LIFE
-
പ്രധാനമന്ത്രിയെ വധിച്ചതിനു തിരിച്ചടിച്ച് ഹൂതികള്; ഇസ്രയേലിന്റെ രണ്ടു കപ്പലുകള് ചെങ്കടലില് ആക്രമിച്ചെന്ന് അവകാശവാദം; കടലിനു മുകളില് വട്ടമിട്ട് ഡ്രോണുകള്; സൗദിയുടെ തീരത്ത് നടന്നത് അത്യപൂര്വ നീക്കം; വിവരം നല്കുന്നത് റഷ്യയെന്നും റിപ്പോര്ട്ട്
കെയ്റോ: യെമനിലെ ഹൂതികളുടെ പ്രധാനമന്ത്രിയടക്കം 12 ഉന്നതരെ വധിച്ചതിന്റെ പ്രതികാരമെന്നോണം വടക്കന് ചെങ്കടലില് ഇസ്രയേല് ബന്ധമുള്ള കപ്പലുകള് തകര്ത്തു. രണ്ടു ഡ്രോണുകളും മിസൈലുകളും ഉപയോഗിച്ചായിരുന്നു ആക്രമണമെന്നും ഹൂതികള് അവകാശപ്പെട്ടു. എപ്പോഴാണ് ആക്രമണം നടത്തിയതെന്ന വിവരം ഇപ്പോഴും പുറത്തുവിട്ടിട്ടില്ലെന്ന് റോയിട്ടേഴസ് റിപ്പോര്ട്ട് ചെയ്തു. കടല് ചരക്കുനീക്കവുമായി ബന്ധപ്പെട്ട വൃത്തങ്ങളില്നിന്നും ആക്രമണത്തിനു സ്ഥിരീകരണമില്ല. അധിനിവേശ പലസ്തീനിലേക്കു കപ്പലുകള് പ്രവേശിപ്പിക്കരുതെന്ന മുന്നറിയിപ്പു മറികടന്ന കപ്പലുകളാണു തകര്ത്തതെന്നാണു ഹൂതികളുടെ അവകാശവാദം. ഞായറാഴ്ച ഇസ്രയേലി ഉടമസ്ഥതയിലുള്ള സ്കാര്ലറ്റ് റേ എന്ന എണ്ണ ടാങ്കറും ഹൂതികള് തകര്ത്തിരുന്നു. സാധാരണ ആക്രമണങ്ങള് നടക്കാത്ത സൗദി തീരത്തിനു സമീപത്തായിരുന്നു ആക്രമണം. ഗാസയില് ഇസ്രയേല് നടത്തുന്ന ആക്രമണങ്ങള്ക്കു മറുപടിയെന്നോണമാണ് ഹൂതികള് ചെങ്കടലില് കപ്പലുകളെ ലക്ഷ്യമിട്ട് 2023 മുതല് ആക്രമണം തുടങ്ങിയത്. അതേസമയം, ചെങ്കടലില് ചരക്കു നീക്കം നടത്തുന്ന കപ്പലുകളെക്കുറിച്ചുള്ള വിവരം നല്കുന്നത് റഷ്യയാണെന്നും വാള്സ്ട്രീറ്റ് ജേണല് റിപ്പോര്ട്ട് ചെയ്തു. ആക്രമണത്തിന് ആവശ്യമായ ഉപഗ്രഹ ചിത്രങ്ങളാണ് ഇറാന് മുഖേന റഷ്യ നല്കിയതെന്നും ഈ വഴിയുള്ള ചരക്കുനീക്കത്തെ…
Read More » -
സൈനിക മേധാവിയുടെ നിര്ദേശം വീണ്ടും തള്ളി; ഗാസയില് ആക്രമണം കടുപ്പിക്കാന് റിസര്വ് സൈന്യത്തെ വിളിച്ചുവരുത്തി ഇസ്രയേല്; 40,000 പേര് ക്യാമ്പിലേക്ക്; പലര്ക്കും അതൃപ്തി; മന്ത്രിസഭയില് രൂക്ഷമായ വാക്കേറ്റമെന്നും റിപ്പോര്ട്ട്
ജെറുസലേം/കെയ്റോ: ഗാസ സിറ്റിയില് രൂക്ഷമായ ആക്രമണം ആരംഭിച്ചതിനു പിന്നാലെ ഇസ്രയേലി സൈന്യത്തിലേക്ക് റിസര്വ്ഡ് സൈനികര് തിരിച്ചെത്തി തുടങ്ങി. ഗാസ പദ്ധതിയുമായി ബന്ധപ്പെട്ട് സൈനിക മേധാവികളും നെതന്യാഹുവിന്റെ നേതൃത്വത്തിലുള്ള മന്ത്രിസഭയുമായി അഭിപ്രായ വ്യത്യാസം തുടരുന്നതിന്റെ പശ്ചാത്തലത്തിലാണ് റിസര്വ്ഡ് സൈനികരെ തിരിച്ചുവിളിച്ചത്. നടപടികള്ക്കു വേഗം കൂട്ടുകയെന്നതാണ് നെതന്യാഹുവിന്റെ നീക്കത്തിനു പിന്നില്. പലസ്തീന് ആരോഗ്യ മന്ത്രാലയത്തിന്റെ ഏറ്റവുമൊടുവിലെ കണക്കുകള് അനുസരിച്ച് ചൊവ്വാഴ്ച മാത്രം നൂറുപേര് കൊല്ലപ്പെട്ടു. ഇതില് 35 പേര് ഗാസ സിറ്റിയിലുള്ളവരാണ്. ഇസ്രയേലി റേഡിയോയുടെ റിപ്പോര്ട്ടുകള് അനുസരിച്ച് 40,000 റിസര്വ് സൈനികര് റിപ്പോര്ട്ട് ചെയ്തെന്നാണു പറയുന്നത്. രണ്ടുവര്ഷമായി തുടരുന്ന യുദ്ധം അവസാനിപ്പിക്കുന്നതിന്റെ ഭാഗമായാണ് നെതന്യാഹു ഗാസ സിറ്റി പിടിച്ചെടുക്കാനുള്ള നീക്കം തുടങ്ങിയത്. നിലവില് ഗാസയുടെ 75 ശതമാനം നിയന്ത്രണവും ഇസ്രയേലിന്റെ കൈകളിലാണ്. ഞായറാഴ്ച ചേര്ന്ന കാബിനറ്റ് മീറ്റിംഗില് ഹമാസുമായി വെടിനിര്ത്തല് വേണമെന്ന ആവശ്യമുന്നയിച്ച ആര്മി ചീഫ് ഇയാല് സമീറിന്റെ വാക്കുകള് മന്ത്രിസഭയില് വലിയ വിവാദങ്ങള്ക്ക് ഇടയാക്കിയിരുന്നു. മന്ത്രിമാരും നെതന്യാഹുവും തമ്മില് ചൂടേറിയ വാക്കേറ്റവുമുണ്ടായി. നാലു…
Read More » -
ഇലക്ട്രിക് വാഹനമെന്ന സ്വപ്നത്തിനു തുരങ്കം വയ്ക്കുന്ന ജി.എസ്.ടി. പരിഷ്കാരം; നികുതി കുത്തനെ ഉയര്ത്താന് ലക്ഷ്യമിട്ട് ചര്ച്ചകള്; ആഡംബര കാറുകള്ക്ക് 40 ശതമാനം നികുതി വര്ധന ഉറപ്പ്; വിദേശ കമ്പനികള്ക്ക് തിരിച്ചടിയാകും
ന്യൂഡല്ഹി: ഇന്ധനവില വര്ധിച്ചതിനു പിന്നാലെ ഇലക്ട്രിക് കാറുകളിലേക്കു നീങ്ങിത്തുടങ്ങിയ വിപണിക്ക് ജി.എസ്.ടി. പരിഷ്കാരം തിരിച്ചടിയാകാന് സാധ്യത. നിലവില് ആഡംബര ഇലക്ട്രിക് കാറുകള്ക്കും ഹൈബ്രിഡ് കാറുകള്ക്കും നികുതി വര്ധിപ്പിക്കാനുള്ള നീക്കമാണ് പ്രതിസന്ധിയുണ്ടാക്കുന്നത്. ഇന്ത്യയില് ആഡംബരക്കാറുകളില് ഏറെയും വിദേശ ബ്രാന്ഡുകളുടെയാണ്. ടെസ്്ല, മെഴ്സിഡീസ് ബെന്സ്, ബിഎംഡബ്ല്യു, ബിവൈഡി എന്നിവയാണ് ഇന്ത്യയില് നിലവില ആഡംബര ഇലക്ട്രിക് കാറുകള് പുറത്തിറക്കുന്നത്. നിലവില് 40 ലക്ഷത്തിനു മുകളില് വിലയുള്ള കാറുകളുടെ നികുതി വര്ധനയാണു ലക്ഷ്യമിടുന്നത്. നിലവില് 20 ലക്ഷത്തിനും 40 ലക്ഷത്തിനും ഇടയില് വിലയുള്ള ഇലക്ട്രിക് കാറുകള്ക്ക് അഞ്ചു ശതമാനം നികുതിയാണ് ഈടാക്കുന്നത്. ഇതു 18 ശതമാനത്തിലേക്ക് എത്തിക്കും. 40 ലക്ഷത്തിനു മുകളില് വിലയുള്ളവയ്ക്ക് 28 ശതമാനവും ജി.എസ്.ടി. ലക്ഷ്യമിടുന്നു. ഇവ സമൂഹത്തില് ഉയര്ന്ന സാമ്പത്തിക വരുമാനമുള്ളവരാണ് ഉപയോഗിക്കുന്നത് എന്നതും ഇറക്കുമതി ചെയ്യുന്നവയാണ് ഇവയിലേറെയെന്നതുമാണ് ജി.എസ്.ടി. കൗണ്സില് ചൂണ്ടിക്കാട്ടുന്നത്. 28 ശതമാനം ജി.എസ്.ടി. മോദി സര്ക്കാര് ഒഴിവാക്കാന് തീരുമാനിച്ച സാഹചര്യത്തില് ഇവികളുടെ നികുതി 18 ശതമാനത്തില് എത്തിക്കുന്നതിനൊപ്പം ഇലക്ട്രിക്…
Read More » -
ആഗോള അയ്യപ്പസംഗമത്തിന് സുരേഷ്ഗോപിയെയും പന്തളം കൊട്ടാരത്തെയും നേരിട്ട് ക്ഷണിക്കും ; എതിര്ക്കുന്നവരെയും ഒപ്പം നിര്ത്താന് ദേവസ്വംബോര്ഡ് ; വി.ഡി. സതീശന് കൂടിക്കാഴ്ചയ്ക്ക് പോലും തയ്യാറായില്ല
തിരുവനന്തപുരം: ആഗോള അയ്യപ്പസംഗമത്തിന് കേന്ദ്രമന്ത്രി സുരേഷ്ഗോപിയെയും പന്തളം കൊട്ടാരവുമായി ബന്ധപ്പെട്ടവരുടേയും സാന്നിദ്ധ്യം ഉറപ്പാക്കാന് തിരുവിതാംകൂര് ദേവസ്വംബോര്ഡ്. ബിജെപി ശക്തമായി പരിപാടിയെ എതിര്ക്കുന്ന സാഹചര്യത്തില് എതിര്ത്ത് നില്ക്കുന്നവരുടെ പിന്തുണ കൂടി ഉറപ്പാക്കാന് നെട്ടോട്ടമോടുകയാണ് ദേവസ്വം പ്രസിഡന്റും മറ്റംഗങ്ങളും. സുരേഷ്ഗോപിയുമായി നേരിട്ട് കൂടിക്കാഴ്ച നടത്തും. എല്ലാവരുടേയും പിന്തുണ ഉറപ്പാക്കുന്ന സാഹചര്യം മുന്നിര്ത്തിയാണ് ഈ നീക്കം. എതിര്ത്ത് നില്ക്കുന്നവരെ അടക്കമുള്ളവരെ നേരിട്ട് ക്ഷണിക്കാനാണ് ഉദ്ദേശം. പന്തളം കൊട്ടാരവുമായി ഓണത്തിന്റെ പിറ്റേന്ന് തന്നെ ചര്ച്ച നടത്താനും സുരേഷ്ഗോപിയെ ഉത്രാടത്തിന്റെ അന്നും നേരിട്ട് ക്ഷണിക്കാനാണ് പദ്ധതിയിട്ടിരിക്കുന്നത്. ഡല്ഹി ലഫ്. ഗവര്ണര് വി.കെ. സക്സേന ആഗോള അയ്യപ്പ സംഗമത്തില് പങ്കെടുക്കും. അതേസമയം പ്രതിപക്ഷനേതാവ് വി.ഡി. സതീശന് എതിര്പ്പ് പരസ്യമാക്കി. പ്രതിപക്ഷ നേതാവിനെ ക്ഷണിക്കാന് എത്തിയ സംഘാടകരുമായി കൂടിക്കാഴ്ചയ്ക്ക് തയ്യാറായില്ല. കന്റോണ്മെന്റ് ഹൗസില് ദേവസ്വംബോര്ഡ് പ്രസിഡന്റ് അടക്കമുള്ളവര് എത്തിയെങ്കിലും ഇവരെ കാണാന് പ്രതിപക്ഷ നേതാവ് കൂട്ടാക്കിയില്ല. സംഘാടക സമിതിയുടെ ഉപരക്ഷാധികാരി പ്രതിപക്ഷ നേതാവാണ്. എന്നാല് ഈ തീരുമാനത്തിലും വി.ഡി. സതീശന് എതിര്പ്പുണ്ട്.…
Read More » -
ഓണാഘോഷത്തിന് പോകരുതെന്ന് പറഞ്ഞിട്ടും ബഷീറുദ്ദീന് നിന്നില്ല ; അത്തോളി സ്വദേശിനി ആത്മഹത്യ ചെയ്ത സംഭവത്തില് ആണ്സുഹൃത്ത് അറസ്റ്റില് ; ഫോണില് നിന്നും വാട്സാപ്പ് ചാറ്റ് കണ്ടെത്തി
കോഴിക്കോട്: എരഞ്ഞിപ്പാലത്ത് സുഹൃത്തിന്റെ വീട്ടില് അത്തോളി സ്വദേശിനി ആത്മഹത്യ ചെയ്ത സംഭവത്തില് ആണ്സുഹൃത്ത് അറസ്റ്റില്. ആത്മഹത്യ പ്രേരണകുറ്റം ചുമത്തി നടക്കാവ് പോലീസാണ് കണ്ണാടിക്കല് സ്വദേശിയായ ആണ്സുഹൃത്ത് ബഷീറുദ്ധീനെ അറസ്റ്റ് ചെയ്തത്. കഴിഞ്ഞ ദിവസമാണ് അത്തോളി സ്വദേശിനി ആയിഷ റഷയെ ബഷീറുദ്ധീന്റെ വാടകവീട്ടില് മരിച്ച നിലയില് കണ്ടെത്തിയത്. മംഗലാപുരത്ത് പഠിക്കുകയായിരുന്ന ആയിഷ മൂന്ന് ദിവസം മുമ്പാണ് കോഴിക്കോട്ടെ ആണ് സുഹൃത്തിന്റെ വാടക വീട്ടിലെത്തിയത്. ജിം ട്രെയ്നറാണ് ബഷീറുദ്ദീന്. യുവതിയെ മരണമടഞ്ഞതായി കണ്ടെത്തിയതിന് പിന്നാലെ യുവതിയുടെ കുടുംബം പൊലീസില് പരാതി നല്കിയിരുന്നു. കഴിഞ്ഞ ദിവസം തന്നെ ബഷീറുദ്ദീനെ പൊലീസ് കസ്റ്റഡിയിലെടുത്തിരുന്നെങ്കിലും ബഷീറുദ്ദീനെതിരേ നേരിട്ട് കുറ്റം ചുമത്താന് തക്കവിധത്തിലുള്ള തെളിവുകള് കിട്ടിയിരുന്നില്ല. എന്നാല് പിന്നീട് ആയിഷ ബഷീറുദ്ദീന് അയച്ച വാട്സ്ആപ് ചാറ്റ് പൊലീസ് കണ്ടെത്തിയിരുന്നു. എന്റെ മരണത്തിന് കാരണം നീ ആയിരിക്കും എന്നായി ആ സന്ദേശം. ബഷീറുദ്ദീന് ട്രെയിനറായിരുന്ന ജിമ്മില് കഴിഞ്ഞ ദിവസം ഓണാഘോഷം നടന്നിരുന്നു. എന്നാല് ആഘോഷത്തിന് പോകാന് ആയിഷ റഷ സമ്മതിച്ചിരുന്നില്ല. ഇത്…
Read More » -
രാഹുല് മാങ്കൂട്ടത്തിനെ ഗര്ഭം കലക്കിയാക്കി വിക്കി പീഡിയ പേജ്; മലയാളം പ്രൊഫൈല് പേജ് എഡിറ്റ് ചെയ്ത് അജ്ഞാതര്; പദവിയുടെ മുന്ഗാമി എന്ന വിഭാഗത്തില് ഷാഫി പറമ്പിലിനും അധിക്ഷേപം
തിരുവനന്തപുരം: ഒന്നിലേറെ ലൈംഗികാരോപണങ്ങള് നേരിടുന്ന രാഹുല് മാങ്കൂട്ടത്തില് എംഎല്എയെ കഠിനമായി അധിക്ഷേപിച്ച് വിക്കിപീഡിയ പേജ് അജ്ഞാതര് എഡിറ്റ് ചെയ്തു. രാഹുല് മാങ്കൂട്ടത്തിലിനെക്കുറിച്ചുള്ള മലയാളം പ്രൊഫൈല് പേജിലാണ് എഡിറ്റ് നടന്നിരിക്കുന്നത്. രാഹുല് മാങ്കൂട്ടത്തില് എന്ന പേരിനൊപ്പം ‘ഗര്ഭം കലക്കി’ എന്നുകൂടി ചേര്ത്തിരിക്കുന്നു. നിയമസഭാംഗം എന്നാണ് പദവി. പദവിയുടെ താഴെ മുന്ഗാമി എന്ന സ്ഥാനത്ത് ഷാഫി പറമ്പിലിന്റെ പേരുണ്ട്. അതിനൊപ്പം ‘വലിയ കോഴി’ എന്നും ചേര്ത്തു. മറ്റ് വിവരങ്ങളെല്ലാം മുന്പുള്ളതുപോലെ തന്നെയാണ്. രാഹുലിനോട് കടുത്ത വിരോധമുള്ളവരാണ് എഡിറ്റിന് പിന്നിലെന്ന് വ്യക്തം. ആര്ക്കും എഡിറ്റ് ചെയ്യാന് കഴിയുന്ന പ്ലാറ്റ്ഫോം ആണ് വിക്കിപീഡിയ. റജിസ്ട്രേഡ് യൂസര്മാര്ക്കും റജിസ്റ്റര് ചെയ്യാത്തവര്ക്കും കണ്ടന്റ് എഡിറ്റ് ചെയ്യാന് കഴിയുമെന്ന വിക്കിപീഡിയ തന്നെ പറയുന്നു. ഇവരെ വിക്കിപീഡിയന് എന്നോ എഡിറ്റര് എന്നോ ആണ് വിളിക്കാറ്. ചിലയിനം കണ്ടന്റ് എഡിറ്റ് ചെയ്യാന് പ്രത്യേക പെര്മിഷന് ആവശ്യമുണ്ട്. രാഹുലിനെക്കുറിച്ചുള്ള പേജില് രണ്ടോമൂന്നോ വാക്കുകള് മാത്രമാണ് മാറ്റിയിട്ടുള്ളത്. യുവതിയെ ഗര്ഭിണിയാക്കിയ ശേഷം, നിര്ബന്ധിച്ച് ഗർഭഛിദ്രം ചെയ്യിപ്പിച്ചുവെന്ന ആരോപണമാണ്…
Read More » -
കടകംപള്ളി സുരേന്ദ്രനെതിരേ പോലീസ് കേസെടുത്തേക്കില്ല; സ്ത്രീ വെളിപ്പെടുത്തലോ പരാതിയോ നല്കണം; അല്ലെങ്കില് പരാതിക്കാരന് തെളിവു നല്കണം: രാഹുലിനെതിരേ അന്വേഷണം മുറുക്കി ക്രൈം ബ്രാഞ്ച്; ആശുപത്രി കേന്ദ്രീകരിച്ച് അന്വേഷണം
തിരുവനന്തപുരം: മന്ത്രിയായിരിക്കെ സ്ത്രീയോട് മോശമായി പെരുമാറിയെന്ന പരാതിയില് കടകംപള്ളി സുരേന്ദ്രനെതിരെ കേസെടുത്തേക്കില്ല. അതിനിടെ രാഹുല് മാങ്കൂട്ടത്തിലിനെതിരായ കേസില് ഗര്ഭച്ഛിദ്രം നടത്തിയ ആശുപത്രി കേന്ദ്രീകരിച്ച് ക്രൈംബ്രാഞ്ച് അന്വേഷണം. രാഹുലിനെതിരായ നടപടി തിടുക്കത്തിലെന്ന എ ഗ്രൂപ്പ് വാദം കോണ്ഗ്രസ് നേതൃത്വം തള്ളി മുന്മന്ത്രി കടകംപള്ളി സുരേന്ദ്രനും പാലക്കാട് എം.എല്.എ രാഹുല് മാങ്കൂട്ടത്തിലിനെതിരെയും പൊലീസിന് ലഭിച്ചത് കേട്ടുകേള്വിയുടെ അടിസ്ഥാനത്തിലെ പരാതികളാണ്. രാഹുലിനെതിരെ കേസെടുത്തെങ്കിലും സി.പി.എം എം.എല്.എയുടെ കാര്യത്തില് അത് പറ്റില്ലെന്നാണ് പൊലീസ് നിലപാട്. അപമാനിക്കപ്പെട്ട സ്ത്രീ നേരിട്ട് പരാതിയോ വെളിപ്പെടുത്തലോ നടത്തുകയോ പരാതിക്കാരനായ ഡി.സി.സി അംഗം തെളിവ് ഹാജരാക്കുകയോ ചെയ്താലേ കടകംപള്ളിക്കെതിരെ കേസെടുക്കാനാവൂവെന്നാണ് പൊലീസ് വാദം. എന്നാല് ഗര്ഭച്ഛിദ്ര ശബ്ദരേഖയടക്കം പുറത്തുവന്നതുകൊണ്ട് ഗുരുതര സാഹചര്യം ബോധ്യപ്പെട്ടതിനാലാണ് രാഹുലിനെതിരെ കേസെടുത്തതെന്നും ന്യായീകരിക്കുന്നു. അതിനിടെ ഗര്ഭച്ഛിദ്രം തന്നെ രാഹുലിനെതിരെ ആയുധമാക്കാനാണ് ക്രൈംബ്രാഞ്ച് നീക്കം. ശബ്ദരേഖയിലെ യുവതി ഗര്ഭച്ഛിദ്രം നടത്തിയത് ബെംഗളൂരുവിലെ ആശുപത്രിയിലെന്നാണ് ക്രൈംബ്രാഞ്ചിന് ലഭിച്ച സൂചന. അവിടെ നിന്ന് വിവരം ശേഖരിച്ച ശേഷം യുവതിയെ മൊഴിയെടുക്കാനായി സമീപിക്കും. അതോടൊപ്പം…
Read More » -
കര്ണാടക ചലച്ചിത്ര നടി രാണ്യ റാവുവിന് സ്വര്ണക്കടത്ത് കേസില് 102 കോടി രൂപ പിഴ ; ഡയറക്ടറേറ്റ് ഓഫ് റവന്യൂ ഇന്റലിജന്സ് ഹാജരാക്കിയത് 250 പേജുള്ള നോട്ടീസും, 2,500 പേജുള്ള അനുബന്ധ രേഖകളും
ബംഗലുരു: കര്ണാടക ചലച്ചിത്ര നടി രാണ്യ റാവുവിന് സ്വര്ണക്കടത്ത് കേസില് 102 കോടി രൂപ പിഴ ചുമത്തി. ബെംഗളൂരുവിലെ കെംപഗൗഡ അന്താരാഷ്ട്ര വിമാനത്താവളത്തില് വെച്ച് 14.8 കിലോഗ്രാം സ്വര്ണ്ണവുമായി രാണ്യ റാവു പിടിയിലായിരുന്നു. ദുബായില് നിന്ന് എത്തിയ പ്പോഴാണ് ഡയറക്ടറേറ്റ് ഓഫ് റവന്യൂ ഇന്റലിജന്സ് (DRI) ഉദ്യോഗസ്ഥര് ഇവരെ പിടികൂടിയത്. നടിക്ക് പുറമെ, ഹോട്ടലുടമ തരുണ് കൊണ്ടരാജുവിന് 63 കോടിയും, ജ്വല്ലറി ഉടമകളായ സാഹില് സക്കറിയ ജെയിന്, ഭരത് കുമാര് ജെയിന് എന്നിവര്ക്ക് 56 കോടി വീതവും പിഴ ചുമത്തിയിട്ടുണ്ട്. ഇതിന്റെ ഭാഗമായി, ബെംഗളൂരു സെന്ട്രല് ജയിലില് കഴിയുന്ന ഇവര്ക്കെ തിരേ 250 പേജുള്ള നോട്ടീസും, 2,500 പേജുള്ള അനുബന്ധ രേഖകളുമാണ് ഡയറക്ടറേറ്റ് ഓഫ് റവന്യൂ ഇന്റലിജന്സ് ഹാജരാക്കിയത്. ഈ വര്ഷം ജൂലൈയില് കണ്സര്വേഷന് ഓഫ് ഫോറിന് എക്സ്ചേഞ്ച് ആന്ഡ് പ്രിവന്ഷന് ഓഫ് സ്മഗ്ഗ്ലിങ് ആക്റ്റ് പ്രകാരം രാണ്യ റാവുവിന് ഒരു വര്ഷത്തെ തടവ് ശിക്ഷയും വിധി ച്ചിരുന്നു. ഈ കേസില്…
Read More » -
ഡല്ഹി കലാപക്കേസില് ആര്ക്കും ജാമ്യമില്ല, അഞ്ച് വര്ഷമായി ജയിലിലുള്ള ജെഎന്യു ഗവേഷകന് ഉമര് ഖാലിദിന്റെയും കൂട്ടുപ്രതികളായ ഒമ്പത് പേരുടെയും ജാമ്യാപേക്ഷ ഡല്ഹി ഹൈക്കോടതി തള്ളി
ന്യൂഡല്ഹി: ഡല്ഹി കലാപക്കേസില് ജെഎന്യു ഗവേഷകന് ഉമര് ഖാലിദിന്റെ ജാമ്യാപേക്ഷ വീണ്ടും തള്ളി. കലാപവുമായി ബന്ധപ്പെട്ട് ഗൂഡാലോചന കേസിലെ പ്രതികള്ക്കാര്ക്കും ജാമ്യമില്ല. ഒമ്പത് പ്രതികളുടെയും ജാമ്യാപേക്ഷ ഡല്ഹി ഹൈക്കോടതി തള്ളി. ഉമര് ഖാലിദ് ഉള്പ്പടെയുള്ളവര് അഞ്ച് വര്ഷമായി ജയിലിലാണ്. തസ്ലീം അഹമ്മദും ഷര്ജീല് ഇമാമും ഉള്പ്പെടെയുള്ളവരുടെ ജാമ്യാപേക്ഷയും തള്ളിയിട്ടുണ്ട്. ഉമര് ഖാലിദ്, ഷര്ജീല് ഇമാം, മുഹമ്മദ് സലീം ഖാന്, ഷിഫ ഉര് റഹ്മാന്, അതര് ഖാന്, മീരാന് ഹൈദര്, ഷദാബ് അഹമ്മദ് അബ്ദുള് ഖാലിദ് സെയ്ഫി, ഗുല്ഫിഷ ഫാത്തിമ എന്നിവരുടെ ജാമ്യാപേക്ഷകളാണ് ജസ്റ്റിസുമാരായ നവീന് ചൗള, ഷാലിന്ദര് കൗര് എന്നിവരടങ്ങിയ ബെഞ്ച് തള്ളിയത്. ഈ കലാപത്തില് 50-ല് അധികം ആളുകള് മരിക്കുകയും 700-ല് അധികം ആളുകള്ക്ക് പരിക്കേല്ക്കുകയും ചെയ്തിരുന്നു. പൗരത്വ ഭേദഗതി നിയമത്തിനെതിരെ (സിഎഎ) നടന്ന പ്രതിഷേധങ്ങളെത്തുടര്ന്ന് 2020 ഫെബ്രുവരിയില് വടക്കുകിഴക്കന് ഡല്ഹിയില് ഉണ്ടായ വര്ഗീയ കലാപത്തിന് പിന്നിലെ പ്രധാന ഗൂഢാലോചനയില് പങ്കാളികളാണ് ഉമര് ഖാലിദും ഷര്ജീല് ഇമാമുമെന്നാണ് ഡല്ഹി പോലീസ്…
Read More » -
സനാതനധര്മ്മ സംഗമം നടത്തി ജയ് ശ്രീറാം വിളിച്ചാലും ഹിന്ദുവിശ്വാസികള് പിണറായിയെ വിശ്വസിക്കില്ല ; അയ്യപ്പസംഗമം മുസ്ലിം പ്രീണനം കൊണ്ട് അകന്നുപൊയ്ക്കൊണ്ടിരിക്കുന്ന ഹിന്ദുക്കളെ പിടിച്ചുനിര്ത്താന്
മലപ്പുറം: അയ്യപ്പ സംഗമത്തിന് പകരം സനാതന ധര്മ്മ സംഗമം നടത്തി ജയ് ശ്രീറാം എന്ന് വിളിച്ചാലും ഇവിടത്തെ ഹിന്ദു വിശ്വാസികള് പിണറായി വിജയനെ വിശ്വസിക്കില്ലെന്ന് ബിജെപി സംസ്ഥാന വൈസ് പ്രസിഡന്റ് എ.പി. അബ്ദുള്ളക്കുട്ടി. മുസ്ലിം പ്രീണനം കൊണ്ട് അകന്നുപൊയ്ക്കൊണ്ടിരിക്കുന്ന ഹിന്ദുക്കളെ പാര്ട്ടിയില് നിലനിര്ത്താനുള്ള അവസാന അടവാണ് പിണറായിയുടെ അയ്യപ്പസംഗമമെന്നും പറഞ്ഞു. ഭൂരിപക്ഷം ഹിന്ദുക്കളും സിപിഐഎം വിട്ടുകൊണ്ടിരിക്കുകയാണ്. അത് മനസിലാക്കിയാണ് പിണറായി വിജയന് ആഗോള അയ്യപ്പ സംഗമവുമായി മുന്നോട്ടുവന്നിരിക്കുന്നത്. ശബരിമല ആചാരങ്ങള്ക്ക് എതിരെ പിണറായി വിജയന് നിന്ദ്യമായ പ്രവര്ത്തികളാണ് നടത്തിയത്. അയ്യപ്പ സംഗമം ഹിന്ദു വിശ്വാസികളെ വിഡ്ഢികളാക്കാനുള്ള പിണറായി വിജയന്റെ വ്യാമോഹമാണെന്ന് പറഞ്ഞു. ഇനി ശരണമയ്യപ്പാ എന്ന് പിണറായി വിളിച്ചിട്ടും കാര്യമില്ല. രഹ്ന ഫാത്തിമയേയും ബിന്ദു അമ്മിണിയേയും പോലെയുള്ളവരെ ശബരിമലയില് കയറ്റി എല്ഡിഎഫ് സര്ക്കാര് ഹിന്ദു വിശ്വാസികളെ അപമാനിക്കുകയാണ് ചെയ്തതെന്നും അബ്ദുള്ളക്കുട്ടി പറഞ്ഞു. ‘മിസ്റ്റര് പിണറായി, ദൈവനിഷേധികളായ നിങ്ങള്ക്ക് ഇതിലൊക്കെ എന്ത് കാര്യം’ എന്നും അബ്ദുള്ളക്കുട്ടി ചോദിച്ചു. നേരത്തേ ആഗോള അയ്യപ്പ സംഗമത്തിനെതിരെ…
Read More »