Sports
-
വരുമോ ബലൂച് ക്രിക്കറ്റ് ടീം? സ്വാതന്ത്ര്യ പ്രഖ്യാപനത്തിനു പിന്നാലെ ഇന്ത്യയും ബലൂചിസ്താന് ടീമും തമ്മിലുള്ള സൗഹൃദ മത്സരം പ്രഖ്യാപിച്ച് മിര്യാര് ബലൂച്; ഗ്വാദറിലോ ഡല്ഹിയിലോ മത്സരം; ഷഹീന് അഫ്രിദിയും സല്മാന് ആഘയും ആര്ക്കൊപ്പം?
ഇസ്ലാമാബാദ്: പാകിസ്താനിലെ ബലൂചിസ്താന് സ്വതന്ത്രമായെന്നും 80 ശതമാനം സ്ഥലത്ത് സൈന്യത്തിന്റെ നിയന്ത്രണം നഷ്ടമായെന്നും പ്രഖ്യാപിച്ചതിനു പിന്നാലെ പാകിസ്താന്റെ ക്രിക്കറ്റ് ടീമും പിളര്ന്നേക്കുമെന്നു റിപ്പോര്ട്ട്. പാകിസ്താനല്ല ബലൂചിസ്താനെന്നും ജനങ്ങള് അവരുടെ ദേശീയ വിധി തീരുമാനിച്ചെന്നും ഇനി ലോകം നിശബ്ദത പാലിക്കരുതെന്നും ബലൂച് നേതാവ് മിര്യാര് ബലൂച് പ്രഖ്യാപിച്ചതിനു പിന്നാലെയാണു പുതിയ ക്രിക്കറ്റ് ടീമിന്റെ ചര്ച്ചകളും ആരംഭിച്ചത്. ബലൂച് കേന്ദ്രമാക്കി ബലൂചിസ്താന് ക്രിക്കറ്റ് ക്ലബ് നേരത്തെയുണ്ട്. പുതിയ രാജ്യം പ്രഖ്യാപിച്ചു കഴിഞ്ഞാല് പാട് ടീമിലെ പ്രമുഖര് ബലൂച് ടീമിലേക്കു മാറുമെന്നാണാണ് ക്രിക്കറ്റ് രംഗത്തെ പ്രമുഖരുടെ നിരീക്ഷണം. സോഷ്യല് മീഡിയ പ്ലാറ്റ്ഫോമായ എക്സില് ബലൂച് നേതാവും ഇക്കാര്യം പ്രഖ്യാപിച്ചിട്ടുണ്ട്. അധികം വൈകാതെ ഭാരതവും ബലൂചിസ്താന് ക്രിക്കറ്റ് ടീമുകള് തമ്മില് സൗഹൃദ മത്സരം ഡല്ഹിയിലോ ഗ്വാദറിലോ നടക്കുമെന്നാണു മിര്യാര് ബലൂചിന്റെ പ്രഖ്യാപനം. ബലൂചിസ്താനിലെ ഗ്വാദര് ക്രിക്കറ്റ് സ്റ്റേഡിയത്തിന്റെയടക്കം നിയന്ത്രണം വിമതര് നേരത്തേതന്നെ ഏറ്റെടുത്തിരുന്നു. Very soon, there will a friendly match between #Balochistan and…
Read More » -
ആ സുഹൃത് ബന്ധം വേരറ്റുപോയി, ഇനി അർഷാദ് നദീമും ഞാനും തമ്മിൽ അത്ലീറ്റുകൾ തമ്മിലുള്ള സൗഹൃദം മാത്രം- നീരജ് ചോപ്ര
ദോഹ: ഒളിംപിക്സ് ചാംപ്യനായ അർഷാദ് നദീമും നീരജ് ചോപ്രയും തമ്മിലുള്ള സൗഹൃദം ഏറെ ലോക ശ്രദ്ധയാകർഷിക്കപ്പെട്ട ഒന്നായിരുന്നു. മാത്രമല്ല അർഷാദ് നദീമിനെ ഇന്ത്യയിലേക്കു മത്സരത്തിനു ക്ഷണിച്ചതിന്റെ പേരിൽ നീരജിനും കുടുംബത്തിനും നേരേ മുൻപ് സൈബർ ആക്രമണമുണ്ടായിരുന്നു. എന്നാൽ ഇന്ന് ആ സൗഹൃദത്തിനു വിള്ളൽ വീണുപോയെന്നു നീരജ് ചോപ്ര പറയുന്നു. നീരജ് ചോപ്രയും ലോകത്തെ മുൻനിര താരങ്ങളും ആദ്യമായി ഇന്ത്യൻ മണ്ണിൽ ഏറ്റുമുട്ടുന്ന ‘നീരജ് ചോപ്ര ക്ലാസിക്’ മീറ്റിൽ പങ്കെടുക്കാനാണ് ഒളിംപിക്സ് ചാംപ്യനായ അർഷാദ് നദീമിനെ നീരജ് ചോപ്ര മുൻപ് നേരിട്ടു ക്ഷണിച്ചത്. രാജ്യാന്തര മത്സരത്തിരക്കിന്റെ കാരണം പറഞ്ഞ് അർഷാദ് അത് നിരസിച്ചിരുന്നു. എന്നാൽ പഹൽഗാം ഭീകരാക്രമണത്തിനു പിന്നാലെ ഈ ക്ഷണത്തിന്റെ പേരിൽ നീരജിനെതിരെ വ്യാപക വിമർശനമുയർന്നിരുന്നു. പാക്കിസ്ഥാൻ ജാവലിൻത്രോ താരം അർഷാദ് നദീം തന്റെ ഉറ്റ സുഹൃത്ത് അല്ലെന്നും രാജ്യാന്തര വേദിയിൽ ഒരുമിച്ച് മത്സരിക്കുന്ന അത്ലീറ്റുകൾ തമ്മിലുള്ള സൗഹൃദം മാത്രമാണ് തങ്ങൾക്കിടയിലുള്ളതെന്നും വ്യക്തമാക്കുകയായിരുന്നു നീരജ് ചോപ്ര. ഇന്നു ദോഹയിൽ നടക്കുന്ന ഡയമണ്ട്…
Read More » -
ബാഗി ബ്ലൂവിലെ 14 വര്ഷങ്ങള്; നന്ദി പ്രിയപ്പെട്ട കോലി; മാസ്മരികമായൊരു ക്രിക്കറ്റ് കാലത്തിന്; ചെറു പുഞ്ചിരിയില്ലാതെ ടെസ്റ്റ് ക്രിക്കറ്റ് കാലം ഓര്ക്കാനാകില്ലെന്ന് വികാര നിര്ഭരമായ കുറിപ്പ്; അച്ഛന്റെ മരണക്കിടക്കയില് തുടങ്ങിയ കഠനാധ്വാനം; മടങ്ങുന്നത് സുവര്ണ നേട്ടത്തിനരികെ
ന്യൂഡല്ഹി: ‘ഇന്ത്യന് ക്രിക്കറ്റിന്റെ അഭിമാനമായ ‘ബാഗി ബ്ലൂ’ ധരിച്ച് കളിച്ച 14 വര്ഷങ്ങള്. ഒരിക്കല്പോലും പ്രതീക്ഷിക്കാത്ത തലത്തിലേക്കു കൈപിടിച്ചുയര്ത്തിയ അഞ്ചു ദിവസത്തെ ഫോര്മാറ്റ് ഇടയ്ക്കിടെ പരീക്ഷിച്ചു. അതിലേറെ മികവിലേക്ക് ഉയറത്തി. ജീവതത്തില് ഉടനീളം ഉപകരിച്ച പാഠങ്ങളായിരുന്നു ടെസ്റ്റ് എന്നെ പഠിപ്പിച്ചത്. ദിവസങ്ങള് നീണ്ടുനില്ക്കുന്ന അധ്വാനം, സമര്പ്പണം, മറ്റാര്ക്കും കാണാന് സാധിക്കാത്തതും എന്നാല് എന്നില് എന്നന്നേക്കുമായി നിറഞ്ഞു നില്ക്കുന്നതുമായ ചെറിയ നിമിഷങ്ങള്’. ‘എനിക്ക് സാധ്യമായതൊക്കെയും ക്രിക്കറ്റിന് നല്കുകയും ഞാന് പ്രതീക്ഷിച്ചതിലേറെ തിരിച്ചു നല്കുകയും ചെയ്ത ടെസ്റ്റ് ക്രിക്കറ്റില് നിന്നും വിടചൊല്ലുകയെന്നത് എളുപ്പമുള്ള തീരുമാനമായിരുന്നില്ല, ഇതാണ് ഉചിതമായ സമയമെന്ന് ഞാന് കരുതുന്നു. ക്രിക്കറ്റ് ഫീല്ഡ് പങ്കിട്ട സഹതാരങ്ങളേയും എന്റെ വഴി അനായാസമാക്കിയ ഓരോരുത്തരെയും നന്മ കാംഷിച്ച സകലരെയും നന്ദിയോടെ സ്മരിക്കുന്നു. ഞാന് വിട വാങ്ങുന്നു; ഒരു ചെറുപുഞ്ചിരിയോടെയല്ലാതെ എന്റെ ടെസ്റ്റ് ക്രിക്കറ്റ് കരിയറിനെ സ്മരിക്കാന് എനിക്കാവില്ല..നന്ദി..!” ടെസ്റ്റ് ക്രിക്കറ്റിനു വിടചൊല്ലി വിരാട് കോലിയെന്ന വണ്ടര്മാന് ബാക്കിയാക്കുന്നതു ചിരകാല അഭിലാംകൂടിയാണ്. എന്നാല്, അതും വിട്ടുകളായന് കോലിക്കു…
Read More » -
ഐപിഎല് മത്സരങ്ങള് ശനിയാഴ്ച പുനരാരംഭിക്കും; ആറുവേദികള്; ഫൈനല് ജൂണ് മൂന്നിന്; പ്ലേ ഓഫ്, ഫൈനല് വേദികള് പിന്നീട്; ചെന്നൈ, ഹൈദരാബാദ് സ്റ്റേഡിയങ്ങള് ഒഴിവാക്കി; ഷെഡ്യൂള് ഇങ്ങനെ
ബംഗളുരു: ഇന്ത്യ പാക് യുദ്ധത്തെത്തുടര്ന്നു മാറ്റിവച്ച ഐപിഎല് മത്സരങ്ങള് ശനിയാഴ്ച പുനരാരംഭിക്കും. ആറുവേദികളിലാകും മത്സരം ജൂണ് മൂന്നിനു ഫൈനല് മത്സരങ്ങളും നടക്കും. ബംഗളുരു, ജെയ്പുര്, ഡല്ഹി, ലക്നൗ, മുംബൈ, അഹമ്മദാബാദ് എന്നിവയാണു വേദികള്. പ്ലേ ഓഫ്, ഫൈനല് വേദികള് പിന്നീടു തീരുമാനിക്കും. രാജ്യം യുദ്ധസമാനമായ സാഹചര്യത്തിലൂടെ കടന്നുപോകുമ്പോള് ഐപിഎല് നടത്തുന്നത് നല്ല മാതൃകയല്ലെന്നു ചൂണ്ടിക്കാട്ടിയാണു ബിസിസിഐ മത്സരങ്ങള് നിര്ത്തിയത്. മൈതാനങ്ങളിലെ സുരക്ഷ കടുപ്പിക്കുകയും വിമാനത്താവളങ്ങള് അടച്ചിടുകയും ചെയ്തതോടെയാണ് സീസണിലെ അവശേഷിക്കുന്ന മത്സരങ്ങള് അനിശ്ചിത കാലത്തേക്ക് നീട്ടിവയ്ക്കേണ്ടി വന്നത്. ഈ ഐപിഎല് സീസണിലെ 58ാം മത്സരമാണ് ധരംശാലയില് നടന്നത്. പ്ലേഓഫ് റൗണ്ടിന് മുന്പ് 13 ലീഗ് മത്സരങ്ങള്കൂടി നടക്കാനുണ്ട്. സുരക്ഷാ മുന്കരുതലെന്ന നിലയില് ധരംശാല വിമാനത്താവളം അടച്ചതോടെ ഞായറാഴ്ച ഇവിടെ നടക്കേണ്ട മുംബൈ പഞ്ചാബ് മത്സരം നേരത്തേ തന്നെ അഹമ്മദാബാദിലേക്കു മാറ്റിയിരുന്നു. പുതിയ പട്ടികയനുസരിച്ചു പഞ്ചാബ് ഡല്ഹിയുമായി മേയ് 24ന് ഏറ്റുമുട്ടും. മേയ് ഏഴിനു ധര്മശാലയില് സുരക്ഷാ കാരണങ്ങളാല് കളി നിര്ത്തിയതോടെയാണു പഞ്ചാബ്-ഡല്ഹി…
Read More » -
ഐപിഎല് മത്സരങ്ങള് മേയ് 16 മുതലെന്നു റിപ്പോര്ട്ട്; കളികളെല്ലാം ദക്ഷിണേന്ത്യന് സംസ്ഥാനങ്ങളില്; ടീമുകളോടു ഹോം ഗ്രൗണ്ടില് എത്താന് നിര്ദേശം; വിദേശ താരങ്ങള് മടങ്ങിയത് പ്രതിസന്ധി
ബംഗളുരു: ഇന്ത്യപാക്കിസ്ഥാന് സംഘര്ത്തെ തുടര്ന്ന് നിര്ത്തിവച്ച ഐപിഎല് മല്സരങ്ങള് മേയ് 16 മുതല് പുനരാരംഭിക്കുമെന്ന് റിപ്പോര്ട്ട്. മൂന്ന് വേദികളിലായി നടത്താനാണ് ബിസിസിഐ ആലോചിക്കുന്നത്. ചെന്നൈ, ബെംഗളൂരു, ഹൈദരാബാദ് നഗരങ്ങളിലായി മേയ് 30 വരെ നീളുന്ന രീതിയിലാകും ഐപിഎലിന്റെ പുതിയ ഷെഡ്യൂള്. പുതിയ ഷെഡ്യൂള് ഉടന് പുറത്തിറക്കുമെന്നാണ് പ്രതീക്ഷിക്കുന്നത്. പഞ്ചാബ് കിങ്സ് ഒഴികെയുള്ള എല്ലാ ടീമുകളോടും ചൊവ്വാഴ്ചയോടെ ഹോം ഗ്രൗണ്ടുകളില് എത്താന് ബിസിസിഐ ആവശ്യപ്പെട്ടിട്ടുണ്ട്. വെള്ളിയാഴ്ച മല്സരങ്ങള് പുനരാരംഭിക്കാനാണ് ബിസിസിഐയുടെ തീരുമാനം. ഐപിഎല് നിര്ത്തിവച്ചതോടെ മിക്ക ടീമിലെയും വിദേശ താരങ്ങളും സപ്പോര്ട്ടിങ് സ്റ്റാഫും സ്വന്തം രാജ്യത്തേക്ക് മടങ്ങിയിരുന്നു. നിലവില് ഇവരെ തിരികെ എത്തിക്കാനുള്ള ശ്രമത്തിലാണ് ഫ്രാഞ്ചൈസികള്. വിദേശകളിക്കാരെ തിരികെ എത്തിക്കുന്നത് സംബന്ധിച്ച് ഫ്രാഞ്ചൈസികള്ക്ക് ബിസിസിഐ നിര്ദേശം നല്കി. 12 ലീഗ് മല്സരങ്ങളും നാല് പ്ലേ ഓഫ് മല്സരങ്ങളുമാണ് ഐപിഎലില് ബാക്കിയുള്ളത്. പ്ലേ ഓഫുകള്ക്കും ഫൈനലിനും കുറഞ്ഞത് ആറ് ദിവസമെങ്കിലും ആവശ്യമുള്ളതിനാല് ശേഷിക്കുന്ന മത്സരങ്ങള് പൂര്ത്തിയാക്കാന് ബിസിസിഐക്ക് കുറഞ്ഞത് രണ്ടാഴ്ചയെങ്കിലും വേണ്ടിവരും. ടൂര്ണമെന്റ് പൂര്ത്തിയാക്കാന്…
Read More » -
കോലിയും ടെസ്റ്റ് മതിയാക്കുന്നു? ബിസിസിഐയെ ഞെട്ടിച്ച് തീരുമാനം അറിയിച്ചെന്നു റിപ്പോര്ട്ട്; രോഹിത്തും കോലിയും ഇല്ലാതെ ഇംഗ്ലണ്ട് ടെസ്റ്റ് പ്രതിസന്ധിയില്; ആരു നയിക്കും?
ബംഗളുരു: രോഹിത് ശര്മയ്ക്ക് പിന്നാലെ ‘കിംഗ്’ കോലിയും ടെസ്റ്റ് ക്രിക്കറ്റ് കരിയര് അവസാനിപ്പിക്കുന്നു. ഇംഗ്ലണ്ട് പര്യടനം തുടങ്ങാന് ആഴ്ചകള് മാത്രം ബാക്കി നില്ക്കെയാണ് ബിസിസിഐയെ ഞെട്ടിച്ച് കോലി തീരുമാനം അറിയിച്ചതെന്നാണു റിപ്പോര്ട്ട്. വിരമിക്കാനുള്ള തീരുമാനം പുനഃപരിശോധിക്കണമെന്ന് ബിസിസിഐ ഉന്നതര് ആവശ്യപ്പെട്ടെന്നും റിപ്പോര്ട്ടില് പറയുന്നു. ഇംഗ്ലണ്ട് ടെസ്റ്റില് രോഹിതിന് പിന്നാലെ കോലിയുമില്ലാത്ത പ്രതിസന്ധി ഉടലെടുത്താല് എങ്ങനെ നേരിടുമെന്ന് തീരുമാനിക്കാന് സെലക്ടര്മാര് വൈകാതെ യോഗം ചേരും. ബോര്ഡര്ഗവാസ്കര് പരമ്പരയിലെ തോല്വിക്ക് പിന്നാലെ വന് വിമര്ശനമുണ്ടായതില് കോലി നിരാശനായിരുന്നുവെന്നാണ് റിപ്പോര്ട്ടുകള്. ടെസ്റ്റ് കരിയര് അവസാനിപ്പിക്കാന് കോലി തീരുമാനിച്ചുവെന്നും എന്നാല് ഇംഗ്ലണ്ട് പര്യടനം കണക്കിലെടുത്ത് തീരുമാനം പുനഃപരിശോധിക്കാന് ആവശ്യപ്പെട്ടുവെന്നുമാണ് ബിസിസിഐ ഉന്നതനെ ഉദ്ധരിച്ചുള്ള റിപ്പോര്ട്ട് വിശദമാക്കുന്നത്. 2014 ഡിസംബറിലാണ് കോലി ഇന്ത്യയുടെ ടെസ്റ്റ് ക്യാപ്റ്റനായത്. 2022 മുതല് രോഹിത് ശര്മയും ടീമിനെ നയിച്ചു. കോലി തീരുമാനത്തില് നിന്ന് പിന്മാറിയില്ലെങ്കില് ഇന്ത്യയുടെ നില പരുങ്ങലിലാകുമെന്നാണ് വിലയിരുത്തല്. അങ്ങനെയെങ്കില് കെ.എല്. രാഹുല്, ശുഭ്മന് ഗില്, യശസ്വി, പന്ത് എന്നിങ്ങനെയാകും ബാറ്റിങ്…
Read More » -
ഇന്ത്യയെ പിണക്കാനാവില്ല, ഞങ്ങൾക്കു സമ്മതമല്ല!! പിഎസ്എൽ മത്സരങ്ങൾ ആഥിത്യം വഹിത്യം വഹിക്കാൻ വിസമ്മതിച്ച് യുഎഇ, പാക് തീരുമാനം എമിറേറ്റ്സ് ക്രിക്കറ്റ് ബോർഡുമായി ചർച്ച നടത്താതെ?
ലണ്ടൻ: ഇന്ത്യ – പാക്കിസ്ഥാൻ അതിർത്തി സംഘർഷം അതി രൂക്ഷമായ സാഹചര്യത്തിൽ പാക്കിസ്ഥാൻ സൂപ്പർ ലീഗിന്റെ (പിഎസ്എൽ) ശേഷിക്കുന്ന മത്സരങ്ങൾ യുഎഇയിലേക്ക് മാറ്റാനുള്ള പാക്കിസ്ഥാൻ ക്രിക്കറ്റ് ബോർഡിന്റെ (പിസിബി) നീക്കം എതിർത്ത് യുഎഇ. പിഎസ്എൽ മത്സരങ്ങൾക്ക് ആതിഥ്യം വഹിക്കാൻ എമിറേറ്റ്സ് ക്രിക്കറ്റ് ബോർഡ് വിസമ്മതിച്ചതായാണ് പുറത്തുവരുന്ന റിപ്പോർട്ട്. ഇരുരാജ്യങ്ങൾ തമ്മിലുള്ള സംഘർഷം വർധിക്കുന്ന സാഹചര്യത്തിലാണ് പിഎസ്എൽ മത്സരങ്ങൾ നടത്തുന്നതിൽ യുഎഇ താൽപര്യക്കുറവ് പ്രകടിപ്പിക്കുന്നതെന്നാണ് വിവരം. ഇതിനു പുറമേ സുരക്ഷാ കാരണങ്ങളും യുഎഇയിലുള്ള ഇന്ത്യ, പാക്കിസ്ഥാൻ പൗരൻമാർ തമ്മിലുള്ള ബന്ധത്തെ ബാധിച്ചേക്കുമെന്ന ആശങ്കയും പിഎസ്എൽ മത്സരങ്ങൾക്ക് ആതിഥ്യം വഹിക്കുന്നതിൽനിന്ന് യുഎഇയെ പിന്നോട്ടു വലിക്കുന്നു. മാത്രമല്ല എമിറേറ്റ്സ് ക്രിക്കറ്റ് ബോർഡുമായി ചർച്ച നടത്തുന്നതിനു മുൻപാണ്, പിഎസ്എൽ മത്സരങ്ങൾ യുഎഇയിലേക്കു മാറ്റുന്നതായി പിസിബി പ്രഖ്യാപിച്ചതെന്നാണ് വിവരം. അതിനാൽതന്നെ ആതിഥ്യം വഹിക്കാനാകില്ലെന്ന് എമിറേറ്റ്സ് ക്രിക്കറ്റ് ബോർഡ് പിസിബിയെ അറിയിക്കും. ഇതോടെ പാക്കിസ്ഥാൻ ക്രിക്കറ്റ് ബോർഡ് അക്ഷരാർഥത്തിൽ വെട്ടിലായിരിക്കുകയാണ്. കൂടാതെ ഇന്ത്യ– പാക്കിസ്ഥാൻ സംഘർഷം വർധിക്കുന്ന സാഹചര്യത്തിൽ പിഎസ്എൽ…
Read More » -
കോഹ്ലിയും അനുഷ്കയും വിവാഹ മോചനത്തിലേക്കോ ? അവ്നീത് കൗർ വിഷയത്തിന് പിന്നാലെ കൊഹ്ലിയെ അവഗണിച്ച് അനുഷ്ക ശർമ
ബംഗളൂരു: നടി അവ്നീത് കൗറിന്റെ ഹോട്ട് ചിത്രങ്ങള് വിരാട് കോഹ്ലി ലൈക്ക് ചെയ്തത് ചൂടേറിയ ചര്ച്ചയായി മാറിയിരുന്നു. പിന്നാലെ അവ്നീത് മുംബൈ ഇന്ത്യന്സും ഗുജറാത്ത് ടൈറ്റന്സും തമ്മിലുള്ള മത്സരം കാണാന് വാംഖഡെ സ്റ്റേഡിയത്തില് എത്തിതും ചര്ച്ചയായിരുന്നു. കോഹ്ലി ലൈക്ക് പിന്വലിക്കുകയും വിശദീകരിക്കുകയും ചെയ്തിരുന്നു. അവ്നീതിനെ കുറിച്ചുള്ള ചര്ച്ചകള് കോഹ്ലിയുടെ ഭാര്യയും ബോളിവുഡ് താരവുമായ അനുഷ്ക ശര്മ്മയെയും ബാധിച്ചിട്ടുണ്ട് എന്ന റിപ്പോര്ട്ടുകളാണ് ഇപ്പോള് പുറത്തുവരുന്നത്. ഈ സംഭവത്തിന് ശേഷം ചൊവ്വാഴ്ച രാത്രി ബംഗളൂരുവിലാണ് വിരാടും അനുഷ്ക്കയും പ്രത്യക്ഷ്യപ്പെട്ടത്. ഇരുവരും കാറില് നിന്നും ഇറങ്ങുന്ന വീഡിയോയാണ് വൈറലാകുന്നത്. ആദ്യം പുറത്തിറങ്ങി കാറിന്റെ ഡോര് തുറന്നു കൊടുക്കുന്ന കോഹ്ലി അനുഷ്ക്കയ്ക്കായി കൈ നീട്ടുന്നുണ്ട്. എന്നാല് അനുഷ്ക്ക കോഹ്ലിയുടെ കൈ പിടിക്കാതെ ഹോട്ടലിലേക്ക് നടന്ന് കയറുന്നതാണ് ദൃശ്യങ്ങളില് ഉള്ളത്. അനുഷ്ക പിണക്കത്തിലാണ് എന്ന റിപ്പോര്ട്ടുകളാണ് പ്രചരിക്കുന്നത്.
Read More » -
ഐപിഎല് മത്സരങ്ങള് അനിശ്ചിത കാലത്തേക്ക് നിര്ത്തി; രാജ്യം യുദ്ധസമാനമായ സാഹചര്യത്തില്; മത്സരങ്ങള് നടത്തുന്നത് ഉചിതമല്ലെന്ന് ബിസിസിഐ; നടക്കാനുള്ളത് 12 ലീഗ് റൗണ്ട് മത്സരങ്ങള്
ന്യൂഡല്ഹി: പഹല്ഗാം ഭീകരാക്രമണത്തെ തുടര്ന്ന് പാക്കിസ്ഥാനെതിരെ ഇന്ത്യ ശക്തമായി തിരിച്ചടിച്ചതോടെ അതിര്ത്തിയില് സംഘര്ഷം കനത്ത സാഹചര്യത്തില്, ഇന്ത്യന് പ്രിമിയര് ലീഗ് (ഐപിഎല്) മത്സരങ്ങള് നിര്ത്തിവയ്ക്കാന് ഇന്ത്യന് ക്രിക്കറ്റ് കണ്ട്രോള് ബോര്ഡ് (ബിസിസിഐ) തീരുമാനിച്ചു. ഇന്നലെ നടന്ന പഞ്ചാബ് കിങ്സ് ഡല്ഹി ക്യാപിറ്റല്സ് മത്സരം പാതിവഴിയില് നിര്ത്തിവയ്ക്കേണ്ടി വന്നതു മുതല് ടൂര്ണമെന്റിന്റെ ഭാവിയെക്കുറിച്ച് ചോദ്യങ്ങളുയര്ന്നിരുന്നു. ഇതോടെയാണ് ടൂര്ണമെന്റ് അനിശ്ചിത കാലത്തേക്ക് നിര്ത്തിവയ്ക്കാന് ബിസിസിഐ തീരുമാനിച്ചത്. രാജ്യം യുദ്ധസമാനമായ സാഹചര്യത്തിലൂടെ കടന്നുപോകുമ്പോള് ഐപിഎല് നടത്തുന്നത് നല്ല മാതൃകയല്ലെന്ന് ബിസിസിഐ പ്രതിനിധിയെ ഉദ്ധരിച്ച് പിടിഐ റിപ്പോര്ട്ട് ചെയ്തു. മൈതാനങ്ങളിലെ സുരക്ഷ കടുപ്പിക്കുകയും വിമാനത്താവളങ്ങള് അടച്ചിടുകയും ചെയ്തതോടെയാണ് സീസണിലെ അവശേഷിക്കുന്ന മത്സരങ്ങള് അനിശ്ചിത കാലത്തേക്ക് നീട്ടിവയ്ക്കേണ്ടി വന്നത്. ഈ ഐപിഎല് സീസണിലെ 58ാം മത്സരമാണ് ഇന്നലെ ധരംശാലയില് നടന്നത്. മേയ് ഇരുപതിന് ആരംഭിക്കേണ്ട പ്ലേഓഫ് റൗണ്ടിന് മുന്പ് 12 ലീഗ് റൗണ്ട് മത്സരങ്ങള്കൂടി നടക്കാനുണ്ട്. സുരക്ഷാ മുന്കരുതലെന്ന നിലയില് ധരംശാല വിമാനത്താവളം അടച്ചതോടെ ഞായറാഴ്ച ഇവിടെ നടക്കേണ്ട…
Read More » -
ഇനി പാകിസ്താനില് തുടരാന് കഴിയില്ല; ആവശ്യം ഉന്നയിച്ച് പിഎസ്എല് കളിക്കുന്ന ഇംഗ്ലണ്ട് താരങ്ങള്; പാക് ക്രിക്കറ്റ് ബോര്ഡില് വന് പ്രതിസന്ധി; ആകാശം അടച്ചതോടെ തിരിച്ചു പോകാനും വഴിമുട്ടി
ലഹോർ: പാക്കിസ്ഥാനിലെ ഭീകരതാവളങ്ങൾ ഇന്ത്യൻ സൈന്യം തകർത്ത ‘ഓപ്പറേഷൻ സിന്ദൂറിനു’ പിന്നാലെ രാജ്യം വിടണമെന്ന ആവശ്യമുന്നയിച്ച് ഇംഗ്ലണ്ട് ക്രിക്കറ്റ് താരങ്ങൾ. മുൾട്ടാൻ സുൽത്താൻസ് ടീമിന്റെ താരങ്ങളായ ഡേവിഡ് വില്ലി, ക്രിസ് ജോർദാന് എന്നീ താരങ്ങളാണ് എത്രയും പെട്ടെന്ന് രാജ്യം വിടണമെന്ന ആവശ്യം ഫ്രാഞ്ചൈസിയെ അറിയിച്ചത്. പാക്ക് സൂപ്പർ ലീഗിൽനിന്ന് ടീം പുറത്തായി. അതുകൊണ്ട് ഇനി കളിക്കാൻ താല്പര്യമില്ലെന്ന് രണ്ടു താരങ്ങളും നിലപാടെടുത്തതായി ഒരു പാക്ക് മാധ്യമം റിപ്പോർട്ട് ചെയ്തു. മുൾട്ടാൻ സുൽത്താൻസിന് ഗ്രൂപ്പ് ഘട്ടത്തിൽ ഒരു മത്സരം മാത്രമാണ് ബാക്കിയുള്ളത്. ഇന്ത്യയുടെ മിന്നലാക്രമണത്തിനു പിന്നാലെ പാക്കിസ്ഥാനിലുള്ള ഇംഗ്ലണ്ട് താരങ്ങളെയെല്ലാം ഇംഗ്ലണ്ട് ക്രിക്കറ്റ് ബോര്ഡ് ബന്ധപ്പെട്ടിരുന്നു. താരങ്ങളോടു നാട്ടിലേക്കു തിരിച്ചുപോകാൻ ഇംഗ്ലണ്ട് ബോർഡ് ആവശ്യപ്പെട്ടിട്ടില്ല. ഏഴ് ഇംഗ്ലിഷ് താരങ്ങളാണ് പാക്ക് സൂപ്പർ ലീഗ് കളിക്കാനായി പാക്കിസ്ഥാനിലുള്ളത്. സാം ബില്ലിങ്സ്, ജെയിംസ് വിൻസ്, ടോം കറൻ, ഡേവിഡ് വില്ലി, ക്രിസ് ജോർദാൻ, ടോം കോലർ കാഡ്മോർ, ലൂക്ക് വുഡ് എന്നിവരാണ് വിവിധ ഫ്രാഞ്ചൈസികൾക്കൊപ്പമുള്ളത്. താരങ്ങളെ…
Read More »