World
-
കറങ്ങിയടിച്ചു കപ്പു വാങ്ങിയിട്ടൊന്നും കാര്യമില്ല! 73 രാജ്യങ്ങള് സന്ദര്ശിച്ചിട്ടും ഇന്ത്യയിലെ വിദേശ നിക്ഷേപം പത്തു വര്ഷത്തിനിടയിലെ ഏറ്റവും താഴ്ന്ന നിലയില്; 96 ശതമാനത്തിന്റെ ഇടിവെന്നു റിസര്വ് ബാങ്ക്; വരുന്നതിനേക്കാള് കൂടുതല് പുറത്തേക്ക് ഒഴുകുന്നു
ന്യൂഡല്ഹി: ഔദ്യോഗിക രേഖകള് നോക്കിയാല് 73 രാജ്യങ്ങളിലാണ് പ്രധാനമന്ത്രി ഇക്കാലത്തിനിടെ സന്ദര്ശനം നടത്തിയത്. ചെല്ലുന്നയിടങ്ങളില് ഔദ്യോഗിക ബഹുമതികള് നല്കിയെന്നു മാധ്യമങ്ങള്. ഇതു കൊണ്ടൊക്കെ എന്തു ഗുണമെന്നു ചോദിച്ചാല് ഇന്ത്യയുടെ സമ്പദ് രംഗത്തെ നിയന്ത്രിക്കുന്ന ആര്ബിഐ പോലും കൈമലര്ത്തും. ഇന്ത്യ ലോകത്തെ നാലാമത്തെ സമ്പദ് ശക്തിയായി മാറിക്കഴിഞ്ഞെന്നും നയ സ്ഥിരത, കറന്സി നിയന്ത്രണം എന്നിവയിലും രാജ്യം മുന്കാലത്തേക്കാള് മെച്ചപ്പെട്ട അവസ്ഥ കൈവരിച്ചുവെന്നുമാണ് മാധ്യമങ്ങള് ആഘോഷിക്കുന്നത്. ഇന്ത്യയില് നിക്ഷേപം നടത്താന് വിദേശ കമ്പനികള് ക്യൂവിലാണെന്നു പറയാനും അവര്ക്കു മടിയില്ല. പക്ഷേ, രാജ്യത്തെ റിസര്വ് ബാങ്ക് പുറത്തുവിടുന്ന കണക്കുകള് സംഘപരിവാര് പറയുന്നതില്നിന്ന് തികച്ചും വ്യത്യസ്മായ കണക്കുകളാണു ചൂണ്ടിക്കാട്ടുന്നത്. മോദിയുടെ ഭരണകാലത്ത് രാജ്യത്തേക്ക് എത്തിയതിനേക്കാള് കൂടുതല് മൂലധനം പുറത്തേക്കാണ് ഒഴുകിയതെന്നു റിസര്വ് ബാങ്ക് പറയുന്നു. 2000 മുതല് 2025 വരെയുള്ള കാലയളവില് മൂലധന ഒഴുക്കു സംബന്ധിച്ച കണക്കുകള് പരിശോധിക്കുമ്പോഴാണ് ഇന്ത്യയുടെയും ബിജെപിയുടെ സാമ്പത്തിക പദ്ധതികളെക്കുറിച്ചുമുള്ള യഥാര്ഥ ചിത്രം ലഭിക്കുന്നത്. 2023നും 2017നും ഇടയിലുള്ള കാലയളവ് മാറ്റി നിര്ത്തിയാല്…
Read More » -
റഷ്യയില്നിന്നുള്ള എണ്ണ ഇറക്കുമതി നിര്ത്തിയിട്ടില്ല, ദേശീയ താത്പര്യം കണക്കിലെടുത്ത് തുടരും; ട്രംപിന്റെയും രാജ്യാന്ത മാധ്യമങ്ങളുടെയും പ്രചാരണങ്ങള് തള്ളി; എണ്ണക്കപ്പലുകള് വഴിതിരിച്ചു വിട്ടെന്ന വാര്ത്തയോടു പ്രതികരിക്കാതെ കേന്ദ്ര സര്ക്കാര്
ന്യൂഡല്ഹി: റഷ്യയില്നിന്നുള്ള എണ്ണ ഇറക്കുമതിയില് ഒരു കുറവും വരുത്താന് ഉദ്ദേശിക്കുന്നില്ലെന്നു വ്യക്തമാക്കി സര്ക്കാര്. ഇന്ത്യ എണ്ണ ഇറക്കുമതി നിര്ത്തിവച്ചെന്ന വാര്ത്തകളോടു പ്രതികരിക്കുകയായിരുന്നു കേന്ദ്രസര്ക്കാരിന്റെ മുതിര്ന്ന ഉദ്യോഗസ്ഥന്. രാജ്യത്തിന്റെ തീരുമാനങ്ങള് വിപണിയുടെ ആവശ്യങ്ങള്ക്കനുസരിച്ചാണെന്നും അദ്ദേഹം വ്യക്തമാക്കി. നേരത്തേ, ഇന്ത്യ റഷ്യയില്നിന്നുള്ള ക്രൂഡ് ഓയില് ഇറക്കുമതി നിര്ത്തിവച്ചെന്ന റിപ്പോര്ട്ടുകള് ഉയര്ന്നിരുന്നു. ഇക്കാര്യം യുഎസ് പ്രസിഡന്റ് ട്രംപ് സ്വാഗതം ചെയ്തെന്നും രാജ്യാന്തര മാധ്യമങ്ങള് റിപ്പോര്ട്ട് ചെയ്തു. ഉയര്ന്ന താരിഫുകള് ഏര്പ്പെടുത്തുമെന്ന ട്രംപിന്റെ ഭീഷണിയെത്തുടര്ന്ന് ഇന്ത്യന് ഓയില് കോര്പറേഷന്, ഭാരത് പെട്രോളിയം, മാംഗ്ലോര് റിഫൈനറി ആന്ഡ് പെട്രോ കെമിക്കല്സ് എന്നിവ കഴിഞ്ഞയാഴ്ച ക്രൂഡ് ഓയില് വാങ്ങിയില്ലെന്നായിരുന്നു റോയിട്ടേഴ്സ് റിപ്പോര്ട്ട് ചെയ്തത്. ലോകത്തെ ഏറ്റവും വലിയ രണ്ടാമത്തെ ക്രൂഡ് ഓയില് ഉത്പാദക രാജ്യമാണ് റഷ്യ. ശരാശരി 9.5 മില്യണ് ബാരല് ക്രൂഡ് ആണ് പ്രതിദിന ഉത്പാദനം. ഇത് ആകെ ലോക ഉപഭോഗത്തിന്റെ 10 ശതമാനത്തോളം വരും. റഷ്യയാണ് ഏറ്റവും വലിയ രണ്ടാമത്തെ കയറ്റുമതിക്കാരും. പ്രതിദിനം 4.5 ദശലക്ഷം ബാരലാണ്…
Read More » -
എണ്ണ മാത്രമല്ല അണ്ണാ! ഇന്ത്യാ- റഷ്യ ബന്ധത്തില് ട്രംപിന്റെ അസ്വസ്ഥത; കാരണം വെളിപ്പെടുത്തി സ്റ്റേറ്റ് സെക്രട്ടറി
വാഷിംഗ്ടണ്: ഇന്ത്യ റഷ്യയില് നിന്നും പെട്രോളിയം ഉത്പന്നങ്ങള് വാങ്ങുന്നു എന്നത് മാത്രമല്ല അമേരിക്കന് പ്രസിഡന്റ് ഡോണള്ഡ് ട്രംപിന്റെ അസ്വസ്ഥതയ്ക്ക് കാരണമെന്ന് അമേരിക്കന് സ്റ്റേറ്റ് സെക്രട്ടറി മാര്ക്കോ റൂബിയോ. ഇന്ത്യ റഷ്യയില് നിന്ന് പെട്രോളിയം ഉത്പന്നങ്ങള് വാങ്ങുന്നത് യുക്രെയ്നുമായുള്ള യുദ്ധത്തെ സുസ്ഥിരപ്പെടുത്താന് മോസ്കോയെ സഹായിക്കുന്നു എന്നതാണ് അസ്വസ്ഥതയുടെ പ്രധാന കാരണമെന്നായിരുന്നു റൂബിയോയുടെ പ്രതികരണം. ഫോക്സ് റേഡിയോയ്ക്ക് നല്കിയ അഭിമുഖത്തിലായിരുന്നു മാര്ക്കോ റൂബിയോ നിലപാട് വ്യക്തമാക്കിയത്. പെട്രോളിയം ഉത്പന്നങ്ങള് വില്ക്കുന്ന മറ്റ് രാജ്യങ്ങള് ഉള്ളപ്പോഴും ഇന്ത്യ, റഷ്യയില് നിന്നും തുടര്ച്ചയായി എണ്ണ വാങ്ങുന്നതാണ് ട്രംപിനെ നിരാശപ്പെടുത്തതെന്നും റൂബിയോ പ്രതികരിച്ചു. ഈ പണം റഷ്യ, യുക്രെയ്ന് യുദ്ധത്തിന് ഉപയോ?ഗിക്കുന്നതും ട്രംപിന്റെ നിലപാടിന് കാരണമാണെന്നാണ് അമേരിക്കന് സ്റ്റേറ്റ് സെക്രട്ടറി ചൂണ്ടിക്കാണിക്കുന്നത്. ‘ഇന്ത്യയ്ക്ക് വലിയ നിലയിലുള്ള ഊര്ജ്ജാവശ്യങ്ങളുണ്ട്. മറ്റ് രാജ്യങ്ങള് ചെയ്യുന്നത് പോലെ സമ്പദ്ഘടനയെ ശക്തിപ്പെടുത്തുന്നതിനായി പെട്രോളും ഗ്യാസും കല്ക്കരിയും വാങ്ങാനുള്ള ശേഷിയും ഇന്ത്യയ്ക്കുണ്ട്. എന്നാല്, ഇന്ത്യ ഇത് വാങ്ങുന്നത് റഷ്യയില് നിന്നാണ്. റഷ്യന് പെട്രോളിയം ഉത്പന്നങ്ങള് ഉപരോധത്തിലുള്ളതും…
Read More » -
‘കണ്ടുനില്ക്കുന്നതു തന്നെ ഭയാനകം’; ഗാസയിലെ പട്ടിണി കാണുന്ന ബന്ദിയുടെ മെലിഞ്ഞുണങ്ങിയ ചിത്രം പുറത്തുവിട്ട് ഹമാസ്; തന്റെ മോചനത്തിന് ഇടപെടണമെന്ന് കേണപേക്ഷിച്ച് ഇസ്രയേലി- ജര്മന് വംശജന്; എത്ര ശക്തിയുള്ള മനുഷ്യനും തകര്ന്നു പോകുമെന്ന് കുടുംബം
ഗാസ: പട്ടിണിക്കിട്ടു വാടിത്തളര്ത്തിയ ഇസ്രയേലി-ജര്മന് ബന്ദിയുടെ ഞെട്ടിക്കുന്ന ദൃശ്യങ്ങള് പുറത്തുവിട്ട് ഇസ്ലാമിക് ജിഹാദി ഗ്രൂപ്പായ ഹമാസ്. 2023ല് ഇസ്രയേലില്നിന്ന് ഹമാസ് ബന്ദിയാക്കിയ റോം ബ്രസ്ലാവ്സ്കി (21)യുടെ ദൃശ്യങ്ങളാണ് പുറത്തുവന്നത്. ഗാസയില് പട്ടിണി പെരുകുന്നെന്ന വാര്ത്തകള്ക്കു പിന്നാലെയാണ് ദൃശ്യങ്ങളും ഹമാസ് പുറത്തുവിട്ടിരിക്കുന്നത്. ഗാസയിലെ പട്ടിണി പ്രതിസന്ധിയുടെ വീഡിയോ കാണുന്നതിനൊപ്പം തന്റെ മോചനത്തിനുവേണ്ടി ഇടപെടണമെന്ന് ഇസ്രയേല് സര്ക്കാരിനോടു കേണപേക്ഷിക്കുന്നതാണ് ദൃശ്യങ്ങള്. ആവശ്യത്തിനു ഭക്ഷണം ലഭിക്കാതെ വിളറി മെലിഞ്ഞ ബ്രസ്ലാവ്സ്കിയുടെ ദുരിതം ഞെട്ടലോടെയാണ് മാധ്യമങ്ങള് പ്രസിദ്ധീകരിച്ചിട്ടുള്ളത്. ഇതിനുമുമ്പും സമാനമായ വീഡിയോകള് ഹമാസ് പുറത്തുവിട്ടിട്ടുണ്ട്. ഏപ്രില് 16ന് പുറത്തുവന്ന വീഡിയോയില് രോഗം കൊണ്ടു വലയുന്ന ബന്ദിയുടെ ദൃശങ്ങളായിരുന്നു ഉള്പ്പെടുത്തിയത്. യുഎസ് പ്രസിഡന്റ് ട്രംപിനോടും ഇസ്രയേല് പ്രധാനമന്ത്രി നെതന്യാഹുവിനോടും തന്നെ മോചിപ്പിക്കണമെന്ന് അപേക്ഷിക്കുന്നതും ഇതില് വ്യക്തമായിരുന്നു. ഇപ്പോള് പുറത്തുവന്ന വീഡിയോയിലുള്ള റോം ബ്രസ്ലാവ്സ്കി, ഹമാസിന്റെ ആക്രമണം നടന്ന സമയത്ത് നോവ മ്യൂസിക് ഫെസ്റ്റിവലിന്റെ സുരക്ഷാ സംഘത്തില് ഉള്പ്പെട്ടയാളായിരുന്നു. ഇയാള് പിടിയിലാകുന്നതിനു മുമ്പുവരെ നിരവധിപ്പേരെ ആക്രമണങ്ങളില്നിന്നു രക്ഷിച്ചെന്നു ദൃക്സാക്ഷിയും വെളിപ്പെടുത്തിയിരുന്നു.…
Read More » -
റഷ്യക്കു സമീപത്തേക്ക് രണ്ട് ആണവ അന്തര് വാഹിനികള് അയച്ചെന്നു ട്രംപ്; റഷ്യന് മുന് പ്രസിഡന്റിന്റെ ഭീഷണിക്കു മറുപടിയായി സോഷ്യല് മീഡിയയില് യുഎസ് പ്രസിഡന്റിന്റെ വെളിപ്പെടുത്തല്; പ്രതികരിക്കാതെ പുടിന്
ന്യൂയോര്ക്ക്: മുന് പ്രസിഡന്റിന്റെ ഭീഷണിക്കു പിന്നാലെ രണ്ട് ആണവ മുങ്ങിക്കപ്പലുകള് റഷ്യക്കു സമീപത്തേക്ക് അയയ്ക്കാന് ഉത്തരവിട്ടെന്ന് യുഎസ് പ്രസിഡന്റ് ഡോണള്ഡ് ട്രംപ്. യുക്രൈനുമായുള്ള യുദ്ധത്തിന്റെ പേരില് റഷ്യന് പ്രസിഡന്റ് വ്ളാദിമിര് പുടിനുമായി ഇടഞ്ഞു നില്ക്കുന്ന ട്രംപിന്റെ പുതിയ നീക്കം ആശങ്കയോടെയാണു ലോകം വീക്ഷിക്കുന്നത്. സൈനിക നീക്കങ്ങളെക്കുറിച്ചു പെന്റഗണ് ഇതുവരെ കാത്തുസൂക്ഷിച്ചിരുന്ന രഹസ്യാത്മകതയ്ക്കു വിരുദ്ധമായിട്ടാണ് ട്രംപിന്റെ പ്രസ്താവന. മുന് റഷ്യന് പ്രസിഡന്റും സുരക്ഷാ കൗണ്സിലിന്റെ ചെയര്മാനുമായ ദിമിത്രി മെദ്വദേവുമായുള്ള വാക്കു തര്ക്കത്തിനു പിന്നാലെയാണ് ട്രംപിന്റെ വെളിപ്പെടുത്തല്. യുക്രൈന് യുദ്ധത്തില് ട്രംപിന്റെ നിലപാടുകള് മയപ്പെടുത്തണമെന്നും ന്യൂക്ലിയര് ആയുധങ്ങള് റഷ്യക്കുണ്ടെന്നു മറക്കരുതെന്നുമായിരുന്നു മെദ്വദേവിന്റെ പ്രസ്താവന. ഇതിനു പിന്നാലെയാണ് തന്റെ സോഷ്യല് മീഡിയ പ്ലാറ്റ് ഫോമിലൂടെ ട്രംപിന്റെ പുതിയ വെളിപ്പെടുത്തല്. യുക്രൈനുമായുള്ള വെടിനിര്ത്തല് കരാറിനായി റഷ്യന് പ്രസിഡന്റിനുമേല് കുറച്ചു കാലമായി അതീവ സമ്മര്ദം ചെലുത്തുകയാണു ട്രംപ്. എന്നാല്, ഇതു പരിഗണിക്കുന്നതിനു പകരം ആക്രമണം കടുപ്പിക്കുകയാണു റഷ്യ ചെയ്യുന്നത്. വെടി നിര്ത്തലിനായി പത്തു ദിവസത്തെ സമയമാണു ട്രംപ് നല്കിയത്.…
Read More » -
വീണ്ടും പട്ടിണി മരണം: ഗാസയിലെ ഭക്ഷണവിതരണ കേന്ദ്രം സന്ദര്ശിച്ച് യുഎസ് പ്രതിനിധി സംഘം; സഹായവിതരണ സംവിധാനം മെച്ചപ്പെടുത്തും
ജറുസലം: റഫയിലെ ഭക്ഷണവിതരണ കേന്ദ്രം സന്ദര്ശിച്ച് ട്രംപിന്റെ പ്രതിനിധി സ്റ്റീവ് വിറ്റ്കോഫ്. ഗാസയില് പട്ടിണി മരണം പടരുന്നതിനിടെ, ഇസ്രയേല് നിയോഗിച്ച കരാറുകാരായ ഗാസ ഹ്യുമാനിറ്റേറിയന് ഫൗണ്ടേഷന് (ജിഎച്ച്എഫ്) നടത്തുന്ന കേന്ദ്രമാണ് ട്രംപിന്റെ പ്രതിനിധി സന്ദര്ഷിച്ചത്. സഹായവിതരണ സംവിധാനം മെച്ചപ്പെടുത്താനാണ് സന്ദര്ശനമെന്ന് വിറ്റ്കോഫ് പറഞ്ഞു. ഇസ്രയേലിലെ യുഎസ് അംബാസഡര് മൈക്ക് ഹക്കബീയും ഒപ്പമുണ്ടായിരുന്നു. സംഘര്ഷം ആരംഭിച്ച ശേഷം ഗാസ സന്ദര്ശിക്കുന്ന ആദ്യ യുഎസ് ഉന്നത ഉദ്യോഗസ്ഥനാണ് സ്റ്റീവ് വിറ്റ്കോഫ്. യുഎസ് സംഘം മടങ്ങിയതിന് പിന്നാലെ, റഫയിലെ ജിഎച്ച്എഫിന്റെ കേന്ദ്രത്തിന് സമീപം ഇസ്രയേല് സൈന്യം നടത്തിയ വെടിവയ്പില് 3 പാലസ്തീന്കാര് കൊല്ലപ്പെട്ടിരുന്നു. ഭക്ഷണകേന്ദ്രങ്ങളില് 3 മാസത്തിനിടെ 1383 പലസ്തീന്കാരാണ് വെടിയേറ്റ് മരിച്ചത്. 9218 പേര്ക്ക് പരുക്കേല്ക്കുകയും ചെയ്തു. അതിനിടെ, ഇന്നലെ 2 കുഞ്ഞുങ്ങളും ഒരു യുവാവും പട്ടിണിമൂലം മരിച്ചതായി ആശുപത്രി അധികൃതര് അറിയിച്ചു. ഇതോടെ ഗാസയിലെ പട്ടിണിമരണം 89 കുട്ടികളടക്കം 154 ആയി. കടുത്ത പോഷകാഹാരക്കുറവു നേരിടുന്ന കുട്ടികളെ കണ്ടെത്താനായി ഇന്റര്നാഷനല് മെഡിക്കല് കോര്…
Read More » -
അമേരിക്കന് വിലക്കില് പണികിട്ടി തുടങ്ങിയോ? റഷ്യയില്നിന്ന് ഇന്ത്യയിലേക്കു വന്ന മൂന്ന് എണ്ണക്കപ്പലുകള് വഴിതിരിച്ചുവിട്ടു; റിലയന്സിനും ഭാരത് പെട്രോളിയത്തിനും തിരിച്ചടി; പുറപ്പെടാനിരിക്കുന്ന രണ്ടു കപ്പലുകള്ക്ക് യൂറോപ്യന് യൂണിയന്റെയും വിലക്ക്; പെട്രോള് വില ഉയരുമെന്ന ആശങ്ക
ന്യൂഡല്ഹി/മോസ്കോ: അമേരിക്കന് വിലക്കിനെത്തുടര്ന്ന് ഇന്ത്യന് റിഫൈനറികള് ലക്ഷ്യമിട്ട് എത്തിയ മൂന്ന് റഷ്യന് എണ്ണക്കപ്പലുകള് വഴിതിരിച്ചുവിട്ടെന്നു റിപ്പോര്ട്ട്. റഷ്യന് എണ്ണയുടെ വ്യാപാരം നടത്തിയിരുന്ന ഇറാന് ബന്ധമുള്ള 115 വ്യക്തികള്ക്കും സ്ഥാപനങ്ങള്ക്കും കപ്പലുകള്ക്കും ഈയാഴ്ചയാണ് യുഎസ് ട്രഷറി ഡിപ്പാര്ട്ട്മെന്റ് വിലക്ക് ഏര്പ്പെടുത്തിയത്. ഈ പരിധിയില് ഉള്പെട്ട കപ്പലുകളാണു വഴിമാറിയതെന്ന് ഇതുമായി ബന്ധപ്പെട്ട സോഴ്സുകളെ ഉദ്ധരിച്ചു റോയിട്ടേഴ്സ് റിപ്പോര്ട്ട് ചെയ്തു. നേരത്തേ, റഷ്യയില്നിന്നുള്ള എണ്ണ വാങ്ങുന്നതില്നിന്ന് ഇന്ത്യയടക്കമുള്ള രാജ്യങ്ങള്ക്കു മുന്നറിയിപ്പു നല്കിയ യുഎസ് പ്രസിഡന്റ് ഡോണള്ഡ് ട്രംപ്, യുക്രൈനുമായി സമാധാനക്കരാര് ഒപ്പിട്ടില്ലെങ്കില് റഷ്യക്കു നൂറു ശതമാനം നികുതി ചുമത്തുമെന്നും ഭീഷണി മുഴക്കിയിരുന്നു. അഫ്രാമാക്സസ് ടാഗോര്, ഗ്വാന്യിന്, സ്യൂസ്മാക്സ് ടസോസ് എന്നീ കപ്പലുകളാണ് റഷ്യന് എണ്ണയുമായി പുറപ്പെട്ടത്. ഈമാസം ഇന്ത്യന് തുറമുഖങ്ങളില് എത്തുമെന്നായിരുന്നു വിവരം. ഈ മൂന്നു കപ്പലുകളും അമേരിക്കന് ഉപരോധത്തില് ഉള്പ്പെട്ടതാണ്. ചെന്നൈ തുറമുഖം ലക്ഷ്യമിട്ടാണ് ടാഗോര് പുറപ്പെട്ടത്. ഇന്ത്യയുടെ പടിഞ്ഞാറന് തുറമുഖങ്ങളെ ലക്ഷ്യമിട്ടാണു മറ്റു രണ്ടു കപ്പലുകളും പുറപ്പെട്ടതെന്നു ട്രേഡ് സോഴ്സുകളും റഷ്യന് തുറമുഖ…
Read More » -
പ്രതീക്ഷയില്നിന്ന് പടുകുഴിയിലേക്ക്; ബംഗ്ലാദേശില് ഷേഖ് ഹസീന യുഗം അവസാനിച്ചിട്ട് ഒരുവര്ഷം; ബാക്കിയാകുന്നത് ബലാത്സംഗവും ആള്ക്കൂട്ട ആക്രമണങ്ങളും ന്യൂനപക്ഷ പീഡനങ്ങളും കൊടികുത്തി വാഴുന്ന തെരുവുകള്; അധികാരത്തിന്റെ മത്തില് നിയമവാഴ്ച മറന്ന ഡോ. യൂനിസ് ഖാന്; ജനാധിപത്യം ഇനിയുമകലെ
ധാക്ക: ബംഗ്ലാദേശിന്റെ രാഷ്ട്രീയ ഭൂപടത്തെയാകെ അടിമുടി അട്ടിമറിച്ച വിദ്യാര്ഥി കലാപത്തിന് ജൂലൈയില് ഒരു വര്ഷം പിന്നിട്ടു. ബംഗ്ലാദേശിനെ അതിന്റെ ഗര്ഭത്തില്തന്നെ പിടിച്ചുലച്ച കലാപത്തിലൂടെ, 15 വര്ഷം നീണ്ട ഷേഖ് ഹസീനയുടെ ഭരണം അവസാനിച്ചു. ചിലര്ക്കിത് ഒരു രാഷ്ട്രീയ മാറ്റം മാത്രമായിരുന്നു. മറ്റു ചിലര്ക്ക് പ്രതീക്ഷാ നിര്ഭരമായ ജനാധിപത്യത്തിലേക്കുള്ള ‘രണ്ടാം സ്വാതന്ത്ര്യ’ സമരവും. നോബേല് ജേതാവും എഴുത്തുകാരനുമൊക്കെയായ ഡോ. മുഹമ്മദ് യൂനിസിന്റെ നേതൃത്വത്തില് ഇടക്കാല സര്ക്കാര് 2024 ഓഗസ്റ്റ് എട്ടിന് അധികാരമേറ്റു. നിയമവാഴ്ച പുനസ്ഥാപിക്കുക, രാജ്യത്തിന്റെ ഭരണസംവിധാനത്തെയാകെ നവീകരിക്കുക, ബംഗ്ലാദേശിനെ സ്വതന്ത്രവും നീതിയുക്തവുമായ ജനാധിപത്യപരമായ തെരഞ്ഞെടുപ്പിലേക്കു നയിക്കുക എന്നിങ്ങനെ നിരവധി ലക്ഷ്യങ്ങള് അദ്ദേഹത്തിനു കല്പിച്ചുകൊടുത്തു. ഷേഖ് ഹസീനയുടെ ഏകാധിപത്യ ഭരണത്തില്നിന്നും ശുദ്ധവായു ശ്വസിക്കാന് കഴിയുന്ന രാജ്യമാക്കി മാറ്റാനുള്ള മാതൃകാ സംവിധാനമായി യൂനിസ് ഖാന് ഭരണകൂടത്തെ ജനം കണ്ടു. പക്ഷേ, പ്രതീക്ഷകളെല്ലാം മധുവിധു കാലത്തുതന്നെ അസ്തമിച്ചു. ഭരണസ്ഥിരത അരക്കിട്ടുറപ്പിക്കുന്നതിനു പകരം അത്യഗാധമായ രാഷ്ട്രീയ കുഴമറിച്ചിലുകളിലേക്കും ജനങ്ങളുടെ അവിശ്വാസത്തിലേക്കും ഭരണപരമായ കുത്തഴിച്ചിലുകളിലേക്കുമാണു ആ രാജ്യം ചെന്നു…
Read More » -
‘ഒരു മാസം ഒരു സമാധാനക്കരാര്’: സമാധാന നൊബേല് ട്രംപിന് കൊടുക്കണം-ശുപാര്ശ ചെയ്ത് കംബോഡിയയും; അര്ഹനെന്ന് വൈറ്റ് ഹൗസും
ബാങ്കോക്ക്: സമാധാന നൊബേല് പുരസ്കാരത്തിന് ഡൊണാള്ഡ് ട്രംപിന്റെ പേര് ശുപാര്ശ ചെയ്യുമെന്ന് വ്യക്തമാക്കി കംബോഡിയ. തായ്ലന്ഡുമായുള്ള സംഘര്ഷം അവസാനിപ്പിക്കാന് ട്രംപ് നേരിട്ട് നടത്തിയ ഇടപെടല് ചൂണ്ടിക്കാട്ടിയാണ് ശുപാര്ശ ചെയ്യുന്നതെന്ന് കംബോഡിയന് ഉപപ്രധാനമന്ത്രി സണ് ചന്തോല് പറഞ്ഞു. അതിനിടെ ഇന്ത്യയും പാക്കിസ്ഥാനും തമ്മിലുള്ളത് അടക്കം ലോകമെമ്പാടും ഒട്ടേറെ സംഘര്ഷങ്ങള് അവസാനിപ്പിച്ച യുഎസ് പ്രസിഡന്റ് ഡൊണാള്ഡ് ട്രംപിന് സമാധാന നൊബേല് സമ്മാനം നല്കണമെന്ന് വൈറ്റ് ഹൗസ് പ്രസ് സെക്രട്ടറി കാരലിന് ലെവിറ്റും വ്യക്തമാക്കി. അധികാരമേറ്റ ശേഷം കഴിഞ്ഞ 6 മാസത്തിനിടെ, ഒരു മാസം ഒരു സമാധാനക്കരാര് എന്ന നിലയിലാണ് ട്രംപിന്റെ മധ്യസ്ഥത ഫലം കണ്ടതെന്നും തായ്ലന്ഡ്- കംബോഡിയ, ഇറാന്-ഇസ്രയേല്, റുവാണ്ട-കോംഗോ, ഈജിപ്ത്-എത്യോപ്യ തുടങ്ങിയ സംഘര്ഷങ്ങള് ട്രംപ് ഇടപെട്ട് അവസാനിപ്പിച്ചെന്നും കാരലിന് വാര്ത്താ സമ്മേളനത്തില് അവകാശപ്പെട്ടു. യു.എസ് മധ്യസ്ഥത വഹിച്ച ചര്ച്ചയ്ക്കൊടുവിലാണ് ഇന്ത്യ-പാക്ക് സംഘര്ഷം അവസാനിച്ചതെന്ന് മെയ് 10 ന് സമൂഹമാധ്യമത്തിലൂടെയാണ് ട്രംപ് ആദ്യം അവകാശപ്പെട്ടത്. മൂന്നാംകക്ഷിയുടെ ഇടപെടല് ഇന്ത്യ നിഷേധിച്ചെങ്കിലും യുഎസ് പ്രസിഡന്റ് ഇക്കാര്യം…
Read More » -
ഉല്പ്പന്നങ്ങള്ക്ക് അധിക തീരുവ: ഉത്തരവില് ഒപ്പുവച്ച് ഡൊണാള്ഡ് ട്രംപ്; ട്രംപുമായി ചര്ച്ച തുടരാന് ഇന്ത്യ; 68 രാജ്യങ്ങളെ ഇത് ബാധിക്കും
വാഷിംഗ്ടണ്: ഉല്പ്പന്നങ്ങള്ക്ക് അധിക തീരുവ ചുമത്താനുള്ള ഉത്തരവില് അമേരിക്കന് പ്രസിഡന്റ് ഡൊണാള്ഡ് ട്രംപ് ഒപ്പുവച്ചു. ഓഗസ്റ്റ് 7 മുതല് ഉത്തരവ് പ്രാബല്യത്തില് വരും. 10 സതമാനം മുതല് 41 ശതമാനം വരെ അധിക തീരുവ ചുമത്താനാണ് നീക്കം. യൂറോപ്യന് യൂണിയന് അടക്കം 68 രാജ്യങ്ങളെ ഇത് ബാധിക്കും. ഏറ്റവും ഉയര്ന്ന തീരുവ സിറിയയ്ക്കാണ് ചുമത്തിയിരിക്കുന്നത് 41 ശതമാനം. ഇന്ത്യയില് നിന്ന് ഇറക്കുമതി ചെയ്യുന്ന ഉല്പന്നങ്ങള്ക്ക് 25 ശതമാനം തീരുവയും അതിനുമേല് പിഴയും ഏര്പ്പെടുത്തിയിട്ടുണ്ട്. അതേസമയം തീരുവ ചുമത്താനുള്ള തീരുമാനത്തിനെതിരെ കാനഡ ഉള്പ്പെടെയുള്ള രാജ്യങ്ങള് രംഗത്തെത്തി. വ്യാപാര ചര്ച്ചകളില് അന്തിമധാരണയാകാത്ത സാഹചര്യത്തില് ഇന്ത്യയ്ക്കെതിരെ അധികതീരുവ ചുമത്തുമെന്ന് ഡൊണാള്ഡ് ട്രംപ് പ്രഖ്യാപിച്ചിരുന്നു. യുഎസ് വിലക്ക് ലംഘിച്ചു റഷ്യയില് നിന്ന് എണ്ണയും ആയുധങ്ങളും വാങ്ങുന്നത് ട്രംപിനെ പ്രകോപിപ്പിച്ചിരുന്നു. കാര്യങ്ങള് ശരിയായ ദിശയിലല്ല പോകുന്നതെന്നും അതിനാലാണ് നടപടിയെന്നും ട്രംപ് സമൂഹമാധ്യമത്തില് നേരത്തെ വ്യക്തമാക്കിയിരുന്നു. ഇന്ത്യ-യുഎസ് ചര്ച്ച അഞ്ച് വട്ടം കഴിഞ്ഞിരുന്നു. അടുത്ത ചര്ച്ച ഓഗസ്റ്റ് മധ്യത്തില് നടത്താനും…
Read More »