Newsthen Special
-
കളിക്കളത്തിലേക്ക് പടരുന്ന യുദ്ധങ്ങള്; കളിയിലെ മര്യാദകേടു പോലും ‘ന്യൂ നോര്മല്’; ‘ഷാസ്- വസ്’ സൗഹൃദങ്ങള് പോലെ ഇനിയൊന്നില്ലേ? ഏകപക്ഷീയമായി മാറുന്ന ഇന്ത്യ- പാക് മത്സരങ്ങള്; മൈതാനത്ത് ഇല്ലാത്ത ആവേശം വാര്ത്തകളില് ഇനി എത്രകാലം?
അതിവിദൂരമല്ലാത്ത ഭൂതകാലത്തില്, സര്ജിക്കല് സ്ട്രൈക്കുകള് വാര്ത്തകള്ക്കപ്പുറം കളികളിലേക്കു പടരാത്ത നാളുകള് മുതല് ഇന്ത്യയും പാകിസ്ഥാനും തമ്മിലുള്ള ക്രിക്കറ്റ് മത്സരങ്ങള് അങ്ങേയറ്റം ആവേശകരവും സമ്മര്ദ്ദം നിറഞ്ഞതും മികച്ച ഗുണനിലവാരമുള്ളതുമായിരുന്നു. ഇരുവശത്തും മിന്നിത്തിളങ്ങുന്ന സൂപ്പര് താരങ്ങളുടെ നിര. ഇന്ത്യയ്ക്ക് ബാറ്റിംഗ് കരുത്തുണ്ടായിരുന്നപ്പോള്, പാകിസ്ഥാന് ലോകോത്തര ഫാസ്റ്റ് ബൗളര്മാരുടെ ഒരു നീണ്ട നിര തന്നെയുണ്ടായിരുന്നു. ജെഫ്രി ബോയ്ക്കോട്ടിന്റെ വാക്കുകള് കടമെടുത്താല് ‘ഒരു ഓറഞ്ച് കൊണ്ട് പോലും സ്വിംഗ് ചെയ്യിക്കാന് കഴിവുള്ളവര്’. ഈ രണ്ട് അഭിമാന രാഷ്ട്രങ്ങള് തമ്മിലുള്ള മത്സരങ്ങള് പോരാട്ടങ്ങള് തന്നെയായിരുന്നു – വിട്ടുവീഴ്ചയില്ലാത്ത പോരാട്ടങ്ങള്. കളിക്കാര് പരസ്പരം നോക്കുക പോലും ചെയ്യാത്ത, കൈകൊടുക്കാനോ സൗഹൃദം പങ്കിടാനോ തയ്യാറാവാത്ത ഇന്നത്തെ കാലഘട്ടത്തിന് വിരുദ്ധമായി, അന്നത്തെ ഇന്ത്യന്-പാകിസ്ഥാന് താരങ്ങള് കാലത്തെ അതിജീവിച്ച ദീര്ഘകാല സൗഹൃദങ്ങള് കെട്ടിപ്പടുത്തിരുന്നു. ‘ഷാസ്- വസ്’ (രവി ശാസ്ത്രി-വസീം അക്രം) ചങ്ങാത്തമെന്നുപോലും അറിയപ്പെട്ടിരുന്ന സൗഹൃദത്തിന്റെ ഇഴയടുപ്പം. ദേശീയതയ്ക്ക് അപ്പുറമായിരുന്നു ഇരുവര്ക്കുമിടയിലെ ഊഷ്മളത. എന്നാലിപ്പോള് നാം വിഷയത്തില് നിന്ന് മാറുകയാണോ? പ്രൊഫഷണലിസത്തിന് പുതിയ അര്ത്ഥങ്ങള്…
Read More » -
ക്രിക്കറ്റ് കളിക്കിടെ തേനീച്ച ആക്രണം; അമ്പയര്ക്കു ദാരുണാന്ത്യം; വെള്ളം കുടിക്കാനുള്ള ഇടവേളയില് ഇരച്ചെത്തി തേനീച്ചക്കൂട്ടം; വിശദീകരിക്കാനാകാതെ അധികൃതര്
ഉന്നാവോ: ഉന്നാവോയിലെ പ്രാദേശിക ക്രിക്കറ്റ് മത്സരത്തിന്റെ വെള്ളം കുടിക്കാനുളള ഇടവേളയ്ക്കിടെ തേനീച്ച ആക്രമണം. മുതിര്ന്ന അമ്പയര്ക്ക് ദാരുണാന്ത്യം. ഗംഗാഘട്ട് മേഖലയിലെ സപ്രു ക്രിക്കറ്റ് സ്റ്റേഡിയത്തിലാണു ഞെട്ടിക്കുന്ന സംഭവം. ഗംഗാഘട്ട് പോലീസ് സ്റ്റേഷന് പരിധിയിലുള്ള ഈ സ്റ്റേഡിയത്തില് വൈഎംസിസി, പാരാമൗണ്ട് എന്നീ ടീമുകള് തമ്മിലായിരുന്നു മത്സരം. ആദ്യ ഇന്നിംഗ്സ് പൂര്ത്തിയായി രണ്ടാം ഇന്നിംഗ്സ് ആരംഭിച്ച് ഏതാനും ഓവറുകള്ക്ക് ശേഷമുള്ള ഇടവേളയിലായിരുന്നു അപകടം. വെള്ളം കുടിക്കാനായി കളി നിര്ത്തിവെച്ച സമയത്താണ് വലിയൊരു തേനീച്ചക്കൂട്ടം പെട്ടെന്ന് മൈതാനത്തേക്ക് ഇരച്ചെത്തി കളിക്കാരെയും നടത്തിപ്പുകാരെയും ആക്രമിക്കുകയായിരുന്നു. മൈതാനത്ത് പരിഭ്രാന്തി പടര്ന്നതോടെ, സ്വയം രക്ഷിക്കാനായി ക്രിക്കറ്റ് താരങ്ങളും അമ്പയര്മാരും നിലത്ത് കമിഴ്ന്നു കിടന്നു. എന്നിട്ടും പലര്ക്കും തേനീച്ചകളുടെ കുത്തേറ്റു. ഇത് വലിയ പരിക്കുകള്ക്കും മൈതാനത്ത് വന് ആശയക്കുഴപ്പത്തിനും കാരണമായി. തേനീച്ചകളുടെ കുത്തേറ്റ് ഗുരുതരാവസ്ഥയിലായ കാണ്പൂരിലെ ഫീല്ഖാന സ്വദേശിയും കാണ്പൂര് ക്രിക്കറ്റ് അസോസിയേഷനുമായി ബന്ധപ്പെട്ട് പ്രവര്ത്തിക്കുന്ന മുതിര്ന്ന അമ്പയറുമായ മാണിക് ഗുപ്തയാണു മരിച്ചത്. ശുക്ലഗഞ്ചില് നിന്നുള്ള അമ്പയര് സുനില് കുമാര് നിഷാദിനൊപ്പമാണ്…
Read More » -
വയനാട്ടിലെ കോണ്ഗ്രസിന്റെ വീടുകള്; 26ന് രാഹുല് ഗാന്ധി തറക്കല്ലിടും; അഞ്ചേക്കറില് ആദ്യ ഘട്ടത്തില് 50 വീടുകള്; 50 വീടുകള്ക്കായി ഭൂമി ഉടന് ഏറ്റെടുക്കും; ആറുമാസത്തിനുള്ളില് പൂര്ത്തിയാക്കുമെന്നും കെപിസിസി പ്രസിഡന്റ്
തൃശൂര്: വയനാട് ദുരിത ബാധിതര്ക്കായി കോണ്ഗ്രസ് നിര്മിച്ചു നല്കുന്ന വീടുകളുടെ തറക്കല്ലിടന് 26ന് ഉച്ചയ്ക്കു 2.30ന് ലോക്സഭാ പ്രതിപക്ഷ നേതാവ് രാഹുല് ഗാന്ധി നിര്വഹിക്കും. കല്പ്പറ്റ മേപ്പാടിയില് 3.24 ഏക്കര് സ്ഥലം ഏറ്റെടുത്തിട്ടുണ്ട്. ഈയാഴ്ചതന്നെ 2.18 ഏക്കര് സ്ഥലംകൂടി ഏറ്റെടുക്കും. ആകെ 5.42 ഏക്കറില് 1100 ചതുരശ്രയടി വിസ്തീര്ണമുള്ള 50 വീടുകളുടെ നിര്മാണമാണ് ആദ്യഘട്ടത്തില് ആരംഭിക്കുകയെന്നു കെപിസിസി പ്രസിഡന്റ് അഡ്വ. സണ്ണി ജോസഫ് പറഞ്ഞു. ആറുമാസത്തിനുള്ളില് നിര്മാണം പൂര്ത്തിയാക്കും. യൂത്ത് കോണ്ഗ്രസ് ഒരുകോടി നല്കി. കെപിസിസിയുടെ നേതൃത്വത്തില് ജനങ്ങളില്നിന്നു പിരിച്ചതും എഐസിസി, അധ്യാപക- പെന്ഷന് സംഘടനകള് എന്നിവര് സ്വരൂപിച്ചതുമായ പണവും നിര്മാണത്തിന് ഉപയോഗിക്കുക. എഐസിസി ജനറല് സെക്രട്ടറിമാരായ പ്രിയങ്ക ഗാന്ധി, കെ.സി. വേണുഗോപാല്, വി.ഡി. സതീശന്, സാദിഖലി ശിഹാബ് തങ്ങള്, പി.കെ. കുഞ്ഞാലിക്കുട്ടി, പി.ജെ. ജോസഫ് എന്നിവര് പങ്കെടുക്കും. മേപ്പാടി കുന്നമ്പറ്റയിലാണ് ആദ്യഘട്ടത്തില് വീടു നിര്മിക്കുക. ഏഴാഞ്ചിറയില് അഞ്ച് ഏക്കര്കൂടി ഏറ്റെടുത്ത് ബാക്കി അമ്പതു വീടുകളുടെ നിര്മാണം ആരംഭിക്കും. എട്ടു സെന്റില്…
Read More » -
‘അവര്ക്കു വേണ്ടിയിരുന്നത് ബിസിനസ്, എനിക്കു വേണ്ടിയിരുന്നത്….’; ഡിപി വേള്ഡ് സിഇഒ സുല്ത്താന് അഹമ്മദ് ബിന് സുലായത്തിന്റെ കൂടുതല് കത്തുകള് പുറത്ത്; എപ്സ്റ്റീന് ലക്ഷ്യമിട്ടത് പശ്ചിമേഷ്യയില് കരുത്തുറ്റ ബന്ധങ്ങളെന്ന് റിപ്പോര്ട്ട്
ദുബായ്: ലൈംഗിക കുറ്റവാളി ജെഫ്രി എപ്സ്റ്റീനുമായുള്ള ബന്ധത്തിനു പിന്നാലെ കത്തിടപാടുകള് പുറത്തുവന്നതോടെ ദുബായ് തുറമുഖ ഭീമനായ ഡിപി വേള്ഡിന്റെ ചീഫ് എക്സിക്യൂട്ടീവ് രാജിവച്ചത് കഴിഞ്ഞയാഴ്ചയാണ്. എന്നാല്, രാജിക്കത്തില് ഒതുങ്ങുന്നതല്ല പശ്ചിമേഷ്യയിലെ എപ്സ്റ്റീന് ബന്ധങ്ങളെന്ന് രേഖകള് വ്യക്തമാക്കുന്നു. കുപ്രസിദ്ധ സാമ്പത്തിക ഇടപാടുകാരന് ജെഫ്രി എപ്സ്റ്റീന് മേഖലയിലുടനീളം രാഷ്ട്രീയ പ്രമുഖരുടെയും ബിസിനസ് നേതാക്കളുടെയും ശക്തമായ ശൃംഖല കെട്ടിപ്പടുക്കാന് ശ്രമിച്ചുവെന്ന് കാണിക്കുന്ന യുഎസ് നീതിന്യായ വകുപ്പിന്റെ രേഖകളാണ് പുറത്തുവന്നത്. സുല്ത്താന് അഹമ്മദ് ബിന് സുലായം ചീഫ് എക്സിക്യൂട്ടീവ്, ചെയര്മാന് സ്ഥാനങ്ങള് രാജിവെച്ചതായി ഡിപി വേള്ഡ് വെള്ളിയാഴ്ച അറിയിച്ചു. എപ്സ്റ്റീന് ഫയലുകളില് ബിന് സുലായമിന്റെ പേര് പ്രത്യക്ഷപ്പെിരുന്നു. അവരുടെ കത്തിടപാടുകളില്, എപ്സ്റ്റീന് വഴി പരിചയപ്പെട്ട സ്ത്രീകളുമായുള്ള ലൈംഗിക ബന്ധങ്ങളെക്കുറിച്ച് ബിന് സുലായം ചര്ച്ച ചെയ്തിരുന്നു. 2007 നവംബര് 9-ന് അയച്ച ഒരു ഇമെയിലില്, ന്യൂയോര്ക്കില് വെച്ച് താന് അത്തരമൊരു സ്ത്രീയെ കണ്ടുമുട്ടിയതായി ബിന് സുലായം എപ്സ്റ്റീനോട് പറഞ്ഞു. അവിടെ ഒരു തെറ്റിദ്ധാരണ ഉണ്ടായെന്നും, ‘അവര്ക്ക് ചില ബിസിനസ്…
Read More » -
പെരുന്നാള് സീസണ് മുന്നില്കണ്ട് ഗോഡൗണില് എത്തിച്ച കോടികളുടെ വസ്ത്രങ്ങള് കത്തിയമര്ന്നു; ജയലക്ഷ്മി സില്ക്സിലെ തീപിടിത്തം മൂന്നു വര്ഷം മുമ്പുണ്ടായതിനേക്കാള് ഗുരുതരം
കോഴിക്കോട്: പാളയത്തെ പ്രമുഖ വസ്ത്രാലയമായ ജയലക്ഷ്മി സില്ക്സിലുണ്ടായ വന് തീപിടിത്തത്തില് കോടികളുടെ നാശനഷ്ടം. റമസാന്-പെരുന്നാള് വിപണി ലക്ഷ്യമിട്ട് ഗോഡൗണില് ശേഖരിച്ചിരുന്ന വസ്ത്രങ്ങള് പൂര്ണ്ണമായും കത്തിനശിച്ചു. മൂന്ന് വര്ഷം മുന്പ് ഇതേ സ്ഥാപനത്തിലുണ്ടായ തീപിടിത്തത്തേക്കാള് ഇരട്ടി ആഘാതമാണ് ഇത്തവണ ഉണ്ടായിരിക്കുന്നതെന്നാണ് പ്രാഥമിക വിലയിരുത്തല്. 2023 ഏപ്രിലിലായിരുന്നു അത്. ചൊവ്വാഴ്ച വൈകിട്ട് 6.10-ഓടെയാണ് നാലുനില കെട്ടിടത്തിന്റെ മുകള്നിലകളില് തീ പടര്ന്നത്. ഗോഡൗണില് നിന്നാണ് ആദ്യം പുക ഉയര്ന്നതെന്ന് ജീവനക്കാര് പറഞ്ഞു. ഷോറൂമിലെ രണ്ടും മൂന്നും നാലും നിലകളെ തീ വിഴുങ്ങി. വിവരം അറിഞ്ഞുടന് അഞ്ച് ഫയര് എന്ജിനുകള് സ്ഥലത്തെത്തിയെങ്കിലും തീ നിയന്ത്രിക്കാന് സാധിക്കാത്തതിനെത്തുടര്ന്ന് കരിപ്പൂര് വിമാനത്താവളത്തില് നിന്നുള്ള അത്യാധുനിക ഫയര് എന്ജിനുകള് കൂടി എത്തിച്ചാണ് മണിക്കൂറുകള് നീണ്ട പരിശ്രമത്തിനൊടുവില് അഗ്നിശമനസേന തീ നിയന്ത്രണവിധേയമാക്കിയത്. പെരുന്നാള് സീസണ് പ്രമാണിച്ച് വന്തോതില് വസ്ത്രങ്ങള് ഗോഡൗണില് എത്തിച്ചിരുന്നു. ഇവയിലേക്കാണ് തീ പടര്ന്നത്. 2023 ഏപ്രിലിലും ഇതേ ഷോറൂമില് ഷോര്ട്ട് സര്ക്യൂട്ട് മൂലം തീപിടിത്തമുണ്ടായിരുന്നു. അന്ന് സംഭവിച്ച കോടികളുടെ നഷ്ടത്തേക്കാള്…
Read More » -
‘തന്റെ കീഴിലുള്ളവര് എന്താണു ചെയ്യുന്നതെന്ന് അറിയാത്തവര് ആ കസേരയില് ഇരിക്കരുത്; അദ്ദേഹം പറയുന്നതൊന്ന്, പ്രവര്ത്തിക്കുന്നത് മറ്റൊന്ന്’: രാഹുല് ഗാന്ധിക്കെതിരേ തുറന്നടിച്ച് മുന് കോണ്ഗ്രസ് നേതാവ് നവജ്യോത് കൗര് സിദ്ധു
ചെന്നൈ: ലോക്സഭയിലെ പ്രതിപക്ഷ നേതാവ് രാഹുല് ഗാന്ധിക്കെതിരെ കടുത്ത വിമര്ശനങ്ങളുമായി മുന് കോണ്ഗ്രസ് നേതാവ് നവ്ജോത് കൗര് സിദ്ധു. പഞ്ചാബ് കോണ്ഗ്രസിലെ അഴിമതി തടയുന്നതില് രാഹുല് പരാജയപ്പെട്ടുവെന്നും അദ്ദേഹം അടിസ്ഥാന യാഥാര്ത്ഥ്യങ്ങളില് നിന്ന് അകന്നാണ് ജീവിക്കുന്നതെന്നും അവര് ആരോപിച്ചു. രാഹുലിന്റെ നിഷ്ക്രിയത്വം പഞ്ചാബില് പാര്ട്ടിയുടെ നിലനില്പ്പിനെ തന്നെ ബാധിക്കുന്നുവെന്ന് അവര് ചൂണ്ടിക്കാട്ടി. കോയമ്പത്തൂരില് മാധ്യമങ്ങളോട് സംസാരിക്കുകയായിരുന്നു അവര്. രാഹുല് ഗാന്ധിയുടെ അടുത്ത വൃത്തങ്ങള് തിരഞ്ഞെടുപ്പ് ടിക്കറ്റുകള് വില്ക്കുകയാണെന്നും എന്നാല് തന്റെ ചുറ്റും നടക്കുന്നത് എന്താണെന്ന് പോലും അദ്ദേഹം അറിയുന്നില്ലെന്നും സിദ്ധു കുറ്റപ്പെടുത്തി. രാഹുല് നന്നായി സംസാരിക്കുമെങ്കിലും പറയുന്നതും പ്രവര്ത്തിക്കുന്നതും തമ്മില് വലിയ വ്യത്യാസമുണ്ടെന്നും അവര് പറഞ്ഞു. പഞ്ചാബിലെ പാര്ട്ടിയുടെ തകര്ച്ചയെക്കുറിച്ച് സംസാരിക്കാന് കഴിഞ്ഞ എട്ടു മാസമായി താന് സമയം ചോദിക്കുന്നുണ്ടെങ്കിലും അദ്ദേഹം അതിന് തയ്യാറായിട്ടില്ലെന്ന് അവര് വെളിപ്പെടുത്തി. തന്റെ കീഴിലുള്ളവര് എന്താണ് ചെയ്യുന്നതെന്ന് അറിയില്ലെങ്കില് ആ കസേരയില് ഇരിക്കാന് രാഹുല് അര്ഹനല്ലെന്നും നവ്ജോത് കൗര് സിദ്ധു തുറന്നടിച്ചു. പഞ്ചാബിന് വേണ്ടി തങ്ങള്…
Read More » -
പ്രകമ്പനം പുറത്തറിയാതിരിക്കാന് ഡീ കപ്ലിംഗ്; ചൈന അതീവ രഹസ്യമായി ഭൂഗര്ഭത്തില് ആണവ പരീക്ഷണം നടത്തിയെന്ന് അമേരിക്ക; നിഷേധിച്ച് ചൈന; ന്യൂ സ്റ്റാര്ട്ട് കരാര് അവസാനിച്ചു; ലോകം വീണ്ടും ആണവ ഭീഷണിയിലേക്ക്?
ന്യൂയോര്ക്ക്: ചൈന രഹസ്യമായി ആണവായുധം പരീക്ഷിച്ചെന്ന ആരോപണത്തിനു പിന്നാലെ കൂടുതല് തെളിവുകള് പുറത്തുവിട്ട് മുതിര്ന്ന യുഎസ് ഉദ്യോഗസ്ഥന്. വാഷിംഗ്ടണിലെ ഹഡ്സണ് ഇന്സ്റ്റിറ്റ്യൂട്ട് തിങ്ക് ടാങ്ക് സംഘടിപ്പിച്ച പരിപാടിയില് സംസാരിക്കുമ്പോഴാണ് അസിസ്റ്റന്റ് സെക്രട്ടറി ഓഫ് സ്റ്റേറ്റ് ക്രിസ്റ്റഫര് യോ (Christopher Yeaw) ഇക്കാര്യം പറഞ്ഞത്. 2020 ജൂണ് 22-ന് പശ്ചിമ ചൈനയിലെ ലോപ് നോര് (Lop Nor) പരീക്ഷണ കേന്ദ്രത്തില് നിന്ന് 450 മൈല് (720 കിലോമീറ്റര്) അകലെയുള്ള കസാക്കിസ്ഥാനിലെ റിമോട്ട് സീസ്മിക് സ്റ്റേഷന് 2.75 തീവ്രതയുള്ള ഒരു ‘സ്ഫോടനം’ രേഖപ്പെടുത്തിയതായി അദ്ദേഹം പറഞ്ഞു. ‘അതിനുശേഷം ഞാന് കൂടുതല് വിവരങ്ങള് പരിശോധിച്ചു. ഇതൊരു സ്ഫോടനം അല്ലാതെ മറ്റെന്തെങ്കിലും ആകാനുള്ള സാധ്യത വളരെ കുറവാണ്’ എന്ന് ന്യൂക്ലിയര് എഞ്ചിനീയറിംഗില് ഡോക്ടറേറ്റുള്ള മുന് ഇന്റലിജന്സ് അനലിസ്റ്റ് കൂടിയായ യോ പറഞ്ഞു. ഇത് ഖനന സ്ഫോടനങ്ങളുമായി പൊരുത്തപ്പെടുന്നില്ലെന്നും ഭൂകമ്പത്തിന്റെ ലക്ഷണങ്ങളല്ലെന്നും അദ്ദേഹം കൂട്ടിച്ചേര്ത്തു. ഒരു ആണവ സ്ഫോടന പരീക്ഷണത്തില് പ്രതീക്ഷിക്കാവുന്ന കാര്യങ്ങളാണ് അവിടെ സംഭവിച്ചതെന്ന് അദ്ദേഹം വ്യക്തമാക്കി.…
Read More » -
റഷ്യക്കു മനംമാറ്റം; സ്വര്ണം വാങ്ങിക്കൂട്ടിയവര്ക്ക് തിരിച്ചടിയാകുമോ? വില 75,000 രൂപയിലേക്ക് താഴുമെന്ന് വിദഗ്ധരുടെ മുന്നറിയിപ്പ്; വരാനിരിക്കുന്നത് വന് ഇടിവ്? യുദ്ധഭീതി ഒഴിഞ്ഞ് വ്യാപാരം ഡോളറിലേക്കു മാറുമ്പോള് സംഭവിക്കുന്നത്
ന്യൂഡല്ഹി: രാജ്യാന്തര സംഘര്ഷങ്ങള് കുറയുന്നതോടെ സ്വര്ണത്തിന്റെ വില ഇടിഞ്ഞേക്കുമെന്നു റിപ്പോര്ട്ട്. ഒരുവേള ഔണ്സിന് 5626.80 ഡോളറിന് മുകളിലേക്ക് പോയ സ്വര്ണ വില ഇന്നുള്ളത് 4,886 ഡോളറില്. ഇറാന് യു.എസ് ചര്ച്ചയും, യുഎസ് മധ്യസ്ഥതയില് റഷ്യ യുക്രൈന് ചര്ച്ചയും നടക്കുന്നതാണ് സ്വര്ണ വില താഴേക്ക് പോകുന്നത് കാരണം. ഇതിനൊപ്പം റഷ്യ, യു.എസുമായി കരാറിലെത്തുകയും വീണ്ടും യു.എസ് ഡോളറില് വ്യാപാരം തുടങ്ങുന്നു എന്ന വാര്ത്തകളും സ്വര്ണ വിലയെ ഇടിക്കുന്ന കാര്യമാണ്. റഷ്യ യു.എസുമായി സാമ്പത്തിക പങ്കാളിത്തത്തിന് ശ്രമിക്കുന്നു എന്നായിരുന്നു കഴിഞ്ഞ ദിവസം പുറത്തുവന്ന ബ്ലൂംബെര്ഗ് വാര്ത്ത. റഷ്യ യു.എസ് ഡോളറില് വ്യാപാരം പുനരാരംഭിക്കുന്നത്, റഷ്യ അടക്കമുള്ള ബ്രിക്സ് രാജ്യങ്ങള് ആരംഭിച്ച ഡീ-ഡോളറൈസേഷന് ശ്രമങ്ങളെ പ്രതികൂലമായി ഭാഗിക്കും. ലോക വ്യാപാരത്തില് ഡോളറിന്റെ അപ്രമാദിത്വം ഇല്ലാതാക്കാന് ബ്രിക്സ് രാജ്യങ്ങള് സ്വര്ണം വാങ്ങിക്കൂട്ടുന്നുണ്ട്. റഷ്യ ഈ ശ്രമങ്ങളില് നിന്നും പിന്മാറുന്നത് ഡീഡോളറൈസേഷന് തിരിച്ചടിയാകും. അതിനൊപ്പം സ്വര്ണ വിലയെ ബാധിക്കുകയും ചെയ്യും. യു.എസില് ട്രംപ് സര്ക്കാര് വന്നതിന് ശേഷം ബ്രിക്സ്…
Read More » -
2026ല് ‘എഐ അധിനിവേശം’? ബാബ വംഗയുടെ പ്രവചനങ്ങളും ടെക് ലോകത്തെ കൂട്ടപ്പിരിച്ചുവിടലുകളും തമ്മിലെന്ത്? അധ്വാനിക്കാന് മനുഷ്യര് ആവശ്യമില്ലാതാകും എന്ന പ്രവചനം ശരിയാകുന്നോ?
ന്യൂഡല്ഹി: 1996-ല് അന്തരിച്ചെങ്കിലും, അതീന്ദ്രിയ ശക്തിയുണ്ടെന്നു വിശ്വസിക്കുന്ന ബള്ഗേറിയയില്നിന്നുള്ള അന്ധയായ ബാബ വംഗയുടെ പ്രവചനങ്ങള് ലോകത്തെ അത്ഭുതപ്പെടുത്തുകയും ഭയപ്പെടുത്തുകയും ചെയ്യുന്നു. പല പ്രവചനങ്ങളും നിഗൂഢവും വ്യാഖ്യാനങ്ങള്ക്ക് വിധേയവുമാണെങ്കിലും, ചിലത് നിലവിലെ സംഭവവികാസങ്ങളുമായി വിചിത്രമായ രീതിയില് ഒത്തുപോകുന്നുണ്ട്. സാങ്കേതിക ലോകത്ത് ഇപ്പോള് ഏറെ ചര്ച്ച ചെയ്യപ്പെടുന്നത് 2026-നെ കുറിച്ചുള്ള അവരുടെ പ്രവചനമാണ്. മാനവരാശിക്ക് നിര്ണായകമായ ഈ വര്ഷം ‘എഐ അധിനിവേശം’ (—-) സംഭവിക്കുമെന്ന് ചിലര് വ്യാഖ്യാനിക്കുന്നു. വലിയ ടെക് കമ്പനികള് ‘—-ഫസ്റ്റ്’ ഭാവി മുന്നിര്ത്തി ജീവനക്കാരെ പിരിച്ചുവിടുകയോ സ്വയം വിരമിക്കല് പദ്ധതികള് (വിആര്എസ്) നടപ്പിലാക്കുകയോ ചെയ്യുന്ന ഈ സാഹചര്യത്തില്, ബാബ വംഗയുടെ ഈ പ്രവചനത്തിന് പ്രസക്തിയേറുകയാണ്. ടെക് ലോകത്തെ പ്രതിസന്ധി വാര്ത്തകള് വ്യക്തമാണ്: ആര്ട്ടിഫിഷ്യല് ഇന്റലിജന്സ് ടൂളുകളിലേക്ക് കൂടുതല് ശ്രദ്ധ കേന്ദ്രീകരിക്കുന്നതിന്റെ ഭാഗമായി ഗൂഗിള് തങ്ങളുടെ ചില ബിസിനസ് വിഭാഗങ്ങളില് സന്നദ്ധ വിരമിക്കല് പാക്കേജുകള് വാഗ്ദാനം ചെയ്തു തുടങ്ങി. ഇതിനു തൊട്ടുപിന്നാലെയാണ് ആമസോണ് ഏകദേശം 16,000 തസ്തികകള് വെട്ടിക്കുറയ്ക്കുന്നതായി സ്ഥിരീകരിച്ചത്. ആര്ട്ട്, ടെക്സ്റ്റ്…
Read More » -
‘വാവിട്ട വാക്കും കൈവിട്ട കമന്റും തിരിച്ചെടുക്കാനാവില്ല, ഓര്ക്കണം; ഒരാള് തുനിഞ്ഞിറങ്ങിയാല് മനോഹരമായ ജയില് ജീവിതംകൂടി ലഭിക്കും, കരയാനല്ല പോരാടാനാണ് ഇഷ്ടം’; തുപ്പിയയാള്ക്ക് മുന്നറിയിപ്പുമായി നടി മീനാക്ഷി
കൊച്ചി: ഓണ്ലൈനില് മറഞ്ഞിരുന്നു സൈബര് ആക്രമണം നടത്തുന്നവര്ക്കു മുന്നറിയിപ്പുമായി നടി മീനാക്ഷി. തന്റെ ചിത്രത്തിനു താഴെ ‘ത്ഫൂ’ എന്നു കമന്റിട്ടതിന്റെ സ്ക്രീന് ഷോട്ട് അടക്കമാണ് കുറിപ്പ്. ‘സൈബര് ഇടങ്ങളില് മലര്ന്നു കിടന്നു തുപ്പുന്നവര് അറിയാന് എന്ന തലക്കെട്ടോടെയാണ് കുറിപ്പ്. കുറിപ്പിന്റെ പൂര്ണരൂപം ‘മലര്ന്ന് കിടന്ന് തുപ്പുന്ന ഒരുവന്’ എന്നതുതന്നെ ക്യാപ്ഷന് ധാരാളം. എന്നാലും ‘സൈബര് ഇടങ്ങളില് മലര്ന്ന് കിടന്ന് തുപ്പുന്നവരറിയാന്’ എന്റെ മേലും അത് തെറിക്കാനിടയായാല് ചിലപ്പോള് എന്റെ അറിവുകള് എനിക്ക് പറയാനുള്ളത് മാത്രമല്ല മറിച്ച് പ്രവര്ത്തിക്കാനുള്ളതുകൂടിയാണ് എന്നെനിക്കറിയാമായിരുന്നുവെന്നതു കൂടി പ്രായം കൂടിയാലും അതിനൊപ്പം വ്യക്തിത്വ വികാസം ഉണ്ടായിട്ടില്ലാത്ത ‘തുപ്പരും, തെറിയരും, അശ്ലീലക്കാരും’ ഒക്കെ അറിയേണ്ടതായി വരും. പിന്നെ നിങ്ങളെപ്പോലുള്ളവര്ക്കൊരു സന്തോഷം ജയിലുകളില് ശമ്പളം കൂട്ടിയിരിക്കുന്നു എന്നതു മാത്രമാവും.. കണ്ടാല് യോഗ്യനെന്നു തോന്നുന്ന ഇയാളേപ്പോലെയുള്ളവര് നേര്ക്കുനേര് വരേണ്ടി വരുന്ന പൊതുവിടങ്ങളില് വളരെ മാന്യനും സംസ്കാര സമ്പന്നനും, ബഹുമാനമര്ഹിക്കുന്നവരുമൊക്കെയായി ആവും ഇവരുടെ പെരുമാറ്റം. അങ്ങനെയൊക്കെയുള്ള ഇമേജും ഇവര് ഉണ്ടാക്കിയെടുത്തിട്ടുണ്ടാവും. പക്ഷെ കെട്ടിപ്പൂട്ടിയ പ്രൊഫൈലുകളില്…
Read More »