ടോമിൻ ജെ തച്ചങ്കരി IPSന് ഡി ജി പി ആയി സ്ഥാനക്കയറ്റം

1986 ബാച്ച്കാരനായ Road Safety Commissionher ശേഖർ റെഡ്ഢി ഈ മാസം 31 ന് വിരമിക്കുന്ന ഒഴിവിലേക്ക് 1987 ബാച്ച്കാരനായ ടോമിൻ ജെ തച്ചങ്കരി IPS നെ ഡിജിപി ആയി സ്ഥാനക്കയറ്റം നൽകി സർക്കാർ ഉത്തരവ് ഇറക്കി .നിയമനം പിന്നീട് നൽകും .പോലീസിനു പുറത്തുള്ള പ്രധാനപ്പെട്ട ഒരു പദവി ലഭിക്കാനാണ് സാധ്യത .

നിലവിൽ ക്രൈം ബ്രാഞ്ച് മേധാവിയാണ്. അടുത്ത വർഷം ജൂണിൽ സംസ്ഥാന പോലീസ് മേധാവി പദവിയിൽ നിന്നും ശ്രീ. ലോക്നാഥ് ബെഹ്‌റ IPS വിരമിക്കുമ്പോൾ ആ സമയത്തെ സംസ്ഥാനത്തെ ഏറ്റവും സീനിയർ IPS ഉദ്യോഗസ്ഥനായിരിക്കും ടോമിൻ ജെ തച്ചങ്കരി IPS. തച്ചങ്കരി KSRTC ലും ക്രൈം ബ്രാഞ്ചിലും നടത്തിയ പ്രവർത്തനങ്ങൾ രാഷ്ട്രീയകക്ഷി ഭേദമന്യേ അതീവ ജനശ്രദ്ധ നേടിയിരുന്നു.

കോഴിക്കോട്, ആലപ്പുഴ, ഇടുക്കി, എറണാകുളം, പാലക്കാട്‌, കണ്ണൂർ ജില്ലകളുടെ പോലീസ് മേധാവി ആയിരുന്നു. കണ്ണൂർ റേഞ്ച് IG, പോലീസ് ഹെഡ് ക്വാർട്ടേഴ്‌സ് ADGP, ട്രാൻസ്‌പോർട്ട് കമ്മീഷണർ, ഫയർ ഫോഴ്സ് മേധാവിയായും നിരവധി പൊതു മേഖലാ സ്ഥാപനങ്ങളുടെ തലവനായും സേവനം അനുഷ്ഠിച്ചിട്ടുണ്ട്.

3 വർഷത്തെ സേവനകാലാവധി ടോമിൻ ജെ തച്ചങ്കരി IPS ന് ഇനിയും അവശേഷിക്കുന്നുണ്ട്. പരേതയായ അനിത തച്ചങ്കരി ആണ് ഭാര്യ. ഇലക്രോണിക്സ് രംഗത്തുള്ള മേഘയും കാവ്യയും ആണ് മക്കൾ.

Leave a Reply

Your email address will not be published. Required fields are marked *