തൃശൂര്‍: അയ്യന്തോളില്‍ തടവുകാരുമായി കോടതിയിലേക്ക് പോകുകയായിരുന്ന ജയില്‍ ബസ് സ്വകാര്യ ലിമിറ്റഡ് സ്റ്റോപ്പ് ബസിലിടിച്ച് തടവുകാര്‍ ഉള്‍പ്പെടെ 26 പേര്‍ക്ക് പരിക്ക്.
10 തടവുകാര്‍ക്കും 14 പൊലീസുകാര്‍ക്കും സ്വകാര്യ ബസിലെ രണ്ടു യാത്രകര്‍ക്കുമാണ് പരിക്കേറ്റത്. ആരുടെയും പരിക്ക് സാരമുള്ളതല്ല.
തൃശൂരില്‍ നിന്ന് കോഴിക്കോട്ടേക്ക് പോകുകയായിരുന്ന സ്വകാര്യ ലിമിറ്റഡ് സ്റ്റോപ്പ് ബസിന്റെ പിറകില്‍ ജയിൽ ബസ് ഇടിക്കുകയായിരുന്നു. പൊലീസും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തി.
