India
-
സിറിയയിലെ ഐസിസ് തീവ്രവാദികളുടെ കേന്ദ്രങ്ങളില് കനത്ത ആക്രമണം അഴിച്ചുവിട്ട് അമേരിക്ക; ഓപ്പറേഷന് ഹോക്ക് ഐയിലൂടെ തകര്ത്തത് 70 കേന്ദ്രങ്ങള്; ‘ഇന്നു ശത്രുക്കളെ വേട്ടയാടിക്കൊന്നു, ഇനിയും തുടരുമെന്ന്’ അമേരിക്ക; ജോര്ദാന് യുദ്ധ വിമാനങ്ങളും പോര്മുന്നണിയില്
ദമാസ്കസ്: അമേരിക്കന് സൈനികരെ ആക്രമിച്ചതിനുള്ള തിരിച്ചടിയായി യുഎസ് സൈന്യം സിറിയയിലെ ഡസന്കണക്കിന് ഇസ്ലാമിക് സ്റ്റേറ്റ് കേന്ദ്രങ്ങളിലേക്കു വന്തോതില് ആക്രമണം അഴിച്ചുവിട്ടു. സിറിയന് സുരക്ഷാ സേനയുടെ സഹായത്തോടെ ഐസിസ് തീവ്രവാദികള് എന്നു സംശയിക്കുന്നവര്ക്കെതിരേ വ്യോമാക്രമണങ്ങളും ഗ്രൗണ്ട് ഓപ്പറേഷനുകളും നടത്തിയിരുന്നു. ഇതിന്റെ ഭാഗമായാണ് അതിമാരകമായ തോതില് ആക്രമണം നടത്തിയതെന്നു റോയിട്ടേഴ്സ് റിപ്പോര്ട്ട് ചെയ്തു. കഴിഞ്ഞയാഴ്ച ഐസിസ് ആക്രമണത്തില് അമേരിക്കന് സൈനികന് കൊല്ലപ്പെട്ടതിനു പിന്നാലെ ശക്തമായ തിരിച്ചടി നല്കാന് യുഎസ് പ്രസിഡന്റ് ഡോണള്ഡ് ട്രംപ് ഉത്തരവിട്ടിരുന്നു. ഐസിസ് തീവ്രവാദികളെയും അടിസ്ഥാന സൗകര്യങ്ങളെയും ആയുധപ്പുരകളെയും ലക്ഷ്യമിട്ട് ‘ഓപ്പറേഷന് ഹോക്ക് ഐ സ്ട്രൈക്ക്’ വന് വിജയമായിരുന്നെന്നു പ്രതിരോധ സെക്രട്ടറി പീറ്റ് ഹെഗ്സെത്ത് പറഞ്ഞു. ഇയൊരു യുദ്ധത്തിന്റെ തുടക്കമല്ല. പ്രതികാരത്തിന്റെ പ്രഖ്യാപനമാണ്. ‘ഇന്നു ശത്രുക്കളെ വേട്ടയാടിക്കൊന്നു. ഇനിയും തുടരു’മെന്നും അദ്ദേഹം കൂട്ടിച്ചേര്ത്തു. ‘ഗൗരവമേറിയ പ്രതികരണം’ എന്നായിരുന്നു ട്രംപ് ആക്രമണത്തെക്കുറിച്ചു സോഷ്യല് മീഡിയയില് കുറിച്ചത്. കഴിഞ്ഞ ഡിസംബര് 13ന് ആയിരുന്നു അമേരിക്കന് സൈനികര്ക്കുനേരേ ഐസിസ് തീവ്രവാദികള് ആക്രമണം നടത്തിയത്.…
Read More » -
വിടാന് ഭാവമില്ല; നാഷണല് ഹെറാള്ഡ് കേസില് വിചാരണ കോടതി വിധിക്കെതിരേ ഡല്ഹി ഹൈക്കോടതിയില് അപ്പീലുമായി ഇഡി; 720 കോടിയുടെ ക്രമക്കേടില് നടപടി അനിവാര്യം; ‘ഉത്തരവ് നിയമ നിര്മാണത്തിനു തുല്യം, പോലീസ് രജിസ്റ്റര് ചെയ്യുന്ന എഫ്ഐആര് എന്ന രീതിയിലേക്ക് വളച്ചൊടിച്ചു’
ന്യൂഡല്ഹി: നാഷണല് ഹെറാള്ഡ് കേസില് കോണ്ഗ്രസ് നേതാക്കളായ രാഹുല് ഗാന്ധിയെയും സോണിയയെയും പ്രതിയാക്കിയ കള്ളപ്പണ ഇടപാടു പരാതി തള്ളിയ വിചാരണക്കോടതി വിധിക്കെതിരേ ഡല്ഹി ഹൈക്കോടതിയെ സമീപിച്ച് എന്ഫോഴ്സ്മെന്റ് ഡയറക്ടറേറ്റ്. വിചാരണക്കോടതി ഉത്തരവു പിഴവുകള് നിറഞ്ഞതെന്നു ചൂണ്ടിക്കാട്ടിയാണ് നടപടിയെന്നു വാര്ത്താ ഏജന്സിയായ പിടിഐ റിപ്പോര്ട്ട് ചെയ്തു. കേന്ദ്ര ഏജന്സിയുടെ റിപ്പോര്ട്ട് കള്ളപ്പണ നിരോധന നിയമപ്രകാരം നിലനില്ക്കുന്നില്ലെന്നാണു റൗസ് അവന്യൂ കോടതിയിലെ സ്പെഷല് ജഡ്ജി വിശാല് ഗോഗ്നെ വിധിച്ചത്. ബിജെപി നേതാവ് സുബ്രഹ്മണ്യന് സ്വാമി മജിസ്ട്രേറ്റിനു മുമ്പില് സമര്പ്പിച്ച് സ്വകാര്യ അന്യായത്തിലാണ് കേസ്. എഫ്ഐആര് അടിസ്ഥാനമാക്കിയല്ല ഇതെന്നും പരാതിയുടെ അടിസ്ഥാനത്തിലുള്ള നടപടികള് നിയപ്രകാരം നിലനില്ക്കില്ലെന്നുമാണ് കോടതി ചൂണ്ടിക്കാട്ടിയത്. പോലീസ് രജിസ്റ്റര് ചെയ്യുന്ന എഫ്ഐആറിന്റെ അടിസ്ഥാനത്തില് മാത്രമാണ് അതില് കള്ളപ്പണ നിരോധന നിയമപ്രകാരമുള്ള ഇടപാടു നടന്നിട്ടുണ്ടെങ്കില് നടപടിയെടുക്കാന് കഴിയൂ. ഡല്ഹി പൊലീസിന്റെ ഇക്കണോമിക് ഓഫന്സസ് വിംഗ് (ഇ.ഒ.ഡബ്ല്യു) ഇപ്പോള് കേസില് എഫ്.ഐ.ആര് രജിസ്റ്റര് ചെയ്ത സാഹചര്യത്തില് ഇ.ഡിയുടെ ആരോപണങ്ങളുടെ മെറിറ്റ് ഇപ്പോള് തീരുമാനിക്കുന്നത് അനുചിതമായിരിക്കുമെന്നും ജഡ്ജി…
Read More » -
തിരിച്ചുവരവില് ഓപ്പണിംഗില് ഫോം ഇല്ല; ഗില് ഔട്ട്; സഞ്ജു ഇന്! ഒപ്പം ഇഷാനും റിങ്കുവും: ടി20 ലോകകപ്പിനുള്ള ഇന്ത്യന് ടീമിനെ പ്രഖ്യാപിച്ചു
മുംബൈ: 2026 ലെ ട്വന്റി 20 ലോകകപ്പിനുള്ള ഇന്ത്യന് ടീമിനെ പ്രഖ്യാപിച്ചു. പരുക്കേറ്റ വൈസ് ക്യാപ്റ്റന് ശുഭ്മാന് ഗില് ടീമിലില്ല. ഓള്റൗണ്ടര് അക്സര് പട്ടേലാണ് വൈസ് ക്യാപ്റ്റന്. വിക്കറ്റ് കീപ്പറായി സഞ്ജു സാംസണെയും ഇഷാന് കിഷന്, റിങ്കു സിങ് എന്നിവരെയും ടീമില് ഉള്പ്പെടുത്തി. മുംബൈയിലെ ബിസിസിഐ ആസ്ഥാനത്ത് നടത്തിയ വാര്ത്താ സമ്മേളനത്തില് ബിസിസിഐ സെക്രട്ടറി ദേവ്ജിത് സൈകിയ, ചീഫ് സിലക്ടര് അജിത് അഗാര്ക്കര്, ക്യാപ്റ്റന് സൂര്യകുമാര് യാദവ് എന്നിവര് ചേര്ന്നാണു ടീമിനെ പ്രഖ്യാപിച്ചത്. തിരിച്ചുവരവിന് ശേഷം ഓപ്പണില് ഫോം കണ്ടെത്താതെ വിഷമിക്കുന്ന വൈസ് ക്യാപ്റ്റന് ശുഭ്മാന് ഗില്ലിനെ ഒഴിവാക്കിയതാണ് ശ്രദ്ധേയം. കഴിഞ്ഞ 15 ട്വന്റി 20കളില് 24.25 ശരാശരിയില് 291 റണ്സാണ് ഗില്ലിന് നേടാനായത്. 137 ആണ് ശരാശരി. ഇത്രയും മത്സരങ്ങള്ക്കിടയില് ഇതുവരെ ഒരു അര്ധസെഞ്ചറി പോലും ഗില്ലിന് നേടാനായിട്ടില്ല. നിരവധി തവണ പരീക്ഷിച്ചെങ്കിലും തുടര്ച്ചയായി പരാജയപ്പെട്ടതോടെയാണ് സെലക്ടര്മാര് മാറി ചിന്തിച്ചത്. ഗില്ലിനെ ടീമില് ഉള്പ്പെടുത്തിയതോടെ ബാറ്റിങ് ഓര്ഡറില് താഴേക്ക് ഇറങ്ങേണ്ടി…
Read More » -
കടിച്ച പാമ്പിനെക്കൊണ്ട് വിഷമിറക്കിപ്പിക്കലല്ല കടിച്ച കൊതുകിനെക്കൊണ്ട് മുന്സിപ്പാലിറ്റിയിലെത്തി; കൊതുകിനെ കൊന്ന് കവറിലാക്കി ഹെല്ത്ത് ഓഫീസര്ക്ക് മുന്നിലെത്തിച്ച് യുവാവ്; കൊതുകിനെ പോസറ്റുമോര്ട്ടം ചെയ്ത് ഡോക്ടര്മാര്
ഛത്തീസ്ഗഢ്: ഒരു കൊതുകുതിരിയും ആ യുവാവിന്റെ രക്ഷക്കെത്തിയില്ല. കൊതുക് കടിച്ചുപൊൡച്ചപ്പോള് ദേഷ്യവും സങ്കടവുമൊക്കെ സഹിക്കവയ്യാതെ കടിച്ച കൊതുകിനെ പിടികൂടി കൊന്ന് കവറിലാക്കി നേരെ മുന്സിപ്പാലിറ്റിയിലേക്ക് ചെന്നു. കൊതുകുനശീകരണത്തിന് മാര്ഗങ്ങള് സ്വീകരിക്കേണ്ട നഗരസഭ അധികൃതര്ക്ക് മുന്നില് കൊന്ന കൊതുകിന്റെ ജഡം കവറിലാക്കി എത്തിയ യുവാവാണ് ഇപ്പോള് സോഷ്യല്മീഡിയയില് താരം. ഛത്തിസ്ഗഡിലെ റായ്പൂരിലുള്ള വാമന് റാവു ലാഖേ മുന്സിപ്പല് കോര്പറേഷനിലാണ് ഇന്ത്യക്കാകെ നാണക്കേടായിക്കൊണ്ട് കൊതുകുസംഭവമുണ്ടായത്. ദോലാല് പട്ടേല് എന്നയാളാണ് കൊതുകിനെ കൊന്ന് കവറിലാക്കി അധികാരികള്ക്ക് മുന്നിലെത്തിയത്. കൊതുകിന്റെ ശല്യം രൂക്ഷമാണെന്നും അസഹനീയമാണെന്നും ഇവ ഡെങ്കിപ്പനി പോലുള്ള മാരക രോഗങ്ങള് പരത്തുന്ന കൊതുകുകളാണെന്നുമാണ് ദോലാല് പട്ടേല് പറഞ്ഞത്. മുന്സിപ്പല് കോര്പറേഷനിലെ ഹെല്ത്ത് ഓഫീസര്ക്ക് മുന്നില് ഇയാളെന്തിനാണ് ചത്ത കൊതുകുമായി എത്തിയതെന്ന ചോദ്യത്തിനും പട്ടേല് തന്നെ വ്യക്തമായ ഉത്തരം തരുന്നു. താന് ആദ്യം ഒരു ഡോക്ടറെ കണ്ടിരുന്നെന്നും അദ്ദേഹം കൊതുകുകളെ പരിശോധിക്കണമെന്ന് പറഞ്ഞുവെന്നുമാണ് എക്സില് പ്രചരിക്കുന്ന വീഡിയോയില് പട്ടേല് ഹെല്ത്ത് ഓഫീസറിനോട് പറയുന്നത്. ഈ…
Read More » -
ഇതാ ചൈനയുടെ മാന്ഹാട്ടന് പ്രോജക്ട്! അമേരിക്കന് വിലക്കുകള് തകര്ത്ത് എഐ ചിപ്പുകളുടെ നിര്മാണത്തിനുള്ള മെഷീന് രൂപകല്പനയുടെ നിര്ണായക ഘട്ടം പൂര്ത്തിയാക്കി; രഹസ്യ കേന്ദ്രത്തില് പ്രവര്ത്തനം; ആയിരക്കണക്കിന് എന്ജിനീയര്മാര്; റിവേഴ്സ് എന്ജിനീയറിംഗ് മുതല് ചാരപ്രവര്ത്തനം വരെ; കുത്തകകള് തകര്ന്നടിയും
സിംഗപ്പുര്: അമേരിക്ക ആറ്റംബോബ് ആദ്യമായുണ്ടാക്കിയ മാന്ഹാട്ടന് പ്രോജക്ടുപോലെ ആര്ട്ടിഫിഷ്യല് ഇന്റലിജന്സ് രംഗത്ത് അപ്രമാദിത്യം ഉറപ്പിക്കുന്ന നിര്ണായക കണ്ടുപിടിത്തം നടത്തിയെന്ന വെളിപ്പെടുത്തലുമായി റോയിട്ടേഴ്സ്. അമേരിക്ക വര്ഷങ്ങളായി ശ്രമിച്ചുകൊണ്ടിരിക്കുന്ന, എഐ ചിപ്പുകളുടെ നിര്മാണത്തില് അതീവ നിര്ണായകമാകുന്ന അതീവ സങ്കീര്ണമായ മെഷീന് നിര്മിച്ചെന്ന വെളിപ്പെടുത്തലാണ് പുറത്തുവന്നത്. ഷെന്ഷെനിലെ വമ്പന് സുരക്ഷയുള്ള ലബോറട്ടറിയില് നിര്മിത ബുദ്ധി, സ്മാര്ട്ട്ഫോണുകള്, അത്യാധുനിക ആയുധങ്ങള് എന്നിവയ്ക്കു ശക്തിപകരുന്ന സെമി കണ്ടക്ടര് ചിപ്പുകള് നിര്മിക്കാന് കഴിയുന്ന യന്ത്രത്തിന്റെ പ്രോട്ടോ ടൈപ്പാണ് ചൈന വികസിപ്പിച്ചത്. ഒരു ഫാക്ടറി മുഴുവന് നിറയുന്ന വലുപ്പമുള്ള യന്ത്രത്തിന്റെ നിര്മാണം ഈ വര്ഷം ആദ്യം പൂര്ത്തിയായെന്നും ഇപ്പോള് പരീക്ഷണ ഘട്ടത്തലാണെന്നുമാണു പറയുന്നത്. ഡച്ച് സെമികണ്ടക്ടര് നിര്മാണ കമ്പനിയായ എഎസ്എംഎല്ലിന്റെ മുന് എന്ജിനീയര്മാര് ചേര്ന്നാണ് ഈ നേട്ടമുണ്ടാക്കിയത്. നിലവില് എഎസ്എംഎല്-നു മാത്രമുള്ള എക്ട്രീം അള്ട്രാവയലറ്റ് ലിത്തോഗ്രാഫി മഷീന് (ഇയുവി) ആണ് റിവേഴ്സ് എന്ജീനീയറിംഗി (അഴിച്ചുപണി)യിലൂടെ നിര്മിച്ചത്. സാങ്കേതിക ശീതയുദ്ധം നടക്കുന്ന കാലത്ത് ഇയുവി മെഷീനുകള് നിര്ണായകമാണ്. അള്ട്രാ വയലറ്റ് കിരണങ്ങള് ഉപയോഗിച്ചു…
Read More » -
തോറ്റ ക്ഷീണം മാറ്റാന് ഒരു ടൂറു പോയി ബിഎംഡബ്ല്യു ബൈക്കോടിച്ചതിനാണ് ഈ പൊല്ലാപ്പ്; രാഹുല്ഗാന്ധിയുടെ അനവസര ടൂറില് പ്രതിപക്ഷത്തിനും പ്രതിഷേധം; പ്രധാനപ്പെട്ട ബില്ല് ചര്ച്ച ചെയ്യുമ്പോള് ബൈക്കോടിച്ച് രസിച്ചതിനെതിരെ ജോണ് ബ്രിട്ടാസ്
ന്യൂഡല്ഹി: ബീഹാര് തോല്വിയുടെ ക്ഷീണം മാറ്റാന് ഒന്നു കറങ്ങാന് പോയതായിരുന്നു പാര്ലമെന്റിലെ പ്രതിപക്ഷനേതാവ് രാഹുല്ഗാന്ധി. അതാണിപ്പോള് വലിയ പ്രശ്നമായിരിക്കുന്നത്. പ്രശ്നമാക്കിയത് പ്രതിപക്ഷത്തുള്ളവര് തന്നെയാണെന്നത് മറ്റൊരു കൗതുകം!! രാജ്യത്തിന് ഒരു ഫുള് ടൈം പ്രതിപക്ഷ നേതാവ് വേണമെന്ന മുഖവുരയോടെ ജോണ് ബ്രിട്ടാസ് എംപിയാണ് ചന്ദ്രേട്ടനെവിട്യാ എന്ന് ചോദിക്കും പോലെ രാഹുല്ഗാന്ധി എവിട്യാ എന്ന് ചോദിച്ചത്.ജനവിരുദ്ധ ബില്ല് പാര്ലമെന്റില് പരിഗണിക്കുമ്പോള് രാഹുല്ഗാന്ധി ബിഎംഡബ്ല്യു ബൈക്ക് ഓടിച്ച് രസിച്ചതാണ് ബ്രിട്ടാസിന് പിടിക്കാഞ്ഞത്. ഒരാഴ്ച കഴിഞ്ഞ് ബൈക്ക് ഓടിച്ചാല് പോരേ? ബിഎംഡബ്ല്യു കമ്പനി അവിടെതന്നെ ഉണ്ടാകുമല്ലോ എന്നാണ് ജോണ് ബ്രിട്ടാസിന്റെ ചോദ്യം. പാര്ലമെന്റില് തൊഴിലുറപ്പ് ഭേദഗതി ബില് ചര്ച്ച ചെയ്യുമ്പോള് പ്രതിഷേധങ്ങള്ക്ക് ചുക്കാന് പിടിക്കേണ്ട പ്രതിപക്ഷ നേതാവ് വിദേശ പര്യടനത്തിന് പോയത് ശരിയായില്ലെന്നാണ് ബ്രിട്ടാസും കൂട്ടരും പറയുന്നത്. അത് ശരിയാണെന്ന് പ്രതിപക്ഷത്തെ മിക്കവരും സമ്മതിക്കുന്നു. ജനവിരുദ്ധ ബില്ല് പാര്ലമെന്റില് വരുമ്പോള് പ്രതിപക്ഷനേതാവ് എവിടെയായിരുന്നുവെന്ന് ആദ്യം ചോദിച്ചത് ഡിഎംകെയിലെ ടി.ആര്.ബാലുവാണ്. ശൈത്യകാല സമ്മേളനത്തിന്റെ കലണ്ടര് നേരത്തേ അറിയാവുന്നതല്ലേ.…
Read More » -
ഒരാളെ കൊന്ന് ടാങ്കില് കുഴിച്ചുമൂടുന്നത് നിങ്ങള് കണ്ടിട്ടുണ്ടോ? നിങ്ങളുടെ രാജ്യത്തായിരുന്നു ഇതെങ്കില് ‘മനുഷ്യത്വപരമായ’ ഇടപെടല് നടത്തുമായിരുന്നോ? നിമിഷ പ്രിയയുടെ മോചനത്തിനായി ഇടപെട്ട ഇറാനെ വിമര്ശിച്ച് തലാലിന്റെ സഹോദരന്; ‘രക്തം കൊണ്ട് കച്ചവടം ചെയ്യാന് വരരുത്, നീതിപൂര്വകമായ ശിക്ഷ മാത്രമാണ് പരിഹാരം’
സനാ: യെമനില് ജയിലില് കഴിയുന്ന മലയാളി നഴ്സ് നിമിഷ പ്രിയയുടെ മോചനത്തില് ഇറാന് ഇടപെടലിനെതിരെ കൊല്ലപ്പെട്ട തലാലിന്റെ സഹോദരന് അബ്ദുള് ഫത്താഹ് മെഹ്ദി. കൊലപാതകം നടന്നത് ഇറാനിലായിരുന്നെങ്കില് മനുഷത്വപരമായ കാരണങ്ങള് നിരത്തുമായിരുന്നോ എന്നാണ് ഫത്താഹ് ഫെയ്സ്ബുക്കില് എഴുതിയ കുറിപ്പില് പറയുന്നത്. ഇറാന് വിദേശകാര്യ മന്ത്രി അബ്ബാസ് അരഗചിയോടാണ് ഫത്താഹിന്റെ ചോദ്യങ്ങള്. ‘അബ്ബാസ്, ഇത് എന്ത് തരം മനുഷ്യത്വമാണ്? ഈ കുറ്റകൃത്യം നിങ്ങളുടെ രാജ്യത്താണ് നടന്നതെങ്കിലോ? ഒരാളെ അറുത്തുകൊല്ലുകയും, അതിനുശേഷ കഷ്ണങ്ങളായി നുറുക്കുകയും ചെയ്തിരുന്നെങ്കിലോ? അന്ന് ആ കൊലയാളിയെ മോചിപ്പിക്കാന് നിങ്ങള് ഈ ‘മനുഷ്യത്വപരമായ കാരണങ്ങള്’ നിരത്തുമായിരുന്നോ? എന്നാണ് ഫത്താഫ് ചോദിക്കുന്നത്. ഇത്രയും ക്രൂരമായ കുറ്റകൃത്യങ്ങള്ക്ക് നീതിപൂര്വമായ ശിക്ഷമാത്രമാണ് പരിഹാരം എന്നത് നിങ്ങള്ക്കറിയാം. നീതി തടസപ്പെടുത്തുന്നത് മനുഷ്യത്വപരമല്ല. അത് കുറ്റകൃത്യത്തേക്കാള് വലിയ മറ്റൊരു കുറ്റകൃത്യമാണ്. ഇരയുടെ കുടുംബത്തോടും അവകാശത്തോടും സമൂഹത്തോടും നിയമത്തോടും, ഭരണഘടനയോടും, മനുഷ്യമനസാക്ഷിയോടും ചെയ്യുന്ന കുറ്റകൃത്യമാണെന്നും ഫത്താഹ് എഴുതി. യഥാര്ത്ഥ വേദനയും അടിച്ചമര്ത്തലും എന്താണെന്ന് നിങ്ങള്ക്കറിയാമോ? ഒരാളെ കൊന്ന് ടാങ്കില് കുഴിച്ചുമൂടുന്നത്…
Read More » -
ബിജെപിക്കു തമിഴ്നാട്ടില് പ്രസക്തിയില്ല; മാസ് ഡയലോഗുമായി വീണ്ടും വിജയ്യുടെ റാലി; ഡിഎംകെയ്ക്കു നേരെ കടന്നാക്രമണം; അണ്ണാ ഡിഎംകെയ്ക്കു തലോടല്; കടുത്ത നിയന്ത്രണത്തിലും ഒഴുകിയെത്തിയത് ആയിരങ്ങള്
ഈറോഡ്: ആയിരങ്ങളെ പങ്കെടുപ്പിച്ച് തമിഴ്നാട്ടിലെ ഈറോഡില് വിജയിയുടെ പൊതുസമ്മേളനം. കരൂർ ദുരന്തത്തിനു ശേഷം ആദ്യമായാണ് തുറന്ന സ്ഥലത്ത് ടി.വി.കെ യോഗം വിളിക്കുന്നത്. മാസ് സിനിമ ഡയലോഗുകളുമായെത്തിയ പ്രിയതാരത്തിന്റെ ഓരോ വാക്കിലും ആരവമുയർന്നു. ഡിഎംകെയെ കടന്നാക്രമിച്ചും അണ്ണാ ഡിഎംകെയെ തലോടിയുമായിരുന്നു വിജയിയുടെ പ്രസംഗം. കരൂർ ദുരന്തത്തിന്റെ പശ്ചാത്തലത്തിൽ ഒരുക്കിയ കടുത്ത നിയന്ത്രണങ്ങളിൽ നടന്ന പൊതുസമ്മേളനത്തിലേക്ക് പുലർച്ചെ 6 മുതൽ തന്നെ ആളുകൾ ഒഴുകിത്തുടങ്ങിയിരുന്നു. തമിഴ് രാഷ്ട്രീയത്തിൽ ആരെ ഒപ്പം നിർത്തണം, അതിന് ആരെ എതിർക്കണം എന്ന് വ്യക്തമാക്കിയായിരുന്നു വിജയിയുടെ പ്രസംഗം. 10 വയസ്സിൽ സിനിമയിൽ വന്നപ്പോൾ മുതൽ തമിഴ്നാട്ടിലെ ജനങ്ങളുമായുള്ള ആത്മബന്ധമാണ്. ടി.വി കെയെ ജനങ്ങളിൽ നിന്ന് അകറ്റാനാണ് ശ്രമം നടക്കുന്നത്. പെരിയാറിന്റെ പേരു പറഞ്ഞ് കൊള്ളയടിക്കുകയാണ് സർക്കാർ. എംജിആറും ജയലളിതയും ഡിഎംകെ യെ കടന്നാക്രമിച്ചിരുന്നത് ശരിയായിരുന്നുവെന്ന് പിന്നീടാണ് മനസിലായതെന്നും വിജയ് പറഞ്ഞു. അതായത് അണ്ണാ ഡിഎംകെ വികാരത്തെ ഒപ്പം ചേർത്തുനിർത്തി ഡിഎംകെയെ പ്രതിരോധിക്കുന്ന രാഷ്ട്രീയം വിജയ് തുടരും. ബിജെപിയെക്കുറിച്ചും കാര്യമായൊന്നും പറഞ്ഞില്ല.…
Read More » -
ബുര്ഖ ധരിക്കാത്തതിന്റെ പേരില് ഭാര്യയെ കൊലപ്പെടുത്തിയ യുപി സ്വദേശി; മുഖം കാണുമെന്നതിനാല് തിരിച്ചറിയല് കാര്ഡും ആധാര് കാര്ഡും പോലും ഉണ്ടാക്കിയില്ല ; മൃതദേഹം കുഴിച്ചിട്ട് അതിന് മുകളില് ഇഷ്ടിക പാകി തറകെട്ടി
ലക്നൗ: ഭാര്യ ബുര്ഖ ധരിക്കാതെ മാതാപിതാക്കളുടെ വീട്ടില് പോയതില് പ്രകോപിതനായി ഭാര്യയെ ഭര്ത്താവ് കൊന്നു കുഴിച്ചുമൂടി. ഉത്തര്പ്രദേശിലെ ഷാംലിയില് തന്റെ ഭാര്യ താഹിറ (32), മക്കളായ അഫ്രീന് (14), സെഹ്റീന് (7) എന്നിവരെയാണ് ഫാറൂഖ് കൊലപ്പെടുത്തിയത്. വിവാഹ ചടങ്ങുകളില് പാചകക്കാരനായി ജോലി ചെയ്യുന്ന ഫാറൂഖ് ഈ ക്രൂരകൃത്യം ചെയ്തത്. ഡിസംബര് 10-ന് അര്ദ്ധരാത്രിയിലാണ് കൊലപാതകം നടന്നത്. ഭാര്യ ബുര്ഖയില്ലാതെ സ്വന്തം വീട്ടില് പോയത് തന്റെ അന്തസ്സിന് കളങ്കമുണ്ടാക്കിയെന്ന് ആരോപിച്ചായിരുന്നു അക്രമം. കടുത്ത മതവിശ്വാസിയായ താഹിറ ബുര്ഖ ധരിക്കണമെന്ന് ഫാറൂഖിന് നിര്ബന്ധമുണ്ടാ യി രുന്നു. ബുര്ഖയില്ലാത്ത ചിത്രം തിരിച്ചറിയല് രേഖകളില് വരുമെന്നതിനാല് കഴിഞ്ഞ 18 വര് ഷമായി ആധാര് കാര്ഡോ റേഷന് കാര്ഡോ എടുക്കാന് അദ്ദേഹം ഭാര്യയെ അനുവദിച്ചി രുന്നില്ല. അടുക്കളയില് വെച്ച് താഹിറയെ വെടിവെച്ചു കൊല്ലുകയായിരുന്നു. ശബ്ദം കേട്ടെത്തിയ മൂത്തമകള് അഫ്രീനെയും വെടിവെച്ചു വീഴ്ത്തി. പിന്നാലെയെത്തിയ രണ്ടാമത്തെ മകള് സെഹ്റീനെ കഴുത്തുഞെരിച്ചാണ് കൊലപ്പെടുത്തുകയുമായിരുന്നു. കൊലപാതകത്തിന് ശേഷം വീട്ടുമുറ്റത്ത് ശുചിമുറിക്കായി കുഴിച്ച ഒമ്പതടി താഴ്ചയുള്ള…
Read More » -
സ്ത്രീകളുടെ പദ്ധതിക്ക് വേണ്ടിയുള്ള 10,000 രൂപ വീണത് പുരുഷന്മാരുടെ അക്കൗണ്ടില് ; പിഴവ് തിരിച്ചറിഞ്ഞ് തിരികെ നല്കണമെന്ന ഉദ്യോഗസ്ഥര് ; ചെയ്ത വോട്ടു തിരിച്ചു തന്നാല് പണം തിരികെ തന്നേക്കാമെന്ന് വോട്ടര്മാര്
പാട്ന: സ്്ത്രീകളുടെ പദ്ധതിയുമായി ബന്ധപ്പെട്ട് അവരുടെ അക്കൗണ്ടിലേക്ക് അയച്ച പണം പുരുഷന്മാരുടെ അക്കൗണ്ടില് വീണുപോയതിനെ തുടര്ന്ന് തിരികെ ചോദിച്ച് ബീഹാര് സര്ക്കാര്. മുഖ്യമന്ത്രി മഹിളാ റോജ്ഗര് യോജനയുടെ ഭാഗമായി തെരഞ്ഞെടുപ്പിന്റെ തൊട്ടുമുമ്പ് നിതീഷ് കുമാര് സര്ക്കാര് സ്ത്രീകളുടെ അക്കൗണ്ടിലേക്ക് പണം അയച്ചിരുന്നു. ഇതില് ചിലതാണ് പുരുഷന്മാരുടെ അക്കൗണ്ടിലേക്ക് മാറിയെത്തിയിരിക്കുന്നത്. അതേസമയം സംഭവം വിവാദമായി മാറുകയും ചെയ്തിട്ടുണ്ട്. ദര്ഭന്ഗ ജില്ലയിലെ 14 പുരുഷന്മാരുടെ അക്കൗണ്ടിലേക്കാണ് പണം മാറി എത്തിയത്. സാങ്കേതിക പിശക് കാരണം പണം പുരുഷന്മാരുടെ അക്കൗണ്ടിലേക്കും എത്തിയെന്ന് കണ്ടെത്തിയ ഉദ്യോഗസ്ഥര് ഇവര്ക്ക് നോട്ടീസ് അയക്കുകയായിരുന്നു. ചിലര് പണം തിരികെ നല്കിയിട്ടുണ്ടെങ്കിലും മറ്റു ചിലര് പണം തിരിച്ചു നല്കാന് തങ്ങള് നല്കിയ വോട്ട് തിരികെ തരാനാണ് ആവശ്യപ്പെട്ടിരിക്കുന്നത്. നവംബറിലെ നിയമസഭാ തെരഞ്ഞെടുപ്പിന് മുമ്പായി പ്രധാനമന്ത്രി നരേന്ദ്ര മോദിയാണ് പദ്ധതി പ്രഖ്യാപിച്ചത്. സ്ത്രീകള്ക്ക് സ്വന്തമായി ബിസിനസ് തുടങ്ങാന് വേണ്ടിയെന്ന് പറഞ്ഞാണ് പദ്ധതി പ്രഖ്യാപിച്ചത്. ബിഹാറിലെ 75 ലക്ഷം വരുന്ന സ്ത്രീജനങ്ങള്ക്കായി ആകെ 7500 കോടി…
Read More »