വീട്ടിലേക്ക്‌ ആവശ്യമായ മധുരം നിറഞ്ഞ പഴം, ഒപ്പം വരുമാനവും നേടാം; വളര്‍ത്താം റെഡ് ലേഡി പപ്പായ
രുചിയും ഔഷധ ഗുണവുമുള്ള പഴമാണ് പപ്പായ. കപ്ലങ്ങ, കറുമൂസ എന്നീ പേരുകളിലും ഇതറിയപ്പെടുന്നു. അടുക്കളയ്ക്ക് സമീപം ഒന്നോ രണ്ടോ പപ്പായ മരം പണ്ടൊക്കെ സ്ഥിരമായിരുന്നു. എന്നാല്‍ വീടും മുറ്റവുമെല്ലാം ചുരുങ്ങിയതോടെ പപ്പായ മരത്തിന്റെ സ്ഥാനം നഷ്ടപ്പെട്ടു. ഇതിനു പരിഹാരമായിട്ടാണ് റെഡ് ലേഡി എന്ന ഇനമെത്തിയത്. ചെറിയ മരമായതിനാല്‍ കായ പറിച്ചെടുക്കാനും വളര്‍ത്താനും എളുപ്പമാണ്. റെഡ് ലേഡിയുടെ പഴങ്ങള്‍ രണ്ടാഴ്ചയോളം കേടുകൂടാതെ ഇരിക്കു. നട്ടു കഴിഞ്ഞു എട്ട് മാസത്തിനുള്ളില്‍ പഴങ്ങള്‍ പാകമായി ലഭിക്കുമെന്നതും റെഡ് ലേഡിയുടെ ഗുണങ്ങളാണ്.
പപ്പായ തൈകള്‍ നടാം
വളപ്രയോഗം
ഒന്നു രണ്ടു മാസമായാല്‍ റെഡ് ലേഡി പപ്പായക്ക് താഴെ പറയുന്ന തരത്തില്‍ വളപ്രയോഗം നല്‍കണം.
- 1. വേരു മുറിയാതെ അല്‍പ്പം മണ്ണിളക്കി ചെറു തടമാക്കുക.
- 2. തണ്ടില്‍ നിന്നും കുറച്ച് വിട്ട് വേണം വളപ്രയോഗം.
- 3. 10 kg ജൈവവളം, 200 g എല്ലുപൊടി എന്നിവ ചുറ്റും വിതറി ചെറുതായി മണ്ണിട്ട് മൂടുക.
- 4. 15 – 20 ദിവസം കഴിഞ്ഞ് 500 g വെണ്ണീര്‍ [ചാരം] തണ്ടില്‍ നിന്നു വിട്ട് വിതറി കൊടുക്കുക. മുകളില്‍ അല്‍പ്പം മണ്ണ് വിതറി കൊടുക്കാന്‍ മറക്കരുത്.
- 5. വേനല്‍ കാലത്ത് ചുറ്റും പുതയിടുന്നത് വളരെ നല്ലതാണ്.
ഗ്രോബാഗിലും ടെറസിലും റെഡ് ലേഡി പപ്പായ തൈകള്‍ നടാം. ഗ്രോബാഗില്‍ റെഡ് ലേഡി വളര്‍ന്ന് കായ്ഫലം ലഭിച്ചതായി പല കര്‍ഷകരും വ്യക്തമാക്കിയിട്ടുണ്ട്. രണ്ടോ മൂന്നോ തൈകള്‍ നടാന്‍ അടുക്കളത്തോട്ടത്തിലെ കുറച്ച് സ്ഥലം മതിയെന്നതിനാല്‍ മണ്ണില്‍ നടുന്നതാണ് ഉചിതം.
