Newsthen Special
-
രാജസ്ഥാനില് മന്ത്രിമാര് താമസിക്കുന്ന വിവിഐപി മേഖലയില് പുള്ളിപ്പുലിയിറങ്ങി ; മന്ത്രിമന്ദിരത്തിലെത്തിയ പുലിയെ കണ്ടെത്താന് വനംവകുപ്പും പോലീസും ; പ്രദേശത്ത് അതീവസുരക്ഷ ഏര്പ്പെടുത്തി
ജയ്പുര്: രാജസ്ഥാനില് മന്ത്രിമാര് താമസിക്കുന്ന വിവിഐപി മേഖലയില് കാട്ടില് നിന്നൊരു വിവിഐപിയെത്തി. മറ്റാരുമല്ല, ഒരു പുള്ളിപ്പുലി. രാജസ്ഥാന് ജലവിഭവ മന്ത്രി സുരേഷ് സിംഗ് റാവത്തിന്റെ ഔദ്യോഗിക വസതിയിലാണ് പുള്ളിപ്പുലിയെത്തിയത്്. പുലിയുടെ കാല്പാടുകള് വനംവകുപ്പധികൃതര് സ്ഥിരീകരിച്ചതിനെ തുടര്ന്ന് ജയ്പൂരിലെ അതീവ സുരക്ഷാ മേഖലയായ വിവിഐപി സിവില് ലൈന്സ് ഏരിയയില് സുരക്ഷാ മുന്നറിയിപ്പ് നല്കി. മുന് ഉപമുഖ്യമന്ത്രി സച്ചിന് പൈലറ്റിന്റെ ബംഗ്ലാവ് ഉള്പ്പെടെ നിരവധി പ്രമുഖര് താമസിക്കുന്ന മേഖലയാണിത്. രാജ്ഭവന്, മുഖ്യമന്ത്രിയുടെ വസതി, മറ്റു മന്ത്രിമാരുടെയും ഉന്നത ഉദ്യോഗസ്ഥരുടെയും ക്വാര്ട്ടേഴ്സുകള് എന്നിവയെല്ലാം ഈ പരിസരത്താണ് സ്ഥിതി ചെയ്യുന്നത്. വ്യാപക തിരച്ചില് തുടരുന്നുണ്ടെങ്കിലും പുലിയെ കണ്ടെത്താനായിട്ടില്ല. വനം വകുപ്പ് പരിശീലനം ലഭിച്ച ഉദ്യോഗസ്ഥരെ വിന്യസിച്ച് പ്രദേശം വളഞ്ഞിട്ടുണ്ട്. പ്രദേശവാസികള്ക്കോ മൃഗത്തിനോ ദോഷകരമാകാതെ പുള്ളിപ്പുലിയെ സുരക്ഷിതമായി കണ്ടെത്താനും മയക്കുവെടി വെച്ച് പിടികൂടാനുമുള്ള ശ്രമങ്ങളാണ് നടക്കുന്നത്. പ്രാഥമിക വിലയിരുത്തലുകള് അനുസരിച്ച്, പുള്ളിപ്പുലി ബംഗ്ലാവ് സമുച്ചയത്തിലെ ഏതെങ്കിലും ഭാഗത്തോ തണലുള്ള സ്ഥലത്തോ ഒളിച്ചിരിക്കാനാണ് സാധ്യത. ദുര്ഗ്ഗപുര, ജയ്സിംഗ്പുര, ജഗത്പുര, ഖോ-നാഗോറിയന്,…
Read More » -
നികുതിയടക്കാതെ അന്തര്സംസ്ഥാന ബസുകളുടെ സവാരിഗിരിഗിരി ; പരിശോധനയില് മോട്ടോര് വാഹനവകുപ്പ് പൊക്കിയത് പത്തോളം ബസുകള് ; സംസ്ഥാന വ്യാപകമായി റെയ്ഡ് നടത്തും
തിരുവനന്തപുരം: തിരുവനന്തപുരത്ത് പത്തോളം അന്തര്സംസ്ഥാന സര്വീസ് ബസുകള് പിടികൂടി. നികുതി അടയ്ക്കാതെ ഓടിയ അന്തര്സംസ്ഥാന ബസുകളാണ് മോട്ടോര് വാഹനവകുപ്പ് പിടികൂടിയത്. തിരുവനന്തപുരത്ത് കഴക്കൂട്ടത്ത് ഉള്പ്പെടെ മൂന്നിടത്തായി നടത്തിയ പരിശോധനയിലാണ് പത്തോളം ബസുകള് പിടികൂടിയത്. കഴക്കൂട്ടത്തു നിന്ന് പിടികൂടിയ മൂന്ന് ബസുകള്ക്ക് മാത്രം പത്തുലക്ഷം രൂപയിലധികമാണ് മോട്ടോര് വാഹനവകുപ്പ് പിഴ ചുമത്തിയത്. അന്തര് സംസ്ഥാന സര്വീസുകള് നടത്തുന്ന പല ബസുകളും ടാക്സ് അടയ്ക്കാതെയാണ് ഓടുന്നതെന്ന പരാതിയുടെ അടിസ്ഥാനത്തിലായിരുന്നു പരിശോധന. തിരുവനന്തപുരം എന്ഫോഴ്സ്മെന്റ് ആര്.ടി.ഒയുടെ നേതൃത്വത്തിലായിരുന്നു പരിശോധന. അമരവിള, തിരുവനന്തപുരം, കഴക്കൂട്ടം എന്നിവിടങ്ങളിലായിരുന്നു പരിശോധന. ബെംഗളൂരു, ഹൈദരാബാദ് ഉള്പ്പെടെ സ്ഥലങ്ങളിലേക്കുള്ള സര്വീസ്് ആരംഭിക്കുന്നതിനായി പാര്ക്കിങ് ഗ്രൗണ്ടില് നിറുത്തിയിട്ടിരുന്ന ബസുകളിലടക്കം പരിശോധന നടത്തി. പിഴ ചുമത്തിയ ബസുകള് പിഴ ഒടുക്കിയശേഷം മാത്രമേ വിട്ടു നല്കൂ എന്ന് ആര്ടിഒ അറിയിച്ചു. ശബരിമല ഉള്പ്പെടെ തീര്ഥാടന കേന്ദ്രങ്ങളുടെ പേരില് താല്ക്കാലിക ടാക്സ് എടുത്ത് പ്രതിദിന സര്വീസ് നടത്തുന്നതിനാല് ക്വാര്ട്ടര് ടാക്സ് അടയ്ക്കാത്തവരെ കണ്ടെത്താന് വരും ദിവസങ്ങളിലും ശക്തമായ പരിശോധന…
Read More » -
എയര്പോര്ട്ടില് കയറി കളി വേണ്ട ; പോലീസിനെതിരെ കസ്റ്റംസ് ; കസ്്റ്റംസ് ഏരിയയില് സ്വര്ണം പിടിക്കാന് പോലീസിന് അധികാരമില്ലെന്ന് കസ്റ്റംസിന്റെ സത്യവാങ്മൂലം
കൊച്ചി: പോലീസിന്റെ ഭരണം അങ്ങ് എയര്പോര്ട്ട് പരിധിക്ക് പുറത്തുമതിയെന്ന് കസ്റ്റംസ്. എയര്പോര്ട്ട് തങ്ങളുടെ പരിധിയാണെന്നും അവിടെ കയറി പോലീസിന്റെ കളി വേണ്ടെന്നും ഓര്മിപ്പിച്ചുകൊണ്ട് കസ്റ്റംസ് രംഗത്ത്. കസ്റ്റംസിന്റെ ഏരിയയില് കയറി സ്വര്ണം പിടിക്കാന് പോലീസിന് അധികാരമില്ലെന്ന സത്യവാങ്മൂലവുമായി പോലീസിനെതിരെ കസ്റ്റംസ് ഹൈക്കോടതിയില്. കരിപ്പൂര് വിമാനത്താവള പരിസരത്തുനിന്ന് പോലീസ് സ്വര്ണം പിടിച്ചതുമായി ബന്ധപ്പെട്ടാണ് കസ്റ്റംസ് സത്യവാങ്മൂലം നല്കിയത്.വിമാനത്താവളം കസ്റ്റംസിന്റെ നിയന്ത്രണത്തിലുളള പ്രദേശമാണ്. ഇവിടെ കയറി പോലീസ് സ്വര്ണം പിടിച്ചത് പരിധി വിട്ടുളള നടപടിയാണ്.കസ്റ്റംസ് ഏരിയയില് സ്വര്ണം പിടിക്കാന് പോലീസിന് അധികാരമില്ല വിമാനത്താവളത്തില് സ്വര്ണം പിടിക്കാന് നിയമപരമായ അധികാരം കസ്റ്റംസിന് മാത്രമാണ്.എയര്പോര്ട്ടിലോ പരിസരത്തോ സ്വര്ണം പിടിക്കാന് പോലീസിന് അധികാരമില്ല.സ്വര്ണക്കടത്ത് വിവരം ലഭിച്ചാല് പോലീസ് തങ്ങളെ അറിയിക്കുകയാണ് വേണ്ടതെന്നും സത്യവാങ്മൂലത്തില് പറയുന്നു. കോഴിക്കോട് കസ്റ്റംസ് (പ്രിവന്റീവ്) ഡെപ്യൂട്ടി കമ്മീഷണറാണ് കസ്റ്റംസിന്റെ സത്യവാങ്മൂലം നല്കിയത്.
Read More » -
പഞ്ചാബില് പോലീസ് വധിച്ച ഗുണ്ടയ്ക്ക് പാക് ബന്ധമെന്ന് സംശയം ; പാക് നിര്മിത തോക്കുകള് കണ്ടെത്തി ; പാക്കിസ്ഥാനിലെ രഹസ്യാന്വേഷണ ഏജന്സികളുമായി ബന്ധമെന്ന് പോലീസ്
ചാണ്ഡീഗഢ് : പഞ്ചാബില് പോലീസ് ഏറ്റുമുട്ടലില് കൊല്ലപ്പെട്ട ഗുണ്ടയ്ക്ക് പാക് ബന്ധമെന്ന് സംശയത്തില് അന്വേഷണ ഏജന്സികള്. ഗുണ്ടാ നേതാവായ ഹര്ജിന്ദര് ഹാരിയാണ് പഞ്ചാബ് പോലീസുമായുള്ള ഏറ്റുമുട്ടലില് കൊല്ലപ്പെട്ടത്. ഇയാള്ക്ക് പാക്കിസ്ഥാനിലെ രഹസ്യാന്വേഷണ ഏജന്സിയുമായി ബന്ധമുണ്ടെന്നാണ് സംശയം. വിദേശത്തുള്ള ഗുണ്ടാസംഘങ്ങളുമായി ബന്ധമുള്ള ഇയാളുടെ പക്കല് നിന്ന് പാക് നിര്മിതമെന്ന് സംശയിക്കുന്ന തോക്കുകള് കണ്ടെടുത്തു. ഈയിടെ ജയിലില് നിന്നിറങ്ങിയ ഇയാള് ഒരാളെ കൊല്ലാന് ശ്രമിക്കുമ്പോഴാണ് പോലീസുമായി ഏറ്റുമുട്ടലുണ്ടായതെന്ന് അമൃത്സര് കമ്മീഷണര് അറിയിച്ചു. കൊല്ലപ്പെട്ട ഹര്ജിന്ദര് ഹാരിയുടെ ഫോണുകള് പരിശോധിച്ചതില് ഐഎസ്ഐയുമായും വിദേശത്തുള്ള ഗുണ്ടാ നേതാക്കളുമായും ബന്ധമുണ്ടെന്ന് കണ്ടെത്തിയെന്നും പോലീസ് പറയുന്നു. കൊല്ലപ്പെട്ടയാള് അഞ്ച് ഗുരുതര ക്രിമിനല് കേസുകളില് പ്രതിയാണ്. പാക് നിര്മിതമെന്ന് സംശയിക്കുന്ന 2 തോക്കുകളം ഇയാളുടെ പക്കല് നിന്ന് കണ്ടെത്തിയിട്ടുണ്ട്. മൃതദേഹം പഞ്ചാബിലെ ഗുരു നാനാക് ദേവ് ആശുപത്രിയിലേക്ക് മാറ്റി. ഏറ്റുമുട്ടല് സ്ഥലത്ത് നിന്നാണ് രണ്ട് പിസ്റ്റളുകള് പിടിച്ചെടുത്തതെന്ന് പോലീസ് പറഞ്ഞു. കൊല്ലപ്പെട്ട ഗുണ്ടാ നേതാവിനൊപ്പം വാഹനത്തില് ഉണ്ടായിരുന്ന അട്ടാരി സ്വദേശി സണ്ണി…
Read More » -
തരൂരിനോടുള്ള സന്ദീപ് ദീക്ഷിതിന്റെ ചോദ്യം പ്രസക്തം ; ഓരോ കോണ്ഗ്രസുകാരനും മനസില് ചോദിക്കാന് കരുതിവെച്ച ചോദ്യം; ശശി തരൂര് കോണ്ഗ്രസ് വിടുമോ ; തരൂരിന്റെ വാക്കുകള്ക്കായി കേരളം കാത്തിരിക്കുന്നു
ന്യൂഡല്ഹി: കോണ്ഗ്രസിലെ മുതിര്ന്ന നേതാക്കളിലൊരാളായ സന്ദീപ് ദീക്ഷിത് കഴിഞ്ഞ ദിവസം ഒരു ചോദ്യമുന്നയിച്ചു, ശശി തരൂര് എംപിയെക്കുറിച്ച്. എന്തിനാണ് തരൂര് കോണ്ഗ്രസില് തുടരുന്നതെന്നായിരുന്നു ആ ചോദ്യം. മോദി സ്തുതി തുടരുന്ന ശശി തരൂരിനോട് ഓരോ കോണ്ഗ്രസുകാരനും ചോദിക്കാനാഗ്രഹിച്ച ചോദ്യമായിരുന്നു സന്ദീപ് ദീക്ഷിത് ചോദിച്ചത്. ശശി തരൂര് കോണ്ഗ്രസ് വിട്ട് ബിജെപിയിലേക്ക് ചേക്കേറുമോ എന്ന ചോദ്യം കഴിഞ്ഞ കുറച്ചു കാലങ്ങളായി കോണ്ഗ്രസിലും ബിജെപിയിലും ചര്ച്ചയാണ്. ഒരു ലോഭവുമല്ലാതെ ബിജെപിയേയും പ്രധാനമന്ത്രി നരേന്ദ്രമോദിയേയും വാഴ്ത്തിപുകഴ്ത്തുന്ന തരൂര് ഏതു വഞ്ചിയിലാണ് കാലിട്ടു നില്ക്കുന്നതെന്ന് അറിയാത്ത അവസ്ഥയാണ്. ഏറ്റവുമൊടുവില് മോദി നടത്തിയ കോണ്ഗ്രസിനെതിരെയുള്ള പ്രസംഗത്തെ ഉദാത്തമെന്ന് വിശേഷിപ്പിച്ച തരൂര് തന്റെ മോദിഭക്തി ഒന്നുകൂടി അരക്കിട്ടുറപ്പിച്ചിരിക്കുകയാണ്. അപ്പോഴാണ് സന്ദീപ് ദീക്ഷിതിനെ പോലുള്ള സീനിയര് കോണ്ഗ്രസ് നേതാക്കള് സഹികെട്ട് തരൂരിനെതിരെ പരസ്യമായി രംഗത്തു വന്നിരിക്കുന്നത്. ഇനിയും തരൂരിന്റെ അഭിപ്രായ സ്വാതന്ത്ര്യങ്ങളെ അദ്ദേഹത്തിന്റെ ഇഷ്ടത്തിന് വിട്ടുകൊടുക്കാനാകില്ലെന്ന് കോണ്ഗ്രസിലെ വലിയൊരു വിഭാഗം പറയുന്നു. നേതൃത്വത്തിന്റെ വാക്കുകളും പാര്ട്ടി നിലപാടുകളും പാടേ അവഗണിച്ച് തന്നിഷ്ടപ്രകാരം…
Read More » -
ബീഹാറിലിന്ന് ആഘോഷവേള ; ബീഹാര് മുഖ്യമന്ത്രിയായി നിതീഷ്കുമാറിന്റെ സത്യപ്രതിജ്ഞ ഇന്ന് ; പ്രധാനമന്ത്രി പങ്കെടുക്കും
പാറ്റ്ന: ബിഹാര് മുഖ്യമന്ത്രിയായി നിതീഷ് കുമാര് ഇന്ന് സത്യപ്രതിജ്ഞ ചെയ്യും. രാവിലെ പതിനൊന്നരക്ക് പാറ്റ്നയിലെ ഗാന്ധി മൈതാനത്താണ് ചടങ്ങ്. പ്രധാനമന്ത്രി, കേന്ദ്രമന്ത്രിമാര്,എന്ഡിഎ ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാര് തുടങ്ങിയവര് ചടങ്ങില് പങ്കെടുക്കും. നിതീഷ് കുമാറിനൊപ്പം ഇരുപത് മന്ത്രിമാരെങ്കിലും സത്യപ്രതിജ്ഞ ചെയ്യുമെന്നാണ് വിവരം. 16 മന്ത്രിസ്ഥാനങ്ങളില് ബിജെപി. ജെഡിയുവിന് 14, എല്ജെപിക്ക് 3 ഹിന്ദുസ്ഥാനി അവാം മോര്ച്ചക്കും ആര്എല്എമ്മിനും ഒന്നുവീതം എന്നതാണ് നിലവിലെ ധാരണ.
Read More » -
കേരളമടക്കമുള്ള സംസ്ഥാനങ്ങള് കാത്തിരിക്കുന്നു ; രാഷ്ട്രപതിയുടെ റഫറന്സില് സുപ്രീം കോടതി വിധി ഇന്ന് ; കേരളം അടക്കമുള്ള സംസ്ഥാനങ്ങള്ക്ക് നിര്ണായകം, രാഷ്ട്രപതി ഉന്നയിച്ചിരിക്കുന്നത് 14 ചോദ്യങ്ങള് ; സുപ്രീംകോടതി എടുക്കുന്ന തീരുമാനം പ്രതിപക്ഷ പാര്ട്ടികള് ഭരിക്കുന്ന സംസ്ഥാനങ്ങള്ക്ക് നിര്ണായകം
ന്യൂഡല്ഹി : രാഷ്ട്രപതിയുടെ റഫറന്സില് സുപ്രീം കോടതി വിധി ഇന്ന്. കേരളമടക്കം പ്രതിപക്ഷപാര്ട്ടികള് ഭരിക്കുന്ന സംസ്ഥാനങ്ങള്ക്ക് ഏറെ നിര്ണായകമായ സുപ്രീം കോടതി വിധി എന്താകുമെന്നറിയാന് ആകാംക്ഷയോടെയാണ് ഈ സംസ്ഥാനങ്ങള് കാത്തിരിക്കുന്നത്. ബില്ലുകളില് തീരുമാനമെടുക്കുന്നതിന് രാഷ്ട്രപതിക്കും ഗവര്ണര്ക്കും സമയപരിധി നിശ്ചയിച്ച സുപ്രീംകോടതിയുടെ വിധിയുമായി ബന്ധപ്പെട്ടുള്ള രാഷ്ട്രപതിയുടെ റഫറന്സിലാണ് ഇന്ന് ഭരണഘടനാ ബെഞ്ചിന്റെ വിധി പ്രഖ്യാപനമുണ്ടാവുക. 14 ചോദ്യങ്ങളാണ് റഫറന്സില് രാഷ്ട്രപതി ഉന്നയിച്ചിരിക്കുന്നത്. സുപ്രീംകോടതി ചീഫ് ജസ്റ്റിസ് ബി ആര് ഗവായി അധ്യക്ഷനായ ബെഞ്ചാണ് വിധി പറയുന്നത്.ഗവര്ണര്മാര് ബില്ലുകള് തടഞ്ഞു വയ്ക്കുന്ന സംഭവങ്ങള് ആവര്ത്തിക്കാതിരിക്കാന് സമയപരിധികള് ആവശ്യമാണ് എന്നായിരുന്നു റഫറന്സില് കേരളം അടക്കം സംസ്ഥാനങ്ങള് വാദിച്ചത്. കാലതാമസം നേരിടുന്ന കേസുകളുണ്ട്. അത്തരം സംഭവങ്ങളില് കോടതിയെ സമീപിക്കാമെന്ന് സുപ്രീംകോടതിപറഞ്ഞിരുന്നു. ഒരു ഭരണഘടനാ സ്ഥാപനം ചുമതല നിര്വഹിക്കുന്നില്ലെങ്കില് മറ്റൊരു ഭരണഘടനാ സ്ഥാപനത്തിന് നിര്ദ്ദേശം നല്കാന് കഴിയില്ലെന്നായിരുന്നു കേന്ദ്രത്തിന്റെ നിലപാട്.ഗവര്ണറും രാഷ്ട്രപതിയും സമയപരിധി പാലിക്കാത്തതിന്റെ അനന്തരഫലങ്ങളെ കുറിച്ചും സുപ്രീംകോടതിയുടെ ഭരണഘടന ബെഞ്ച് ആശങ്ക അറിയിച്ചിരുന്നു.
Read More » -
‘മറ്റു സംസ്ഥാനങ്ങളില് തിക്കിലും തിരക്കിലും മരിച്ചത് നൂറുകണക്കിനു പേര്; ഒരുലക്ഷം പേര് എത്തിയിട്ടും അപകടമുണ്ടാകാതെ നോക്കിയ പോലീസിനെ അഭിനന്ദിക്കണം; കോടതി പറഞ്ഞത് വച്ച് മണ്ഡലകാലത്ത് കയറ്റാന് കഴിയുക 30 ലക്ഷം പേരെ’; 18-ാം പടിയുടെ വീതി കൂട്ടണം; കേന്ദ്രസര്ക്കാരിന്റേത് ഇരട്ടത്താപ്പ്: ശബരിമല വിഷയത്തില് മാധ്യമങ്ങളുടെയും വിമര്ശകരുടെയും വായടപ്പിക്കുന്ന കണക്കുകള് നിരത്തി ഡിജിപി അലക്സാണ്ടര് ജേക്കബ്
കൊച്ചി: ശബരി മലയില് ഒരുലക്ഷം പേര് ഒറ്റയടിക്കെത്തിയിട്ടും അപകടമുണ്ടാകാതെ നോക്കിയ പോലീസിനെ അഭിനന്ദിക്കുന്നതിനു പകരം വിമര്ശിക്കുന്നത് ശരിയല്ലെന്നു മുന് ഡിജിപി അലക്സാണ്ടര് ജേക്കബ്. റിപ്പോര്ട്ടര് ചാനലിന്റെ ചര്ച്ചയിലാണ് കേന്ദ്രസര്ക്കാരിന്റെയും മാധ്യമങ്ങളുടെയും രീതികള്ക്കെതിരേ ആഞ്ഞടിച്ചത്. ശബരിമലയുടെ 18-ാം പടിയുടെ വീതി കൂട്ടുകയാണ് ആദ്യം വേണ്ടതെന്നും കോടതിയുടെ കണക്കില് 50,000 പേര്ക്ക് പ്രതിദിനം എത്താവുന്ന ക്ഷേത്രത്തില് പരമാവധി രണ്ടുമാസം 30 പേര്ക്കു മാത്രമേ എത്താന് സാധിക്കൂ. കഴിഞ്ഞവര്ഷം എത്തിയത് ഒന്നേകാല് കോടി ആളുകളാണെന്നും ബാക്കി 90 ലക്ഷം ഭക്തര് എന്തു ചെയ്യണം? നൂറുപേര്ക്ക് ഒരു പോലീസ് എന്ന നിലയില് പോലും രണ്ടായിരം പോലീസുകാര് വേണം. ഇവരെ എവിടെ താമസിപ്പിക്കും. ശൗചാലയം എവിടെ നിര്മിക്കും? സ്ഥലം കൊടുക്കാന് കേന്ദ്രസര്ക്കാര് തയാറല്ല. വിമാനത്താവളവും റെയില്വേയും നിര്മിക്കാന് തയാറല്ല. കുറ്റം പറയാന് മാത്രമാണ് എല്ലാവര്ക്കും ഉത്സാഹമെന്നും അദ്ദേഹം പറഞ്ഞു. അലക്സാണ്ടര് ജേക്കബ് പറഞ്ഞത് ‘ഞാന് ശബരിമലയില് മൂന്നുവര്ഷം ജോലി ചെയ്തിട്ടുണ്ട്. സന്നിധാനത്തിലെ പതിനെട്ടാം പടിക്കു വീതി…
Read More » -
‘വാസസ്ഥലം പറയാതെ വോട്ടര് പട്ടികയില് പേരു ചേര്ക്കാന് പറയുന്നത് ഏതു ചട്ട പ്രകാരം?’ വൈഷ്ണ സുരേഷിന്റെ പേര് വോട്ടര് പട്ടികയില് ഉള്പ്പെടുത്തിയുള്ള കമ്മീഷന് ഉത്തരവ് കോടതി കയറും; ഇന്ന് നിര്ണായകം
തിരുവനന്തപുരം: തിരുവനന്തപുരം കോര്പ്പറേഷന് മുട്ടട വാര്ഡിലെ യു.ഡി.എഫ്. സ്ഥാനാര്ഥി വൈഷ്ണ സുരേഷിന്റെ പേര് വോട്ടര് പട്ടികയില് തിരികെ ഉള്പ്പെടുത്തിക്കൊണ്ട് സംസ്ഥാന തിരഞ്ഞെടുപ്പ് കമ്മീഷണര് ജെ. ഷാജഹാന് ഇറക്കിയ ഉത്തരവ് ദുരൂഹമെന്ന് ആരോപണം. കള്ളവോട്ട് ആരോപണത്തെ തുടര്ന്ന് സ്ഥാനാര്ഥിത്വം അനിശ്ചിതത്വത്തിലായ ഇരുപത്തിനാലുകാരി വൈഷ്ണയ്ക്ക് മത്സരിക്കാന് തടസമില്ലെങ്കിലും നിയമയുദ്ധങ്ങള്ക്ക് ഇടയാക്കുമെന്നു വ്യക്തം. കൂട്ടിച്ചേര്ക്കല് പട്ടികയിലെ 1100-ാം സീരിയല് നമ്പറായാണ് വൈഷ്ണയുടെ വോട്ട് പുനഃസ്ഥാപിച്ചത്. വോട്ടര് പട്ടികയില് നിന്ന് പേര് നീക്കം ചെയ്ത കോര്പ്പറേഷന് ഇ.ആര്.ഒയുടെ നടപടിയില് ദുരൂഹതയും ഗുരുതരമായ കൃത്യവിലോപവും നടന്നതായി കമ്മീഷന് ഉത്തരവില് പറയുന്നു. ഹൈക്കോടതി നിര്ദ്ദേശപ്രകാരം ഹിയറിങ് നടത്തിയ ശേഷമാണ് കമ്മീഷന്റെ സുപ്രധാന തീരുമാനം. എന്നാല്, കമ്മീഷന്റെ ഉത്തരവ് വിചിത്രമാണെന്നാണ് ആരോപണം. ‘ഒരാള് ഒരു പ്രദേശത്തെ സാധാരണ താമസക്കാരിയാണെങ്കില്, അയാള് വാസ സ്ഥലം മാറി പോയിട്ടില്ല എങ്കില്, ടിയാളെ മറ്റു തരത്തില് തിരിച്ചറിയാമെങ്കില്, അയാള്ക്ക് വീട്ടു നമ്പര് വേണ്ട, ഉടമസ്ഥത വേണ്ട, വാടക കരാര് വേണ്ട, അയാളെ വോട്ടര് പട്ടികയില് ചേര്ക്കാം…
Read More » -
‘എന്നും എപ്പോഴും പാര്ട്ടിയാണ് വലുത്’; യുഡിഎഫ് സ്ഥാനാര്ഥിക്ക് വോട്ട് അഭ്യര്ഥിച്ചു പോസ്റ്റിട്ട് ഒറ്റച്ചാട്ടം; പത്തുവര്ഷം ജില്ലാ സെക്രട്ടറിയായിരുന്ന യൂത്ത് കോണ്ഗ്രസ് നേതാവ് ബിജെപിയില്
ബിജെപിയില് ചേര്ന്ന യൂത്ത് കോണ്ഗ്രസ് സംസ്ഥാന സെക്രട്ടറി അഖില് ഓമനക്കുട്ടന്റെ ഫെയ്സ്ബുക്ക് പേജില് ഒന്പത് മണിക്കൂര് മുന്പ് വരെ കോണ്ഗ്രസ് അനുകൂല പോസ്റ്റുകള്. കുന്നന്താനം ഗ്രാമപഞ്ചായത്ത് യു.ഡി.എഫ് സ്ഥാനാര്ഥിക്കായി വോട്ടഭ്യര്ഥിച്ചുള്ള പോസ്റ്റാണ് അവസാനമായി അഖില് പങ്കുവച്ചത്. കഴിഞ്ഞ ദിവസം, ‘എന്നും എപ്പോഴും പാര്ട്ടിയാണ് വലുത്’ എന്ന ടാഗ് ലൈനോടെ അഖില് ഫെയ്സ്ബുക്കില് പോസ്റ്റിട്ടിരുന്നു. കുന്നന്താനം ഗ്രാമപഞ്ചായത്ത് മൂന്നാം വാര്ഡിലെ യു.ഡി.എഫ് സ്ഥാനാര്ഥി അനു എംഎമ്മിനൊപ്പമുള്ള ഭവന സന്ദർശനത്തിന്റെ ചിത്രത്തോടൊപ്പമായിരുന്നു പോസ്റ്റ്. ഇതിന് പിന്നാലെയാണ് അഖിലിന്റെ പാര്ട്ടി മാറ്റം. അഖില് ഓമനക്കുട്ടനെ ബിജെപി പത്തനംതിട്ട ജില്ലാ പ്രസിഡന്റ് പാര്ട്ടിയിലേക്ക് സ്വീകരിച്ചു. കുന്നന്താനം സ്വദേശിയാണ് അഖില്. 2012മുതല് പത്ത് വര്ഷം യൂത്ത് കോണ്ഗ്രസ് പത്തനംതിട്ട ജില്ലാ സെക്രട്ടറിയായിരുന്നു.
Read More »