Newsthen Special
-
‘മനുഷ്യരാശിക്കെതിരായ കുറ്റകൃത്യം’; ഹമാസിന്റെ ഇസ്രയേല് ആക്രമണത്തെയും ഗാസയിലെ ബന്ദികളോടുള്ള ക്രൂരതയും വിവരിച്ച് ആംനസ്റ്റി ഇന്റര്നാഷണല് റിപ്പോര്ട്ട്; ‘ബന്ദികള് ലൈംഗിക പീഡനത്തിന് ഇരയായി, ഹമാസ് വംശഹത്യ ലക്ഷ്യമിട്ടു; ഗാസയിലെ സാധാരണക്കാരില് അധികവും മരിച്ചത് ഹമാസിന്റെ വെടിയേറ്റ്; ഞെട്ടിക്കുന്ന കണ്ടെത്തലുകള്
ജറുസലേം: ഒക്ടോബര് ഏഴിന് ഇസ്രയേലില് ഹമാസ് നടത്തിയ ആക്രമണം മനുഷ്യത്വത്തിന് എതിരായ കുറ്റകൃത്യമെന്ന് മനുഷ്യാവകാശ സംഘടനയായ ആംനസ്റ്റി ഇന്റര്നാഷണലിന്റെ റിപ്പോര്ട്ട്. ഇസ്രയേലില് നടത്തിയ ആക്രമണങ്ങളും ഗാസയിലേക്കു കടത്തിക്കൊണ്ടുപോയ ബന്ദികളോടുമുള്ള ക്രൂരതകള് ചൂണ്ടിക്കാട്ടിയാണ് ആംനസ്റ്റി ബുധനാഴ്ച റിപ്പോര്ട്ട് പുറത്തുവിട്ടത്. ആക്രമണത്തിന്റെ രീതി, അക്രമികള് തമ്മിലുള്ള ആശയവിനിമയം, ഹമാസിന്റെയും മറ്റു സായുധ സംഘടനകളുടെയും പ്രസ്താവനകള്, ഇരകളുമായുള്ള ആശയവിനിയമം എന്നിവയുടെ അടിസ്ഥാനത്തിലാണ് ലണ്ടന് ആസ്ഥാനമാക്കി പ്രവര്ത്തിക്കുന്ന സംഘടനയുടെ റിപ്പോര്ട്ട് പുറത്തുവന്നത്. നേരത്തേ, ഇസ്രയേലിനെ ഐക്യരാഷ്ട്ര സഭയിലടക്കം ഒറ്റപ്പെടുത്തിയുള്ള നീക്കങ്ങള്ക്ക് തിരിച്ചടിയാണ് രാജ്യാന്തര തലത്തില് തന്നെ ഏറ്റവും ബഹുമാന്യമര്ഹിക്കുന്ന സംഘടനയുടെ കണ്ടെത്തല്. ഇസ്രയേലിന്റെ പെഗാസസ്, പ്രഡേറ്റര് ചാര സോഫ്റ്റ്വേറുകള് മനുഷ്യാവകാശങ്ങള്ക്കെതിരേ എങ്ങനെ ഉപയോഗിക്കപ്പെടുന്നെന്ന ഞെട്ടിക്കുന്ന റിപ്പോര്ട്ടുകള് പുറത്തുവിട്ടതും ഇതേ സംഘടനയാണ്. ഇതാദ്യമായാണ് ഹമാസിനെതിരേ മുഖ്യധാരാ മനുഷ്യാവകാശ സംഘടന രംഗത്തുവരുന്നത്. ഒക്ടോബര് ഏഴിനു നടന്ന ആക്രമണങ്ങളില്നിന്നു രക്ഷപ്പെട്ടവര്, ഇരകളുടെ കുടുംബാംഗങ്ങള്, ഫോറന്സിക് വിദഗ്ധര്, മെഡിക്കല് പ്രഫഷണലുകള് എന്നിവരടക്കം എഴുപതോളം പേരുടെ അഭിമുഖങ്ങള് നടത്തിയാണ് റിപ്പോര്ട്ട് തയാറാക്കിയത്. ആക്രമണ കേന്ദ്രങ്ങളും…
Read More » -
മിസ് യൂണിവേഴ്സില് പങ്കെടുത്ത മോഡലായ ഭാര്യയെ കൊന്ന് ഗര്ഭപാത്രം പുറത്തെടുത്തു, ശരീര ഭാഗങ്ങള് വെട്ടിനുറുക്കി മിക്സിയിലിട്ട് അരച്ചു; ഒരു വര്ഷം മുമ്പു നടന്ന കൊലപാതകത്തില് ഭര്ത്താവ് അറസ്റ്റില്; കൊലപാതകത്തിന്റെ ചുരുളഴിച്ച് പോലീസിന്റെ വിദഗ്ധ അന്വേഷണം
ന്യൂയോര്ക്ക്: ഭാര്യയെ ക്രൂരമായി കൊലപ്പെടുത്തി മിക്സിയില് ഇട്ട് ശരീരഭാഗങ്ങള് അരച്ചെടുത്ത ഭര്ത്താവ് ഒടുവില് പിടിയില്. മുന് മിസ് സ്വിറ്റ്സര്ലന്ഡ് ഫൈനലിസ്റ്റും മോഡലും ട്രെയിനറുമായ ക്രിസ്റ്റീനയുടെ മരണത്തിലാണ് ഭര്ത്താവ് പിടിയിലായത്. 2024 ഫെബ്രുവരിയിലായിരുന്നു കൊലപാതകം. ഭാര്യ തന്നെ കത്തിയുമായി ആക്രമിക്കാന് വന്നപ്പോള് സ്വരക്ഷയ്ക്കായി പിടിച്ചു തള്ളിയതാണ് മരണകാരണമെന്നായിരുന്നു ഭര്ത്താവ് തോമസിന്റെ വാദം. എന്നാല് ഇത് തെറ്റാണെന്ന് തെളിയിച്ചിരിക്കുകയാണ് അന്വേഷണ സംഘം. ജിഗ്സോ ബ്ലേഡും ചെടി വെട്ടാന് ഉപയോഗിക്കുന്ന കത്രികയുമാണ് കൊലയ്ക്കായി തോമസ് ഉപയോഗിച്ചത്. ക്രിസ്റ്റീനയെ ശ്വാസംമുട്ടിച്ച് കൊന്നശേഷം ജിഗ്സോ ബ്ലേഡ് ഉപയോഗിച്ച് തോമസ് അടിവയറ് കീറിയെന്നും ഗര്ഭപാത്രം പുറത്തെടുത്തുവെന്നും പൊലീസ് പറയുന്നു. പിന്നാലെ ശരീരം വെട്ടിനുറുക്കി കഷണങ്ങളാക്കി. തുടര്ന്ന് ശരീരത്തിലെ മാംസം കുഴമ്പ് പരുവത്തിലാക്കി അരച്ചെടുത്ത് രാസലായനിയിലിട്ടെന്നും കണ്ടെത്തി. മാംസം അരയ്ക്കാന് ഉപയോഗിച്ച മിക്സി പൊലീസ് കണ്ടെത്തി. ത്വക്കിന്റെ അശംങ്ങളും പേശിയിലെ കോശങ്ങളും എല്ലിന്റെ ഭാഗങ്ങളും ഇതില് നിന്ന് വീണ്ടെടുത്തു. യൂട്യൂബ് കണ്ടിരുന്നാണ് തോമസ് ഭാര്യയുടെ ശരീരം ക്രൂരമായി വെട്ടിനുറുക്കിയതെന്ന് കോടതി രേഖകളും…
Read More » -
ഇതെന്ത് യുക്തി? രാഹുല് മാങ്കൂട്ടത്തിലിന് മുന്കൂര് ജാമ്യം അനുവദിച്ച സെഷന്സ് കോടതി വിധിയിലെ പിഴവുകള് ചൂണ്ടിക്കാട്ടി മാധ്യമ പ്രവര്ത്തകന്റെ കുറിപ്പ് ചര്ച്ചയാകുന്നു; ‘സുപ്രീം കോടതി തീര്പ്പുകല്പ്പിച്ച വിഷയത്തിലും കോടതിക്കു സംശയം; കാലിന് അനുസരിച്ചു ചെരിപ്പ് തുന്നിയതുപോലെ’
തിരുവനന്തപുരം: രാഹുല് മാങ്കൂട്ടത്തിലിന് എതിരായ രണ്ടാം ലൈംഗിക പീഡന പരാതിയില് മുന്കൂര് ജാമ്യം അനുവദിച്ച കോടതി വിധിയുടെ പിഴവുകള് ചൂണ്ടിക്കാട്ടി മാധ്യമ പ്രവര്ത്തകന്റെ കുറിപ്പ് വന് ചര്ച്ചയാകുന്നു. തിരുവനന്തപുരം സെഷന്സ് ജഡ്ജി എസ്. നസീറയുടെ വിധിയിലെ വിവരങ്ങളാണ് ചര്ച്ചയ്ക്കു വയ്ക്കുന്നത്. പരാതി സമര്പ്പിക്കാനുണ്ടായ കാലതാമസവും മൊഴിയിലെ വൈരുദ്ധ്യവും ആകെ ഒരുവട്ടം നടന്ന ലൈംഗിക ബന്ധം ബലാത്സംഗമാണെന്നു തെളിയിക്കാനുള്ള തെളിവു പ്രോസിക്യൂഷന് ഹാജരാക്കിയില്ലെന്നുമാണ് വിധിയില് ചൂണ്ടിക്കാട്ടുന്നത്. എന്നാല്, ഇതെല്ലാം ഹൈക്കോടതിയുടെയും മറ്റു കോടതികളുടെയും ജഡ്ജ്മെന്റിനു നേരത്തേയും വഴിവച്ചിട്ടുണ്ടെന്നും ഇതു മനസിലാക്കാതെയാണു വിധിയെന്നുമാണ് ചൂണ്ടിക്കാട്ടുന്നത്. അതിജീവിത ഒരുവട്ടം മാത്രമാണ് മൊഴി നല്കിയെന്നതിരിക്കേ, എങ്ങനെ മൊഴികളില് വൈരുധ്യമുണ്ടെന്നു കോടതി കണ്ടെത്തിയെന്ന നിര്ണായക ചോദ്യവും ഇതിലുണ്ട്. ആദ്യം കൊടുത്ത പരാതിയെ മൊഴിയാക്കി വിലയിരുത്തുകയാണുണ്ടായതെന്നും പരാതിക്കാരിക്കു ധൈര്യം നല്കുന്നതിനു പകരം അവിശ്വസിക്കുകയാണുണ്ടായതെന്നും കുറിപ്പില് പറയുന്നു. കോടതി വിധിയുടെ പകര്പ്പടക്കം പങ്കുവച്ചാണു കുറിപ്പ് എഴുതിയിട്ടുള്ളത്. പോസ്റ്റിന്റെ പൂര്ണരൂപം രണ്ടാം ബലാല്സംഗ കേസില് രാഹുല് മാങ്കൂട്ടത്തിലിന് മുന്കൂര് ജാമ്യം നല്കാന്…
Read More » -
‘തൊലിക്കട്ടി അപാരം’; ഒളിവില്നിന്ന് വോട്ടു ചെയ്യാനെത്തിയ രാഹുല് മാങ്കൂട്ടത്തിലിനെ ട്രോളി കാണ്ടാമൃഗത്തിന്റെ ചിത്രം പോസ്റ്റ് ചെയ്ത് കോണ്ഗ്രസ് നേതാവ് അജയ് തറയില്; തെറിവിളികളുമായി രാഹുല് അണികള്
12 ലൈംഗിക പീഡനക്കേസില് 15 ദിവസത്തെ ഒളിവു ജീവിതത്തിനുശേഷം പാലക്കാട് വോട്ട് ചെയ്യാനെത്തിയ രാഹുല് മാങ്കൂട്ടത്തിലിനെ പരിഹസിച്ച് കോണ്ഗ്രസ് നേതാവ് അജയ് തറയില്. തൊലിക്കട്ടി അപാരമെന്ന തലക്കെട്ടുമായി കാണ്ടാമൃഗത്തിന്റെ ചിത്രമാണു പോസ്റ്റ് ചെയ്തത്. യൂത്ത് കോണ്ഗ്രസ് നേതാക്കള്ക്കൊപ്പം വൈകീട്ടാണ് രാഹുല് വോട്ടു ചെയ്യാനെത്തിയത്. വോട്ടു ചെയ്തു തൊട്ടു പിന്നാലെ ചായയും കുടിച്ചു മടങ്ങി. മാധ്യമങ്ങളുടെ ചോദ്യങ്ങള്ക്കും മറുപടി നല്കിയിരുന്നില്ല. ഇതിനു പിന്നാലെ സോഷ്യല് മീഡിയയില് വലിയ പരിഹാസമാണ് പല ഹാന്ഡിലുകളും ഉയര്ത്തിയത്. ഇതോടെയാണ് കോണ്ഗ്രസ് നേതാവ് അജയ് തറയിലും രംഗത്തുവന്നത്. പോസ്റ്റിന്റെ താഴെ കോണ്ഗ്രസ് അണികള് വെല്ലുവിളികളും തെറിവിളികളുമായും രംഗത്തുവന്നു. ചിലതിനു ചുട്ട മറുപടിയും അജയ് തറയില് നല്കിയിട്ടുണ്ട്. ‘നിന്റെ പേരില്തന്നെയുണ്ട് നീ ആരാണെന്ന്’ ആണ് ഒരു കമന്റ്. അജയ് തറയിലെ ‘തറയില്’ എന്ന ഭാഗം ഉയര്ത്തിക്കാട്ടിയാണ് കമന്റ് വന്നതെന്നു വ്യക്തം. ‘സാറിന്റെ തൊലിക്കട്ടി ഞങ്ങള് വര്ഷങ്ങളായി കണ്ടുകൊണ്ടിരിക്കുകയല്ലേ, ഒരു പഞ്ചായത്ത് തെരഞ്ഞെടുപ്പിലെങ്കിലും ജയിക്ക്’ എന്നാണു മറ്റൊന്ന്. എന്നാല്, പഴയതുപോലെ സൈബര്…
Read More » -
ഇന്ത്യക്ക് 214 റണ്സ് വിജയലക്ഷ്യം; ഡി കോക്കിന്റെ വെടിക്കെട്ടു പ്രകടനം; മറുപടി ബാറ്റിംഗില് തകര്ച്ച
ദക്ഷിണാഫ്രിക്കയ്ക്ക് എതിരായ രണ്ടാം ട്വന്റി 20 മത്സരത്തിൽ ഇന്ത്യക്ക് 214 റൺസ് വിജയലക്ഷ്യം. തകർപ്പൻ ബാറ്റിങ് പ്രകടനമാണ് ദക്ഷിണാഫ്രിക്ക നടത്തിയത്. എന്നാൽ മറുപടി ബാറ്റിങ്ങിനിറങ്ങിയ ഇന്ത്യക്ക് തുടക്കത്തിൽ തന്നെ വൻ തകർച്ച നേരിട്ടു. നിശ്ചിത 20 ഓവറിൽ ദക്ഷിണാഫ്രിക്ക 213 റൺസാണ് അടിച്ചെടുത്തത്. ഓപ്പണർ ക്വിന്റൺ ഡി കോക്കിന്റെ (90 റൺസ്) വെടിക്കെട്ട് പ്രകടനമാണ് ദക്ഷിണാഫ്രിക്കൻ ഇന്നിങ്സിന് കരുത്തായത്. ഡൊനൊവൻ ഫെരേര 16 പന്തിൽ 30 റൺസുമായി പുറത്താകാതെ നിന്ന് മികച്ച ഫിനിഷിങ് നൽകി. ട്വന്റി 20 ക്രിക്കറ്റിൽ ഏറ്റവുമധികം പന്തുകളെറിഞ്ഞ ഓവർ അർഷ്ദീപിന്റെ പേരിലായി. അദ്ദേഹം എറിഞ്ഞ 11-ാം ഓവറിൽ 7 വൈഡുകൾ ഉൾപ്പെടെ ആകെ 13 പന്തുകളാണ് എറിഞ്ഞത്. ആ ഓവറിൽ അദ്ദേഹം 18 റൺസ് വഴങ്ങി. മറുപടി ബാറ്റിങ്ങിനിറങ്ങിയ ഇന്ത്യക്ക് 19 റൺസ് എടുക്കുന്നതിനിടെ 2 വിക്കറ്റുകൾ നഷ്ടമായി. ശുഭ്മാൻ ഗിൽ റൺസ് ഒന്നും എടുക്കാതെ പുറത്തായി. അഭിഷേക് ശർമ്മ 17 റൺസാണ് എടുത്തത്. ക്യാപ്റ്റൻ സൂര്യകുമാർ…
Read More » -
മുന് മിസ് സ്വിറ്റ്സര്ലന്ഡ് ഫൈനലിസ്റ്റ് സുന്ദരിയെ ഭര്ത്താവ് കഴൂത്തുഞെരിച്ചു കൊലപ്പെടുത്തി ; പിന്നീട് വെട്ടിനുറുക്കി അരച്ചുകലക്കി രാസലായനിയില് ലയിപ്പിച്ചു ; ഒട്ടിപ്പിടിച്ച ചര്മ്മഭാഗങ്ങളും, അസ്ഥി കഷണങ്ങളും കണ്ടെടുത്തു
മൂന് മിസ് സ്വിറ്റ്സര്ലണ്ട് മത്സരത്തിലെ ഫൈനലിസ്റ്റായ സുന്ദരിയെ ഭര്ത്താവ് കഴുത്തു ഞെരിച്ച് കൊലപ്പെടുത്തിയ ശേഷം മൃതദേഹം അരച്ചു പള്പ്പാക്കി രാസലായനിയില് കലര്ത്തി. സ്വിസ് സ്വകാര്യതാ നിയമങ്ങള് പ്രകാരം തോമസ് എന്ന് മാത്രം പേര് നല്കിയിട്ടുള്ള 43-കാരന്, തന്റെ ഭാര്യയായിരുന്ന 38-കാരിയായ ക്രിസ്റ്റീന ജോക്സിമോവിച്ചിനെ 2024-ല് കഴുത്തു ഞെരിച്ച് കൊലപ്പെടുത്തുകയും ശേഷം ശരീരം കഷണങ്ങളാക്കുകയും ചെയ്തെന്നാണ് കേസ്. തോമസിനെതിരേ കൊലക്കുറ്റം ചുമത്തിയിട്ടുണ്ട്. ബിന്നിംഗെമിലെ അവരുടെ വീട്ടില് വെച്ചായിരുന്നു കൃത്യം നടത്തിയത്. ഒരു ജിഗ്സോ കത്തി ഉപയോഗിച്ച് ശരീരം പല കഷണങ്ങളായി വെട്ടിമുറുക്കിയ ശേഷം അവരുടെ ഗര്ഭപാത്രം നീക്കം ചെയ്യുകയും, പിന്നീട് ശരീരഭാഗങ്ങള് ഒരു ഇന്ഡസ്ട്രിയല് ബ്ലെന്ഡര് ഉപയോഗിച്ച് അരിഞ്ഞതിന് ശേഷം രാസ ലായനിയില് ലയിപ്പിക്കുകയും ചെയ്തു. ചില അവശിഷ്ടങ്ങള് ‘പള്പ്പ് രൂപത്തിലാക്കി’ ലയിപ്പിച്ചതായി ഉദ്യോഗസ്ഥര് പറഞ്ഞു. പോലീസ് പിന്നീട് ബ്ലെന്ഡറും അതില് ഒട്ടിപ്പിടിച്ച ചര്മ്മഭാഗങ്ങളും, അസ്ഥി കഷണങ്ങളും കണ്ടെടുത്തതായി ദി ടെലിഗ്രാഫ് റിപ്പോര്ട്ട് ചെയ്തു. ഭാര്യയുടെ ശരീരം ഛേദിക്കുമ്പോള് തോമസ് തന്റെ ഫോണില്…
Read More » -
അരുണാചല് പ്രദേശില് മലയിടുക്കില് 1000 അടിതാഴ്നയിലേക്ക് ലോറി മറിഞ്ഞു ; അസമില് നിന്നുള്ള 21 തൊഴിലാളികള് അപകടത്തില് പെട്ടു ; 18 മൃതദേഹങ്ങള് കണ്ടെത്തി, സംഭവം പുറത്തറിഞ്ഞത് നാലു ദിവസത്തിന് ശേഷം
ന്യൂഡല്ഹി: അരുണാചല് പ്രദേശില് ലോറി 1000 അടി താഴ്ചയിലേക്ക് മറിഞ്ഞ് 21 തൊഴിലാളികള് മരണമടഞ്ഞു. ഈ ആഴ്ച ആദ്യം അരുണാചല് പ്രദേശിലെ അന്ജാവ് ജില്ലയില്, ഹയൂലിയാങ്-ചഗ്ലാഗം റോഡിലാണ് അപകടം നടന്നത്. ടിന്സുകിയയിലെ ഗില്ലാപുക്രി ടീ എസ്റ്റേറ്റിലെ ധേലഘാട്ടില് നിന്നുള്ള തൊഴിലാളികളാണ് അപകടത്തില്പ്പെട്ടത്. ആസാമിലെ ടിന്സുകിയ ജില്ലയില് നിന്നുള്ള തൊഴിലാളികള് സഞ്ചരിച്ച ട്രക്കായിരുന്നു അപകടത്തില് പെട്ടത്. അപകടം നടന്ന് നാലു ദിവസത്തിന് ശേഷമാണ് വിവരം പുറത്തറിഞ്ഞത്. ഡിസംബര് 8 ന് രാത്രിയിലായിരുന്നു അപകടം നടന്നത്. അരുണാചല് പ്രദേശിലെ മലയിടുക്കിലേക്കാണ് ട്രക്ക് മറിഞ്ഞത്. ഒരു ഡംബര് റോഡില് നിന്ന് തെന്നിമാറി ഏകദേശം 1,000 അടി താഴ്ചയുള്ള മലയിടുക്കിലേക്ക് വീഴുകയായിരുന്നു. ഒരു ഹോസ്റ്റല് നിര്മ്മാണത്തിനായി പോയ തൊഴിലാളികളാണ് അപകടത്തിലായത്. രക്ഷാപ്രവര്ത്തനങ്ങള് നടന്നുകൊണ്ടിരിക്കുന്നു. കൂടുതല് വിവരങ്ങള്ക്കായി ടിന്സുകിയയില് നിന്ന് പോലീസ് സംഘം അവിടേക്ക് തിരിച്ചിട്ടുണ്ട്. ലോറിയില് ആകെ സഞ്ചാരികള് 22 പേരുണ്ടായിരുന്നു. 18പേരുടെ മൃതദേഹങ്ങള് കണ്ടെത്തിയിട്ടുള്ളതായിട്ടാണ് വിവരം. മൂന്ന്പേരെ കാണാതാകുകയും ചെയ്തു. ജീവനോടെ രക്ഷപ്പെട്ട ഒരാളായിരുന്നു പുറംലോകത്തെ…
Read More » -
ജനവിധി ചാഞ്ചാടിയേക്കാം; പക്ഷേ പോളിംഗ് സ്്റ്റേഷന് ചാഞ്ചാടുമോ എന്ന ആശങ്കയില് വോട്ടര്മാര്; പാലക്കാട് ഫിറ്റ്നസ് ഇല്ലാതെ അടച്ചിട്ട സ്കൂള് കെട്ടിടത്തില് പോളിങ് ബൂത്ത് സജ്ജമാക്കിയെന്ന് പരാതി; എല്ലാം കോംപ്രമൈസ് ആക്കിയെന്ന് പഞ്ചായത്ത് അധികൃതര്
പാലക്കാട്: തെരഞ്ഞെടുപ്പില് ജനവിധി അങ്ങോട്ടുമിങ്ങോട്ടും ചാഞ്ചാടിയേക്കാം, പക്ഷേ വോട്ടര്മാര് വോട്ടു ചെയ്യാനെത്തുന്ന പോളിംഗ് സ്റ്റേഷന് ചാഞ്ചാടുമോ എന്ന ആശങ്കയാണ് പാലക്കാട്ടെ വോട്ടര്മാര്ക്ക്. ഫിറ്റ്നസ് ഇല്ലാത്തതുകൊണ്ട് അടച്ചിട്ട സ്കൂള് കെട്ടിടം പോളിംഗ് ബൂത്താക്കിയെന്ന ആക്ഷേപമാണ് പാലക്കാട്ടു നിന്നുയരുന്നത്. പാലക്കാട് പല്ലഞ്ചാത്തന്നൂര് ഗവണ്മെന്റ് ജൂനിയര് ബേസിക് സ്കൂളിലെ കെട്ടിടത്തിലാണ് പോളിങ് ബൂത്ത് ഒരുക്കിയത്. ഈ ബില്ഡിങ്ങിന് ഫിറ്റ്നസ് സര്ട്ടിഫിക്കറ്റ് ഇല്ലെന്ന് നേരത്തേ അറിയിച്ചിരുന്നെന്നും പഞ്ചായത്ത് തുടര്നടപടി സ്വീകരിച്ചില്ലെന്നും വാര്ഡ് മെമ്പര് ആരോപിച്ചു. എന്നാല് സുരക്ഷ ഉറപ്പാക്കിയ ശേഷമാണ് പോളിങ് ബൂത്ത് ഒരുക്കിയതെന്നാണ് പഞ്ചായത്തിന്റെ വിശദീകരണം. ഈ സ്കൂളില് നാലു പോളിംഗ് ബൂത്തുകളാണ് സജ്ജമാക്കിയിരിക്കുന്നത്. നാല് ബൂത്തുകളിലേക്കായി 2000ലധികം ആളുകള് ഇന്ന് ഇവിടെ വോട്ട് രേഖപ്പെടുത്തും. മൂന്ന് മാസങ്ങള്ക്ക് മുന്പാണ് കെട്ടിടത്തിന് ഫിറ്റ്നസ് ഇല്ലെന്ന് ചൂണ്ടിക്കാട്ടി സ്കൂള് പ്രവര്ത്തനം മറ്റൊരു കെട്ടിടത്തിലേക്ക് മാറ്റിയത്. കുട്ടികളുടെ സുരക്ഷാ മുന് കരുതലുകളുടെ അടിസ്ഥാനത്തില് സര്ക്കാര് ഉത്തരവിനെ തുടര്ന്നായിരുന്നു സ്കൂള് പ്രവര്ത്തനം മറ്റൊരു കെട്ടിടത്തിലേക്ക് മാറ്റിയത്. എന്നാല് പോളിംഗ്…
Read More » -
ഒരു വടക്കന് വിധിയെഴുത്ത് തുടങ്ങി; ഏഴു ജില്ലകളില് പോളിംഗിന് തുടക്കം; പാലക്കാട് വോട്ടിന് രാഹുലെത്തുമോ എന്നറിയാന് കേരളം കാത്തിരിക്കുന്നു;
തൃശൂര്: സംസ്ഥാനത്തെ തദ്ദേശഭരണ സ്ഥാപനങ്ങളിലേക്കുള്ള രണ്ടാംഘട്ട വോട്ടെടുപ്പ് തുടങ്ങി. തൃശൂര് മുതല് കാസര്കോട് വരെയുള്ള എഴു ജില്ലകളിലാണ് ഇന്ന് ജനവിധി രേഖപ്പെടുത്തുന്നത്. വടക്കന് കേരളത്തിലെ തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ഏഴ് ജില്ലകളാണ് ഇന്ന് പോളിംഗ് ബൂത്തിലേക്ക് എത്തിക്കൊണ്ടിരിക്കുന്നത്. രാവിലെ എഴിന് പോളിംഗ് ആരംഭിക്കുന്നതിനും മുന്പേ തന്നെ വോട്ടര്മാര് ബൂത്തുകള്ക്ക് മുന്നിലെ ക്യൂവില് ഇടം പിടിച്ചിരുന്നു. വോട്ടെടുപ്പ് വൈകുന്നേരം 6 മണിക്ക് അവസാനിക്കും. ആദ്യ ഘട്ടത്തില് തെക്കന് കേരളത്തിലെ ഏഴ് ജില്ലകള് വിധിയെഴുതിയിരുന്നു. ഇതോടെ, സംസ്ഥാനത്തെ 14 ജില്ലകളിലെയും തദ്ദേശ തെരഞ്ഞെടുപ്പ് പൂര്ത്തിയാകും. രണ്ടാംഘട്ട തെരഞ്ഞെടുപ്പ് നടക്കുന്ന ഇന്ന് 7 ജില്ലാ പഞ്ചായത്തുകളിലെ 182 ഡിവിഷനുകളിലേക്കും, 77 ബ്ലോക്ക് പഞ്ചായത്തുകളിലെ 1177 ഡിവിഷനുകളിലേക്കും, 470 ഗ്രാമപഞ്ചായത്തുകളിലെ 9015 വാര്ഡുകളിലേക്കും, 47 മുനിസിപ്പാലിറ്റികളിലെ 1829 വാര്ഡുകളിലേക്കും, 3 കോര്പ്പറേഷനുകളിലെ 188 വാര്ഡുകളിലേക്കുമാണ് വോട്ടെടുപ്പ്. ആകെ 1.53 കോടിയിലധികം വോട്ടര്മാര് ഈ ഘട്ടത്തില് സമ്മതിദാനാവകാശം വിനിയോഗിക്കും.…
Read More » -
ട്രംപ് കവിയെ പോലെ വര്ണിക്കുന്നു; അവളുടെ ചുണ്ടുകള് മെഷിന് ഗണ് പോലെ; പ്രസ് സെക്രട്ടറിയെക്കുറിച്ചുള്ള വിശേഷണങ്ങള്ക്കു നേരെ വിമര്ശനം
വാഷിംഗ്ടണ്; കടുത്ത തീരുമാനങ്ങളെടുക്കാന് മാത്രമല്ല കവിയെ പോലെ വര്ണിക്കാനും തനിക്കു കഴിയുമെന്ന് തെളിയിച്ചിരിക്കുകയാണ് അമേരിക്കന് പ്രസിഡന്റ് ഡൊണാള്ഡ് ട്രംപ്. ഒരുപക്ഷേ ഇന്നേവരെ ഒരു കവിയും വര്ണിക്കാത്ത തരത്തിലാണ് ട്രംപ് ഒരു സ്ത്രീയെ, അവരുടെ ചുണ്ടുകളെ വര്ണിച്ചിരിക്കുന്നത്. പ്രസ് സെക്രട്ടറി കരോലിന് ലീവിറ്റിനെക്കുറിച്ചാണ് ട്രംപ് കാവ്യാത്മകമായി ചിലതെല്ലാം പറഞ്ഞത്. എന്നാല് ട്രംപിന്റെ വാക്കുകള് ലൈംഗികച്ചുവയുള്ള പരാമര്ശങ്ങളെന്നാണ് കുറ്റപ്പെടുത്തല്. ലീവിറ്റിന്റെ മുഖവും ചുണ്ടുകളും പരാമര്ശിച്ചുകൊണ്ടാണ് ട്രംപ് പ്രസംഗിച്ചത്. ഇതിനെതിരെ ഇപ്പോള് വ്യാപക വിമര്ശനമാണ് ഉയരുന്നത്. പെന്സില്വാനിയയില് നടന്ന റാലിയിലായിരുന്നു ട്രംപിന്റെ പരാമര്ശം. അതിങ്ങനെ – നമ്മുടെ സൂപ്പര്സ്റ്റാറായ കരോലിനെ ഇന്നിവിടെ കൊണ്ടുവന്നിട്ടുണ്ട്. അവര് വളരെ മികച്ച ആളല്ലേ? സുന്ദരമായ മുഖവും മെഷീന് ഗണ് പോലുള്ള ചുണ്ടുമായി ടെലിവിഷനില് സംസാരിക്കുമ്പോള് കരോലിന് വളരെ ഡോമിനേറ്റിങ് ആണ്. കരോലിന് ഭയമില്ലാത്തതിന് കാരണം തങ്ങളുടെ നയമാണ്. ഇതാദ്യമായല്ല ട്രംപ് കരോലിന് ലീവിറ്റിനെതിരെ ഇത്തരത്തിലുള്ള പരാമര്ശം നടത്തുന്നത്. നേരത്തെയും കരോലിന്റെ ചുണ്ടുകള് മെഷീന് ഗണ് പോലെയാണെന്ന് ട്രംപ് പറഞ്ഞിരുന്നു.…
Read More »