പാലക്കാട്: കാഞ്ഞിരത്താണിയില് വീടിന് തീയിട്ടു. കാഞ്ഞിരത്താണി സ്വദേശി ഫൈസലിന്റെ വീടിന് നേരെയാണ് കഴിഞ്ഞ ദിവസം അര്ധരാത്രിയില് ആക്രമണം ഉണ്ടായത്. ആരാണ് ആക്രമണം നടത്തിയത് എന്നത് വ്യക്തമല്ല. സംഭവത്തില് വീടിന് സമീപത്ത് നിര്ത്തിയിട്ടിരുന്ന ടിപ്പര് ലോറിയും കാറും കത്തിനശിച്ചു. പെട്രോള് ബോംബ് ഉപയോഗിച്ചായിരുന്നു ആക്രമണം എന്നും വിവരങ്ങളുണ്ട്. എന്നാല്, ഇക്കാര്യത്തില് വ്യക്തതയില്ല. പോലീസ് അന്വേഷണം ആരംഭിച്ചു.
