്താന് രംഗത്ത്
ന്യൂയോര്ക്ക്: കുട്ടികളുടെ മാനസികോല്ലാസത്തിനു വേണ്ടി ഏവരുടെയും പിന്തുണയോടെ കൊണ്ടുവന്ന നൃത്ത രൂപത്തിനെതിരേ മുസ്ലിം മത സാമുദായിക-വിദ്യാര്ഥി സംഘടനള് എതിര്പ്പുമായി വരുമ്പോള് കായിക മേഖലയില് കൂടുതല് നിക്ഷേപങ്ങള് നടത്താന് താലിബാന്റെ താലിബാന്റെ തോക്കിനെ അതിജീവിച്ച നൊബേല് പുരസ്കാര ജേതാവ് മലാല യൂസഫ്സായി. അത്്ലീറ്റിന്റെ റോളിലല്ല നിക്ഷേപകയായാണ് മലാലയുടെ വരവ്. സ്കൂളില് സഹപാഠികളായ ആണ്കുട്ടികള് ഒഴിവുസമയത്ത് ക്രിക്കറ്റ് ബാറ്റുമെടുത്ത് ഗ്രൗണ്ടിലേക്ക് പോകുമ്പോള് ക്ലാസ്മുറികളില് തന്നെയിരുന്നിരുന്ന പെണ്കുട്ടികളുടെ കൂട്ടത്തിലായിരുന്ന താനുമെന്ന ഓര്മ പങ്കുവച്ചുകൊണ്ടാണ് കായികരംഗത്തേക്കുള്ള വരവ് മലാല പ്രഖ്യാപിച്ചത്. ക്രിക്കറ്റ് ബാറ്റുമായി കളത്തിലിറങ്ങണമെന്ന മോഹം നടക്കാതെ പോയെങ്കിലും മറ്റ് പെണ്കുട്ടികള്ക്ക് സമാന അവസ്ഥ വരാതിരിക്കാനാണ് പുതിയ പദ്ധതിക്ക് തുടക്കമിടുന്നതെന്ന് മലാല. റിസസ് എന്ന പേരില് ലണ്ടനില് തുടങ്ങിയ പദ്ധതിയുടെ ലക്ഷ്യം വനിത കായികരംഗത്ത് കൂടുതല് നിക്ഷേപങ്ങളും ഫ്രഫഷണല് താരങ്ങളാകാന് അവസരങ്ങളും ഒരുക്കുകയാണ്. ടെന്നിസ് ഇതിഹാസം ബില്ലി ജീന് കിങ്ങ് ഉപദേശകയായി റിസസിനൊപ്പമുണ്ടാകും. അമേരിക്കന് വനിതാ സോക്കര് ലീഗിലും വനിതാ ബാസ്ക്കറ്റ് ബോള് ലീഗിലേക്കുമായിരിക്കും മലാലയുടെ റിസസിന്റെ…
Read More » -
Breaking News
ക്രിക്കറ്റില് അടിമുടി മാറ്റത്തിന് ഒരുങ്ങി ഇന്റര്നാഷല് ക്രിക്കറ്റ് കൗണ്സില്; സ്റ്റോപ് ക്ലോക്ക് മുതല് ഷോര്ട്ട് റണ്വരെ; നോബോള് നിയമത്തിലും മാറ്റം; ഉമിനീര് തൊട്ടാല് പന്തു മാറ്റേണ്ടതില്ല; ഓവറുകള്ക്കിടയിലെ സമയം ഒരു മിനുട്ട് മാത്രം
ന്യൂഡല്ഹി: അന്താരാഷ്ട്ര ക്രിക്കറ്റിൽ അടിമുടി മാറ്റത്തിനൊരുങ്ങുകയാണ് രാജ്യാന്തര ക്രിക്കറ്റ് കൗൺസിൽ (ഐസിസി). ഡിആർഎസ്, സ്റ്റോപ് ക്ലോക്ക്, പന്തിൽ ഉമിനീർ ഉപയോഗിക്കുന്നത് തുടങ്ങിയവയിലെല്ലാം നിലവിലെ നിയമങ്ങൾ പൊളിക്കുകയാണ് ഐസിസി. ടെസ്റ്റ് ചാംപ്യൻഷിപ്പില് പുതിയ നിയമങ്ങളിൽ ചിലത് നിലവിൽ വന്നുകഴിഞ്ഞു. ജൂലൈ 2 മുതൽ വൈറ്റ്ബോൾ ക്രിക്കറ്റിലും ഈ നിയമങ്ങൾ ബാധകമാകും. സ്റ്റോപ് ക്ലോക്ക് വൈറ്റ് ബോൾ ക്രിക്കറ്റിന് പുറമേ ടെസ്റ്റിലും സ്റ്റോപ് ക്ലോക്ക് സംവിധാനവും കൊണ്ടുവരികയാണ് ഐസിസി. കുറഞ്ഞ ഓവർനിരക്കുമായി ബന്ധപ്പെട്ട പ്രശ്നങ്ങൾ പരിഹരിക്കുകയാണ് സ്റ്റോപ് ക്ലോക്കിലൂടെ ലക്ഷ്യമിടുന്നത്. ബോളിങ് ടീമിനെ സമയത്തിന്റെ വില പഠിപ്പിക്കാനാണ് നിയമം. പുതിയ നിയമപ്രകാരം ഫീൽഡിങ് ടീം ഒരു മിനിറ്റിനുള്ളിൽ പുതിയ ഓവർ ആരംഭിച്ചിരിക്കണം. ഇത് നടപ്പാക്കിയില്ലെങ്കിൽ അമ്പയർമാർ രണ്ട് മുന്നറിയിപ്പുകൾ നൽകും. അതിന് ശേഷവും ഇത് തുടർന്നാൽ അഞ്ച് റൺസ് പെനാൽറ്റി വിധിക്കും. ഓരോ 80 ഓവറിന് ശേഷവും ഈ മുന്നറിയിപ്പുകൾ പുതുക്കുന്നതായിരിക്കും. ഉമിനീർ ഉപയോഗിച്ചാലും പന്ത് മാറ്റേണ്ടതില്ല പന്തിൽ ഉമിനീർ പുരട്ടുന്നതിന് ഐസിസി വിലക്കുണ്ടെങ്കിലും…
Read More » -
Breaking News
ക്ഷണിച്ചു വരുത്തി അടിവാങ്ങി! ഇറാനെ വീഴ്ത്തിയ ചാര സുന്ദരി; കാതറിന് പെരസ് ഖമേനിയുടെ വെബ്സൈറ്റിലെ എഴുത്തുകാരി; ഉയര്ന്ന ഉദ്യോഗസ്ഥരുമായി ബന്ധം സ്ഥാപിച്ച് അടുക്കള രഹസ്യംവരെ ചോര്ത്തി; നീക്കങ്ങളെല്ലാം കിറുകൃത്യം; കടുത്ത ഇറാന് വിരോധി ആക്കിയത് യെമനിലെ താമസം
ടെഹ്റാന്: ഇറാന്റെ സൈനിക- ആണവ മേഖലകളില് കാര്യമായ പ്രഹരമേല്പ്പിച്ച ഓപ്പറേഷന് റൈസിംഗ് ലയണിനു (Operation Rising Lion) പിന്നിലെ ചാര വനിതയെക്കുറിച്ചുള്ള വിവരങ്ങള് പുറത്തുവിട്ട് ഇസ്രയേല്. ഫ്രഞ്ച് മാധ്യമപ്രവര്ത്തക കാതറിന് പെരസ് ഷക്ദം (Catherine Perez Shakdarm) ആണ് മൊസാദിന്റെ ഏജന്റായി പ്രവര്ത്തിച്ചത്. അതിനായി അവര് മതംമാറി. ഇറാന് പരമോന്നത നേതാവ് ആയത്തുല്ല ഖമേനിയുടെ വെബ്സൈറ്റില് ബ്ലോഗറുമായി. ഇസ്രയേല് രഹസ്യാന്വേഷണ ഏജന്സിയായ മൊസാദിന്റെ നീക്കങ്ങള് നിഗൂഢവും അതീവരഹസ്യവുമാണ്. ഇറാന്റെ ആണവകേന്ദ്രങ്ങളെയും ആണവ ശാസ്ത്രജ്ഞരെയും കമാന്ഡര്മാരെയും വകവരുത്താന് ഇറാനില് നുഴഞ്ഞുകയറി മൊസാദിന് വിവരങ്ങള് നല്കിയത് ഫ്രഞ്ചുകാരിയായ മാധ്യമപ്രവര്ത്തക കാതറിന് പെരസ് ഷക്ദം ആണ്. പശ്ചിമേഷ്യന് , ഇസ്ലാമിക കാര്യങ്ങള് വൈദഗ്ധ്യമുള്ള പൊളിറ്റിക്കല് റിപ്പോര്ട്ടറാണ് കാതറിന്. ഫ്രാന്സിലെ ജൂത കുടുംബത്തില് ജനിച്ച കാതറിന് സൈക്കോളജിയില് ലണ്ടന് സര്വകലാശാലയില് നിന്ന് ബിരുദം നേടി. ALSO READ ‘വര്ഷങ്ങളായി ഇറാന് മൊസാദിന്റെ കളിക്കളം’; ഭരണസംവിധാനം മുതല് ആണവ കേന്ദ്രങ്ങളില്വരെ ഇസ്രയേല് ചാര സംഘടനയുടെ നുഴഞ്ഞുകയറ്റം; 55,000 പേജുള്ള…
Read More »