![](https://newsthen.com/wp-content/uploads/2024/07/pkd-arrest.jpg)
പാലക്കാട്: മുഖ്യമന്ത്രിയുടെയും പൊതുമരാമത്തു മന്ത്രിയുടെയും പേരില് വ്യാജ രേഖകള് ചമച്ച് തട്ടിപ്പ് നടത്തിയ പ്രതി പിടിയില്. കുലുക്കല്ലൂര് സ്വദേശി ആനന്ദിനെ (39) ആണ് പട്ടാമ്പി പൊലീസ് അറസ്റ്റ് ചെയ്തത്. ഇയാളുടെ വീട്ടില് നിന്ന് വ്യാജ രേഖകള് ഉണ്ടാക്കാന് ഉപയോഗിച്ച ഉപകരണങ്ങള് പൊലീസ് കണ്ടെടുത്തു. മുതുതല സ്വദേശിയായ കിഷോറില് നിന്ന് കച്ചവട ആവശ്യത്തിനെന്ന് പറഞ്ഞ് പല തവണയായി ഇയാള് 63 ലക്ഷം രൂപ വാങ്ങിയിരുന്നു. ഇത് തിരികെ ചോ?ദിച്ചപ്പോള് സര്ക്കാരില് നിന്ന് തനിക്ക് 64 കോടി രൂപ കിട്ടാനുണ്ടെന്ന് പറഞ്ഞ് കബളിപ്പിച്ചു.
തെളിവിനായി മുഖ്യമന്ത്രിയും ഉന്നത ഉദ്യോഗസ്ഥരും ഒപ്പിട്ടെന്ന വ്യാജ രേഖകള് ഇയാള് കിഷോറിനെ കാണിച്ചിരുന്നു. കൂടാതെ നടപടികള് വേഗത്തിലാക്കാന് പൊതുമരാമത്തു മന്ത്രിക്ക് പേയ് ടിഎം വഴി 98,000 രൂപ അയച്ചു കൊടുത്തതിന്റെ സ്ക്രീന്ഷോട്ടും ആനന്ദ് കിഷോറിന് കൈമാറിയിരുന്നു.
![Signature-ad](https://newsthen.com/wp-content/uploads/2024/06/signature.jpg)
സംശയം തോന്നിയ കിഷോര് പട്ടാമ്പി പൊലീസില് പരാതി നല്കുകയായിരുന്നു. പരാതി ലഭിച്ചയുടന് പൊലീസ് കേസ് രജിസ്റ്റര് ചെയ്യുകയും പാലക്കാട് ജില്ലാ പൊലീസ് മേധാവി ആര് ആനന്ദ് പ്രത്യേകം അന്വേഷണ സംഘത്തെ നിയോഗിക്കുകയും ചെയ്തു. സൈബര് വിദഗ്ധരുടെ സഹായത്തോടെ വിശദമായി നടത്തിയ അന്വേഷണത്തില് പ്രതിയെ പിടികൂടുകയായിരുന്നു. പ്രതി മൊബൈല് ഫോണില് ആപ്പ് ഉപയോഗിച്ചാണ് വ്യാജ രേഖകള് ഉണ്ടാക്കിയത്. സംഭവത്തില് വിശദമായ അന്വേഷണം തുടരുകയാണെന്നും പൊലീസ് പറഞ്ഞു. പ്രതി സമാന രീതിയില് നിരവധി ആളുകളെ വഞ്ചിച്ച് തട്ടിപ്പ് നടത്തിയതായി പൊലീസിന് വിവരം ലഭിച്ചിട്ടുണ്ട്.