Sports
-
വിബിന്റെ പരിക്ക് ഗുരുതരമല്ല; മോഹൻ ബഗാനെതിരെ കളിക്കില്ല:ഇവാൻ
കേരള ബ്ലാസ്റ്റേഴ്സ് ആരാധകര്ക്ക് ആശ്വാസ വാര്ത്ത. യുവ മധ്യനിര താരം വിബിൻ മോഹനന് ഏറ്റ പരിക്ക് അത്ര സാരമുള്ളതല്ല എന്ന് റിപ്പോര്ട്ടുകള്. കൊച്ചിയിൽ മുംബൈയ്ക്കെതിരെയുള്ള മത്സരത്തിലാണ് വിബിന് പരിക്കേൽക്കുന്നത്.തുടർന്ന് പുറത്തുപോയ വിബിനെ ആശുപത്രിയിൽ പ്രവേശിപ്പിച്ച് എക്സറേ എടുത്തെങ്കിലും പൊട്ടലുകള് ഒന്നും ഇല്ലായിരുന്നു. എങ്കിലും രണ്ട് ദിവസം കൂടെ കാത്ത് നിന്ന ശേഷം മാത്രമെ പരിക്ക് എത്ര കാലം താരത്തെ പുറത്ത് ഇരുത്തൂ എന്ന് പറയാൻ ആകൂ എന്ന് കോച്ച് ഇവാൻ പറഞ്ഞു. അതേസമയം നാളെ നടക്കുന്ന മോഹൻ ബഗാനെതിരായ മത്സരത്തില് വിബിൻ ഉണ്ടാകില്ല എന്നും കോച്ച് പറഞ്ഞു. മുംബൈ സിറ്റിക്ക് എതിരെ കളിക്കുമ്ബോള് ഒരു ടാക്കിള് ചെയ്യുന്നതിന് ഇടയില് ആയിരുന്നു വിബിന് പരിക്കേറ്റത്. വിബിന്റെ അഭാവത്തില് മോഹൻ ബഗാനെതിരെ അസ്ഹറും ഡാനിഷും മധ്യനിരയില് ഇറങ്ങാൻ ആണ് സാധ്യത.
Read More » -
മുംബൈയെ വീഴ്ത്തി 7.5 റേറ്റിംഗുമായി കേരള ബ്ലാസ്റ്റേഴ്സ്
കൊച്ചി:ഇന്ത്യൻ സൂപ്പർ ലീഗിന്റെ പത്താം സീസണിൽ എല്ലാ ഇന്ത്യൻ ഫുട്ബോൾ ആരാധകരും ആകാംക്ഷയോടെ കാത്തിരുന്ന വാശിയേറിയ പോരാട്ടത്തിൽ മുംബൈ സിറ്റി എഫ്സിയെ വീഴ്ത്തി കേരള ബ്ലാസ്റ്റേഴ്സ്. ആവേശകരമായ പോരാട്ടത്തിൽ മുംബൈയെ എതിരില്ലാത്ത രണ്ട് ഗോളുകൾക്കാണ് കേരള ബ്ലാസ്റ്റേഴ്സ് വീഴ്ത്തിയത്.വിദേശ മുന്നേറ്റ താരങ്ങളായ ഡിമിട്രിയോസ് ഡയമന്റകോസും, ക്വാം പെപ്രയുമാണ് ബ്ലാസ്റ്റേഴ്സിനായി ഗോൾ നേടിയത്. മത്സരത്തിലെ പ്ലേയർ റേറ്റിംഗ് നോക്കുമ്പോൾ ബ്ലാസ്റ്റേഴ്സ് താരങ്ങളുടെ ആധിപത്യമാണ് കാണാൻ കഴിയുന്നത്.പ്രശസ്ത മാധ്യമമായ ഫോട്മോബിന്റെ റേറ്റിംഗ് പ്രകാരം പ്രകടനത്തിൽ ബ്ലാസ്റ്റേഴ്സിന് 7.5 റേറ്റിംഗും മുംബൈക്ക് 6.4 റേറ്റിംഗുമാണ് നൽകിയിരിക്കുന്നത്. കേരള ബ്ലാസ്റ്റേഴ്സ് താരങ്ങളുടെ പ്ലേയർ റേറ്റിംഗ് ഇങ്ങനെ… സച്ചിൻ സുരേഷ് (GK) – 7.5 പ്രീതം കോട്ടാൽ – 7.4 മിലോസ് ഡ്രിൻസിക് – 7.4 മാർക്കോ ലീസ്കോവിച് – 7.3 നവോച്ച സിംഗ് – 7.2 വിബിൻ മോഹനൻ – 6.5 ഡാനിഷ് ഫാറൂഖ് – 7.1 മുഹമ്മദ് ഐമെൻ – 6.5 രാഹുൽ കെപി –…
Read More » -
ആരാധകര്ക്ക് ക്രിസ്തുമസ് സമ്മാനമൊരുക്കി കൊച്ചിയിൽ ബ്ലാസ്റ്റേഴ്സ്
ക്രിസ്തുമസ് തലേന്ന് കൊച്ചി ജവഹര്ലാല് നെഹ്റു സ്റ്റേഡിയത്തില് ആരാധകര്ക്ക് ക്രിസ്തുമസ് സമ്മാനമൊരുക്കി കേരള ബ്ലാസ്റ്റേഴ്സ്. ഓക്ടോബര് എട്ടിന് മുംബൈ തട്ടകത്തിലുണ്ടായ തോല്വിക്ക്(2-1) ക്രിസ്മസ് തലേന്ന് കൊച്ചിയില് മറുപടി(2-0) നൽകിയായിരുന്നു ആരേധകർക്ക് ബ്ലാസ്റ്റേഴ്സ് ഗംഭീര ക്രിസ്തുമസ് വിരുന്നൊരുക്കിയത്. മറുപടിയില്ലാത്ത രണ്ടു ഗോളുകള്ക്കാണ് കൊമ്ബൻമാരുടെ ജയം. ദിമിത്രിയോസ് ഡയമന്റകോസും ക്വാമി പെപ്രയുമാണ് ബ്ലാസ്റ്റേഴ്സിനായി വലകുലുക്കിയത്. ജയത്തോടെ 11 മത്സരങ്ങളില് നിന്ന് 23 പോയിന്റുമായി പോയിന്റ് പട്ടികയില് രണ്ടാമതാണ് ബ്ലാസ്റ്റേഴ്സ്. 9 മത്സരങ്ങളില് നിന്ന് 23 പോയിന്റുള്ള ഗോവയാണ് ഒന്നാമത്. മത്സരത്തിന്റെ ആദ്യപകുതിയിലാണ് ഇരുഗോളുകളും പിറന്നത്. 11-ാം മിനിറ്റില് ക്വാമി പെപ്രയുടെ അസിസ്റ്റില് ഗ്രീക്ക് താരം ദിമിത്രിയോസ് ഡയമന്റകോസ് ബ്ലാസ്റ്റേഴ്സിനായി വലകുലുക്കി. ഇടതുവിങ്ങിലൂടെ പെപ്ര നടത്തിയ മുന്നേറ്റത്തിനൊടുവില് മനോഹരമായ ഫസ്റ്റ് ടച്ചിലൂടെയാണ് ഡിമി വലകുലുക്കിയത്. സീസണില് താരം നേടുന്ന ആറാം ഗോളാണിത്. ഇൻജ്വറി ടൈമില് ഡിമിയുടെ അസിസ്റ്റില് പെപ്രയും വലകുലുക്കിയതോടെ ആദ്യ പകുതിയില് രണ്ട് ഗോളിന് കൊമ്ബൻമാര് മുന്നിട്ട് നിന്നു. രണ്ടാം പകുതിയിലും ബ്ലാസ്റ്റേഴ്സ് മുംബൈക്ക്…
Read More » -
കൊച്ചിയിൽ ക്രിസ്തുമസ് നക്ഷത്രങ്ങൾ പൂത്തിറങ്ങി; മുംബൈയെ പഞ്ഞിക്കിട്ട് കേരള ബ്ലാസ്റ്റേഴ്സ് (2-0)
കൊച്ചി: ഈ രാത്രി നക്ഷത്രങ്ങൾ കൊച്ചിയെ തൊട്ടുരുമ്മി നിന്നു.ജവഹർലാൽ നെഹ്റു സ്റ്റേഡിയത്തിലെ ഗ്രൗണ്ടിൽ ആ നക്ഷത്രങ്ങൾ മിന്നിത്തിളങ്ങിയപ്പോഴൊക്കെ ഗാലറികളിൽ ചിറകടികൾ ഉയർന്നു പൊന്തി.അവരുടെ കാലുകൾ സംസാരിച്ചപ്പോഴാവട്ടെ ലോകമെങ്ങുമുള്ള, മലയാളികളുടെ ഇടനെഞ്ചിൽ സ്വർഗ്ഗീയ സംഗീതം അലയടിച്ചു. കൊച്ചിയിൽ 2-0 ന് മുംബൈയെ പഞ്ഞിക്കിട്ട് കേരള ബ്ലാസ്റ്റേഴ്സ് . ബ്ലാസ്റ്റേഴ്സിന് ഈ സീസണിലെ ആദ്യ തോല്വി നേരിട്ടത് മുംബൈ സിറ്റിക്കെതിരെ അവരുടെ തട്ടകത്തിലാണ്. ഒക്ടോബര് എട്ടിന് മുംബൈയില് നടന്ന മത്സരത്തില് 2-1നാണ് ബ്ലാസ്റ്റേഴ്സ് മുംബൈയോട് പരാജയപ്പെട്ടത്. ഇന്ന് തങ്ങളുടെ ഹോം ഗ്രൗണ്ടിൽ ബ്ലാസ്റ്റേഴ്സ് ആ കണക്ക് തീർക്കുകയായിരുന്നു.സീസണിലെ ആദ്യ തോൽവിയായിരുന്നു ഇന്ന് കൊച്ചിയിൽ മുംബൈ നേരിട്ടത്. ആദ്യ പകുതിയുടെ 14-ാം മിനിറ്റിൽ ദിമിത്രിയോസും ആദ്യ പകുതിയുടെ ഇൻജുറി ടൈമിൽ പെപ്രയും നേടിയ ഗോളുകളാണ് ബ്ലാസ്റ്റേഴ്സിന് വിജയം സമ്മാനിച്ചത്.അതിലുപരി ബ്ലാസ്റ്റേഴ്സ് പ്രതിരോധ നിരയുടെ ആദ്യാവസാനമുള്ള ചെറുത്ത് നിൽപ്പും മത്സരത്തിൽ നിർണ്ണായകമായി. ഈ സീസണിലെ മുംബൈയുടെ ആദ്യ തോൽവിയാണിത്.ഇതോടെ 11 മത്സരങ്ങളിൽ നിന്ന് 23 പോയിന്റുമായി കേരള…
Read More » -
രഞ്ജി ട്രോഫിയില് കേരളത്തെ സഞ്ജു സാംസണ് നയിക്കും
തിരുവനന്തപുരം : 2023-24 രഞ്ജി സീസണിലെ ആദ്യ രണ്ടു മത്സരങ്ങള്ക്കുള്ള കേരള ടീമിനെ പ്രഖ്യാപിച്ചു. കേരള ടീമിന്റെ ആദ്യത്തെ രണ്ടു കളികള് ആലപ്പുഴയിലും ഗുവാഹത്തിയിലുമാണു നടക്കുക. ജനുവരി അഞ്ചു മുതലാണ് മത്സരങ്ങള് തുടങ്ങുന്നത്.ഉത്തര് പ്രദേശിനെതിരെയാണ് കേരളത്തിന്റെ ആദ്യ മത്സരം. ജനുവരി 12ന് അസമിനെതിരെയാണ് കേരളത്തിന്റെ രണ്ടാം മത്സരം. ഗ്രൂപ്പ് ബിയിലാണ് കേരളം ഉൾപ്പെട്ടിരിക്കുന്നത്.ബംഗാള്, ആന്ധ്രപ്രദേശ്, മുംബൈ, ഛത്തീസ്ഗഡ്, ഉത്തര്പ്രദേശ്, ബിഹാര് ടീമുകളും ബി ഗ്രൂപ്പിലുണ്ട്. സഞ്ജു വിശ്വനാഥ് (സി) ,രോഹൻ എസ് കുന്നുമ്മല് (വിസി) കൃഷ്ണ പ്രസാദ് ,ആനന്ദ് കൃഷ്ണൻ , രോഹൻ പ്രേം ,സച്ചിൻ ബേബി , വിഷ്ണു വിനോദ് ,അക്ഷയ് ചന്ദ്രന് , ശ്രേയസ് ഗോപാല് , ജലജ് സക്സേന , വൈശാഖ് ചന്ദ്രൻ , ബേസില് തമ്ബി , വിശ്വേശ്വര് എ സുരേഷ് , നിധീഷ് എം ഡി ,ബേസില് എൻ പി വിഷ്ണു രാജ് (WK) തുടങ്ങി പ്രമുഖ താരങ്ങളെല്ലാം 16 അംഗ ടീമില്…
Read More » -
മോഹൻ ബഗാനെ തകര്ത്തെറിഞ്ഞ് ഗോവ(4-1)
കൊല്ക്കത്ത: ഇന്ത്യന് സൂപ്പര് ലീഗ് ഫുട്ബോളില് മോഹന് ബഗാന് സൂപ്പര് ജയന്റ്സിനെ തകര്ത്ത് എഫ്.സി. ഗോവ. ബഗാന്റെ തട്ടകമായ സാള്ട്ട് ലേക്ക് സിറ്റി സ്റ്റേഡിയത്തില് നടന്ന മത്സരത്തില് 4-1 നാണു ഗോവ ജയിച്ചത്. ഗോവയ്ക്കായി നോഹ സദോയി ഇരട്ട ഗോളടിച്ചു. വിക്ടര് റോഡ്രിഗസ്, കാര്ലോസ് മാര്ട്ടിനസ് എന്നിവര് ഒരു ഗോള് വീതമടിച്ചു. ബഗാനു വേണ്ടി ദിമിത്രി പെട്രാറ്റോസ് ഒരു ഗോളടിച്ചു. ഒന്പത് കളികളില്നിന്ന് 23 പോയിന്റുമായി എഫ്.സി. ഗോവ ഒന്നാം സ്ഥാനത്താണ്. രണ്ടാം സ്ഥാനത്തുള്ള കേരളാ ബ്ലാസ്റ്റേഴ്സിന് 10 കളികളില്നിന്ന് 20 പോയിന്റാണ്. ഒന്പത് കളികളില്നിന്നു 19 പോയിന്റ് നേടിയ മോഹന് ബഗാന് നാലാം സ്ഥാനത്താണ്. എഫ്.സി. ഗോവ പത്താം സീസണില് ഏഴ് ജയങ്ങള് കുറിച്ചു.
Read More » -
കേരള ബ്ലാസ്റ്റേഴ്സ് x മുംബൈ സിറ്റി: കൊച്ചിയിൽ ഇന്ന് തീപാറും
കൊച്ചി :കരുത്തരായ മുംബൈ സിറ്റിക്കെതിരെ സീസണിലെ തങ്ങളുടെ രണ്ടാം മത്സരത്തിന് തയ്യാറെടുത്ത് കേരള ബ്ലാസ്റ്റേഴ്സ് എഫ്സി.വൈകിട്ട് 8 മണിക്ക് ജവഹർലാൽ നെഹ്റു സ്റ്റേഡിയത്തിലാണ് മത്സരം. ബ്ലാസ്റ്റേഴ്സ് സീസണിലെ ആദ്യ തോല്വി നേരിട്ടത് മുംബൈ സിറ്റിക്കെതിരെ അവരുടെ തട്ടകത്തിലാണ്. ഇന്നത്തെ കളിയില് ജയിച്ച് മുംബൈയോട് കണക്കുതീര്ക്കാനാണ് മഞ്ഞപ്പടയുടെ പുറപ്പാട്. ഒക്ടോബര് എട്ടിന് മുംബൈയില് നടന്ന മത്സരത്തില് 2-1നാണ് ബ്ലാസ്റ്റേഴ്സ് മുംബൈയോട് പരാജയപ്പെട്ടത്. അന്ന് മിലോസ് ഡ്രിന്സിച്ച് ചുവപ്പ് കാര്ഡ് കണ്ട് പുറത്താകയും, കയ്യാങ്കളി നടത്തിയ കുറ്റത്തിന് പ്രബീര്ദാസ് സസ്പെന്ഷന് നേരിടുകയും ചെയ്തിരുന്നു. 25 ദിവസത്തെ ഇടവേളയ്ക്ക് ശേഷമാണ് ബ്ലാസ്റ്റേഴ്സ് കലൂര് സ്റ്റേഡിയത്തില് കളിക്കിറങ്ങുന്നത്.സീസണിലെ ഹോം മത്സരത്തില് ഒരു മത്സരത്തില് പോലും ബ്ലാസ്റ്റേഴ്സ് ഇതുവരെ തോറ്റിട്ടില്ല. കഴിഞ്ഞ 29ന് ചെന്നൈയിന് എഫ്സിക്കെതിരെയാണ് ഇവിടെ നടന്ന അവസാന മത്സരം. അത് 3-3 സമനിലയില് കലാശിച്ചു. ജയത്തോടെ പോയിന്റ് ടേബിളില് ഒന്നാം സ്ഥാനം തിരിച്ചുപിടിക്കാമെന്നാണ് ബ്ലാസ്റ്റേഴ്സ് പ്രതീക്ഷ. നിലവില് 10 മത്സരങ്ങളില് നിന്ന് ആറ് ജയവും രണ്ട്…
Read More » -
അഞ്ച് പേരില്ലാതെ കേരള ബ്ലാസ്റ്റേഴ്സിനെ നേരിടാൻ മുംബൈ;അന്ന് മുംബൈയ്ക്കെതിരായ മത്സരത്തിൽ ചുവപ്പ് കാർഡ് ലഭിച്ചത് മൂന്നു കേരള ബ്ലാസ്റ്റേഴ്സ് താരങ്ങൾക്ക്
കൊച്ചി: ഇന്ത്യൻ സൂപ്പർ ലീഗിൽ കഴിഞ്ഞ ദിവസം നടന്ന മുംബൈ സിറ്റി vs മോഹൻ ബഗാൻ മത്സരത്തിൽ 7 റെഡ് കാർഡുകളും ഏഴ് യെല്ലൊ കാർഡുകളും ആണ് റഫറിക്ക് പുറത്തെടുക്കേണ്ടി വന്നത്. മത്സരത്തിൽ ഹോം ടീമായ മുംബൈ സിറ്റി ഒന്നിനെതിരെ രണ്ട് ഗോളുകൾക്ക് മോഹൻ ബഗാന് സീസണിലെ ആദ്യ തോൽവി സമ്മാനിക്കുകയും ചെയ്തു. ഈ മത്സരത്തിൽ റെഡ്കാർഡുകൾ കിട്ടിയ മുംബൈ സിറ്റിയുടെ നാല് താരങ്ങൾക്ക് അടുത്ത മത്സരത്തിൽ കളിക്കാനാവില്ല. ഡിസംബർ 24ന് കൊച്ചിയിൽ വച്ച് കേരള ബ്ലാസ്റ്റേഴ്സ് എഫ് സിക്കെതിരെയാണ് മുംബൈ സിറ്റിയുടെ അടുത്ത ഐഎസ്എൽ മത്സരം അരങ്ങേറുന്നത്. റെഡ് കാർഡുകൾ ലഭിച്ച ഗ്രേഗ് സ്റ്റുവർട്, വിക്രം പ്രതാപ് സിങ്, ആകാശ് മിശ്ര, രാഹുൽ കെകെ എന്നീ നാല് താരങ്ങൾക്കാണ് കേരള ബ്ലാസ്റ്റേഴ്സിനെതിരെയുള്ള അടുത്ത മത്സരത്തിൽ വിട്ട് നിൽക്കേണ്ടി വരുന്നത്. റെഡ് കാർഡുകൾ ലഭിച്ച നാല് താരങ്ങളെ കൂടാതെ മത്സരത്തിൽ യെല്ലോ കാർഡ് ലഭിച്ച ഗോൾകീപ്പർ ലച്ചംബക്കും കേരള ബ്ലാസ്റ്റേഴ്സിനെതിരായ…
Read More » -
വിരാട് കോലിയല്ല, സഞ്ജുവാണ് മൂന്നാം നമ്പറിന് അർഹൻ: സുനിൽ ഗാവസ്കർ
വിരാട് കോലിയല്ല സഞ്ജുവാണ് മൂന്നാം നമ്പറിന് അർഹനെന്ന് ഇന്ത്യൻ ക്രിക്കറ്റ് ഇതിഹാസം സുനിൽ ഗാവസ്കർ. സഞ്ജു സാംസണിന്റെ ഏകദിനത്തിലെ കന്നി സെഞ്ചുറി കണ്ട ശേഷമാണ് സുനില് ഗാവസ്കര് ഇങ്ങനെ പ്രതികരിച്ചത്. കൃത്യമായ അവസരങ്ങള് നല്കാതെ 29കാരനായ സഞ്ജുവിനെ ഒഴിവാക്കുന്ന നടപടിയാണ് പലപ്പോഴും ബിസിസിഐയുടെ ഭാഗത്തുനിന്നുണ്ടായതെന്നും എന്നാല്, അതിനൊക്കെയുള്ള മറുപടി ഒരൊറ്റ ഇന്നിങ്സുകൊണ്ട് നല്കിയിരിക്കുകയാണ് മലയാളികളുടെ പ്രിയപ്പെട്ട സഞ്ജുവെന്നും ഗാവസ്കർ പറഞ്ഞു. സഞ്ജുവിന്റെ സെഞ്ചുറി മികവില് ദക്ഷിണാഫ്രിക്കയ്ക്കെതിരേ ഒരു ജയം മാത്രമല്ല ഇന്ത്യ നേടിയത് ഒരു പരമ്ബര തന്നെയാണ്. സാധാരണ സഞ്ജുവില് കാണുന്ന ആക്രമണോത്സുകതയായിരുന്നില്ല ദക്ഷിണാഫ്രിക്കയ്ക്കെതിരായ മൂന്നാം ഏകദിനത്തില് കണ്ടത്. വളരെ സമചിത്തതയോടെയും ക്ഷമയോടെയുമാണ് സഞ്ജു തന്റെ ഇന്നിങ്സ് കെട്ടിപ്പടുത്തത്. ബാറ്റിങ്ങിന് അത്ര അനുകൂലമല്ലാത്ത പിച്ചില്നിന്നാണ് സഞ്ജു ഇത്ര മികച്ച ഇന്നിങ്സ് കാഴ്ചവച്ചത്. ഇത് തീര്ച്ചയായും സെലക്ടര്മാരുടെ കണ്ണ് തുറപ്പിക്കും. മൂന്നാം നമ്ബറില് വിരാട് കോലിയാണ് ഇപ്പോള് ഇറങ്ങുന്നത്. ഇനി ആ പൊസിഷനില് സഞ്ജുവിനെ ഉപയോഗിക്കാമെന്ന ശക്തമായ നിര്ദേശമാണ് സഞ്ജുവിന്റെ ഇന്നിങ്സ് നല്കിയിരിക്കുന്നത്.ഗവാസ്കർ…
Read More » -
അർഹിച്ച സെഞ്ച്വറി; സഞ്ജുവിനെ അഭിനന്ദിച്ച് ശ്രീശാന്ത്
തിരുവനന്തപുരം: ദക്ഷിണാഫ്രിക്കക്കെതിരെ ഏകദിനത്തിലെ കന്നി സെഞ്ച്വറി നേടിയ സഞ്ജു സാംസണെ അഭിനന്ദിച്ച് മലയാളിയായ മുൻ ഇന്ത്യൻതാരം എസ്. ശ്രീശാന്ത്. അര്ഹിച്ച സെഞ്ച്വറിയാണ് സഞ്ജു ദക്ഷിണാഫ്രിക്കക്കെതിരെ നേടിയതെന്നു ശ്രീശാന്ത് പ്രതികരിച്ചു.ഇതിന് മുൻപ് സഞ്ജുവിനെ തുടരെത്തുടരെ വിമർശിച്ച ആളാണ് ശ്രീശാന്ത്.രാജസ്ഥാൻ റോയൽസിന്റെ ക്യാപ്റ്റൻ സ്ഥാനത്തു നിന്നുപോലും സഞ്ജുവിനെ നീക്കണമെന്ന് ആവശ്യപ്പെട്ട ശ്രീശാന്ത് സഞ്ജുവിനേക്കാൾ മിടുക്കൻമാർ ഇന്ത്യയിൽ വേറെ ഉണ്ടെന്നും ഇന്ത്യൻ ടീമിൽ സഞ്ജുവിനെ ആവശ്യമില്ലെന്നും വരെ തുറന്നടിച്ചിരുന്നു. ദക്ഷിണാഫ്രിക്കക്കെതിരെയുള്ള മൂന്നാം ഏകദിനത്തിൽ 108 റൺസെടുത്ത സഞ്ജുവിന്റെ ഇന്നിങ്സാണ് മത്സരത്തിൽ നിർണായകമായത്.ഇതോടെ പരമ്പരയും (2-1) ഇന്ത്യ സ്വന്തമാക്കി. 78 റൺസിനായിരുന്നു ഇന്ത്യയുടെ ജയം. ആദ്യം ബാറ്റു ചെയ്ത ഇന്ത്യ 50 ഓവറിൽ എട്ടു വിക്കറ്റു നഷ്ടത്തിൽ 296 റൺസെടുത്തു. മറുപടി ബാറ്റിങ്ങിൽ ദക്ഷിണാഫ്രിക്ക 45.5 ഓവറിൽ 218 റൺസിന് ഓൾ ഔട്ടായി. അന്താരാഷ്ട്ര ക്രിക്കറ്റിൽ ഒരു മലയാളി താരം ആദ്യമായാണ് സെഞ്ച്വറി നേടുന്നത്.
Read More »