Local
-
വനിത ജീവനക്കാർക്ക് അശ്ലീല സന്ദേശങ്ങള് അയച്ചു, മാസികമായും തൊഴിൽപരമായും പീഡിപ്പിച്ചു; ഡെപ്യൂട്ടി റേഞ്ച് ഓഫീസറെ സസ്പെന്ഡ് ചെയ്തു
പൈനാവ്: വനിതാ ജീവനക്കാരെ മാനസികമായും തൊഴിൽ പരമായും പീഡിപ്പിച്ചെന്ന പരാതിയില് ഡെപ്യൂട്ടി റേഞ്ച് ഓഫീസര് കെ സി വിനോദിനെ സസ്പെന്ഡ് ചെയ്തു. ഇടുക്കി നഗരംപാറ വനം വകുപ്പ് റേഞ്ചിലെ രണ്ട് വനിത ജീവനക്കാരുടെ പരാതിക്കു പിന്നാലെയാണ് നടപടി. അപമര്യാദയായി പെരുമാറിയെന്നും അശ്ലീല സന്ദേശങ്ങള് അയച്ചെന്നും കാണിച്ചുകൊണ്ടാണ് ഇരുവരും പൊലീസിന് പരാതി നല്കിയത്. ഡെപ്യൂട്ടി റേഞ്ച് ഓഫീസര് കെ.സി വിനോദ് മാനസികമായി പീഡിപ്പിക്കുന്നുവെന്നും അശ്ലീല സന്ദേശങ്ങള് അയക്കുന്നുവെന്നും ഉള്പ്പെടെയുള്ള കാര്യങ്ങള് ചൂണ്ടിക്കാട്ടിയാണ് നഗരംപാറ റേഞ്ച് ഓഫീസിലെ രണ്ട് വനിത ബീറ്റ് ഫോറസ്റ്റ് ഓഫീസര്മാര് പരാതി നല്കിയത്. അശ്ലീല സംഭാഷണം എതിര്ത്തതോടെ തൊഴിൽപരമായി ഉപദ്രവിക്കാന് തുടങ്ങിയെന്നും പരാതിയിലുണ്ട്. സംഭവത്തില് ഇന്റേണല് കംപ്ലയിന്റ് കമ്മിറ്റിയും കോട്ടയം ഡി.എഫ്.ഒയും പ്രാഥമിക അന്വേഷണം നടത്തി. ഇതിനൊപ്പം പാല്ക്കുളംമേട് ഭാഗത്ത് വനഭൂമിയിലൂടെ റോഡ് നിര്മ്മിച്ചത് അറിഞ്ഞിട്ടും നടപടിയെടുത്തില്ലെന്ന് കോട്ടയം ഡി.എഫ്.ഒ റിപ്പോര്ട്ട് നല്കിയിരുന്നു. രണ്ടു വിഷയങ്ങള് കൂടി പരിഗണിച്ചാണ് വനംവകുപ്പ് അഡീഷനല് പ്രിന്സിപ്പല് സി സി എഫ് ഡോ.…
Read More » -
റാന്നിയിൽ ചികിത്സാ പിഴവിനെ തുടർന്ന് മരിച്ച 6 വയസുകാരൻ ആരോണിന്റെ സംസ്കാരം നാളെ
റാന്നി: ചികിത്സാ പിഴവിനെ തുടർന്ന് റാന്നിയിലെ സ്വകാര്യ ആശുപത്രിയിൽ മരിച്ച ആറുവയസുകാരന്റെ സംസ്കാരം നാളെ നടക്കും. റാന്നി അയിരൂര് പ്ലാങ്കമണ് തേക്കുങ്കല് മൈലാടുംപാറ വിജയന്റെയും ഷേര്ളിയുടെയും മകന് ആരോണ് വി. വര്ഗീസ് (6) ആണ് മരിച്ചത്. പ്ലാങ്കമണ് സര്ക്കാര് എല്.പി സ്കൂള് വിദ്യാര്ഥിയായിരുന്നു. കൂട്ടുകാരുമൊത്ത് സ്കൂളില് കളിക്കുന്നതിനിടെ വീണ് പരിക്കേറ്റ കുട്ടിയെ വെള്ളിയാഴ്ച ഉച്ചകഴിഞ്ഞാണ് ആശുപത്രിയില് പ്രവേശിപ്പിച്ചത്. എക്സറേയില് കൈക്ക് പൊട്ടലുണ്ടെന്ന് കണ്ടെത്തിയതിനെ തുടർന്ന് വൈകിട്ട് ആറരയോടെ ഓപ്പറേഷനായി തീയേറ്ററില് പ്രവേശിപ്പിക്കുകയായിരുന്നു. തുടർന്ന് കുട്ടിക്ക് ഓപ്പറേഷന് വേണ്ടി അനസ്തേഷ്യ കൊടുത്തതോടെ ആരോഗ്യ നില വഷളാകുകയും മരണപ്പെടുകയുമായിരുന്നു. വിവരമറിഞ്ഞ് കുട്ടിയുടെ ബന്ധുക്കളും നാട്ടുകാരും തടിച്ചുകൂടിയതോടെ ആശുപത്രിയില് സംഘർഷവുമുണ്ടായി. ആശുപത്രിയില് വൻ പോലീസ് കാവലാണ് ഏർപ്പെടുത്തിയിരിക്കുന്നത്. സംഭത്തില് പോലീസ് കേസെടുത്തിട്ടുണ്ട്. അതേസമയം കുട്ടിക്ക് ന്യുമോണിയ ആയിരുന്നെന്നും തിരുവല്ലയിലെ ഒരു സ്വകാര്യ ആശുപത്രിയിൽ ചികിത്സയിലായിരുന്നെന്നും ഇത് തങ്ങളോട് പറഞ്ഞിരുന്നില്ലെന്നുമാണ് റാന്നിയിലെ സ്വകാര്യ ആശുപത്രി അധികൃതർ വിശദീകരിക്കുന്നത്. സംഭവത്തെ തുടർന്ന് ആശുപത്രിയിലേക്ക് ഡിവൈഎഫ്ഐ നടത്തിയ…
Read More » -
സ്കൂട്ടർ ഓടയ്ക്കുള്ളിലേക്ക് വീണ് യാത്രികന് ദാരുണാന്ത്യം, കോട്ടയം മണർകാടാണ് സംഭവം
കോട്ടയം മണർകാട് സ്കൂട്ടർ ഓടയ്ക്കുള്ളലേക്ക് വീണ് യാത്രികന് ദാരുണാന്ത്യം. മണർകാട് സ്വദേശി പുതുപ്പറമ്പിൽ അനി (ബിനു -55) ആണ് മരിച്ചത്. ഇന്ന് (വെള്ളി) വൈകിട്ട് 7.30 ഓടെയാണ് സംഭവം. സ്കൂട്ടറിന്റെ ടയർ മാത്രം ഓടയ്ക്കു മുകളിൽ ഉയർന്നുനിൽക്കുന്നത് കണ്ട് നാട്ടുകാർ പരിശോധിച്ചപ്പോഴാണ് അപകടം പുറത്തറിഞ്ഞത്. ഉടൻതന്നെ വാഹനമുയർത്തി അനിയെ പുറത്തെടുത്ത് സമീപത്തെ സ്വകാര്യ ആശുപത്രിയിൽ എത്തിച്ചുവെങ്കിലും മരിച്ചിരുന്നു. ദേശീയപാത 183 -ൽ മണർകാട് ഐരാറ്റുനട തലപ്പാടി റോഡ് ആരംഭിക്കുന്ന ഭാഗത്താണ് അപകടമുണ്ടായത്. വിദേശത്തായിരുന്ന അനി, മടങ്ങിയെത്തിയ ശേഷം പ്ലംബിംഗ് കോൺട്രാക്ടറായി പ്രവർത്തിക്കുകയായിരുന്നു. തലപ്പാടി എൽ.പി സ്കൂളിലെ അധ്യാപിക ആൻസിയാണ് ഭാര്യ. മക്കൾ: ഫെനി , കെവിൻ
Read More » -
വസ്ത്രശാല ഉടമ കുഴഞ്ഞുവീണ് മരിച്ചു
വസ്ത്രക്കട ഉടമ കുഴഞ്ഞുവീണ് മരിച്ചു. കാസർകോട്ടെ പ്രശസ്തമായ ബ്രാൻഡ് എന്ന സ്ഥാപനത്തിന്റെ ഉടമസ്ഥരിൽ ഒരാളായ മഹ്മൂദ് (42) ആണ് മരിച്ചത്. ഇന്നലെ (ചൊവ്വ) വൈകീട്ടായിരുന്നു സംഭവം. കടയിൽ വെച്ച് ശാരീരിക അസ്വസ്ഥത അനുഭവപ്പെട്ടതിനെ തുടർന്ന് ആശുപത്രിയിലേക്ക് സ്വയം വാഹനം ഓടിച്ചു പോയെങ്കിലും വഴിമധ്യേ കുഴഞ്ഞുവീണു. ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു. വലിയൊരു സുഹൃദ് വലയത്തിന് ഉടമയായ മഹ്മൂദിന്റെ ആകസ്മിക വിയോഗം അദ്ദേഹത്തെ അടുത്തറിയാവുന്നവർക്കും നാട്ടിനും കണ്ണീരായി. ജനുവരി 28ന് കാസർകോട് ഗവ. കോളജിൽ സംഘടിപ്പിച്ച ‘കിനാവിലെ ജി സി കെ’ പൂർവവിദ്യാർഥി സംഗമത്തിലും സജീവ സാന്നിധ്യമായിരുന്നു. മൃതദേഹം ഇന്ന് (ബുധൻ) രാവിലെ ഏഴ് മണിക്ക് മൊഗ്രാൽ വലിയ ജുമാ മസ്ജിദ് ഖബർസ്ഥാനിൽ ഖബറടക്കും.
Read More » -
ഇൻകംടാക്സ് അധികൃതർ കുട്ടികളുടെ ലൈബ്രറി പാർക്കിൽ മരങ്ങൾ വെച്ചു പിടിപ്പിച്ചു
കോട്ടയത്തെ കുട്ടികളുടെ ലൈബ്രറി പാർക്കിൽ കേന്ദ്ര സർക്കാർ ‘സ്വച്ചതാ പക്കഡ ‘കാമ്പയിന്റെ ഭാഗമായി ഇൻകം ടാക്സ് ഡിപ്പാർട്ട്മെന്റ് അധികൃതർ മരങ്ങൾ വച്ചു പിടിപ്പിച്ചു. കോട്ടയം ഇൻകംടാക്സ് ജോയിന്റ് കമ്മീഷണർ സി.ഒ ഫ്രാൻസിസ്, അസിസ്റ്റന്റ് കമ്മീഷണർ റാംകുമാർ, ഇൻകടാക്സ് ഓഫീസർ ജോർജ് ഡാനിയൽ, കു ട്ടികളുടെ ലൈബ്രറി ചെയർമാൻ എബ്രഹാം ഇട്ടിച്ചെറിയ, എക്സിക്യൂട്ടീവ് ഡയറക്ടർ വി.ജയകുമാർ, പബ്ലിക് ലൈബ്രറി സെക്രട്ടറി ഷാജി വേങ്കടത്ത്, എക്സിക്യൂട്ടീവ് സെക്രട്ടറി കെ.സി വിജയകുമാർ തുടങ്ങിയവർ നേതൃത്വം നൽകി.
Read More » -
കാറിനു മുകളിലേക്ക് ചാടി കാട്ടുപോത്ത്; കാട്ടുപോത്ത് ചത്തെങ്കിൽ കാർ ഉടമയ്ക്കെതിരേ കേസ് രജിസ്റ്റർ ചെയ്യുമെന്ന് വനംവകുപ്പ്
എരുമേലി: ഓടിക്കൊണ്ടിരുന്ന കാറിനു മുകളിലേക്ക് വനത്തില്നിന്ന് പാഞ്ഞെത്തിയ കാട്ടുപോത്ത് എടുത്തുചാടി. ബോണറ്റ് തകര്ന്ന് നിയന്ത്രണം തെറ്റിയ കാറില്നിന്നു യാത്രക്കാർ അദ്ഭുതകരമായി രക്ഷപ്പെട്ടു. ഇന്നലെ എരുമേലി-പമ്ബ ശബരിമല പാതയില് കണമല കഴിഞ്ഞ് പഞ്ചാരമണല് ഭാഗത്തായിരുന്നു സംഭവം. തുലാപ്പള്ളി സ്വദേശികളായ തിനയപ്ലാക്കല് ഷിനു, പയ്യാനിപ്പള്ളി ശശി എന്നിവര് ആങ്ങമൂഴിയിലുള്ള ബന്ധുവീട്ടിലേക്ക് പോകാൻ കാറില് സഞ്ചരിക്കുമ്ബോഴാണ് കാട്ടുപോത്ത് കാറിനു മുകളിലേക്ക് ചാടിയത്. കാറിന്റെ ബോണറ്റ് തകര്ന്നെങ്കിലും ഗ്ലാസ് തകർന്നില്ല. ഭാഗ്യംകൊണ്ടാണ് തങ്ങള് രക്ഷപ്പെട്ടതെന്ന് ഇവര് പറഞ്ഞു. അതേസമയം സംഭവത്തില് കാർ യാത്രികർക്ക് നഷ്ടപരിഹാരം അനുവദിക്കാനാകില്ലെന്ന് വനംവകുപ്പ് അറിയിച്ചു. അപകടത്തില് കാട്ടുപോത്ത് ചത്തിരുന്നുവെങ്കില് കാർ ഉടമയ്ക്കെതിരേ കേസ് രജിസ്റ്റർ ചെയ്യേണ്ട നിലയിലാണ് നിയമമെന്നും വനംവകുപ്പ് ഉദ്യോഗസ്ഥർ പറഞ്ഞു. വനംവകുപ്പിന്റെ ഈ നിലപാടിനെതിരേ പ്രതിഷേധം ഉയർന്നിട്ടുണ്ട്. വന്യമൃഗങ്ങള് മൂലമുണ്ടാകുന്ന അപകടങ്ങള്ക്ക് വനംവകുപ്പില്നിന്ന് നഷ്ടപരിഹാരം അനുവദിക്കാൻ വ്യവസ്ഥയുണ്ടെങ്കിലും വാഹനങ്ങളുടെ കേടുപാട് പരിഹരിക്കാനുള്ള വ്യവസ്ഥ ഇല്ലെന്നാണ് ഉദ്യോഗസ്ഥർ പറയുന്നത്.
Read More » -
റാന്നിയിലെ ധർമോസ് ഫിഷ് ഹബ് അടച്ചുപൂട്ടാൻ നോട്ടീസ്
റാന്നി: ചെത്തോങ്കരയിൽ പ്രവർത്തിച്ചു വന്നിരുന്ന ധർമോസ് ഫിഷ് ഹബിന് പഞ്ചായത്തിന്റെ നോട്ടീസ്.നാട്ടുകാരുടെ പരാതിയെത്തുടർന്ന് പഴവങ്ങാടി പഞ്ചായത്താണ് നടപടി സ്വീകരിച്ചത്. പഴകിയതും ചീഞ്ഞതുമായ മത്സ്യങ്ങൾ വിൽക്കുന്നതിനെപ്പറ്റി നാട്ടുകാർ ഫേസ്ബുക്കിൽ കുറിപ്പിട്ടിരുന്നു. തുടർന്നായിരുന്നു പഞ്ചായത്തിന്റെ നടപടി.അനധികൃതമായാണ് ഇവർ കച്ചവടം നടത്തിയിരുന്നതെന്ന് ഗ്രാമപഞ്ചായത്ത് പ്രസിഡന്റ് അനിത അനിൽകുമാർ പറഞ്ഞു. വൈസ് പ്രസിഡന്റ് ജോൺ എബ്രഹാം, ഗ്രാമപഞ്ചായത്തിലെ മറ്റ് ഉദ്യോഗസ്ഥർ എന്നിവർ ഒപ്പമുണ്ടായിരുന്നു.
Read More » -
മുണ്ടക്കയത്ത് സിപിഐഎം അംഗങ്ങൾ കോൺഗ്രസിൽ ചേർന്നു
മുണ്ടക്കയം: കൂട്ടിക്കൽ ഗ്രാമപഞ്ചായത്തിൽ സിപിഐഎമ്മി ന്റെയും കേരള കോൺഗ്രസിന്റെയും മുൻ ഗ്രാമപഞ്ചായത്ത് അംഗങ്ങൾ ഉൾപ്പെടെ നിരവധി പേർ കോൺഗ്രസിൽ ചേർന്നു. പറത്താനം വാർഡിൽ നിന്നുള്ള മുൻ ഗ്രാമപഞ്ചായത്ത് അംഗം സാബു പീറ്റർ, മുൻ ഗ്രാമപഞ്ചായത്ത് വൈസ് പ്രസിഡണ്ട് ലൈസ്സാമ്മ ജോസ്, വിദ്യാനന്ദൻ പവിത്രൻ,മുൻ മെമ്പർ, പറത്താനം, താളുങ്കൽ വാർഡിലെ മുൻ മെമ്പർ ഇ വി മുരളി, അബ്ദുള്ള കാരക്കാട്ട് വനിതാ സംഘടനാ പ്രവർത്തകരായ ലിജാ ലിജി ജെനിതാ മനോജ്,ബിന്ദു വിനോദ് തുടങ്ങിയവരാണ് ആന്റോ ആന്റണി എം പിയിൽ നിന്നും കോൺഗ്രസ് അംഗത്വം സ്വീകരിച്ചത്.
Read More » -
ഇൻസ്റ്റഗ്രാം വഴി ‘സൗഹൃദ’ത്തിലായ യുവാവിൻ്റെ നിരന്തര ഭീഷണി, 15 കാരി വിദ്യാർഥിനി എലിവിഷം കഴിച്ച് ഗുരുതരാവസ്ഥയിൽ ആശുപത്രിയിൽ; പൊലീസ് പോക്സോ കേസെടുത്തു
കാസർകോട്: 15കാരിയായ വിദ്യാർഥിനിഎലിവിഷം അകത്ത് ചെന്ന് ഗുരുതരാവസ്ഥയിൽ ആശുപത്രിയിലായി. ഇൻസ്റ്റഗ്രാം വഴി പരിചയപ്പെട്ട യുവാവ് ഭീഷണിപ്പെടുത്തിയതിന് പിന്നാലെയാണ് സംഭവം. മംഗ്ളൂറിലെ ആശുപത്രിയിലാണ് വിദ്യാർഥിനി ചികിത്സയിൽ കഴിയുന്നത്. ബദിയഡുക്ക പൊലീസ് സ്റ്റേഷൻ പരിധിയിലാണ് സംഭവം. പെൺകുട്ടിയിൽ നിന്നും മൊഴിയെടുത്ത പൊലീസ് കാസർകോട്ടെ യുവാവിനെതിരെ പോക്സോ ഉൾപെടെയുള്ള വിവിധ വകുപ്പുകൾ പ്രകാരം കേസെടുത്തിട്ടുണ്ട്. യുവാവ് പെൺകുട്ടിയെ നിരന്തരം ഭീഷണിപ്പെടുത്തിയെന്നാണ് ബന്ധുക്കൾ പൊലീസിനെ അറിയിച്ചത്. ഇയാൾ വിളിക്കുന്ന സ്ഥലത്തേക്ക് ഇറങ്ങി വരണമെന്നും അനുസരിച്ചില്ലെങ്കിൽ പിതാവിനെ അപായപ്പെടുത്തുമെന്നും ഭീഷണിപ്പെടുത്തിയതായും ആരോപണമുണ്ട്. വിദ്യാർഥിനി സ്കൂളിൽ പോകുന്ന സമയത്ത് വഴി തടഞ്ഞ് ഭീഷണിപ്പെടുത്തിയതോടെ പെൺകുട്ടി വിഷം കഴിച്ച് ജീവിതം അവസാനിപ്പിക്കാൻ തീരുമാനിക്കുകയായിരുന്നുവെന്നാണ് ബന്ധുക്കൾ പറയുന്നത്. ആശുപത്രി അധികൃതർ വിവരം നൽകിയതിനെ തുടർന്ന് പൊലീസ് എത്തി മൊഴിയെടുത്തു. ഇതോടെയാണ് യുവാവിൻ്റെ ഭീഷണിയെ തുടർന്നാണ് വിഷം കഴിച്ചതെന്ന് പെൺകുട്ടി പൊലീസിനെ അറിയിച്ചത്.
Read More » -
കറുകച്ചാൽ – റാന്നി – റൂട്ടിൽ ‘ഗ്രാമവണ്ടിയുമായി’ സ്വകാര്യ ബസ്
കോട്ടയം: കറുകച്ചാലിൽ നിന്നും മല്ലപ്പള്ളി, കുളത്തൂർമൂഴി,അത്യാൽ, പെരുമ്പെട്ടി, കരിയംപ്ലാവ് വഴി റാന്നിയിലേക്ക് സ്വകാര്യ ബസ് സർവീസ് ആരംഭിച്ചു. റൂട്ട്: കറുകച്ചാൽ – കവളിമാവ് – കുന്നിരിക്കൽ – പാതിക്കാട് – മല്ലപ്പള്ളി – തിരുമാലിട ക്ഷേത്രം – മുരണിപാലം – കാവനാൽകടവ് -ചക്കാലക്കുന്ന് – കുളത്തൂർമൂഴി – സർപ്പക്കാവ്- അത്യാൽ – പെരുമ്പെട്ടി – ചുട്ടുമൺ – കരിയംപ്ലാവ് – കണ്ടൻപേരൂർ – നെല്ലിക്കമൺ – റാന്നി സമയം: 7:50 am കറുകച്ചാൽ 9:15 am റാന്നി കറുകച്ചാൽ 10:50 am റാന്നി:1:20 pm കറുകച്ചാൽ: 3 pm റാന്നി: 5:20 pm
Read More »