Month: September 2020
-
LIFE
ഓര്മ്മയിലെന്നും സച്ചി: ട്രിബ്യൂട്ടുമായി അയ്യപ്പനും കോശിയും ടീം
ഒരാളുടെ വിയോഗത്തില് ഒന്നാകെ മലയാളിയുടെ കണ്ണ് നിറയുന്നത് വളരെ അപൂര്വ്വമായി സംഭവിക്കുന്ന കാര്യമാണ്. ഈയടുത്ത് ഒരാളുടെ മരണവാര്ത്ത കേരളം ഒന്നാകെ കണ്ണീരോടെ കേട്ടിട്ടുണ്ടെങ്കില് അത് സച്ചിയുടെയാണ്. വളരെ ചുരുങ്ങിയ കാലം കൊണ്ട് മലയാള സിനിമയില് തന്റേതായ സ്ഥാനം നേടിയെടുത്ത മറ്റൊരു എഴുത്തുകാരന് ഉണ്ടോ എന്നുള്ള കാര്യം സംശയമാണ്. എഴുതിയ തിരക്കഥകള് കൊണ്ട്, സംവിധാനം ചെയ്ത രണ്ട് ചിത്രങ്ങള് കൊണ്ട് അദ്ദേഹം മലയാളിയുടെ മനസില് സ്വന്തമായി ഒരു ഇരിപ്പിടം നേടിയിരുന്നു. ഇപ്പോള് സച്ചിയെന്ന മനുഷ്യന് ആദരവര്പ്പിച്ച് ട്രിബ്യൂട്ട് വീഡിയോ പുറത്തിറക്കിയിരിക്കുന്നത് അയ്യപ്പനും കോശിയും എന്ന ചിത്രത്തിന്റെ അണിയറ പ്രവര്ത്തകരാണ്. ചിത്രത്തിന്റെ മേക്കിംഗ് വീഡിയോയിലെ സച്ചിയുടെ രംഗങ്ങള് ചേര്ത്താണ് വീഡിയോ വന്നിരിക്കുന്നത്. സച്ചി മലയാളത്തിന് സമ്മാനിച്ച നഞ്ചിയമ്മയുടെ കണ്ണീരില് പൊതിഞ്ഞ പാട്ടാണ് വീഡിയോയുടെ പശ്ചാത്തല സംഗീതമായി ഉപയോഗിച്ചിരിക്കുന്നത്. ചോക്ലേറ്റ് എന്ന ചിത്രത്തിന്റെ തിരക്കഥയൊരുക്കിയാണ് സച്ചി സേതുവിനൊപ്പം മലയാള സിനിമയിലേക്ക് കടന്നു വന്നത്. പിന്നീട് ഇതേ കൂട്ടുകെട്ടില് പുറത്തിറങ്ങിയ റോബിന്ഹുഡ്, മേക്കപ്പ്മാന്, സീനിയേഴ്സ് തുടങ്ങിയ ചിത്രങ്ങളെല്ലാം…
Read More » -
NEWS
അച്ചടക്ക ലംഘനം ഇനി വച്ച് പൊറുപ്പിക്കില്ല ,പാർട്ടി വിരുദ്ധ പ്രസ്താവനകൾക്ക് സോണിയ ഗാന്ധിയുടെ വിലക്ക്
പാർട്ടി അച്ചടക്ക ലംഘനത്തെ കടുത്ത നടപടി കൊണ്ട് നേരിടാൻ കോൺഗ്രസ്സ് ഹൈക്കമാൻഡ് .23 നേതാക്കൾ അയച്ച കത്ത് പ്രവർത്തക സമിതിയിൽ ചർച്ചക്ക് വരികയും എല്ലാവരും ഒറ്റക്കെട്ടായി നീങ്ങണമെന്ന ആഹ്വാനം അധ്യക്ഷ സോണിയാ ഗാന്ധിയിൽ നിന്ന് ഉണ്ടാകുകയും ചെയ്ത പശ്ചാത്തലത്തിൽ ആണ് പരസ്യ പ്രസ്താവനകൾക്ക് വിലക്ക് വരുന്നത് . 23 പാർട്ടി നേതാക്കൾ നേതൃ പ്രതിസന്ധിയെ കുറിച്ച് സോണിയ ഗാന്ധിക്ക് കത്തെഴുതിയതിനു പിന്നാലെ സംഘത്തിലെ ചിലർ പരസ്യ പ്രതികരണങ്ങൾ തുടർന്നിരുന്നു .ഈ പാശ്ചാത്തലത്തിൽ ആണ് ഹൈക്കമാൻഡ് കർശന നടപടികളിലേക്ക് പോകുന്നത് . പാർട്ടി അധ്യക്ഷ സോണിയ ഗാന്ധി ചൂണ്ടിക്കാട്ടിയ പോലെ എല്ലാവരും ഒത്തൊരുമിച്ച് മുന്നോട്ട് പോകണമെന്ന് പാർട്ടി വക്താവ് അഭിഷേക് മനു സിംഗ്വി പറഞ്ഞൂ .ഏതെങ്കിലും വ്യക്തിയെ കുറിച്ചല്ല പറയുന്നതെന്നും പാർട്ടി വക്താവ് പറഞ്ഞു . “ഇതൊരു സ്വതന്ത്ര രാജ്യമാണ് .ആർക്കും സംസാരിക്കാനുള്ള അവകാശമുണ്ട് .പക്ഷെ ഒരു കാര്യം വ്യക്തമാക്കാം .പ്രവർത്തക സമിതി യോഗം വിവിധ വിഷയങ്ങൾ ചർച്ച ചെയ്തത് ഏഴു മണിക്കൂറോളം…
Read More » -
NEWS
വെഞ്ഞാറമൂട് ഇരട്ടക്കൊലപാതക കേസില് പ്രതികളെ റിമാന്ഡ് ചെയ്തു
തിരുവനന്തപുരം: വെഞ്ഞാറമൂട് ഇരട്ടക്കൊലപാതക കേസില് കേസില് പിടിയിലായ 4 പ്രതികളെ റിമാന്ഡ് ചെയ്തു. അജിത്, ഷജിത്, സതി, നജീബ് എന്നിവരെയാണ് 14 ദിവസത്തേക്ക് റിമാന്ഡ് ചെയ്തത്. നെടുമങ്ങാട് മജിസ്ട്രേറ്റിന് മുന്നില് ഓണലൈനായാണ് പ്രതികളെ ഹാജരാക്കിയത്. കൃത്യത്തില് നേരിട്ട് പങ്കുള്ള പ്രതികളെ സഹായിച്ചവരാണ് ഇവര്. മറ്റുള്ളവരുടെ അറസ്റ്റ് ഉടന് രേഖപ്പെടുത്തും. പ്രതികള് കോണ്ഗ്രസുകാര് തന്നെയെന്ന് എഫ് ഐ ആര് വ്യക്തമാക്കുന്നു. തിരുവനന്തപുരം ജില്ലയില് രാത്രി വ്യാപകമായി കോണ്ഗ്രസ് ഓഫീസുകള് ആക്രമിക്കപ്പെട്ടു. വെമ്പായം പഞ്ചായത്തില് ഇന്ന് യു ഡി എഫ് ഹര്ത്താലിന് ആഹ്വാനം ചെയ്തിരിക്കുകയാണ്. കൊലപാതകത്തിന് പിന്നില് രാഷ്ട്രീയ വൈരാഗ്യം തന്നെയെന്ന് പോലീസ് പറയുന്നു. ഡി വൈ എഫ് ഐ പ്രവര്ത്തകര് ആയ മിഥിലാജിനെയും ഹഖ് മുഹമ്മദിനെയും കൊല്ലുക എന്ന ലക്ഷ്യത്തോടെ തന്നെ ആയിരുന്നു ആക്രമണം. നേരത്തെ ഡി വൈ എഫ് ഐ പ്രവര്ത്തകനായ ഫൈസലിനെ കൊല്ലാന് ശ്രമിച്ച കേസിലെ പ്രതികളായ സജീവന്,അന്സാര് എന്നിവരാണ് ഒന്നും രണ്ടും പ്രതികള്. കസ്റ്റഡിയില് ഉള്ള സജീവ്, സനല്,…
Read More » -
TRENDING
ജിയോ ഫൈബർ 399 രൂപ മുതൽ ആരംഭിക്കുന്ന ബ്രോഡ്ബാൻഡ് പ്ലാൻ പ്രഖ്യാപിച്ചു,നെറ്റ്ഫ്ലിക്സും ബണ്ടിൽ ചെയ്തു
കൊച്ചി, സെപ്റ്റംബർ 1, 2020 – ഗാർഹിക ഉപയോക്താക്കൾക്കായി ആകർഷകമായ ബ്രോഡ്ബാൻഡ് പ്ലാനുകളുമായി റിലയൻസിന്റെ ജിയോ ഫൈബർ. അൺലമിറ്റഡ് ഡാറ്റ വാഗ്ദാനം ചെയുന്ന പുതിയ പ്ലാനുകൾ പ്രതിമാസം 399 രൂപയിൽ ആരംഭിക്കുന്നു, കൂടാതെ 30 ദിവസത്തെ സൗജന്യ ട്രയലിലും പുതിയ ഉപയോക്താക്കൾക്കും ജിയോ ഫൈബർ ലഭ്യമാണ്. 30 എംബിപിഎസ് വേഗതയ്ക്ക് 399 രൂപ, 100 എംബിപിഎസ് വേഗതയ്ക്ക് 699 രൂപ, 150 എംബിപിഎസ് വേഗതയ്ക്ക് 999 രൂപ, 300 എംബിപിഎസ് വേഗതയ്ക്ക് 1,499 രൂപ എന്നിങ്ങനെയാണ് ഇപ്പോൾ പ്ലാനുകൾ. പരിധിയില്ലാത്ത ഡാറ്റാ പ്ലാനുകൾക്കൊപ്പം പരിധിയില്ലാത്ത വോയ്സ് കോളുകൾ ലഭ്യമാണെന്നും റിലയൻസ് ജിയോ അറിയിച്ചു. ഇതോടൊപ്പം 4K സെറ്റ് ടോപ്പ് ബോക്സും സൗജന്യമായി ലഭിക്കും. അപ്ലോഡ് സ്പീഡിനോളം ഡൗൺലോഡ് സ്പീഡും ലഭിക്കുമെന്നും, 12 ഒടിടി സേവനങ്ങളും സൗജന്യമായി ലഭിക്കും എന്ന് ജിയോ അറിയിച്ചു. ഏറെ ആകർഷകമായ ഓഫറുകളാണ് ജിയോഫൈബർ മുന്നോട്ടുവച്ചിരിക്കുന്നത്. 1499 രൂപയാണ് സെക്യൂരിറ്റി ഡേപ്പോസിറ്റ്. 399 രൂപയുടെ പ്രതിമാസ പ്ലാനാണ് ബേസിക്ക്. സെക്കൻഡിൽ 30 മെഗാബൈറ്റ്സ് വേഗതയിൽ പരിധിയില്ലാത്ത ഇന്റർനെറ്റും വോയിസും ഇതിൽ ലഭിക്കും. 699 രൂപയുടെ പ്ലാനിൽ, സെക്കൻഡിൽ 100 മെഗാബൈറ്റ്സ് വേഗതയിൽ പരിധിയില്ലാത്ത ഇന്റർനെറ്റും വോയിസും. പ്രതിമാസം 999, 1499 പ്ലാനുകളിലാണ് ഒടിടി സേവനങ്ങൾ ലഭിക്കുക. 999 രൂപയ്ക്ക് സെക്കൻഡിൽ 150 മെഗാബൈറ്റ്സ് വേഗതയിൽ പരിധിയില്ലാത്ത ഇന്റർനെറ്റും വോയിസും ഒപ്പം 11 ഒടിടി സേവനങ്ങളും ലഭിക്കും. 1499 രൂപക്ക് സെക്കൻഡിൽ 300 മെഗാബൈറ്റ്സ് വേഗതയിൽ 12 ഒടിടി സേവനം ലഭിക്കും. പുതിയ എല്ലാ ഉപഭോക്താക്കൾക്കും ആദ്യ ഒരുമാസം സെക്കൻഡിൽ 150 മെഗാബൈറ്റ്സ് വേഗതയിൽ പരിധിയില്ലാത്ത ഇന്റർനെറ്റും 10 ഒടിടി സേവനങ്ങളും സേവനങ്ങളും സൗജന്യമായി ലഭിക്കും. നെറ്റ്ഫ്ലിക്സ്, ആമസോൺ പ്രൈം വിഡിയോ, ഡിസ്നി+ഹോട്ട്സ്റ്റാർ, വൂട്ട്, സോണിലിവ്, സീ5, ലയൺസ്ഗേറ്റ് പ്ലേ, ജിയോസിനിമ, ഷെമാരൂ, ജിയോസാവൻ, യൂട്യൂബ്, ഇറോസ് നൗ എന്നിവയാണ് ജിയോഫൈബർ നൽകുന്ന ഒടിടി സേവനങ്ങൾ. എല്ലാ സേവനങ്ങൾക്കുമായി ഒറ്റത്തവണ ലോഗിൻ ചെയ്താൽ മതിയാവും.
Read More » -
TRENDING
കോവിഡ് പ്രതിസന്ധിക്കിടയിലും ഓണക്കാലത്ത് മിൽമ ഉൽപന്നങ്ങൾക്ക് റെക്കോർഡ് വിൽപന
ഈ ഓണക്കാലത്തെ മില്മയുടെ പാൽ വിൽപന റെക്കോർഡിലെത്തി. കേരള കോ – ഓപ്പറേറ്റീവ് മിൽക്ക് മാർക്കറ്റിംഗ് ഫെഡറേഷൻ ( മിൽമ ) യുടെ മൂന്നു മേഖലയിലും കൂടി പൂരാടം, ഉത്രാടം, തിരുവോണം ദിവസങ്ങളിൽ കേരളത്തിലാകെ 61 ലക്ഷം ലീറ്റർ പാലും 7 ലക്ഷം ലീറ്റര് തൈരും വിൽപന നടത്തി. ഇതു മിൽമയുടെ ചരിത്രത്തിലെ റെക്കോർഡ് വിൽപനയാണെന്നു മിൽമ ചെയർമാൻ പി.എ.ബാലൻ അറിയിച്ചു. ഓണക്കാലത്ത് പാൽ ക്ഷാമം പരിഹരിക്കുന്നതിനു വേണ്ടി കേരളത്തിലെ ക്ഷീര കർഷകരിൽ നിന്ന് ശേഖരിച്ചത് കൂടാതെ കർണ്ണാടക മിൽക്ക് ഫെഡറേഷനിൽ നിന്നും 13 ലക്ഷം ലിറ്ററും തമിഴ് നാട് മിൽക്ക് ഫെഡറേഷനിൽ നിന്നും 8 ലക്ഷം ലിറ്ററും ആന്ത്രയിൽ നിന്നും 1 ലക്ഷം ലിറ്ററും പാൽ വാങ്ങിയാണ് ഓണക്കാലത്ത് മിൽമ ഉപഭോക്താക്കൾക്ക് ലഭ്യമാക്കിയതെന്ന് ചെയർമാൻ പി.എ.ബാലൻ അറിയിച്ചു
Read More » -
NEWS
ആറുമാസത്തേക്ക് പി.എസ്.സി റാങ്ക് ലിസ്റ്റുകൾ നീട്ടണമെന്ന് രമേശ് ചെന്നിത്തല
പി.എസ്.സി റാങ്കുലിസ്റ്റുകളുടെ കാലാവധി ആറുമാസത്തേക്ക് നീട്ടണമെന്ന് പ്രതിപക്ഷ നേതാവ് രമേശ് ചെന്നിത്തല. യുവാക്കളെ വഞ്ചിക്കുന്ന സര്ക്കാര് നടപടിയിലും പി.എസ്.സി റാങ്ക് ലിസ്റ്റ് റദ്ദാക്കപ്പെട്ടതിനെ തുടര്ന്ന് അനുവിന്റെ ആത്മഹത്യയിലേക്ക് നയിച്ച സംഭവത്തിലും പ്രതിഷേധിച്ച് ഇന്ദിരാഭവനിൽ നടത്തിയ ഉപവാസ സത്യാഗ്രഹം ഉദ്ഘാടനം ചെയ്തു സംസാരിക്കുക ആയിരുന്നു പ്രതിപക്ഷ നേതാവ്. റാങ്കുലിസ്റ്റ് റദ്ദാക്കപ്പെട്ടതിന്റെ പേരില് ഇനിയൊരു ആത്മഹത്യ ഉണ്ടാകരുത്. സര്ക്കാരിന്റെ അനാവശ്യ പിടിവാശിയാണ് എല്ലാത്തിനും കാരണം. അനുവിന്റെ ആത്മഹത്യ കുടുംബത്തിന് വരുത്തിയ നഷ്ടത്തിന് മറ്റൊന്നും പകരം വയ്ക്കാനാവില്ല. എക്സൈസ് വകുപ്പില് നിലനിന്നിരുന്ന സീനിയോറിറ്റി തര്ക്കം പരിഹരിക്കാന് സര്ക്കാരിന് കഴിഞ്ഞിരുന്നെങ്കില് കൂടുതല് ഒഴിവുകള് റിപ്പോര്ട്ട് ചെയ്യുമായിരുന്നു. അങ്ങനെയെങ്കില് അനുവിന് ഉള്പ്പെടെ റാങ്ക് പട്ടികയില് ഇടം നേടിയ നിരവധി ഉദ്യോഗാര്ത്ഥികള്ക്ക് ജോലി നല്കാന് കഴിയുമായിരുന്നു. സര്ക്കര് ആവശ്യപ്പെട്ടാല് റാങ്ക് ലിസ്റ്റുകളുടെ കാലാവധി നീട്ടാന് കഴിയും. പക്ഷേ സര്ക്കാര് തയ്യാറായില്ല. ഈ മാസം 20 ന് കൂടുതല് പി.എസ്.സി റാങ്ക് പട്ടിക റദ്ദാക്കപ്പെടുന്ന അവസ്ഥയാണുള്ളതെന്നും രമേശ് ചെന്നിത്തല ചൂണ്ടിക്കാട്ടി. മുല്ലപ്പള്ളി…
Read More » -
LIFE
എങ്ങും മികച്ച പ്രതികരണവുമായി സീ യു സൂണ്
പ്രഖ്യാപനം മുതല് ചര്ച്ചയായ ചിത്രമാണ് മഹേഷ് നാരായണന് സംവിധാനം ചെയ്ത് ഫഹദ് ഫാസില് അഭിനയിച്ച് പുറത്തിറങ്ങിയ സീ യു സൂണ് എന്ന ചിത്രം. ചിത്രം ഇന്നലെ രാത്രി ഒടിടി റിലീസായി പ്രദര്ശനത്തിനെത്തിയിരിക്കുകയാണ്. മഹേഷ് നാരായണന് തന്നെയാണ് ചിത്രത്തിന്റെ കഥയും തിരക്കഥയുമൊരുക്കിയിരിക്കുന്നത്. പൂര്ണമായും ഐഫോണില് ചത്രീകരിച്ച സിനിമയെന്ന പ്രത്യേകതയും ഈ ചിത്രത്തിനുണ്ട്. സമൂഹമാധ്യമത്തിലൂടെ പരിചയപ്പെട്ട രണ്ടുപേര് തമ്മില് വിവാഹം കഴിക്കാന് തീരുമാനിക്കുന്നതും തുടര്ന്ന് അതിലൊരാള് ആത്മഹത്യ ഭീഷണി മുഴക്കിയ ശേഷം മിസ്സിംഗ് ആവുന്നതുമാണ് ചിത്രത്തിന്റെ കഥ. പെണ്കുട്ടിയുടെ തിരോധാനമന്വേഷിക്കാന് സുഹൃത്തായ സൈബര് സെല് ഓഫീസര് കൂടെ ചേരുന്നതോടെ കഥ കൂടുതല് സങ്കീര്ണമാകുന്നു. ചിത്രത്തിന് മികച്ച പ്രതികരണമാണ് പ്രേക്ഷരുടെ ഭാഗത്ത് നിന്നും ലഭിച്ചിരിക്കുന്നത്. ടേക്ക് ഓഫിന് ശേഷം മഹേഷ് നാരായണന്-ഫഹദ് ഫാസില് കൂട്ടുകെട്ടില് ഒരുങ്ങിയ ചിത്രമായിരുന്നു മാലിക്. കോവിഡ് പ്രശ്നങ്ങള് വന്നതോടെയാണ് മാലിക്കിന്റെ നിര്മ്മാണം നിര്ത്തി വെക്കേണ്ടി വന്നത്. തുടര്ന്നാണ് ഐഫോണില് ചിത്രകരിക്കുന്ന സിനിമ എന്ന ആശയവുമായി സംവിധായകനും നടനും മുന്നോട്ട് വന്നത്. ചിത്രത്തെ…
Read More » -
NEWS
രാജീവ് കുമാർ ചുമതലയേറ്റു
ഇന്ത്യയുടെ പുതിയ തിരഞ്ഞെടുപ്പ് കമ്മീഷണറായി രാജീവ് കുമാർ ചുമതലയേറ്റു. സുനിൽ അറോറ മുഖ്യ തിരഞ്ഞെടുപ്പ് കമ്മീഷണറായ, ദേശീയ തിരഞ്ഞെടുപ്പ് കമ്മീഷനിൽ നിലവിലുള്ള തിരഞ്ഞെടുപ്പ് കമ്മീഷണർ സുശീൽ ചന്ദ്രയ്ക്ക് പുറമെയാണ് രാജീവ് കുമാറും തിരഞ്ഞെടുപ്പ് കമ്മീഷണറായി ചുമതലയേറ്റത്. രാജീവ്കുമാർ, 1960 ഫെബ്രുവരി 19 നാണു ജനിച്ചത്. 1984 ബാച്ച് ഐ.എ.എസ് ഉദ്യോഗസ്ഥൻ. കേന്ദ്ര സർവ്വീസിലും, ബീഹാർ – ജാർഖണ്ഡ് സംസ്ഥാന സർവ്വീസുകളിലുമായി 36 വർഷത്തിലേറെ, വിവിധ മന്ത്രാലയങ്ങളുമായി ബന്ധപ്പെട്ട് അദ്ദേഹം പ്രവർത്തിച്ചിട്ടുണ്ട്. ബി.എസ്.സി, എൽ.എൽ.ബി, പി.ജി.ഡി.എം, എം.എ പബ്ലിക് പോളിസി എന്നിവയിൽ ബിരുദധാരിയായ രാജീവ് കുമാറിന് സാമൂഹ്യം, വനം-പരിസ്ഥിതി, മാനവ വിഭവശേഷി, ധനകാര്യം, ബാങ്കിംഗ് എന്നീ മേഖലകളിൽ പ്രവൃത്തി പരിചയമുണ്ട്. പൗരന്മാർക്ക് സേവനങ്ങൾ നേരിട്ട് എത്തിക്കുക, ഇടനിലക്കാരെ ഒഴിവാക്കുക, കൂടുതൽ സുതാര്യത എന്നീ ലക്ഷ്യങ്ങൾക്കായി നിലവിലുള്ള നയ വ്യവസ്ഥകളിൽ കാലാനുസൃത ഭേദഗതികൾ വരുത്തുന്നതിനും, ഭരണ നിർവഹണത്തിൽ സാങ്കേതിക വിദ്യ ഉപയോഗിക്കുന്നതിനും അദ്ദേഹം വളരെയധികം തല്പരനാണ്. 2020 ഫെബ്രുവരിയിൽ കേന്ദ്ര ധനകാര്യ സെക്രട്ടറിയായാണ് അദ്ദേഹം…
Read More » -
NEWS
ഡല്ഹി കലാപം; ദേവാംഗന കലിതക്ക് ജാമ്യം
ന്യൂഡല്ഹി: ജെഎന്യു വിദ്യാര്ത്ഥിയും വിമന് കളക്ടീവ് പിഞ്ച്റ തോഡ്സ് പ്രവര്ത്തകയുമായ ദേവാംഗന കലിതക്ക് ജാമ്യം. ഡല്ഹി കോടതിയാണ് ജാമ്യം അനുവദിച്ചത്. ജാമ്യത്തുകയായി 25000 രൂപ കെട്ടിവെക്കാനും കോടതി ആവശ്യപ്പെട്ടു. പ്രതി നേരിട്ടോ അല്ലാതെയോ സാക്ഷികളെ സ്വാധീനിക്കാന് സാധ്യതയില്ലെന്നും തെളിവ് നശിപ്പിക്കാന് സാധ്യതയില്ലെന്നും കോടതി നിരീക്ഷിച്ചു. ഫെബ്രുവരി 22 ന് ജാഫ്രാബാദ് മെട്രോ സ്റ്റേഷന് പുറത്ത് പൗരത്വ നിയമത്തിനെതിരെ സമാധാനപരമായ പ്രതിഷേധത്തില് പങ്കെടുത്തതിനാണ് ദേവാംഗന കലിതയും നടാഷ നര്വാളും മെയില് അറസ്റ്റിലായത്. ഫെബ്രുവരി 24 ന് രജിസ്റ്റര് ചെയ്ത എഫ്.ഐ.ആര് പ്രകാരമായിരുന്നു ഇത്. കേസില് ഡല്ഹി പൊലീസ് ഇവരെ കസ്റ്റഡിയില് ആവശ്യപ്പെട്ടെങ്കിലും കോടതി ആവശ്യം നിരാകരിച്ച് ജാമ്യം അനുവദിച്ചിരുന്നു. തൊട്ടുപിന്നാലെ ഡല്ഹി കലാപത്തില് പങ്കുചേര്ത്ത് ഇരുവരെയും വീണ്ടും അറസ്റ്റുചെയ്തു. ഈ കേസില് രണ്ടുദിവസം കസ്റ്റഡിയില് വാങ്ങി. തുടര്ന്ന് ഗൂഡാലോചന കുറ്റം ആരോപിച്ച് യു.എ.പി.എ ചുമത്തുകയായിരുന്നു. സിഎഎ വിരുദ്ധ സമരത്തിലും ഇവര് സജീവമായി പങ്കെടുത്തിരുന്നു. നാല് കേസുകളാണ് ദേവാംഗന കലിതക്കെതിരെ ചുമത്തിയത്.
Read More » -
NEWS
ഔദ്യോഗിക ബഹുമതികളോടെ പ്രണബ് ദായ്ക്ക് വിട; സംസ്കാരം കോവിഡ് മാനദണ്ഡങ്ങള് പാലിച്ച്
ന്യൂഡല്ഹി: മുന് രാഷ്ട്രപതി പ്രണബ് മുഖര്ജിയുടെ ഭൗതിക ശരീരം സംസ്കരിച്ചു. പൂര്ണ ഔദ്യോഗിക ബഹുമതികളോടെ കോവിഡ് പ്രോട്ടോക്കോള് പ്രകാരം ലോധി റോഡ് ശ്മശാനത്തില് വെച്ചായിരുന്നു സംസ്കാരം. രാജാജി റോഡിലെ വസതിയില്നിന്ന് ഭൗതികശരീരം ഒരുമണിയോടെ ലോധി റോഡ് ശ്മശാനത്തിലെത്തിച്ചു. മകന് അഭിജിത് മുഖര്ജി അടക്കം സംസ്കാരച്ചടങ്ങുകളില് പങ്കെടുത്തവരെല്ലാം പിപിഇ കിറ്റു ധരിച്ചിരുന്നു. രാഷ്ട്രപതി റാംനാഥ് കോവിന്ദ്, ഉപരാഷ്ട്രപതി വെങ്കയ്യ നായിഡു, പ്രധാനമന്ത്രി നരേന്ദ്ര മോദി, മുന് പ്രധാനമന്ത്രി മന്മോഹന് സിങ്, രാഹുല് ഗാന്ധി കേന്ദ്രമന്ത്രിമാര്, സേനാ മേധാവികള് തുടങ്ങി വിവിധ മേഖലകളില്പ്പെട്ട പ്രമുഖര് വസതിയില് ആദരാഞ്ജലികളര്പ്പിച്ചു. ഓഗസ്റ്റ് 10ന്, തലച്ചോറില് കട്ടപിടിച്ച രക്തം നീക്കം ചെയ്യാന് ശസ്ത്രക്രിയയ്ക്കു വിധേയനായ അദ്ദേഹത്തിന് കോവിഡും സ്ഥിരീകരിച്ചിരുന്നു. അന്നു മുതല് അബോധാവസ്ഥയിലായിരുന്ന അദ്ദേഹത്തിന് ഇന്നലെ വൈകിട്ട് ഹൃദയസ്തംഭനമുണ്ടാവുകയായിരുന്നു. ശര്മിഷ്ഠ മുഖര്ജി, അഭിജിത് മുഖര്ജി എന്നിവരാണു മക്കള്. പ്രണബ് മുഖര്ജിയുടെ വിയോഗത്തെത്തുടര്ന്ന് ഒരാഴ്ചത്തെ ദുഃഖാചരണം പ്രഖ്യാപിച്ചിട്ടുണ്ട.്
Read More »