Kerala
-
ബസിടിച്ച് നിയന്ത്രണംവിട്ട ലോറി മരത്തിലിടിച്ച് കയറി; സ്റ്റിയറിങ്ങിനും സീറ്റിനും ഇടയില് കുടുങ്ങി ഡ്രൈവര്ക്ക് ദാരുണാന്ത്യം
കണ്ണൂര്: ബസിടിച്ച് നിയന്ത്രണം വിട്ട മിനിലോറി മരത്തിലിടിച്ചു ഡ്രൈവര് മരിച്ചു. മലപ്പുറം പള്ളിക്കല് ബസാര് മിനി ഇന്ഡസ്ട്രിയല് എസ്റ്റേറ്റിനു സമീപം കുറ്റിയില് ഹൗസില് പറമ്പന് ജലീലാണു (43) മരിച്ചത്. പൂര്ണ്ണമായും തകര്ന്ന കാബിനകത്ത് സ്റ്റിയറിങ്ങിനും സീറ്റിനും ഇടയില് കുടുങ്ങിയാണ് ജലീലിന്റെ മരണം. നാട്ടുകാര് ഏറെ പ്രയത്നിച്ചാണ് മൃതദേഹം പുറത്തെടുത്തത്. ലോറിയുടമ പള്ളിക്കല് സ്വദേശി പ്രവീണ്കുമാര് (43) എകെജി ആശുപത്രിയില് ചികിത്സ തേടി. ദേശീയപാതയില് പള്ളിക്കുളത്തിനും പൊടിക്കുണ്ടിനും മധ്യേ ഇന്നലെ ഉച്ചകഴിഞ്ഞ് മൂന്നരയോടെയിരുന്നു അപകടം.ചെങ്കല്ലുമായി തളിപ്പറമ്പില്നിന്നു കോഴിക്കോട് ഭാഗത്തേക്കു പോകുകയായിരുന്നു ലോറി. പിന്നില് ബസ് ഇടിച്ചതിനെത്തുടര്ന്ന് നിയന്ത്രണംവിട്ട ലോറി റോഡരികിലെ മരത്തില് ഇടിക്കുകയായിരുന്നു. ഇടിയുടെ ആഘാതത്തില് മരം ഒടിഞ്ഞുവീണു. ചെങ്കല്ലുകള് സമീപത്താകെ തെറിച്ചുവീണു. ബസ് പൊലീസ് കസ്റ്റഡിയിലെടുത്തു. ജലീലിന്റെ കബറടക്കം ഇന്ന് പള്ളിക്കല് ബസാര് ജുമാമസ്ജിദില്. പിതാവ് ഉണ്ണി മോയിന്, മാതാവ് ആയിഷബീവി, ഭാര്യ ഷറഫുന്നീസ. മക്കള്: ആയിഷ നിത, നിഹാ മെഹറിന്, നിഹാല്.
Read More » -
കാറിടിച്ച് യുവാവ് മരിച്ചു: മദ്യലഹരിയിൽ വാഹനമോടിച്ച ഉമ്മന്ചാണ്ടിയുടെ സന്തത സഹചാരി ടെനി ജോപ്പൻ കസ്റ്റഡിയിൽ
മുന് മുഖ്യമന്ത്രി ഉമ്മന്ചാണ്ടിയുടെ സന്തത സഹചാരിയായിരുന്ന ടെനി ജോപ്പന് ഓടിച്ച കാറിടിച്ച് ബൈക്ക് യാത്രികന് മരിച്ചു. കൊട്ടാരക്കര ഇഞ്ചക്കാട് തിരുവാതിരയില് ഷൈന്കുട്ടന്(33) ആണ് മരിച്ചത്. കൊട്ടാരക്കര- പുത്തൂർ റോഡില് അവണൂര് കശുവണ്ടി ഫാക്ടറിക്കു സമീപമാണ് അപകടം സംഭവിച്ചത്. കാറോടിച്ചിരുന്ന വെണ്ടാര് മനക്കര വീട്ടില് ടെനി ജോപ്പനെ(51) കൊട്ടാരക്കര പോലീസ് കസ്റ്റഡിയിലെടുത്തു. ഇയാള് മദ്യലഹരിയിലായിരുന്നുവെന്നും നരഹത്യയ്ക്കു കേസെടുത്തതായും പോലീസ് അറിയിച്ചു. തിങ്കളാഴ്ച വൈകിട്ട ആറരയോടെ ആയിരുന്നു അപകടം. വെണ്ടാറില് നിന്നും കൊട്ടാരക്കരയിലേക്കു വരികയായിരുന്ന ജോപ്പന്റെ കാര് റോഡിന്റെ വലതു ഭാഗം കടന്ന് എതിരെ വന്ന ബൈക്കില് ഇടിക്കുകയായിരുന്നു. ഓടയിലേക്കു തെറിച്ചു വീണ ഷൈന്കുട്ടനെ താലൂക്കാശുപത്രിയിലെത്തിച്ചെങ്കിലും മരിച്ചു. അപകടത്തില് നിയന്ത്രണം വിട്ട കാര് സമീപമുള്ള വീട്ടു മുറ്റത്തേക്ക് തലകീഴായി മറിഞ്ഞു. വെല്ഡിങ് തൊഴിലാളിയാണ് മരിച്ച ഷൈന്കുട്ടന്. അച്ഛന്: മണിക്കുട്ടന്.അമ്മ:ഉഷാദേവി.
Read More » -
സംവാദത്തിന്റെ ജാലകം തുറന്നിട്ട മാതൃകാ പുരുഷന്; ‘സുവിശേഷത്തിന്റെ ആനന്ദം’ സൃഷ്ടിച്ചതു കോളിളക്കം; മനുഷ്യന്റെ ദാരിദ്ര്യവും ദുരിതവും ഇല്ലായ്മ ചെയ്യാനുള്ള ധാര്മികത പങ്കിട്ടതിന്റെ പേരില് താങ്കളെ എന്നും ഓര്മിക്കും: മാര്പാപ്പയുടെ വിയോഗത്തില് മന്ത്രി ആര്. ബിന്ദു
തൃശൂര്: സംവാദത്തിന്റെ ഒരു ജാലകം എല്ലാവര്ക്കുമായി തുറന്നിട്ട മാതൃകാ പുരുഷനെയാണു ഫ്രാന്സിസ് മാര്പാപ്പയുടെ വിയോഗത്തിലൂടെ നഷ്ടമായതെന്നു മന്ത്രി ഡോ. ആര്. ബിന്ദു. തന്റെ ആദ്യ പ്രാമാണികരേഖയായ ‘സുവിശേഷത്തിന്റെ ആനന്ദ’ത്തിന്റെ (ജോയ് ഓഫ്ദി ഗോസ്പല്) ചില ഭാഗങ്ങള് എത്രയ്ക്ക് കോളിളക്കം സൃഷ്ടിച്ചിട്ടുണ്ടെന്ന് ഇന്നും നമുക്ക് ഓര്മ്മയുണ്ട്. അത് വായിച്ച് ഞെട്ടിയവര്ക്ക് പുതിയ ബോധക്കേടുകള് സൃഷ്ടിക്കും വിധമാണ് തുടര്വര്ഷങ്ങളില് മാര്പാപ്പ നടത്തിയ ഇടപെടലുകള്. ഇടതുപക്ഷക്കാറ്റ് വീശിയടിക്കുന്ന ലത്തീന് അമേരിക്കയില് നിന്നുള്ള മാര്പാപ്പ വ്യത്യസ്തനാകാതെ തരമില്ലെന്ന് അവരോധിതനായ പാടേ വ്യക്തമായിരുന്നു. പാവപ്പെട്ടവരോടുള്ള പാപ്പയുടെ ആ ആഭിമുഖ്യമാണ് ലോക ജനതയുടെ ഹൃദയഭാജനമാക്കിയത്. ദാരിദ്ര്യത്തിന്റെയും പ്രകൃതിസ്നേഹത്തിന്റെയും പുണ്യവാളനായ ഫ്രാന്സിസ് ഓഫ് അസീസിയുടെ പേര് പുതിയ മാര്പാപ്പ സ്വീകരിച്ചതുതന്നെ മാറ്റത്തിന്റെ ഒരു സൂചനയായിരുന്നു. പാവങ്ങള്ക്കായുള്ള പാവപ്പെട്ട പള്ളിയാണ് തന്റെ ആദര്ശമെന്നാണ് പാപ്പ വിശദീകരിച്ചത്.ക്ഷേമപ്രവര്ത്തനങ്ങള്കൊണ്ട് ദാരിദ്യത്തിന്റെ പ്രശ്നം പരിഹരിക്കാനാവില്ലെന്ന തിരിച്ചറിവ് വ്യക്തമാക്കാന് പാപ്പ ഒരിക്കലും മടിച്ചില്ല. കമ്പോളത്തിന്റെ പൂര്ണ്ണമായ സ്വാതന്ത്ര്യത്തെയും ധനപരമായ ഊഹ ഇടപാടുകളെയും തള്ളിക്കളഞ്ഞുമാത്രമേ പാവങ്ങളുടെ പ്രശ്നത്തെ അടിസ്ഥാനപരമായി പരിഹരിക്കാനാകൂ…
Read More » -
തൃശൂര് പൂര വിളംബരം: തെക്കേഗോപുര നട തുറക്കാന് ഇക്കുറിയും എറണാകുളം ശിവകുമാര്; ഘടകപൂരങ്ങള്ക്ക് കൊടിയേറ്റിനുമുമ്പ് ധനസഹായം
തൃശൂര്: നെയ്തലക്കാവിലമ്മയുടെ തിടമ്പേറ്റി തെക്കേഗോപുരനട തുറന്നു പൂരവിളംബരത്തിന് ഇക്കുറിയും എറണാകുളം ശിവകുമാര്. കൊച്ചിന് ദേവസ്വം ബോര്ഡ് ഘടകപൂര ആഘോഷ കമ്മിറ്റികളുമായി നടത്തിയ യോഗത്തിലാണു തീരുമാനം. ഘടകപൂരങ്ങള്ക്കുള്ള ധനസഹായം പൂരം കൊടിയേറ്റത്തിനു മുമ്പ് വിതരണം ചെയ്യും. സമയ ക്രമങ്ങളില് കൃത്യത പാലിക്കാനും കൊടിയേറ്റംമുതല് പുരം, ഉത്രം കൂടിയുള്ള ദിവസങ്ങളില് ദേവസ്വം ബോര്ഡിന്റെ കീഴിലുള്ള ഘടകപൂരങ്ങള്ക്കും നിത്യനിദാന ചടങ്ങുകള്ക്കുമുള്ള പണവും ആനകളെയും നല്കാനും തീരുമാനിച്ചു. യോഗത്തില് കൊച്ചിന് ദേവസ്വംബോര്ഡ് പ്രസിഡന്റ് കെ. രവീന്ദ്രന്, ബോര്ഡ് അംഗം അഡ്വ. കെ.പി. അജയന്, ദേവസ്വം സെക്രട്ടറി പി. ബിന്ദു, ഡെപ്യൂട്ടി കമ്മീഷണര് കെ.സുനില്കുമാര്, അസി.കമ്മീഷണര് എം. മനോജ് കുമാര്, ദേവസ്വം ഓഫീസര്മാര്, ഘടകപൂരങ്ങളായ കുറ്റൂര്, അയ്യന്തോള്, ചെമ്പൂക്കാവ്, ചൂരക്കോട്ടു കാവ്, ലാലൂര്, പൂക്കാട്ടിക്കര കാരമുക്ക്, കണിമംഗലം, പനമുക്കുംപിള്ളി ക്ഷേത്ര പൂരാഘോഷ കമ്മിറ്റി ഭാരവാഹികളും പങ്കെടുത്തു.
Read More » -
എസ്എഫ്ഐഒയുടെ ചുവടുപിടിച്ചുതന്നെ അന്വേഷണം; വീണ വിജയന് അടക്കമുള്ളവുടെ മൊഴി ആവശ്യപ്പെട്ട് ഇഡി; തെളിവുകള് കൈമാറാന് അപേക്ഷ നല്കി; കമ്പനി സ്റ്റേറ്റ്മെന്റുകള് പരിശോധിച്ച് ഡയറിക്കുറിപ്പിലേക്ക് അന്വേഷണം കൂട്ടിമുട്ടിക്കാന് നീക്കം
കൊച്ചി: സിഎംഎആര്എല്- എക്സാലോജിക്ക് കേസില് വീണാ വിജയന് അടക്കമുള്ളവരുടെ മൊഴി ആവശ്യപ്പെട്ട് ഇ.ഡി. ഇതിനായി എറണാകുളം അഡീഷനല് സെഷന്സ് കോടതിയില് ഇഡി അപേക്ഷ നല്കി. എസ്എഫ്ഐഒ കുറ്റപത്രത്തോടൊപ്പം സമര്പ്പിച്ച തെളിവുകളും അനുബന്ധ രേഖകളും നല്കണം. നേരത്തെ എസ്എഫ്ഐഒ സമര്പ്പിച്ച കുറ്റപത്രത്തിന്റെ പകര്പ്പ് ഇഡിക്ക് കൈമാറാന് എറണാകുളം അഡീഷനല് സെഷന്സ് കോടതി നിര്ദേശം നല്കിയിരുന്നു. എസ്എഫ്ഐഒ ചുമത്തിയ കുറ്റങ്ങളും കുറ്റപത്രത്തിലെ വിവരങ്ങളും പരിശോധിച്ച ശേഷമാണ് മൊഴി ആവശ്യപ്പെട്ട് ഇ.ഡി അപേക്ഷ നല്കിയത്. മുഖ്യമന്ത്രിയുടെ മകള് വീണാ വിജയന്, സിഎംആര്എല് എംഡി ശശിധരന് കര്ത്തയടക്കം എട്ട് വ്യക്തികളും അഞ്ച് സ്ഥാപനങ്ങളുമാണ് പ്രതിപ്പട്ടികയിലുള്ളത്. 2013ലെ കമ്പനി നിയമത്തിലെ 129(7), 134(8), 447, 448 വകുപ്പുകള് കുറ്റാരോപിതര്ക്കെതിരെ നിലനില്ക്കുമെന്നും കോടതി കണ്ടെത്തിയിരുന്നു. കുറ്റപത്രം കോടതി അംഗീകരിച്ചതോടെയായിരുന്നു കുറ്റപത്രത്തിന്റെ പകര്പ്പ് ഇഡിക്ക് ലഭിച്ചത്. ഒരു വര്ഷം മുന്പ് സിഎംആര്എല് ഇടപാടില് ഇഡി കേസെടുത്തെങ്കിലും കുറ്റകൃത്യം സംബന്ധിച്ച് വ്യക്തതയില്ലാത്തതിനാല് അന്വേഷണം വഴിമുട്ടിയിരുന്നു. കുറ്റപത്രത്തോടൊപ്പം സമര്പ്പിച്ചിരിക്കുന്ന മൊഴികള് തെളിവുകളടക്കം പരിശോധിച്ച ശേഷം…
Read More » -
മസാലദോശ കഴിച്ചതിന് പിന്നാലെ അസ്വസ്ഥത, മൂന്നുവയസ്സുകാരി മരിച്ചു; ഭക്ഷ്യവിഷബാധയെന്ന് സംശയം
തൃശ്ശൂര്: മസാലദോശ കഴിച്ചതിനെത്തുടര്ന്ന് അസ്വസ്ഥതയുണ്ടായ മൂന്നുവയസ്സുകാരി മരിച്ചത് ഭക്ഷ്യവിഷ ബാധയെ തുടര്ന്നെന്ന് സംശയം. വെണ്ടോര് അളഗപ്പ ഗ്രൗണ്ടിനു സമീപം കല്ലൂക്കാരന് ഹെന്ട്രിയുടെ മകള് ഒലിവിയ (മൂന്ന്) ആണ് മരിച്ചത്. ശനിയാഴ്ച വിദേശത്തുനിന്ന് എത്തിയ ഹെന്ട്രിയെ നെടുമ്പാശ്ശേരിയില്നിന്ന് വിളിച്ചുകൊണ്ടുവരുന്നതിനിടെ ഹെന്ട്രിയും ഭാര്യയും അമ്മയും ഒലിവിയയും അങ്കമാലിക്ക് സമീപമുള്ള ഹോട്ടലില്നിന്ന് മസാലദോശ കഴിച്ചിരുന്നു. വീട്ടിലെത്തിയതോടെ ഇവര്ക്ക് ശാരീരിക അസ്വസ്ഥതകള് ഉണ്ടായി. ആദ്യം ഹെന്ട്രിക്കാണ് അസ്വസ്ഥത ഉണ്ടായത്. ആശുപത്രിയിലെത്തി കുത്തിവെപ്പെടുത്ത് മടങ്ങിയതിന് പിന്നാലെ ഭാര്യയ്ക്കും ഒലിവിയയ്ക്കും അസ്വസ്ഥത അനുഭവപ്പെട്ടു. ഇരുവരും സ്വകാര്യ ആശുപത്രിയില് ചികിത്സതേടി കുത്തിവെപ്പെടുത്ത് വീട്ടിലേക്ക് മടങ്ങി. തുടര്ന്ന് കൂടുതല് ബുദ്ധിമുട്ട് അനുഭവപ്പെട്ട ഒലിവിയയെ കൊടകരയിലെ സ്വകാര്യ ആശുപത്രിയില് പ്രവേശിപ്പിച്ചു. തിങ്കളാഴ്ച പുലര്ച്ചെ ആരോഗ്യസ്ഥിതി വഷളായി. ഇതോടെ വെണ്ടോറിലെ സ്വകാര്യ ആശുപത്രിയിലും തുടര്ന്ന് പുതുക്കാട് താലൂക്ക് ആശുപത്രിയിലും പ്രവേശിപ്പിച്ചെങ്കിലും മരിച്ചു. പുതുക്കാട് പോലീസ് ഇന്ക്വസ്റ്റ് നടത്തി.
Read More » -
സംസ്ഥാനത്ത് വ്യാഴാഴ്ച വരെ ഒറ്റപ്പെട്ട ശക്തമായ മഴയ്ക്ക് സാധ്യത, ഇടിമിന്നല് മുന്നറിയിപ്പ്
തിരുവനന്തപുരം: സംസ്ഥാനത്ത് വ്യാഴാഴ്ച വരെ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പ്. ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 30 മുതല് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുള്ളതായി മുന്നറിയിപ്പില് പറയുന്നു. ഇടിമിന്നല് അപകടകാരികളായതിനാല് ജനങ്ങള് അതീവ ജാഗ്രത പാലിക്കണമെന്നും മുന്നറിയിപ്പ് നല്കിയിട്ടുണ്ട്. അതേസമയം പകല്ചൂട് വര്ധിക്കുന്നത് തുടരുകയാണ്. പകല് 10 മണി മുതല് 3 മണി വരെയുള്ള സമയങ്ങളിലാണ് ഉയര്ന്ന അള്ട്രാവയലറ്റ് സൂചിക രേഖപ്പെടുത്തപ്പെടുന്നത്. അതിനാല് ഈ സമയങ്ങളില് കൂടുതല് നേരം ശരീരത്തില് നേരിട്ട് സൂര്യപ്രകാശം ഏല്ക്കുന്നത് പരമാവധി ഒഴിവാക്കണമെന്ന് അധികൃതര് നിര്ദേശിച്ചു. തുടര്ച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്രരോഗങ്ങള്ക്കും മറ്റ് ആരോഗ്യപ്രശ്നങ്ങള്ക്കും കാരണമായേക്കാം. പകല് സമയത്ത് പുറത്തേക്ക് ഇറങ്ങുമ്പോള് തൊപ്പി, കുട, സണ്ഗ്ലാസ് എന്നിവ ഉപയോഗിക്കാന് ശ്രമിക്കുക. ശരീരം മുഴുവന് മറയുന്ന കോട്ടണ് വസ്ത്രങ്ങള് ഉപയോഗിക്കുന്നത് ഉചിതമായിരിക്കും.
Read More » -
ഒരുവെടിക്ക് രണ്ടുപക്ഷി: യുഡിഎഫ് പ്രവേശനത്തിലൂടെ അന്വര് ഉന്നമിടുന്നത് തവനൂരും പട്ടാമ്പിയും; എതിര്പ്പുമായി ഘടക കക്ഷികള്; ‘അന്വര് ഇല്ലാതെ മത്സരിക്കുന്ന മുന്നണിയുടെ നടുവൊടിയു’മെന്ന് സോഷ്യല് മീഡിയയില് മുന്നറിയിപ്പ്
നിലമ്പൂര്: നിലമ്പൂര് ഉപതെരഞ്ഞെടുപ്പില് പിന്തുണ പ്രഖ്യാപിക്കുന്നതിലൂടെ പി.വി. അന്വറിന്റെ ലക്ഷ്യം തവനൂരും പട്ടാമ്പിയും. നിലവില് കോണ്ഗ്രസ് മത്സരിക്കുന്ന രണ്ടു മണ്ഡലങ്ങളില് കണ്ണുവച്ചാണ് തൃണമൂല് കോണ്ഗ്രസിനെ മുന്നണിയിലെടുക്കണമെന്ന ആവശ്യം അന്വര് നിരന്തരം ഉന്നയിക്കുന്നത്. മാധ്യമങ്ങളോടുള്ള സമ്പര്ക്കം ഒഴിവാക്കിയെങ്കിലും ‘അന്വര് ഇല്ലാതെ മത്സരിക്കുന്ന മുന്നണിയുടെ നടുവൊടിയും’ എന്ന തരത്തില് അദ്ദേഹത്തിന്റെ കൂട്ടാളികള് സോഷ്യല് മീഡിയയില് വ്യാപക പ്രചാരണം നടത്തുന്നതും കോണ്ഗ്രസിനെ ഉന്നമിട്ടാണെന്നാണു വിലയിരുത്തുന്നത്. അടുത്തിടെ തൃണമൂലിലെത്തിയ സജി മഞ്ഞക്കടമ്പനാണ് ഈ പ്രചാരണത്തിനു ചുക്കാന് പിടിക്കുന്നത്. ദേശീയതലതത്തില് കോണ്ഗ്രസിനെ രൂക്ഷമായി കടന്നാക്രമിക്കുന്ന തൃണമൂലിനെ കേരളത്തില് മുന്നണിയിലെടുക്കുന്നതില് ഘടക കക്ഷികള്ക്ക് എതിര്പ്പുണ്ട്. തൃണമൂലിന് കേരളത്തില് ഒരിടത്തും കാര്യമായ വേരോട്ടമില്ല. അന്വര് ചേര്ന്നതിനു ശേഷമാണ് അല്പമെങ്കിലും തൃണമൂലിന്റെ പേര് ഉയര്ന്നു കേട്ടത്. നിലമ്പൂരില് അന്വറിന്റെ പിന്തുണ നിര്ണായകമാണെങ്കിലും ഉന്നയിക്കുന്ന ഉപാധികള്ക്കു കീഴടങ്ങാനാകില്ലെന്നും നിലവിലെ യുഡിഎഫ് സമവാക്യം പൊളിയുമെന്നുമാണു കണക്കാക്കുന്നത്. ദേശീയതലത്തില്, കോണ്ഗ്രസിനെ നിരന്തരം ആക്രമിക്കുന്ന തൃണമൂലിനെ മുന്നണിയുടെ എടുക്കുന്നതിനോട് നേതൃത്വത്തിന് താല്പര്യം ഇല്ല. യുഡിഎഫിന്റെ ഭാഗമല്ലാതെ തന്നെ കെ.കെ.…
Read More » -
‘നമ്മള്’ ചെയ്യുന്ന കാലത്ത് ഷൈനിനു പുകവലിയോ മദ്യപാനമോ ഇല്ല; ‘ആ സംവിധായകന്റെ ആദ്യ സിനിമയ്ക്കുശേഷമുള്ള കൂട്ടും സൗഹൃദവും വഴിതെറ്റിച്ചു; ഗദ്ദാമയ്ക്കായി നേരിട്ടു കണ്ടപ്പോള് ഞെട്ടി’: ഷൈന് ടോം ചാക്കോയെക്കുറിച്ച് സംവിധായകന് കമല്
കൊച്ചി: താന് കാണുന്ന അന്നുമുതല് ഷൈനിനൊപ്പം ഓട്ടം ഉണ്ടെന്നും ലഹരി ഉപയോഗം കൊച്ചിയിലേക്കു മാറിയതിനു ശേഷമാണെന്നും സംവിധായകന് കമല്. പൊന്നാനി എംഇഎസില് കമലിന്റെ ഭാര്യ പഠിപ്പിക്കുന്ന സമയത്ത് അയല്ക്കാരായിരുന്നു ഷൈനിന്റെ കുടുംബമെന്നും ആ അടുപ്പത്തില്നിന്നാണ് സഹസംവിധായകനായും നടനുമൊക്കെയായി കൂടെക്കൂട്ടിയതെന്നും കമല് പറഞ്ഞു. തൃശൂരില് പരിപാടിക്കിടെയാണു ഷൈനിന്റെ പിതാവ് ചാക്കോ ‘അവന് പഠിക്കാന് മോശമാണെന്നും അഭിനയിക്കാനാണു താത്പര്യ’മെന്നും പറഞ്ഞത്. അന്നു പത്തില് പഠിക്കുന്ന ഷൈനും പലവട്ടം തന്നോടും ഇക്കാര്യം ആവശ്യപ്പെട്ടിട്ടുണ്ട്. പിന്നീട് ഷൈന് ഡിഗ്രി കഴിഞ്ഞ സമയത്താണു ‘നമ്മള്’ എന്ന സിനിമ ചെയ്യുന്നത്. ആ സെറ്റില് ഇടിച്ചു കയറിയാണ് സഹായിയായി മാറിയത്. അന്നൊന്നും മദ്യപിക്കുകയോ പുകവലിക്കുകയോ ചെയ്യാറില്ലെന്നും കമല് ഓര്ക്കുന്നു. അസിസ്റ്റന്റ് സംവിധായകന് എന്ന നിലയില് ജൂനിയര് ആര്ട്ടിസ്റ്റുകളെയൊക്കെ ഏകോപിപ്പിക്കാന് ഷൈനിനു കഴിഞ്ഞു. നമ്മളിനുശേഷം ‘സ്വപ്നക്കൂട്’, രാപ്പകല് എന്നീ ആറോ ഏഴോ ചിത്രങ്ങളില് അസിസ്റ്റ് ചെയ്തിരുന്നു. അന്ന് ആഷിക് അബു ഉള്പ്പെടെയുള്ള സംവിധായകര് എനിക്കൊപ്പമുണ്ടായിരുന്നു. ഒരിക്കല്പോലും ലൊക്കേഷനില് ഷൈനിനെതിരേ പരാതി ഉയര്ന്നിട്ടില്ല. ആഷിക്…
Read More » -
ഭര്ത്താവിനെ കൊന്നു, സുഹൃത്തിനെ വിളിച്ച് ഭാര്യ പല്ലവി; കര്ണാടക മുന് ഡിജിപിയുടെ കൊലപാതകത്തിന് കാരണം കുടുംബ വഴക്കെന്നു വിവരം; പോലീസ് എത്തുമ്പോള് രക്തത്തില് കുളിച്ചു മൃതദേഹം
ബെംഗളൂരു: കര്ണാടക മുന് ഡിജിപി ഓം പ്രകാശ് (68) ബെംഗളൂരുവിലെ വസതിയില് കുത്തേറ്റു മരിച്ചതു സാമ്പത്തിക പ്രശ്നങ്ങളെ ചൊല്ലിയുള്ള കുടുംബ വഴക്കിനെ തുടര്ന്നെന്ന് പ്രാഥമിക നിഗമനം. വെകിട്ട് അഞ്ചിന് ഓം പ്രകാശിന്റെ ഭാര്യ പല്ലവി കുടുംബ സുഹൃത്തായ ഐപിഎസ് ഉദ്യോഗസ്ഥന്റെ ഭാര്യയെ വിഡിയോ കോളില് വിളിച്ചു താന് ഓംപ്രകാശിനെ കൊലപ്പെടുത്തിയെന്നു വെളിപ്പെടുത്തിയതോടെയാണു മരണ വിവരം പുറംലോകം അറിഞ്ഞത്. ഇവര് പൊലീസിനെ വിളിച്ചു വിവരമറിയിച്ചതിനെ തുടര്ന്നുള്ള പരിശോധനയിലാണ് എച്ച്എസ്ആര് ലേഔട്ടിലെ വീട്ടില് രക്തത്തില് കുളിച്ചു കിടക്കുന്ന നിലയില് മൃതദേഹം കണ്ടെത്തിയത്. ഓംപ്രകാശ് തന്നെ വിഷം നല്കി കൊല്ലാന് ശ്രമിച്ചെന്ന് അഞ്ചു ദിവസം മുന്പ് മുതിര്ന്ന ഐപിഎസ് ഉദ്യോഗസ്ഥരുടെ ഭാര്യമാരുടെ വാട്സാപ് ഗ്രൂപ്പില് പല്ലവി പറഞ്ഞിരുന്നു. ബാങ്കു വായ്പകളുമായി ബന്ധപ്പെട്ട് കുടുംബം കടുത്ത സാമ്പത്തിക പ്രതിസന്ധിയിലായിരുന്നു. ഇതുമായി ബന്ധപ്പെട്ട തര്ക്കമാണ് കൊലപാതകത്തില് കലാശിച്ചതെന്നാണു പൊലീസ് സംശയിക്കുന്നത്. അതേസമയം പല്ലവി നേരിട്ടാണോ കൊലപാതകം നടത്തിയതെന്ന കാര്യത്തില് ഔദ്യോഗിക സ്ഥിരീകരണമില്ല. ഇതില് സ്ഥിരീകരണം ലഭിക്കാനായി പല്ലവിയെ പൊലീസ്…
Read More »