India
-
ഫ്രണ്ട് ചതിച്ചോ? കശ്മീരില് ആക്രമണങ്ങളുടെ ഭാഗമായ ഭീകരന് വൈറ്റ് ഹൗസില് ട്രംപിന്റെ ഉപദേശകന്! ഇസ്മായില് റോയര് ലഷ്കറെ ക്യാമ്പില് പങ്കെടുത്തയാള്; 13 വര്ഷം ജയിലില്; മറ്റൊരു ഉപദേശകന് ഷയീഖ് ഹംസ യൂസഫിന് ഹമാസുമായി ബന്ധം
ന്യൂയോര്ക്ക്: പാക്കിസ്താനിലെ ലഷ്കറെ തയിബ പരിശീലന ക്യാംപില് പങ്കെടുക്കുകയും കശ്മീരില് ആക്രമണങ്ങളുടെ ഭാഗമാവുകയും ചെയ്ത ഭീകരനെ വൈറ്റ് ഹൗസ് അഡൈ്വസറി ബോര്ഡ് അംഗമായി നിയമിച്ചു. ഇയളടക്കം ഭീകര ബന്ധമുള്ള രണ്ട് പേരാണ് ഹൗസിന്റെ മതസ്വാതന്ത്ര്യ കമ്മീഷന്റെ ഉപദേശക സമിതിയിലേക്ക് നിയമിച്ചത്. നിയമിതനായ ഇസ്മായില് റോയര് ഭീകരവാദ പ്രവര്ത്തനങ്ങളുമായി ബന്ധപ്പെട്ട് 13 വര്ഷം ജയിലില് കിടന്നയാളാണ്. ഭീകര ബന്ധമുള്ളവരെയാണ് കമ്മിറ്റിയിലേക്ക് ഉള്പ്പെടുത്തിയതെന്ന് യുഎസ് പ്രസിഡന്റ് ഡോണാള്ഡ് ട്രംപിന്റെ അടുത്ത അനുയായിയായ ലാറ ലൂമര് കുറ്റപ്പെടുത്തി. അമേരിക്കയ്ക്കെതിരെ യുദ്ധം ചെയ്യാന് ഗൂഢാലോചന നടത്തിയതും അല്-ഖ്വയ്ദയ്ക്കും ലഷ്കര്-ഇ-തൊയ്ബയ്ക്കും പിന്തുണ നല്കിയതും ഉള്പ്പെടെയുള്ള തീവ്രവാദവുമായി ബന്ധപ്പെട്ട കുറ്റങ്ങളാണ് റോയറിനെതിരെ ചുമത്തിയിരുന്നത്. തോക്കുകളുടെയും സ്ഫോടകവസ്തുക്കളുടെയും ഉപയോഗത്തിന് സഹായിച്ചതിന് 2004-ല് ഇയാളെ കോടതി 20 വര്ഷം തടവിന് ശിക്ഷിച്ചിരുന്നു. 13 വര്ഷത്തെ തടലിന് ശേഷം ഇയാള് 2017 ലാണ് പുറത്തിറങ്ങുന്നത്. നേരത്തെ റെന്ഡെല് റോയര് എന്നറിയപ്പെട്ടിരുന്നയാള് 2000 ത്തില് ഇസ്ലാം മതം സ്വീകരിച്ചിരുന്നു. 2000-ല് പാകിസ്ഥാനിലെ ലഷ്കര് ക്യാമ്പുകളില് റോയര്…
Read More » -
പാകിസ്താനു കുടിവെള്ളം മുട്ടിക്കാനുള്ള പദ്ധതികള് അണിയറയില്; കനാല് നിര്മിച്ച് ഇന്ത്യയിലേക്ക് വെള്ളം വഴിതിരിച്ചുവിടും; പോഷക നദികളില് അഞ്ച് ജലവൈദ്യുത പദ്ധതികള്; 90 ശതമാനം വെള്ളവും ഊറ്റിയെടുക്കും; ഉദ്യോഗസ്ഥര്ക്ക് മോദി നിര്ദേശം നല്കിയെന്നും റിപ്പോര്ട്ട്
ന്യൂഡല്ഹി/ഇസ്ലാമാബാദ്: പഹല്ഗാം തീവ്രവാദി ആക്രമണത്തിനു പിന്നാലെ പാകിസ്താനു വെള്ളം നല്കുന്നതു പരിമിതപ്പെടുത്തിയ കേന്ദ്രസര്ക്കാര് കൂടുതല് നടപടികളുമായി രംഗത്ത്. പാകിസ്താനിലെ കൃഷിയിടങ്ങളെ പോഷിപ്പിക്കുന്ന ജലത്തിന്റെ അളവു കുറയ്ക്കാനും ഇന്ത്യയിലേക്കുതന്നെ വഴിതിരിച്ചു വിടാനുമുള്ള പദ്ധതികള് നടപ്പാക്കാനാണ് ഇന്ത്യയുടെ പദ്ധതിയെന്നും റിപ്പോര്ട്ട്. ഇതിനായി പ്രധാനപ്പെട്ട പദ്ധതികള് നടപ്പാക്കുമെന്നു കേന്ദ്രസര്ക്കാര് വൃത്തങ്ങളെ ഉദ്ധരിച്ച് രാജ്യാന്തര വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. ഭീകരാക്രമണത്തില് 26 ഇന്ത്യക്കാര് കൊല്ലപ്പെട്ടതിനു പിന്നാലെയാണ് 1960ലെ സിന്ധുനദീജല ഉടമ്പടിയില്നിന്ന് കേന്ദ്രം പിന്മാറിയത്. ഇതിനു പിന്നാലെ ഓപ്പറേഷന് സിന്ദൂറിലൂടെ ഭീകരകേന്ദ്രങ്ങള് ഇന്ത്യ തകര്ത്തു. യുദ്ധത്തിനു പിന്നാലെ വെടിനിര്ത്തല് പ്രഖ്യാപിച്ചിട്ടും വെള്ളം നല്കുന്ന കാര്യത്തില് തീരുമാനമായില്ല. സിന്ധു നദിയിലെ മൂന്നു ജലാശയങ്ങളായ ചെനാബ്, ഝലം സിന്ധു നദികളിലെ പദ്ധതികളുടെ നിര്വഹണം, ആസൂത്രണം എന്നിവ വേഗത്തിലാക്കാന് പ്രധാനമന്ത്രി നരേന്ദ്ര മോദി ഉത്തരവിട്ടെന്നു ആറ് സര്ക്കാര് വൃത്തങ്ങള് വെളിപ്പെടുത്തി. പ്രധാനമായും പാകിസ്താന്റെ ഉപയോഗത്തിനുള്ള സിന്ധു നദിയിലെ മൂന്ന് ജലാശയങ്ങളായ ചെനാബിലെ രണ്ബീര് കനാലിന്റെ നീളം 120 കിലോമീറ്ററായി ഇരട്ടിയാക്കുന്നതാണ്…
Read More » -
ഫിസിക്സ് പ്രാക്ടിക്കൽ പരീക്ഷക്കെത്തിയ വിദ്യാർത്ഥിനികളെ ലൈംഗികമായി പീഡിപ്പിച്ച് അസി. പ്രൊഫസർ, രാത്രി വിളിക്കാൻ കയ്യിൽ ഫോൺ നമ്പർ എഴുതി നൽകി, 44 കാരൻ പോലീസ് പിടിയിൽ
റൂർക്കി: ഫിസിക്സ് പ്രാക്ടിക്കൽ പരീക്ഷക്കിടെ വിദ്യാർഥികളെ ലൈംഗികമായി പീഡിപ്പിച്ച അസിസ്റ്റന്റ് പ്രൊഫസറെ പൊലീസ് അറസ്റ്റ് ചെയ്തു. ഹരിദ്വാറിലെ റൂർക്കിയിലുള്ള കെഎൽഡിഎവി പിജി കോളേജിൽ എക്സ്റ്റേണൽ എക്സാമിനറായി നിയമിതനായ സർക്കാർ കോളേജ് അസി. പ്രൊഫസർ 44കാരനായ അബ്ദുൽ സലീം അൻസാരിയെയാണ് പൊലീസ് അറസ്റ്റ് ചെയ്തത്. ഫിസിക്സ് പ്രാക്ടിക്കൽ പരീക്ഷയ്ക്കിടെ പന്ത്രണ്ടോളം ബിരുദ വിദ്യാർത്ഥിനികളെ ലൈംഗികമായി പീഡിപ്പിച്ചുവെന്നാണ് പരാതി. അൻസാരിയെ വെള്ളിയാഴ്ച കോടതിയിൽ ഹാജരാക്കി. ഏഴ് വർഷത്തിൽ താഴെ തടവ് ശിക്ഷ ലഭിക്കാവുന്ന ക്രിമിനൽ കേസുകളിൽ സുപ്രീം കോടതിയുടെ നിർദ്ദേശങ്ങൾ പാലിച്ചുകൊണ്ട്, വ്യക്തിഗത ബോണ്ടിൽ ഇയാളെ വിട്ടയക്കാൻ കോടതി പൊലീസിനോട് നിർദ്ദേശിച്ചു. റൂർക്കിക്കടുത്തുള്ള ഗവൺമെന്റ് ഡിഗ്രി കോളേജ് ചുഡിയാലയിലെ ഫാക്കൽറ്റി അംഗമായ കുറ്റാരോപിതനായ പ്രൊഫസറിനെതിരെ ബിഎൻഎസ് സെക്ഷൻ 75-2 (ലൈംഗിക പീഡനം) പ്രകാരം എഫ്ഐആർ രജിസ്റ്റർ ചെയ്തിട്ടുണ്ട്. ഡെറാഡൂണിലെ ഡോയിവാല സ്വദേശിയായ അൻസാരി ബിഎസ്സി നാലാം സെമസ്റ്റർ വിദ്യാർത്ഥികളെ വൈവ പരീക്ഷയ്ക്കായി അടച്ചിട്ട മുറിയിലേക്ക് വിളിച്ചുവരുത്തിയതായി പൊലീസ് പറഞ്ഞു. അൻസാരി അനുചിതമായി വിദ്യാർഥികളോട് പെരുമാറിയെന്ന്…
Read More » -
തുര്ക്കി ബന്ധം: സുരക്ഷാ ക്ലിയറന്സ് റദ്ദാക്കിയതിനു പിന്നാലെ ഇന്ത്യക്കെതിരേ സെലെബി ഏവിയേഷന്സ് കോടതിയില്; കമ്പനിയുടെ ഓഹരി വിപണിയിലും വന് തകര്ച്ച; ഒറ്റ ദിവസംകൊണ്ട് 200 ദശലക്ഷം ഡോളറിന്റെ ഇടിവ്; ജീവനക്കാരെ പിരിച്ചുവിടുന്നെന്നും റിപ്പോര്ട്ട്
ന്യൂഡല്ഹി: സുരക്ഷാ ക്ലിയറന്സ് റദ്ദാക്കിയതിനു പിന്നാലെ ഇന്ത്യയിലെ വിമാനത്താവള ഗ്രൗണ്ട് ഹാന്ഡ്ലിംഗ് നല്കുന്ന തുര്ക്കി ആസ്ഥാനമായുള്ള സെലെബി നിയമ നടപടിക്ക്. തെറ്റായ ആരോപണം ഉന്നയിച്ചാണു സുരക്ഷാ അനുമതി റദ്ദാക്കിയതെന്നു ചൂണ്ടിക്കാട്ടിയാണു ഡല്ഹി ഹൈക്കോടതിയില് പരാതി നല്കിയതെന്നു റോയിട്ടേഴ്സ് റിപ്പോര്ട്ട് ചെയ്തു. ഇന്ത്യ-പാകിസ്ഥാന് സംഘര്ഷത്തില് പാകിസ്ഥാനോടുള്ള തുര്ക്കിയുടെ നിലപാടിനു പിന്നാലെ ഇന്ത്യയില് വന് പ്രതിഷേധം ഉയര്ന്നിരുന്നു. ഇതിനു പിന്നാലെയാണു ‘ദേശീയ സുരക്ഷയുടെ താല്പ്പര്യം’ കണക്കിലെടുത്ത് ഇന്ത്യന് സര്ക്കാര് വ്യാഴാഴ്ച സെലെബിയുടെ സുരക്ഷാ അനുമതി റദ്ദാക്കിയത്. തീരുമാനം റദ്ദാക്കണമെന്നും 3791 പേരുടെ തൊഴിലിനെയും നിക്ഷേപകരുടെ വിശ്വാസത്തെയും ബാധിക്കുമെന്നു ചൂണ്ടിക്കാട്ടിയാണു സെലെബി എയര്പോര്ട്ട് സര്വീസസ് ഇന്ത്യ പരാതി നല്കിയത്. കമ്പനിക്കു മുന്നറിയിപ്പു നല്കാതെയാണു നടപടിയെന്നും ഇവര് വാദിക്കുന്നു. ‘ഒരു സ്ഥാപനം ദേശീയ സുരക്ഷയ്ക്ക് എങ്ങനെ ഭീഷണിയാണെന്നു വിശദീകരിക്കാതെയാണു ദേശീയ സുരക്ഷ ചൂണ്ടിക്കാട്ടിയുള്ള നടപടിയെന്നും ഇതു നിയമപരമായി നിലനില്ക്കില്ലെന്നു’മാണു കമ്പനിയുടെ നിലപാട്. ‘ദേശീയ സുരക്ഷയെക്കുറിച്ചുള്ള അവ്യക്തവും പൊതുവായതുമായ പരാമര്ശം ഒഴികെ, പ്രത്യേകമോ സാരവത്തായതോആയ ഏതെങ്കിലും കാരണം വെളിപ്പെടുത്തുന്നതില്…
Read More » -
വരുമോ ബലൂച് ക്രിക്കറ്റ് ടീം? സ്വാതന്ത്ര്യ പ്രഖ്യാപനത്തിനു പിന്നാലെ ഇന്ത്യയും ബലൂചിസ്താന് ടീമും തമ്മിലുള്ള സൗഹൃദ മത്സരം പ്രഖ്യാപിച്ച് മിര്യാര് ബലൂച്; ഗ്വാദറിലോ ഡല്ഹിയിലോ മത്സരം; ഷഹീന് അഫ്രിദിയും സല്മാന് ആഘയും ആര്ക്കൊപ്പം?
ഇസ്ലാമാബാദ്: പാകിസ്താനിലെ ബലൂചിസ്താന് സ്വതന്ത്രമായെന്നും 80 ശതമാനം സ്ഥലത്ത് സൈന്യത്തിന്റെ നിയന്ത്രണം നഷ്ടമായെന്നും പ്രഖ്യാപിച്ചതിനു പിന്നാലെ പാകിസ്താന്റെ ക്രിക്കറ്റ് ടീമും പിളര്ന്നേക്കുമെന്നു റിപ്പോര്ട്ട്. പാകിസ്താനല്ല ബലൂചിസ്താനെന്നും ജനങ്ങള് അവരുടെ ദേശീയ വിധി തീരുമാനിച്ചെന്നും ഇനി ലോകം നിശബ്ദത പാലിക്കരുതെന്നും ബലൂച് നേതാവ് മിര്യാര് ബലൂച് പ്രഖ്യാപിച്ചതിനു പിന്നാലെയാണു പുതിയ ക്രിക്കറ്റ് ടീമിന്റെ ചര്ച്ചകളും ആരംഭിച്ചത്. ബലൂച് കേന്ദ്രമാക്കി ബലൂചിസ്താന് ക്രിക്കറ്റ് ക്ലബ് നേരത്തെയുണ്ട്. പുതിയ രാജ്യം പ്രഖ്യാപിച്ചു കഴിഞ്ഞാല് പാട് ടീമിലെ പ്രമുഖര് ബലൂച് ടീമിലേക്കു മാറുമെന്നാണാണ് ക്രിക്കറ്റ് രംഗത്തെ പ്രമുഖരുടെ നിരീക്ഷണം. സോഷ്യല് മീഡിയ പ്ലാറ്റ്ഫോമായ എക്സില് ബലൂച് നേതാവും ഇക്കാര്യം പ്രഖ്യാപിച്ചിട്ടുണ്ട്. അധികം വൈകാതെ ഭാരതവും ബലൂചിസ്താന് ക്രിക്കറ്റ് ടീമുകള് തമ്മില് സൗഹൃദ മത്സരം ഡല്ഹിയിലോ ഗ്വാദറിലോ നടക്കുമെന്നാണു മിര്യാര് ബലൂചിന്റെ പ്രഖ്യാപനം. ബലൂചിസ്താനിലെ ഗ്വാദര് ക്രിക്കറ്റ് സ്റ്റേഡിയത്തിന്റെയടക്കം നിയന്ത്രണം വിമതര് നേരത്തേതന്നെ ഏറ്റെടുത്തിരുന്നു. Very soon, there will a friendly match between #Balochistan and…
Read More » -
തരൂരിന്റെ ലക്ഷ്യം അച്ചടക്ക നടപടി എടുപ്പിച്ച് പുറത്തുപോകല്? ലക്ഷ്യം നയതന്ത്ര പദവി? സര്വകക്ഷി സംഘത്തിന്റെ പേരില് വെട്ടിലായി കോണ്ഗ്രസ്; തരൂരിനെ തലവനാക്കിയത് എഐസിസി നല്കിയ പട്ടിക തള്ളിയശേഷം; പിന്തുണച്ച് കെപിസിസി നേതാക്കള്
ന്യൂഡല്ഹി: കോണ്ഗ്രസിന്റെ ഔദ്യോഗിക നിലപാടിന് വിരുദ്ധമായി നിലപാട് സ്വീകരിക്കുന്നതില് ശശി തരൂരിനോടുള്ള അതൃപ്തി പ്രകടമാക്കി ഹൈക്കമാന്ഡ്. പാര്ട്ടിയെ വെട്ടിലാക്കാനുള്ള കേന്ദ്രസര്ക്കാരിന്റെ നീക്കത്തില് തരൂര് കൂട്ടുനിന്നുവെന്നും പാര്ട്ടിക്ക് പുറത്തേക്കുള്ള വഴി വെട്ടുകയാണെന്നും എഐസിസി വിലയിരുത്തി. പാര്ട്ടിയെ കൊണ്ട് അച്ചടക്ക നടപടി എടുപ്പിക്കാനാണ് തരൂരിന്റെ നീക്കമെന്നും നയതന്ത്ര പദവി ലക്ഷ്യമിട്ടാണ് നിലവിലെ പ്രതികരണങ്ങളെന്നും എഐസിസിയുടെ നിഗമനം. അതേസമയം ഭീകരതയ്ക്കെതിരായ പോരാട്ടത്തിനിടയിലും സര്ക്കാര് രാഷ്ട്രീയം കളിക്കുകയാണെന്ന് കോണ്ഗ്രസിന്റെ ആരോപണം. പ്രധാനമന്ത്രിയുടെയും ബിജെപിയുടെയും തലത്തിലേക്ക് കോണ്ഗ്രസ് താഴില്ലെന്നും കോണ്ഗ്രസിന്റെ അഞ്ച് നേതാക്കളും സംഘത്തിന്റെ ഭാഗമാകുമെന്നും ജയറാം രമേശ് വ്യക്തമാക്കി. എന്നാല് അനുഭവപരിചയവും പദവികളും പരിഗണിച്ചാണ് കോണ്ഗ്രസ് സംഘാംഗങ്ങളെ തിരഞ്ഞെടുത്തെതന്നാണ് സര്ക്കാരിന്റെ വിശദീകരണം. ഭീകരവാദത്തിനെതിരായ രാജ്യത്തിന്റെ നിലപാട് വിശദീകരിക്കുന്ന സംഘത്തെ ശശി തരൂരാണ് നയിക്കുന്നത്. സംഘം യുഎസ്എ, പനാമ, ബ്രസീല്, കൊളംബിയ, ഗുയാന രാജ്യങ്ങള് സന്ദര്ശിക്കും. ഇന്തോനീഷ്യ, മലേഷ്യ, കൊറിയ, ജപ്പാന്, സിംഗപ്പൂര് എന്നീ രാജ്യങ്ങള് സന്ദര്ശിക്കുന്ന സംഘത്തിലാണ് ജോണ് ബ്രിട്ടാസുള്ളത്. ഈജിപ്ത്, എത്യോപ്യ, ഖത്തര്, സൗത്ത് ആഫ്രിക്ക…
Read More » -
കോണ്ഗ്രസ് നിര്ദേശിച്ചില്ല, എന്നിട്ടും പ്രതിനിധി സംഘത്തില് കേന്ദ്രം ഉള്പ്പെടുത്തി; ബഹുമതിയെന്ന് തരൂര്
ന്യൂഡല്ഹി: ഭീകരപ്രവര്ത്തനത്തിനു പിന്തുണ നല്കുന്ന പാക്കിസ്ഥാനെതിരെ വിദേശരാജ്യങ്ങളുടെ പിന്തുണ ഉറപ്പാക്കാന് ഇന്ത്യ അയ്ക്കുന്ന എംപിമാരുടെ പ്രതിനിധി സംഘത്തിലേക്ക് ശശി തരൂരിനെ നിര്ദേശിക്കാതെ കോണ്ഗ്രസ്. കേന്ദ്ര സര്ക്കാരിനോട് കോണ്ഗ്രസ് നിര്ദേശിച്ച പേരുകള് ജയറാം രമേശ് പുറത്തുവിട്ടു. മുന് കേന്ദ്രമന്ത്രി ആനന്ദ് ശര്മ, ഗൗരവ് ഗഗോയ്, സയ്ദ് നസീര് ഹുസൈന്, രാജ ബ്രാര് എന്നിവരുടെ പേരുകളാണ് കോണ്ഗ്രസ് മുന്നോട്ടുവച്ചത്. എന്നാല്, കേന്ദ്രം പുറത്തുവിട്ട പട്ടികയില് തരൂരിന്റെ പേരുണ്ടായിരുന്നു. സര്ക്കാര് പ്രതിനിധി സംഘത്തില് ഉള്പ്പെടുത്തിയത് ബഹുമതിയായി കാണുന്നുവെന്ന് ശശി തരൂര് പറഞ്ഞു. ദേശീയ താല്പര്യമുള്ള വിഷയങ്ങളില് മാറിനില്ക്കാനാകില്ലെന്നും തരൂര് എക്സില് കുറിച്ചു. വിദേശത്തേക്ക് സംഘത്തെ അയയ്ക്കാനുള്ള സര്ക്കാര് തീരുമാനത്തോടൊപ്പം നിന്നെങ്കിലും പാര്ട്ടിയോട് ആലോചിക്കാതെ തരൂരിനെ ഉള്പ്പെടുത്തിയതില് കോണ്ഗ്രസ് അതൃപ്തി അറിയിച്ചതായാണ് സൂചന. വിദേശത്തേക്ക് അയയ്ക്കേണ്ട സംഘത്തില് ഉള്പ്പെടുത്തേണ്ട ആളുകളെക്കുറിച്ച് കേന്ദ്രമന്ത്രി കിരണ് റിജിജു കോണ്ഗ്രസ് പ്രസിഡന്റുമായി ആശയവിനിമയം നടത്തിയിരുന്നതായി ജയറാം രമേശ് സമൂഹമാധ്യമത്തില് കുറിച്ചു. പട്ടിക നല്കാന് നിര്ദേശിച്ചതനുസരിച്ച് ഇന്നലെ വൈകിട്ട് ഈ നാലുപേരുകള് കൈമാറിയതായും…
Read More » -
‘ഭീകരതയ്ക്കെതിരായ അമേരിക്കയുടെ ആഗോള യുദ്ധം’ ഇന്ത്യക്കാര് കൊല്ലപ്പെടുമ്പോള് ബാധമാകാത്തത് എന്തുകൊണ്ട്? അഫ്ഗാനിസ്ഥാന്, ഇറാഖ് യുദ്ധങ്ങളില് യുഎസിന് ലോകത്തിന്റെ ഏകപക്ഷീയ പിന്തുണ; 4000 പേരെ പാകിസ്താനിലും കൊന്നു; ഇന്ത്യ ചിതറിത്തെറിക്കുമ്പോള് ചര്ച്ച മാത്രം; ഇരട്ടത്താപ്പിന്റെ ചരിത്രം ഇങ്ങനെ
ന്യൂഡല്ഹി: 2001 സെപ്റ്റംബര് 11ന്, ആധുനിക ചരിത്രത്തിലെ ഏറ്റവും മാരകമായ ഭീകരാക്രമണത്തില് ഏകദേശം 3,000 അമേരിക്കക്കാര് കൊല്ലപ്പെടുന്നത് ലോകം ഭീതിയോടെയാണ് കണ്ടത്. അമേരിക്കയില് നിന്നുള്ള പ്രതികരണവും ഉടനടിയുണ്ടായി. 26 ദിവസത്തിനുള്ളില് അല്-ഖ്വയ്ദയ്ക്ക് അഭയം നല്കിയിരുന്ന താലിബാന് ഭരണകൂടത്തെ തകര്ക്കാന് അവര് അഫ്ഗാനിസ്ഥാനില് അധിനിവേശം നടത്തി. ഭീകരതയ്ക്കെതിരായ ആഗോള യുദ്ധമെന്ന പേരില് അമേരിക്കയുടെ നടപടികള് കൊണ്ടാടി. രണ്ടു പതിറ്റാണ്ടോളം നീണ്ടുനിന്ന യുദ്ധത്തില് അമേരിക്കയ്ക്കു ചെലവ് രണ്ടു ട്രില്യണ് ഡോളറില് അധികം. ആഗോളതലത്തില് അപഹരിച്ചത് എട്ടുലക്ഷത്തിലധികം ജീവനുകള്. 47,000 അഫ്ഗാന് സിവിലിയന്മാരും ഏഴായിരത്തിലധികം അമേരിക്കന് സര്വീസ് അംഗങ്ങളും ഉള്പ്പെടുന്നു. എന്നിട്ടും ന്യായീകരണം ലളിതമായിരുന്നു- തീവ്രവാദം എവിടെയുണ്ടോ അവിടെ ഇല്ലാതാക്കണം. എന്നാല്, തീവ്രവാദ ഗ്രൂപ്പുകളുടെ സുരക്ഷിത താവളമായി അമേരിക്കതന്നെ പ്രഖ്യാപിച്ചിട്ടുള്ള പാകിസ്താന് ആസ്ഥാനമായ സംഘങ്ങളാല് ഇന്ത്യ ആക്രമിക്കപ്പെടുമ്പോള് ലോകം പെട്ടെന്നു സ്വരം മാറ്റും. 9/11 ന് ശേഷമുള്ള യുഎസ് നടപടികളെ നയിച്ച ധാര്മ്മികതയും സംയമനവും ചര്ച്ചകളും ആഹ്വാനങ്ങളും സ്വരം മാറ്റുന്നു. ഇന്ത്യക്കാര് മരിക്കുമ്പോള് അത് ഭീകരതയ്ക്കെതിരായ…
Read More » -
ഡമ്മി വിമാനങ്ങള്, ഡ്രോണുകള്: പാക് റഡാറുകളെ കബളിപ്പിച്ച ഇന്ത്യന് തന്ത്രം; റഫാലിനും സ്കാള്പ് മിസൈലുകള്ക്കും പിന്നാലെ ഇന്ത്യയുടെ ബ്രഹ്മാസ്ത്രം; 12 വ്യോമ താവളങ്ങളില് പതിനൊന്നിലും വന് നാശമുണ്ടാക്കിയത് 15 ബ്രഹ്മോസ് മിസൈലുകള്
ന്യൂഡല്ഹി: രണ്ട് ആണവ ശക്തികള്ക്കിടയിലെ ആകാശപ്പോര് പാശ്ചാത്യ ലോകത്തെ സംബന്ധിച്ചിടത്തോളം സൂഷ്മ നിരീക്ഷണത്തിനു വിധേയമായിരുന്നു. ഇന്ത്യയും പാകിസ്താനും ഉപയോഗിക്കുന്ന ആയുധങ്ങള് പാശ്ചാത്യ ലോകത്തിന്റെ പരമ്പരാഗത എതിരാളികള് നിര്മിച്ചവയായിരുന്നു എന്നതാണ് അതിന്റെ കാരണം. ഇന്ത്യ റഷ്യയുടെയും ഫ്രാന്സിന്റെയും പോര്വിമാനങ്ങളും വ്യോമ പ്രതിരോധങ്ങള് ഉപയോഗിച്ചപ്പോള് പാകിസ്താന് ചൈനയുടെയും തുര്ക്കിയുടെയും ഉപകരണങ്ങള് വ്യാപകമായി ഉപയോഗിച്ചു. പഹല്ഗാം ആക്രമണത്തിനു പ്രതികാരമെന്ന നിലയില് ഇന്ത്യ പാക് ഭീകരകേന്ദ്രങ്ങളെ തെരഞ്ഞു പിടിച്ച് ആക്രമിച്ചു. മേയ് ഏഴിന് ആരംഭിച്ച ഓപ്പറേഷന് സിന്ദൂര് പല കാര്യങ്ങകൊണ്ട് യുദ്ധ വിദഗ്ധരെ അമ്പരപ്പിച്ചു. മുരിദക്, ബഹവല്പൂര് എന്നിവിടങ്ങളില് മാരക പ്രഹരമേല്പ്പിച്ചു. നൂറു കണക്കിനു ഭീകരരെയും ആക്രമിച്ചു. മറുപടിയെന്നോണം ഇന്ത്യന് ജനതയ്ക്കും സൈനിക താവളങ്ങള്ക്കും നേരെ ഡ്രോണുകളുടെയും മിസൈലുകളുടെയും ഒരുകൂട്ടം ആക്രമണം തിരിച്ചുമുണ്ടായി. ഇവയെല്ലാം ഇന്ത്യ തന്ത്രപരമായി താഴെവീഴ്ത്തി. പാകിസ്താന്റെ എല്ലാ ശ്രമങ്ങളെയും ഇന്ത്യയുടെ വ്യോമ പ്രതിരോധ മാര്ഗം പരാജയപ്പെടുത്തി. ഇന്ത്യയുടെ പ്രത്യാക്രമണത്തെ രണ്ട് ആണവ എതിരാളികള്ക്കിടയിലെ ഏറ്റവും തന്ത്രപരവും ധീരവുമായ നടപടിയെന്നാണു പാശ്ചാത്യ വിദഗ്ധര് വിശേഷിപ്പിച്ചത്.…
Read More » -
പാക് ഭീകരത ലോകത്തിനു മുന്നിൽ തുറന്നുകാട്ടാൻ പ്രതിനിധിസംഘം, ഒരു സംഘത്തെ ശശി തരൂർ നയിക്കും, കൂട്ടത്തിൽ സൽമാൻ ഖുർഷിദ്, ജോൺ ബ്രിട്ടാസ്, കെ. കനിമൊഴി എന്നിവരും
ന്യൂഡൽഹി: പാക്കിസ്ഥാന്റെ ഭീകരവാദ പ്രവർത്തനങ്ങൾ രാജ്യാന്തര തലത്തിൽ തുറന്നുകാട്ടാൻ വിവിധ രാജ്യങ്ങൾ സന്ദർശിക്കുന്ന പ്രതിനിധിസംഘത്തിൽ കോൺഗ്രസ് എംപി ശശി തരൂരും ജോൺ ബ്രിട്ടാസും കനിമൊഴിയും. ഇതിൽ ഒരു സംഘത്തെ ശശി തരൂർ നയിക്കുമെന്നാണ് പുറത്തുവരുന്ന റിപ്പോർട്ടുകൾ. അതേസമയം പാക്കിസ്ഥാൻ സംഘർഷവുമായി ബന്ധപ്പെട്ട് പാർട്ടി നിലപാടിനു വിരുദ്ധമായ അഭിപ്രായ പ്രകടനങ്ങൾ നടത്തിയതിന് കഴിഞ്ഞ ദിവസം കോൺഗ്രസ് ദേശീയ നേതൃത്വം തരൂരിനെ താക്കീത് ചെയ്തെന്ന് വാർത്തകൾ പുറത്തുവന്നിരുന്നു. ഇതിനു പിന്നാലെയാണ് ശശി തരൂരിനെ മോദി സർക്കാർ പ്രതിനിധി സംഘത്തിൽ ഉൾപ്പെടുത്തിയിരിക്കുന്നത്. വിവിധ രാജ്യങ്ങൾ സന്ദർശിക്കുന്ന പ്രതിനിധി സംഘങ്ങളിൽ ഒന്നിനെ തരൂർ നയിച്ചേക്കുമെന്നും വാർത്താ ഏജൻസിയായ പിടിഐ റിപ്പോർട്ട് ചെയ്തു. കോൺഗ്രസ് നേതൃത്വം തന്നെ താക്കീത് ചെയ്തുവെന്ന തരത്തിൽ വന്ന റിപ്പോർട്ടുകൾ ശശി തരൂർ കഴിഞ്ഞ ദിവസം നിഷേധിച്ചിരുന്നു. അടുത്ത ആഴ്ചയാണ് 30 അംഗ പ്രതിനിധികൾ വിവിധ സംഘങ്ങളായി പുറപ്പെടുന്നത്. ശശി തരൂരിനെ കൂടാതെ കോൺഗ്രസിൽനിന്ന് മനീഷ് തിവാരി, സൽമാൻ ഖുർഷിദ്, അമർ സിങ് തുടങ്ങിയ…
Read More »