India
-
അതീവ രഹസ്യം; സൈനിക ആസ്ഥാനത്ത് അസിം മുനീറിന്റെ മകള് വിവാഹിതരായി; രാഷ്ട്രീയ നേതാക്കളടക്കം പങ്കെടുത്തിട്ടും ചിത്രങ്ങള് പോലും പുറത്തുവിട്ടില്ല; വരനും സൈനികന്
ഇസ്ലാമാബാദ്: പാക് പ്രതിരോധ മേധാവി അസിം മുനീറിന്റെ മകള് മഹ്നൂര് വിവാഹിതയായി. അസിം മുനീറിന്റെ സഹോദരന് ഖാസിം മുനീറിന്റെ മകന് അബ്ദുള് റഹ്മാനാണ് വരന്. കഴിഞ്ഞയാഴ്ച റാവല്പിണ്ടിയിലെ പാകിസ്ഥാന് ആര്മി ആസ്ഥാനത്ത് വളരെ രഹസ്യമായിട്ടാണ് വിവാഹം നടന്നത്. വിവാഹത്തിന്റെ ചിത്രങ്ങള് പോലും പുറത്തുവിട്ടിട്ടില്ല. രാഷ്ട്രീയ നേതാക്കളും ഉന്നത സൈനിക ഉദ്യോഗസ്ഥരും വിവാഹത്തില് പങ്കെടുത്തതായാണ് റിപ്പോര്ട്ട്. പാക് പ്രതിരോധ മേധാവിയായ അസിം മുനീറിന് നാല് പെണ്മക്കളാണ്. മഹ്നൂര് അദ്ദേഹത്തിന്റെ മൂന്നാമത്തെ മകളാണ്. അതേസമയം, പാകിസ്ഥാന് സൈന്യത്തില് ക്യാപ്റ്റനായി സേവനമനുഷ്ഠിക്കുകയും പിന്നീട് സൈനിക ഓഫീസര്മാര്ക്കായി സംവരണം ചെയ്ത ക്വാട്ടയിലൂടെ സിവില് സര്വീസിലെത്തുകയും ചെയ്തയാളാണ് വരന് അബ്ദുള് റഹ്മാന്. നിലവില് അസിസ്റ്റന്റ് കമ്മീഷണറായി സേവനമനുഷ്ഠിക്കുകയാണ്. പാകിസ്ഥാന് പ്രസിഡന്റ് ആസിഫ് അലി സര്ദാരി, പ്രധാനമന്ത്രി ഷഹ്ബാസ് ഷരീഫ്, ഉപപ്രധാനമന്ത്രി ഇഷാഖ് ദാര്, ഐഎസ്ഐ മേധാവി തുടങ്ങിയവരും, വിരമിച്ച ജനറല്മാര്, മുന് മേധാവികള് തുടങ്ങി പാകിസ്ഥാന് സൈന്യത്തിലെ മറ്റ് അംഗങ്ങളും വിവാഹത്തില് പങ്കെടുത്തതായാണ് റിപ്പോര്ട്ട്. 400 പേരോളം വിവാഹത്തില്…
Read More » -
ദേശീയ കോണ്ഗ്രസില് പോര്? സോണിയയുടെ നേതൃത്വത്തെ പ്രംശസിച്ച് രേവന്ത് റെഡ്ഡി; ആര്എസ്എസിനെ പ്രശംസിച്ച ദിഗ്വിജയ് സിംഗിനു മറുപടിയെന്ന് സോഷ്യല് മീഡിയ; നരസിംഹ റാവുവിനു പ്രധാനമന്ത്രിയാകാന് കഴിഞ്ഞത് സോണിയ ഉള്ളതിനാല്
ന്യൂഡല്ഹി: കോണ്ഗ്രസ് അധ്യക്ഷയായിരുന്ന സോണിയ ഗാന്ധിയെ പ്രശംസിച്ച് തെലങ്കാന മുഖ്യമന്ത്രി രേവന്ത് റെഡ്ഡി. സോണിയ ഗാന്ധിയുടെ നേതൃത്വത്തില് തെലങ്കാനയിലെ ഒരു ഗ്രാമത്തില് നിന്ന് കടന്നുവന്ന പി.വി. നരസിംഹറാവു പ്രധാനമന്ത്രിയായി മാറിയെന്ന് രേവന്ത് റെഡ്ഡി എക്സ് പോസ്റ്റിലൂടെ ചൂണ്ടിക്കാട്ടി. മുതിര്ന്ന കോണ്ഗ്രസ് നേതാവ് ദിഗ്വിജയ് സിംഗിനുള്ള മറുപടിയെന്നാണു പോസ്റ്റിലെ പ്രതികരണങ്ങള്. സോണിയ ഗാന്ധിയുടെ നേതൃത്വത്തെക്കുറിച്ച് ചിന്തിക്കുമ്പോള്, സേവനം, പ്രതിബദ്ധത, ധാര്മ്മികത, മൂല്യങ്ങള് എന്നിവ നമുക്ക് കണ്ടെത്താന് കഴിയും. സോണിയ ഗാന്ധിയുടെ നേതൃത്വത്തില്, തെലങ്കാനയിലെ ഒരു വിദൂര ഗ്രാമത്തില് നിന്ന് പൊതുജീവിതം ആരംഭിച്ച ശ്രീ പി.വി. നരസിംഹറാവു റാവുവിന് രാജ്യത്തിന്റെ പ്രധാനമന്ത്രിയാകാന് സാധിച്ചു. ഡോ. മന്മോഹന് സിംഗിനെപ്പോലെ സാമ്പത്തിക വിദഗ്ധനെയും സോണിയ ഗാന്ധി പ്രധാനമന്ത്രിയാക്കി എന്നും പോസ്റ്റില് പറയുന്നു. കഴിഞ്ഞ ദിവസം മുതിര്ന്ന കോണ്ഗ്രസ് നേതാവ് ദിഗ്വിജയ് സിങ് ബിജെപിയുടെയും രാഷ്ട്രീയ സ്വയംസേവക സംഘത്തിന്റെയും (ആര്എസ്എസ്) സംഘടനാ ശക്തിയെ പ്രശംസിച്ചിരുന്നു. ഒരു കസേരയില് ഇരിക്കുന്ന ബിജെപി മുതിര്ന്ന നേതാവ് എല്.കെ. അദ്വാനിയുടെ അടുത്ത് തറയില്…
Read More » -
അടി തെറ്റിയാല് ആരാധകര് മാത്രമല്ല സൂപ്പര്താരവും വീഴും; ആരാധകരുടെ തിക്കിലും തിരക്കിനുമിടെ വീണ് വിജയ്; വീഴ്ചകളില് നിന്നുയര്ന്ന് ചിന്ന ദളപതി
ചെന്നൈ: അടി തെറ്റിയാല് ആനയും ആരാധകരും മാത്രമല്ല ഏത് സൂപ്പര്താരവും താഴെ വീഴുമെന്ന് തെളിയിച്ചിരിക്കുകയാണ് ചിന്ന ദളപതി വിജയ്. ആരാധകരുടെ തിക്കിലും തിരക്കിനുമിടെ നിലത്ത് വീഴുന്ന നടനും തമിഴക വെട്രി കഴകം പാര്ട്ടി അധ്യക്ഷനുമായ വിജയ് എഴുനേല്ക്കുന്ന ദൃശ്യങ്ങള് വൈറലായിക്കഴിഞ്ഞു. കഴിഞ്ഞ ദിവസം ചെന്നൈ വിമാനത്താവളത്തിലായിരുന്നു സംഭവം. വിമാനത്താവളത്തില് തടിച്ചുകൂടിയ ആരാധകരെ നിയന്ത്രിക്കാന് സുരക്ഷാ സേനയ്ക്ക് കഴിഞ്ഞില്ല. സുരക്ഷാ സേന ഒരുക്കിയ വലയങ്ങളെല്ലാം മറികടന്ന് ആരാധകര് വിജയ്ക്ക് അടുത്തേക്ക് എത്തി. ഇതിനിടെ വാഹനത്തിലേക്ക് കയറാന് പോകുകയായിരുന്ന വിജയ് താഴെ വീഴുകയായിരുന്നു. കൂടെയുള്ളവര് പിടിച്ച് എഴുന്നേല്പ്പിച്ചാണ് വിജയിയെ കാറിനകത്തേക്ക് കയറ്റിയത്. ഉടന് തന്നെ അദ്ദേഹം വാഹനത്തില് യാത്ര തിരിക്കുകയും ചെയ്തു. മലേഷ്യയില്വെച്ച് നടന്ന തന്റെ പുതിയ ചിത്രം ജനനായകന്റെ ഓഡിയോ ലോഞ്ചില് പങ്കെടുത്ത് ചെന്നൈയില് മടങ്ങിയെത്തിയതായിരുന്നു വിജയ്. ഇതിനിടെയാണ് ആരാധകര് തിക്കും തിരക്കുമുണ്ടാക്കിയതും വിജയ് വീണുപോയതും. പൊങ്കല് റിലീസായാണ് ജനനായകന് തീയറ്ററുകളില് എത്തുന്നത്. മലേഷ്യയില് നിന്ന് തിരികെ ചെന്നൈയില് എത്തിയപ്പോഴായിരുന്നു ആരാധകരുടെ…
Read More » -
ബംഗ്ലാദേശ് പോലീസ് പറയുന്നത് തെറ്റെന്ന് ബിഎസ്എഫ്; ഒസ്മാന് ഹാദിയുടെ കൊലയാളികള് ഇന്ത്യയിലേക്ക് കടന്നതായി ബംഗ്ലാദേശ് പോലീസ്; ഇ്ല്ലെന്ന് നിഷേധിച്ച് ബോര്ഡര് സെക്യൂരിറ്റി ഫോഴ്സ്
ധാക്ക: ബംഗ്ലാദേശ് വിദ്യാര്ത്ഥി പ്രക്ഷോഭ നേതാവ് ഷരീഫ് ഒസ്മാന് ഹാദിയെ കൊലപ്പെടുത്തിയ കേസിലെ പ്രധാന പ്രതികളായ രണ്ട് പേര് ഇന്ത്യയിലേക്ക് കടന്നതായി ധാക്ക മെട്രോപോളിറ്റന് പോലീസ്. എന്നാല് ഇത് ശക്തമായി നിഷേധിച്ച് ഇന്ത്യ. കേസിലെ പ്രധാന പ്രതികളായ ഫൈസല് കരീം മസൂസ്, ആലംഗീര് ഷെയ്ഖ് എന്നിവര് ഇന്ത്യയിലേക്ക് കടന്നതായാണ് ധാക്ക പോലീസ് പറയുന്നത്. മേഘാലയിലെ ഹാലുഘട്ട് അതിര്ത്തി വഴിയാണ് പ്രതികള് കടന്നതെന്നാണ് അഡീഷണല് കമ്മീഷണര് എസ്.എന്.നസ്റുള് ഇസ്ലാം മാധ്യമപ്രവര്ത്തകരോട് വ്യക്തമാക്കിയത്. പ്രതികള്ക്ക് രാജ്യം വിടാന് പ്രാദേശിക സഹായം ലഭിച്ചതായും കമ്മീഷണര് അറിയിച്ചു. ഹാലുഘട്ട് അതിര്ത്തിയില് പുരി എന്ന് പേരുള്ളയാളാണ് പ്രതികളെ സ്വീകരിച്ചതെന്ന് അഡീഷണല് കമ്മീഷണര് പറഞ്ഞു. അതിന് ശേഷം സമി എന്ന് പേരുള്ള ഒരു ടാക്സി ഡ്രൈവര് ഇവരെ മേഘാലയയിലെ ടുറാ സിറ്റിയില് എത്തിച്ചതായും കമ്മീഷണര് പറഞ്ഞു. പോലീസിന് ലഭിച്ച അനൗദ്യോഗിക വിവരം അനുസരിച്ച് പ്രതികളെ ഇന്ത്യന് അധികൃതര് കസ്റ്റഡിയില് എടുത്തതായാണ് അറിയുന്നതെന്നും പ്രതികളെ അറസ്റ്റ് ചെയ്യാനും ശേഷം കൈമാറാനുമായി…
Read More » -
അണിയറയില് വീണ്ടും യുദ്ധ നീക്കം? അടിച്ചാല് ശക്തമായി തിരിച്ചടിക്കുമെന്ന് ഇറാന്; നെതന്യാഹു- ട്രംപ് കൂടിക്കാഴ്ചയില് തന്ത്രങ്ങള് മെനയുമെന്ന് റിപ്പോര്ട്ട്; ഇറാന്റെ ബാലിസ്റ്റിക് മിസൈല് പദ്ധതിയില് ആശങ്ക
ടെഹ്റാന്: അക്രമിച്ചാല് യു.എസിനും ഇസ്രയേലിനും ശക്തമായ തിരിച്ചടി നല്കുമെന്ന് ഇറാന് പ്രസിഡന്റ് മസൂദ് പെസഷ്കിയാന്. തിങ്കളാഴ്ച ഇസ്രയേല് പ്രധാനമന്ത്രി ബെന്യമിന് നെതന്യാഹു യു.എസ് പ്രസിഡന്റ് ഡൊണള്ഡ് ട്രംപിനെ കാണുന്നതിന് മുന്നോടിയായാണ് ഇറാന്റെ മുന്നറിയിപ്പ്. ട്രംപ് നെതന്യാഹു കൂടിക്കാഴ്ചയില് ഇറാനെ വീണ്ടും ആക്രമിക്കാനുള്ള കാര്യം ചര്ച്ചയാകുമെന്ന അഭ്യൂഹങ്ങളുണ്ട്. ‘അമേരിക്ക, ഇസ്രയേല്, യൂറോപ്പ് എന്നിവരുമായി ഇറാന് പൂര്ണ യുദ്ധത്തിലാണ്. ഞങ്ങള് സ്വന്തം കാലില് നില്ക്കാന് അവര് ആഗ്രഹിക്കുന്നില്ല. നമ്മുടെ പ്രിയപ്പെട്ട സൈന്യം അവരുടെ ജോലി കരുത്തോടെയാണ് ചെയ്യുന്നത്. ആയുധങ്ങളുടെ കാര്യത്തിലും ആള്ബലത്തിന്റെ കാര്യത്തിലും നമ്മുടെ സൈന്യം യു.എസും ഇസ്രയേലും ആക്രമിച്ചപ്പോള് ഉള്ളതിനേക്കാള് ശക്തരാണ്’ എന്നും പെസഷ്കിയാന് പറഞ്ഞു. അതിനാല് തങ്ങളെ അക്രമിച്ചാല് കനത്ത തിരിച്ചടി ലഭിക്കും. ഇത് ഇറാന്റെ 1980 ലെ ഇറാഖ് യുദ്ധത്തേക്കാള് മാരകമായിരിക്കും എന്നാണ് പെസഷ്കിയാന് അഭിമുഖത്തില് പറഞ്ഞത്. യുഎസും ഇസ്രയേലും ഇറാനും തമ്മില് സംഘര്ഷം നടന്ന് ആറു മാസത്തിനൊടുവിലാണ് പുതിയ സംഭവികാസങ്ങള്. ഇറാന്റെ സൈനിക കേന്ദ്രങ്ങള്ക്കും ആണവ കേന്ദ്രങ്ങളും ലക്ഷ്യമിട്ട്…
Read More » -
ഇതുതന്നെയല്ലേ തരൂര്ജിയും പറയുന്നത് തരൂര് ഗ്രൂപ്പില് ദിഗ്വിജയ്സിംഗും ചേര്ന്നോ എന്ന് കോണ്ഗ്രസുകാര്; ദിഗ്വിജയ്സിംഗിനെ സപ്പോര്ട്ട് ചെയ്ത് ശശി തരൂര്;പാര്ട്ടിയില് പരിഷ്കരണം വേണം
ന്യൂഡൽഹി : കഴിഞ്ഞകാലമായി താൻ പറഞ്ഞു കൊണ്ടിരിക്കുന്നത് മുതിർന്ന നേതാവ് ദിഗ്വിജയ് സിംഗ് പറഞ്ഞപ്പോൾ ആ ഡയലോഗിന് കട്ട സപ്പോർട്ടു മായി രംഗത്തെത്തിയിരിക്കുകയാണ് ശശി തരൂർ എംപി. ഇപ്പോൾ ദിഗ്വിജയ് സിംഗ് പറഞ്ഞ കാര്യങ്ങളൊക്കെ തന്നെയാണ് താൻ കുറെ കാലമായി പറഞ്ഞു കൊണ്ടിരിക്കുന്നതെന്ന് തരൂർ മനസ്സിൽ കരുതുന്നുണ്ട്. പാർട്ടിയിൽ പരിഷ്കരണം വേണമെന്ന ദിഗ്വിജയ് സിംഗിന്റെ ആവശ്യത്തെ പിന്തുണച്ച് ശശി തരൂർ എം പി കോൺഗ്രസുകാർ ഉയർത്തുന്ന പ്രതിഷേധങ്ങൾക്ക് മധ്യേ രംഗത്തെത്തി. ആർഎസ്എസുമായി ബന്ധപ്പെട്ട ദിഗ്വിജയ് സിംഗിന്റെ നിലപാടിനോട് പ്രതികരിക്കാൻ ശശി തരൂർ തയ്യാറായില്ല. എന്നാൽ പാർട്ടിയിൽ പരിഷ്കരണം വേണമെന്ന ദിഗ്വിജയ് സിംഗിന്റെ ആവശ്യത്തെ പിന്തുണച്ച് ശശി തരൂർ എം പി നിലപാടെടുത്തു. പാർട്ടി ശക്തിപ്പെടണമെന്ന് ദിഗ്വിജയ് സിങ്ങിനും ആഗ്രഹിക്കാൻ കഴിയും എന്നായിരുന്നു ശശി തരൂരിൻ്റെ പ്രതികരണം. ഏതൊരു പാർട്ടിയിലും അച്ചടക്കം പ്രധാനമാണെന്ന് പ്രതികരിച്ച ശശി തരൂർ ആർഎസ്എസുമായി ബന്ധപ്പെട്ട ദിഗ്വിജയ് സിങ്ങിൻ്റെ നിലപാടിനോട് പ്രതികരിക്കാൻ തയ്യാറായില്ല. ബിജെപിയെ താൻ പിന്തുണച്ചിട്ടില്ലെന്നും ശശി…
Read More » -
ബുള്ഡോസര് രാജില് കേരളത്തിന്റെ വിമര്ശനം കൊള്ളേണ്ടിടത്തു കൊണ്ടു! കര്ണാടകയുടെ കാര്യത്തില് പിണറായി വിജയന് ഇടപെടേണ്ടെന്ന് ഡി.കെ. ശിവകുമാര്; തകര്ത്തത് 200 വീടുകള്; കൊടുംതണുപ്പില് തെരുവിലായത് ആയിരങ്ങള്
ബംഗളൂരു: കര്ണാടകയിലെ ബെംഗളൂരുവില് നടന്ന കുടിയൊഴിക്കല് നടപടിയിച്ചൊല്ലി (ബുള്ഡോസര് നടപടി) കേരള മുഖ്യമന്ത്രി പിണറായി വിജയനും കര്ണാടക ഉപമുഖ്യമന്ത്രി ഡി.കെ. ശിവകുമാറും തമ്മില് വാക്പോര് മുറുകുന്നു. ബുള്ഡോസര് നടപടിക്കെതിരെ വിമര്ശനമുന്നയിച്ച പിണറായി വിജയനോട് കര്ണാടകയുടെ ആഭ്യന്തര കാര്യങ്ങളില് ഇടപെടരുതെന്ന് ഡി.കെ ശിവകുമാര് ശനിയാഴ്ച താക്കീത് നല്കി. യെലഹങ്കയിലെ കോഗിലു ഗ്രാമത്തിലുള്ള വസീം ലേഔട്ട്, ഫക്കീര് കോളനി എന്നിവിടങ്ങളില് ഇരുന്നൂറിലധികം വീടുകള് തകര്ത്ത നടപടി അങ്ങേയറ്റം ഞെട്ടിപ്പിക്കുന്നതും വേദനാജനകവുമാണെന്ന് മുഖ്യമന്ത്രി പിണറായി വിജയന് വെള്ളിയാഴ്ച എക്സില് കുറിച്ചിരുന്നു. ഉത്തരേന്ത്യന് സംസ്ഥാനങ്ങളില് സംഘപരിവാര് നടപ്പിലാക്കുന്ന ‘ബുള്ഡോസര് രാജി’ന്റെ ദക്ഷിണേന്ത്യന് പതിപ്പാണ് കര്ണാടകയില് കാണുന്നതെന്നും ദശകങ്ങളായി മുസ്ലീം വിഭാഗങ്ങള് താമസിക്കുന്ന ഇടങ്ങളിലാണ് ഈ കുടിയൊഴിപ്പിക്കല് നടന്നതെന്നും അദ്ദേഹം ആരോപിച്ചിരുന്നു. കൊടുംതണുപ്പില് ഒരു ജനതയെ മുഴുവന് തെരുവിലേക്ക് ഇറക്കിവിടുന്നത് അംഗീകരിക്കാനാവില്ലെന്നും കോണ്ഗ്രസ് സര്ക്കാരിന്റെ കീഴില് ഇത്തരം നടപടികള് നടക്കുന്നത് അത്ഭുതപ്പെടുത്തുന്നുവെന്നും അദ്ദേഹം പറഞ്ഞിരുന്നു. എന്നാല്, പിണറായി വിജയന്റേത് രാഷ്ട്രീയ പ്രേരിതമായ പ്രസ്താവനയാണെന്നും കര്ണാടകയുടെ ആഭ്യന്തര കാര്യങ്ങളില് അദ്ദേഹം…
Read More » -
ജെന്-സി സൂപ്പറാണ്, പക്ഷേ ബുദ്ധിയില് അത്ര സൂപ്പറല്ല; ഐക്യു ലെവല് താഴേക്കെന്നു പഠനം; വന്നുവന്നു മനുഷ്യന് ബുദ്ധിയില്ലാത്ത മണ്ടന്മാരാകുമോ? എണ്പതുകളിലും തൊണ്ണൂറുകളിലും ജനിച്ചവര് ഐക്യു ലെവലില് പുലികള്
ന്യൂഡല്ഹി: അടുത്തകാലത്ത് ഏറ്റവും കൂടുതല് ആഘോഷിക്കപ്പെട്ട പേരുകളിലൊന്നാണു ജെന് സി എന്നത്. ജെന് സി സൂപ്പറാണ്, എന്തും പറയാന് മടിക്കാത്തവരാണ്, അടിപൊളിയാണെന്നൊക്കെ പറയുമ്പോഴും ചില ശാസ്ത്രീയ പഠനങ്ങളില് അത്ര പോര എന്നാണു കണ്ടെത്തല്. അതു മറ്റൊന്നിലുമല്ല, ഐക്യു (ഇന്റലിജന്റ് കോഷ്യന്റ്) നിലവാരത്തില് അവര് മില്ലേനിയല്സ് അല്ലെങ്കില് എണ്പതിനും 96നും ഇടയില് ജനിച്ചവരേക്കാള് പിന്നിലാണെന്നാണു കണ്ടെത്തല്. അതായത് ബുദ്ധി അത്ര പോരെന്ന്. ഇതോടൊപ്പം കോഗ്നിറ്റീവ് ലോഡ് അഥവാ അറിവിന്റെ ഭാരം ജന് സിക്കു കൂടുതലാണെന്നും കണ്ടെത്തല് പറയുന്നു. സാങ്കേതിക വിദ്യയുടെ സാന്നിധ്യത്തില് പ്രകൃത്യാ ഉള്ളതിനേക്കാള് അറിവ് ഇവര്ക്കു കൂടുന്നു എന്നാണു പറയുന്നത്. ഇന്റര്നെറ്റില്നിന്നു ലഭിക്കുന്ന റീലുകളും കണ്ടന്റുകളും ആഴത്തില് ചിന്തിക്കാനുള്ള കഴിവു നഷ്ടമാക്കുന്നു. ഒപ്പം, പ്രൊസസ്ഡ് ഭക്ഷണങ്ങളും ജെന്-സിയുടെ മാനസിക വളര്ച്ചയെ ബാധിച്ചിട്ടുണ്ട്. ചുറ്റുപാടുകളെക്കുറിച്ചുള്ള ബോധവും ആവിഷ്കാരബോധ്യങ്ങളും (ക്രിയേറ്റിവിറ്റി) കുറഞ്ഞുവരുന്നെന്നും കണ്ടെത്തി. ഇഡിയോക്രസി എന്ന സിനിമയില് പറയുമ്പോലെ, ഭാവി തലമുറ ബുദ്ധിയില്ലാത്തവരായി മാറുമോ എന്നതാണു ചര്ച്ച. അപ്പോഴും തൊട്ടു മുമ്പത്തെ തലമുറകളെക്കാള് ജന്-സി…
Read More » -
പെറ്റി കേസാണെങ്കില് അപ്പൊ പിടിക്കും; ഇതിപ്പോള് ഇന്റര്നാഷണല് കുറ്റവാളികളല്ലേ; ഇന്ത്യന് ആഭ്യന്തരവകുപ്പിനെ പരിഹസിച്ചുള്ള ലളിത് മോദിയുടെയും വിജയ് മല്യയുടെയും വീഡിയോക്കെതിരെ രൂക്ഷ വിമര്ശനം; മോദി സര്ക്കാരിനെതിരെ പ്രതിപക്ഷം
ന്യൂഡല്ഹി: ചെറിയ വല്ല കേസാണെങ്കില് നമ്മടെ പോലീസ്, കേരള പോലീസല്ല ഇന്ത്യന്പോലീസ് വേഗം പിടിക്കും. പക്ഷേ ഇത് അങ്ങനെയല്ലല്ലോ..പിടിക്കേണ്ടത് രണ്ട് ഇന്റര്നാഷണല് കുറ്റവാളികളെയല്ലേ…അതും മുകളില് വേണ്ട പിടിപാടുള്ളവര്. അവര് എവിടെയോ ഇരുന്ന് വീഡിയോയിലൂടെ തങ്ങളെ പിടിക്കാന് പറ്റിയില്ലല്ലോ എന്ന് വീമ്പു പറയുമ്പോള് ഇന്ത്യന് പോലീസിന് നാണക്കേട് കുറച്ചൊന്നുമല്ല. അതുകൊണ്ടുതന്നെ അവരെ പിടികൂടാന് കച്ചകെട്ടിയിറങ്ങിയിരിക്കുകയാണ് ഇന്ത്യന് പോലീസ്. വന് സാമ്പത്തിക കുറ്റവാളികളായ ലളിത് മോദിയും വിജയ് മല്യയും വീഡിയോയില് വീമ്പു പറയുന്നത് കേട്ട് മോദി സര്ക്കാരിന് നാണക്കേട് കുറച്ചൊന്നുമല്ല ഉണ്ടായിരിക്കുന്നത്. മറ്റും നിയമസംവിധാനങ്ങളെ വെല്ലുവിളിക്കുന്ന പ്രതികരണങ്ങള് തുടര്ച്ചയായി നടത്തിയിട്ടും കേന്ദ്രസര്ക്കാര് മൗനം തുടരുന്നു. അടുത്തിടെ വിജയ് മല്യയുടെ 70ാം പിറന്നാളാഘോഷച്ചടങ്ങില് പങ്കെടുത്ത് ലളിത്മോദി ഞങ്ങള് കുറ്റവാളികളാണ്. ഇന്ത്യയിലെ വലിയ രണ്ട് കുറ്റവാളികള് എന്ന് പരിഹാസത്തോടെ ഉറക്കെ വിളിച്ചുപറയുന്നത് സമൂഹമാധ്യമങ്ങളില് പ്രചരിച്ചിരുന്നു. ഇത് വളരെ നാണക്കേടാണെന്ന് പരക്കെ അഭിപ്രായമുണ്ടായി. ലളിത് മോദിയുടെ പരിഹാസം സംബന്ധിച്ച് വിദേശമന്ത്രാലയത്തിന്റെ വാര്ത്താസമ്മേളനത്തിലും ചോദ്യമുയര്ന്നു. നാടുവിട്ട സാമ്പത്തിക കുറ്റവാളികളെ…
Read More » -
ക്രിസ്മസ് പുലരിയില് കര്ണാടകയില് വന് ദുരന്തം; നിയന്ത്രണം വിട്ടെത്തിയ കണ്ടെയ്നര് ലോറി ഇടിച്ചുകയറി സ്ലീപ്പര് ബസ് കത്തി; ചിത്രദുര്ഗയില് 17 പേര് മരിച്ചു; റോഡിലെ ഡിവൈഡറിനു മുകളിലൂടെ നിയന്ത്രണം വിട്ട് എതിര് റോഡിലേക്ക് പാഞ്ഞുവന്ന ലോറി ബസ്ിനെ ഇടിച്ചു തകര്ത്തു
ബംഗളുരു: ക്രിസ്മസ് പുലരിയില് കര്ണാടകയില് വന്ദുരന്തം. നിയന്ത്രണം വിട്ട് പാഞ്ഞെത്തിയ കണ്ടെയ്നര് ലോറി സ്ലീപ്പര് ബസില് വന്നിടിച്ച് 17 പേര് മരിച്ചു. കര്ണാടകയിലെ ചിത്രദുര്ഗയിലാണ് കണ്ടെയ്നര് ലോറിയിടിച്ച് സ്ലീപ്പര് ബസ് പൂര്ണ്ണമായും കത്തിനശിച്ച് പതിനേഴു പേര്ക്ക് ദാരുണാന്ത്യമുണ്ടായത്. ബെംഗളൂരുവില് നിന്ന് ഗോകര്ണത്തേക്ക് പോവുകയായിരുന്ന ബസിലുണ്ടായിരുന്ന 29 യാത്രക്കാരില് 17 പേര് മരിച്ചതായാണ് റിപ്പോര്ട്ടുകള്. ഇന്നു പുലര്ച്ചെ രണ്ടുമണിയോടെ ചിത്രദുര്ഗയിലെ ഹിരിയൂരിലെ ദേശീയപാത 48ലാണ് അപകടമുണ്ടായത്. ഏഴു പേര് തീപിടിച്ച ബസില് നിന്ന് ചാടി രക്ഷപ്പെട്ടുവെന്ന് പറയുന്നു. ഇത് സ്ഥിരീകരിച്ചിട്ടില്ല. റോഡിനു നടുവിലുള്ള ഡിവൈഡറിനു മുകളിലൂടെയാണ് നിയന്ത്രണം വിട്ട കണ്ടെയ്നര് ലോറി മറുവശത്തെ റോഡില് നിന്നും ബസ് കടന്നുപോയിരുന്ന റോഡിലേക്ക് പാഞ്ഞുവന്ന് ഇടിച്ചു കയറിയത്. റോഡിലെ സെന്ട്രല് ഡിവൈഡറിലേക്കാണ് ലോറി ആദ്യം പാഞ്ഞുകയറിയത്. നിയന്ത്രണം നഷ്്ടപ്പെട്ടതോടെ ലോറി ബസിലേക്ക് ഇടിച്ചു കയറുകയായിരുന്നു. ഇടിയുടെ ആഘാതത്തില് സ്ലീപ്പര് കോച്ചിന് തീപിടിക്കുകയും നിരവധി യാത്രക്കാര് അതിനുള്ളില് കുടുങ്ങുകയും ചെയ്തു. രക്ഷപ്പെട്ടവര്ക്ക് പരിക്കേല്ക്കുകയും പൊള്ളലേല്ക്കുകയും ചെയ്തിട്ടുണ്ട്.…
Read More »