ഞാനും എന്റെ പൂന്തോട്ടവും ഒരു പ്രണയകഥ… വീഡിയോ പങ്കുവച്ച് നടി പത്മപ്രിയ; കൈയടിച്ച് ആരാധകര്‍
അഭിനയരംഗത്തേക്കുള്ള ചുവടുവെപ്പ് മലയാള സിനിമയിലൂടെ ആയിരുന്നില്ല എങ്കിലും മലയാളി പ്രേക്ഷകര്‍ക്ക് ഏറെ ഇഷ്ടമുള്ള താരമായി മാറിയ അഭിനേത്രിയാണ് നടി പത്മപ്രിയ. പദ്മപ്രിയ ജാനകിരാമന്‍ എന്ന താരം മലയാള സിനിമയുടെ ഭാഗമാകുന്നത് മമ്മൂട്ടിയെ കേന്ദ്ര കഥാപാത്രത്തെ അവതരിപ്പിച്ച ‘കാഴ്ച’ എന്ന ചിത്രത്തില്‍ താരത്തിന്റെ ഭാര്യയായി വേഷമിട്ടുകൊണ്ടാണ്. താരം തന്റെ അഭിനയ ജീവിതം ആരംഭിക്കുന്നത് മലയാളത്തില്‍ സൂപ്പര്‍ ഹിറ്റായി മാറിയ ചിത്രം ‘വാസന്തിയും ലക്ഷ്മിയും പിന്നെ ഞാനും’ എന്ന സിനിമയുടെ തെലുങ്ക് പതിപ്പില്‍ അഭിനയിച്ചു കൊണ്ടാണ്.
അരങ്ങേറ്റം തെലുങ്കിലൂടെ ആയിരുന്നു എങ്കിലും താരം കൂടുതലും തിളങ്ങിയത് മലയാളത്തിലും തമിഴിലുമാണ്. മലയാളത്തിലെ സൂപ്പര്‍ താരങ്ങളായ മമ്മൂട്ടിയുടേയും മോഹന്‍ലാലിന്റേയും നായികയായി ഒട്ടേറെ ചിത്രങ്ങളിലാണ് പത്മപ്രിയ വേഷമിട്ടത്. വമ്പന്‍ താരങ്ങളുടെ നായികയായി അഭിനയിക്കാന്‍ ആരംഭിച്ചതോടെ മലയാളി പ്രേക്ഷക മനസ്സില്‍ വളരെ വേഗം തന്നെ പത്മപ്രിയ എന്ന താരം ഇടം പിടിച്ചു. 2017 വരെ അഭിനയരംഗത്ത് സജീവമായി തുടര്‍ന്ന് താരം പിന്നീട് ഒരു അഞ്ചു വര്‍ഷം സിനിമയില്‍നിന്ന് അകന്നു നിന്നു.
പിന്നീട് മലയാള സിനിമയിലേക്ക് താരം തിരിച്ചുവരവ് നടത്തിയത് കഴിഞ്ഞ വര്‍ഷം പുറത്തിറങ്ങിയ ‘ഒരു തെക്കന്‍ തല്ല് കേസ്’ എന്ന സിനിമയിലൂടെ ആയിരുന്നു. പദ്മപ്രിയ എന്ന താരം ഓരോ സിനിമയിലും മികച്ച പ്രകടനമാണ് കാഴ്ചവച്ചിട്ടുള്ളത്. അവസാനം റിലീസ് ആയ താരത്തിന്റെ ചിത്രം ഒ.ടി.ടിയില്‍ ഇറങ്ങിയ ‘വണ്ടര്‍ വുമണ്‍’ ആണ്. ‘പഴശ്ശിരാജ’ എന്ന ചിത്രത്തിലെ പ്രകടനത്തിന് പദ്മപ്രിയ ദേശീയ അവാര്‍ഡില്‍ പ്രത്യേക പരാമര്‍ശനത്തിന് അര്‍ഹയാവുകയും ചെയ്തിരുന്നു.
ഡല്‍ഹിയിലെ വീടിന്റെ പറമ്പില്‍ തൂമ്പ കൊണ്ട് കിളക്കുന്ന താരത്തിന്റെ ഒരു വീഡിയോ കുറച്ച് നാള്‍ മുമ്പ് പദ്മപ്രിയ പങ്കുവച്ചിരുന്നു. ഇപ്പോഴിതാ താരം അവിടെ വളര്‍ന്ന ഒരു ഫലം കാണിച്ചുകൊണ്ടുള്ള ഒരു വീഡിയോ പോസ്റ്റ് ചെയ്തിരിക്കുകയാണ് പദ്മപ്രിയ. പദ്മപ്രിയ ഈ വീഡിയോ പങ്കുവച്ചിരിക്കുന്നത് ”എന്റെ വിന്റര്‍ ഗാര്‍ഡനും ഞാനും, ഒരു പ്രണയകഥ..” എന്ന ക്യാപ്ഷനോടെയാണ് . ഒരുപാട് താരങ്ങള്‍ ഈ വീഡിയോയ്ക്ക് താഴെ കമന്റുകളും ഇട്ടിട്ടുണ്ട്.
