Month: April 2025
-
Kerala
”വഖഫ് ബില് പാസാക്കിയത് നല്ലത്, നിയമഭേദഗതി പാവപ്പെട്ട മുസ്ലിംകള്ക്ക് എതിരല്ല”
ആലപ്പുഴ: വഖഫ് ബില് പാസാക്കിയത് നല്ലതെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ബില് മുസ്ലിംകള്ക്ക് എതിരല്ലെന്ന് പ്രധാനമന്ത്രി നരേന്ദ്ര മോദി ആവര്ത്തിച്ചു പറയുന്നുണ്ട്. വര്ഷങ്ങളായി താമസിക്കുന്ന മുനമ്പത്തെ ജനങ്ങളെ അവരുടെ ഭൂമിയില് നിന്നും ഇറക്കി വിടുന്നത് ശരിയല്ലെന്നും വെള്ളാപ്പള്ളി പറഞ്ഞു. ഈ ബില് ഇന്ത്യന് രാഷ്ട്രീയത്തില് മുസ്ലിംകള്ക്ക് എത്ര ശക്തിയുണ്ടെന്ന് തെളിയിച്ചു. അതിനെ ചെറുതായി കാണരുത്. നിയമഭേദ?ഗതി പാവപ്പെട്ട മുസ്ലിംകള്ക്ക് എതിരല്ല. മുനമ്പത്ത് പോയി പ്രസംഗിച്ചവരും ബില്ലിനെ എതിര്ത്തു വോട്ടു ചെയ്തത് വിരോധാഭാസമാണെന്നും വെള്ളാപ്പള്ളി നടേശന് പറഞ്ഞു. ജനാധിപത്യത്തില് ജനങ്ങള് ഒപ്പം നില്ക്കുന്നതാണ് പ്രധാനം. അവരെ സേവിക്കുന്നവര്ക്കൊപ്പം നില്ക്കും. സിപിഎമ്മും കോണ്ഗ്രസും ചെയ്തത് എന്താണെന്ന് പാര്ലമെന്റില് കണ്ടതാണ്. ഞങ്ങള്ക്ക് ചെയ്യാനുള്ളത് ഞങ്ങള് ചെയ്യുമെന്നും വെള്ളാപ്പള്ളി നടേശന് പറഞ്ഞു. ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറുമായി നടത്തിയ കൂടിക്കാഴ്ചയ്ക്ക് ശേഷം പ്രതികരിക്കുകയായിരുന്നു വെള്ളാപ്പള്ളി നടേശന്.
Read More » -
Crime
വിധവയായ ദളിത് യുവതിയെ ബസില് കൂട്ടബലാത്സംഗത്തിന് ഇരയാക്കി; ഡ്രൈവറും കണ്ടക്ടറുമടക്കം 3 പേര് അറസ്റ്റില്
ബംഗളൂരു: മക്കള്ക്കൊപ്പം സ്വകാര്യ ബസില് കയറിയ തന്നെ ഡ്രൈവറും കണ്ടക്ടറും ഉള്പ്പെടെ മൂന്ന് പേര് കൂട്ടബലാത്സംഗം ചെയ്തുവെന്ന് വിധവയായ യുവതി. കര്ണാടകയിലെ വിജയനഗറിലാണ് സംഭവം. കേസില് മൂന്ന് പേരെ വിജയ് നഗര് പോലീസ് അറസ്റ്റ് ചെയ്തു. മാര്ച്ച് 31-ന് വിജയ് നഗര് ജില്ലയിലെ ചെന്നാപുരയിലാണ് ദളിത് യുവതി ക്രൂരബലാത്സംഗത്തിന് ഇരയായത്. ക്ഷേത്രോത്സവത്തില് പങ്കെടുത്തശേഷം ദാവനഗെരെയിലേക്ക് മടങ്ങുന്നതിനായി ബസില് കയറിയതായിരുന്നു യുവതി. പ്രതികളുടേയും യുവതിയുടേയും മെഡിക്കല് സാമ്പിളുകള് വൈദ്യപരിശോധനയ്ക്ക് അയച്ചിട്ടുണ്ടെന്നും റിപ്പോര്ട്ടിന്റെ അടിസ്ഥാനത്തില് തുടര്നടപടികള് സ്വീകരിക്കുമെന്നും വിജയ്നഗര് എസ്പി ശ്രീഹരി ബാബു വ്യക്തമാക്കി. വേഗത്തില് നടപടിയെടുക്കണമെന്ന് ആവശ്യപ്പെട്ട് ദളിത് സംഘടനകള് പ്രതിഷേധവുമായി രംഗത്തെത്തിയിരുന്നു. തുടര്ന്നാണ് പ്രതികള്ക്കെതിരെ കൂടുതല് കുറ്റങ്ങള് ചുമത്തിയത്. ഭാരതീയ നിയമസംഹിതയിലെ സെഷന് 115 (2), 75(2), 351(2), പട്ടികജാതി-പട്ടികവര്ഗ നിയമത്തിലെ വകുപ്പുകള് എന്നിവ ചേര്ത്താണ് കേസ് രജിസ്റ്റര് ചെയ്തിട്ടുള്ളത്.
Read More » -
Crime
സഹോദരനെ തല്ലിച്ചതച്ചശേഷം 19 കാരിയെ കൂട്ടബലാത്സംഗത്തിനിരയാക്കി; ഓട്ടോ ഡ്രൈവര്മാര് അറസ്റ്റില്
ബംഗളൂരു: കേരളത്തില്നിന്ന് ബംഗളൂരുവിലെത്തിയ ബിഹാര് സ്വദേശിനിയായ യുവതിയെ ലൈംഗികമായി പീഡിപ്പിച്ച കേസില് 2 പേര് അറസ്റ്റില്. ബെംഗളൂരു കെആര് പുരം റെയില്വേ സ്റ്റേഷന് സമീപം ബുധനാഴ്ചയാണ് ബിഹാര് സ്വദേശിനിയായ 19 വയസുകാരിയെ ലൈംഗികാതിക്രമണത്തിന് ഇരയായത്. ബുധനാഴ്ച പുലര്ച്ചെ ഒന്നരയോടെയായിരുന്നു സംഭവം. ഒരു പരിശീലന പരിപാടി കഴിഞ്ഞു വീട്ടിലേക്ക് മടങ്ങുകയായിരുന്നു യുവതി. കെആര് പുരം റെയില്വേസ്റ്റേഷനില് എത്തിയ യുവതി, സഹോദരനൊപ്പം സഞ്ചരിക്കുന്നതിനിടെയാണ് രണ്ടംഗം സംഘം ഇവരെ ആക്രമിച്ചത്. തുടര്ന്നു യുവതിയെ അക്രമികള് ബലാത്സംഗം ചെയ്യുകയായിരുന്നുവെന്ന് പൊലീസ് ഉദ്യോഗസ്ഥര് പറഞ്ഞു. അക്രമികള് ആദ്യം യുവതിയുടെ സഹോദരനെ അക്രമിച്ചു കീഴടക്കി. തുടര്ന്ന് യുവതിയെ ആളൊഴിഞ്ഞ പ്രദേശത്തേക്കു ബലമായി പിടിച്ചുകൊണ്ടുപോയി ലൈംഗികമായി ആക്രമിക്കുകയായിരുന്നു. യുവതിയുടെ നിലവിളി കേട്ട് ഓടിയെത്തിയ നാട്ടുകാരാണ് അക്രമികളില് ഒരാളെ പിടികൂടി പൊലീസില് ഏല്പ്പിച്ചത്. പ്രതികള് മുളബാഗിലുവില് നിന്നുള്ളവരാണെന്നും ഓട്ടോ ഡ്രൈവര്മാരാണെന്നും പൊലീസ് അറിയിച്ചു. പ്രതികളില് രണ്ടാമത്തെയാളെ പൊലീസ് സംഘം വൈകാതെ പിടികൂടിയിരുന്നു. കേസ് രജിസ്റ്റര് ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും പൊലീസ് പറഞ്ഞു. ബലാത്സംഗം,…
Read More » -
India
ഉഡായിപ്പിന്റെ ‘കൈലാസം’; ഹിന്ദു രാഷ്ട്രത്തിനായി ബൊളീവിയയില് ഭൂമി കയ്യേറ്റം, 1000 വര്ഷത്തെ പാട്ടക്കരാര്…
കുട്ടികളെ തട്ടിക്കൊണ്ട് പോകല്, ലൈംഗികാതിക്രമം, ലൈംഗികമായി ദുരുപയോഗം ചെയ്യല് എന്നീ കുറ്റങ്ങള് ചുമത്തിയതിന് പിന്നാലെയാണ് 2019ല് സ്വയം പ്രഖ്യാപിത ആള് ദൈവം നിത്യാനന്ദ ഇന്ത്യയില് നിന്ന് പലായനം ചെയ്തത്. ഹിന്ദുക്കളുടെ ആദ്യത്തെ പരമാധികാര രാഷ്ട്രം എന്ന് സ്വയം പ്രഖ്യാപിച്ച് യുണൈറ്റഡ് സ്റ്റേറ്റ്സ് ഓഫ് കൈലാസ എന്ന് വിളിക്കപ്പെടുന്ന ഒരു രാജ്യം കെട്ടിപ്പടുക്കുകയായിരുന്നു. ഈ രാജ്യത്തിന്റെ പ്രതിനിധികള് 2023ല് യുഎന് യോഗത്തില് പങ്കെടുക്കുകയും ലോകമെമ്പാടുമുള്ള നിരവധി നേതാക്കളുമായി ഇടപഴകുകയും ചെയ്തു. എന്നാല്, ഇന്ത്യയിലെ വിശാലമായ ഒരു മത സാമ്രാജ്യം ഉപേക്ഷിച്ച് നിത്യാനന്ദയെ അടുത്തിടെ നിര്ഭാഗ്യം പിന്തുടരുന്ന കാഴ്ചയാണ് കാണുന്നത്. കൈലാസയുടെ 20 പ്രതിനിധികളെ കഴിഞ്ഞയാഴ്ച ബൊളീവിയന് സര്ക്കാര് അറസ്റ്റ് ചെയ്തിരുന്നു. ആമസോണിന്റ വിശാലമായ ഭൂപ്രദേശനത്തിനായി തദ്ദേശീയ സംഘടനകളുമായി ചേര്ന്ന് 1000 വര്ഷത്തെ പാട്ടക്കരാര് ഒപ്പിട്ടുകൊണ്ട് ”ഭൂമി കടത്ത്” ആരോപിച്ചാണ് ഈ അറസ്റ്റ്. ബൊളീവിയന് സര്ക്കാര് ഈ കരാറുകള് അസാധുവായി പ്രഖ്യാപിക്കുകയും കൈലാസ പ്രതിനിധികളെ ഇന്ത്യ, അമേരിക്ക, സ്വീഡന്, ചൈന തുടങ്ങിയ അവരവരുടെ മാതൃരാജ്യങ്ങളിലേക്ക്…
Read More » -
Breaking News
‘വഖഫിനെതിരേ മുസ്ലിം ലീഗ് പോകുന്നത് മത കോടതികളിലേക്കല്ല; നീതിക്ക് അവിടെയും പ്രതീക്ഷയുണ്ട്; സംഘപരിവാര് ക്രിസ്ത്യാനികളെ ആക്രമിക്കുന്നതിന്റെ പേരില് ഭിന്നിപ്പിന് ശ്രമിക്കേണ്ട; മുസ്ലിം മതമൗലികവാദികളാല് കൊല്ലപ്പെടുന്നവര് നിങ്ങളുടെ റഡാറില് വരില്ല’; സിപിഎമ്മിനെയും കോണ്ഗ്രസിനെയും കടന്നാക്രമിച്ച് കത്തോലിക്ക സഭ മുഖപത്രം
കോട്ടയം: വഖഫ് ഭേദഗതി ബില് രാജ്യസഭയും കടന്നു രാഷ്ട്രപതിയുടെ തീരുമാനത്തിനു വിട്ടതിനു പിന്നാലെ എല്ഡിഎഫിനെയും യുഡിഎഫിനെയും രൂക്ഷമായ ഭാഷയില് കടന്നാക്രമിച്ചു കത്തോലിക്ക സഭയുടെ മുഖപത്രമായ ദീപിക. വഖഫ് ബില് കോടതിയില് നേരിടുമെന്നു പറയുന്ന മുസ്ലിം ലീഗ് പോകുന്നതു മത കോടതികളിലേക്ക് അല്ലെന്നും നീതി ലഭിക്കുന്ന ഇന്ത്യന് കോടതികളിലേക്കാണെന്നും ക്രിസ്ത്യാനികള്ക്കു നേരെ രാജ്യത്തു നടക്കുന്ന ആക്രമണങ്ങളുടെ പേരില് ഭിന്നിപ്പുണ്ടാക്കാന് ആരും ശ്രമിക്കേണ്ടെന്നും ദീപിക മുഖപ്രസംഗത്തില് പറയുന്നു. ക്രൈസ്തവ വിരുദ്ധതകള് സിപിഎമ്മും കോണ്ഗ്രസും പറഞ്ഞിട്ടല്ല ജനം അറിയുന്നത്. മുസ്ലിംകള്ക്കെതിരേയും ആക്രമണങ്ങള് ഉണ്ടാകുന്നുണ്ട്. ഇതൊക്കെ നിലനില്ക്കുമ്പോള്തന്നെ മറ്റു വിഷയങ്ങളില് മാറ്റമുണ്ടാകരുതെന്നാണോ നിങ്ങള് ആഗ്രഹിക്കുന്നത്? കത്തോലിക്കാ സഭയും മറ്റു ക്രൈസ്തവ വിഭാഗങ്ങളുമൊക്കെ ആക്രമണങ്ങളെക്കുറിച്ചു കേന്ദ്രസര്ക്കാരിന്റെയും പ്രധാനമന്ത്രിയുടെയും ശ്രദ്ധയില് പെടുത്തുകയും തിരുത്തണമെന്നാവശ്യപ്പെടുകയും ചെയ്തിട്ടുള്ളതാണ്. പക്ഷേ, ബിജെപി ചെവിക്കൊണ്ടിട്ടില്ല. അതുകൊണ്ട്, വഖഫ് നിയമം ഈ രാജ്യത്തെ ജനങ്ങളുടെ വീടും പറമ്പും കൈയേറുന്നത് കണ്ടുനില്ക്കണമെന്നാണോ എന്നും ദീപിക ചോദിക്കുന്നു. ഇന്നു മുസ്ലിം സമുദായത്തിനെതിരേ നില്ക്കുന്ന ബിജെപി നാളെ ക്രിസ്ത്യന് വിഭാഗത്തിനെതിരേ തിരിയുമെന്ന…
Read More » -
Crime
പീഡനവിവരത്തിനൊപ്പം പെണ്കുട്ടി ‘മറ്റു ചിലതും’ വെളിപ്പെടുത്തി; യുവാവിനൊപ്പം 57കാരനും പിടിയില്
പത്തനംതിട്ട: ഇന്സ്റ്റഗ്രാമിലൂടെ പ്രണയത്തിലായ യുവാവ് വിവാഹവാഗ്ദാനം നല്കി പീഡിപ്പിച്ചെന്ന വിവരം പൊലീസിനോട് പറയുന്നതിനിടെ, അഞ്ചുവര്ഷം മുമ്പ് പീഡിപ്പിച്ച 57കാരന്റെ പേരും 17കാരി വെളിപ്പെടുത്തി. രണ്ടുപേരേയും പോലീസ് അറസ്റ്റുചെയ്തു. ആലപ്പുഴ മരുത്തോര്വെട്ടം ഗീതാ കോളനിയില് കൃഷ്ണജിത്ത് (20), ചുമത്ര കോട്ടാലി ആറ്റുചിറയില് ചന്ദ്രാനന്ദന് (57) എന്നിവരെയാണ് തിരുവല്ല പൊലീസ് അറസ്റ്റുചെയ്തത്. ഫെബ്രുവരി 9ന് രാത്രിയാണ് കൃഷ്ണജിത്ത് പെണ്കുട്ടിയെ ചേര്ത്തലയിലെ ഇയാളുടെ വീട്ടിലെത്തിച്ച് പീഡിപ്പിച്ചത്. പെണ്കുട്ടിയെ അച്ഛന്റെ ഫോണിലൂടെ ബന്ധപ്പെട്ട് വിളിച്ചിറക്കിയശേഷം ബസില്കയറ്റി ഇയാള് തന്റെ വീട്ടിലെത്തിക്കുകയായിരുന്നു. ശിശുക്ഷേമസമിതിയില്നിന്ന് ലഭിച്ച വിവരപ്രകാരം, തിരുവല്ല പൊലീസ് കുട്ടിയുടെ മൊഴി രേഖപ്പെടുത്തി കേസെടുത്തു. തിരച്ചിലില് പ്രതി തൃപ്പൂണിത്തുറയിലുണ്ടെന്ന വിവരത്തെത്തുടര്ന്ന് പൊലീസ് അവിടെയെത്തി അറസ്റ്റുചെയ്യുകയായിരുന്നു. വിവരങ്ങള് പൊലീസിനോട് പറയുന്നതിനിടെയാണ് ചന്ദ്രാനന്ദന് പീഡിപ്പിച്ച വിവരവും പെണ്കുട്ടി വെളിപ്പെടുത്തിയത്. 2020ലാണ് സംഭവം. ഏഴാംക്ലാസില് പഠിക്കുകയായിരുന്ന കുട്ടിയെ ഇയാള് വീട്ടിലേക്ക് വിളിച്ചുവരുത്തി ശരീരത്തില് കടന്നുപിടിക്കുകയായിരുന്നു. ലൈംഗികമായി ഉപദ്രവിച്ചെന്നും ഭയന്നിട്ടാണ് അന്ന് ആരോടും പറയാഞ്ഞതെന്നും കൗണ്സിലിങ്ങിനിടെ കുട്ടി പറഞ്ഞു. കേസെടുത്ത തിരുവല്ല പൊലീസ് ഉടനടി…
Read More » -
Crime
‘മഞ്ജുവിനും കാവ്യയ്ക്കും അറിയാത്ത പല കാര്യങ്ങളും അയാള്ക്കറിയാം; ചതിക്കില്ലെന്ന് വിചാരിച്ച ദിലീപ് ഇങ്ങനെ ചെയ്തപ്പോഴാണ് ചിലത് വെളിപ്പെടുത്തിയത്’
കൊച്ചി: നടിയെ ആക്രമിച്ച കേസിലെ ഒന്നാം പ്രതി പള്സര് സുനി നടന് ദിലീപിനെതിരെ വന്വെളിപ്പെടുത്തല് നടത്തിയിരുന്നു. ദിലീപ് ഒന്നരക്കോടി രൂപയ്ക്കാണ് തനിക്ക് ക്വട്ടേഷന് നല്കിയതെന്നും ഇതില് 80 ലക്ഷം കിട്ടാനുണ്ടെന്നും പള്സര് സുനി സ്വകാര്യ ചാനലിലോട് പറഞ്ഞു. കേസിലെ എട്ടാം പ്രതിയായ ദിലീപിന്റെ മാനേജര് അപ്പുണ്ണിക്കെതിരെയും സുനി ഗുരുതര ആരോപണങ്ങളാണ് ഉയര്ത്തിയത്. ക്വട്ടേഷന്റെ ബാക്കി പണം ആവശ്യപ്പെട്ട് ജയിലില്നിന്ന് അപ്പുണ്ണിയെ വിളിച്ചിരുന്നുവെന്നും, നീ എന്തുവേണമെങ്കിലും ചെയ്തോ എന്നായിരുന്നു അപ്പുണ്ണിയുടെ മറുപടിയെന്നും സുനി പറഞ്ഞു. ചതിക്കില്ല എന്നു വിശ്വസിച്ച ദിലീപ് ഇങ്ങനെ ചെയ്തപ്പോഴാണ് പണം കിട്ടില്ലെന്ന് ഉറപ്പായതെന്നും സുനി വെളിപ്പെടുത്തി. അതിന് ശേഷമാണ് കുറച്ച്, കുറച്ച് കാര്യങ്ങള് പുറത്തുപറയാന് തുടങ്ങിയത്. ദിലീപിനെ വിളിക്കുമ്പോള് ഫോണ് എടുക്കുന്നത് അപ്പുണ്ണിയായിരുന്നു. ദിലീപ് പറയുന്നതിന് അനുസരിച്ചാണ് അപ്പുണ്ണി സംസാരിക്കാറുണ്ടായിരുന്നത്. മഞ്ജുവിനും കാവ്യയ്ക്കും അറിയാത്ത കാര്യങ്ങള് വരെ അപ്പുണ്ണിക്കറിയാം. അപ്പുണ്ണിയാണ് ദിലീപിന്റെ മനഃസാക്ഷി സൂക്ഷിപ്പുകാരന്. അറസ്റ്റിലായ രണ്ടു മാസം വരെ ഒന്നും പുറത്ത് പറയാതെ പിടിച്ചുനിന്നു. അപ്പുണ്ണി തള്ളിപ്പറഞ്ഞില്ലായിരുന്നെങ്കില്…
Read More » -
Kerala
ലൈസന്സില്ലാതെ കെ. സുരേന്ദ്രന് ട്രാക്ടര് ഓടിച്ചു; വാഹന ഉടമയ്ക്ക് പിഴ
പാലക്കാട്: ഉപതിരഞ്ഞെടുപ്പ് പ്രചാരണത്തിനിടെ ബിജെപി മുന് സംസ്ഥാന പ്രസിഡന്റ് കെ. സുരേന്ദ്രന് ട്രാക്ടര് ഓടിച്ച സംഭവത്തില് ട്രാക്ടര് ഉടമയ്ക്ക് പാലക്കാട് ട്രാഫിക് എന്ഫോഴ്സ്മെന്റ് 5,000 രൂപ പിഴചുമത്തി. സുരേന്ദ്രന് ട്രാക്ടര് ഓടിക്കാനുള്ള ലൈസന്സ് ഇല്ലെന്ന് കണ്ടെത്തിയതിന്റെ അടിസ്ഥാനത്തിലായിരുന്നു പിഴ. തിരഞ്ഞെടുപ്പ് പ്രചാരണഭാഗമായി ട്രാക്ടര്റാലി സംഘടിപ്പിച്ചപ്പോഴാണ് സുരേന്ദ്രന് ട്രാക്ടര് ഓടിച്ചത്. ഇതിനെതിരേ എസ്എഫ്ഐ എറണാകുളം ജില്ലാസെക്രട്ടറിയായിരുന്ന ഫസല് മുഹമ്മദ് കഴിഞ്ഞ നവംബറില് അന്നത്തെ പാലക്കാട് എസ്പി ആര്. ആനന്ദിന് പരാതി നല്കിയിരുന്നു. തുടര്ന്ന്, ട്രാഫിക് എന്ഫോഴ്സ്മെന്റ് വിഭാഗം വാഹനം അന്വേഷിച്ച് കണ്ടെത്തുകയും ഉടമയില്നിന്ന് പിഴയീടാക്കുകയുമായിരുന്നു.
Read More » -
Kerala
മഞ്ചേരിയില് എസ്ഡിപിഐക്കാരുടെ വീടുകളില് എന്ഐഎ റെയ്ഡ്; നാല് പേര് കസ്റ്റഡിയില്, ഒരാള്ക്കായി തെരച്ചില്
മലപ്പുറം: മഞ്ചേരിയില് എസ് ഡി പി ഐ പ്രവര്ത്തകരുടെ വീടുകളില് എന് ഐ എ റെയ്ഡ്. അഞ്ച് വീടുകളിലാണ് റെയ്ഡ് നടത്തിയത്. പുലര്ച്ചെ മൂന്ന് മണിയോടെയാണ് കൊച്ചിയില് നിന്നുള്ള എന് ഐ എ ഉദ്യോഗസ്ഥര് പരിശോധന തുടങ്ങിയത്. നാല് പേരെ കസ്റ്റഡിയിലെടുത്തിട്ടുണ്ട്. ഒരു മണിക്കൂറിനുള്ളില് റെയ്ഡ് പൂര്ത്തിയാക്കി. നാല് വിടുകളില് നിന്ന് ഓരോരുത്തരെ വീതം കസ്റ്റഡിയിലെടുക്കുകയായിരുന്നു. ഒരാള് കൂടി പിടിയിലാകാനുണ്ട്. ഇയാള്ക്കായി തെരച്ചില് തുടരുകയാണ്. ഒരു കേസുമായി ബന്ധപ്പെട്ടാണ് ഇവരെ കൊണ്ടുപോകുന്നതെന്നും വിശദമായി ചോദ്യം ചെയ്ത ശേഷം തെറ്റ് ചെയ്തിട്ടില്ലെന്ന് ബോദ്ധ്യമായാല് വിട്ടയയ്ക്കുമെന്നുമാണ് എന് ഐ എ ഉദ്യോഗസ്ഥര് ഇവരുടെ വീട്ടുകാരോട് പറഞ്ഞിരിക്കുന്നത്. കസ്റ്റഡിയിലായവരില് ഒരാള് എസ് ഡി പി ഐയുടെ ബ്രാഞ്ച് പ്രസിഡന്റാണ്. രണ്ട് പേര് സ്വര്ണപ്പണിക്കാരാണ്.
Read More » -
Kerala
പാര്ട്ടി കോണ്ഗ്രസിനിടെ ശ്വാസ തടസ്സം; എം.എം മണി ആശുപത്രിയില്
മധുര: മുതിര്ന്ന സി.പി.എം നേതാവും ഉടുമ്പന്ചോല എം.എല്.എയുമായ എം.എം. മണിയെ ശ്വാസ തടസ്സത്തെ തുടര്ന്ന് അപ്പോളോ ആശുപത്രിയില് പ്രവേശിപ്പിച്ചു. തീവ്ര പരിചരണ വിഭാഗത്തില് തുടരുന്ന എം.എം. മണിയുടെ നില ഗുരുതരമാണെന്നാണ് റിപ്പോര്ട്ടുകള്. മുതിര്ന്ന നേതാക്കള് ആശുപത്രിയില് എത്തിയിട്ടുണ്ട്. മധുരയില് നടക്കുന്ന സി.പി.എം പാര്ട്ടി കോണ്ഗ്രസിനിടെയാണ് എം.എം. മണിക്ക് ശ്വാസതടസ്സം അനുഭവപ്പെട്ടത്. ഉടന് തന്നെ അപ്പോളോ ആശുപത്രിയില് പ്രവേശിപ്പിക്കുകയായിരുന്നു. 24 മണിക്കൂര് നിരീക്ഷണത്തിന് ശേഷം മാത്രമെ ആരോഗ്യനില സംബന്ധിച്ച് കൂടുതല് കാര്യങ്ങള് പറയാനാവുകയുള്ളുവെന്ന് ആശുപത്രി വൃത്തങ്ങള് അറിയിച്ചു.
Read More »