Month: January 2025
-
Crime
ദുബായിയില്‍ എട്ടു വയസുകാരിയെ ലൈംഗികമായി പീഡിപ്പിച്ചു; വീട്ടുജോലിക്കാരിയായിരുന്ന യുവതി അറസ്റ്റില്‍
ആലപ്പുഴ: ദുബായില്‍ വീട്ടുജോലിക്ക് എത്തിയശേഷം എട്ടുവയസ്സുകാരിയെ പീഡിപ്പിച്ച സംഭവത്തില്‍ യുവതി അറസ്റ്റില്‍. ദുബായിലെ അല്‍വര്‍ക്കയില്‍ പ്രവാസി മലയാളിയുടെ വീട്ടില്‍ ജോലി ചെയ്തിരുന്ന കാലത്താണ് അതിക്രമം. സംഭവത്തില്‍ പുന്നപ്ര പുതുവല്‍ വീട്ടില്‍ ജ്യോതിയാണ് അറസ്റ്റിലായത്. 2021 മുതല്‍ 2024 വരെയുള്ള കാലയളവിലാണ് ആലപ്പുഴ സ്വദേശികളായ പ്രവാസികളുടെ വീട്ടില്‍ ജ്യോതി ജോലി ചെയ്തത്. ഈ കാലത്ത് 8 വയസ്സുകാരിയെ യുവതി പ്രകൃതിവിരുദ്ധ പീഡനത്തിനിരക്കിയെന്നാണ് പരാതി. പുന്നപ്ര പൊലീസ് സ്റ്റേഷനില്‍ രജിസ്റ്റര്‍ ചെയ്ത കേസിലാണ് യുവതിയെ അറസ്റ്റ് ചെയ്തത്.
Read More » -
Health
വര്‍ദ്ധിക്കുന്ന പുരുഷവന്ധ്യത; പരിഹാരവഴികളുമുണ്ട്
വന്ധ്യതയെന്നത് കാലങ്ങളായി കുടുംബങ്ങളെത്തന്നെ പിടിച്ചുലയ്ക്കുന്ന ഒന്നാണ്. പ്രത്യേകിച്ചും മാതാപിതാക്കളാകാന്‍ ആഗ്രഹിയ്ക്കുന്നവരെ. ലോകാരോഗ്യസംഘടനയുടെ നിര്‍വചനമനുസരിച്ച് ഒരു വര്‍ഷം വരെ നിരോധനമാര്‍ഗങ്ങള്‍ ഉപയോഗിയ്ക്കാതെ കൃത്യമായി ലൈംഗികബന്ധത്തിലേര്‍പ്പെട്ടിട്ടും ഗര്‍ഭം ധരിയ്ക്കാത്ത അവസ്ഥയാണ് വന്ധ്യത എന്നത് കൊണ്ടുദ്ദേശിയ്ക്കുന്നത്. ഇന്നത്തെ കാലത്ത് 8-12 ശതമാനം വരെ ദമ്പതിമാരെ ബാധിയ്ക്കുന്ന ഒരു പ്രശ്നമാണ് ഇത്. ഇതില്‍ തന്നെ 40-50 ശതമാനം വരെ പുരുഷവന്ധ്യത കാരണമുണ്ടാകുന്നതാണ്. ഇവരില്‍ 2 ശതമാനം പുരുഷന്മാര്‍ക്ക് ബീജസംഖ്യയിലുണ്ടാകുന്ന കുറവാണ് കാരണമാകുന്നത്. ഇന്ത്യയില്‍ 3.9 മുതല്‍ 16.8 ശതമാനം വരെയാണ് വന്ധ്യതാനിരക്ക്. അടിസ്ഥാനപ്രശ്നങ്ങള്‍ പരിഹരിച്ചാല്‍ പുരുഷബീജത്തിന്റെ സാന്ദ്രതക്കുറവ്, ചലനക്കുറവ്, ഘടനയിലെ തകരാറുകള്‍ എന്നിവയെല്ലാം തന്നെ പുരുഷവന്ധ്യതാ കാരണങ്ങളായി പറയാം. ഇതാണ് 40-50 ശതമാനം പുരുഷവന്ധ്യതയ്ക്കും കാരണമാകുന്നത്. 7 ശതമാനം പുരുഷന്മാരെ ഇത് ബാധിയ്ക്കുന്നു. ബീജസാന്ദ്രതയിലെ കുറവ് അഥവാ ഒലിഗോസ്പേര്‍മിയ, ചലനക്കുറവ് അഥവാ അസ്തെനോസ്പേര്‍മിയ, ഘടനാവ്യത്യാസം അഥവാ ടെറാറ്റോസ്പേര്‍മിയ എന്നിവയാണ് പലപ്പോവും പുരുഷന്മാരുടെ കാര്യത്തില്‍ വില്ലനാകുന്നത്. ചില അടിസ്ഥാനപ്രശ്നങ്ങള്‍ പരിഹരിച്ചാല്‍ പുരുഷവന്ധ്യത എന്ന അവസ്ഥയ്ക്ക് മാറ്റമുണ്ടാക്കാന്‍ സാധിയ്ക്കും. ബീജക്കുറവിന്…
Read More » -
LIFE
യുവ നടന്‍മാരുടെ കാര്യം അതിലും മോശമാണ്, ചിലര്‍ക്ക് നീരസവുമുണ്ട്! തുറന്നടിച്ച് പാര്‍വതി തിരുവോത്ത്
അഭിപ്രായങ്ങള്‍ തുറന്ന് പറയേണ്ടി വന്നതിന്റെ പേരില്‍ കരിയറില്‍ വലിയ നഷ്ടങ്ങള്‍ ഉണ്ടായിട്ടുണ്ടെങ്കിലും ശക്തമായി മുന്നോട്ട് പോകാന്‍ നടി പാര്‍വതി തിരുവോത്തിന് കഴിഞ്ഞിട്ടുണ്ട്. ഡബ്ല്യുസിസിയുടെ രൂപീകരണം, ഹേമ കമ്മിറ്റി റിപ്പോര്‍ട്ട് തുടങ്ങി മലയാള സിനിമാ ലോകത്തെ പിടിച്ച് കുലുക്കിയ സംഭവങ്ങളിലെല്ലാം പാര്‍വതി മുന്നിലുണ്ടായിരുന്നു. എന്നും തന്റേതായ തീരുമാനങ്ങളില്‍ ഉറച്ച് നിന്ന പാര്‍വതിക്ക് സിനിമാ ലോകത്ത് ശത്രുക്കളുമുണ്ട്. കടുത്ത സൈബര്‍ ആക്രമണം ഒന്നിലേറെ തവണ നടിക്ക് നേരിടേണ്ടി വന്നു. എന്നാല്‍ ഇതിനെയെല്ലാം അതിജീവിച്ച് കൊണ്ട് മുന്നോട്ട് പോകാന്‍ പാര്‍വതിക്ക് സാധിക്കുന്നു. മലയാള സിനിമാ രംഗത്ത് വലിയ മാറ്റങ്ങള്‍ കൊണ്ട് വരാന്‍ ഡബ്ല്യുസിസി അംഗങ്ങള്‍ക്ക് സാധിച്ചിട്ടുണ്ട്. സൂപ്പര്‍സ്റ്റാറുകള്‍ക്ക് നേരെ ജനങ്ങളുടെ ചോദ്യങ്ങള്‍ വരാന്‍ പോലും ഇവരുടെ പ്രവര്‍ത്തനങ്ങള്‍ കൊണ്ട് സാധിച്ചു. ഹേമ കമ്മിറ്റി റിപ്പോര്‍ട്ടിന് പിന്നാലെയുണ്ടായ വിവാദങ്ങള്‍ക്ക് പിന്നാലെ അമ്മ സംഘടന പ്രസിഡന്റ് സ്ഥാനത്ത് നിന്നും മോഹന്‍ലാല്‍ രാജിവെക്കുക പോലുമുണ്ടായി. മലയാള സിനിമാ ലോകത്തെ പിടിച്ച് കുലുക്കുന്ന പല സംഭവങ്ങളുണ്ടായിട്ടും മലയാളത്തിലെ യുവ താരങ്ങളില്‍ പലരും…
Read More » -
Crime
കാറിടിച്ച് ബൈക്ക് യാത്രിക മരിച്ച സംഭവം; നിര്‍ത്താതെ പോയ വാഹനം പിടികൂടി
കൊച്ചി: ആലുവയില്‍ ബൈക്ക് യാത്രികരെ ഇടിച്ചിട്ട് നിര്‍ത്താതെ പോയ വാഹനം പിടികൂടി. ബൈക്കില്‍ യാത്ര ചെയ്യുകയായിരുന്ന ആലുവ തുരുത്ത് വാടക്കല്‍വീട്ടില്‍ ഷേര്‍ളി തോമസ് (63) അപകടത്തില്‍ മരണപ്പെട്ടിരുന്നു. കലൂരില്‍ നിന്നാണ് വാഹനം കസ്റ്റഡിയിലെടുത്തത്. വാഹന ഉടമ ജോഷിയെ പോലീസ് ചോദ്യം ചെയ്ത് വരികയാണ്. ഡിസംബര്‍ 31ന് രാത്രി 10.45 ഓടെ തോട്ടുമുഖം മാര്‍വര്‍ കവലയ്ക്ക് സമീപത്ത് വച്ചാണ് അപകടം സംഭവിക്കുന്നത്. പുതുവത്സര കുര്‍ബാനയില്‍ പങ്കെടുക്കാന്‍ സഹോദരന്‍ സില്‍വിയ്ക്ക് ഒപ്പം സ്‌കൂട്ടറില്‍ സഞ്ചരിക്കവേയാണ് ഇവരുടെ വാഹനത്തില്‍ കാര്‍ ഇടിക്കുന്നത്. ശേഷം വാഹനം നിര്‍ത്താതെ കടന്നുകളഞ്ഞു. ആലുവ പോലീസെത്തിയാണ് ഇരുവരെയും ആശുപത്രിയിലെത്തിക്കുന്നത്. ചികിത്സയിലിരിക്കേ ഡിസംബര്‍ രണ്ടിനാണ് ഷേര്‍ളി മരണപ്പെടുന്നത്. വാഹനം ഇടിച്ചയുടനെ ഷേര്‍ളിയെ ആശുപത്രിയിലെത്തിക്കാന്‍ സാധിച്ചിരുന്നെങ്കില്‍ ജീവന്‍ രക്ഷിക്കാമായിരുന്നുവെന്ന് ബന്ധുക്കളും ആരോപണം ഉന്നിയിച്ചിരുന്നു. സിസിടിവി ദൃശ്യങ്ങള്‍ പരിശോധിച്ചതില്‍ നിന്നാണ് കാര്‍ കണ്ടെത്താനായത്. നിലവില്‍ മനഃപൂര്‍വമല്ലാത്ത നരഹത്യയ്ക്ക് കേസെടുത്ത് ജോഷിയെ ചോദ്യം ചെയ്ത് വരികയാണ്.
Read More » -
Crime
അജ്ഞാതന്‍ ജനലില്‍ കെട്ടിയിട്ട് ആക്രമിച്ചെന്ന് പരാതി; പിന്നാലെ കലവൂരില്‍ വീട്ടമ്മ മരിച്ച നിലയില്‍
ആലപ്പുഴ: വീട്ടില്‍ ഒറ്റയ്ക്കായിരുന്നപ്പോള്‍ അജ്ഞാതന്‍ ജനലില്‍ കെട്ടിയിട്ട് ആക്രമിച്ചെന്നു പരാതിപ്പെട്ട വീട്ടമ്മയെ കലവൂരില്‍ മരിച്ച നിലയില്‍ കണ്ടെത്തി. മാരാരിക്കുളം തെക്ക് പഞ്ചായത്ത് 19-ാം വാര്‍ഡ് കാട്ടൂര്‍ പുത്തന്‍പുരയ്ക്കല്‍ ജോണ്‍കുട്ടിയുടെ ഭാര്യ തങ്കമ്മ (58) ആണ് മരിച്ചത്. ആത്മഹത്യയാണെന്നാണ് പ്രാഥമിക നിഗമനമെന്ന് പൊലീസ് പറഞ്ഞു. കഴിഞ്ഞ ബുധനാഴ്ച ഇവരെ മുഖംമൂടി ധരിച്ചെത്തിയ അക്രമി കുടയ്ക്ക് അടിക്കുകയും വായില്‍ തുണി തിരുകി കയ്യും കാലും കെട്ടിയിടുകയും ചെയ്തിരുന്നു. സംഭവത്തില്‍ മണ്ണഞ്ചേരി പൊലീസ് കേസും രജിസ്റ്റര്‍ ചെയ്തിരുന്നു. ഇതിനു പിന്നാലെയാണ് തങ്കമ്മയുടെ മരണം.
Read More » -
LIFE
വീടിന്റെ പ്രധാന വാതില്‍ ഈ രീതിയിലാണോ നിര്‍മ്മിച്ചിരിക്കുന്നത്? ഗൃഹനാഥന് ദോഷം…
ചെറുതോ വലുതോ ആയിക്കോട്ടെ, എല്ലാവരുടെയും ആഗ്രഹങ്ങളില്‍ സ്വന്തം വീട് എന്ന സ്വപ്നത്തിന് മുന്‍പന്തിയില്‍ തന്നെയാണ് സ്ഥാനം. എന്നാല്‍ വീടുവയ്ക്കുന്നതിന് ചില ചിട്ടവട്ടങ്ങളൊക്കെ പാലിക്കേണ്ടതുണ്ട്. പ്രത്യേകിച്ചും വാസ്തുവിന്റെ കാര്യത്തില്‍. വാസ്തുവില്‍ സംഭവിക്കുന്ന ചില ചെറിയ പിഴവുകള്‍ പോലും കുടുംബാംഗങ്ങളെ കാര്യമായി ബാധിക്കാനിടയുണ്ട്. അതിലൊന്നാണ് വീടിന്റെ വാതിലും. വാസ്തു പ്രകാരം വീടിന്റെ വാതില്‍ എങ്ങനെ നിര്‍മ്മിക്കണമെന്നും ഏതു സ്ഥാനത്ത് നിര്‍മ്മിക്കണമെന്നും വിശദമായി നിഷ്‌കര്‍ഷിച്ചിട്ടുണ്ട്. അതുപോലെ തന്നെ എവിടെയൊക്കെ നിഷിദ്ധമാണെന്നും. മുന്‍വാതിലിന് അകത്തും പുറത്തും തടസങ്ങള്‍ ഉണ്ടാകുന്നത് ഗൃഹത്തിന് ഐശ്വര്യകരമല്ല. ഉദാഹരണത്തിനു വാതിലിനു നേരെ ഗോവണികള്‍ (സ്റ്റെപ്പ്), തൂണുകള്‍, ഭിത്തികള്‍, കട്ടിളക്കാലുകള്‍, ജനല്‍ക്കാലുകള്‍ എന്നിങ്ങനെയുള്ള തടസങ്ങള്‍ വരുന്നതു ഗൃഹനാഥനു ദോഷങ്ങള്‍ വരുത്തിവയ്ക്കും. ഗൃഹത്തിനുപുറത്തും ഇതുപോലുള്ള തടസങ്ങള്‍ ശാസ്ത്രഹിതമല്ല. മുന്‍വാതിലിനു നേരെ തുളസിത്തറ, മുല്ലത്തറ, ഗേറ്റിന്റെ കാലുകള്‍, കിണര്‍, കുളം എന്നിവ ഗൃഹത്തില്‍ താമസിക്കുന്നവര്‍ക്കു കര്‍ത്തവ്യതടസത്തെ പ്രദാനം ചെയ്യുമെന്നാണ് ശാസ്ത്രം.
Read More » -
Crime
സ്ത്രീകളുടെ ഹോട്ടലില്‍ അക്രമം, ഗുണ്ടാ നേതാവ് അറസ്റ്റില്‍
ആലപ്പുഴ: സ്ത്രീകള്‍ നടത്തുന്ന ഹോട്ടലില്‍ അക്രമം നടത്തിയ ഗുണ്ടാ നേതാവിനെ നൂറനാട് പൊലീസ് അറസ്റ്റു ചെയ്തു. പാലമേല്‍ ആദിക്കാട്ടുകുളങ്ങര കുറ്റിപറമ്പില്‍ വീട്ടില്‍ ഹാഷിം (35) ആണ് പിടിയിലായത്. 4ന് വൈകിട്ട് 3ന് നൂറനാട് ആശാന്‍ കലുങ്ക് ഭാഗത്തെ ഹോട്ടലില്‍ ഭക്ഷണം കഴിക്കാനെത്തി അക്രമം നടത്തുകയായിരുന്നു ഹാഷിം. ഭക്ഷണം വിളമ്പിക്കൊടുത്ത ഹോട്ടലുടമയുടെ ബന്ധുവായ ചെറുപ്പക്കാരനെ മദ്യ ലഹരിയില്‍ അസഭ്യം വിളിക്കുകയും കൈയേറ്റം ചെയ്യാന്‍ ശ്രമിക്കുകയും ചെയ്യുന്നത് കണ്ടു തടയാന്‍ ശ്രമിച്ച ഹോട്ടല്‍ ഉടമയായ സ്ത്രീയെ ക്രൂരമായി മര്‍ദ്ദിച്ചു. ഹോട്ടലിനുള്ളിലും അടുക്കളയിലും കടന്നു കയറി ഭീകരാന്തരീക്ഷം സൃഷ്ടിച്ച് നാശനഷ്ടം വരുത്തിയ ശേഷം ഇയാള്‍ കാറില്‍ രക്ഷപ്പെട്ടു. 2006 മുതല്‍ നൂറനാട്, അടൂര്‍, ശാസ്താംകോട്ട തുടങ്ങിയ പൊലീസ് സ്റ്റേഷനുകളില്‍ 22 ഓളം കേസുകളില്‍ പ്രതിയാണ്. ഹാഷിമിനെ കാപ്പാ നിയമ പ്രകാരം ഒരു വര്‍ഷത്തേക്ക് ആലപ്പുഴ ജില്ലയില്‍ നിന്ന് നാടുകടത്തിയിരുന്നു. സമയപരിധി കഴിഞ്ഞ ശേഷം തിരിച്ചെത്തിയ ഇയാള്‍ വീണ്ടും അക്രമം നടത്തിയത്. നൂറനാട് എസ്.ഐ എസ്.നിതീഷിന്റെ നേതൃത്വത്തിലുള്ള…
Read More » -
Crime
വായ്പ തിരിച്ചടവ് മുടങ്ങിയതിന് വീട്ടമ്മയോടെ ഭീഷണി; പാലക്കാട് പൊലീസുകാരന്‍ പിടിയില്‍
പാലക്കാട്: വായ്പ തിരിച്ചടവ് മുടങ്ങിയതിന് വീട്ടമ്മയോട് മോശമായി പെരുമാറിയതിനും ഭീഷണിപ്പെടുത്തിയതിനും പോലീസ് ഉദ്യേഗസ്ഥന്‍ പിടിയില്‍. പാലക്കാട് മുട്ടിക്കുളങ്ങര ക്യാംരിലെ പൊലീസ് ഉദ്യോഗസ്ഥന്‍ അജിത്താണ് അറസ്റ്റിലായത്. വായ്പ തിരിച്ചടക്കാത്തതിനാല്‍ ഏജന്റുമാര്‍ യുവതി വീട്ടില്‍ ഇല്ലാതിരുന്ന സമയം വീട്ടില്‍ എത്തി മോശമായി പെരുമാറിയിരുന്നു. ഇത് ചോദ്യം ചെയ്യുന്നതിന് ഏജന്റുമാരില്‍ ഒരാളെ വിളിച്ചപ്പോഴാണ് സഹോദരനായ പോലീസ് ഉദ്യേഗസ്ഥന്‍ മോശമായി പെരുമാറിയത്. ഇനിയും വീട്ടില്‍ വരും. ചാകുന്നെങ്കില്‍ ചത്ത് കാണിക്കൂ. മുട്ടിക്കുളങ്ങര ക്യാംരിലെ പൊലീസ് ഉദ്യോഗസ്ഥന്‍ അജിത്തിന്റെ ഭീഷണി ഇങ്ങനെ ആയിരുന്നു. സ്വകാര്യ ധനകാര്യ സ്ഥാപനത്തിലെ ഏജന്റായ സഹോദരിക്ക് വേണ്ടിയാണ് അജിത്തിന്റെ ഭീഷണിപ്പെടുത്തല്‍. വായ്പയെടുത്ത വകയില്‍ 725രൂപ വീതമാണ് വീട്ടമ്മയായ രേണുകയ്ക്ക് തിരിച്ചടവ് ഉണ്ടായിരുന്നത്. ഭര്‍ത്താവിന് ജോലിക്ക് പോകാന്‍ പറ്റാതായതോടെ ഒരു തവണ അടവ് മുടങ്ങി. രേണുക പുറത്തുപോയ സമയത്ത് സ്ഥാപനത്തിലെ മൂന്ന് ജീവനക്കാര്‍ വീട്ടിലെത്തുകയും പ്രായപൂര്‍ത്തിയായാകാത്ത പെണ്‍കുട്ടികളോട് തിരിച്ചടവ് സംബന്ധിച്ച് സംസാരിക്കുകയും ചെയ്തിരുന്നു. ഇതറിഞ്ഞ രേണുക വിവരം അന്വേഷിക്കാനായി വനിത ഏജന്റിനെ മൊബൈല്‍ ഫോണില്‍ വിളിച്ചു.…
Read More » -
Crime
സീറ്റ് മാറിയിരുന്നതിന് ഒമ്പതാം ക്ലാസുകാരനെ അധ്യാപകന്‍ ക്രൂരമായി മര്‍ദ്ദിച്ചതായി പരാതി
കൊല്ലം: ക്ലാസ്സിലെ സീറ്റ് മാറിയിരുന്നതിന് ഒമ്പതാം ക്ലാസുകാരനെ അധ്യാപകന്‍ ക്രൂരമായി മര്‍ദ്ദിച്ചതായി പരാതി. വിദ്യാര്‍ഥിയുടെ നേര്‍ക്ക് ഡെസ്റ്റര്‍ എറിഞ്ഞ ശേഷം പിടിച്ചു തള്ളി ചുമരില്‍ തല ഇടിച്ചതായി പരാതിയില്‍. പുത്തൂര്‍ പവിത്രേശ്വരം സ്‌കൂളിലെ അധ്യാപകനെതിരെ പൊലീസ് കേസെടുത്തു. കഴിഞ്ഞ വെള്ളിയാഴ്ചയാണ് പരാതിക്ക് ആസ്പദമായ സംഭവം നടന്നത്. സോഷ്യല്‍ സയന്‍സ് പഠിപ്പിക്കാന്‍ എത്തിയ പ്രമോദ് ജി. കൃഷ്ണന്‍ എന്ന അധ്യാപകന്‍ മര്‍ദിച്ചു എന്നാണ് പരാതി. ഇരിപ്പിടം മാറിയിരുന്നതിന് മുഖത്ത് അടിച്ചതായും പിടിച്ചു തള്ളിയതായും വിദ്യാര്‍ഥി പൊലീസിന് മൊഴി നല്‍കി. വീട്ടിലെത്തിയ വിദ്യാര്‍ഥിയുടെ കവിള് വീങ്ങിയിരിക്കുന്നത് കണ്ട രക്ഷിതാക്കള്‍ കാര്യം തിരക്കിയപ്പോളാണ് മര്‍ദ്ദനവിവരം പുറത്തറിയുന്നത്. രക്ഷിതാവ് പുത്തൂര്‍ പൊലീസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തില്‍ ജുവനൈല്‍ ജസ്റ്റിസ് ആക്ടടക്കമുള്ള വകുപ്പുകള്‍ ചുമത്തി അധ്യാപകനെതിരെ കേസെടുത്തു. ഇതിന് പിന്നാലെ അധ്യാപകന്‍ ഒളിവില്‍ പോയെന്ന് പൊലീസ് പറഞ്ഞു. പ്രമോദിനെ കണ്ടെത്താന്‍ പുത്തൂര്‍ പൊലീസ് അന്വേഷണം ഊര്‍ജിതമാക്കി.
Read More » -
Crime
ബാറില്‍ വിളിച്ച് വരുത്തി മദ്യസല്‍ക്കാരം; മടക്കയാത്രയില്‍ പിന്തുടര്‍ന്ന് യുവാവില്‍നിന്ന് 15,000 രൂപ പിടിച്ചുപറിച്ചു; നിരോധിത ഗുളികകളും മരകായുധങ്ങളുമായി അഞ്ചംഗ സംഘം പിടിയില്‍
തിരുവനന്തപുരം: നെടുമങ്ങാട് ബാറില്‍ വിളിച്ച് വരുത്തി മദ്യസല്‍ക്കാരം നടത്തിയതിന് പിന്നാലെ യുവാവിന്റെ കൈയ്യില്‍ ഉണ്ടായിരുന്ന പണം പിടിച്ചു പറിച്ച സംഘം പിടിയില്‍. സംഭവത്തില്‍ പരാതി ലഭിച്ച പോലീസ് നടത്തിയ അന്വേഷണത്തില്‍ പേട്ട സ്വദേശി അഖില്‍ (32), പാലോട് തെന്നൂര്‍ സ്വദേശി സൂരജ് (28), വട്ടപ്പാറ സ്വദേശി മിഥുന്‍ (28), കോട്ടയം സ്വദേശി വിമല്‍ (25), കഴക്കൂട്ടം മേനംകുളം സ്വദേശി അനന്തന്‍ (24) എന്നിവരാണ് അറസ്റ്റിലായത്. ഇവരുടെ പക്കല്‍ നിന്നും നിരോധിത ഗുളികകളും മരകായുധങ്ങളും പിടിച്ചെടുത്തിട്ടുണ്ട്. ഇവര്‍ സ്ഥിരം കവര്‍ച്ചാ സംഘങ്ങളാണെന്ന് പോലീസ് പറഞ്ഞു. പനവൂര്‍ പാണയത്ത് നിന്നും മൂന്നു ബൈക്കും ആയുധങ്ങളുമായി ഡിവൈ.എസ്.പി അരുണ്‍ കെ.എസിന്റെയും നെടുമങ്ങാട്, പാലോട് എസ്.എച്ച്.ഓമാരായ രാജേഷ് കുമാര്‍,അനീഷ് കുമാര്‍ എന്നിവരുടെയും നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്. മുഖ്യ പ്രതി ഉണ്ണി ഒളിവിലാണ്. മുഖ്യപ്രതി അഖിലിന്റെ പരിചയത്തിലുള്ള പൂവത്തൂര്‍ സ്വദേശി സുജിത്തിനെ നെടുമങ്ങാട് ബാറില്‍ വിളിച്ചു വരുത്തി മദ്യം നല്‍കിയ ശേഷം രാത്രി പത്തരയോടെ മടക്കയാത്രയില്‍…
Read More »